totta2010
11-07-2010, 10:58 PM
فاشل يا فاشل !!!
كتييييير أوي نسمع الكلمة دي إنتى فاشلة .. أنت فاشل ؟
سقطت السنة دي .. ما انت فاشل
حرقتى الأكل .. طول عمرك فاشلة
هي دي درجة تجيبيها في إمتحان تافه زي ده ؟؟
فااشلة ..
مش عارف احفظ سورة الجن .. كل ما احفظها تتنسي .. كل ما احفظها تتنسي حاولت كتير .. بس مفيش فايدة .. أنا يأست !!
دخلت امتحان قيادة سيارة وسقطونى .. على فكرة ده ظلم !! .. انا فشلت خلاص بجد يئست !!!
تلاقي الواحد بعد التجارب الفاشلة في حياته او بمعنى ادق غير الناجحة او غير الموفقة
تلاقيه خلاص حاسس ان الدنيا انتهت في اللحظة دي .. خلاص انتهى الأمر
لو مشكلته ان اصحابه ضايقوه او( ندلوا معاه)
يقول خلاص انا مش عايز اعرف حد تانى .. علاقتي بالناس كلهم هتكون بحدود
لو سقط في امتحان .. لا انا خلاص فشلت .. مش هذاكر تانى ..لأن انا لما بذاكر مفيش نتيجة .. يبقى اتعب نفسي على ايه ؟؟
والكثيييير والكثيييير
معظمنا كدة !! وللأسف
طيب تفتكر إيه الحل ؟
هل الكلمة دي ممكن تأثر عليا ((فاشل يا فاشل))؟
وهل معنى إني فشلت مرة في حياتي إني أيأس ؟؟
الموضوع دا منقوووووووول ياجماعة بس انا حاسة ان دا وقته
ويارب كلنا نستفيد
totta2010
11-07-2010, 10:59 PM
الحلقة الأولى ..
بدأ حياته زي أى شخص عادي
دخل الجامعة .. حاجة جديدة عليه ذاكر شوية .. بس قصر شويتين
جاء وقت الامتحان .. امتحن .. النتيجة ظهرت
راااسب !!!
الأم: تولول أصل انت فاشل .. الاب :ياريتني ما صرفت عليك .. حرام عليك اللى بتعملوا فينا ده؟!
الشاب : قمة الخنقة .. خرج وترك والديه .. يسهر مع اصدقاءه للتغلب على الحزن القاتل جواه
ارتسمت في ذاكرته كلمة (( فاشل )) وسيطرت عليه تماماً
ثم ماذا ؟؟
السنة اللى بعدها .. ناجح بالعافية اللى هي اعادة سنة أولى
السنة اللي بعدها دبلر (عادها تانى)
مبيحضرش محاضرات !
مذاكرة خلاص .. بح
والديه .. لم يضعون أملاً ولو واحد في ال100 انه يتفوق مرة تانية
بعد ما دخل كلية الهندسة او الطب بمجموع كبير !!
وبعدين ؟؟
إنت فرحان بنفسك كدة ؟
مرتاح في حياتك كدة ؟؟
دي نهاية الدنيا بالنسبة لك ؟؟
تعالوا نفكر بالعقل ..
مش ممكن يكون التقصير من عندك انت ؟؟
طب لو انا شايف انى ذاكرت ودخلت الامتحان ونسيت ..
نقف هنا ؟!!!
هو ده مش بتدبير من ربنا ؟؟
فكرت قبل كدة ان في حكمة من رسوبك او من انك تجيب مجموع قليل ؟
للأسف كلنا بنحسب انها النهاية ....
ولكنها البداية
...
نعم والله انها البداية
بداية إيه ؟؟ .. بداية طريق الفشل ؟؟
لااااا
دي بداية التفوق والتميز
هي ايه انى افشل في الأول ؟
هقولك مش عيب الفشل خصوصا اول مرة ..
بس الفشل الحقيقي هو الإستسلام ..
ركزوا معايا ..
حساباتنا بتختلف تماما عن حسابات ربنا جل وعلا لينا
إنت شايف انك لما حصل لك كذا وكذا .. ده شئ مفزع وشر كبيير ليك
والله لعله خير ..
اذكر لكم تجربتي في الثانوية العامة ..
في المرحلة الأولى .. كان مجموعى في الثمانينات بالنسبة لهدفي وطموحى .. ولا حاجة ؟!!!
