تعيين أ/ عمرو خالد وزير للشباب أرجو دخول الجميع [الأرشيف]

ammar for ever

16-02-2011, 07:09 PM

أولا أشكر كل من شارك برأيه واختلاف الرأي لا يفسد للود قضية لكن أنا عاوز ارد على الاستاذ احمد القرني :
أ/ عمرو خالد لم يقل ان النبي صلى الله عليه وسلم فاشل بل قال ان محاولة الطائف فشلت وهناك فرق شاسع بين العبارتين وارجو من حضرتك مشاهدة هذا الفيديو (http://www.youtube.com/watch?v=v6dxBXeKVP4&feature=related).
وأعتقد انه افضل شخص لتولي هذا المنصب فهو يستطيع التعامل مع الشباب ولديه الكثير من الافكار التي تستغل طاقة الشباب في اتجاه نهضة مصر

أستاذ/شفيق الأخضر

16-02-2011, 08:06 PM

Radwa Ellebody

16-02-2011, 08:08 PM

موافقة و على بركة الله

اللهم ولي أمورنا خيارنا

**Hagora**

16-02-2011, 08:16 PM

يارييييت والله
ده سكر
ربنا يحميه يارب

kokomarmar

16-02-2011, 08:17 PM

لا طبعاا لان اتجاهة دينى فهو لا يمثل جميع اطياف الشعب
اعتقد ان وزير الشاب لازم يكون شاب ويمارس الرياضة وليس لة اتجاة معين

ابو ضيف 15

16-02-2011, 08:20 PM

صراحة خطوة جيدة لتعينه وزيرا للشباب

ابو كريمان

16-02-2011, 08:26 PM

ان بشكر اللى اقترح الاستاذ عمرو خالد وكل اللى شاركوا
وبشكر كتيرررررررررررررررررررررر كل اللى تفاعل مع الموضوع بايجابيه وبشكر اللى لم يهتم بالامر
يا ريت ناخد بالنا اننا اتغيرنا فعلا وبدانا نشوف مين اللى يناسبنا ومين اللى مش يناسبنا ودا كويس

ammar for ever

16-02-2011, 08:28 PM

لالالالالالالالالالالالالالالالالالالالالالالالالا لالالالالالالالالالالالالالالالالا
نريد وجوه جديدة شابة
ليس لها اي تيارات مهما كانت
مع احترمنا الشديد للأستاذ / عمرو خالد
وما يقدمه للشباب ولكن العمل في اطار منظمات له ناسه

لكم كل التقدير

موافقة و على بركة الله

اللهم ولي أمورنا خيارنا

يارييييت والله
ده سكر
ربنا يحميه يارب

لا طبعاا لان اتجاهة دينى فهو لا يمثل جميع اطياف الشعب
اعتقد ان وزير الشاب لازم يكون شاب ويمارس الرياضة وليس لة اتجاة معين

صراحة خطوة جيدة لتعينه وزيرا للشباب

ان بشكر اللى اقترح الاستاذ عمرو خالد وكل اللى شاركوا
وبشكر كتيرررررررررررررررررررررر كل اللى تفاعل مع الموضوع بايجابيه وبشكر اللى لم يهتم بالامر
يا ريت ناخد بالنا اننا اتغيرنا فعلا وبدانا نشوف مين اللى يناسبنا ومين اللى مش يناسبنا ودا كويس

أسعدني مروركم ومشاركاتكم الطيبة رغم اختلاف أرائكم

إليزابيث

16-02-2011, 08:29 PM

طبعا المفروض يختاروا عمرو خالد أو غيره من الدعاة الشباب لإن شبابنا ينقصهم الإيمان

ابو كريمان

16-02-2011, 08:30 PM

اخوانى :
انا برشح نفسى لاكون وزير شباب ايه رايكم
المؤهلات:
شاب مصرى 28 سنه
صعيدى
شغال بالعقد
اعرف مشاكل الشباب وهمومه
وهى متمثله ى المشاكل اللى انا اعيشها وانتم كمان
عايز تعليم مناسب فعال متكافىء
وظيفه او فرصه عمل
عيشه كريمه
عروسه
اسره صغيره
حياه كويسه
انا بعرض خدماتى محدش قال موافق

ammar for ever

16-02-2011, 08:34 PM

طبعا المفروض يختاروا عمرو خالد أو غيره من الدعاة الشباب لإن شبابنا ينقصهم الإيمان

عندك حق الشباب ينقصهم القدوة الصالحة التي ترشدهم الى طريق الحق والصواب بالاضافة الى استغلال قدراتهم
فيما يعود على وطننا مصر بالنفع

إليزابيث

16-02-2011, 08:35 PM

لا طبعاا لان اتجاهة دينى فهو لا يمثل جميع اطياف الشعب
اعتقد ان وزير الشاب لازم يكون شاب ويمارس الرياضة وليس لة اتجاة معين
حضرتك ما هو ده المفروض ولا ده عيب أن يكون اتجاهه ديني
ثانيا هو شاب مش حضرتك بتقول لازم يكون شاب
ثالثا انت مين قالق انه مبيمارسش رياضة هو حضرتك عشت معاه
رابعا ان ماكنلهوش اتجاه معين احنا مكناش هنكتب الصفحة ديه لإنه هيبقى مجهول بالمرة ولايستحق هذه الوظيفة
خامسا اختلاف الرأي لايفسد للود قضية

إليزابيث

16-02-2011, 08:36 PM

إليزابيث

16-02-2011, 08:38 PM

عندك حق الشباب ينقصهم القدوة الصالحة التي ترشدهم الى طريق الحق والصواب بالاضافة الى استغلال قدراتهم
فيما يعود على وطننا مصر بالنفع

صح أهو انت جبت المفيد ومش شبابنا بس ده كل الشعب

abdelmonemrefaey

16-02-2011, 08:40 PM

موافق طبعا علي اول واحد حاول بجد يغير في البلد بالرغم من كل الظروف والصعاب اللي واجهته لكن قدر يوصل صوته بشكل نظري وعملي ويجمع كل الناس حواليه وعلي فكره ا/ عمرو خالد الوحيد الذي ربط الدنيا والدين بشكل عملي ممتاز انا موافق علي هذه الفكره

ammar for ever

16-02-2011, 08:42 PM

Haneen_Riri

16-02-2011, 08:45 PM

اختيار موفق جدا وهو يستحق المنصب ده عن جداره
بجد الله ينور عليك

ammar for ever

16-02-2011, 08:56 PM

اختيار موفق جدا وهو يستحق المنصب ده عن جداره
بجد الله ينور عليك

أسعدتني مشاركتك :)

هويدا ابراهيم

16-02-2011, 10:38 PM

مبحبهوش خالص لانة انسان وصولى

منى عمر عبد العزيز

16-02-2011, 10:42 PM

انا لا ارتاح لهذا الشخص على الاطلاق ، وارجو ان يترك الشباب فى حالهم ولا يحقق أغراضه على حسابهم

د أحمد السيد

16-02-2011, 10:58 PM

لا تعليق لأن أ . عمرو خالد يحتاج الكثير من مراجعة النفس وضبط الذات فهو صرح بأنه لم ولن يفتي ثم تعرض لافتاء

~: Zac :~

16-02-2011, 11:08 PM

انا موافق لان حاليا مفيش شخصية معروفة جديرة بالمنصب اكتر منه ... هو اكتر شخص دلوقتي يقدر يتعامل مع الشباب ويطور مجال الرعاية والاهتمام بالشباب لان دا هو اللي بينادي بيه وبيشتغل عليه من زمان .. وتوجهه مش ديني ... هو توجهه تنمية اجتماعية على اساس ديني .. ودا يفرق كتير عن الاتجاه الديني ... اعتقد انه هيكون مناسب جدا للمنصب دا بس ف نفس الوقت اعتقد انه احتمال ضعيف المنصب يعرض عليه وصعب انه يقبل بالمنصب دا لو اتعرض عليه ..

