أنا أكبر معارض فى مصر [الأرشيف] - بوابة الثانوية العامة المصرية

مشاهدة النسخة كاملة : أنا أكبر معارض فى مصر

حميد بدوى

09-06-2010, 05:59 PM

أنا أكبر معارض فى مصر

وكلمتى من دماغى

ومبحبش الحكومة ولا النظام

ولا عمرى حبيت الريس

ولا حتى ابنه جمال

وانا حر فى أرئى

ومستعد للاعتقال

ومش مهم العيال ولا حتى أمهم

المهم البلد اللى بتموت قبلهم

أتحدى أى كائن كان

يقدر يقولى ثروتهم كام؟؟؟؟؟

أنا أقولكم كل مصر ملكهم

مع خالص الود و الاحترام نموتوا من أجلهم

وتحية كبيرة لكل المعارضين والناس التمام

بقدم أعتذار

لكل الاسامى

على رأسهم

الدكتور البرادعى أبو الاحلام

وأيمن نور اللى دفع التمن من غير كلام

ولا حد قدر ينطق ويقول تلت التلاتة كام

حمدى قنديل رئيس التحرير

وابراهيم عيسى والدستور

وجرايد المستقلين والله يرحم جريدة البديل

مع خالص أحترامى لكل الاحزاب

اللى فتحة قلبها كتاب

وحفظة النشيد

اللى بتقول وتعيد بأذن من النظام

ودايما واقفة بعيد

فى ابراج الحمام

الاسم معارضة والسلام

لغد المنافقين بتاع موسى مصطفى موسى ورجب هلال

والغد الجميل بتاع السيدة جميلة أسماعيل

والوفد الجديد الحزب الاصيل

اللى كانت اعضاءة ملايين

اللى قدم درس لكل مصر

بس هتقول لمين وتعيد لمين

احنا متقدمناش الا فى التزوير

مع أحترامى لكل الحركات والجمعيات

والمنظمات وحقوق الانسان

وحركة كفاية وميحكمش والشباب الرجالة

شباب 6 أبريل

وكمان الاخوان اللى مش عارفين

ياخدوا حق ولا باطل

ودايما بيلعبوا لعبة القط والفار مع النظام

ولا عمرهم خدوا خطوة لقدام

كل اما يتكلموا عن الديمقراطية

تصرخ الحكومة وتقول يعنى معقولة

نسيبوا الدولة للاخوان

بالذمة دة اسمة كلام

شوفتوا حجة النظام

أنا أكبر معارض فى مصر

لان أصلا فى مصر مفيش معارضين

واللى هيقيم ضهرة هيتقص

هو انت مفكر نفسك فين

يا أبنى دأ أنت فى مصر

أتكلم قول من الهوى ياليل

وشوف مين هيسمعك

لو سمعك حد هيتقام عليك الحد

والله الله معك

الشاعر

عبد الحميد بدوى

أ/رضا عطيه

09-06-2010, 07:01 PM

روووووز

09-06-2010, 11:01 PM

جميله - رائعه - وكدا تمام

إبعد عن الناس الشقيانه والبلد التعبانه والحضـارة والتاريخ

اتشغلوا سوى ولوهتضربوا بعض بشلاليط واقلام وشماريخ

وابقى قابلنى لونفعك حد من اللى هريتهم شكر وثناء ومديح

الله -فكرتنى بكشرى طنطا -
وشكرا للجميع

اه يا زمن فيك العجب ;););)
الواحد محتار فى البلد دى :o:oمش عارف هى حلوة ولا وحشة
هو كشرى طنطا حلو لدرجة دى :o:o
شوقتنى ليه :d:d:d:d

ibrahim elsayed

09-06-2010, 11:17 PM

رائع ياعم حميد والله كل كلمه قولتها فى محلها مع بعض الاختلاف
فعلا المعارضه والنظام متجوزين عرفى وبيضحكوا علينا عارف ليه عرفى
علشان لة اطلقوا وده مش هيحصل فى المحروسه متقدرش المعارضه تقول تلت التلاته كام
وتتلطم ياعينى فى المحاكم اللى بدرك مش هتحكملها لانها اختراع النظام
وسلملى على النظام

روووووز

09-06-2010, 11:20 PM

tarek elhamy

09-06-2010, 11:29 PM

بجد بارك الله فيك اخى الكريم
ان شا ءالله تكون فلا ميزان حسناتك
بارك الله فيك
وجزاك كل خير

عاشقة الطفولة

10-06-2010, 12:55 AM

شكرا على القصيدة

حميد بدوى

10-06-2010, 10:51 AM

كشرى طنطا روعة وخصوصا كشرى مديح

مش عارف اية دخل الكشرى اصلا انت جعان

أ/رضا عطيه

10-06-2010, 11:09 AM

روووووز

10-06-2010, 04:11 PM

ما أنت راسى على كل حاجه أهو ياعمنا
وشكلنا هنطلع بلديات فى الأخر
وإذا طلع الكلام ده حقيقى
أنا عازمك على طبقين كشرى عند مديح
بس إنت اللى هتدفع لأنى
جعان
وغلبان
وكحيان
وعدمان
والسلك ضربنى
لكن
الحمد لله دائما
وشكرا ياعمنا

طيب وانا ;) مش معزومة ولا ايه عند مديح مين مديح هو ده اسم واحد ;)
ممكن تخدونى معاكم :040vk0:
ههههههههههه :p:p:p

حميد بدوى

10-06-2010, 04:55 PM

يسلام ياروووز اهو كدا الكشرى يبقى لية طعم

اهو مكن يكون اخر مرة نكلوا فيها كشرى

مديح اسم المحل؟ علشان لم تروحى

روووووز

10-06-2010, 06:18 PM

يسلام ياروووز اهو كدا الكشرى يبقى لية طعم

اهو مكن يكون اخر مرة نكلوا فيها كشرى

مديح اسم المحل؟ علشان لم تروحى

انا مش هدفع حاجة انا معزومة طبعا
ولا هدبسونى ادفع انا هههههههههه
مديح فى طنطا مش لما اعرف طنطا فين الاول

زائر غير مسجل

10-06-2010, 06:43 PM

وأنا أكبر معارض لأكبر معارض أصل المعارضة بقت موضة وغية
وكل واحد فيكى يابلد بيعارض شيوخ وشباب والصبى والصبية
والكل بيقول يا برادعي مدد نسيتوا العراق والأسلحة النووية
لو كل واحد من نفسه يبدأ بدل ما نصرخ ونبكي بعصبية
مصر مش مبارك و جمال مصر بفسادنا احنا قدمناها هدية

حميد بدوى

10-06-2010, 08:52 PM

ومستعد للاعتقال

ومش مهم العيال ولا حتى أمهم

هههههههههه خلاص هجيب عيش وحلاوة
طيب ذنبهم ايه العيال والمدام :(:(:(
كل ده فى سبيل الوطن
التضحية فى سبيل الوطن
بس جميل اوى بس الاسماء دى مش هتنفعنا فى حاجة واولهم البرادعى :mad::mad:
شكرااااااااااا جداااااااااااااا على القصيدة الرائعة

هنا وجودك رائع ياروووز كما هو معهود وعلى فكرة رديت عليك اكتر من مرة ولكن لم يصل الرد لاسباب فنية

التضحية شىء مهم لاثبات الحب والوطن هو الحب الوطن الان لا يحتاج الى كلمات واغانى ولكنة يحتاج الى فعل

والى عمل وتضحية وموضوع الاسماء البرادعى ياريت تعرفى البرادعى اكتر لبرادعى اهم انسان فى مصر الان

لانه عندة الكتير من اجل مصر يكفى انه جاوب على اكتر من الف سؤال اتحدى الرئيس مبارك يجاوب على سؤال

واحد البرادعى لما اتسأل على التغيير قال الشعب هو اللى لازم يغير اول مر واحد يجيب سيرة الشعب

ويعتمد على الشعب الريس طلع يحتفل بعيد العمال والعمال فى الشارع نايمين على الرصيف ولا جاب سيرتهم

وبعدين نتكلموا فى موضوع طنطا

أ/رضا عطيه

10-06-2010, 10:35 PM

روووووز

10-06-2010, 10:56 PM

هنا وجودك رائع ياروووز كما هو معهود وعلى فكرة رديت عليك اكتر من مرة ولكن لم يصل الرد لاسباب فنية

التضحية شىء مهم لاثبات الحب والوطن هو الحب الوطن الان لا يحتاج الى كلمات واغانى ولكنة يحتاج الى فعل

والى عمل وتضحية وموضوع الاسماء البرادعى ياريت تعرفى البرادعى اكتر لبرادعى اهم انسان فى مصر الان

لانه عندة الكتير من اجل مصر يكفى انه جاوب على اكتر من الف سؤال اتحدى الرئيس مبارك يجاوب على سؤال

واحد البرادعى لما اتسأل على التغيير قال الشعب هو اللى لازم يغير اول مر واحد يجيب سيرة الشعب

ويعتمد على الشعب الريس طلع يحتفل بعيد العمال والعمال فى الشارع نايمين على الرصيف ولا جاب سيرتهم

وبعدين نتكلموا فى موضوع طنطا

لا شكر على واجب انا بحب ادخل المواضيع القيمة
اكتر من مرة
شكل حضرتك بتحب البرادعى طيب هو تبع اى حزب عشان يدخل الانتخابات
وكمان بيسافر لسه خارج مصر ليه ;);) انا قرأت انه
بياخد فلوس من ايران واللى كتبت ده جريدة كويتية
ده مش من عندى واللى ياخد من ايران ياخد من اى حد يعنى رشوة
ممكن حضرتك تجاوبنى :excl::excl::excl::excl:

روووووز

10-06-2010, 11:06 PM

:078111rg3::078111rg3:
وبعدين نتكلموا فى موضوع طنطا ( من درر الأستاذ حميد):040vk0:
بلاش كشرى طنطا:049gc0:
دى حتى بلد كلها فلاحين ودايما متعاصين طين - جاتهم الهم دول ناس مش متحضريين وكمان مبلطين!!!!!!!!!!!!!:romarioxp6:
إيه رأيك فى هامبورجر واشنطن ولابيتزا باريس ولا مكرونة روما حاجات عليها القيمه كدا وتملى العـــين :039uw8:
إقفل شباك أملك وامنع هواه عنك وعيش فى عزله لوحدك وماكنتش عزومه دى هتكلفك جنيه أو اتنين:d
مفيش فايده - سلام ياهمام - وشكرا للجميع:078111rg3::078111rg3:

ايه ده هو الكشرى بقى محرم ولا اتمنع واكتشفوا فيه حاجة مضرة بالصحة ;););)
لو سمحت استاذ بلاك بلاك فى حاجة محيرانى هو حضرتك ايه اللى بيزعلك من شعر الاستاذ حميد لانه فى الشعر بيذكر الناس والحضارة ولا فى حاجة تانية
بس اللى حضرته بيقوله عن النظام والسياسة ده كلام سليم 100%
وشكرااااااااااا جداااااااا لحضرتك على التواصل الرائع والمستمر :p:p:p
لانى بحب ادخل ورد على كلامك الموضوع يزداد اثارة وحماسة :p:p

أ/رضا عطيه

11-06-2010, 03:48 AM

ولا فى حاجة تانية
فيه حاجات وحاجات مابينا :bosyht9::bosyht9:
مشاكل على ورث قديم ياروووووز:d:d

حميد بدوى

11-06-2010, 07:43 AM

من الاتهامات التي يروجها البعض للدكتور البرادعي هو أنه كان جزءا من المؤامرة الأمريكية للحرب على العراق. وبأسلوب موضوعي رغبنا في أن نقدم بين أيديكم الأدلة المادية على براءة الدكتور البرادعي من هذه تهمة التواطئ مع الحكومة الأمريكية ل*** مئات الآلاف من العراقيين. ونعتذر مقدما عن كثرة الروابط الأجنبية في هذه الصفحة والتي ندعوكم جميعا لنشرها بين أوساط المصريين. وسنقوم بتحديث هذه الصفحة بشكل دائم وندعوكم للمشاركة بالتعليق ووضع روابط تفيد في نفي هذه التهمة عن الدكتور البرادعي.

"بعد ثلاثة أشهر من التحقيق الشامل والمتواصل فإن الوكالة لم تجد أي مؤشر على قيام العراق بمواصلة برنامجها التسلحي النووي. سنواصل عمليات التحقيق مستفيدين بكافة قرارات مجلس الأمن الخاصة بالتفتيش وكذلك ما لدينا من وسائل تقنية" محمد البرادعي عام 2003 وقبل الحرب على العراق

كلمة البرادعي في مجلس الأمن قبل حرب العراق
الروابط:
http://www.youtube.com/watch?v=AqNtS1iXh_E (http://www.youtube.com/watch?v=AqNtS1iXh_E)
http://www.youtube.com/watch?v=VW0FVHDhzJ0

"إنه من الواضح أن هناك تناقصا كبيرا في قدرات العراق الصناعية في مواقعها النووية خلال الأربعة أعوام الماضية بسبب هجرة العديد من الخبرات العراقية ونقص الصيانة وترك الشركات الأجنبية لأعمالها بالعراق" محمد البرادعي

