انا هخش تجارة يمكن السنة الجاية بس انا عندى كذا سوال ارجوكم تجاوبونى علية
1\ انا طالع تالتة بس انا واخد علم نفس وفلسفة ومنطق وجيولوجيا(مادة علميا) انا سوالى هو انى سمعت انى لازم اخد اقتصاد واحصاء عشان انفع اخش الكلام دة صح يعنى احول ولا غلط ياريت تفيدونى لو سمحتو
2\انا الصراحة بعد ما كان حلمى دخول اعلام او سياسة واقتصاد مجموعى خذلنى فى ثانية وجبت(79%) بس ناوى اضاعف المجهود عشان اخش تجارة وسوالى هو هو التجارة متوقع انها فى التنسيق تزيد عن 80% مع العلم انها فى السنادى اخذيت 71% بس عشان كانت سنة فراغ بس ياريت ماتذيدش السنادى ذى ما ذادت فى عام 2007 ووصل الدخول لها 89%!!! تخيلوا اتمنى اعرف رايكو
3\ سوالى الثالث هو انا سمعت ان التجارة بها شعب اتمنى ان تفيدونى بعددهم وما هو اهمهم على الرغم انى سمعت ان اهم شعبة هى المحاسبة لانها تتيح العمل اكثر من غيرها وسوالى هنا هو هل هذا صحيح وما هى الشعب وعددهم
4\ انا الصراحة سمعت ان الاعداد فى كلية التجارة بتبقى مهولة( كلية الشعب ) زى ما بيقولو وان الطلاب بتاخد المحضرات واقفة على رجلها!!فهل هذا صحيح.. فهل تنصحونى بهاا ام ماذا !
5\ لدى صديق فى احدى المدارس الفنية (تجارى) وهو طالع ثانية فهل يمكنة دخول كلية التجارة ام لا + كم المجموع المحتاج لة لكى يدخل الجامعة علما انة يرفض دخول المعاهد لارتفاع مصاريفها

... انا اسف يا جماعة على طلباتى واستفساراتى الكتير دى بس امنيتى ان تجوبولى عليهاعشان خاطرى وياريت كل استفساراتى

انا هخش تجارة يمكن السنة الجاية

تنور وتشــرف

\ انا طالع تالتة بس انا واخد علم نفس وفلسفة ومنطق وجيولوجيا(مادة علميا) انا سوالى هو انى سمعت انى لازم اخد اقتصاد واحصاء عشان انفع اخش الكلام دة صح يعنى احول ولا غلط ياريت تفيدونى لو سمحتو

لا خالص مين قالك كدا ؟! .. منذ قديم الأزل وهوا معروف ان الادبى ادبى والعلمى علمى

انتا عشان تبقى فاهم ومش ماشى ورا الناس .. لازم تبقى عارف العملية ماشية ازاي

انتا لو عايز تخش طب .. لازم تاخد فى تانية وتالته ..

فيزياء وكيمياء واحياء + مادة أدبية (تاريخ-جغرافيا-علم نفس-فلسفة-اقتصاد)

لو عايز تخش هندسة لازم تاخد في تانية وتالته ..

فيزياء وكيمياء ورياضة 2 + مادة ادبية .. زي اللى فوق برده

لو عايز بقى تخش أى كلية أدبية بخلاف هندسة وحاسبات والكليات الطبية

يبقى لازم تاخد تاريخ + مادتين من الآتى (جغرافيا-علم نفس-اجتماع-فلسفة-اقتصاد)

+مادة واحده من الآتى (فيزياء-كيمياء-جيولوحيا-رياضة2-أحياء)

اذن الخلاصة من الاخر ..

طالب العلمى لازم ياخد مادة أدبية .. وطالب الادبى لازم ياخد مادة علمية .. شااااء ام أبى

اللي داخل ادبى من سنة تانية لازم ياخد مادة علمية في تالته

واللى كان علمى في تانية وحول أدبى فى تالته ..

ماهوا اصلا خد مادة علمية فى تانية بالتالى هاييجي فى تالته هايختار من المواد الادبية بس

لان هوا اصلا خلاص خد المادة العلمية فى تانية

اذن انتا ماتمشيش ورا الناس وتعمل زيهم وانا مش فاهم .. افهم العملية ماشية ازاي وبعد كدا قول دا صح ولا غلط

واظن بعد ماشرحتلك كدا مافيش اي غلط عليك وانتا ماشي تمام

\انا الصراحة بعد ما كان حلمى دخول اعلام او سياسة واقتصاد مجموعى خذلنى فى ثانية وجبت(79%) بس ناوى اضاعف المجهود عشان اخش تجارة وسوالى هو هو التجارة متوقع انها فى التنسيق تزيد عن 80% مع العلم انها فى السنادى اخذيت 71% بس عشان كانت سنة فراغ بس ياريت ماتذيدش السنادى ذى ما ذادت فى عام 2007 ووصل الدخول لها 89%!!! تخيلوا اتمنى اعرف رايكو

فى 2007 ماكنش 89% على فكرة .. لان انا كنت من خريجين الثانوية العامة فى الدفعة دى ..

كانت واخده 87% تجارة انتظام .. وتجارة انجليش كانت واخده 92% ..

وعشان تحط فى بالك .. عمر ما تنسيق 2007 هايرجع تانى .. لان دا استحالة يحصل تانى

وخدها نصيحة منى .. ماتبصش لتنسيق السنين اللي فاتت خالص

لان كل سنة ليها وضعها الخاص .. وانتا سنة تانية 2010 زي مانتا شوفت كدا المجاميع كلها تحت وتعبانه

انا لو قيستهالك بمقياس السنة اللي قبل اللى فاتت 2008 هايبقى كالآتى (ولو ان دا غلط بس عشان اريحك بس) :

مستوى النجاح فى سنة تانية 2010 كان 72.3% .. ومستوى النجاح فى سنة تالته 2008 كان 85.4%

والنت عندك لو مش واثق من النسب اللي حاطتهالك اتأكد بنفسك

اذا قيست مستوى المجاميع بين 2010 سنة تانية و 2008 سنة تالته

هاتلاقيه فرق 13.1% بالسالب .. طبعاً خد بالك ان مستوى نجاح مش مستوى مجاميع وشرائح

بس اذا اعتبرنا ان مستوى النجاح مقياس .. يبقى فيه 13.1%

يعنى اذا اعتبرنا ان كلية زي كلية تجارة بنى سويف فى 2008 كانت واخده اعلى تجارة بمجموع 86.9%

يبقى كدا هاتاخد فى تالته 2011 بمجموع 73.00%

طبعا أكيد الحسبة دى غلط لان مش داخل فيها مجاميع سنة تالته اللي هيا لسه مانعرفهاش

زائد ان مش داخل فيها الكثافة المتاحة للكليات اللي هاتستقبل دفعة الثانوية العامة الجديدة اللي داخلة جامعة

انا بس حبيت اوصلك الفكرة .. انسى حكاية التنبؤ بالتنسيق دا ..

لان لانا ولا انتا ولا الوزير نفسه هايعرف يتنبأ بيه الا لما تمتحن سنة تالته والنتايج تظهر

\ سوالى الثالث هو انا سمعت ان التجارة بها شعب اتمنى ان تفيدونى بعددهم وما هو اهمهم على الرغم انى سمعت ان اهم شعبة هى المحاسبة لانها تتيح العمل اكثر من غيرها وسوالى هنا هو هل هذا صحيح وما هى الشعب وعددهم

على حسب الجامعة اللى انتا هاتخشها ..

يعنى عندك مثلا القاهرة فيها محاسبة وتأمين وادارة اعمال

عندك حلوان فيها نفس اقسام القاهرة زائد اقتصاد وقسمين تانيين مش متذكرهم دلوقتى

بس فى الاول وفى الاخر .. هيا المحاسبة أهمهم ..

ودا لانه القسم الوحيد اللى تقدر تلاقيه من خلاله شغل وتاكل من وراه عيش

الاقسام التانية مايغركش اسمها الحلو .. يعنى قسم زي ادارة الاعمال دا يحسسك انك هاتطلع مدير عام

وهوا مسيرك تصطدم بالواقع المرير وتطلع مندوب مبيعات بكراتين امواس حلاقة تلف بيها على القهاوي !!

