بسم الله

انا الان فى المرحلة الثانية من الثانوية العامه .. ومحتار جدا فى اختيار المادة الادبى :frown:

انا علمى رياضه 94% .. مع العلم انى بحب الرياضة

مش عارف اخد علم نفس ولا اقتصاد و احصاء ؟؟؟

متردد اخد قرار اندم عليه فى الاخر:slap1qk6: ...

اسمع نصيحه اخوووووووك القبطااااااان وحول ادبى احس هههههههههههههه

علم النفس أَضمن

بس هوه محتاج شيه حفظ بس

انا برضه علمي رياضه معاك ٩٥ %واخدت علم نفس

وبدأت كمان

وربنا معاك

انا علمي رياضه
واخذت اقتصاد واحصاء لعده اسباب
اولا مش هتاخد وقت كتير زي علم النفس من حيث المذاكره والدروس
لان الاحصاء بتخلص ف 4او5 حصص
ثانيا انت داخل علمي رياضه يعني واخد رياضه 2 ومش هتقدر علي الاحصاء
وفي رأي الاحصاء اسهل لطلاب رياضه اتنين لانهم دماغهم رياضه اساسا
انا قات رأي ولك حريه الاختيار
والاحسن من ده كله صلي صلاه استخاره

رأيك مقنع .. بس ياريت لو فى حد مجرب يقول لنا تجربته انتهت على ايه

او المدرسين اصحاب الخبره ... انا معرفش كتير عن الاقتصاد والاحصاء ومفيش حد كتبر بيخدها

دا كان السبب فى انى ادخل علم نفس .. ولكن اريد ان اخد اقتصاد واحصاء بس خايف اضيع ال 50 !!!؟

انا متردده زيك
بس اختي اخدت اقتصاد واحصاء ومش اخدت دروس وجابت الدرجه النهائيه
وجوز اختي اخد علم نفس وذاكر طول السنه ومجابش الدرجه النهائيه،واخوه اخد اقتصاد واحصاء ومش كان بيذاكرها الا احيانا وجاب 49
توكل علي الله وشوف انت عايز ايه واعمله

علم نفس علي ضمنتي

علم النفس كويسه جدا ...ده غير ان اقتصاد واحصا اسمع يعنى ان امتحاناتها مش دايما سهله وبعدين كفايه رياضه 2 علينا ولا ايه

انا ان شاء الله اقتصاد و احصاء
لاننا احنا رياضه 2
يعني دمغنا رياضه و لا ايه ؟؟؟؟

على فكرة انا علم رياضة و كمان مابحبش الحفظ
بس علم النفس هايفيدك كثير اوى فى حياتك و كمان في طريقة تحصيل الدروس
وكمان ده مش جديد علينا ده من الواقع اللى عايشينه

بسسسسسسسسسسسسس

بص ياريس

دى ثوابت معروفه

واللى يقولك دماغنا رياضه والكلام ده

فكك منه

بص ياسيدى

علمى علوم تاخد اقتصاد واحصا لان الاحياء كفايه علييهم فى الحفظ

ووالرياضه 2

ياخد علم نفس درجتها مضمونه جدا

اسمع الكلام

طب يا جماعة انا اخدت فلسفة ؟؟
وحشة الفلسفة ولا لأ
اللي خلاني اخدها انها زي بتاع اولى بالظبط يعني لما ناخدها مش هتبقى جديدة علينا
مع اني مفتحتهاش في اولى وكنت بكرهها وما زلت
بس تقريبا نفس الكلام بالنص زي القوانين بتاع التناقض والهوية يعني مش هتتعب نفسك في فهم حاجة

بس بالنسبة لعلم نفس هتبقى جديدة خااالص علينا
والاقتصاد والاحصاء معندناش خبرات فيها كتير وكمان في ناس بتقول سهلة بس احيانا بتيجي امتحانات نااار
وطبعا انتوا عارفين ان احنا دفعة نحس ولازم هيلعبوا فيها بما ان فيها رياضة

