بعد التدقيق الشديد ف شرايط القنوات الفضائية ( شرايط الشات اللى بتبقى متلقحة ف آخر الشاشة من تحت....000000 !!!!) و بعد التتنيح بالساعات قدام شاشة التلفزيون .. لاحظت غباااااااااااااااااااااااااااااااااااء بعض الناس



لأ اللى بيحصل ده مش طبيعى !!! أنا قريت شوية جُمل يا جماعة بجد تنحت قدامها !! و بين كل جملة و جملة كان هيجيلى شلل





إليكم الشلل التالى


***
فراولاية : بحبك اوى يا سعيد يامانجة

مانجة ايه سكت قلت يمكن عشان الصيف



*** ربنا يرجعك بالسلامة يا ابو محمود

ماتنساش تجيب معاك بطيخ
قال يعنى خلاص البطيخ هيوفقه زراعته لو مالحقتش تكتب كدا حاجة تجنن







*** ممكن حب اسكندرانى***

آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى !!! و اذا مشينا ع الحدود شوية هنلاقى فيه حب سوري وحب لبنانى و حب امريكانى و صينى و يابانى !!!! و هكذا و ماقولكوش بقى ع الحب المريخى !!!!
و برضه فيه حب بالفراخ و حب بالكباب و فيه بالشطة و اللمون !!!!!!! و يا سلام بقى ع الحب بالجبنة !!!
فظييييييييع !!! خصوصا لما بيتقطع عليه طماطم بيبقى مسخرة










*** أنا 75 سنة ممكن أتعرف على ليدى مناسبة***

خمسة وسبعين سنة يخرب بيته و قادر يمسك الموبايل و يبعت مسج ؟؟!!! ما شاء الله لسه ف عز شبابه برضه !! آه و ماله ممكن تتعرف على كركوبة مناسبة






*** ممكن واحدة جميلة للصداقة و الحب و ياريت برضه للسفر ***

آه ممكن طبعا !!!
و يا ترى حضرتك عايزها كام سلندر؟؟؟؟؟؟؟؟؟؟







*** أنا شاب متدين ممكن ليدى عندها شقة ***

آه و ماله !! و فيه برضه شقة و عليها ليدى مجانا !!!! و ياترى ايه مواصفات الشقة اللى عايزها ؟؟؟؟؟؟؟؟؟؟؟؟؟؟






*** أنا دلوعة و شبه نانسى عجرم ممكن أتعرف ***

آه و نص !! و ياترى واخدة من نانسى عجرم قفاها و لا كعب رجليها ؟؟؟؟؟؟؟؟
اتدلعى يا اوختى و ماله !! و لما حضرتك أمورة كده امال بتعرضى نفسك ليه ع الشاشة ؟؟؟؟؟ ايه محدش راضى يشترى خلقة نانسى عجرم ؟؟؟ ايه الرجالة بقت بتطس ف نظرها ؟؟؟؟؟؟؟؟؟؟؟؟؟ لأ معندهمش حق







*** أنا ف اعدادى ممكن أتعرف على بنت حلوة ***



هيا جات عليك ؟؟!! و ياترى عايزها ف سنة كام يا حبيبى ؟؟؟؟؟ ابتدائى و لا حضانة ؟؟؟؟؟؟؟ أنا بالشكل ده هيجيلى السكر





***فلانة : أنا نكدية موت ممكن أتعرف على نكدى و ننكد على بعض ***

*** فلان : أنا نكدى مووووت !! و قعتك سودة و نهارك مش باينله لون ***
كان نفسى أمسكهم هما الجوز و انكد على أهاليهم











*** معاكى فلان ممكن أعرف اسمك سنك طلباتك ***

آه و ماله أنا فلانة يا ابنى ... و النبى اطلبلى واحد كباب و اتنين بانيه !!!!
احم احم .. و ياريت لو معاهم جوز حمام








*** أنا عايز بنت للارتباط سمرا أو بيضا أو قمحى ما تفرقش ***

حمرا !!!!!!!!!!!! تاخدها حمرا ؟؟؟؟؟؟؟؟؟؟؟ طب ايه رأيك ف البنفسجى ؟؟؟؟ جديد و منزلش السوق







*** ممكن واحدة جميلة استايل عشان أحبها ***

آه و ماله !! أنا برضه عايز بطارية للموبايل بتاعى عشان أنا قربت أهنج !!!!!!







*** أنا سى السيد بدور على أمينة تسمع الكلام و تقول حاضر ***

آه و ماله حاضر يا اخويا !!! بقى حضرتك عايز أمينة ؟؟؟؟
طب غوووووووووووووو ور الله يحرقك










*** لو انت بتحبنى بجد ممكن أديلك رقمى !! ***يا ما شاء الله !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟؟؟

تصدقوا بالله أنا دلوقتى بس عرفت أهمية السراية الصفرا






*** فلانة : ممكن تعرفنى على نفسك عشان هتبقى حب العمر ***

*** فلان : هحكيلك عن حياتى كلها !!! .. أنا من النهارده ملك قلبك !!!!!! انتى حددى و انا تحت أمرك ***
أشوف فيكم يوم بحق جاه النبى !!! الدماغ دى معجونة من ايه ؟؟؟؟ أنا خلاص هيجيلى شلل !!! ألطم يا اخوانا ؟؟؟؟؟







***أنا قلبى فاضى .... حد عايزنى أحبه ؟؟؟ ***

أنا مُت خلاص







***فلانة : عرفنى على نفسك يا فلان و ابعت رقمك .. أنا بحبك أوى ، فلان : أنا اللى بحبببببببك

أوييييى يا فلانة !! قوليلى صحيح هو انتى حلوة و لا ؟؟؟؟؟؟؟؟لاتعلييييييييق ...... أنا شكلى هموت تانى
ثوانى أموت و ارجعلكم


