:confused: أنا من طلبة الشهادات المعادلة ( السعودية ) وجاتلي كلية حاسبات ومعلومات اسماعلية وليا كام سؤال عايزة اللي يجاوبلي عليهم (( ده بعد اذنكم طبعا ))

س 1 / طبعا اكيد هحول عشان انا من حلوان بس احول لأيه الافضل حلوان ولا القاهرة ولا عين شمس ؟؟؟

س2 / نوعية الدراسة ظروفها ايه ؟؟ يعني المواد واللغة وكلو كلو ؟؟:078111rg3:

س 3 / مستقبل الاقسام بتاعت الكلية دي ايه ؟؟ (( لأني بجد مش عارفة اي حااااجة خااااالص معنديش اي فكرة )) ؟؟

س 4 / بالنسبة للفرص الوظيفية في مصر لخريج الحاسبات وضعهم ايه ؟؟ ( من ناحية الشغل والراتب تقريبا وكدة ) ولو برا مصر بردو ياريت اللي يعرف يفيدني ؟؟

س 5 / لو في طالب او طالبة في الكلية دي ياريت ينصحني باي حاااجة لأني بجد محتاجة لأي نصيحة وكل المعلومات ؟؟ (( يعني اعمل ايه - اروح فين اجي منين كدة يعني )) :028ja7::028ja7:


في النهاية بشكركم كلكم واعتبروني اختكم الصغيرة ومحتااااسة ومش عارفة اعمل ايه بجد :frown::frown:

السلام عليكم
انا بردوا من الشهاده المعادله وكان نفسي في حاسبات بس للاسف نصيب
بصي اللي اعرفه ان اكيد حاسبات عين شمس افضل حاجه لان اصعب كلية عين شمس
وبعد كده حاسبات القاهرة وبعدين حلوان
بالنسبة للدراسة بقا حد غيري ممكن يفيدك بس انا بقول ان كل الناس حاليا بقت تشتغل في مجال الكومبيوتر يعني اذا اتخرجتي من حاسبات بدون تحضير اعتقد ملهاش فرص عمل كبيرة بالطات في مصر
انصحك بالتحضير وانك تسافري تشتغلي برة مصر
وبالتوفيق ادعيلي بقا ربنا يوفقني في كليتي واطلع اكبر دكتورة تحاليل :)

:confused: أنا من طلبة الشهادات المعادلة ( السعودية ) وجاتلي كلية حاسبات ومعلومات اسماعلية وليا كام سؤال عايزة اللي يجاوبلي عليهم (( ده بعد اذنكم طبعا ))


س 1 / طبعا اكيد هحول عشان انا من حلوان بس احول لأيه الافضل حلوان ولا القاهرة ولا عين شمس ؟؟؟

س2 / نوعية الدراسة ظروفها ايه ؟؟ يعني المواد واللغة وكلو كلو ؟؟:078111rg3:

س 3 / مستقبل الاقسام بتاعت الكلية دي ايه ؟؟ (( لأني بجد مش عارفة اي حااااجة خااااالص معنديش اي فكرة )) ؟؟

س 4 / بالنسبة للفرص الوظيفية في مصر لخريج الحاسبات وضعهم ايه ؟؟ ( من ناحية الشغل والراتب تقريبا وكدة ) ولو برا مصر بردو ياريت اللي يعرف يفيدني ؟؟

س 5 / لو في طالب او طالبة في الكلية دي ياريت ينصحني باي حاااجة لأني بجد محتاجة لأي نصيحة وكل المعلومات ؟؟ (( يعني اعمل ايه - اروح فين اجي منين كدة يعني )) :028ja7::028ja7:


في النهاية بشكركم كلكم واعتبروني اختكم الصغيرة ومحتااااسة ومش عارفة اعمل ايه بجد :frown::frown:

