هذا ما يحدث [الأرشيف] - بوابة الثانوية العامة المصرية

مشاهدة النسخة كاملة : هذا ما يحدث

أبوووووعبدالرحمن

14-01-2011, 02:07 PM

معلومة في كبسولة :يوجد بكل أجهزة المخابرات في العالم قسم أوجد خصيصا لدراسة وجس نبض الشعب تجاه القرارات الحكومية ومدى تحمل الشعب لها وتستخدم في ذلك الصحف والمجلات وقنوات التليفزيون والراديو وهذا أسلوب حديث في إدارة الشعوب خاصة في الدول ذات الحكم الديكتاتوري مثل مصر ويعمل في هذه الأقسام أساتذة جامعيين وخبراء في علم النفس والسلوك والمجتمع ويقوموا بتحليل البيانات والتقارير الواردة ليعطوا إقتراحات بتعديل القرارات بشكل معين أو تأجيلها وتمريرها أثناء أحداث معينة مثل بطولات كرة القدم أو إلغائها

عساكم فهمتوا

ابن الأكرمين

14-01-2011, 03:40 PM

كلامك منطقي 100%

وده الواضح لنا الله

أبوووووعبدالرحمن

14-01-2011, 03:46 PM

كلامي معناه إن هما لو عارفين إنكم..........كانوا عملوا لكم حساب لكنهم مش عاملين لحد أي وزن أو إعتبار وده من حقهم

abdalla_258

14-01-2011, 04:07 PM

بسم الله الرحمن الرحيم

((( والله المستعان على ما تصفون )))

صدق الله العظيم

ayman3body

14-01-2011, 04:37 PM

يا عم مفيش فايده

محمود 511

14-01-2011, 04:56 PM

بصراحه انا كنت فاكر ان الكلام ده فى الخارج بس بيستخدموه فى تضليل الشعوب الخارجيه ولكن اول مره اعرف انو بيستخدم فى الداخل والخارج يمكن يكون الشعب او اصحاب الارض اصبحوا اعداء لحكام الدوله
حسبنا الله ونعم الوكيل

علي عضاضلي

14-01-2011, 05:13 PM

يا بشمهندس احنا في مصـــــــــر!!!!!!
تراهن لو كان حـــــدمن الكـبـــار فاهم حاجة ، يعني اخر مين يفكر انه يهتم بالناس ويشوف القرارت تناسبهم ولا لأ هيه مصر
الواحد من دول ينام ويصحى الصبح دماغه تهفة يروح مطلع قرار..فوضى ولا عمر لهـــــــــــا.

محمدسعدالجمل

14-01-2011, 06:34 PM

كلامك منطقي 100%

وده الواضح لنا الله وحسبنا الله ونعم الوكيل

عنتر عبد الرازق

14-01-2011, 07:45 PM

سوف نظل هكذا حتى نكون يدا واحدة تربك حساباتهم

مصطفى محمد ص

14-01-2011, 08:39 PM

باستغرب انكم زعلانين قوي امال تعيين 2004 يعملوا ايه وهما متعينين قبلكم بكتير ومسابقة رسمية معلنة وليست واسطة مثلكم واتحرموا من امتحان الكادر بحجة ان عقدهم ليس معلم مساعد ولكن تعيين علي الباب الاول يعني من حقهم قانونا التثبيت لكن حضراتك التثبيت غير قانوني لانه لم يمر علي تعيينكم ثلاث سنين متصلة كان الله في عوننا وربنا معاكم

AHMED TEACH

14-01-2011, 08:47 PM

لشاعر أحمد فؤاد نجم لخص الموضوع في الشعر ده عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف

ابن الأكرمين

14-01-2011, 10:11 PM

ayman3body

15-01-2011, 08:38 AM

عبدالجيد

15-01-2011, 09:24 AM

مشكووووووووووووور

alirahim

15-01-2011, 11:10 AM

المعنى فى بطن الشاعر ودة اللى قلناه والله العظيم كتير ياناس ياخلق اهوه فى ناس دخيله على المنتدى علشان ياما تحبط فى الناس وتخليها تتراجع عن اى خطوه ايجابية او تسكن بكلمتين حلوين زى نصبر ياجماعة كلها حجات بسيطة فات الكتير مش باقى غير ............................وانتوا عارفين الباقى لحد مخلت المنتدى على قدهم بس وناس كتير انسحبت من الاعضاء القدامو وهما اللى لسة قعدين على تلها