انذار عاجل للوزير علي يد معلم مساعد [الأرشيف] - بوابة الثانوية العامة المصرية

مشاهدة النسخة كاملة : انذار عاجل للوزير علي يد معلم مساعد

طاهر الشاعر

14-01-2011, 03:40 PM

بسم الله الرحمن الرحيم

السيد الاستاذ الدكتور / رئيس مجلس ادارة الاكاديمية المهنية للمعلمين "وزير التربية والتعليم"ا

تحية طيبة ،،،، وبعد

يرجي احاطة سيادتكم بأنه نحن المعلمون المساعدون قد اجتزنا اختبارات الكادر بنجاح واننا قد تقدمنا لها وفق شروط وقدمنا ايضا اخر متطلب ( مسوغ ) للتعيين وهو شهادة الرخصة الدولية لقيادة الحاسب الالي وبالرغم من ذلك تم تجديد العقد للسنة الثالثة من قبل سيادتكم

علما بأن يحق للمعلم المساعد التقدم للاختبار في كل سنة من الثلاث سنوات بعد ستة اشهر من تاريخ اول سنة وفقا لقانون 155 لسنة 2007 ومضبطة مناقشة القانون بمجلس الشعب ، كما ان السنة الثالثة هي استثنائية لمن لم يوفق في الاختبارات او لمن لم يستوفي الشروط لدخول الاختبار

كما نود ان نذكر سيادتكم بان المعلم المساعد يتم التعاقد معه لمدة ثلاث سنوات فقط - يتم في هذه المدة الحصول علي شهادة الصلاحية ( ترخيص مزاولة المهنة ) وفق شروط واجراءات حددها قانون الكادر الذي يفصلنا عن قانون العاملين المدنيين بالدولة او القانون الجديد المنتظر صدوره - ثم التعيين مباشرة او انتهاء العقد دون الحاجة لأي اجراء، وان السنة الثالثة اوشكت علي الانتهاء

لذلك نحذر سيادتكم من الوقوع في الخطأ الغير قانوني وهو التجديد للسنة الرابعة مما يترتب عليه اللجوء للقضاء بدعوي عدم فهم وتطبيق واحترام سيادة القانون والمطالبة بالتعيين للتراخي والمماطلة في تنفيذ القانون

والسلام عليكم ورحمة الله وبركاته
المعلمون المساعدون

يرجي التثبيت من قبل المنتدي وارسالها كما ارسلتها من "اميل الياهوو" او "اميل الوزارة للمعلم المساعد" علي البريد الالكتروني التالي
minister*moe.gov.eg
azbadr*moe.gov.eg
minister*email.emoe.org
مدير الاكاديمية المهنية للمعلمين
pat*moe.gov.eg
واللي خايف يبعت من اميل الياهو

ابن الأكرمين

14-01-2011, 03:41 PM

يعني ياغالي همه مش عارفين

يعني لو جددوا العقد أيه اللي ممكن يحصل

دا نظام ياغالي ودائرة لالآخر لها

وبرغم كده أنا هأبعت

طاهر الشاعر

14-01-2011, 03:49 PM

الهدف انه ان الوزير يعرف ان احنا هنرفع دعاوي قضائية عليه
وهو بيخاف من القضاء لانه بيخسر كل قضية لانه عنتري وبتاع مهاترات

teacher_2

14-01-2011, 03:59 PM

يعني ياغالي همه مش عارفين

يعني لو جددوا العقد أيه اللي ممكن يحصل

دا نظام ياغالي ودائرة لالآخر لها

وبرغم كده أنا هأبعت

انت خسران ايه لما تبعت

ammhhe

14-01-2011, 04:28 PM

يبعت ورقه مش نضيفه للادارة تقول يتم الاستغناء عن ......................
لخروجه عن مقتضيات العقد
وعدم تنفيذ التدرج الوظيفى فى الشكوى
والى اللقاء