"يمكننا في المرحلة الحالية التأكيد على التالي:
أولا: لا يوجد أي دليل على وجود أي عمليات نووية في جميع المواقع التي تم تفتيشها.
ثانيا: لا يوجد أي دليل على قيام العراق بمحاولة استيراد اليورانيوم منذ عام 1990.
ثالثا: لا يوجد أي دليل على قيام العراق بمحاولة استيراد أنابيب الألومنيوم والتي يمكن استخدامها في تصنيع أسلحة نووية. بالإضافة إلى حتى أنه في حالة قيام العراق باستيراد هذه الأنابيب فقد كانت ستواجه مشكلة تقنية في محاولة الاستفادة منها"

"بعد ثلاثة أشهر من التحقيق الشامل والمتواصل فإن الوكالة لم تجد أي مؤشر على قيام العراق بمواصلة برنامجها التسلحي النووي. سنواصل عمليات التحقيق مستفيدين بكافة قرارات مجلس الأمن الخاصة بالتفتيش وكذلك ما لدينا من وسائل تقنية"

"يجب أن أشير أن العراق أصبحت أكثر تعاونا مع الوكالة بعد الضغوط التي قام بها مجلس الأمن خاصة فيما يتعلق بالمقابلات الشخصية مع المسؤوليين العراقيين. آمل أن تستمر العراق في التعاون معنا."

~-~-~-~-~-~-~-~-~-~-~-~-~-~-~-~-~-~-~-~-~-~-~-~-

"لقد كان أول أيام احتلال العراق من أسوأ أيام حياتي" محمد البرادعي

تقرير لوس أنجلوس تايمز عن فوز البرادعي بجائزة نوبل
http://articles.latimes.com/2005/oct/08/world/fg-peace8 (http://articles.latimes.com/2005/oct/08/world/fg-peace8)

~-~-~-~-~-~-~-~-~-~-~-~-~-~-~-~-~-~-~-~-~-~-~-~-

"لقد أخبرنا ديك شيني أنهم مستعدين لتلويث سمعتنا في حالة عدم وصولنا للنتائج التي تبرر الحرب .. وهذا ما حاولوا عمله" هانز بليكس

هانز بليكس وحديثه عن مقابلته والبرادعي لمسؤولي الحكومة الأمريكية إبان بدء عملية التحقيق
http://www.youtube.com/watch?v=CVldccu5RmQ (http://www.youtube.com/watch?v=CVldccu5RmQ)

~-~-~-~-~-~-~-~-~-~-~-~-~-~-~-~-~-~-~-~-~-~-~-~-

الحكومة الأمريكية "لا ترغب" في تجديد الفترة الثالثة لرئاسة البرادعي لوكالة الطاقة الذرية
http://online.wsj.com/article/SB110480270275716104.html?mod=googlewsj (http://online.wsj.com/article/SB110480270275716104.html?mod=googlewsj)

~-~-~-~-~-~-~-~-~-~-~-~-~-~-~-~-~-~-~-~-~-~-~-~-

الحكومة الأمريكية تراقب هاتف الدكتور البرادعي
http://www.guardian.co.uk/world/2004/dec/13/usa.iran (http://www.guardian.co.uk/world/2004/dec/13/usa.iran)
خبر من صحيفة الجارديات البريطانية والتي تؤكد أن بوش وحكومته قاموا بمراقبة اتصالات البرادعي مع الحكومة الإيرانية لمحاولة الوصول لأي سبب للتخلص منه. وقد وصفت الصحيفة البرادعي بأنه عدو للحكومة الأمريكية

~-~-~-~-~-~-~-~-~-~-~-~-~-~-~-~-~-~-~-~-~-~-~-~-

وبعد هذا .. هل سيستمر هذا المسلسل السخيف في كيل الاتهامات للدكتور البرادعي؟

أ/رضا عطيه

11-06-2010, 01:49 PM

تحب أعمل لك شويه زى دول تثبت لك أن اللواء (حميدبدوى)
هوقائد نصر أكتوبر 1973وصاحب الضربه الجويه الأولى كمان
وبعدين لحد إمتى هناخد الصحف والمجلات دى مرجع لنا
طيب ماهى الصحف دى هى اللى بتناصر الصهاينه عينى عينك
ودايما بتقول إن الصهاينه أصحاب الحق والفلسطينين لأ
إحنا كدا بنصدق ونعظم اللى يخدم أهدافنا ونكدب غيره
طيب ده مبدأ يا عم برادعى:dشكرا للجميع

روووووز

11-06-2010, 04:14 PM

ولا فى حاجة تانية
فيه حاجات وحاجات مابينا :bosyht9::bosyht9:
مشاكل على ورث قديم ياروووووز:d:d

