السلام عليكم عايزه اعرف لو سمحتم تنسيق الدخول للثانويه العامه شريحه تانيه بياخد من كام وعايزه اسالكم سؤال انامحتاره فيه ابنى جاب فى الشهاده الاعداديه مجموع 168 ناجح دور تانى وكنت حدخله ثانوى صنايع 3سنوات بس لما جبت مدرس رياضيات عشان ياخد عنده الرياضه للدور التانى قالى حاولى تدخليه ثانويه عامه لانه دماغه نضيفه وحايجى منه لو اخد دروس مع مدرسيين اكفاء انا مش عارفه اعمل ايه لان المجموع بتاعه فى الوقت الحالى ما يدخلوش ثانويه عامه وفى ناس قالت لى استنى التنسيق حينزل بس فى نفس الوقت خايفه يضيع عليه التقديم فى الصنايع ممكن حد يفدنى ويقولى اعمل ايه يبقى ربنا يجازيه خير لانى محتاره بجد على فكره انا ممكن اقدم له ثانويه عامه منازل لو ينفع بس اعمل ايه وأيه هى الخطوات والله يجزيكم كل خير

أولا تنسيق حضرتك أخد كام فى الثانوى العام أول مرة ؟

ثانياً هو ممكن يدخل صناعى ومنه يكمل بعد كدة لأن الثانوى العام مش رياضة وبس
وحضرتك أكثر حد ممكن تعرفى الولد لعبى ولا بتاع مذاكرة


غاوى رياضة ولا مواد أدبى
هو كمان عاوز إيه ؟

التنسيق اخد من 195 شريحه اولى وابنى سالته قالى ادخل ثانويه عامه بس تجيبىلى مدرسين يكونو كويسين
جزاك الله خيرا على الاهتمام والرد عليه

لا يا أختى عمر النجاح ما حيكون بالمدرسين الكويسين وبس
هما مؤكد مهمين
بس لو المدرس ممتاز والأول على الجمهورية فى مادته وابنك لم يذاكر بيده ويحل ويفهم
لن يفيده المدرس


فالدراسة مجهود ذاتى إلى جانب التلقى
مش تلقى من مدرسين وبس
والدليل ممكن مدرس ممتاز بيشرح لولدين واحد يجيب 90% والتانى 80% مثلاً
طيب ما المدرس واحد
مين الفرق


الطالب


ربنا معاك
الموضوع صعب ومحير
كان الله فى عونك