لم استسلم .. فكرت انه تدبير من ربنا .. فكرت ان اكيد ده الخير ليا .. فكرت وقلت ربنا مستحييييل يضيعني
اجتهدت وزي ما بيقولوا عملت اللى عليا
بفضل الله جبت حوالى 95%
كان أمامي أن أدخل كلية كويسة جدا علمية لكن فضلت ان ابقى هنا حتى لا اسافر دون محرم
فكرت كثيرا وقلت أنا تعبت وعاوزة أوصل .. هسافر .. ولكن توقفني نفسي .. لاااا ..ربنا مش هيوفقك
والحمد لله (( وعسى أن تكرهوا شيئاً وهو خير لكم ))
ربنا وفقنى في الكلية و ليا ترتيب على قسمي ..
نتعلم من اللى فات 3 حاجات أساسية .. واللى اتعلم حاجة تانى من اللى سبق يشاركنا
1/ الفشل بداية طريق النجاح اذا حاولت بعده الإصلاح الجاد
2/ الفشل الحقيقى انك تستسلم لعدم نجاحك في التجربة الأولى
3/ خلى عندك يقين كبيييير في الله أنه لن يضيعك واسعى واجتهد
ألقاكم في الحلقة القادمة ..
Dr. Hoda Ahmed
11-07-2010, 11:11 PM
اولا شكرا جزيلا
لكن اود ان اقول انا اريد وانت تريد والله يفعل ما يريد
هو الاعلم بحالنا ويجزينا بمقدار عملنا ولحكمة عنده فكل شئ مقد بقدره ومحدود بحدوده
محمد عبد الحكم
11-07-2010, 11:15 PM
http://www.alamuae.com/gallery/data/media/123/0638.gif
ibrahim elsayed
11-07-2010, 11:38 PM
ليه بس الفشل الكثير ده
موضوع هام
ولكن اعتقد ان تلفظنا الدائم عقب كل اخفاق بالفشل ليس فى محله
وقد لا نعنيه بتاتا وان كانت كلمه قاسيه
ولكن الكيس من لا يترك نفسه للهواجس ويستفيق عقب كل كبوه
ويعيبر منها لكى يكون ذلك دافع له على النجاح
مشكوره سيدتى الجميله على اطلالتك الاجمل
أ/رضا عطيه
11-07-2010, 11:42 PM
موضوع جميل
جزاكى الله خيرا
totta2010
12-07-2010, 09:36 AM
الحلقة الثانية ..
أنــتِ " رائــعـــــه http://www.rfqa.com/vb/images/smilies/smile.gifhttp://www.rfqa.com/vb/images/smilies/smile.gif"
كـلــمــه .. قــد تـجــعــل امــرأة عـاديـة تـصـبــح كـالـطــاوس
بيــن حـشـد مـن الـنــســاء الـفــاتـنـــــات
00
أنــت " غـبـي http://www.rfqa.com/vb/images/smilies/frown.gifhttp://www.rfqa.com/vb/images/smilies/frown.gif "
كـلمه 00 قــد تــكسر هــمة طـفل نــبـيـه وتـقفـل أبـواب عـقــله
عــن الاسـتيــعــاب 00
أنت " ساذج "
كلمه 00 قــد تــحـّول انــسان طيب الـقلب الى انـسـان شـرس
يـقــسو
حـتـى يـغسل كــل وسمات الطيبـة مــن شخصه
أنـت " قادر "
كـلمه 00 قــد تحرض معوق عـلـى كـسر حدود الاعاقه بما يعجز
عـنه أصحاء البدن !
هي " كلمه " واحدة ............ او عدة " كلمـات "
قد تـشكل مـن أنت 00! ,, أيا من كان أنت 00
قد تكون دواء وتخلق معجزة شفاء
وخاصة إذا كانـت من أقرب الناس إليك 00
ولـ " الكلـمه الـحلوة " قدرة عـلى تـكوين الثقه بـالـنـفس
بـدرجــة كـبـيـرة
بـحجم قدرة العطاء والانتاج والتواجد فـي رحـلـة الـحـيـاة الـتـي
نـعـيـشـهـا 00مـن بـدايـتهـا إلي نـهايـتها كلـنا 00 خـلاصة "
كلمة " 00
وحين نـفهـم " الكلمة" 00
سوف نـفـهـم انـفـسنا والأخريـن ونـفهم الـحياة 00
كل هــذا بـ " كـلـمـة " واحدة
وأعـلـم أن
" الـكـلـمـــه الـطـيبــه صــدقــــة "
الرقيقة
12-07-2010, 10:51 AM
بحق موضوع اكتر من رائع
اولا هرد على الحلقة الاولى
انا ليا احد قريباتى كانت فى ثانوية عامة ومتفوقة جدا وجابت مجموع كويس بس فرقت بين مجموعها ومجموع صيدلة درجات قليلة جدا
فدخلت كلية تانية واثبتت تفوقها فيها وكانت فى اصعب قسم فى الكلية وطلعت الاولى على القسم والحمد لله فى وظيفة كويسة جدا
يعنى الثانوية مش نهاية الدنيا والحمد لله على كل حال
واستنى ردى على الحلقة التانية
alea2009
12-07-2010, 11:02 AM
جزاكى الله كل خير على هذا الموضوع المتميز
وربنا يجعله فى ميزان حسناتك
**تسابيح**
12-07-2010, 12:20 PM
الكلمة الطيبة صدقة
كما قال الحبيب صلي الله عليه وسلم
فكلمة ترفعك وتعلي من شأنك وتحمسك ان كانت طيبة
اما ان كان فيها احباط
تخسفك لسابع سما
شكراا
الرقيقة
12-07-2010, 09:24 PM
ورجعت تانى ارد على الحلقة التانية
انا كنت بنقص فى الدراسات نصف درجة مش عارفة لية كل ترم كدة
فى مراجعة ليلة الامتحان بقول انا مش هجيب النهائية ابدا
المستر قالى ان شاء الله هتجيبها لو زكرتى هتجيبها وطمنينى بعد الامتحان
وفعلا جبت النهائية وبعدها كل ما يقولى كدة اجيبها
التشجيع لة اثر كبير فى نفس اى انسان وممكن يغير حال الشخص لو حسستة انة قادر على فعل شى
هند يوسف
12-07-2010, 10:24 PM
شكرا علي الموضوع الجميل ده
وفعلا الموضوع ده الاكثر اهمية الان خاصة للذين في الثانوية العامة
وبعد ما ظهرت النتيجة
totta2010
13-07-2010, 09:16 AM
الحلقة الثالثة ..
نقطة ومن اول السطر
والصلاة والسلام على رسول الله
ثم اما بعد
موضوعنا النهارده ممكن يكون ليه اكتر من عنوان
ممكن نسميه: نقطة ومن اول السطر
ممكن نسميه : نقطة التحول.
ممكن نسميه : بدايه النجاح.
ممكن نسميه: متعة الفشل.
ممكن نسميه: حقيقة الفشل والنجاح.
ملاحظة : http://akhawat.1aim.net/mwaextraedit2/buttons/info1.gifوانتظر ما تعطونة انتم من عنواين اخرى للموضوع.
ندخل فى الموضوع
كلنا بنتعرض لمواقف كتيرة
بنقول فيها جمله"انا عندى ظروف"
تعالوا نفهم الاول يعنى ايه ظروف وايه المعنى الحقيقى لكلمة ظروف
ظروف تعنى عوامل تحيط بالشئ
فمثلا لو عندى كوب ماء لو وضعتة فى الثلاجة يبقى وضعتة فى ظروف بارده
ولو وضعتة على النار يبقى وضعته فى ظروف حارة..
كمان مثال:>
الانسان فى فصل الصيف بيحاط بظروف حارة
وفى الشتاء بظروف بارده.
وهى دى حقيقة الظروف
يعنى كل الناس عندها ظروف ولازم تكون عايشة فى ظروف
امال هتعيش فين يعنى
طيب يبقى لما حد يغلط او يقصر لا يقول انا عندى ظروف
تعالوا نفسر اكتر
ونشوف ايه الصح وايه الذى يجب قولة وفعله
هنرجع للمثال بتاع كوب الماء
تعالى هاتى كوب ماء من الحنفية
وضعية فى المجمد
ثم اذهبى لترى ماذا حدث
ستجدى انه تجمد
وتحول الى ثلج
واخذ درجة حرارة المكان
طيب ولو غلناه على النار
هيغلى ويتحول الى بخار
تعالوا نحلل ماذا حدث:
الماء له صفات معينة لما الظروف التى حوله
تغيرت
اثرت فيه
وتحول الى ثلج وبخار ماء
فهو لم يقاوم تلك الظروف
ولم يحاول ان يتكيف معها
انما كان امعه
الجو حار يسخن
الجو نار يغلى ويتبخر
الجو ثلج يثلج
اه هو ما غيرش نفسه
يعنى هو ماء برده بس امعه
فاوعى تكونى زى كوب الماء صاحبنا
نذهب لمثال اخر
الناس فى الشتاء والصيف
فى الشتاء :....
الدنيا برد ودرجة الحرارة منخفضة جدا.