مصر الكنانة

16-02-2011, 11:13 PM

موافق فهو يصلح فى هذه الوظيفه لكن الافتاء له رجاله وهم العلماء

~: Zac :~

16-02-2011, 11:15 PM

رد لكل الناس اللي اتهموه يصورة خاطئة ... : من حقكم تقولو لا مش عاوزينه دا عادي .. بس ماينفعش نتهمه بحاجات مش حقيقية ... واللي عاوز يتأكد من حاجة حقيقية ولا لا هايعرف يتأكد ... بلاش بقى طريقة التفكير والكلام دي يا جماعة عاوزين نتقي الله ونتغير ... وبعدين خلونا موضوعيين شوية .. صاحب الموضوع بيقول منصب وزير الشباب .. مش مفتي الجمهورية ولا شيخ الازهر ... يعني الحكم على الراجل يكون من خلال قدرته على تولي المنصب دا ... ولو فكرنا كده هنلاقيه مناسب جدا ... مالناش دعوة باراءه ف اي حاجة تانية بقى !!! مهو طبيعي اي حد بيمسك منصب بيكون ليه اراء ف كل المجالات وطبيعي تختلف مع الناس .. بس المهم يكون ف المجال اللي هوا مسؤول عنه يرضي جميع الاطراف ... ودا اعتقد انه هايحصل لو الاستاذ عمرو خالد بقى ف المنصب دا ... وشكرا للجميع وربنا يوفقنا ويوفق البلد للي فيه الخير ....:)

Mohamed.Helmy

17-02-2011, 12:09 AM

أوافــــق بشـــده ...

أنــا من زمـــان و نفسي ده يحصـــل ...

الرجــل المنـــاسب فى المكــــان المنــاسب ...

و الله لو مسكهــا بفضــل الله هيعمــل حاجات كتيـــرة جدا ...

لانه فعـــلا حملاته بينضم ليها شباب كتيــرة و بتحقق نجاحات كبيرة و هو لسه شخص عادي ..

فبالك بقى لو وزير و ليه ميزانية أكيد هيعمل حاجات كتيرة جدا ...

و فى النهاية دي وجهة نظري الشخصية ..

تقبلوا مروري ^_^ "

مارسين

17-02-2011, 12:36 AM

القدوه الصالحه لابد ان تكون موجوده ولكن الوزير من المفروض ان لا يكون ليس له ميول لاحد الاديان
مع احترمنا و تقديرنا الى ا/عمرو خالد

مستر/ عصام الجاويش

17-02-2011, 01:27 AM

لا طبعاا لان اتجاهة دينى فهو لا يمثل جميع اطياف الشعب
اعتقد ان وزير الشاب لازم يكون شاب ويمارس الرياضة وليس لة اتجاة معين
والله؟
هو ده عيب ؟
فين بقى الشعب ده اللى بيكره الدين؟ لو انت مش متدين انت حر لكن شعب مصر متدين 90% مسلمين و 10% مسيحين والمسلم والمسيحى متدين
هو احنا هنطرد اى شخص من الحكم عشان متدين؟ ده يبقى مصر خربت بقى على كده
الديمقراطيه بتقول حكم الشعب بالشعب لصالح الشعب والانتخابات هى التى ستحدد وابشرك اى انتخابات حره لن يفوز فيها الا المتدين سواء كان مسلم او مسيحى. يعنى مثلا لو احد القساوسه دخل الانتخابات كل المسيحيين سينتخبوه لانهم متدينين ويحبون من يمثل دينهم وهذا شيئ ايجابى ومشرف ولو مسلم متدين دخل الانتخابات سينتخبه كل المتدينين من المسلمين وهم الاغلبيه بكل ثقه اما الغير ملتزمين دينيا فهم قله من المسلمين وقله ايضا من المسيحين وانا لى اصدقاء مسيحيين واعرف ان المسيحى الغير متدين يكاد لاتجده فى مصر

مستر/ عصام الجاويش

17-02-2011, 01:43 AM

القدوه الصالحه لابد ان تكون موجوده ولكن الوزير من المفروض ان لا يكون ليس له ميول لاحد الاديان
مع احترمنا و تقديرنا الى ا/عمرو خالد
الكلام اللى حضرتك بتقوله ده خطير جدا
حضرتك ازاى مسلم وقرأت القرآن وبتقول كده ؟
يعنى نجيب وزبر بوزى ولا وزير بيعبد البقر عشان خاطر مايكونش منحاز؟ ومن قال لك ان الوزير المسلم هيظلم المسيحى او الوزير المسيحى هيظلم المسلم؟ الكلام ده غريب جدا
الانسان لابد ان يكون معتز بدينه. بصراحه هذا الفكر مقلق جدا يعنى انتوا عاوزين مصر تتخلى عن الاسلام فجأه والله يا اخى نحن قوم لانصلح الا بدين والدين هو القوه الدافعه للانسان لاصلاح المجتمع وكمان الناس التى ترفض الحكم بما انزل الله هؤلاء ناسين ان هذا رفض لكلام الله سبحانه وتعالى الذى خلقنا واعلم بما يصلح لنا لالمن يقول لانريد دوله تحكم بشرع الله . شرع الله هو الذى يحمى هذا المجتمع من الاعداء يا اخى اليهود بيعتزوا بدينهم وهناك احزاب قائمه اساسا على الدين هناك وفى المانيا وغيرها احزاب قائمه على اساس الديانه المسيحيه لماذا لم يعترض المجتمع الدولى؟ اشمعنى بقى الاسلام؟ عارف ليه ؟ لان هناك طابور خامس فى الدول الاسلاميه عملاء للغرب

ammar for ever

17-02-2011, 01:44 AM

أشكركم جميعا على مشاركاتكم

ammar for ever

17-02-2011, 01:48 AM

والله؟
هو ده عيب ؟
فين بقى الشعب ده اللى بيكره الدين؟ لو انت مش متدين انت حر لكن شعب مصر متدين 90% مسلمين و 10% مسيحين والمسلم والمسيحى متدين
هو احنا هنطرد اى شخص من الحكم عشان متدين؟ ده يبقى مصر خربت بقى على كده
الديمقراطيه بتقول حكم الشعب بالشعب لصالح الشعب والانتخابات هى التى ستحدد وابشرك اى انتخابات حره لن يفوز فيها الا المتدين سواء كان مسلم او مسيحى. يعنى مثلا لو احد القساوسه دخل الانتخابات كل المسيحيين سينتخبوه لانهم متدينين ويحبون من يمثل دينهم وهذا شيئ ايجابى ومشرف ولو مسلم متدين دخل الانتخابات سينتخبه كل المتدينين من المسلمين وهم الاغلبيه بكل ثقه اما الغير ملتزمين دينيا فهم قله من المسلمين وقله ايضا من المسيحين وانا لى اصدقاء مسيحيين واعرف ان المسيحى الغير متدين يكاد لاتجده فى مصر

الكلام اللى حضرتك بتقوله ده خطير جدا
حضرتك ازاى مسلم وقرأت القرآن وبتقول كده ؟
يعنى نجيب وزبر بوزى ولا وزير بيعبد البقر عشان خاطر مايكونش منحاز؟ ومن قال لك ان الوزير المسلم هيظلم المسيحى او الوزير المسيحى هيظلم المسلم؟ الكلام ده غريب جدا
الانسان لابد ان يكون معتز بدينه. بصراحه هذا الفكر مقلق جدا يعنى انتوا عاوزين مصر تتخلى عن الاسلام فجأه والله يا اخى نحن قوم لانصلح الا بدين والدين هو القوه الدافعه للانسان لاصلاح المجتمع وكمان الناس التى ترفض الحكم بما انزل الله هؤلاء ناسين ان هذا رفض لكلام الله سبحانه وتعالى الذى خلقنا واعلم بما يصلح لنا لالمن يقول لانريد دوله تحكم بشرع الله . شرع الله هو الذى يحمى هذا المجتمع من الاعداء يا اخى اليهود بيعتزوا بدينهم وهناك احزاب قائمه اساسا على الدين هناك وفى المانيا وغيرها احزاب قائمه على اساس الديانه المسيحيه لماذا لم يعترض المجتمع الدولى؟ اشمعنى بقى الاسلام؟ عارف ليه ؟ لان هناك طابور خامس فى الدول الاسلاميه عملاء للغرب

لك جزيل الشكر أ/عصام على كلامك الرائع ومش عارف هما معترضين ان راجل متدين يمسك منصب ليه وهو احق شخص بالمنصب ده لانه اثبت قدرة وكفائة في طريقة التعامل مع الشباب ولديه الكثير من الافكار التي توجه جهود الشباب لنهضة مصر

droos

17-02-2011, 01:53 AM

نعممممممممممممممم ..فجهوده للشباب ومعهم معروووفة للجميع

ابراهيم فليفل

17-02-2011, 03:22 AM

لا والف لا
لاختيار الفاشل لوزارة الشباب
استمعوا لهذا الفيديو
للاسف لم استطع تحميل الفيديو لان حجمة كبير
بس ممكن اى حد منكم يبحث على النت عن فضائح ومصائب الفاشل و اكيد حيشوف فيديو كتير
وده رابط منها
http://www.youtube.com/watch?v=t3o0W2UOCX8

رابط اخر
http://www.youtube.com/watch?v=lvJghgkYIB0&feature=related

~: Zac :~

17-02-2011, 04:03 AM

ابراهيم ... ماتحكمش على شئ من غير ماتفهمه صح .. :)

Mohamed.Helmy

17-02-2011, 04:12 AM

يااااااااااه لسه هنرجع لموضوع محمد حسان و عمرو خالد .... يا جماعة بلاش تضحكوا حد علينـــا ...