مروة المصرية

14-01-2011, 05:20 PM

ياريت حد يعرفنى ابعت الرسالة ازاى بحاول من امس ابعت بس مش بتتبعت

احمدالفطاطرى

14-01-2011, 05:50 PM

انت خسران ايه لما تبعت

عندك حق يا أ /طاهر

علي عضاضلي

14-01-2011, 05:59 PM

ياريت حد يعرفنى ابعت الرسالة ازاى بحاول من امس ابعت بس مش بتتبعت
انا بعت الرسالة دلوقت
اضغطي عندك على الاختيار : (جديد)
وانسخي الرسالة من المنتدي
أول ما يفتحلك رسالة جديدة اضغطي على( خيارات) وغيري نمط الرسالة الى (نص) وكمان نشطي الاختيار(اعلام بالاستلام
الاكاديمية pat*moe.gov.eg (pat*moe.gov.eg)

manoly_10

14-01-2011, 06:04 PM

muhammad ellithy

14-01-2011, 06:19 PM

للأسف الشديد حتى لو لجأنا للقضاء و أخذنا حكم فلن ينفذ كغيره من الأحكام الكثيرة التي صدرت ضد الحكومة -قضية الحد الأدنى للأجور مثلا- و التي ضربت بها الحكومة عرض الحائط و ما يثير الحنق حديثهم حول سيادة القانون و استقلالية القضاء و احترام الأحكام القضائية .......
يا شباب على الحكومة أن تستوعب الدرس التونسي جيدا .... فنحن لن نعمل سنة سابعة بالعقد و رابعة كمعلم مساعد و لن نضيع سنوات أخرى من العمر .... كفى ما ضاع
و مطلبنا الوحيد هو التثبيت

المعلم الحزين

14-01-2011, 10:51 PM

انا هبعت الوقت

محمدسعدالجمل

15-01-2011, 04:25 AM

لاتعليق !!!!!!!!!!!

Mr.Shaaban

15-01-2011, 06:08 AM

بسم الله الرحمن الرحيم

السيد الاستاذ الدكتور / رئيس مجلس ادارة الاكاديمية المهنية للمعلمين "وزير التربية والتعليم"ا

تحية طيبة ،،،، وبعد

يرجي احاطة سيادتكم بأنه نحن المعلمون المساعدون قد اجتزنا اختبارات الكادر بنجاح واننا قد تقدمنا لها وفق شروط وقدمنا ايضا اخر متطلب ( مسوغ ) للتعيين وهو شهادة الرخصة الدولية لقيادة الحاسب الالي وبالرغم من ذلك تم تجديد العقد للسنة الثالثة من قبل سيادتكم

علما بأن يحق للمعلم المساعد التقدم للاختبار في كل سنة من الثلاث سنوات بعد ستة اشهر من تاريخ اول سنة وفقا لقانون 155 لسنة 2007 ومضبطة مناقشة القانون بمجلس الشعب ، كما ان السنة الثالثة هي استثنائية لمن لم يوفق في الاختبارات او لمن لم يستوفي الشروط لدخول الاختبار

كما نود ان نذكر سيادتكم بان المعلم المساعد يتم التعاقد معه لمدة ثلاث سنوات فقط - يتم في هذه المدة الحصول علي شهادة الصلاحية ( ترخيص مزاولة المهنة ) وفق شروط واجراءات حددها قانون الكادر الذي يفصلنا عن قانون العاملين المدنيين بالدولة او القانون الجديد المنتظر صدوره - ثم التعيين مباشرة او انتهاء العقد دون الحاجة لأي اجراء، وان السنة الثالثة اوشكت علي الانتهاء

لذلك نحذر سيادتكم من الوقوع في الخطأ الغير قانوني وهو التجديد للسنة الرابعة مما يترتب عليه اللجوء للقضاء بدعوي عدم فهم وتطبيق واحترام سيادة القانون والمطالبة بالتعيين للتراخي والمماطلة في تنفيذ القانون

والسلام عليكم ورحمة الله وبركاته
المعلمون المساعدون

يرجي التثبيت من قبل المنتدي وارسالها كما ارسلتها من "اميل الياهوو" او "اميل الوزارة للمعلم المساعد" علي البريد الالكتروني التالي
minister*moe.gov.eg
azbadr*moe.gov.eg
minister*email.emoe.org
مدير الاكاديمية المهنية للمعلمين
pat*moe.gov.eg

واللي خايف يبعت من اميل الياهو

الأخ المحترم : لقد أرسلت طلبكم نصاً الي معالي وزير التربية والتعليم , وأطلب من إخواننا أن لا يستهينو بالامر ,,,

ابن الأكرمين

15-01-2011, 08:53 AM

البيانات الشخصية الاسم

:أحمد زكى بدرالجنسية

:مصرى الدرجة

:أستاذ دكتورالعنوان

:12 شارع الفلكي – أمام ضريح سعد زغلول – المبتديانالتليفون

:25787643- 2-20+ / 25787644- 2-+20الفاكس

:27962952- 2-20+/ 27947502- 2-+20البريد الإلكترون:azbadr*moe.gov.eg ، minister*email.emoe.org

مشكووووووووووووووووور

وزير التعليم المبجل ارحم المتعاقدين
وزير التعليم المحترم كل الوزارات بتثبت المتعاقدين

miss_emy

15-01-2011, 09:12 AM

يا جماعه احنا هنخسر ايه لو بعتنا الرساله
وبعدين يا ريت نتعلم من درس تونس على الاقل

ابن الأكرمين

15-01-2011, 09:15 AM

يا جماعه احنا هنخسر ايه لو بعتنا الرساله
وبعدين يا ريت نتعلم من درس تونس على الاقل

مشكورة مس أيمي

تونس دعت رئيسها إلى الهرب علشان البطالة فلنتعلم منهم

nady6877

15-01-2011, 10:25 AM

هم الى عوزين يعملوه هيعملوه عشان احنا شعب مسلم وطيب

ابن الأكرمين

15-01-2011, 11:58 AM

اذا الشعب يوما اراد الحياة
فلابد ان يستجيب القدر

محمد حسين الشربينى

15-01-2011, 12:04 PM

جزاكم الله خيراً

ahmed nagah

15-01-2011, 12:31 PM

تم الارسال للأربع ايميلات وياريت الكل يتجاوب لأنها فكرة كويسه هاتحسسهم ان فيه ناس ممكن تعمل حاجه وايجابيين وموش سلبيين
سلبيتنا هى اللى مفرعناهم

مسيو عاطف

15-01-2011, 12:35 PM

انا هبعت واللى يحصل يحصل
ضربوها على عينها قالت خسرانة خسرانة
و هيسخطوك يا قرد ( مع احترامى لكل المتعاقدين وانا منهم) هيعملوك ايه ؟
غزال يعنى ..........

محمد عمران100

15-01-2011, 01:53 PM

انا بعت مش خايف احنا حقنا ضايع ومش هايرجع الا بالقوة واستخدام الأساليب الشرعية

Abdelraziq mohamed

15-01-2011, 04:41 PM

انا بعت الرسالة دي برده وربنا يعمل اللي فيه الخير

teacher_2

15-01-2011, 06:08 PM

أخبار الغش عندكم ايه؟

بحراوية من دمنهور

15-01-2011, 06:33 PM

انا كمان طلبت منكم ارسال رسالة قبل كده يا ريت يا جماعة فعلا نتعلم من الدرس التونسى احنا طول عمرنا الرواد يا جماعة لا ضاع حوراءه مطالب واحنا بيضيع حقنا واحنا واقفين نتفرج وكل اللى بنعمله نفضفض بس على المنتدى دون جدوى ولا حد سامع خلى صوتنا يعلى انا بجمع زمايللى وهنرفع قضية باذن الله وانا مدرسة لغة انجليزية بادارة ابو حمص محافظة البحيرة

أشـرف فتحى

15-01-2011, 06:34 PM

يعني ياغالي همه مش عارفين

يعني لو جددوا العقد أيه اللي ممكن يحصل

دا نظام ياغالي ودائرة لالآخر لها

وبرغم كده أنا هأبعت

أذكرك بقول الرسول (ص)