اه الورث هههههههه
لا لازم تاخد حقك بالقانون ولا مفيش قانون فى البلد ولا ايه ;););)
هو انتوا تعرفوا بعض ولا ايه ;););)

أستاذ/شفيق الأخضر

11-06-2010, 04:52 PM

الموضوع موضوع مصر
مش كشري
وعزايم
ده الموضوع كبير
اللهم ولي علينا خيارنا ولا تولي علينا شرارنا

روووووز

11-06-2010, 05:12 PM

الموضوع موضوع مصر
مش كشري
وعزايم
ده الموضوع كبير
اللهم ولي علينا خيارنا ولا تولي علينا شرارنا

اصل الكشرى ظهر مرة واحدة فى الموضوع
اصل احنا كنا جعانين هههههههههههه

صفاء بهنساوي

11-06-2010, 07:58 PM

محمد عبد الحكم

12-06-2010, 04:31 AM

روووووز

12-06-2010, 12:37 PM

على فكرة انتوا دخلتوا الكشري في القصيدة فطبعا الأكل يغلب وخصوصا لو كان كشري جوعتونا يا جماعة ياترى العزومة لسة موجودة ولا خلصت، وممكن أضيف نفسي عليكو وبعدين لما تزيدوا واحد مش هتفرق المهم مين اللي عازم؟

اللى عازم مش عارفة اول واحد ذكر الكشرى هو اللى يعزمنا هههههههههه يعنى هو الاستاذ بلاك بلاك :d:d:d

روووووز

12-06-2010, 12:42 PM

انت مين يا عم انت
وبرادعي مين وايمن نور مين
وعيال مين دول وامهم فين
بص يا مستر نصيحة ليك وللناس اللي بتحب البردعي
مش عايزك تتعب صوابعك كتير علي الكي بورد ليه
علشان جمال هو الرئيس المنتظر مش بمزاجي ولا مزاج مصر كلها

وهقولك علي حاجة تانية البلد دي لو حد مسكها غير جمال هتخرب

حضرتك قولت مش بمزاجى ولا مزاج مصر كلها يعنى ايه هو مفيش انتخابات ولا ايه والانتخابات دى
يعنى الشعب هو اللى بيختار الرئيس انا مش مع البرادعى ولا جمال انا مع اللى يخلى البلد قدام
حلوه دى صح :p:p:p

أ/رضا عطيه

12-06-2010, 01:16 PM

اللى عازم مش عارفة اول واحد ذكر الكشرى هو اللى يعزمنا هههههههههه يعنى هو الاستاذ بلاك بلاك :d:d:d

والله إنت يارووووز ورطينى
لكن وغلاوتكم إنتم مش تستهلوا كشرى أنتم تستاهلوا الدبح:d
ولو هدبح لكم البقره اللى حيلتنا ماتغلى عليكم:d

روووووز

12-06-2010, 01:53 PM

والله إنت يارووووز ورطينى
لكن وغلاوتكم إنتم مش تستهلوا كشرى أنتم تستاهلوا الدبح:d
ولو هدبح لكم البقره اللى حيلتنا ماتغلى عليكم:d

يااااااااااه هتكون عزومة كبيرة طبعا يا جماعة الكل
معزوم بس يا ريت متدبحش بقرة خليها فراخ مشوية :d:d:d:d
وكمان نهدى النفوس بينا بعد الاكل طبعا هههههههه

هند يوسف

12-06-2010, 02:51 PM

انت مين يا عم انت
وبرادعي مين وايمن نور مين
وعيال مين دول وامهم فين
بص يا مستر نصيحة ليك وللناس اللي بتحب البردعي
مش عايزك تتعب صوابعك كتير علي الكي بورد ليه
علشان جمال هو الرئيس المنتظر مش بمزاجي ولا مزاج مصر كلها

وهقولك علي حاجة تانية البلد دي لو حد مسكها غير جمال هتخرب
انت عندك حق استاذ محمد عبد الحكم

همن كده المصريين يقعدوا يعيبوا بلدهم من غير مايعملوا حاجة عاوزين كل حاجة الحكومة تعملهالهم وهمن قاعدين مستريحين ويعيبوا بلدهم
لو كل واحد عمل حاجة للبلد دي حتي لو كانت بسيطة البلد هتتغير

نعيب زماننا والعيب فينا وما لزماننا عيب سوانا

حميد بدوى

12-06-2010, 04:29 PM

هو فى حد مد لحد فرصة يعمل حاجة كتر خيرهم قيامين بالواجب وزيادة