مشاهدة النسخة كاملة : جاتلى الكليه لكن اسمها كليه البنات
يقظة فكرى 21-08-2010, 05:59 PM اخواتى انا روحت اقدم زى كل الطلاب عادى
جاتلى كليه تربيه ابتدائى اه بعيده شويه عن محافظتى لكت لينا دكاتره فى تربيه وناس وكده قالولى ينفع احول
لكن جات اسامها كليه البنات حلقة ابتدائى وجاتلى كليه تربيه طفوله فى محافظتى
انا بقى عاوزه اعرف تربيه ابتدائى احسن ولا تربيه طفوله واى وحده اللى فرضه الشغل بتبقى اكتر
وياريت تقولولى يعنى ايه كليه البنات ؟؟
ارجو الافاده
emma.x92 21-08-2010, 06:20 PM الاتنين كويسين الفرق ان دى بتطلعى مدرسه حضانه والتانيه مدرسه ابتدائى
وكليه بنات يعنى بنات بس زى مدارس البنات كده
يقظة فكرى 21-08-2010, 09:15 PM مشكوره جدا جدا
لكن لما احول من كليه البنات دى واجى محافظتى هاجى كلية بنات ولا كليه عاديه ؟؟
nagar3321 21-08-2010, 10:51 PM مفيش كلية بنات الا فى جامعة عين شمس
ولاينفع منها التحويل الى اي كلية تربية
nagar3321 21-08-2010, 10:52 PM اما لو رياض لأطفال مفيش الا فى جامعة القاهرة فقط
ولا ينفع منها التحويل الى كلية تربية طفولة فى محافظتك
يقظة فكرى 21-08-2010, 11:13 PM ازاى هما قلولى غير كده
nagar3321 21-08-2010, 11:19 PM ممكن توضحى انتى فى كلية ايه بالضبط ومن اي محافظة ومجموعك كام
يقظة فكرى 21-08-2010, 11:25 PM اوك حاضر انا من اسيوط ومجموعى 233
وجاتلى كليه تربيه ابتدائى بنات فى عين شمس وانا كتبتها رغبه اولى
والرغبه التانيه تربيه طفوله اسيوط
الأستاذة أم شاهندة 21-08-2010, 11:29 PM يقظة توكلى على الله واختارى تربية طفولة فى محافظتك
العمل فى مهنة التدريس مناسب للبنت
وإن شاء الله ظروف العمل تكون ميسرة
ودراستها سهلة إن شاء الله
كفاية قلق حرام عليكى أعصابك
ومفيش حاجة اسمها تحويل فى تربية لأن كلية تربية إقليمية
توكلى على الله
يقظة فكرى 21-08-2010, 11:35 PM طيب انا اخترتها رغبه اولى وتانى رغبه تربيه طفوله فى محافظتى
يعنى اروح اغير ولا هما ممكن يطنشو الرغبه الاولى ويشوفوا التانيه
بجد تعبت انا مش هرتاح الا لما ادخل الكليه
memo_man 22-08-2010, 09:06 AM لو عايزه ترتاحي تروحي لشؤن طلاب كلية تربية طفوله او تربية عامة هي اول كلية في جامعة اسيوط وتسالي عن كل اللي انتي عايزاه وتعملي اللي هيقولولك عليه علشان ترتاحي ..
ثانيا دخول الكلية مش محتاج سؤال , الكليه اللي بتحبيها ادخليها ومتعمليش زي ما انا عملت , انا في كلية تجارة دخلتها لانها من الكليات الكبيرة وبناء على رغبة اخواتي علشان كدا مش بحبها ولا هحبها القرار ده هياثر على مستقبلك علشان كدا خدي القرار ده بنفسك ودي نصيحة مني لو عايزه تقبليها مني وياريت تفكري في كلامي ولو هتزعلي من كلامي كاني مقالتش حاجة لو عايزه اي خدمه انا تحت امرك .
الأستاذة أم شاهندة 22-08-2010, 10:34 AM طيب انا اخترتها رغبه اولى وتانى رغبه تربيه طفوله فى محافظتى
يعنى اروح اغير ولا هما ممكن يطنشو الرغبه الاولى ويشوفوا التانيه
بجد تعبت انا مش هرتاح الا لما ادخل الكليه
لو عندك استعداد تقعدى بره المحافظة سيبيها
لكن لو خروجك بره المحافظة صعب يبقى غيريها
الفرق مش كبير بين الكليتين يا يقظة عشان تحتارى كدة
ومفيش حاجة اسمها يطنشوا الرغبة
لو تنطبق عليكى شروط دخولها من مجموع وتوزيع جغرافى
حيدخلوكى
بالتوفيق
الأستاذة أم شاهندة 22-08-2010, 10:35 AM لو عايزه ترتاحي تروحي لشؤن طلاب كلية تربية طفوله او تربية عامة هي اول كلية في جامعة اسيوط وتسالي عن كل اللي انتي عايزاه وتعملي اللي هيقولولك عليه علشان ترتاحي ..