" من كان يؤمن بالله واليوم الآخر فليقل خيرًا أو ليصمت "

khaledelsaed

15-01-2011, 07:02 PM

انا بعت للايميلات كلها الرسالة دي
يلا كله يبعت
انتوا خايفين من ايه ؟؟؟
ربك هو اللي بيرزق

msrahmedseef

15-01-2011, 07:31 PM

انا بعت ايميل و لتتوالى الايميلات وياريت يتعظوا من احداث تونس مش عاوزين مصر تبقى فى فوضى زى تونس

نور البدور

15-01-2011, 08:04 PM

أولاً ربنا معاكم وأنا من رأيي إن الموضوع مش هيتحل إلا برفع دعوى قضائية على شخص الوزير وعمل اعتصام وإضراب عن العمل ومتقولش أنهم هيستغنوا عنكم لأنهم ما يقدروش وخصوصاً إن فيه عجز في المدارس ودي مش مصنانع علشان يسرحوا عمالها ويغلقوها دي مدارس يعني مستقبل مصر بحالها

بحر العرب

15-01-2011, 08:39 PM

لاتعليق
كلام فى كلام لايستحق حتى التعليق
الصبر حتى يفيض الكيل

محمد نمر 2

15-01-2011, 08:56 PM

مهما نكتب او نقول الي عايزينة هيتنفز
متتعبش نفسك

احمدالفطاطرى

15-01-2011, 09:00 PM

مهما نكتب او نقول الي عايزينة هيتنفز
متتعبش نفسك

والله تالله هناخد حقنا يعنى هنخده :stickjo4:

Mr MohammedHassan

15-01-2011, 09:42 PM

لاتعليـــــــــــق

hassan43

15-01-2011, 10:10 PM

لى اقتراح قد يكون مفيداً
لماذا لا نلجأ الى أعضاء مجلس الشعب لحل مشكلتنا ؟
كل مجموعة متعاقدين فى محافظتهم يذهبوا الى عضو مجلس الشعب اللى فى دايرتهم و يقدموا اليه شكوى المعلمين المساعدين من تأخر التعيين
ليه لأ ؟
مش هما النواب عننا ...
يقدروا يتكلموا عننا و يوصلوا صوتنا
ممكن نناقش الاقتراح ده

medoboy30

15-01-2011, 11:58 PM

اذا الشعب يوما اراد الحياة فلابد و ان يستجيب القدر ،
اشد ساعات الليل ظلمة هى التى تسبق بزوغ الفجر

انا هبعت ان شاء الله من الياهو بس مش عشان انا خايف لالالا بس عشان انا مدرس بالازهر وما عنديش ميل خاص بالوزارة

ابوسيف

جارةالوادى

16-01-2011, 02:42 PM

على فكرة انا بعت رسالة للوزير من اميل المعلم المساعد وبعت نسخة كمان للاكاديمية وان شاء الله هبعت للمجلس القومى للمرأة عشان يشوفو حل للسيدات والانسات المتعاقدات اللى التعاقد موقف حالهم فلاست عارفة تاخد اجازة وتلم شمل اسرتها ولابنت عارفة تتجوز وتسافر مع جوزها او تعيش معاه فى محل اقامته دون تشتيت لاسرتها ولاحد عارف ياخد اجازة وتراعى ولادها ومايسمى باجازة رعاية طفل واللى هى اصلا من حقوق الطفل وعلى فكرة المجلس القومى للمرأة له مواقف مشهودة خاصة للمتعاقدات وجاب لهم قبل كدة اجازة 3 شهور وضع بمرتب زى الاساسى ياريت كل البنات تتفاعل عشان ناخد حقنا

the keng

16-01-2011, 04:28 PM

إن شاءالله الخير قادم

ايهاب العراقى

16-01-2011, 05:39 PM

عندك حق كله يبعت

NESCAFIOOOOO

16-01-2011, 08:10 PM

تم الارسال للأربع ايميلات وياريت الكل يتجاوب لأنها فكرة كويسه هاتحسسهم ان فيه ناس ممكن تعمل حاجه وايجابيين وموش سلبيين
سلبيتنا هى اللى مفرعناهم

