المساعد الشخصي الرقمي

مشاهدة النسخة كاملة : عروسة ماريونيتا

أوسيماء
08-07-2010, 12:53 PM
بسم الله الرحمن الرحيم



عروسة ماريونيتا




عروسة ماريونيتا


بتلف فى كل حتة


تكشف وجوه كتيرة


خداعة ومستبدة


تمشى فى شارع وحارة


تدخل بدروم عمارة


تلاقى أسرة قاعدة


عددها حوالى ستة


ترمى سلامها عليهم


تلقى دموع فى عينيهم


بيخدموا الاكابر


والناس المزوقتا


تطلع لتانى دور


تلقى دكتور مشهور


مرضاه بيستجيروا


من تكاليف الروشتة


قدامه تلاقى نور


ساكن نجم مغمور


بيحيى معجبينه


بوردة الجاكتة


وتلف كتير وتدور


تلمح مقاول مسعور


عماراته أه أصيلة


بتتهد حتة حتة


تنزل تجرى أوام


تخبط إنسان همام


حواليه تلاميذ


بيدفعوا الفزيتا


يصعب الحال عليها


وتقول إيه يا ناس جرى


أتارى حبالها ماسكها


مايسترو سكرة


مهما غضبت وزعلت


ما هى بردوا ماريونيتا
بنت الريف
09-07-2010, 01:49 AM
جميلة أوى
عرضتى حالات كتيرة محزنة
لكن بشكل لذيذ
تسلم إيديكى
منتظرين المزيد
ربنا يوفقك
أوسيماء
09-07-2010, 09:56 AM
[quote=بنت الريف;2368328]جميلة أوى

عرضتى حالات كتيرة محزنة
لكن بشكل لذيذ
تسلم إيديكى
منتظرين المزيد

ربنا يوفقك

بارك الله فيك اختى الفاضلة واشكرك على مرورك الذى انار موضوعى
أبوبسملة ياسر خليفة الطحاوى
11-07-2010, 11:26 AM
تسلم ايديك يا أوسيماء
بجد تناولات جوانب الهموم المتعددة
ربنا يوفقك
أوسيماء
11-07-2010, 04:38 PM
تسلم ايديك يا أوسيماء
بجد تناولات جوانب الهموم المتعددة
ربنا يوفقك


شكرا لمرورك الذى انار موضوعى

تقبلى منى كل تقدير واحترام
م.الزعيم
11-07-2010, 09:25 PM
موضوع رائع
جزاك الله خيرا
أوسيماء
15-07-2010, 08:17 PM
موضوع رائع
جزاك الله خيرا


شكرا لك اخى الفاضل على المرور بموضوعى

بارك الله فيك