و زي ما قال الاخ العزيز z a c ياريت منحكمش على الحاجة و خلاص من غير مانفهمها ...

Mohamed.Helmy

17-02-2011, 04:33 AM

samar saad

17-02-2011, 04:51 AM

يا جمـــاعة وزير الشباب المفروض يكون رياضي و ليه علاقة قوية بالشباب و يقدر يتواصل معاهم بالافكار علشان يعمل حاجة للبلد صح ؟؟

طيب ماهو الدكتور عمرو خالد رياضي جدا و أساسا من غير مايكون وزير و هو علاقته بالشباب كده و حملاته محققة أعلى نجاحات .. طيب ليه ميكونش وزير طالما هو كده ؟؟

و الاخ اللي بيقول المفروض الوزير ميكونش ليه ميول دينية .... و الله مش عارف أضحك حتي ...
بس نبسطها .. لو ملهوش ميول دينية يبقى ليه ميول شخصية و ده أسوأ بكثير ..

و لو كان الوزير مسيحي متدين أو مسلم متدين هيبقى فاهم تعالم دينه كويس و مش هيظلم حد .. يبقى تدين الوزير وحش كده ؟؟

و بعدين بلاش نتكلم على الرجل كلام مش كويس لانه مقالش انا عاوز أبقى وزير ده مجرد توبيك أحد الاخوة الاعضاء عاملينه و عاملين جروب على الفيس بوك .. ومين اللى عامله ؟؟ الشباب مش حد تاني يبقى الشباب يختاروا وزيرهم اللى عايزينه ..

تقبلوا مروري

والله عين العقل يا حلمى
صحيح ليه بنحكم على الراجل ده ناس بتقترح مجرد اقتراح
عارفين احنا حاليا بجد بنمر بمشكلة فظيعه كل واحد عايز يقول رأيه وخلاص واحزاب بقا واعتصامات وكله عايز كل حاجه فى وقت واحد لذلك مش قادرين نقفل على االلى حصل ونبدأ من جديد لو سمعنا بعض وحددنا هدفنا كل ده هيعدى بأذن الله وكله هياخد حقه وتتحقق مطالبه لكن الفوضى دى بجد هتخلينا محلك سر ولا اى شىء بيتنفذ حرام بجد التشتت ده

Mohamed.Helmy

17-02-2011, 04:56 AM

والله عين العقل يا حلمى
صحيح ليه بنحكم على الراجل ده ناس بتقترح مجرد اقتراح
عارفين احنا حاليا بجد بنمر بمشكلة فظيعه كل واحد عايز يقول رأيه وخلاص واحزاب بقا واعتصامات وكله عايز كل حاجه فى وقت واحد لذلك مش قادرين نقفل على االلى حصل ونبدأ من جديد لو سمعنا بعض وحددنا هدفنا كل ده هيعدى بأذن الله وكله هياخد حقه وتتحقق مطالبه لكن الفوضى دى بجد هتخلينا محلك سر ولا اى شىء بيتنفذ حرام بجد التشتت ده

اه و الله يا سمر .. و ده اللى كنت خايف منه بجد .....
أحنا قدامنا أختيارين .. يا نهدأ شوية و نشوف كل حاجة بالهداوة و نحل كل حاجة مع بعض علشان نعمل مستقبل بجد

يا أما نستمر فى اللى أحنا فيه ده و هتبقى نهايته لاقدر الله ان البلد هتضيع و ان شاء الله ده ميحصلش ...

فانا بتمنى ان الناس دي كلها تهدف لحاجة واحدة و تهدأ عن كده علشان المرحلة دي تعدي بسلام ..

ammar for ever

17-02-2011, 05:02 AM

يا جمـــاعة وزير الشباب المفروض يكون رياضي و ليه علاقة قوية بالشباب و يقدر يتواصل معاهم بالافكار علشان يعمل حاجة للبلد صح ؟؟

طيب ماهو الدكتور عمرو خالد رياضي جدا و أساسا من غير مايكون وزير و هو علاقته بالشباب كده و حملاته محققة أعلى نجاحات .. طيب ليه ميكونش وزير طالما هو كده ؟؟

و الاخ اللي بيقول المفروض الوزير ميكونش ليه ميول دينية .... و الله مش عارف أضحك حتي ...
بس نبسطها .. لو ملهوش ميول دينية يبقى ليه ميول شخصية و ده أسوأ بكثير ..

و لو كان الوزير مسيحي متدين أو مسلم متدين هيبقى فاهم تعالم دينه كويس و مش هيظلم حد .. يبقى تدين الوزير وحش كده ؟؟

و بعدين بلاش نتكلم على الرجل كلام مش كويس لانه مقالش انا عاوز أبقى وزير ده مجرد توبيك أحد الاخوة الاعضاء عاملينه و عاملين جروب على الفيس بوك .. ومين اللى عامله ؟؟ الشباب مش حد تاني يبقى الشباب يختاروا وزيرهم اللى عايزينه ..

تقبلوا مروري

تسلم ايدك يا محمد بجد كلامك رائع
ويا ريت كل واحد يفهم الحاجه اللي هو بيتكلم عليها اول يعني مثلا الاستاذ عمرو خالد مقلش ان الرسول صلى الله عليه وسلم فش زي ما قال بعض الاعضاء وكذلك برده في موضوع الفن هو حلل الفن الاسلامي او الفن اللي يفيد المجتمع وكلامه صحيح لان الفن في حد ذاته مش حرام الحرام هو الفن الذي يكون فيه معصية لله عز وجل

Mohamed.Helmy

17-02-2011, 05:09 AM

تسلم ايدك يا محمد بجد كلامك رائع

ويا ريت كل واحد يفهم الحاجه اللي هو بيتكلم عليها اول يعني مثلا الاستاذ عمرو خالد مقلش ان الرسول صلى الله عليه وسلم فش زي ما قال بعض الاعضاء وكذلك برده في موضوع الفن هو حلل الفن الاسلامي او الفن اللي يفيد المجتمع وكلامه صحيح لان الفن في حد ذاته مش حرام الحرام هو الفن الذي يكون فيه معصية لله عز وجل

بارك الله فيك كلامك ممتاز يا عمار ....

و انا حضرت الفيديو ... عمرو خالد عمره مايقول الرسول فشل ... هو كان قصده يقول للناس ان الواحد لو مر بمحاولة و فشلت يقوم و يخاول تاني و لو حضرت الحلقة كامله هتعرف قصده انه يحمس الشباب
و علشان كده قال (( هو يصح اني أقول ان الرسول مـــر بمحـــــاولة فشلت ؟؟ )) قال محاولة فاشلة لكن ماقالش الرسول فاشل .. استغر الله العظيم

~: Zac :~

17-02-2011, 05:13 AM

انا بجد تعبت من الكلام دا اللي ياما اتكلمت فيه ... ربنا يهدينا بقى بجد نفسي اشوف المصريين ناصحين مابيتضحكش عليهم بسهولة كده !!

Mohamed.Helmy

17-02-2011, 05:16 AM

انا بجد تعبت من الكلام دا اللي ياما اتكلمت فيه ... ربنا يهدينا بقى بجد نفسي اشوف المصريين ناصحين مابيتضحكش عليهم بسهولة كده !!