كلام مظبوط وأنا بعت الشكوى

إيهاب توفيق عبد اللطيف

16-01-2011, 10:25 PM

لا اله الا انت سبحانك انى كنت من الظالمين

miss_emy

17-01-2011, 12:13 AM

انا بعت الرساله

ammhhe

17-01-2011, 01:20 AM

ماضاع حق ووراءة مطالب

مستر/ عبدالكريم على عبدالنعيم

17-01-2011, 02:06 PM

تم ارسال الرسالة

دى كلها وسائل ضغط فيه ناس صاخية مش ميتين مكسلين تبعتوا الرسالة

حسبنا الله ونعم الوكيل

ابو ايه255

17-01-2011, 11:45 PM

انا بعت الرساله ومش فارقه معاى ىتيجى ولا متجيش بس انا عملت الا علي اهوه يا نا س انا ليسه بقول ان البلد دى مش للغلبان دى
للحرامى والمرتشى وابن ........................................ حرام عليكم يانا س انتوا بدمروا البلد ودمروا شباب المسلمين

mr.khaloda

18-01-2011, 01:29 AM

alirahim

18-01-2011, 12:49 PM

ياجماعة انا متعاقد بعقد من 1/8/2008 المفروض ينتهي في 30/7/2010 واجتازت امتحان الرخصة ونجحت ومعايا شهادة ال icdl من قبل ما اقول ياتربية وتعليم
ومع ذلك لم يتم التجديد للسنة الثالة لكن بنشتغل بورقة تفيد اننا على قيد العمل لحين صدور قرار التجديد او التعيين وده ما يخالف عقدنا اللي بينص اننا خلال سنتين مددة التعاقد لازم ندخل الامتحان ولو ما دخلناش او سقطنا فيه في الحالة دي يتجددلنا سنة واحدة فقط
يعني المفروض بعد النجااااااح في امتحان الرخصة نتحول ل علم على طول
كل ده اللي احنا فيه مخاااااااااالف لنص العقد اللي معانا
هنعمل ايه بقى في وضعنا ده

ا بتسالنا احنا المفروض الوزير المحترم يتحملوا طلب احاطة فى مجلس الشعب اللى هو اصلا وافق على القانون المهببب دة ويساله ليه منفذشى القانون والناس دى وضعها اية دلوقتى هل قانونى ام لا وسيادته يجيب ويتجازا لو مخطئ فى حقنا دة اللى المفروض يحصل

احمدالفطاطرى

18-01-2011, 04:36 PM

ياجماعة انا متعاقد بعقد من 1/8/2008 المفروض ينتهي في 30/7/2010 واجتازت امتحان الرخصة ونجحت ومعايا شهادة ال icdl من قبل ما اقول ياتربية وتعليم
ومع ذلك لم يتم التجديد للسنة الثالة لكن بنشتغل بورقة تفيد اننا على قيد العمل لحين صدور قرار التجديد او التعيين وده ما يخالف عقدنا اللي بينص اننا خلال سنتين مددة التعاقد لازم ندخل الامتحان ولو ما دخلناش او سقطنا فيه في الحالة دي يتجددلنا سنة واحدة فقط
يعني المفروض بعد النجااااااح في امتحان الرخصة نتحول ل علم على طول
كل ده اللي احنا فيه مخاااااااااالف لنص العقد اللي معانا
هنعمل ايه بقى في وضعنا ده
ربنا يوفق اولاً ثانياً الحكومة بتلعبنا من تحت لتحت علشان محدش يعرف يخد حقه من نحية القانون طبعاً عملين حسبهم
:slap1qk6:

محمدمدبولي1

18-01-2011, 06:15 PM

انابعت الانذار ومستعد لا حاجة واللة الموفق

111سمسمة

18-01-2011, 07:56 PM

لاتعليق !!!!!!!!!!!

