مشاهدة النسخة كاملة : معًا لجعل 17 سبمتبر يوم الدعاء على زكي بدر
-The-Ghost- 07-08-2010, 01:31 AM حمله شبابيه تطالب بجعل يوم 17 سبتمنبر (ليله بدأ الدراسه ) يوم الغضب و الدعاء على د/أحمد زكي بدر لما فعله ويفعله و سيفعله من قرارات و إجراءات جميعها ضد الطلبه
فلنجعل من يوم 17 سبتمبر يوم الدعاء على زكي بدر
ده يا جماعه جروب ع الفيس بوك
و ده لينكه
فلنجعل من يوم 17 سبتمبر يوم الدعاء على زكي بدر (http://www.facebook.com/group.php?gid=129187120459792)
ArabianPDA 07-08-2010, 01:38 AM طيب وندعى عليه ليه؟؟
بص،،
شخصياً مش شايف اى سبب للدعاء عليه الا قرار تأخير الكتب
هو ده القرار الوحيد الى انا شايف انه مش ضر الطلبه لكن اثر شويه
لاننا متعودين ان الكتب الخارجيه بتنزل على اول 8 غالبا
غير كده،،
انا شايف انه احسن وانظف وزير تعليم جه وهيجى مصر
على الاطلاق
وياريت تبين اسباب الدعاء عليه من فضلك،،
ArabianPDA 07-08-2010, 01:49 AM راجع التوبيك التالى وفيه ناس كتير علقت على احمد زكى بدر
هنا (http://www.thanwya.com/vb/showthread.php?t=233260)
Mohamed.Helmy 07-08-2010, 03:28 AM ندعى عليه ؟؟؟؟؟؟؟
ازاى يعنى مش فاهم ؟؟؟؟
ربنا يهديك ويهدينا ... انت ماسمعتش ان اللى بيدعى لحد ( أو على حد ) الملايكة بتقولك :- " ولك مثلـــه " ؟؟؟؟؟
يعنى لو هو عمل حاجة مش عاجبة حضرتك .. ادعيله ان ربنا يصلح حاله ويهديه مش تدعى عليه ... ياراجل ده مسلم وعربى زيك ..
ربنا يحفظنا ويهدينا
7ooooda gamal 07-08-2010, 07:05 AM الوزير ده انا بحترمه جدا
ايوه انا ضد حاجات معينه ف سياسته ف الوزاره
لكن مش معنى كده انى ادعى عليه
كلما حلمى مظبوط 100%
ربنا يهديك ويصلح حالك
love ur life 07-08-2010, 07:39 AM بس انا عندي فكره اجمل ما بدل يوم الغضب نخليه يوم الامل وندعي لربنا انه يعمل الي فى صالحنا
واهي هانت كلها سنه او اقل محنا فيها وهنخلص ونروح للجامعه باذن الله
احسن من يوم الغضب دا لسبب بسيط جدا اني حاسه انو عاوز يطور بجد بس مش حاسس بينا يعني .......وهوبشر برضو يا جماعه ......وان شاء الله يوم 17 سبتمر ممكن كل واحد يدعي دعوه حلوه ليه ول د\ احمد ذكي بدر دا حتي اسمو جميل احمد كفايه اسمو يا جماعه على اسم الرسول عليه الصلاه والسلام
وانا عن نفسي هدعي ان ادخل كليه ألسن ان شاء الله
ربنا يصلح الحال
بارا طولوين 07-08-2010, 07:46 AM كلامكوا جميل جدا يا جماعه
انابجد فرحت جدا انكوا بتفكروا بالظريقة الإيجابيه دي
وانا بضم صوتي لصوت love u life اقتراح سليم جدا
وان شاء الله ربنا يصلح الحال
-The-Ghost- 07-08-2010, 12:54 PM لو كنتم دخلتوا الجروب كنتم هتعرفوا إني أقصد الدعوه بإقالته وليس بشئ يضره !!
