استنتج من P= 1/3 p V*2
1- قانون بويل
2- قانون شارل
3- قانون جولي
4- المعادلة العامة للغاز المثالي
5 - V*2 تتناسب طرديا مع T

يا ريت اي مساعدة فيه
p الكثافة

يليييييييييييييييييييييييز help

لسه مش اخدنا الفصل ده

ياريت اي مدرس يحل السؤال ده

P= 1/3 p V*2

احنا هنغير صيغة القانون

p = 1\3Nmv^2

( حيث N عدد الجزيئات ) ... انت اكيد عارف القانون ده .... ودى هتبقى اول معادله

انت عندك علاقه بتقول

نص ام فى تربيع = تلاته على اتنين كى تى .... انا مش عارف اكتبها معادله ( اللى هو قانون طاقة حركة الجزىء )

1\2 m v^2
3\2kT =

ودى هتبقى تانى معادله

فى المعادله التانيه هتخلى ام فى تربيع فى ناحية والباقى فى ناحيه .... هيطلعلك بتساوى 3kT

هتحط 3kT بدل من mv^2 فى المعادله الاولى

هيطلعلك القانون ده

p = N* k* T* 1\Vol

هو ده القانون اللى هنستنتج منه قوانين الغازات اللى انت عايزها

قانون بويل هو علاقه بين الضغط والحجم عند ثبوت درجه الحرارة

عدد الجزيئات ثابت
ثابت كلفن (k) اكيد ثبت
درجه الحرارة ثابته من شروط قانون بويل

يبقى القانون بقى

p = const\vol

اذا >>> pv = const

كده اثبتنا اول قانون

وكده تبقى فكرة السؤال اتعرفت وتقدر تجيب انت باقى القوانين

ولو معرفتش قولى وانا اكمل

وياريت اكون قدرت افيدك

p = N* k* T* 1\Vol

1\Vol
جت منين ؟؟؟

على فكرة انا بنت اسمي اميرة

ااااااااااه خلاص فهمت
:slap1qk6:(( غبية اووووي ))

ماشى يا أميرة

بصى انت مقتنعه بالعلاقه p = 1\3 ro v^2

ro الكثافه

الكثافة بتساوى كتلة الجسم على الحجم

كتلة الجسم بيتساوى عدد الجزيئات فى كتلة الجزىء الواحد

يبقى الكثافة بتساوى ( عدد الجزيئات N فى كتلة الجزىء الواحد m) \ الحجم

هنشيل بقى الكثافة ونكتب ما يساويها

يبقى العلاقه بقت ازاى

p =1\3 Nm\Vol * v^2

او ممكن نكتبها

p =1\3 ( N*m*v^2)\ Vol

واخده بالك من الحجم اللى تحت ده .. اهو جه من هنا

نكمل بقى عادى

نشيل ام فى تربيع ونكتب مكانها 3 كى تى ... التلاته هتروح مع التلت ... هيبقى القانون كده

p = N *k *T * 1\Vol


هى بسيطه بس علشان مش عارف اكتب بس الرموز ... فيها شويه رياضه

بس المهم المشكله فى دى ... المشكله فى الباقى ... لو عرفتى تجيبى باقى القوانين خلاص لو معرفتيش قوليلى وانا اكمل

اه ملحق المطلوب رقم خمسه مأخدتش بالى منه ملوش علاقه بقوانين الغازات ده استنتاج كده صغير

القانون اللى انتى كاتباه نستنتج منه ان الضغط بيتناسب طردى مع مربع السرعه

القانون اللى انا كاتبه بالازرق ده نستنتج منه ان الضغط بيتناسب طردى مع درجه الحرارة

اذا نستنتج من المعادلتين دول ان مربع السرعه تتناسب طردى مع درجه الحرارة

ااااااااااه خلاص فهمت
:slap1qk6:(( غبية اووووي ))



ههه حرام عليكى ده انا بقالى تلت تيام بكتب ههههه ... ولا يهمك

اقولك كمل وانا معاك
وشكرااااااااااا ليك

العفو يا اميره

نكمل ...

p = N* k* T* 1\Vol

احنا استنتجنا بويل

ّ نيجى لشارل ( علاقة بين حجم ودرجة حرارة عند ثبوت الضغط )

عدد الجزيئات ثابت ... هو وثابت كلفن
الضغط ثابت لأن ده من شروط قانون شارل

اذا نستنتج ان .... Vol\T = constant ( عديت 1\Vol و T الناحيه التانيه ) ... وكده القانون التانى

ّ قانون جولى ( الضغوط) ... علاقه بين ضغط ودرجة حرارة عند ثبوت الحجم

عدد الجزيئات ثابت ... هو وثابت كلفن
الحجم ثابت من شروط القانون

اذا نستنتج ان ...... p = const. T ............ وكده القانون التالت

ّ القانون العام
الضغط والحجم ودرجه الحرارة متغيرين
يبقى اللى ثابت بس هو عدد الجزيئات وثابت كلفن