شيماء20

18-01-2011, 08:09 PM

ربنا معاكوا ان شاء الله
يارب التثبيت يارب

عامر العطيوى

19-01-2011, 02:00 PM

ان الله لايغير ما بقوم حتى يغيروا ما بأنفسهم

احمدمسعود

19-01-2011, 11:24 PM

مشعاوزين نتنازل ياجماعة وعاوزين نقف وقفة جامدة ومش اى حاجة تهزنا ولاترهبنا هيعملواية اكتر من الى عملوة وبيعملوة فينا كل الوزارات بتحترم موظفيها الا وزارة التعليم وييقولو احنا عاوزين ننهض بمصر طيب هما حينهضوا بدون تحسين احوال المعلم
الشىء الوحيد لانهاء الاعتصام والوقفة هو اصدار قرار التعيين قبل 30/1/2011 وكفاية ضحك علينا بقا القانون 155 لعام 2007 فى صالحنا والمخالفات حتى الان جسيمة

ahmedhassanien

20-01-2011, 03:48 PM

لازم وقفة صح

شريف كمال

20-01-2011, 09:53 PM

حسبنا الله ونعم الوكيل ولا بد من الطرق على الحديد وهو سخن لاننا تعرضنا للذل والبهدلةمن قبل المسئولين ولا حول ولا قوة إلا بالله شريف متعاقد حزين من سوهاج

Eyad Walid

21-01-2011, 07:24 PM

يا جماعة ممكن حد يقولى هو الوزير ذنبه ايه فى تثبيتنا او عدم تثبيتنا ؟؟؟؟!!! الراجل بيطبق سياسة دولة يا ريت نقف بجواره و نسانده و بعدين احنا والله فى نعمة الامن و الامان و انا عن نفسى خريج 2002 يعنى اكتر واحد ممكن ازعل !!!! بس انا بشكر رئيس مصر الرئيس مبارك لانه جنبنا كثير من الحروب و يا ريت منخلطش الامور ببعضها احنا بس نساند وزيرنا و الراجل جاى بعد تراكمات عديدة مش هيقدر يخلى الدنيا وردى بين يوم و ليلة و عايز اقول حاجة احنا بنغلط فى الشخص و بنميل لشخصنة الامور مع انى لو اى حد مكان الوزير الحالى كنا هنقول عليه نفس الكلام !!! ادعوكم لضبط النفس و بصو كويس على اللى حاصل فى تونس و العراق و كل الدول العربية المضطربة و انتو هتحمدوا ربنا على نعمة الامان و انا شخصيا معنديش مانع اشتغل بعقد طوال حياتى طالما انى باصص لمهنة المعلم على انها رسالة !!!!!! و بعدين الترقية هتكون من هنا و رايح بالكفاءة

Eyad Walid

21-01-2011, 08:00 PM

يا جماعة محدش يفهمنى غلط انا اول واحد هروح الاعتصام و محدش يعرف انى تقدمت بالعديد من الشكاوى بسبب اوضاعنا السيئة القديمة بس انا قصدى ان احنا منغلطش فى اى ولى امر لينا و لا ده مش اللى بيدعو ليه ديننا الحنيف و بعدين ممكن اسأل سؤال واحد و عايز حد يرد عليا باجابة مقنعة ( لو الحكومة بكرة قالت ان المتعاقد مرتبه هيبقى 2000 جنيه مثلا و لو اتثبت هيقل مرتبه ايه اللى هيحصل ؟) وهل هتفضلو التثبيت و لا التعاقد ؟؟؟؟ يا جماعة المشكلة مش فى التثبيت او عدمه ياريت نركز مطالبنا فى الحياة الكريمة و انى الاجور تتماشى مع الاسعار علشان نعرف نربى اولادنا و نطالب الوزير بمحاولة تصحيح اوضاعنا المعيشية ككل مش بس نبص تحت رجلينا أظن أنا وضحت وجهة نظرى و شكرا للاستاذ / أحمد

احمدمسعود

21-01-2011, 08:53 PM

احمدمسعود

21-01-2011, 08:54 PM

الافضل ليك الصمت بدلا من السلبية يااخ اياد

نجاحو

21-01-2011, 10:03 PM

الحمد لله أنه في حد بيتحرك في البلد دية