الا اذا بقى كان ليك واسطة محترمة فى شركة من الشركات المحترمة او بنك

\ انا الصراحة سمعت ان الاعداد فى كلية التجارة بتبقى مهولة( كلية الشعب ) زى ما بيقولو وان الطلاب بتاخد المحضرات واقفة على رجلها!!فهل هذا صحيح.. فهل تنصحونى بهاا ام ماذا !

ههههههههههههههههههههههه

دا فى سنة اولى بس .. المشاهد العار اللى بتضحك دى تلاقيها فى سنة اولى بس

تلاقي امم قاعدة خالص بتشرب في سجاير .. واللي قاعدين منفضين للمحاضرة وشغالين رغى

والشاب اللي عايز يعمل فيها روش ويتعرف على بنت حلوة جنبيه ..

والبنت اللي عايشه في الدور وشايفه نفسها شجرة الدر ويا راض اتهدي ماعليكي

والشاب المجتهد اللي ياعيني تاعب نفسه فى الكتابة وهوا مش فاهم الدكتور بيقول ايه اصلا !!

واللي من كتر الزحمة مش لاقى مكان اصلا فابيروح يقف جنب الدكتور عشان يكتب !

حاجات تهلك من الضحك وربنا .. بس عادى عادى كله بيعدى وبعد كدا بتفتكر الايام دى وتقول كانت ايام حلوة

\ لدى صديق فى احدى المدارس الفنية (تجارى) وهو طالع ثانية فهل يمكنة دخول كلية التجارة ام لا + كم المجموع المحتاج لة لكى يدخل الجامعة علما انة يرفض دخول المعاهد لارتفاع مصاريفها

لو بنظام الخمس سنين يبقى بيـس ..

يخلص ويعمل معادلة ولو ربنا اراد ونجح فى الامتحان بيخش على سنة تانية انتظام على طول ..

وطبعا لان خلاص الانتساب الموجه اتلغى دلوقتى خلاص

انا اسف يا جماعة على طلباتى واستفساراتى الكتير دى بس امنيتى ان تجوبولى عليهاعشان خاطرى وياريت كل استفساراتى

نورت القسم .. أى استفسارات تحت أمرك

كل الكلام اللى قالة فاميبر مظبوط 100% انا مكنتش واخدة احصاء فى ثانوية عامة خالص وكنت فاكرة ان الحياة هتبقى وحشة لكن الحمد للة عدينا من اولى واللى كان واخد احصاء زى اللى مكنش واخد مفرتش كتير وكمان حاجة انت مش هتلاقى الاعداد المهولة اللى بتتكلم عنها دى لان هما دلوقتى قسموا كل مجموعة الى اتنين يعنى أ بتبقى أ1.أ2 فبيبقى العدد مش كتير يعنى واهلا بيك معانا فى تجارة

ya gama3a ana gayba 94% momken magmo3y yebeeb saydala?

شكرالفامبير ولكل اللى جاوبنى على سوالى وانا عندى سوال تانى معلش هو ( صديقى) نظام ثلاثة سنوات مش خمسة ولو عايز اجبهالك من الاخر هو الصراحة مش بتاع مذاكرة اوى هو نجح فى اولة بالغش وكدة سوالى هنا هو التجارة الفنية زى الثانوى كدة يعنى ثانية وثلثة شهادة ولا زى ماسمعت انة ثالثة بس انا عارف انك ممكن متعرفش بس قولت استشيرك بردة يعنى لو كان ثالثة بس شهادة يجيب كام عشان يخش الكلية يعنى لو جاب 70 % ينفع يخش ولا لالا
سوالى الثانى معلش ممكن اعرف مصاريف كلية التجارة كام بالظبط معلش سوالى غتط شوية بس اعذرونى انا اصلى عندى فوبيا القلق + هل الكتب اللى بشوفها الضخمة دى بتفتحوها ولا بتشترو كتب زى الكتب الخارجية مثلا للدكاترة + سوالى دة مهمن الصراحة انتو بتذكروا اذاى لوحدكم مثلا ولا بمساعدة اصدقاء لان مفيش دروس صح ....انا اسف طولت عليكم شوية بس اعذرونى!!