ثانيا دخول الكلية مش محتاج سؤال , الكليه اللي بتحبيها ادخليها ومتعمليش زي ما انا عملت , انا في كلية تجارة دخلتها لانها من الكليات الكبيرة وبناء على رغبة اخواتي علشان كدا مش بحبها ولا هحبها القرار ده هياثر على مستقبلك علشان كدا خدي القرار ده بنفسك ودي نصيحة مني لو عايزه تقبليها مني وياريت تفكري في كلامي ولو هتزعلي من كلامي كاني مقالتش حاجة لو عايزه اي خدمه انا تحت امرك .
مظبوط أحياناً الأهل بيقضوا على أولادهم بإختيارهم لنوع الدراسة
مش مهم أنك تنجح فى الكلية وبس
المهم تكون حابب الدراسة والشغل اللى بعد الدراسة عشان تتميز
ربنا معاك
nagar3321 22-08-2010, 12:52 PM انا اسف فى التاخير فى الرد
اكيد انتى علمى
اوك حاضر انا من اسيوط ومجموعى 233
وجاتلى كليه تربيه ابتدائى بنات فى عين شمس وانا كتبتها رغبه اولى
والرغبه التانيه تربيه طفوله اسيوط
ولو كنتى علمى طبعا هايجيلك أول رغبة لان مجموعك سوف يدخلك
وبناء عليه لو عايزة تغيري لازم تدخلى على النت وتغيري
لان طالما ان مجموعك سوف يدخلك اول رغبة فطبيعى ان يتم ترشيحلك لأول رغبة
يقظة فكرى 22-08-2010, 01:37 PM اه طيب ربنا ييسر انا محتاره بس لانى هبعد عن اهلى
وبابا قالى استنى لغاية ما نشوف النتيجه وربنا معايا
وبينى وبينكم انا مش حابه ابعد عن ماما
لكن بابا مضمم
وكان عندى امل انى احول من الكليه واجى محافظتى
nagar3321 22-08-2010, 04:14 PM التحويل مش سهل
يقظة فكرى 22-08-2010, 04:20 PM ازاى مش سهل ؟؟
لو بالفلوس اوك وكمان عندى وسطه ينفع ؟؟
يقظة فكرى 22-08-2010, 04:58 PM يعنى خلاض مفيش امل ادخل تربيه ابتدائى
حرام بجد كنت هموت وادخلها
وكمان مش هقدر ادخل تربيه بعيده
لا اله الا انت سبحانك انى كنت من الظالمين
eesraa 22-08-2010, 05:10 PM مفيش شغل لا فى دى ولا فى دى ولا فى اى كلية فى مصر خدى تعليمك والشغل دا سيبيه بعدين
يقظة فكرى 22-08-2010, 05:14 PM انا كنت عاوزه ادخلها
والشغل ممكن يجى وانا هسافر بعد ما اخلض دراستى
الامارات وهما طالبين وكده مدرسين ابتدائى ابن عمتى فاتح مدرسه يعنى فيه امل
eesraa 22-08-2010, 05:16 PM الخيرة فيما اختاره الله وارضى بنصيبك
وربنا هيكرمك بس حبى الكلية اللى انت فيها
ومش كل حاجة بنتمناها بنحققها
يقظة فكرى 22-08-2010, 05:17 PM اوك
يااااااااارب عفوك
memo_man 23-08-2010, 05:46 AM انتي ممكن تدخلي تربية ابتدائي عين شمس اول سنة ولو موجد تربية ابتدائي في اسيوط هما اوتوماتك هيحولوكي بعد اول سنة من عين شمس لاسيوط على اساس انك مغتربة وبنت وتكملي في اسيوط وبعدين انتي تقدري تغيري رغباتك من على النت ومش محتاجة لا وسطه ولا فلوس لانها سهلة خالص بس المهم المجموع
الأستاذة أم شاهندة 23-08-2010, 11:41 AM بصى يا يقظة سيبى كلية التربية الابتدائى رغبة أولى جت خلاص خير
مش جت برضه خير
إدعى ربنا يوفقك للأحسن
وربنا معاكى
يقظة فكرى 23-08-2010, 02:50 PM يارب حاضر باذن الله
بارك الله فيكم
يقظة فكرى 23-08-2010, 02:59 PM يترى موجوده كليه البنات فى اشيوط
memo_man 27-08-2010, 08:20 AM انا عمري ما سمعت عنها خالص في اسيوط
|