مشاهدة النسخة كاملة : بدر» يقرر زيادة اختبارات التخصص للمعلمين.. وجعل التسجيل في الكادر بـ"العمل
ah_math2008 08-09-2010, 05:20 PM «بدر» يقرر زيادة اختبارات التخصص للمعلمين.. وجعل التسجيل في الكادر بـ"العمل" وليس المؤهل
علمت «المصرى اليوم» أن الأكاديمية المهنية للمعلمين، انتهت من دراسة أخطاء امتحانات الكادر الماضية، لتلافيها فى الامتحانات المقبلة، بناء على قرار من الدكتور «أحمد زكى بدر»، وزير التربية والتعليم، الذى يدرس حاليا تحديد موعد الامتحانات الجديدة.
وقال مصدر مسؤول إن الوزير طلب من الدكتور «أحمد زينهم أبو الحجاج» المدير الجديد للأكاديمية، والمسؤولين القدامى بها تلافى أخطاء امتحانات الكادر الماضى سواء الفنية أو الإدارية، مشيرا إلى أن الأخطاء الفنية التى سيتم تلافيها خاصة بتقسيم التخصصات، والإدارية خاصة بالتسجيل عبر الموقع الالكتروني للوزارة.
وأضاف المصدر :" سيتم زيادة امتحانات مواد التخصص بجانب الامتحانات التربوية، تلافيا للمشكلات التى حدثت من قبل، حيث كان هناك تداخل كبير فى هذه التخصصات، بحيث كان يؤدى الاخصائى النفسى الامتحان بالأسئلة نفسها للاخصائى الاجتماعى مما يصعب عليه الإجابة على بعض الأسئلة، وغيرها من التخصصات، ولذلك سيكون هناك نوع من الفصل بينها تيسيرا على الممتحنين من المدرسين والاخصائيين"، لافتا إلى أن عدد التخصصات التى أدى فيها المدرسون الامتحانات الماضية كانت 57 امتحانا، ولم يتم تحديد عددها خلال الامتحانات المقبلة.
وأشار المصدر إلى أن الأخطاء الإدارية سيتم تلافيها عن طريق إدارة الإحصاء بالوزارة، بالتعاون مع الأكاديمية التى رفعت كل مشاكل التسجيل إلى الإدارة للعمل على حلها، موضحا أنه سيتم التأكد من أن المدرس الذى يسجل المادة التى سيؤدى فيها الامتحان تتوافق مع عمله المعين عليه ، وليس على أساس تخصصه، على أن يتم بعدها إصدار رقم الجلوس الخاص به وفقا لعمله وليس لمؤهله.
ghoneem84 08-09-2010, 05:23 PM شكرااااا على الخبر
وياريت تكون بداية لتلافى الاخطاء السابقة
alaa ammar 08-09-2010, 05:37 PM طب والناس اللى امتحنت ونجحت من المعلمين المساعدين
ليه العطله
hishamhassan 08-09-2010, 05:45 PM thaaaaaaaaaaaaaaaank you
دوري المظاليم 08-09-2010, 05:47 PM :slap1qk6::slap1qk6::slap1qk6:
said_math 08-09-2010, 07:06 PM لسه بدرى.....
بدرى عليك يا تعليم بدرى ....
بس اهى باديه مبشره
يارب خير
اللهم ولى امورنا خيارنا
وصلى اللهم على سيدنا محمد رسول الله صلى الله عليه وسلم
ايهاب بدر الدين 08-09-2010, 07:32 PM والله العظيم حرام الواحد مش عارف سياسة ايه ده بيدرسوا الامتحانات المقبلة هما فى ايه ولا فى ايه واللى امتحنوا ونجحوا هما ليه بيعملوا خطوة قبل خطوة الواحد بقى لا منتظر تعيين ولا كادر مش بعيد يقولوا هنعيد امتحانات الكادر تانى الحكومة بجد الواحد بقى متوقع اى حاجة يعملوها وحسب الله ونعم الوكيل
منار على 08-09-2010, 07:47 PM انا نفسى اسال سؤال
هو احنا ليه دخلنا كليه تربيه اصلا
المفترض اننا كنا بندرس وبنمتحن ايه يعنى طول الاربع سنين وليه
الظاهر انهم فاكرين اننا كنا بنروح نتفسح ونلعب
عشان يعملوا امتحانات الكادر بحجه التاكد من اننا مؤهلين لمهنتنا
مش المفترض ان الكليه اصلا دى وظيفتها
تاهيلنا
يبقى ليه امتحانات كادر من اصله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
ولو هما شاكين ان الكليه بتاهلنا التاهيل المفروض لمهنتنا ميقفولها احسن
eva2010 08-09-2010, 08:21 PM طبعا لازم الامتحان يكون فى التخصص المظبوط لان المرتب الكبيررررررر اللى بياخده المدرس والمكانة العالية اللى هو فيها والمعاملة المحترمة جدا اللى حصلت فى امتحانات الثانوية العامة والموتة الكريمة اللى شافها المدرس الغلبان فى فناء المدرسة المنتدب اليها .. كل ده يستاهل التدقيق احسن يكون رايح لحد مش يستاهلة .... لنا الله
محمد ابوصلاح 08-09-2010, 08:26 PM عندك حق يا استاذه منار
فعلا خريجي كليات التربية امتحن اربع سنوات في كل التحصصات دي واصعب كمان ونجح فيها وكمان خريجي الاداب اخذ دبلومة في التربوي يعني كلنا مؤهلين للتدريس ليه بقي نمتحن تاني
فعلاً اهانة لينا ولكل المدرسين وكان ممكن يمتحن مثلا المدرسين الحاصلين علي دبلوم المعلمين لو كان عاوز امتحان
حسبي الله ونعم الوكيل
mr.simsim 08-09-2010, 08:35 PM يا اخت منار دا مش عايزه تفكير الكلام جاوب نفسه
saber samy 08-09-2010, 08:35 PM هم شاغلين نفسهم باللى لسة ممتحنش ليه وسابوا اللى امتحنوا من سنة منهم لله والله حرام عليهم حسبنا الله ونعم الوكيل فيهم الظلمة
aladdin027 08-09-2010, 09:50 PM اللهم أفرغ علينا صبرا
و توفنا مؤمنين
http://www6.0zz0.com/2010/09/08/19/129409255.gif
الفقيرة الى الله 08-09-2010, 10:01 PM لا اله الا الله وربنا ييسر الامور ويفتكروا الناس اللى امتحنت ونتثبت ان شاء الله
احمد الكوامي 09-09-2010, 12:41 AM الستار موجود
mak2007 09-09-2010, 12:57 AM انا نفسى اسال سؤال
هو احنا ليه دخلنا كليه تربيه اصلا
المفترض اننا كنا بندرس وبنمتحن ايه يعنى طول الاربع سنين وليه
الظاهر انهم فاكرين اننا كنا بنروح نتفسح ونلعب
عشان يعملوا امتحانات الكادر بحجه التاكد من اننا مؤهلين لمهنتنا
مش المفترض ان الكليه اصلا دى وظيفتها
تاهيلنا
يبقى ليه امتحانات كادر من اصله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
ولو هما شاكين ان الكليه بتاهلنا التاهيل المفروض لمهنتنا ميقفولها احسن
كلام سليم 100 ال 100
وبجد كلية التربية بالعملى بتاعها والسكاشن وحضور المحاضرات والغياب
كل دا = واحد متخرج من أداب او تجارة صدقونى فى مدرس بيدى رياضيات عندى فى المدرسة بسأله أنت خريج تربية دفعة كام ؟ عارفين قلى أيه ........انا خريج كلية تجارة
وواحد تانى عشان تشوفوا العجب بس هو إدارى فى مدرسة ابتدائى وهو مدرس أساسى أنت خريج ايه بعد الى شفتة معدتش أسئله أنت خريج تربية دفعة كام عارفين قالى ايه؟......... أنا خريج معهد تمريض ......صدقونى أنا ساعتها صعقت من الى بسمعه
ربنا على الظالم والى آكل حقوقنا ونفسى أمر التكليف لكليات التربية يرجع تانى وإلا على رأى الاخت منار التربية تتقفل أفضل
إيهاب النجار 09-09-2010, 01:19 AM مافيه تخصص
ايمن عابد1985 09-09-2010, 02:01 AM طب مش لما تعينونا الاول ماحنا مخلصين بقالنا ييجى سنة اهو وموديين الافادة بتاعة icdl
Observer 09-09-2010, 02:11 AM الراجل ده ممكن يكون بيفكر يمتحن 5 دفعات مثلاً على خمس سنين
وبعد كدة يعين اول دفعة بعد سنة وتانى دفعة السنة اللى بعدها وهكذا
منها يتأكد ان اللى هيتسكن لسه عايش وجهازه العصبى بيستحمل
ومنها يوفر شوية فى الدرجات على اساس الناس اللى هتكون سافرت فى اى حتة
بيبونينو 09-09-2010, 02:15 AM و ماذا بعد امتحان الكادر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دوري المظاليم 09-09-2010, 03:11 AM عشرميت اكشي للتربية
m.a.h.2050 09-09-2010, 12:39 PM طبعا لازم الامتحان يكون فى التخصص المظبوط لان المرتب الكبيررررررر اللى بياخده المدرس والمكانة العالية اللى هو فيها والمعاملة المحترمة جدا اللى حصلت فى امتحانات الثانوية العامة والموتة الكريمة اللى شافها المدرس الغلبان فى فناء المدرسة المنتدب اليها .. كل ده يستاهل التدقيق احسن يكون رايح لحد مش يستاهلة .... لنا الله
هو حضرتك نسيت معاملة الطلاب واولياء الامور والاعلام للمعلم وتقديره ولا ايه
m.a.h.2050 09-09-2010, 12:40 PM الدراسة حتبدا وحسبنا الله ونعم الوكيل
|