اذا نستنتج ان p = const. * T\Vol

pVol\T= const .......... وكده القانون العام

والمطلوب رقم 5 انا قلته اهو

القانون اللى انتى كاتباه نستنتج منه ان الضغط بيتناسب طردى مع مربع السرعه

القانون اللى انا كاتبه بالازرق ده نستنتج منه ان الضغط بيتناسب طردى مع درجه الحرارة

اذا نستنتج من المعادلتين دول ان مربع السرعه تتناسب طردى مع درجه الحرارة



بس خلاص يارب اكون قدرت افيدك

بجد شكراااا تعبت حضرتك معايا
انا لو قعدت اقول شكرا من هنا لبكرة مش هيكفي
وكمان مرة شكراااا عالمساعدة


http://www.freewebs.com/premdeepsingh/images/ThankYou.gif



http://hadaeeq.nqeia.com/vb303/uploaded/1_1216397199.jpg

هههههههه يانهار ابيض على ايه ده كله هو انا عملت ايه يعنى
وبعدين ايه حضرتك دى انا طالب زيى زيك بالظبط
المهم يارب تكون اجابتى وصلت ...

1- اذا فرضنا ان مركز الشمس يتكون من غازات متوسط وزنها الجزيئي 0.7 جم والكثافة والضغط في مركز الشمس
9×10اس 4 كجم/م3
و 1.4 ×10 اس 16 نيوتن/م2
احسب درجة حرارة الشمس
{ 303cْ }

2-اذا كانت كتلة اللتر كم الهواء في م.ض.د 1.29 جم فكم تصبح كثافته عند 26cْ و تحت ضغط 75 سم .ز
{1.162}

3- احسب كثافة غاز الميثان عند درجة حرارة 20cْ و تحت ضغط 5×10 اس 5 باسكال علما بأن الوزن الجزيئي له 16جم
{3.28كجم/م3}

4-انبوبة شعرية مسدودة من احد طرفيها بها خيط من الزئبق طوله 19سم يحبس فيها مقدار من الهواء وضعت الانبوبة راسية وفوهتها لأعلى في ماء يغلي و قيس طول عمود الهواء بها ثم اخرجت ووضعت افقية حتى اخذت درجة حرارة الجو فشوهد عدم تغير طول عمود الهواء بها اوجد درجة حرارة الجو علما بان الضغط الجوي اثناء التجربة 76سم .ز
{25.4cْ}

بالنسبة للاثبات اللي فوق ده , احنا لسه واخدينه في الدرس , هصورلك الصفحة وارفعها افضل , بس يارب تفهمي حاجة من خطي !!! ان شاء الله في اقرب فرصة , اما بالنسبة للمسائل دي اديني فترة امخمخ فيها شوية !!!

ممكن حل السؤال ده
دورق من الزجاج سعته 880 سم3 يسده سدادة من المطاط تنفذ منه انبوبة زجاجة عليها صنبور,فتح الصنبور ووضع الدورق في ماء درجة حرارته 90cْ من الزمن ثم قفل الصنبور ونكس الدورق بكامله في إناء عميق به ماء درجة حرارته 40cْ وفتحةالصنبور اسفل سطح الماء داخل الدورق وخارجه في مستوى واحد احسب قيمة معامل التمدد الحجمي

[quote=lovely-girl5100;2869190]ممكن حل السؤال ده
دورق من الزجاج سعته 880 سم3 يسده سدادة من المطاط تنفذ منه انبوبة زجاجة عليها صنبور,فتح الصنبور ووضع الدورق في ماء درجة حرارته 90cْ من الزمن ثم قفل الصنبور ونكس الدورق بكامله في إناء عميق به ماء درجة حرارته 40cْ وفتحةالصنبور اسفل سطح الماء داخل الدورق وخارجه في مستوى واحد احسب قيمة معامل التمدد الحجمي
من المعروف ان قيمة التمدد الحجمي عدديا
=273/1
وفي المسألة دي هو طالب معامل التمدد الحجمي
اللي بيجي من القانون v1/v2=1+alpha t1/1+alpha t2
بس السؤال دلوقتي هو ازاي اجيب v1/v2
طيب احنا اخدنا في قانون شارل ان v1/v2=T1/T2
T1/T2=(90+273)/40+273=363/313
دلوقتي نقدر نقول 313/363=(1+الفا 40)/(1+الفا 90)
ونشتغل عمليات حسابية هتطلع 273/1
ولو في حاجة مش فاهماها اسألي وان شاء الله لو عارفاها هأقولك:022yb4::bosyht9: