السلام عليكم ورحمه الله




كثيراااااا ما نتكلم عن موضوع الانتخابات وماذاا سيحدث وكثيراااااااا سنتكلم خاصه مع اقتراب موعد الانتخابات

حيث اننا فى هذا الوطن لانمتلك اكثر من الكلام ولا نسطيع فعل شىء بس تعرفوا انا خايف يعملوااااا ضرائب على

الكلام كمان يبقى كده مفيش كلام كمان

ما علينا المهم دلوقتى احنا بنتكلم كويس قوى بس الى الان انا مش شايف حد يصلح للرئاسه واعتقد انكم شايفيين كده بردوااا

بس تعرفوا انا نفسى اعرف المشكله دى مين السبب فيها
وهل سنظل جالسيين ننتظر جمال مبارك وهو يرث الحكم امام اعيننا
ونحن لا نصنع شيئااااااااااااا
وبالفرض حتى لو خرج علينا مرشح اجتمع حوله الناس وأيدوه
فهل سينجح اما ان العمليه تحصيل حاصل
على اثر ما حدث فى انتخابات الشورى
وكانت خير دليل
وكما تقول هذه المقوله على لسان الحكومه

*قول اللى انته عايزه واحنا هنعمل اللى احنا عايزينه*

سؤال كمان هل جمال مبارك يصلح للرئاسه ام لا
وهل الشعب المصرى سيوافق على جمال ان يكون رئيسا
سواء جاء ترشيحه فى هذه الدوره
او القادمه

هل حلم الاجيال ان يكون جمال هو الرئيس

حمد الله على السلامه الأول يابطل
وبالتوفيق لك وللجميع بإذن الله

فى الأول كده ياريت نتفق على أن فريق البرادعى معظمهم من الحرس القديم وكان نفسهم يشتركوا فى المباراه لكن المدرب نزل غيرهم فأنقلبوا عليهم وانضموا للفريق المنافس بحثا عن لعب المباراه كلها بدل الإحتياطى اللى كانوا عليه زمان
أما بالنسبه للجمهور اللى بيتكلم فاحنا منهم ولاإيه؟ولازم يتكلم يفضفض ولانحرمه حتى الكلام كمان؟
إنت عارف مشكلتنا إيه ظهور البرادعى فى حياتنا --
لأن أى كلمه هتتقال عليه من أى جهه الناس هتصدقها لان نصه مصرى والنص التانى الله أعلم بيه
أيمن نور ونعمان جمعه دخلوا الانتخابات والناس وقفت معاهم وبدل مانقوى التجربه ونستفيد منها ونبنى جسور من الثقه مع الناس --ونستفيد من التجربه -- إستسهلنا القرار وقلنا فيه تزوير وفيه وفيه - ومرت الست سنوات والكل لسه معلق على نفس الكلمه -- التزوير ويعملوا اللى عايزينه --- هل فكر فريق البرادعى يعمل حتى كشك لواحد غلبان بألفين جنيه -- إنما بيصرفوا الملايين فى المؤتمرات الصحفيه ورشوة بعض الصحف والفضائيات وحضور الأفراح والمأتم والمشاركه فى الاعتصامات والمظاهرات
الناس خلاص اتعودت على كل الحاجات دى --- ومفيش واحد هينتخب واحد علشان كان ماشى فى مظاهره
الحكومه مقصره فى تقديم الخدمات اتفضل - والجنيه اللى هتدفعه هيساوى مليون من الحكومه لأنه من مالك الخاص
دول ماشين بسياسه أعضاء المعارضه يوصلوا للكرسى ببلاش -- والشعب دلوقتى لوما أقمش من النوم لقى مظاهره ماشى فيه البرادعى وشلته بيقول اللهم اجعله خير هو الحاج برادعى مريض ولا إيه؟
وكان نفسى الأحزاب المصريه تقدم واحد للمنافسه من دلوقتى والبلد مليانه زى السيد البدوى وحمدين صباحى ومصطفى بكرى
وأيمن نور ونافعه وغيرهم وبلاش يداروا فى عباية البرادعى اللى بنص كم- وبعدين إحنا بنتكلم ع التوريت وصاحب المال على قيد الحياه -- ياريت نركز ع المنافسه بجد وبلاش لعبنا كله يكون خارج الملعب
وأنا عن نفسى مع مبارك وتاريخه والذى يتعمد البعض لتجاهله - لكن إبنه ترجع للمنافسه والمنافسين وهختار ساعتها إن كان لى عمر إن شاء الله
شكرا ياأستاذ عمر ع الموضوع الجميل وأسف ع الإطاله

ايه الحلاوه دى
بس كلام جامد
بس لخص كل حاجه بجد
مع بعض الانتقادات البسيطه
بس بقولها بصدق خالص
ان البرادعى لا يصلح لرئاسه الجمهوريه اطلاقااااااااااااا

ان البرادعى لا يصلح لرئاسه الجمهوريه اطلاقااااااااااااا
هو اصلا البرادعي مش مرشح للرئاسة حتى الان, هو بيقود عملية للتغيير الديموقراطي الحقيقي في مصر. و

ثم انا هسأل السؤال بطريقة اخرى, هو احنا في مصر عندنا انتخابات حقيقية حتى نختلف على اسم المرشح؟ عن اي انتخابات نتحدث في ظل العمل بقانون قاتل للحريات وللاشخاص "خالد سعيد" مثل قانون الطواريء. لماذا سنذهب للانتخابات والنتيجة معروفة مسبقا في ظل عدم وجود رقابة حقيقية علىالعملية الانتخابية سواء من القضاة داخل لجان الانتخابات ومراقبة من مؤسسات المجتمع المدني والهيئات الدولية "الأمم المتحدة" خارج اللجان, اعتقد ان الذاكرة نسيت انتخابات الشورى الماضيةمن شهر ونص تقريبا.

بنتخلف على اسم المرشح والدستور بيسمح بترشيح عدد محدود من الناس لمسرحية الرئاسة في حين لا يستطيع البرادعي او عمرو موسى او الجنزوري مثلا وكلهم لهم شعبية بين الناس من الترشح.لازم ندرك انه لا توجد عملية انتخابية حقيقية مصر ولا توجد ممارسة سياسية بالمعنى السليم في مصر.

اما بالنسبة للبرادعي فهو يحاول ومعه الناس العادية تغيير المسرحية المسماة الانتخابات لعملية انتخابية حقيقية حتى يستطيع الناخب ان يختار بحرية بعيدا عن التزوير, ما يفعله البرادعي هو عملية تغيير سلمي وليس عملية دعاية انتخابية.

[quote=mrweb;2317590]هو اصلا البرادعي مش مرشح للرئاسة حتى الان, هو بيقود عملية للتغيير الديموقراطي الحقيقي في مصر.

انا بقول لو اترشح يعنى

اما بانسبه لكلامك عن الانتحابات فطبعااااااااا كله كلام صحيح مليون فى الميه

وانا ذاكر الكلام ده فى الموضوع

لكن اللى شوفته فى الايام الاخيره وتابعته لا ينبأ ان يصلح البرادعى للانتخابات
مع كامل تقدير واحترامى له

فقد اختلف مع كل قياداته فى الجمعيه

ولم ينتظر ان يأخذ برأى احد منهم

حمد لله على السلامة ياعمر ..انا شيفك جاى بفكر جديد تجاه البرادعى هى الامتحانات غيرتك ولا ايه..دا مكنش رايك قبل الامتحانات

http://www.hanein.info/vb/imgcache/10/63925_hanein.info.jpg

جمال مبارك

هو الأفضل لأسباب كثيرة جدا

اما بانسبه لكلامك عن الانتحابات فطبعااااااااا كله كلام صحيح مليون فى الميه
وانا ذاكر الكلام ده فى الموضوعيبقى الاولى ان ندعم عملية التغيير من اجل الوصول لانتخابات حرة نزيهة حقيقية ثم نختلف بعد ذلك على اسم المرشح.

اما بالنسبة للجمعية ممكن تشوف فيلم حلم التغيير الموجود بقسم ملفات مصرية هايوضح الامور. الاختلاف وارد بينهم لان الجمعية تضم الجميع من اخوان لعلمانين لقوميين لمستقلين وكل من وقع على بيان التغيير هو عضو في الجمعية, بالاضافة لان الاختلاف طبيعي لانهم ما وقعوش على بياض للبرادعي ولا هو عمل كده لهم. لكن في النهاية الجمعية موجودة ولم يستقيل أحد وتمارس عملها.

هنالك 3 جهات يخلط بينها الناس:


الجمعية الوطنية للتغير و يرأسها البرادعي وفيها كل القوى السياسية وكل من وقع على بيان التغيير.
الحملة الشعبية المستقلة لدعم وترشيح البرادعي و منسقها الشاعر يوسف عبد الرحمن القرضاوي و جروبها الشهير لترشيح البرادعي على الفيس بوك. وهي تضم ناس عادية من الشعب مستقلين هدفها دعم التغيير وتختار البرادعي مرشحا للرئاسة "لو دخل الانتخابات" 2011.
البرادعي نفسه وهو له مستشارين خاصين به مستقليين عن الجمعية و عن الحملة الشعبية.

يتم التنسيق بين الجهات الثلاثة من اجل العمل لاحداث التغيير المطلوب

حمد لله على السلامة ياعمر ..انا شيفك جاى بفكر جديد تجاه البرادعى هى الامتحانات غيرتك ولا ايه..دا مكنش رايك قبل الامتحانات

اولا الله يسلمك
ثانيا انتو بردوا ما جاوبتوش على اسئلتى معظمكم
بل كلكم
دخلتونا تانى فى البرادعى وتأييده ورفضه
مع انى ذكرته فى سطر واحد فى اخر الكلام
وما جابتوش على الاسئله المطروحه
ارجو منكم جميعاااااااااااااااااااا
بعد قراءه الموضوع الاجابه على الاسئله

يبقى الاولى ان ندعم عملية التغيير من اجل الوصول لانتخابات حرة نزيهة حقيقية ثم نختلف بعد ذلك على اسم المرشح.

اما بالنسبة للجمعية ممكن تشوف فيلم حلم التغيير الموجود بقسم ملفات مصرية هايوضح الامور. الاختلاف وارد بينهم لان الجمعية تضم الجميع من اخوان لعلمانين لقوميين لمستقلين وكل من وقع على بيان التغيير هو عضو في الجمعية, بالاضافة لان الاختلاف طبيعي لانهم ما وقعوش على بياض للبرادعي ولا هو عمل كده لهم. لكن في النهاية الجمعية موجودة ولم يستقيل أحد وتمارس عملها.

هنالك 3 جهات يخلط بينها الناس:


الجمعية الوطنية للتغير و يرأسها البرادعي وفيها كل القوى السياسية وكل من وقع على بيان التغيير.
الحملة الشعبية المستقلة لدعم وترشيح البرادعي و منسقها الشاعر يوسف عبد الرحمن القرضاوي و جروبها الشهير لترشيح البرادعي على الفيس بوك. وهي تضم ناس عادية من الشعب مستقلين هدفها دعم التغيير وتختار البرادعي مرشحا للرئاسة "لو دخل الانتخابات" 2011.
البرادعي نفسه وهو له مستشارين خاصين به مستقليين عن الجمعية و عن الحملة الشعبية.

يتم التنسيق بين الجهات الثلاثة من اجل العمل لاحداث التغيير المطلوب



والله انا مش مختلف معاك
خالص فى مسألت التغيير
لكن انا كنت بقول مجرد رأى
بس
وانا مع التغيير تماما

http://www.hanein.info/vb/imgcache/10/63925_hanein.info.jpg

جمال مبارك

هو الأفضل لأسباب كثيرة جدا


شكراااااااااااا على مشاركه حضرتك

بس ياريت تذكر لينا بعض هذه الاسباب

انا نفسى اعرف المشكله دى مين السبب فيها

احنا السبب على فكرة الشعب يعني
عشان حضرتك قولت احنا بنتكلم و بس حلوين اوي في كده
بس لو وقفنا بجد كلنا وقفة واحدة بجد مرة في حياتنا و نفذنا اللي احنا عايزينه بشجاعة و من غير خوف هنغير حاجات كتير
بس للاسف اتعودنا على كده:blush:


هل جمال مبارك يصلح للرئاسه ام لا
وهل الشعب المصرى سيوافق على جمال ان يكون رئيسا
سواء جاء ترشيحه فى هذه الدوره
او القادمه


جمال ممكن يكون علاقات مع الدول الخارجية سياسيا كويس و كده
لكن مش هيعرف يصلح البلد و الفساد من الداخل ابدااا

شكراااااااااا على كلام حضرتك
ومشاركتك الموضوع
وفعلا عندك حق فى كل كلامك ده

ايه رايكو تسمحوا لى اتكلم انا كمان زى كل اللى بيتكلم واهو كلام والسلام
قولنا ان لا احد نراه يصلح للرئاسه خطأ لماذا هل نحن نعرف الجميع هل النظام الحالى اعطى لاحد الفرصه الفعليه فى التعبير عن نفسه
ولا كل واحد يحاول يتكلمفى موضوع الرئاسه والحكم او الاقتراب من النظام وافعاله بسرعه تجد كلاب النظام تهرول لعضه وهتك كرامته ووصفه بابشع الصفات .
وهل نحن شايفين على الساحه امامنا غير النظام اللى لا يسمح لاحد بالظهور سواه ومعاهم شويه الكومبارس الذين ينعتون انفسهم بالمعارضه وهم فى الاساس مجرد محلل للنظام الحاكم
اقسم بالله انا لست ضد احد لا مبارك او البرادعى اوايمن نور او صباحى او عمرو موسى او غيرهم
وفى نفس لوقت لست معهم بالكليه ولكن ما اريده حقا واعلم انكم تريدونه التغير للافضل فهذا يستحق افضل من ذلك
وهذا النظام قد استنفذ كل اوراقه لاقناع الشعب بعدالته وافعاله دليل على مساؤه
يا ريت نقدر نغير الوضع الحالى لان القادم مهما كانت مساؤه سنستطيع تغيره بكل سهوله لاننا هنكون قدرنا نغير الاعتى منه
واستعنا خلع من ظن الجميع انه لن يخلع فهل نفطن لذلك ...شكرا لسعة صدركم