بسم الله الرحمن الرحيم
بصى انا هرد عليكى إن شاء الله لكن ملحوظه
إنتى نص أسئلتك قيمه والنص التانى يدل على التردد والحيره وحاجات كتير ممكن نتكلم فيها بعدين...........
المهم
أنا طالب ف كلية الحاسبات والمعلومات جامعة حلوان
وانا مش من حلوان ولا م القاهره أنا من المنصوره وكنت جايب مجموع الإسماعليه بس فضلت حلوان والحمند لله مندمتش على القرار ده ولا حولت السنه دى لا للمنصوره ولا لعين شمس ولا لاى جامعه تانيه
ليه بقى؟
ببساطه كليتنا دى زى العسل وأكيد بما ان انتى من حلوان عارفه إن الجامعه لذيذه مش معقده ده بصفه عامه
بالنسبه للدراسه مقدرش أقولك إن هى سهله
وطبعا عين شمس أصعب وأصعب بكتير كمان لكن المقياس الوحيد هنا هو الطالب نفسه مش الكليه يعنى حلوان دراستها كويسه جدا وانا ممكن آخد كورسات ف عين شمس وأهتم باللى بدرسه ف حلوان كويس أبقى أحسن من خريج عين شمس مثلا دا غير إن حلوان ليها سمعه كويسه جدا ف سوق العملما عدا ف حاجه واحده
اللى هى اللغه معروف إن معظم طلبة حلوان اللغه بتاعتهم فكسانه بس دى طبعا ف إيدك إنتى حلوان سهل فيها تجيب تقدير لكن لو اعتمدتى على كده هتتصدمى لما تتخرجى لازم تتعبى وتاخدى كورسات من سنه أولى تنمى اللغه بتاعتك وكده
وكمان نظام الساعات المعتمده ده من اهم ميزات حاسبات حلوان و ف النهايه أنت (إنتى ) سيد قرارك
آسف للإطاله

ميرسي جدااا على كلامك

السلام عليكم

انا من حاسبات عين شمس فهحاول اكلمك عنها كدة على السريع اولا هية الكلية مش صعبة اوي يعني بس هية محتاجة شوية مذاكرة وشوية حضور المحاضرات وسكاشن :) بس ده لو عاوزة تعدي وخلاص لكن لو عاوزة تشتغلي في مكان محترم جدا بعد ما تتخرجي فاكيد لازم تتعبي وده قاعدة تقريبا في كل الكليات
كليتنا بيقولوا انا احسن كلية وانها اكتر واحدة بتطبق معايير الجودة ومش عارفة ايه بس ما علينا يعني ,,
اغلب الدكاترة والمعيدين وحتى الطلبة عندنا محترمين جدا وبيحبوا يسعدوا اوي
عندنا الدرسة بتبقى كل ترم في 6 مواد وبيبقى في امتحان ميد تيرم وده في نص الترم وامتحان الفاينل (اخر الترم)
في سنة اولى وتانية بتبقى تقريبا اغلب المواد مواد ملهاش علاقة بالكمبيوتر بس بنحتجها اكيد بعد كدة زي الفزيا والرياضة والاحصاء والانجليزي وغيرهم
المواد اللي بيبقى ليها علاقة بالكمبيوتر بيبقى ليها غالبا مشروع كل جروب بيسلمه في امتحانات العملي
كل المواد بالانجليزي وده ان شاء الله مش بيبقى مشكلة وتقريبا بعد الاسبوع التالت الناس كلها بتبقى اتعودت

بالنسبة للاقسام متشغليش بالك فيها اوي لان اغلب الكليات بيبقى التخصص في تالتة واحنا عندنا في رابعة بس احنا عندنا قسم
جديد اسمه الbioinformatic وهوة بفلوس وبيبقى من سنة اولى وهمة بيدرسوا فيها بجانب الدراسة بتعتنا العادية احياء بس طبعا مطلوبين جدا بعد كدة في الشغل
وعموما هوة كل الاقسام يقدروا يشتغلعوا نفس الشغل بس كل قسم بيبقى عارف في حاجة معينة زيادة

بالنسبة للوظيفة ان شاء الله مفيش مشاكل خالص لان احنا مطلوبين جدا في سوق العمل وفي ناس بتشتغل وهية لسة متخرجتش واعرف ناس سافروا برا بس الناس الجامدين اوي مش اي حد

وعامتا انت متقلقيش خالص انا عارفة حالة التوهان دي :) بتبقى موجودة في كل طلبة سنة اولى مش انت بس وان شاء الله اول ماتدخلي الكلية هتلاقي حد يفهمك الامور اكتر
نصيحة مني سواء دخلتي عين شمس او غيرها متستنيش تخدي معلومة من الكلية عشان تذاكريها مهما حصل الكلية مش هتديك كل حاجة هية بس هتفتحلك ابواب وانت لازم تكملي مع نفسك ابداي برمجة قبل ما الكلية تبتدي هتفرق معاكي اوي و عودي نفسك على القراءة وكتب بالانجليزي مش بالعربي عشان متلخطيش نفسك
سنة اولى الترم الاول مهما حد فهمك وعرفك النظام ماشي ازاي هتبقى صعبة عليكي لانه تغير كبير عن دراسة المدرسة فشدي حيلك جامد اويييييييييي الترم ده لانك هتتعبي اكتر من اي ترم وان شاء الله بعد كدة الترمات حتعدي اسهل بكتير رغم انك هتخدي حلجلت اصعب بكتير

معلش طولت عليكي لو عندك اي استفسار ان شاء الله احاول اساعدك

السلام عليكم

انا من حاسبات عين شمس فهحاول اكلمك عنها كدة على السريع اولا هية الكلية مش صعبة اوي يعني بس هية محتاجة شوية مذاكرة وشوية حضور المحاضرات وسكاشن :) بس ده لو عاوزة تعدي وخلاص لكن لو عاوزة تشتغلي في مكان محترم جدا بعد ما تتخرجي فاكيد لازم تتعبي وده قاعدة تقريبا في كل الكليات
كليتنا بيقولوا انا احسن كلية وانها اكتر واحدة بتطبق معايير الجودة ومش عارفة ايه بس ما علينا يعني ,,
اغلب الدكاترة والمعيدين وحتى الطلبة عندنا محترمين جدا وبيحبوا يسعدوا اوي
عندنا الدرسة بتبقى كل ترم في 6 مواد وبيبقى في امتحان ميد تيرم وده في نص الترم وامتحان الفاينل (اخر الترم)
في سنة اولى وتانية بتبقى تقريبا اغلب المواد مواد ملهاش علاقة بالكمبيوتر بس بنحتجها اكيد بعد كدة زي الفزيا والرياضة والاحصاء والانجليزي وغيرهم
المواد اللي بيبقى ليها علاقة بالكمبيوتر بيبقى ليها غالبا مشروع كل جروب بيسلمه في امتحانات العملي
كل المواد بالانجليزي وده ان شاء الله مش بيبقى مشكلة وتقريبا بعد الاسبوع التالت الناس كلها بتبقى اتعودت

بالنسبة للاقسام متشغليش بالك فيها اوي لان اغلب الكليات بيبقى التخصص في تالتة واحنا عندنا في رابعة بس احنا عندنا قسم
جديد اسمه الbioinformatic وهوة بفلوس وبيبقى من سنة اولى وهمة بيدرسوا فيها بجانب الدراسة بتعتنا العادية احياء بس طبعا مطلوبين جدا بعد كدة في الشغل
وعموما هوة كل الاقسام يقدروا يشتغلعوا نفس الشغل بس كل قسم بيبقى عارف في حاجة معينة زيادة

بالنسبة للوظيفة ان شاء الله مفيش مشاكل خالص لان احنا مطلوبين جدا في سوق العمل وفي ناس بتشتغل وهية لسة متخرجتش واعرف ناس سافروا برا بس الناس الجامدين اوي مش اي حد

وعامتا انت متقلقيش خالص انا عارفة حالة التوهان دي :) بتبقى موجودة في كل طلبة سنة اولى مش انت بس وان شاء الله اول ماتدخلي الكلية هتلاقي حد يفهمك الامور اكتر
نصيحة مني سواء دخلتي عين شمس او غيرها متستنيش تخدي معلومة من الكلية عشان تذاكريها مهما حصل الكلية مش هتديك كل حاجة هية بس هتفتحلك ابواب وانت لازم تكملي مع نفسك ابداي برمجة قبل ما الكلية تبتدي هتفرق معاكي اوي و عودي نفسك على القراءة وكتب بالانجليزي مش بالعربي عشان متلخطيش نفسك
سنة اولى الترم الاول مهما حد فهمك وعرفك النظام ماشي ازاي هتبقى صعبة عليكي لانه تغير كبير عن دراسة المدرسة فشدي حيلك جامد اويييييييييي الترم ده لانك هتتعبي اكتر من اي ترم وان شاء الله بعد كدة الترمات حتعدي اسهل بكتير رغم انك هتخدي حلجلت اصعب بكتير