وانا عندى سوال تانى معلش هو ( صديقى) نظام ثلاثة سنوات مش خمسة ولو عايز اجبهالك من الاخر هو الصراحة مش بتاع مذاكرة اوى هو نجح فى اولة بالغش وكدة سوالى هنا هو التجارة الفنية زى الثانوى كدة يعنى ثانية وثلثة شهادة ولا زى ماسمعت انة ثالثة بس انا عارف انك ممكن متعرفش بس قولت استشيرك بردة

لا بصراحة انا مابحبش افتى فى اللى ماعرفوش .. من قال لا اعلم فقد أفتى

سوالى الثانى معلش ممكن اعرف مصاريف كلية التجارة كام بالظبط معلش

تجارة انجليش التوتال العام داخل فى الـ 5000

لو دققت اوى يعنى هايبقى 4500 كتب ومصاريف .. + 100 جنيه بتوع ملف التقديم

ودى مصاريف تجارة القاهرة .. طبعا بتختلف من جامعة لجامعة

بالنسبة لتجارة انتظام .. انا السنة اللي فاتت دافع 222 جنيه .. الله اعلم هايغلوها السنة دى ولا لاء

طبعا تجارة انتساب اتلغت خلاص .. فمالوش لازمة .. بس عموما مصاريفها كانت بتخش في الـ 400 وشوية

هل الكتب اللى بشوفها الضخمة دى بتفتحوها ولا بتشترو كتب زى الكتب الخارجية مثلا للدكاترة

بص فى تجارة عربى كل دكتور بيبقاله كتاب لوحده .. او على حسب ممكن دكتورين يعملوا كتاب واحد

بس فى العموم كل دكتور بيبقاله كتاب خاص بيه

حكاية بقى انك تفتح الكتاب وتذاكر منه او ماتفتحش انتا حر .. فيه ناس مابتشتريش كتب اصلا وبتنجح

وبتستعيض عن الكتب بالملازم بتاعة المكتبات (برده خد بالك دا بيتوقف على الجامعة نفسها)

انا واحد من الناس بحب اشتغل على كله (كتب ومحاضرات وملازم) عشان ابقى لامم الدنيا فى دماغى

وغير كدا اساسا عم هانى هلال طلع بقرار جديد قالك الكتب الجامعية اتلغت خلاص !!

والله اعلم بقى هل اتلغت فعلا وهانتسوح ولا دا كلام فى الهوا وخلاص

اما بالنسبة لتجارة انجليش .. فادول بيبقالهم كتب خاصة لوحدهم بتيجي من امريكا

الكتاب الواحد ممكن تلعب بيه بدل الدمبل بتاع الجيم !! .. وغاالبا النوعية دى بتبقى فى كتب المحاسبة

بس طبعاً ماتقلقش .. الكتب دى منظر واساسا الطلبة مش بيفتحوها الا اذا الدكتور حدد حاجة معينة

سوالى دة مهمن الصراحة انتو بتذكروا اذاى لوحدكم مثلا ولا بمساعدة اصدقاء لان مفيش دروس صح

اصدقاء ايه بس .. الواحد بينزل الجامعة عشان يرفه عن نفسه مع صحابه مش عشان يذاكر!!

لا ان كان ع المذاكرة انتا مع نفسك ..

وماتقلقش العملية بتمشى وبتفهم وبتخش الامتحان تحل وكله بيمشى تمام

انتا بس عشان لسه فى ثانوى فانا عارف انك مقلق من العملية ومستغرب ..