وده ظروف
لكن الناس بتتكيف معها ازاى:
1-بنلبس صوف علشان نحمى نفسنا من الظروف القاسية
2-بنشغل الدفايات علشان نرفع درجة حرارة الجو
3-بنتغطى بالبطاطين علشان لاننشف من البرد.
وفى الصيف:.......
بيكون الجو حار جدا والشمس سخنة قوى
لكن بنتكيف مع الظروف ده ازاى:
1-نلبس لبس صيفى من قماش خفيف او قطن علشان الحر.
2-بنشغل المراوح والتكيفات علشان نخفض درجة الحرارة.
3-بنشرب ماء مثلج وعصائر وايس كريم
4-بنام فى الهواء
ملخص كلامى
ان وهم الظروف ده شماعة الامعه
تعالوا يلا نكتب ظروف كتيرة ممكن نتعرض لها او اتعرضنا لها
ونشوف ايه التكيف الصح للظروف ده
وهاضرب مثالين يوضوحوا كلامى:
المثال الاول
فى اخت تعرضت لظرف وهو
1-انتقبت.
2-بتتكلم كلام جميل جدا ومؤثر عن الله
.
3-اى حد يجلس معها يفتكر انها على درجة ايمانية عالية.
4-الناس بتاخذها قدوة.
5-لاتحافظ على صلاة الفجر.
6
-لاتخشع فى الصلاة.
طبعا كده كل الظروف التى وضعت فيها
تحثها لان تصبح منافقة
ولكن يا اخوات
التكيف الصح مع الظروف
هو الاتى:
1-تكلم نفسها عن الخشوع والفجر.
2-تاخذ من نقابها دافع انها تقوم الليل وتصلى الفجر.
3-تخاف من ان تصبح منافقة فتحافظ على الفجر.
تدعوا الله وتلجأ الى الله
وتبدأ تبحث ايه المشكلة
اكيد فى ذنب هى مصرة عليه مثلا
او مش بتاخذ بالاسباب لتصلى وتخشع.
المثال التانى:
اخت حصل لها:
1-رسبت فى ماده
و-هى كانت متفوقة طول حياتها
2-تخلى عنها اصدقائها
3-خسرت اعز صديقة لديها.
4-شعرت بالخجل والحياء من الناس.
5-استحييت من الله.
كل الظروف ده
تؤدى بها الى الاتى:
1-فقد الثقة تمام فى نفسها.
2-الفشل المؤكد دراسيا.
3-فقد الثقة فى الناس.
4-عدم الرغبة فى تكوين صداقة جديدة .
5-الانطواء عن الناس.
ولكن يا اخوات
لابد من استخدام المرواح والتكيفات وملابس الصيف؟!
اه
هنا لازم يدخل الايمان بالله
والثقة بالله
والاطمئنان بالله
والانس بالله
فالايمان بالله
هيجعلها تعلم ان هذا قدر الله ولا راد له
وان الله وحده هو من بيده هذا الامر وكل امر
فلا تلجأ لفلان وعلان
فالامر بيد الله
ولا تتخلى عن حجابها فهى تعلم انه الملك
ولا راد لقضائه سبحانه وتعالى.
والثقة فى الله
فتجعلها تثق انه لا ارحم عليها من الله
ولا احن عليها من الله
وتثق فى احسن اختيار الله لها
وان قدر ربنا هو احلى حاجة
وانه ليس فى الابداع احسن مما كان
وتثق فى حكمة الله
وان كل شئ له حكمة معينة
ليس ضرورى ان تعلمها
وهذا يجعلها ترضى وتحمد الله
ولا تسخط
وترتاح نفسيا
ولا تيأس
وتملئ حياتها بالامل الذى يفتت الصخور>
والاطمئنان بالله
يجعلها لاتخاف على مستقبلها
فهى فى مطمنة لانها ملك لله
مش هتخاف تعامل ناس تانى وتكون صدقات جديده
ومش هتخاف تسامح اصدقئها
لانها مطمنة لله
ومطمنة ان كل الامور والقلوب بيد الله
يقلبها كيف يشاء
فهتعيش عادى مع الناس باطمئننها بالله
والانس بالله
سيغنيها عن الانس بالمخلوقات
فلو تركها الناس لن تشعر
لانها تانس بالحى القيوم الذى لايموت
فالانس بالله لن يشعرها بالوحده
ولكنه سيزيدها شوقا
للقاء الله
وبكده يا اخوات
تكيفت اختنا مع الوضع
تكيف صح
سامحت المخطئين
بدأت تنظر الى حكمة الله من الامر
بدأت تنشغل بما اراد الله
بدأت تفكر تكون احسن