معلش طولت عليكي لو عندك اي استفسار ان شاء الله احاول اساعدك



ميرسي جداااا على كلامك ونصايحك وربنا يوفقك وبجد كلامك جميييل جدا

بس كان عندي استفسار بس انتي بتقولي ابدأي برمجة ؟؟ أبدأه ازاي ؟؟

ميرسي جداااا على كلامك ونصايحك وربنا يوفقك وبجد كلامك جميييل جدا

بس كان عندي استفسار بس انتي بتقولي ابدأي برمجة ؟؟ أبدأه ازاي ؟؟


بصي انت ممكن تبدأي برمجة بسي بلس بلس
ابدأي اقري في تيوتوريل على النت ده لينك واحد
http://www.cplusplus.com/doc/tutorial/
هوة ان شاء الله هيبقى سهل

بس انا لما بدات كان في دروس الباشمهندس محمد قباني كان شرحها هنا بس هوة للاسف وقف بعد كدة فاهية مش كاملة بس هتديكي خلفية كويسة ان شاء الله
ده لينك المقدمة
http://www.thanwya.com/vb/showthread.php?t=69497
وده لينك الدروس
http://www.thanwya.com/vb/showthread.php?t=71843
هوة الباشمهندس شارح بطريقة سهلة جدا ومفهومة ما شاء الله (جزاه الله عنا خيرا) لو عندك اي اسئلة في الدروس اسئلي وان شاء الله هحاول اجاوب عليكي وابقي حلي الواجبات بتاعت الدروس لان دي اهم حاجة انك تشتغلي بأديكي اي حاجة تقري عنها وربنا معاكي ان شاء الله

ميرسي جداا وبجد مش عارفة اشكرك ازاااي على نصايحك وكلامك ده ..................ممكن تديني خلفية عن القسم اللي بفلوس اللي عندكو في الكلية ؟؟ يعني المواد والمستقبل وكلله .... بلييييييييييييييز

ميرسي جداا وبجد مش عارفة اشكرك ازاااي على نصايحك وكلامك ده ..................ممكن تديني خلفية عن القسم اللي بفلوس اللي عندكو في الكلية ؟؟ يعني المواد والمستقبل وكلله .... بلييييييييييييييز

العفو يا بنتي مفيش شكر بين الاخوات :)

بالنسبة للقسم هوة اسمه bioinformatics
انا معنديش خلفية جامدة اوي عنه بس اللي اعرفه انهم بيخدوا تقريبا كل المواد اللي الاقسام التانية بيدوها وبيزودوا عليها احياء القسم ده طبعا جامد جدا لان مفيش غير37 دولة في العالم فيها الدراسة دي ومفيش غير حاسبات عين شمس هية اللي بتدي القسم ده في مصر ,عدد الطلبة فيه بيبقى قليل جدا يعني في حدود 50
بيقولوا الشغل فيه مضمون جدا لان مفيش غير ناس قليلة جدا بتدرس في القسم ده وبيشتغلوا بمرتبات عالية جدااا.......ويقدروا يشتغلوا برده نفس شغل بتاع حاسبات العادي
المصاريف انا مش متاكدة اوي بس تقريبا في حدود 14 الف في السنة
بس همة اصلا شغالين بنظام الcredit hours
المهم لو عاوزة تفاصيل اكتر دي صفحتهم على الfacebook
http://www.facebook.com/group.php?gid=5186238509#!/group.php?gid=5186238509&v=app_2373072738

وده الموقع بتاعهم
http://biofcis.findtalk.net/forum.htm
ممكن تبقي تساليهم فيه هيبقوا عارفين اكتر مني اكيد :d

بالتوفيق ان شاء الله وابقي قوليلي لو احتجتي لاي مساعدة

بالنسبه لقسم البيو انفرماتك
اعتقد انه علم بيربط بين البيولوجي وبين علوم الحاسب