samar saad 07-08-2010, 01:09 PM لا يا عم ربنا يسمحه اللى بيدعى على حد بيتردله ربنا كريم والحمد لله اخر سنة تحت ايده
الاء جمال احمد 07-08-2010, 01:19 PM يا جماعة الموضوع مش مستاهل ان احنا ندعى عليه وكل الكلام ده احنا المفروض نبص للايجابى والسلبى زى ما عمل حاجات ضد الطلبة عمل حاجات كمان لصالح الطلبة وحتى لو عمل حاجات ضد الطلبة ندعى ان ربنا يصلح حالنا وحاله
الأستاذة أم شاهندة 07-08-2010, 01:24 PM لو كنتم دخلتوا الجروب كنتم هتعرفوا إني أقصد الدعوه بإقالته وليس بشئ يضره !!
وهل تعرف من سيأتى بعده
لو ربنا إستجاب دعواتكم يعنى
ممكن يعمل إيه ؟
لو علمتم الغيب لإخترتم الواقع
تحياتى للجميع
-The-Ghost- 07-08-2010, 02:16 PM وهل تعرف من سيأتى بعده
لو ربنا إستجاب دعواتكم يعنى
ممكن يعمل إيه ؟
لو علمتم الغيب لإخترتم الواقع
تحياتى للجميع
نفس المشكله حضرتك بردو مشفتيش الجروب لأنك لو كنتي شوفتيه كنتي هتقرأي
و بإذن الله الدعوه هتكون بإقاله زكي بدر و تعيين وزير أفضل
**تسابيح** 07-08-2010, 02:23 PM أنـــــــــــــــــــــــــــــــت مســـــــــــــــــــــــــــــــــلم؟!
BaNZeR 07-08-2010, 02:35 PM بالمناسبة الدعوة غير الدعاء .... وماذكر في العنوان هو الدعاء ....
للأسف
خيراً تعمل شراً تلقى
هو ده جزاء الوزير الوحيد اللى ساب الكرسي بتاعه ونزل لأقذر المناطق عشان يشوف نشاطها ويعاقب المخالفين؟
مسلمة متفائلة 07-08-2010, 02:39 PM ربنا يصلح الحال.
Mohamed.Helmy 07-08-2010, 02:40 PM يا جماعة عاوز أعرف مين اللى عامل الجروب والحملة دى ؟؟؟ قولى بقى انه كان بيذاكر وجايب 99
لا اله الا الله
سارةالنودى 07-08-2010, 03:15 PM عموما انا دخلت وشوفت وفكرة الجروب مش واضحة دا رأي الشخصي
أنا وكتير غيري مش شايفين سبب للحملة دي انا معاك ان احنا اتبهديلنا ولو اتكلمت هقول(( اني اتبهدلت بهدلة ملهاش اول من اخر بسبب قررات الوزير)) والامتحانات الي هو جابها محدش يقول سهلة او صعبة لان دا موضوع متفاوت من شخص لاخر لو حضرتك بتتكلم عن تأخر الكتب هقولك ان دا هو السبب الرئيسي الي مخليني ادافع علي الوزير ووالله القرار دا راااااااااااائع وجااااااااااامد وهتعروفوه بس مش دلوقتي
ArabianPDA 07-08-2010, 03:28 PM لو حضرتك بتتكلم عن تأخر الكتب هقولك ان دا هو السبب الرئيسي الي مخليني ادافع علي الوزير ووالله القرار دا راااااااااااائع وجااااااااااامد وهتعروفوه بس مش دلوقتي
مش فاهمك يا ساره؟
ArabianPDA 07-08-2010, 03:33 PM يا جماعة عاوز أعرف مين اللى عامل الجروب والحملة دى ؟؟؟ قولى بقى انه كان بيذاكر وجايب 99
لا اله الا الله
دى درجات الى بأسم احمد المليجى
واول واحد بالاسم ده جايب 192 يعنى حوالى 94%
http://img401.imageshack.us/img401/573/captureor.jpg
-The-Ghost- 07-08-2010, 07:55 PM يا ريت حد من المشرفين يغلقوا الموضوع
|