|
مشاهدة النسخة كاملة : اسئلة هامة الفصل الثالث الاحترام 10-01-2011, 09:00 PM 1- فى الحيودفى الضوء :ما هى العلاقة بين ابعاد الفتحة والطول الموجى؟ 2-ارجو التوضيح اكثر لماذا يستخدم الكريوليت لتبطين جوانب المنشور العاكس؟ 3- ما هى العوامل التى يتوقف عليها معامل الانكسار المطلق؟ 4-ارجو التوضيح اكثر لماذا تستخدم ليفة ضوئية بطبقتين؟:039uw8: ArabianPDA 10-01-2011, 09:57 PM 1- فى الحيودفى الضوء :ما هى العلاقة بين ابعاد الفتحة والطول الموجى؟ 2-ارجو التوضيح اكثر لماذا يستخدم الكريوليت لتبطين جوانب المنشور العاكس؟ 3- ما هى العوامل التى يتوقف عليها معامل الانكسار المطلق؟ 4-ارجو التوضيح اكثر لماذا تستخدم ليفة ضوئية بطبقتين؟:039uw8: السلام عليكم 1-كلما كانت الفتحه ذات ابعاد مقاربه للطول الموجي كان الحيود اوضح بمعني ،، ان كل ما كانت الفتحه اضيق (خلي بالك الطول الموجي للضوء بيتحسب بالانجستروم) كل ما كان الحيود اوضح للتوضيح ليك يعني الحيود كمعني علمي يشير في العادة إلى ظواهر طبيعية عديدة تحدث عند اصطدام موجة (ضوئية أو صوتية)بعائق وتوصف بانها إنحناء شديد الوضوح للموجات حول عوائق صغيرة وانتشار الموجات من خلال فتحات صغيرة. يحدث بسبب حيود الموجات الضوئية عليه حيث أن المسافات بين الحزازات مقاربة لطول الموجات الضوئية. يعني عكسيه كل ما كانت الفتحه اوسع الحيود يقل وضوحا وهكذا 2- بص بقي انت عندك الضوء داخل من وجه للمنشور الفكره كلها ان جزء من الضوء ده "من المفروض ينعكس" طيب ما انت عندك التيار الاساسي داخل وده هينعكس جزء منه والجزء ده ممكن يعمل تداخل هدمي ويضعف الضوء فلأن المبدأ اصلا بتاع المناشير (جمع منشور:p) انها للاضاء بتاعت البدرومات وعايزه اقوي اضاءه للاغراض الاخري ايضاً فبنحط ماده الماده دي تكون شفافه ومعاكل انكسارها صغير جدا عشان يمنع حدوث الانعكاس ده وبالتالي ولا تداخل هدمي ولا دياولو مع ملاحظه انك بتغطي الجانب الي بيدخل منه الضوء من بره بس ومش لازم باقي الجوانب لان واحد منهم اصلا الضوء مش هيدخل فيه والتاني بينعكس "كلياً" وبيسقط عمودياً وبالتالي لا يوجد 1% انعكاس 3- حسب ما انا فاكر انهم أ-الزاويه الحرجه ب-معامل انكسار التاني لان الاول ثابت وهو الهواء بس مش متأكد انهم مظبوطين اوي 4- انا الاستاذ بتاعي شرح الحته دي بالتفصيل حتي انه جابلنا واحد حقيقي عشان نشوف بص الليفه جزئين جزء اسمه القلب والتاني هو الغلاف والغشاء الواقي (للحمايه من الخدوش) انت عندك ضوء سقط وطبعا هيحصله الافشخانات بتاعت الانعكاس الكلي بس انت عندك بعض الضوء مش هينعكس لان الزاويه الحرجه بتاعته اصغر (بتحصل في احسن العائلات) فبنحط رزاله ماده تانيه معامل انكسارها صغير جدااااااااااا عشان تعكس الباقي كليا (بس حته انا عايز افهمها مش الفرق الطفيف ف المسافه بين الطبقتين هيولد ان الموجتين هيتراكبوا وساعتها هيحصل تداخل هدام؟؟!! ياريت توضيح من اي حد علي دي) اتمني اكون وفقت ولو غلطت في حاجه ياريت حد يصحح بالتوفيق،، ArabianPDA 10-01-2011, 10:01 PM والموضوع ده في معلومات موووووووووووووووووووووووووت عن الليفه الضوئيه هنا (http://ar.wikipedia.org/wiki/%D8%A3%D9%84%D9%8A%D8%A7%D9%81_%D8%A8%D8%B5%D8%B1% D9%8A%D8%A9) josephmorris 10-01-2011, 10:22 PM بس حته انا عايز افهمها مش الفرق الطفيف ف المسافه بين الطبقتين هيولد ان الموجتين هيتراكبوا وساعتها هيحصل تداخل هدام؟؟!! ياريت توضيح من اي حد علي دي ايه المشكلة لما يحصل تداخل هدمى هى الطبقة التانيه محطوطه علشان نجمع اكبر قدر من الاشعه الليفه المكونة من طبقة واحد عادى كويسه ... اللى من طبقتين بتجمع قدر اكبر من الاشعه يعنى بتحافظ على الشدة الضوئية ... ودى ميزة . لو حصل بقى ان فى تداخل هدمى حصل بين الطبقتين مش هيضرنا ... ياريت تكون فهمتنى بمناسبة الفصل الثالث افتكرت سؤال حلو علل : يمكن رؤيةالشمس فى الشروق قبل ظهورها فى الافق ... ويمكن رؤية الشمس عند الغروب بعد خروجها من الافق ArabianPDA 11-01-2011, 12:37 AM ايه المشكلة لما يحصل تداخل هدمى هى الطبقة التانيه محطوطه علشان نجمع اكبر قدر من الاشعه الليفه المكونة من طبقة واحد عادى كويسه ... اللى من طبقتين بتجمع قدر اكبر من الاشعه يعنى بتحافظ على الشدة الضوئية ... ودى ميزة . لو حصل بقى ان فى تداخل هدمى حصل بين الطبقتين مش هيضرنا ... ياريت تكون فهمتنى بمناسبة الفصل الثالث افتكرت سؤال حلو علل : يمكن رؤيةالشمس فى الشروق قبل ظهورها فى الافق ... ويمكن رؤية الشمس عند الغروب بعد خروجها من الافق لا فهمتني غلط انا بقول يعني فيه "جوه الليفه" هيتكون شعاعين مهما لو تداخلوا ممكن يعملوا تداخل هدام "جوه" وده هيضعف الاضائه واساساً احنا مش حاطين التانيه دي عيائه احنا حطينها عشان تمنع "اضعاف الضوء" هو طبعا مش مطلوب مني بس كان سؤال كده ع الخاطر يعني السؤال بتاعك مش فاهمك يعني قصدك اني اشوف الشمس كشمس ولا ضوءها؟؟ ArabianPDA 11-01-2011, 12:44 AM قصدي كده ان الفرق في السمك حتي لو بسيط هيعمل فرق طور http://files.thanwya.com/do.php?img=2358 |