معلش ..بس انت بتأيد كلامي ولا بتعارضني ؟؟

أنا نفسي برضه كلنا نبقا واعين و منمشي ورا أى حاجة و خلاص ..

~: Zac :~

17-02-2011, 05:23 AM

بأيد كلامك طبعا ..

انا من كتر ما عندي كلام نفسي اقوله مش عارف اقول ايه ... بس بجد ربنا يهدينا ونتغير بجد ونتقي الله ف نفسنا وف غيرنا وف بلدنا

weela

17-02-2011, 12:02 PM

جعلك الله زخرا لمصر وشبابها

محمد السيد غريب

17-02-2011, 03:04 PM

لايغير الله مابقوم حتى يغيروا ما بأنفسهم

semsmaali

17-02-2011, 03:05 PM

بجد ياريت دة يحصل

sakr korish

17-02-2011, 03:15 PM

فلنجعلها بداية حقيقية للتغيير إلى الأفضل بعون الله ما أجملها من ثورة غيرت من السلبية المفرطة التى كنا نعيشها

أمين120

17-02-2011, 03:23 PM

أن موافق بس صعبان عليا الدكتور عم خالد لأن هيجى الوقت اتلذى يسب فيه ويهدر دمه على أهيف سبب لأن كل إنسا ينظر إلى نفسه فقط لا ينظر غلى أمر العامة وإذا لم تحقق طلباته ينقلب على الذى أمامه ولذلك أفضل أن يشغل الدكتور عمر خالد منصب المستشار الدينى لوزير الشباب وليس وزيرا للشباب وهذا رأيى وربما اكون مخطئا

amira elnaggar

17-02-2011, 04:48 PM

انا مع عمرو خالد وزير الشباب

امنيه المصرى

17-02-2011, 05:24 PM

اقول للاخوه اللى بيهاجموا الاستاذ عمرو خالد : انصر اخاك وطبعا هم فاهمين قصدى
الاتجاه الان عند البعض الى اقصاء كل من يقول لا اله الا الله محمد رسول الله وهذا دمار على مصر هذا الشعب كما قال الاستاذ عصام لايصلح الا بدين ليس هذا وقت الخلافات على الفرعيات وبعدين بنقول للاخ المسيحى اللى بيقول ان عمرو خالد مش ينفع ليه مش قلت كده على يوسف بطرس غالى؟ ولا هو حلال ليكم وحرام على المسلمين وهم اغلبيه هذا البلد 90%؟ ارجو ان نتكلم بشكل واقعى. يا اخى انتم اقليه واخده كامل حقوقها مفيش اقليه مسلمه فى بلد مسيحى بتتعامل زيكم واتحدى. وشوف الشيشان والبوسنه والهرسك واللى بيتعمل فيهم على يد المسيحيين فى اوروبا وانا والله حاسس انكم لو وصلتوا الحكم وهذا ماتريدونه انكم هتعملوا فينا كده انتم بتعتبروا ان مصر بلدكم لوحدكم بالرغم من انكم 10% فقط من السكان بصراحه انا لم اكن اريد التحدث بهذا الشكل لكن كلامكم ده مستفز بصراحه ونرجو ان نكون شركاء فى الوطن وليس اعداء ولكم دينكم ولى دين

اميمة طه

17-02-2011, 06:22 PM

لا اوافق ..... لانه سيظل يحمل صفات الداعية و قد يودى عمله بها الى فتنه لا يمكن تداركها فالافضل اختيار شخصية عادية يعرف عنها الالتزام والنزاهة

امنيه المصرى

17-02-2011, 10:21 PM

لا اوافق ..... لانه سيظل يحمل صفات الداعية و قد يودى عمله بها الى فتنه لا يمكن تداركها فالافضل اختيار شخصية عادية يعرف عنها الالتزام والنزاهة
لا اوافقك تماما فيما قلتيه. الدعاه هم اكثر الناس حرصا على هذا الوطن
لماذا هذا الاصرار على تهميش الدعاه والملتزمين دينيا لابارك الله فى ثوره تأتى الينا بالعلمانيين وهم شرار الخلق لان ليس هناك اشر من انسان يرفض دينه ويفضل عليه زبالات الافكار من هنا وهناك اكرر ماقاله مستر عصام اننا قوم لانصلح الا بدين ديننا اعز علينا من انفسنا ياناس

miss_me21

18-02-2011, 12:31 AM

وااااااااااااااافقه جداااا

افضل ما يمثل الشباب واكثر تاثيرا فيهم هو وفى استجابه كبيره جدا من الشباب

LoOoLy El Treikawya

18-02-2011, 12:48 AM

مع احترامى عمرو خالد دة اللى رجع مصر اثناء انتخابات مجلس الشعب يعمل خطبة فى الناس تحت اسم واحد مرشح من الحزب الوثنى كدعايا ليه بعد ماكانو نفيينه برة مصر

يعنى هو لو كان صبر كان رجع معزز وكنت هقول اوافق بس بعد ما ظهر انه منافق هقول لا اواااااااااافق لالالالالا اوافق

وبجد الاسلام برئ من افعاله

LoOoLy El Treikawya

18-02-2011, 12:50 AM

انا كنت بحب عمرو خالد أو بمعنى أصح كنت مخدوعة فيه

LoOoLy El Treikawya

18-02-2011, 01:09 AM

لو عاوزين حد يستحق انه يمثل شباب مصر يبقى وائل غنيم طبعا

عمرو خالد دلوقتى عاوز يفهمنا انه كان منفى مقدرش يرجع الا بعد الثورة:

عمرو خالد رجع تبع الحزب الوطنى المزور:
http://www.youtube.com/watch?v=75zFWE3TnQY

عمرو خالد باع المكان اللى اتربى فيه:
http://www.youtube.com/watch?v=YPVrEEFPGmo

اسد السنه

18-02-2011, 01:20 AM

myth myth

18-02-2011, 02:30 AM

انا شايف اننا بالغنا في الكلام في السياسة بدليل اننا طلبنا من الجيش التدخل وعندما تدخل بدأنا نفرض عليه ماذا يجب ان يفعل والاولي ان نحافظ علي ثورتنا بان ننتظر الانتخابات النزيههه لنفرض ارادتنا اما ما يحدث الان فهو اكبر دليل على اننا نخشلى الا تتكرر ثورتنا مرة ثانية
هذا مجرد رأي ويا رب مطلعش خاين وعميل للنظام السابق

ابراهيم فليفل

18-02-2011, 03:28 AM

ابراهيم ... ماتحكمش على شئ من غير ماتفهمه صح .. :)
الاخ العزيز
انت تتهمنى بعدم الفهم للموضوع ولكن انا لدى فيديو اكثر من 2 جيجا وكله توضح حقيقة الفاشل وليس المقطع الذى تشير اليه
فكثير ما انتقده اهل السنة
حتى الاخوان اخيرا انتقدوه بعد وقوفه بجانب الحزب الوطنى فى الانتخابات الاخيرة فهو على كل لون
يتلون حسب الظروف و حسب المصالح
واليك الرابط الذى اضافه احد الزملاء فى تعليقة
http://www.youtube.com/watch?v=75zFWE3TnQY

http://www.youtube.com/watch?v=YPVrEEFPGmo&feature=related
والله الموفق

اشرف الباجورى

18-02-2011, 03:40 AM

اوافق عليه بشده اللهم وفق الجميع لما فيه الخير لبلدنا الحبيب مصر.