حلو قوى الكلام الجميل اللى انته كاتبه ياستاذ ابراهيم

لو طنط نزيهه فضلت غايبة يا عمر يبقى الكلام مالوش لازمه
وألف حمد الله على السلامه

لو طنط نزيهه فضلت غايبة يا عمر يبقى الكلام مالوش لازمه
وألف حمد الله على السلامه


شكراااااااااا ليكى ياأيه على كلامك الجميل
وفعلا لابد من وجود طنط نزيهه

جمال مبارك رئيس مصر القادم ده اكيد بمساعده رجال مبارك الاوفياء الذين استطاعوا حفض نسبة أعضاء المعارضة وكراسي المعارضة في مجلس الشعب


حقيقة شوفتها بعنيا تؤكد أن جمال هو الرئيس القادم

كنا مجموعة مدرسيين في لجان الانتخاب في مجلس الشوري اللجان بتباع بتبااااااااااااااااااااع

ما نحن لا مجرد ستارة

القاضي والمستشار العادل هو اللي بيحب مصر وإلا مش هيبقي قاضي

اتمني ان يكون جمال هو مفتاح التغير وان حاسس بكده انه هيقدر يغير

خصوصا انه الوحيد الشبعان اوووي في مصر ومعاه مفاتيح مصر كلها


جمال ان شاء الله هيعرف يعمل حاجة

لو معرفش في خلال سنتين الشعب هو اللي هيعمل

اثنان لا يشبعان طالب علم وطالب مال
ده مش كلامى

المشكله فى الحاشيه التى لو ازيل الرأس لما كان للجسد اى حركه اولازمه
يارب نكون فهمنا

اتمني ان يكون جمال هو مفتاح التغير وان حاسس بكده انه هيقدر يغير

خصوصا انه الوحيد الشبعان اوووي في مصر ومعاه مفاتيح مصر كلها
الشعب هو المعاه مفتاح التغيير وليس احد اخر, لكن الناس عاوزة شخص يحقق لها كل حاجة بدون اي مجهود. مع عودة البرادعي مثلا ظهر نفس الفكر انه خلاص ده الرجل الها يعمل كل حاجة لوحده حتى ان البعض تعامل و كأنه اصبح الرئيس فعلا, لكن لما طلب من الناس انهم يغيروا معه ظهر التردد والخوف و السخرية في بعض الاحيان يعني لو احنا عملنا كده ده الهايغير يعني لو حصل كده هو ده بقى الها يصلح حالنا وهكذا. الناس هم مفتاح التغيير غير كده سنظل من سيء لاسوأ.

ما نحن لا مجرد ستارة تقصد انه تم تزوير الانتخابات بوجود الجميع؟ لو ده قصدك اعتقد ان ده سبب قوى حتى ترفض حدوث ذلك مرة أخرى.

صدقوني بدون نزاهة انتخابات سيظل الشعب المصري بلا قيمة عند من يحكمونه. نزاهة الانتخبابت تعني وجود نظام وحكومة وبرلمان ومحليات تعمل لصالح الشعب المصري فقط وليس لمصلحتها الشخصية. وجود نظام وحوكمة منتخبة من الشعب معناه اننا بدأنا في حل مشكلة البطالة و الاسعار واgصحة ...الخ حل حقيقي بدون وعود كاذبة و نستى المستقبل المشرق 30 سنة ثم لا نجني سوى السراب.

الشعب يقدر يغير, القوة بيد الشعب.

اثنان لا يشبعان طالب علم وطالب مال
ده مش كلامى

بس اصلا عندنا مبقاش فيه طلاب علم
هههههه

المشكله فى الحاشيه التى لو ازيل الرأس لما كان للجسد اى حركه اولازمه
يارب نكون فهمنا

طبعاااااااااا عند حضرتك حق واكيد فهمنا طبعا