لان انا كنت زيك قبل كدا برده نفس النظام

شكرا يا فامبير تانى وثالث على ردك بس انا هغتت وهسال كل الاسئلة اللى فى بالى تانى
1\ هل يوجد غياب وحضور يعنى لو غيبت كتير فى فصل ولا كل واحد حر يروح ميروحش برحتة للعلم انا عايز تكلمنى على تجارة عربى بس عشان انا مش هدخل انجليش
2\ سوالى الثانى يتعلق بنظرتك الخاصة انا جيبت فى ثانية 79% وانا دلوقتى فى ثالثة تنصحنى احاول اجيب قد اية عشان ادخل تجارة يعنى لو جبت فى مجموع الثانوية كلها 80% ينفع ادخل ولا لا ولو لاقدر اللة مدخلتهاش سيتك شايف كلية اية تانى مجال شغلها واسع وكدة يعنى
3\ الصراحة سوالى هنا بفكر فية من دلوقتى هدخل جامعة يا ناس !! يعنى داخل مرحلة جديدة فى عمرى والصراحة ولا اخفى عليك انى مستنى اللحظةدى بمنتهى الصبر سوالى هنا هل شعرت بما شعرتة من خوف وفضول وقلق مع بعض وهل دة طبيعى وازاى انسجم مع الناس هناك عشان ميفتكرونيش منعزل ومنغلق والكلام دة !!

...شكرا اخى فامبير على ردك وان كنت اتمنى ان تقول اسمك ..شكرا مجددا

شكرا يا فامبير تانى وثالث على ردك بس انا هغتت وهسال كل الاسئلة اللى فى بالى تانى
1\ هل يوجد غياب وحضور يعنى لو غيبت كتير فى فصل ولا كل واحد حر يروح ميروحش برحتة للعلم انا عايز تكلمنى على تجارة عربى بس عشان انا مش هدخل انجليش
2\ سوالى الثانى يتعلق بنظرتك الخاصة انا جيبت فى ثانية 79% وانا دلوقتى فى ثالثة تنصحنى احاول اجيب قد اية عشان ادخل تجارة يعنى لو جبت فى مجموع الثانوية كلها 80% ينفع ادخل ولا لا ولو لاقدر اللة مدخلتهاش سيتك شايف كلية اية تانى مجال شغلها واسع وكدة يعنى
3\ الصراحة سوالى هنا بفكر فية من دلوقتى هدخل جامعة يا ناس !! يعنى داخل مرحلة جديدة فى عمرى والصراحة ولا اخفى عليك انى مستنى اللحظةدى بمنتهى الصبر سوالى هنا هل شعرت بما شعرتة من خوف وفضول وقلق مع بعض وهل دة طبيعى وازاى انسجم مع الناس هناك عشان ميفتكرونيش منعزل ومنغلق والكلام دة !!

...شكرا اخى فامبير على ردك وان كنت اتمنى ان تقول اسمك ..شكرا مجددا

بص يا معلم رقم واحد الجامعه دى تروح متروحش براحتك ولا فى غياب ولا فصل ولا الكلام دا الكلام دا كلام ابتدائى
لكن انتظام بيحضروا سكاشن علشان الدرجات بس مش شرط يعنى انك تروح
رقم 2 بص التنسيق كل سنه بيتغير والله اعلم تجاره هتاخد من كام لكن بامانه انا مش شايف ان 80 دى هتلحق تجاره
الله اعلم طبعا لكن حاسس ان تجاره هتعلى السنه الجايه علشان انتساب اتلغى والاعداد هتقل والله اعلم
المهم انتا بس زاكر حلو علشان تجيب مجموع كويس فى 3
انا مش عارف اقولك تجيب كام لانى زى ما قولتلك التنسيق مش سابت ومحدش يعرف حاجه لكن انا شايف انك تجيب على الاقل 90
هيا بعيده شويه لكن بامانه علشان على الاقل تبقى ضامن انك مجموع السنتين 85
تبقى ضامن وممكن اقل لكن انا شايف دا مجموع حلو قوى والله اعلم دا من وجهه نظرى
اما بالنسبه للكليه غير تجاره مش عارف لما فامبير يخش يقولك
رقم3 اكيد كل واحد دخل ثانوى كان نفسوا يخلص من الثانوى يكون هيموت ويدخل الجامعه لكن بعد ما بتدخل بتحس ان الدنيا عادى يعنى بس بتستريح من الثانوى دا هم كبير قوى الثانوى دا
وبالنسبه لشعورك دا عادى اى انسان بيدخل مرحله جديده بيحس بكدا دا طبيعى يعنى
وانتا لما تخش الجامعه وتتعرف على الناس وكدا وتتعود على جو الجامعه هتلاقى الدنيا فل قوى وهتلاقى الحياه تمام
ارجو ان اكون افادتك على قد ما اقدر
اخوك عبدو 2تجاره عين شمس