وكمان واحد كاتب لواحد مبروك للحاج مش عارف ميم وابور الطحين الجديد



كلمة أخيرة :

اللى بيحصل ده كتيييييييييير .. شئ مايقبلوش لا قلب و لا عقل ولا منطق .. استهتار و استخفاف بالمشاعر و كذب مالوش نهاية و ضحك ع العقول !!!! و الدهشة انه كل اتنين بينافقوا بعض و الوسيلة الرخيصة ...... الحب !!!!!! مع ان كل كلمة حب غالية أوى .... ايه اللى جرى للناس ؟؟؟؟؟؟ و ايه اللى جرى للمجتمع ؟؟؟؟؟؟؟؟؟؟





انتوا ايه رأيكم فى اللى بيحصل دة

هههههههههههههههههههههههههههه
موضوع جميل جداااااااااااااااا

لا حول ولا قوة الا بالله

اللهم لا تؤاخذنا بما فعل السفهاء منا


شكرااا على موضوعك

كان زمان بيبقى عالنت ... بس مبتلاقيش ناس كتير

لكن دلوقتي ماشاء الله
تقدر تبعت عالهواء مباشرة وكل الناس تشوف رسالتك:d

اللهم لا تؤاخذنا بما فعل السفهاء منا

لا اله الا الله

ربنا يصلح حالنا و حالهم يا رب

ههههههههههه
موضوع هايل
انا بردو كنت اتفرج ع الكلام المكتوب دا
كان هيجي لي حاجة منه
دلوقتي لا زهقت من التخلف كدا
دا سفه وتخلف
وتسلية وضحك
يلا المتخلفين للمتخلفات

http://img38.imageshack.us/img38/9145/25270790.gif

شكرا ااااااا علي الموضوع

بجد الموضوع ده عاد منتشر اوي في القنوات بس زي كده في قنوات جميلة اوي تحط ادعية احاديث حكمة حاجات مفيدة فعلا

لكن دول نقدر نقول ناس فاضية شوية واستخفاف بالعقول فعلا كله بيضحك علي كله

وبعدين كل انسان هيتحاسب عن نفسه ( ما يلفظ من قول الا لديه رقيب عتيد )

يلا ربنا يهدي الجميع ببركة الشهر الكريم

هههههههههههههههههههههههههههه

لا حول ولا قوة الا بالله
اللهم لا تؤاخذنا بما فعل السفهاء منا
جزاك الله خيراً عزيزى
على الموضوع الرائع والمميز

والله مش عارفه ارد اقول ايه بس

لكن زى ما حضرتك قلت استخفاف بالعقول وتفاهة والله
مش لاقيه رد مناسب للكلام بتاعهم ده

ربنا يهدى

ربنا يهدى شبااااااااب وبنات المسلمين إلى ما يحبه ويرضاه
وشكراااااا على الموضوع
جزاكم ربى كل خير

ربنا يهدي شبااااااااب وبنات المسلمين إلى ما يحبه ويرضاه آآآآآآآآمين
جزاك الله خيرااااا

هههههههههههههه
بس الراجل اللي عنده 70 سنة حقيقي هههههههههه

بطلت أبص عليه خالص ومن زمان كمان .

*** أنا 75 سنة ممكن أتعرف على ليدى مناسبة***

خمسة وسبعين سنة يخرب بيته و قادر يمسك الموبايل و يبعت مسج ؟؟!!! ما شاء الله لسه ف عز شبابه برضه !! آه و ماله ممكن تتعرف على كركوبة مناسبة

هههههههههههههه جميلة أوى دى ،
الحقيقة أنا لم آخذ بالى من قبل بموضوع الشات اللى تحت دا ، بس الكلام اللى أنت كاتبه دا خطير أوى انه ييجى على شاشات التليفزيون ، ربنا يهدى الجميع

يارب سلم سلم عالزمن اللى احنا فيه ده
جزاك الله خيرا عالموضوع

ربنـــــــا يهدينـا ويهديهم الى ما يحبة ويرضى..

جزاك الله خير موضوع جميل جدا
ومنتشر اوى بس فى قنوات بتنشر ادعيه دينيه او استفسارات وبيتم الرد عليها****ده طبعا على القنوات الدينيه بس***

ههههههههههههههههههههههههههههه
لا تعليق

جزاكم الله خيرا على الموضوع

*** أنا 75 سنة ممكن أتعرف على ليدى مناسبة***

خمسة وسبعين سنة يخرب بيته و قادر يمسك الموبايل و يبعت مسج ؟؟!!! ما شاء الله لسه ف عز شبابه برضه !! آه و ماله ممكن تتعرف على كركوبة مناسبة


هههههه ودا يتعرف يروح فين ؟
دا هما خطوتين وتلاقيه فقبره !
ربنا يهدي ..

انا كنت الاول احيانا اتابعه واضحك عليه
بس بطلت من زمان الحمدلله ..
وربنا يهدي الناس ..

والله كلام حضرتك كله صح
لكن الظاهرة دى هتفضل موجودة
لانها مربحة لشركات الموبايل و القنوات
بس المفروض يكون عليها رقابة لما فيها من تعليقات
سخيفة ومؤذية احيانا وهيا مفتوحة للجميع
يبقى لازم يشارك العجوززز علشان يكون هناك تكافؤ فرص
هيا جت عليه ..... شكراااااااا اخى الفاضل
موضوع جميل