انا ملاحظة ان كل الاخصائيين هنا يعملون بمدارس اعدادى .أرجو من كل أخصائى مكتبات يعمل بمدرسة ابتدائى يتفضل بالدخول كى نستفيد من خبراته السابقة
يعنى :*ايه الانشطة اللى بتعرضوها لطلاب المرحلة الابتدائية
*كيفية عرض المنهج لهذه الفئة العمريه للتلاميذ وكيف يستوعبونها
*ايه الانشطة الاخرى اللى ممكن أقوم بيها علشان أحس انى عملت حاجة فى المكتبة غير اللوح الارشادية
ارجو المشاركة بالرأى وجزاكم الله كل خير

فكرة جميلة بالتوفيق

انا يا اخواتى عندى ما يفيد معظم مشرفى المكتبات ومش عارف ارفع حاجه على الموقع العمل ايه

انا ملاحظة ان كل الاخصائيين هنا يعملون بمدارس اعدادى .أرجو من كل أخصائى مكتبات يعمل بمدرسة ابتدائى يتفضل بالدخول كى نستفيد من خبراته السابقة
يعنى :*ايه الانشطة اللى بتعرضوها لطلاب المرحلة الابتدائية
*كيفية عرض المنهج لهذه الفئة العمريه للتلاميذ وكيف يستوعبونها
*ايه الانشطة الاخرى اللى ممكن أقوم بيها علشان أحس انى عملت حاجة فى المكتبة غير اللوح الارشادية
ارجو المشاركة بالرأى وجزاكم الله كل خير


انا اخصائى مكتبات مساعد اعمل فى المرحلة الابتدائية منذ 5 سنوات
ولكن اقولها بكل اسف فى المرحلة الابتدائية لا يوجد اى منهج بالمعنى المفهوم للمنهج
اى ان الموضوع مقتصر على بعض الاعمال التى تخص المكتبة من طريقة التصنيف بالالوان تنظيم الكتب على الارفف .. الخ

وهذا ليس منهجا علميا بقدر ما هو بعض الارشادات للتلاميذ لكيفية التعامل مع الكتب والمكتبة

اما من حيث الانشطة المكتبية فلن تستطيعين اعطاء التلاميذ خصوصا فى المرحلة الاولى والثانية والثالثة من التعليم الابتدائى اى انشطة مكتبية كالالبومات والارشيفات ومجلات الحائط ولكن يمكن اعطاء ذلك بداية من الصف الرابع الى السادس وطبعا مع التوجية والارشاد منك اى عند اعطاء البوم لمجموعة من الطلبة فى الصف السادس يتم تنفيذ الالبوم داخل المكتبة سواء فى حصة المكتبة الخاصة بهم او فى الفسحة لكى يكون الالبوم تحت اشرافك فى جميع خطواتة

انا شغال منذ خمس سنوات تقريبا فى المرحلة الابتدائية ومفيش مرة اديت البوم او ارشيف او اى نشاط من ابحاث لاى طلبة ولكن كنت انا من اقوم بذلك وعلى نفقتى الخاصة من الاخر تكبير دماغ علشان اعمل الحاجة واخلص نفسى سواء للعرض فى المكتبة او للمسابقات
اما دورك كأخصائية مكتبة فى المرحلة الابتدائية على وجه الخصوص يقتصر على دور جدتى وجدتك وهو انك تروى مجموعة من القصص للاطفال وتعرضى عليهم سلسلة عالم سمسم وشوية شرائط فيها قصص لو تعبتى من كتر الكلام هههههههههههه

اما الدور الفنى فهو يتوقف عليك وعلى نوعية الطلبة اللى عندك فى المدرسة عليكى ان تختارى مجموعة من الطلبة الاذكياء والذين لديهم ميول فنية والرغبة فى الابداع والابتكار وتعملى بقى شوية افكار معاهم ويشتركوا معاكى فيها

الموضوع

شكرررررررررررررررررا على مرورك أ/ابو الفاروق وانا معاك فى كل اللى انت قلته
فعلا المنهج انا مش عارفة أدى فيه أيه وكمان عندنا فى المدرسة الناظر كل شوية يقولى أعملى اى حاجة جديدة خلينا نحس ان فى اخصائية مكتبة عندنا أصلى بقالى سنتين بس شغالة ومعنديش خبرة
كنت عايزة أسال حضرتك بالنسبة للمنهج أنت بتخلى الطلبة يكتبوا حاجة فى كراسة المكتبة عناصر الدرس مثلا ولا أيه اصلى مكنتش بكتبلهم حاجة
شكررررررررا على مرورك أستاذى الفاضل وجزاك الله كل خير

السلام عليكم
اما بخصوص الكتابة فى كراسة فأنا لا اعطيهم اى شىء يكتب فى اى كراسة فعمل المكتبة فنى من الدرجة الاولى ، اما فى الصفوف الاولى كما ذكرت سابقا فمن الممكن عمل كراسة ولكن لتعليمهم القراءة والكتابة فقط

اما الاشياء الجديدة اللى ممكن تعمليها لناظر المدرسة فكما يقول المثل اطبخى يا جارية كلف يا سيدى
لو هو عايز اشياء جديدة ماشى يبقى استخدمى ميزانيتك على اكمل وجه من ندوات ومحاضرات وادعى فيها مجلس اباء المدرسة ويكون المحاضر من برة المدرسة ولكن دة سيكلف

صدقينى انت لو عملتى كدة مرة وهو شاف القلق الى بيحصل لما المحاضرة او الندوة بتتعمل صح هيقولك بلاش دوشة ووجع دماغ بقى وارحمينا انا مريت بكل الكلام دة على مدار 5 سنوات اخصائى ومن قبلهم سنتان مدرس لمادة الدراسات يعنى 7 سنوات
وبالتوفيق

جزاك الله كل خيــــــــــــــــــــــــــــــــــر

انا عندي كتاب اسمة حصة المكتبة مقسم ابتدائي وإعدادي وثانوي لو ممكن اجيب لحضرتك اسم المؤلف وتبحثي عنة وتشترية ,بأستخدمة في حصة المكتبة لأنة شارح المهارات المكتبية بطريقة جميلة .

عزيزتى أنا اعمل بمدرسه ابتدائى

وهناك العديد من الانشطهاقوم بها

بالنسبه للسجلات الاضافيه منها

1- سجل الميزانيه 2- سجل لجنه المكتبه

3- سجل اصدقاء المكتبه 4- سجل المحاضرات

5- سجل الندوات 6- سجل دليل المكتبه

7- سجل المسابقات 8- سجل الاذاعه المدرسيه



أما بالنسبه للانشطه فى الابتدائى و التى أقوم بها هى

1- قيام الطلاب بتلخيص قصص مع مراعاه عدم تكرار القصص

2- رسم بعض الرسومات من الموهوبين فنيا فى كل مناسبه

3-عمل الارشيفات و الالبومات البسيطه مع مساعده الاخصائى


هذا بالاضافه الى اعمال الفهرسه و التصنيف من قبل الاخصائى و نزيين المكتبه بأفكار مبتكره

بارك الله فيك استاذا الكريم فكرة ممتازة ويارب الناس تشارك معنا حتى تعم الفائدة على الجميع

فى حد من امناء المكتبات بالمدارس عنده نماذج لتلخيص القصص عشان المسابقات

فى حد من امناء المكتبات بالمدارس عنده نماذج لتلخيص القصص عشان المسابقات