اميمة طه

18-02-2011, 09:39 AM

لا اوافقك تماما فيما قلتيه. الدعاه هم اكثر الناس حرصا على هذا الوطن
لماذا هذا الاصرار على تهميش الدعاه والملتزمين دينيا لابارك الله فى ثوره تأتى الينا بالعلمانيين وهم شرار الخلق لان ليس هناك اشر من انسان يرفض دينه ويفضل عليه زبالات الافكار من هنا وهناك اكرر ماقاله مستر عصام اننا قوم لانصلح الا بدين ديننا اعز علينا من انفسنا ياناس

لا حول ولا قوة الا بالله ... حضرتك ازاى قدرتى تقولى الكلام ده ... يعنى ايه انسان يرفض دينه ..هل طالبت باحد البهائيين مثلا لتولى المنصب ... والسبب اللى قلت عليه لان مصر تحتوى على ديانات اخرى فالافضل حتى لا نعطى فرصة لغير المسلمين للتشكيك فى دعواته بالاصلاح داخل مؤسسات وزارة الشباب . وان كان ممكن دوره فى غير هذا الموقع يكون افضل .بالاضافة ان فى ناس كتير اقدر منه .. فمثلا لو على سبيل الفرض ما الضرر من اختيار شخصية عامة مثل احد العلماء الملتزمين دينيا .... هل يمنع ؟؟ ويظل هو فى طريق الدعوة . ولا يعنى تعصبك لشخصه هو فرض على بقية الاعضاء تنفيذه . فما رايك مثلا : الدكتور على جمعة ؟؟ هل لا يصلح وان كان مفتى الديار المصرية . وان تقارب السن بينهم لو نظرتى من ناحية السن ؟؟ وانا قلت من يتسم بالنزاهة والشرف يا ريت حضرتك تبقى تقرئى الرد كويس منعا للتداخل والفهم الخاطئ .

ابوسماءواحمد

18-02-2011, 10:51 AM

اوافق على تعيين ا/عمرو خالد وزيرا للشباب واقترح الدكتور ممدوح حمزة وزيرا للاسكان

blackcat.13

18-02-2011, 10:53 AM

فكره كويسه لانه صراحه بيعرف يلم الشباب حواليه

سنا مصر

18-02-2011, 10:53 AM

مارأى اعضاء المنتدى طرح قائمه من الشخصيات العامه التى يمكن ان تتولى الوزارات المختلفه وياريت كل واحد يرشح من المجال الذى يعمل فيه. انا ارشح الدكتور احمد الجويلى لتشكيل وزاره جديده لان الراجل ده فعلا وطنى بجد واتمنى ان يكون وزير التعليم احد اساتذه كليه التربيه الوطنين لانكم تعرفون طبعا المناصب فى عهد مبارك كانت على اساس الانتماء لمبارك وليس لمصر وكان امن الدوله هو المتحكم فى كل شيئ مصر

لا أوافقك أبداً على هذا الاقتراح ، ولا على اقتراح عمرو خالد ، فيه ناس كتير فى الظل ما نعرفش عنهم حاجة لكنهم قد يكونون الأصلح ، وصاحب الاختيار أكيد عارفهم ، ياريت ما ناخدش بالمظاهر ، وإلا يبقى الشباب أقدر حد قادر على تولى الوزارة لإنهم أكتر ناس حاسين بمشاكله ، بس الوزارة مش مشاكل فقط ، لأ فيه أفق أعلى واتجاهات أخرى إحنا مش مدركينها كلها وقد يكون شخص آخر مدركها ، ياريت ننتظر بقى ايه اللى هيحصل ، بدل ما احنا فى حالة عدم الاستقرار هذه ، وبلاها زيادة البلبلة فى البلد ، وأكيد مهما تجمع رأى الكثير على الموافقة على شخص ، سيكون هناك الكثير غير موافق ، مش ممكن أرضى جميع الناس ، لذا فأتمنى ترك العيش لخبازه ، وإلا هأبدأ من اليوم الدعوة لترشيحى رئيسة للوزراء " بلاش رئيسة للجمهورية" وانتوا أحرار !!!!!!!!!!!!!!!!!!!!!!!!!!!!!!!

H.H.KH

18-02-2011, 04:02 PM

اه والله نفسي يتعين لأنه راجل محترم ومش عارفة اللى معارضينه دول معارضينه ليه عشان متدين ؟؟؟؟؟؟؟؟؟؟ماهو الدين هو اللى هيخلينا كويسين والله الشعب ده غريب(بعضه طبعا مش كله) عايزين حد مش متدين ما للى قبله كانوا مش متدينين عملوا ايه يعنى؟؟؟؟؟؟؟؟؟ سرقوا البلد ونهبوها .........وبعدين اللى قال انه تخلى عن وطنه هو ماتخلاش ده مبارك هو اللى منعه من دخول مصر

modyomran

18-02-2011, 04:09 PM

انا شايف انه يكون وزير اعلام فهو يحب الاعلام والشو ويسيبه من الافتاء بدون علم او يكون محلل كورة

عاشقة تراب أم الدنيا

18-02-2011, 04:17 PM

اممممم الاقتراح جمييل

وهو فعلا هيكون كويس

بس ممكن يكون فى غيره يستحق أكترر ()()!!!

H.H.KH

18-02-2011, 04:44 PM

انا شايف انه يكون وزير اعلام فهو يحب الاعلام والشو ويسيبه من الافتاء بدون علم او يكون محلل كورة

متيألى حضرتك كدة بتتريق عليه وميصحش اسلوب السخرية ده لراجل محترم زيه........

mokh2010

18-02-2011, 04:54 PM

modyomran

18-02-2011, 04:59 PM

متيألى حضرتك كدة بتتريق عليه وميصحش اسلوب السخرية ده لراجل محترم زيه........

علي فكرة دا رأيي فيه مش انتو بتنادوا بحرية الرأي انا لا أسبه ولا أتعرض له في شخصه ولكن أري انه يحب الظهور الاعلامي وليس مؤهل للفتوي ( أنا لم أقل انه غير محترم)

Dr. Hoda Ahmed

18-02-2011, 05:45 PM

بالنسبة للتغيير وبعيدا عن اخطاءة اكيد اوافق هو من سيسعى لمصلحة الشباب ويتقى الله

لانه من الان ويعمل من اجلهم فما بالنا عندما يتولى امرنا

اكيد ربنا يوفقه ويوفقنا

ammar for ever

18-02-2011, 05:48 PM

[quote]
اليس عمرو خالد هو الذى اتهم سيد الخلق وحبيب الحق بالفشل فى رحلة الطائف يا اخونى لابد ان نعى الدرس جيدا كل من يتحدث ان عمرو هذا يصلح ان يكون وزيرا لا ومليار لا ولو حدث فهذه هى الغمة
[/مصرى وبحب مصر حتى النخاع]

أعتقد ان انا رديت على الموضوع ده كتير ومش هعيد الكلام تاني وحضرتك تقدر تبحث عن الموضوع ده وهتعرف ان حضرتك غلطان وارجو من المعترضين يرشحوا حد افضل منه في التعامل مع الشباب

Dr. Hoda Ahmed

18-02-2011, 06:59 PM

يصلح اكيد موافقة هو من يسعى دائما لمصلحة الشباب واما كل من يتهمه بغير ذلك تم النقاش فى ذلك كثيرا وفى موضوع للعضو ابناء عائشة وضح فى كل شئ

ولكن لو بالنسبة لمصلحة الشباب فلا يوجد اصلح منه

amira elnaggar

19-02-2011, 12:29 PM

لا اوافق ..... لانه سيظل يحمل صفات الداعية و قد يودى عمله بها الى فتنه لا يمكن تداركها فالافضل اختيار شخصية عادية يعرف عنها الالتزام والنزاهة

هو انة يكون داعية اسلامية وحش

انة يدعوا الناس الى الاسلام ويخليهم متمسكين بدينهم حاجة مش حلوة

جيلان94

19-02-2011, 12:46 PM

نعم اوااااااااااااافق

عزازى العزازى

19-02-2011, 01:14 PM

يا ريت لما نتكلم على واحد علامه مميزه كهذا الرجل نتكلم بكل ادب واحترام

Student05

19-02-2011, 04:59 PM

اؤيدك فهو قادر على توظيف طاقات الشباب

هانى الشرقاوى

19-02-2011, 07:14 PM

غير موافق بالمرة

اميمة طه

20-02-2011, 12:23 PM

هو انة يكون داعية اسلامية وحش

انة يدعوا الناس الى الاسلام ويخليهم متمسكين بدينهم حاجة مش حلوة

لو سمحتى حضرتك بتعلقى على الموضوع ولا رايئ
ثانيا لو فى اتجاه ان داعية اللى يبقى وزير الشباب فاظن ان فى ناس اقدر بكتير من عمرو خالد فبلاش ناخد بالمظاهر ولا عشان لبس ترننج يبقى مع الشباب وجرى لفتين فى التراك يبقى هو ده خلينا فى الجوهر لو سمحتى بلاش المظهر.وهاسال سؤال جوهرى؟؟؟... ليه كل جمهوره من المراهقين ؟؟ ولما بيكبر شوية يبدا يتجه لعلماء فعلا واشخاص اخريين . ده ميلغيش ان له طريقة كويسة فى السرد انما كل مرحلة بما يلائمها واظن ان الشباب مش كلهم مراهقين؟؟؟؟؟ وبعدين لو عنده رغبة حقيقة فى مساعدة الشباب مش هيستنى لما يبقى وزير ممكن يبقى يقدم اقترحات وممكن يبقى مستشار مثلا انما وزير لا .