بس يا باشا انا عارف ان التجارى بيبقى مجموعة كبير وتنسيقة عالى بس انا عملت احصائية على السنين اللى فاتت ولقيت ان التجارة وتنسيقها بزيد من سنة للى بعدها بمقدار 3% او 4% يعنى مثلا فى 2007 كانت 87% وفى 2008 كانت 85% وهكذا عرفت ان مش ممكن تزيد عن النسبة دى لذللك لما السنة دى التنسيق كان 71.5% تخيل قليل اد اية طبعا هتقولى سنة فراغ بس همشى معاك بقعدتى اللى فوق لو هنزود 5% مش اربعة او ثلاثة هيبقى 75% طبعا عشان دى كان سنة فراغ والاعداد فى سنتنى ضخمة فهيبقى اخرها 80% وهنا هيكون زاد التنسيق 8.5% عن العام اللى فاتة طبعا النسبة دى هتكون لاول مرة تحدث ولكن اتمنى ان لا تزيد عن كدة !

على العموم انا اعندى سوال ممكن اعرف لو كان فى نصيب ادخل التجارة اعمل اية يعنى لما تظهررا النتيجة اسحب الملف واستنى التنسيق لما يفتح على الموقع واسجل واستنى النتيجة ولو ربنا اذن وطلعت النتيجة (تجارة القاهرة) يارب . هل يجب ان اطبعها ولا مش لازم يعنى لما اذهب فى اسرع وقت زى ما بيقولو اطبعها واخذها معايا ولا اية
وومكن اعرف هيطلبو منى اية بالظبط وتنصحنى اصور اية فى الدوسية بتاعى يعنى اصور مثلا شهادة الثانوية ولا لا ولةلو اة كام صورة وهكذا ....
...شكرا واسف لو طولت عليكم!

على العموم انا اعندى سوال ممكن اعرف لو كان فى نصيب ادخل التجارة اعمل اية يعنى لما تظهررا النتيجة اسحب الملف واستنى التنسيق لما يفتح على الموقع واسجل واستنى النتيجة ولو ربنا اذن وطلعت النتيجة (تجارة القاهرة) يارب . هل يجب ان اطبعها ولا مش لازم يعنى لما اذهب فى اسرع وقت زى ما بيقولو اطبعها واخذها معايا ولا اية
وومكن اعرف هيطلبو منى اية بالظبط وتنصحنى اصور اية فى الدوسية بتاعى يعنى اصور مثلا شهادة الثانوية ولا لا ولةلو اة كام صورة وهكذا ....
...شكرا واسف لو طولت عليكم!

هههههههههههههه يا درش انتا مستعجل على ايه بس

ان شاء الله بس انتا شد حيلك السنة دى ..

ولما ربنا يكرم وتعدى السنة ابقى تعالى اسأل وانا اقولك كل اللي انتا عايزه

بس الكلام دا سابق لأوانه .. لاني هاقولهولك دلوقتى وعارف انك هاتنساه بمجرد مرور شهرين

فالاحسنلك لما تخلص السنة الجايه ان شاء الله تعالى هنا واسأل ..

وهارسيك ع الحوار كله من اول ما النتيجة تظهر لغاية مادخلك باب الكلية بنفسى :d

استاذى الكريم انا عندما اطلب طلبى فهو قبل ان يكون لى هو لاحد اصدقائى الذى يربيد دخولها فى تنسيق هذا العام وانا اتمنى لو انك تتفضل وتكتب لى ما المطلوب بالظبط واعذرنى على طلبى ولا تخف فانا هكتبها فى ورقة واحفظها بس يايريت تكتب لى كل حاجة يعنى مثلا شهادة الثانوية وكام صورة واستخرج اللى ايسمها 2جند منين وكدة واصور اد اية ياريت تفيدنى لو سمحت وهذا طبعا فضلا وليس امرا !:(