السلام عليكم و رحمة الله

اخى الفاضل ..
لا تتأثر بأحد .. اختر حسب ميولك فقط ..
و لا تقل الامتحان سيأتي صعباً ام سهلا ..
فلا يمكن ان نجزم ان الاقتصاد و الاحصاء سيأتي صعبا و ان علم النفس سيأتي سهلا ..
فربما العكس و ربما الاتنين سهلين و ربما الاتنين صعبين .. اي ان كل الاحتمالات موجودة ..
لذا من رأيي ،،
ادخل المادة التي تقبلها و ذاكرها و اجتهد فيها و ربنا لا يضيع تعب احد ..
و ان كان مقدر لك تنقص درجتين او اكثر او اقل ستنقصهم سواء دخلت علم نفس او اقتصاد واحصاء ..
و ان كان مقدر لك تنال النهائية ستحصل عليها ايضاً ..
لذا توكل علي الله و اختر ما تحب حتي لا تتعب طوال العام في مادة لا تقبلها ..
ولا تأخذ احد مقياساً لك فكل شخص مختلف عن الآخر ..
فليس هناك مقياس لسهولة الاقتصاد و الاحصاء او علم النفس الا شخصك ..
فكثيراً اجمعوا علي سهولة تلك و كثيراً ايضاً اجمعوا علي سهولة الآخرى ..

بالمناسبة انا معاك علمي رياضة و اخدت اقتصاد و احصاء =)

انا كنت محتار علم نفس لكن بنسبة 80 فى المية هحول ان شاء الله اقتصاد و احصاء
نزلت ملزمة علم نفس و ملزمة اقتصاد
حسيت انى ميال اكتر للاقتصاد و ان علم النفس عايز حفظ كتير
لكن الاحصاء دى رياضة فلما نزلت ملزمة مفهمتش حاجة قلت لازم اخد درس الاول عشان افهمها
نصيحة جيب كتب المادتين و احكم بنفسك انت ميال لاية اكتر

ان شاء الله علم نفس هو انتوا ناقصين مسائل فى رياضة 2 طبعا اختر علم نفس لان الاحصاء عايزة حل كتييييير و بتيجى صعبة دايما

انا شايف ان علم نفس اى حد بيجيب فيها 50

:078111rg3::078111rg3::078111rg3::078111rg3::07811 1rg3::078111rg3::078111rg3::078111rg3:انت حر فى قرارك

علم نفس ان شاء الله

علم نفس ان شاء الله لانها مادة واحدة

يا جماعه انا خلاص .. لقيت الحل الا يرضى الكل

صلاة الاستخارة

وربنا يوفق الجميع

(( إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " )) . [ البخاري ]

مع العلم انى هكمل علم نفس ان شاء الله ...

لو انته عبقري رياضة خد احصاء علم نفس ختاخد فيه درس واحد طول السنة ومش لازم طول السنة كمان وهتحفظة ومش فيه لعب وكله بيجيب فيه 50 ان شاء الله اما االأحصاء انته مش ضامنهها
وبعدين انته اولي بالنص درجة
وبعدين مش تسمع كلام اللي يقلك انا داخل علمي رياضة فيه ناس جايبه 92 هتخش عملي علوم تعمل ايه
فبيرح نفسه وياخد الطريق الأسهل
اما فيه واحد جايب 97 و 98و 99 وخاشش علمي رياضة دي بقه بتبه حب ويبه ليه هدف عايز يحققه
اقلك علي حاجة كل سبحان الله عدد ما كان وعدد ما يكون وعدد الحركات والسكون
وقول اللهم مهئ لي من أمري رشدا
نفعني بشوية حسنات :d

قول انت " لا اله الا الله .. وحده لا شريك له .. له الملك .. وله الحمد .. وهو على كل شئ قدير "

وادع لى...