ليه ؟ هوه أحنا عبيد؟
شعر \ سمير الأمير
ليه؟ هوه احنا عبيد
هوه عرابى لسه مجاش
ولاقالشى الظلم مايورثناش؟
ولا قال ياخديو متهددناش
محناش ناقصين تهديد
محناش ناقصين.. إلزم حدك

محناش قيراطين من قراريط جدك
والا بيت مامتك وباباك يا غزّيل
احنا الشعب اللى ساعات بينام و يقّيل
لكن لما بيصحى عاديك
يطلعلك فى ماسورة الميه
مهما تقفل فى الشبايبك.
من باب الدم يخش عليك.
**
اعقل ولايمها الله يهديك
خليك جنب البيزنيس زى التانى
حافظ ع القرشين ياحويط
ابعد عن كانى وعن مانى
نطاط الوهم ونطاط الحيط
النسل النمرود موصول الخيط
من عند معاويه لغاية بشار
ومن الحجاج لما لعلى عبد الله
افهم بقى
متاخدش كلامى هزار
البحر الأحمر مش حله
و الأبيض مش طشت غسيل
وبلدنا مش حتة أرضيه
مكتوبه باسمك ف وصيه
بلدنا.. بلدنا.. لكل ولادنا
من عند قنالنا للسد
هبة الفلاح والنيل
مش ورث لحد
اسمعنى المره دى بجد..
خليك عاقل
وكفايةعليك قوى تبقى مدير
شركة تصدير الجرجير
أو بنك الصحراء و التعمير
إلزم حدك
شيل على قدك
واوعى الغولة تزغلل ف عينيك
و تشدك
تبنيك علشان تتفرج على هدك
وتلم الدنيا عليك
بعد ماكانت ليك يا حزين
تصبح غلبان مسكين
تتمنى ترجع تانى مجرد ابن
زيك زى ابن الفرعون القاتل
وابن الفرعون المقتول
وابن الفرعون ال...
الله يخرب بيت الظلم
ولاده كتير...

بس ولوّ
بس ولوّ
مهما تغيب الثورة
فى عنينا بتغلى وتحلوّ
ادعيلها ربنا يهديها
سبيل الحق
وادعيلنا المولى يقدرنا
ونقولك لأ

تسلم ايدك يامبدع
وتسلم كل الاقلام الشريفة الحرة
تحياتي

ليه ؟ هوه أحنا عبيد؟
شعر \ سمير الأمير
ليه؟ هوه احنا عبيد

احنا الشعب اللى ساعات بينام و يقّيل
لكن لما بيصحى عاديك
يطلعلك فى ماسورة الميه
مهما تقفل فى الشبايبك.
من باب الدم يخش عليك.
**

البحر الأحمر مش حله
و الأبيض مش طشت غسيل
وبلدنا مش حتة أرضيه
مكتوبه باسمك ف وصيه
بلدنا.. بلدنا.. لكل ولادنا
من عند قنالنا للسد
هبة الفلاح والنيل

بس ولوّ
بس ولوّ
مهما تغيب الثورة
فى عنينا بتغلى وتحلوّ
ادعيلها ربنا يهديها
سبيل الحق
وادعيلنا المولى يقدرنا
ونقولك لأ


الله الله الله
كنت منتظرة إبداعات القلم المختنق وهو يسطر الأيام دى بنظرة أمل وتفاؤل

شكرا كتيييييييييييييييير

جاااااااامدة قوى

ربنا يحميك ويقوينا نقول لالالالالالالالالالالالالالالالالالالا

رائعة أستاذ سمير .. والحمد لله فقد رحل .. قرأت قصيدتك تلك اليوم في جريدة الأهرام

قبل تنحى الرئيس نشرت الأهرام قصيدتى التى كتبت فى 2007

واعتبرتها نبوءة مبكرة لما حدث فى 25 يناير
وهنا الرابط

http://digital.ahram.org.eg/Arts.aspx?******=428355

رائعة أستاذ سمير .. والحمد لله فقد رحل .. قرأت قصيدتك تلك اليوم في جريدة الأهرام
أستاذ سمير .. قرأت قصيدتك يوم الجمعة وأشرت إلى ذلك في المنتدى في تعليقي السابق على هذا التعليق وقد قمت بنسخها في الموضوع المثبت ( معرض يضم قصائد المبدعين في حب مصر ) .. أخيرا عرابي جاء يا عم سمير .. ولعن الشيطان كما لعنته في قصيدتي ( ملعون هذا الشيطان )
وأرجو أن تدخل إلى هذه الصفحة وتشرفنا بقصيدة من قصائدك أو بتعليق
أحمد عز

أستاذى سمير

أكيد عرابي جه وقال
وخلى الشعب يقول أقوال
لما الثوره تخرج وفــ قلب ميدان
وتحرر مصر من العدوان
مبارك ونظيف وعز وباقى الحاشيه الأندال
يبقى أكيد عرابى وصل من زمان


تقبل مروري

العزيز \ احمد

اشكرك ايها الشاعر الجميل

الله الله
روعة يا أستاذ سمير

أهنئ حضرتك على هذا التميز

استاذ احمد عز كان قال قبل كدة عليها

واللهى يسلم كل قلم صادق شريف

جميل تغيير اسم القصيدة بعد الثورة