استاذى الكريم انا عندما اطلب طلبى فهو قبل ان يكون لى هو لاحد اصدقائى الذى يربيد دخولها فى تنسيق هذا العام وانا اتمنى لو انك تتفضل وتكتب لى ما المطلوب بالظبط واعذرنى على طلبى

طب ايه ياعم انتا قلبتها دراما كدا ليه ؟! .. خلاص ولا تزعل حقك عليا

اكتب عندك

1- أصل شهادة الميلاد (القديمة او الجديدة)

2- 6 صور وتكتب اسمك رباعى فى ضهرهم عشان يتعرف انتا مين فى حالة لخبطة الصور

3- اصل استمارة الثانوية العامة

4- جواب التنسيق

5- استمارة 2 جند من أقرب مديرية أمن (عشان تأجيل الجيش)

فى بعض الحالات ساعات بيحتاجوا لبطاقة الرقم القومى ..

لو ماطلعتهاش مش مشكلة شوط فيهم وقولهم ماطلعتهاش

ونصيحة .. طلع البطاقة بعد ما اسمك يتقيد فى الجامعة عشان يتكتب اسم الكلية والجامعة فى البطاقة

عشان فيه حالة لو ضاع الكارنيه منك تعرف تخش من الباب بالبطاقة بتاعتك

المهم .. هاتجمع كل الورق دا وتحطه فى دوسيه بلاستيك من ابو كبسولة اللي بيتقفل دا

وتروح بيه فى ميعاد فتح تقديم طلبات الالتحاق بالجامعات اللى هوا غالبا بيبقى 20/7

وخلاص كدا

شكرا لك فامبير على اهتمامك بى وبطلبى على العموم (وربنا ما يحرمنى من اجوبتك ) انا عايز اعرف جواب التنسيق بيجاب منين لو سمحت + هل جواب التنسيق اللى هوا نتيجة التنسيق يعنى لما النتيجة تطلع على النت اطبعها ويبقا دة هوا جواب التنسيق ولو مش هوا تنصحنى اطبعها ولا لا
سوال اخر معلش بقى كام اخذ معايا من فلوس هل ادفع اول لما اقدم ولا لا

...اكرر شكرى لك مع منيتى ان اعرف اسمك الحقيقى .!

جواب التنسيق ده بيتجاب من موقع التنيبق بتاع الحكومة

حضرتك لما تقدم في التنسيق ع النت وبعدين تطلع النتيجة

بتطبعها وتروح بيها الجامعة و الورقة اللي طبعتها دي اسمها جواب التنسيق

والفلوس بتبقي حسب الجامعة

1\ انا طالع تالتة بس انا واخد علم نفس وفلسفة ومنطق وجيولوجيا(مادة علميا) انا سوالى هو انى سمعت انى لازم اخد اقتصاد واحصاء عشان انفع اخش الكلام دة صح يعنى احول ولا غلط ياريت تفيدونى لو سمحتو مش شرط لكن دة هيفيدك لان كلية تجارة فيها اقتصاد و احصاء فلما تاخد اقتصاد و احصاء في ثالثة هيبقى عندك خلفية و كمان ممكن تجيب الدرجة النهائية في الاقتصاد و الاحصاء بسهولة بعكس علم النفس لانه مادة تقديرية زي التاريخ
2\انا الصراحة بعد ما كان حلمى دخول اعلام او سياسة واقتصاد مجموعى خذلنى فى ثانية وجبت(79%) بس ناوى اضاعف المجهود عشان اخش تجارة وسوالى هو هو التجارة متوقع انها فى التنسيق تزيد عن 80% مع العلم انها فى السنادى اخذيت 71% بس عشان كانت سنة فراغ بس ياريت ماتذيدش السنادى ذى ما ذادت فى عام 2007 ووصل الدخول لها 89%!!! تخيلوا اتمنى اعرف رايكو هي محتمل تزيد السنة الجاية بس مش معقول توصل ل89% و بعدين انت ممكن تجيب فوق التسعين و ممكن كمان فوق المية بالمستوى الرفيع
3\ سوالى الثالث هو انا سمعت ان التجارة بها شعب اتمنى ان تفيدونى بعددهم وما هو اهمهم على الرغم انى سمعت ان اهم شعبة هى المحاسبة لانها تتيح العمل اكثر من غيرها وسوالى هنا هو هل هذا صحيح وما هى الشعب وعددهم تجارة حلوان اكثر كليات التجارة في عدد الشعب يعني مثلا فيها شعبة محاسبة و تجارة خارجية و علاقات دولية و ادارة اعمال و نظم معلومات و اقتصاد و رياضيات و تأمين و احصاء بس طبعا محاسبة افضل قسم
4\ انا الصراحة سمعت ان الاعداد فى كلية التجارة بتبقى مهولة( كلية الشعب ) زى ما بيقولو وان الطلاب بتاخد المحضرات واقفة على رجلها!!فهل هذا صحيح.. فهل تنصحونى بهاا ام ماذا ! ايوة بالظبط كدة و اسمع ان تجارة القاهرة فيها اكبر اعداد و الناس ساعات مش بتلاقي مكان تقعد لكن في حلوان هما بس اول كام اسبوع و اخر كام محاضرة اللي بيبقى فيهم اعداد كثير لكن الكل بيلاقي مكان يقعد
5\ لدى صديق فى احدى المدارس الفنية (تجارى) وهو طالع ثانية فهل يمكنة دخول كلية التجارة ام لا + كم المجموع المحتاج لة لكى يدخل الجامعة علما انة يرفض دخول المعاهد لارتفاع مصاريفها