محمود محمد حسانين

20-02-2011, 12:49 PM

هل درجات الصف الثالث الاعدادى صحيحه على كل المواقع ام لا محمود محمد عبد الرحمان

حاتم مصادف

20-02-2011, 12:52 PM

والله الاستاذ عمر خالد راجل محترم ولكنة قد يخطي احيانا لعدم تعمقة الفقهي بالفقة وعلومة وقياساتة
فنرجوا منة الدعوة الي الله وكلنا داعي ولكن من غير افتاء لان الفتوي لها علمائها

اميمة طه

20-02-2011, 01:02 PM

والله الاستاذ عمر خالد راجل محترم ولكنة قد يخطي احيانا لعدم تعمقة الفقهي بالفقة وعلومة وقياساتة
فنرجوا منة الدعوة الي الله وكلنا داعي ولكن من غير افتاء لان الفتوي لها علمائها

الله يفتح عليك جبت الخلاصة ... اوقات كتيرة الالفاظ بتخونه والاستدلال كمان

زكريا مختار

20-02-2011, 01:08 PM

انا غير موافق
وزارة الشباب دي محتاجة سياي واداري لانها لها ميزانية ولها عمالة ونهج معين

هو ممكن يكون مستشار لوزير الشباب وهي ذلك يكون متميز لقربة من الشباب لكن بدون فتوي لانة ليس اهلا لها

مصرية26

20-02-2011, 04:16 PM

لا أوافق على عمرو خالد كوزير للشباب .لان منصب زى ده مش محتاج كلام وبس .احنا خلاص تعبنا من الكلام محتاجين أفعال.

mr.soliman

20-02-2011, 05:52 PM

موافق طبعا طب ياريت

mr.soliman

20-02-2011, 06:01 PM

امانى هانى

20-02-2011, 06:01 PM

انا اوافق طبعاااااااااااااااااااااا ده انسان كويس جداااااااااااا وكل الشباب بتحبه واسلوبه جميل ومقنع ياريت تعملوا ليه جروب على الفيسبوك لترشيحه

mabed

20-02-2011, 07:20 PM

كل التقدير والاحترام للاستاذ/ عمرو خالد ولكن شغل منصب مثل وزير الشباب سوف يبعد عمرو خالد عن الاهتمام بالشباب لان سوف تكون هناك اهتمامات كثيره بالشباب من حيث الرياضه سوف يهتم بالرمايه والسباحه وركوب الخيل وممكن ان بترك الالعاب الاخري نريد عمرو خالد كما هو ليس في منصب وزير ولكن مواطن عادي جدا
س مهي النتائج التي حققها عمرو خالد في الفتره السابقه ؟
ارجو الاجابه

mabed

20-02-2011, 07:26 PM

كل التقدير والاحترام للاستاذ/ عمرو خالد ولكن شغل منصب مثل وزير الشباب سوف يبعد عمرو خالد عن الاهتمام بالشباب لان سوف تكون هناك اهتمامات كثيره بالشباب من حيث الرياضه سوف يهتم بالرمايه والسباحه وركوب الخيل وممكن ان يترك الالعاب الاخري نريد عمرو خالد كما هو ليس في منصب وزير ولكن مواطن عادي جدا
س ماهي النتائج التي حققها عمرو خالد في الفتره السابقه ؟
ارجو الاجابه

AhmedElromy

20-02-2011, 09:31 PM

أواااااااااااااااااااااااافق وبشــــــــــــــــــــــــــــــــــــــــــــده
بس الاستاذ عمرو خالد شخصية اسلامية وممكن يحصل عليه اعتراضات مش شرط تكون من جوة بس ممكن من بره وهو بصراحة يقدر ينهض بالشباب

Student05

20-02-2011, 09:43 PM

يا جماعة لو عايزين بلدنا تتقدم بلاش نبص على الإعتراضات الخارجية و يجب ان تكون الحكومة حكومة كفاءات حتى ننهض بالوطن فلا يمكن ان نتخلى عن فلان -على الرغم من كفائته المشهود لها و الوطنية والنزاهة - لان امريكا ولا اوروبا مش عايزاه

Student05

20-02-2011, 09:50 PM

ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههه
هههههههههههههههههههههههههههههههههههههههههههههههههه هههههههههههههههه
هنتننا نردد اى كلام وخلاص ياجماعه ايه الى دخل الفتوى فى كلامنا الراجل بيقول وزير للشباب مش مفتى الجمهورية والا معلش شيخ الازهر يبقى هوه رئيس الجمهورية من حقنا نتعترض بس ياريت نعبر عن اللى فى عقلنا مش نردد الى بيقوله الغير يانااااااااااااااااااااااااااااااااااااااااااااااا اس ياهووووووووووووووووووووووووووووووووووووووه عمرو خالد قال ميت مره انا مش مفتى ومبيتكلمش فى الفقه اصلا انا شاكك انكم مش بتسمعوه اصلا

كلامك صحيح 100 بالمية ما دخل وزارة الشباب فى الفتوى و ايضاَ ايه دخل وزارة الشباب فى النشاط الرياضى (بغض النظر انها وزارة الشباب و الرياضة ) هو راجل قادر على توظيف قدرات الشباب و كلنا عارفين ان دول هم من اهم عناصر النهضة
و الراجل كان عنده افكار و كان بيتحارب من النظام و اطرد بره

sweetsky2000

20-02-2011, 10:08 PM

تربوى عايز يتعين

21-02-2011, 01:22 AM

الرجل المناسب فى المكان المناسب

rock girl

21-02-2011, 04:10 AM

لا
أنتوا نسيتك أن عمرو خالد قال على الرسول إيه ، أليس هذا هو الشخص الذى ذكر بأن الرسول عليه الصلاة والسلام فاشل ، أليس هذا هو الشخص الذى ذكر بأن الاغانى حرام ولكن أغانى أم كلثوم مباحة لانها أغانى هادفة .
اتقوا الله فيمن تختاروا أن يمثلكم
سورى حضرتك هو ماقالش على الرسول ص فاشل انل سمعت الحلقة كلها و بكره الناس اللى بتهاجم من غير ما تعرف حاجة ماقصدش حضرتك هو كان عايز يدى للشباب امل فى الحياة و بيقول لهم ان لو فشلتم مرة مش مشكلة لازم نحاول تانى دة حتى قدوتنا العظيمة الرسول ص فشل مرة و اتنين اثناء دعوته للاسلام و لم يفقد الامل مش قال ان الرسول فاشل
كمان هو رجل عظيم
ارجو من كل الناس كل واحد يعرف هو ايه و بيعمل كام حاجة غلط و يصلحها فى نفسه
ياريت عمرو خالد يبقى وزير الشباب على الاقل نضمن واحد محترم ما يسرقش و يقوم بوظيفته على اكمل وجه مع ان هو اصلا مش محتاج الوظيفة دى مش هاتغنى له حاجة ولا ماديا و لا للشهرة و المعرفة
وكمان ياريت لما نتكلم على داعية اسلامى وراجل له خبرة بالتنمية البشرية و مصنف عالميا من قوة التاثير فى الناس انه من اكثر 50 فرد بياثروا فى الناس و دى احصائيات غربية مش انا لسة مالفاها يعنى
وكمان الناس اللى بتقول مش بيمثل كل اطياف المجتمع قصدك يعنى مسلم و مسيحى مين وزير شباب و رياضيات ممكن ييجى يمثل المسلم و المسيحى بعدين هو عنده وعى و قوة تاثير فى الشباب و ها يقوى اوى عندنا مجال الرياضيات
كمان حاجة اخيرة اى حد ليه خبرة فى القراءة انا مثلا مش قريرة اوى يعنى بس بقرا شوية طبعا دكتور عمرو خالد اكثر واحد قارىء فينا اراهن انه عالاقل فى الصفحة دى بيكون مؤمن انه لايوجد فى الحياة رجل فاشل ولكن يوجد رجل بدا من القاع و بقى فيه
دة كلام فلاسفة عظام مش كلام انا لسة مالفاه دلوقتى بردو

rock girl

21-02-2011, 04:13 AM

لا !!!!!!!!!!!!!!
علشان مش كويس
بس انا عاوزه د عمرو للدعوه
فهو داااااااااااااااااعيه وليس شيخ
فهو لا يفتي كما يقول البعض
فهو يدعو للخير والترابط والاصلاح
ومش عاوزه ينشغل بمنصب ويسيب الدعوه
لان احنا محتاجينه للدعوه اكتر

حبيبتى هو فعلا لو مسك الشباب و الرياضة دوره ها يتبلور اكثر لانه من اكثر الناس تاثير فى الشباب ها يضبط الدنيا و هايدعوهم بطريقة اوسع فى كل المجالات للصح
على الاقل هايبقى وزير الشباب قدوة فعلا ليهم نتمنى ان كل الشباب يكونوا زيه

محمد الهشامى

21-02-2011, 05:19 AM

الاستاذ /عمرو خالد انسان محترم وجنتل مان وهوة اليومين دول بدأالشو وخصوصا مع أحمد شوبير فى الحلقة على مودرن كورة الى جاب فيها ابنه معاه بس هوة مع احترامى الشديد جدا لعلمه هيبقى وزير للشباب الزوات ولا الغلابة وانا بصراحة كنت بحب اتفرج على حلقاته على إقرأ والمجد لكن بعد الخطأالبالغ الى قاله على سيدنا محمد ( ص ) واتهمه بإنه فاشل وسامحنى يا ربى فى كتابة هذه الكلمةأنا قاطعت برامجه ولكنى فوجئت به مع شوبير يا إخوانى المرارة خلاص اتفقعت وإن لله وإن اليه لراجعون

محمد الهشامى

21-02-2011, 05:46 AM

يا احبائى فى بلدنا مصربعد الى شفناه من وائل غنيم والمجهود الخرافى الى قام بيه والناس إكتشفت فى الآخر إنه كان كله عملية مدبرة من الخارج ليس الهدف منها ما حدث الآن ولكن كان لها اهداف ضارة بالبلد وخراب ولكن مصر كنانة الله وصانها ومن كان على الاكتاف يوم 25 يناير كشفه الله واصبح من بطل إلى عميل فعلا الشعب المصرى من اطيب الشعوب علشان كده العالم كله طمعان وينهب فى مصر ولسة بخيرها الهكسوس والمغول والرومان والصليبين والرومان والانجليز والفرنسيين والمماليك والعثمانيين و..و.......... فمعلشى ارجو ان من يقول رأيه أن يكون متأكد فيما قاله وعلى رأى المثل ( فى الوش مرايا وفى القفا سلايا )

عاشوا ابطال الثورة ورحم الله شهدائها

Mohamed.Helmy

21-02-2011, 05:51 AM

http://www.youtube.com/watch?v=MNd9KKEQqL8

محمد الهشامى

21-02-2011, 06:00 AM

إليكم اخواني وإخواتي هذه المعلومات الهامة عن كلام ربنا عز وجل وأسأله سبحانه أن يرحم شهداء 25 يناير
عدد سور القرآن الكريم = 114 سورة
عدد أجزاء القرآن الكريم = 30 جزء
عدد أحزاب القرآن الكريم = 60 حزب
عدد آيات القرآن الكريم = 6236 آية
عدد كلمات القرآن الكريم = 77845 كلمة
عدد حروف القرآن الكريم = 330733 حرف
عدد السور المكية ( أي التي نزلت بمكة المكرمة ) = 87 سورة
عدد السور المدنية ( أي التي نزلت بالمدينة المنورة ) = 27 سورة
أول سورة نزلت من القرآن الكريم هي سورة العلق
آخر سورة نزلت من القرآن الكريم هي سورة النصر
أول آية نزلت من القرآن الكريم هي ( اقْرَأْ بِاسْمِ رَبِّكَ الَّذِي خَلَقَ ) سورة العلق : 1
أقصر سورة في القرآن الكريم هي سورة الكوثر وعدد آياتها = 3 آية
أطول آية في القرآن الكريم هي آية الدين رقم 282 من سورة البقرة

الصحابي الوحيد الذي ذكر في القرآن هو ( سيدنا زيد بن حارثة ) في قوله تعالى ( فَلَمَّا قَضَى زَيْدٌ مِّنْهَا وَطَراً زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَراً وَكَانَ أَمْرُ اللَّهِ مَفْعُولاً ) الأحزاب : 37
عدد مرات ذكر اسم الرسول صلى الله عليه وسلم ( محمد ) في القرآن الكريم = 4
الوحيدة التي ذكرت في القرآن الكريم هي ( السيدة مريم عليها السلام ) ذكرت 34 مرة في سور كثيرة
عدد الأنبياء الذين ذكروا في القرآن الكريم = 25 وهم ( آدم ، نوح ، إدريس ، إبراهيم ، إسماعيل ، إسحاق ، يعقوب ، إلياس ، ذو الكفل ، اليسع ، يونس ، يوسف ، هود ، صالح ، لوط ، أيوب ، داوود ، سليمان ، زكريا ، يحيى ، شعيب ، هارون ، موسى ، عيسى ) وخاتم الأنبياء محمد عليه وعلى جميعهم أفضل الصلاة والسلام .
الرجل الصالح الوحيد الذي ذكر في القرآن الكريم هو ( لقمان ) ويقال عنه أنه كان نبي والله أعلم
الكلمة التي تتوسط القرآن الكريم هي ( وليتلطف ) سورة الكهف : 19 ، أي عدد الكلمات التي قبلها يساوي عدد الكلمات التيبعدها

امير226

21-02-2011, 10:32 AM

من مساوئ النظام السابق أنه ألغى عقولنا وجعلنا جميعا نتحرك بنظام القطيع مع احترامي الشديد للأستاذ عمرو خالد ولكن عايزين نفكر بعقولنا التي لم تستخدم من 30 سنه هل عمرو خالد لديه المؤهلات ليكون وزيرا هل سيكون عليه اجماع
مازلنا نسمع مين ينفع رئيس ومين ينفع غفير وتطرح الأسماء ذاتها وكأن مصر لايوجد فيها غيرهم أمال ديموقراطية ايه وحرية ايه وانتخابات ايه
عايزين نفكر بالجزء المعطل عندنا اعتقد كان اسمه العقل

amira elnaggar

21-02-2011, 03:17 PM

لو سمحتى حضرتك بتعلقى على الموضوع ولا رايئ
ثانيا لو فى اتجاه ان داعية اللى يبقى وزير الشباب فاظن ان فى ناس اقدر بكتير من عمرو خالد فبلاش ناخد بالمظاهر ولا عشان لبس ترننج يبقى مع الشباب وجرى لفتين فى التراك يبقى هو ده خلينا فى الجوهر لو سمحتى بلاش المظهر.وهاسال سؤال جوهرى؟؟؟... ليه كل جمهوره من المراهقين ؟؟ ولما بيكبر شوية يبدا يتجه لعلماء فعلا واشخاص اخريين . ده ميلغيش ان له طريقة كويسة فى السرد انما كل مرحلة بما يلائمها واظن ان الشباب مش كلهم مراهقين؟؟؟؟؟ وبعدين لو عنده رغبة حقيقة فى مساعدة الشباب مش هيستنى لما يبقى وزير ممكن يبقى يقدم اقترحات وممكن يبقى مستشار مثلا انما وزير لا .

انا بقول رايئ على ردك ممكن يكون فى ناس كويسة كتير مثل عمر حمزاوى لكن عمرو خالد كويس
وانا اسفة علشان عقبت على ارايك

Ahmad Okasha

21-02-2011, 04:42 PM

أنا موافق بشدة شديدة

tones

21-02-2011, 05:01 PM

أنا لا أوافق

محمد صفوت قرنة عطاالله

23-02-2011, 01:25 PM

الدكتور عمرو خالد ممتاز و أنسب واحد ممكن يتعامل مع الشباب و على بركة الله

The-storms

23-02-2011, 06:50 PM

لا اله الا الله

rock girl

26-02-2011, 04:00 AM

سورى محمد الهشامى رايك غلط
وائل غنيم محترم جدا و عيب علينا نسىء لواحد محترم زيه
و طبعا دى حاجة مش مدبرة و المفروض ان احنا اللى نرفض اى حاجة مسيئة ليه
مش نصدق الكلام اللى بيتقال عليه و نردده بكل رجعية و فاكرين نفسنا صح
طبعا اللى شارك ف الثورة دى عارف ان وائل محترم جدا و اللى ما شاركش ياريت ما يهاجمش
كمان المفروض انه رمز من رموز الثورة و نمنع ع البوابة هنا اى اساءة ليه
سورى مش قصدى انت بس بتكلم عموما

سيد سعد غباغبي

26-02-2011, 10:55 PM

فيه ناس كتير من شعب مصر محتاجين توعية وتثقيف ورفع مستواهم ليفهمو معني ومغزي هذه الثورة وقيمتها :078111rg3:
كمان احنا محتاجين تخطيط منظم بأهداف قريبة سريعة التحقيق واخري بعيد للمدي الطويل ووسائل تحقيق للاهداف وآليات محاسبة للمسؤلين:stickjo4:
وجود الخطط والاهداف والوسائل والاليات يجعلنا نحقق اي احلام واهداف دون الحاجة لأن نطلب اشخاصا بعينهم لوزارات بعينها
مع شديد الاحترام لكل الشخصيات الوطنية
حتي لاتكون بلادنا ووزاراتها وزارات اشخاص تسقط الوزارة بسقوط او موت الشخصية القائدة او تنجح بحضور فلان بعينه وعندها سنكون اسري وعبيد عند هذا الفلان او ذاك كم كان الماضي
ونرجوا الا يستغرق ذلك وقتا طويلا ليحدث لان اوضاعنا في حكم المشرف علي الإنجراف

az.za

09-03-2011, 11:36 AM

على الاقل ............. عنده ضمير ................. ويعرف ربنا ويتقيه ...................
وهو ما نحتاج اليه .................. فى هذه الفترة...................زز
لكن الناس اللى معديه ال 70 سنه دول ايه حكيتهم ما كفاية بقى عقليات تجرى الى المنظرة .............ز
بقولهم كفاية بقى وعيب .... واتركو البلد لناس اصغر منكم بتفهم وقلبها على البلد ذيه ................
يا خونا احنا تعبنا .................. تعبنا بجد
ابعدوا بقى واتركوا مصر لمحبيها اللى خيفين عليها بجد ...........زكفانا بقى جعجعة وجرى ورا كراسى
احترموا عقولما وارحمونا
يارب ابعد عن مصر كل شر ............. وابعد عنا هؤلاء العواجيز مع احترامى لهم ..
اتركوا عالمنا زويل ينهض بنا .. وكمان عمر يوجه شبابنا صح .. رأى خاص بى

MRsayedabbas

10-03-2011, 03:31 PM

كان ممكن يكون وزير فى العصر البائد لأنه مصطنع ويحب الظهور .
اما الان فنحن فى حاجة الى ناس مخلصين

راجى طاعة الرحمن

10-03-2011, 09:21 PM

هو بصراحة إنسان محترم بس مش هيكون مطور طاقات الشباب
احنا عايزبن واحد يحس بالشباب ولا توجد لديه ميول طائفية
انا غير موافق لترشيحه

أحب أصلح لحضرتك معلومة:

الدكتور عمرو خالد ليست له أى ميول طائفية

راجى طاعة الرحمن

10-03-2011, 09:28 PM

كان ممكن يكون وزير فى العصر البائد لأنه مصطنع ويحب الظهور .
اما الان فنحن فى حاجة الى ناس مخلصين

على فكرة عمرو خالد طردوا جمال مبارك برة مصر سبع سنين علشان كان عايز يتواصل مع الشباب ويعرف مشاكلهم ويقلهم على الحل المناسب

وطبعاً النظام البائد رفض كدة لأنه كان عايز شباب تافه وفاضى مبيفكرش فى حاجة مفيدة

واللى كان عاقل من الشباب دة شغله النظام السابق بإنه كيف يلاقى لقمة عيشه ويلاقى شقة يسكن فيها لما يتجوز

هانى الشرقاوى

10-03-2011, 09:29 PM

أرفض بشدة

بدر1973

10-03-2011, 09:34 PM

لا أوافق على هذا التعيين لأنه لايملك مؤهلات هذا المركز ولا مؤهلات الفتوى وكفايه عليه أكل العيش بالتكلم فى الأمور الدينيه .. آسف أكل الحلوى

محمد خالد song

10-03-2011, 09:51 PM

طبعا المفروض يختاروا عمرو خالد أو غيره من الدعاة الشباب لإن شبابنا ينقصهم الإيمان بس أنا أختار عمرو خالد

راجى طاعة الرحمن

10-03-2011, 09:55 PM

فى الحقيقة أنا لاأستطيع أن أقرر الآن لأن البلد فى وضع مش مناسب إن إحنا نختار وزراء جدد

خلينا مع حكومة د/شرف لغاية مانجتاز هذا المنحدر الخطير وبعدين نبدأ نرشح الحكومة الجديدة بالأشخاص اللى إحنا عايزينهم

راجى طاعة الرحمن

10-03-2011, 10:24 PM

أنا دلوقتى مش بفكر فى الوزراء الجدد

أنا فى رأيى إن إحنا دلوقتى نبقى مع حكومة د/شرف لحد مانتخطى المشاكل دى

وبعد كدة نبقى نفكر فى الحكومة الجديدة المدنية اللى هى من اختيار الشعب والشعب يختار الشخص اللى هو شايفه مناسب فى الحكم

ايثار حسن

11-03-2011, 05:51 PM

موافقة جداااا

و يا رب دا فعلا يتحقق لانه بجد حاسس بالشباب

اقتراح جميييييل بجد

هويدا ابراهيم

12-03-2011, 10:22 PM

ارفض تماما

أ/رضا عطيه

12-03-2011, 10:27 PM

يستحق بعد دوره العظيم فى المشكلة الأخيرة

عبد الرحمن منتصر

13-03-2011, 02:54 PM

بالطبع لا اوافق

الـشـيـمـ ء ـا

13-03-2011, 08:12 PM

اوافق بشششششششدة

لانه فعلا فعلا فى شباب كتير بتستجيب له و انه يعتبر مصلح اجتماعى وكمان كفاية بس مشروع الورش الجميل بتاعه دا
و للاسباب هى اللى موجودة فى معلومات الجروب اللى حضرتك حاطه
ان عمرو خالد قد نجح في تفعيل دور الشباب في مجال التنمية من خلال محاضراته في كثير من الدول العربية والأجنبية.

كما أنه طرح مشروعات تنموية في مجالات البطالة والصحة ومحاربة المخدرات وتشغيل الشباب, وهي أمور لم يقدمها أي داعية إسلامي من قبل.

كما أن عمرو خالد تجنب اتخاذ مواقف طائفية أو متطرفة تجاه أي فكر, وعرض فكرة التعايش وتقبل الآخر بشكل وسطي دون التفريط في الحقوق أو الهوية, مما جعل دعوته مقبولة لدي الشباب.

وهو أيضا رجل صاحب مبادرات وبيعرف يتواصل مع عقول الشباب واهدافه وبيعرف يجمع معظم الشباب ع قلب واحد
وراجل صاحب مبدأ وبيفكر ديما فالتنميه والتقدم

scream angle

13-03-2011, 08:26 PM

لا
أنتوا نسيتك أن عمرو خالد قال على الرسول إيه ، أليس هذا هو الشخص الذى ذكر بأن الرسول عليه الصلاة والسلام فاشل ، أليس هذا هو الشخص الذى ذكر بأن الاغانى حرام ولكن أغانى أم كلثوم مباحة لانها أغانى هادفة .
اتقوا الله فيمن تختاروا أن يمثلكم

اتقى الله انت هو لم يقول هذا هو قال ان المحاولة فشلت وليس الرسول اتقى الله فهو كان يدعو لعدم اليأس وتشجيع الشباب وضرب مثل محاوله الرسول

انا اوافق ان يكون رئيس للجمهورية وليس وزير فقط