ايوة ممكن يعمل معادلة و يدخل تجارة حلوان لكن باقي الجامعات الثانية معرفش النظام صراحة
ارجو اني اكون افدتك

اهو الناس جاوبتك ياعم اهو ابسط ..

بالنسبة لحكاية المصاريف فطبعا الوضع مختلف من المدرسة للكلية

انتا ممكن طول السنة ماتدفعش المصاريف .. وممكن طول الاربع سنين اصلا ماتدفعش المصاريف !!

بس انتا بتضطر تدفع المصاريف بالذات بتاعة سنة اولي

عشان تطلع الكارنيه عشان تقدر تخش بيه الجامعة بعد كدا

بالنسبة لتوقيت الدفع مابيبقاش مع التقديم لكن بيبقى مع اول الدراسة وطبعا الخزنة هاتلاقيها زحمة موت

اولا عيدكم سعيد دى اولا ثانيا شكرا ليكو جدا يا جماعة عشان انا كنت محتاج المعلومات دى اوى اوى شكرا ليكو جدا +بس عندى سوال يمكن يكون الاخير هو مجموعى هل تعتقدوا ينفع يدخلنى التجارة يعنى انا عايز الرد الوافى على الموضوع دة يعنى انا فى ثانية جبت 79% هل تعتقدوا انى لو جبت 80% انفع اخشها اسنة الجايو ولا ياريت رد وافى + هو لو انا جبت فى ثالثة منفصلة 85% تعتقدوا مجموع الثنتينن يبقى كام وشكرا جزيلا جدا لكو وخاصا فامبير ...والسلام ختام

لا اطمن خاااااااالص بجد بس انت بس شد حيلك ف تالته لان تالته سهله ومش محتاجه وعشان اطمنك اكتر انا ياسيدى كنت جايبه ف تانيه75 وقعدت اقول انا مش هخش كليه واعيط ولاونى كنت بذاكر كتير روحت فتالته مذاكرتش اوى زى تانيه والحمد لله جبت95اصبح مجموعى النهائى 85 والحمد لله دلوقتى بقيت فتانيه تجاره ع شمس

لا اطمن خاااااااالص بجد بس انت بس شد حيلك ف تالته لان تالته سهله ومش محتاجه وعشان اطمنك اكتر انا ياسيدى كنت جايبه ف تانيه75 وقعدت اقول انا مش هخش كليه واعيط ولاونى كنت بذاكر كتير روحت فتالته مذاكرتش اوى زى تانيه والحمد لله جبت95اصبح مجموعى النهائى 85 والحمد لله دلوقتى بقيت فتانيه تجاره ع شمس

ربنا يوفقك انشاء اللة :022yb4: فعلا ناس كتير بتقول ان 3 سهلة مش زى ثانية انشاء اللة ادخل تجارة القاهرة ادعيلى بس:redface: