|
مشاهدة النسخة كاملة : نصيحة مجرب fethaghors 24-07-2005, 06:26 AM بنصح كل الى رايح أولى ثانوى انه يختار اللغه الثانيه ألمانى لأن فعلا نص مدرستى جايب فيه 50 وأنا الأول فى الفرنساوى 48.5 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ brainwash 03-08-2005, 01:07 AM يا جماعة ...كلام الراجل ده صح....فعلا الفرنساوي خلاص راحت عليه....يعني انت تقعد تتعب طول السنة و في الاخر الله اعلم,, :ph34r: :ph34r: و انا كمان انصح اي حد داخل اي اي حد داخل تانية ثانوي و كان واخد فرنساوي....يحول الماني و يدوس على نفسه في المذاكرة و ان شاء الله يجيب الخمسين و الله ولي التوفيق :rolleyes: basmala 04-08-2005, 08:28 AM بص يا استاذ راجل : انا من رايى ان اانا درست فرنساوى (6) سنين يعنى حفظت المادة واعرف تقريبا معظم كلامتها يبقى ليه بقى ادرس مادة تانية من بداية abc brainwash 05-08-2005, 03:49 AM الكلام ده بالنسبة للغات طبعا....صح؟؟؟انما ان كلامي اساسا للحكومة اللي مطحونين و اول سنة بياخدو فيها لغة تانية بتكون اولى ثانوي :( <_< fethaghors 05-08-2005, 04:17 AM Originally posted by basmala@Aug 4 2005, 08:28 AM بص يا استاذ راجل : انا من رايى ان اانا درست فرنساوى (6) سنين يعنى حفظت المادة واعرف تقريبا معظم كلامتها يبقى ليه بقى ادرس مادة تانية من بداية abc جديده استاذ راحل دى أنا درست فرنساوى على فكره فى ادادى بس أى كلام وقلت زيك كده وكنت عارف ان الألمانى أسهل شهد انس 31-08-2005, 12:30 PM والله عندك حق طلاب المدارس الحكوميه مطحونين طحنه مايعلم بيها الا ربنا :( والفرنسلوي فعلا لغه سئيله بس زي ماتؤل لو الواحد اقتنع يختار الماني هيقنع اهلو ازاي دي عايزه بعثه من الامم المتحده علشان بس يفكروا في الموضوع <_< [COLOR=orange]التوقيع [SIZE=7][COLOR=red][U][I][B]شهدالكون fethaghors 01-09-2005, 12:40 AM السنه دى فعلا فى اقبال على الألمانى رهيب مدرستى أولى ثانوى معظمها ألمانى basmala 06-09-2005, 02:46 PM انا لما رحت قدمت فى مدرستى قولت انى هاخد فرنساوى انتوا كده خوفتونى انى الاقى الناس معظمها المانى وبعين الواحد يتوكل على الله ومفيش حد بياخد اكتر من مجهوده.....الامتحان يجى سهل بأه او يجى صعب دى حاجه على مزاجهم. وبعدين انتم ممكن تاخدوا المانى يجى الامتحان بتاعه فى السنه بتاعتكوا صعب ما حدش يعرف ايه اللى هيحصل.................... fethaghors 11-09-2005, 01:42 AM لا انتو مين أنا الحمد لله عديت خلاص تانيه ثانوى بفرنساويها بألمانيها وعدتوش تدخلونى الموضوع ده لأن الفرنساوى بقى بينرفزنى basmala 11-09-2005, 01:53 AM ربنا يوفق الجميع ----------------- fethaghors 11-09-2005, 02:25 AM ان شاء الله ممثل مدرسة السعيدية 12-09-2005, 09:46 AM فعلا عندك حق انا معظم اصحابي الي الماني واخدين الدرجات النهائية (اولا ثانوي)في الترم الاول اما الفرنساوي مش كتير الي عدو 10 من 12 :( fethaghors 13-09-2005, 05:23 AM انت لسه رايح تانيه ؟ أنا بتكلم على الثانويه العامه أنا كنت جايب الدرجه النهائيه فى فرنساوى أولى ثانوى تقريبا ناقص كسر كده صغير أعمال سنه كنت معتمد على دراستى له فى اعدادى بس أنا طلعت الأول على منطقتى كلها فى الفرنساوى تانيه وجايب 48.5 ولد في ثالثة ثانوي 13-09-2005, 09:31 PM exams el french ebtadet teb2a sa3ba mn 2awel 2004 :( belzat fe so2al el grammaire بسبوسة 16-09-2005, 01:38 AM ياجماعة هشام عنده حق اختارو الاسهل انا كنت مزاكرة الفرنساوى جدا جدا وطالعة مقفلة الامتحان وفى الاخر اجيب 44.5 :( ده ظلم ولا مش ظلم يلا الحمدلله على كل شئ Sweet May 25-09-2005, 04:32 PM انا الحمد لله أخدت المانى وأنصحكم كلكم المانى .. لأن الفرنساووى معقد والسنة الى فاتت الفرنساوى كان الأمتحان صعب اوووى .. انما الألمانى كان سسسسسسسسسسسسهل B) basmala 05-12-2005, 03:17 PM انا الفصل عندى معظمهم المانى وبيتحيلوا على المدرسه علشان يكملوا فرنساوى احمد97 27-02-2006, 10:15 AM :blink: انا لا نضيع اجر من احسن عملا أيها الطالب المُمتحَن .. • يا من تستعد لدخول قاعات الاختبار ... • يا من تعقد العزم والتصميم على تحقيق النجاح ... السلام عليكم ورحمة الله وبركاته ، وبعد : فما أن تقترب فترة الامتحانات حتى تُعْلَنَ حالة الطوارئ في المجتمع ، وتبدأ أيام القلق والتوتر عند الطلاب والطالبات ، والآباء والأمهات ، والمدرسين والمدرسات لأنهم ينظرون إليها باعتبارها فترةً عصيبةً تضطرب فيها الأنفس وتتوتر الأعصاب ويزداد القلق لما يترتب عليها من نجاح أو رسوب . وهنا أوجه هذه الرسالة إلى كل طالب وطالبة يستعدان لدخول قاعات الامتحانات فأقول مستعيناً بالله وحده : • أيها المُمتحَن ، لعلك تتفق معي أن الطلبة الفاشلون وحدهم الذين يعيشون أجواء الرعب وأيام التوتر ويخافون من شبح الامتحانات لأنهم مهملون في التحصيل منذ بداية العام الدراسي ، ومقصرون في بذل أسباب الجد والاجتهاد والتي قال فيها الشاعر : أخي لن تنال العلم إلا بستةٍ *** سأنبيك عن تفصيلها ببيان ذكاءٌ وحرصٌ واجتهادٌ وبلغةٌ *** وإرشادُ أستاذٍ وطول زمان فإياك والإهمال ، واحرص – بارك اله فيك – على العناية بدروسك ومذاكرتها أولاً بأول ، والاجتهاد في ذلك مستعيناً بالله وحده ، متوكلاً عليه جل وعلا . وتَذكَّر أن من جد وجد ، ومن زرع حصد . • إياك أن تكون من أولئك الطلاب الذين يعمدون في أيام الامتحان إلى مواصلة النهار بالليل في المذاكرة ؛ فلا ينامون ولا يرتاحون وإنما يطيلون السهر بتناول الحبوب المنشطة أو الإكثار من شرب المنبهات ونحوها في محاولة منهم لإنقاذ ما يمكن إنقاذه عن طريق مضاعفة ساعات الدراسة والمذاكرة المكثفة لمختلف المواد ناسين أو متناسين أن في ذلك التصرف من الإرهاق الذهني ، والإجهاد البدني ما لا تُحمد عقباه . لا سيما وأنه متى كان الجسم والعقل مُجْهَدين ، كان مستوى التحصيل ضعيفاً والقدرة على التركيز مفقودة . • لا تحاول المذاكرة واسترجاع المعلومات قبيل الدخول إلى قاعة الامتحان ، فإن ذلك أسلوب خاطئ يؤدي إلى نتائج سيئة ، حيث تختلط الأمور ، وينعدم التركيز ، وتتداخل المعلومات . وعليك عدم إشغال الذهن بمثل هذه الطريقة في المذاكرة لأن من الأفضل أن تكون هادئاً صافي الذهن في فترة ما قبل الامتحان . وتأكد أن هناك الكثير من المعلومات التي ما أن تقرأ ورقة الأسئلة حتى يُمكِنُك تَذكَّرها – بإذن الله وحده - . • إياك والوقوف عند سؤال قد يصعب عليك فهمه أو استيعابه ، وعليك أن تجاوزه إلى غيره ثم العودة إليه مرة أخرى حتى لا يكون سبباً في ضياع وقت الامتحان وتعطيل الإجابة على بقية الأسئلة . ولا تنس أن من الحكمة للطالب أن يوزع زمن الامتحان على عدد الأسئلة ومراعاة ترك بعض الوقت للتفكير والمراجعة . • تَذكَّر أن محاولة الغش مهما كان نوعها ليست سوى دليل على عدم الثقة بالنفس ، والخوف الدائم من الفشل لا سيما وأن الغش لون من الانحرافات السلوكية التي يحاول الطالب الغشاش من خلالها الحصول على درجات ليست من حقه بأية طريقة ممكنة . فالحذر الحذر من مجرد التفكير فيه لأن الوقت الذي ستقضيه في التخطيط له وإعداد وسائله المختلفة يكفي – بإذن الله – لدراسة المادة واستيعابها بشكل جيد تضمن معه النجاح إن شاء الله . • احرص على كتابة الإجابات بخط واضح ومقروء ، وعليك أن تهتم بنظافة ورقة الإجابة وتنسيقها قدر الإمكان حتى لا تتداخل الإجابات مع بعضها . كما أن عليك أن تقرأ الأسئلة جيداً حتى تتمكن من كتابة الإجابة المطلوبة دونما إطالة أو إيجازٍ مخلٍّ بالمعنى . وعليك – أخي الطالب المُمتحَن – التأكد قبل دخول قاعة الامتحان من وجود كل ما قد تحتاج إليه في أداء الامتحان كالأقلام والأوراق وغيرها من الأدوات اللازمة . •• وختاماً : عليك بالتوكل على الله وحده أولاً وآخراً ، والالتجاء إليه سبحانه بكثرة الدعاء حتى يُذَكِّرَكَ ما نسيت ، ويُعَلِّمَكَ ما جهلت ، ويكتب لك التوفيق والسداد والهداية والرشاد . والله أسأل أن يوفقنا وإياك إلى ما فيه الخير والصلاح ، والنجاح والفلاح . وصلى الله على محمدٍ وعلى آله وصحبه وسلم تسليماٍ كثيراً ... alexboy88 10-04-2006, 01:39 AM يا جماعه اللغه حلوه للى يحبها وبعدين الناس اعتادت على ان اللغه التانيه تكون الفرنساوى وبعدين كل انسان بيختلف عن التانى فمن الممكن ان انت تقول ان اللغه وحشه لكن هى من راى حد تانى ان اللغه كويسه وشكرا :D LA STELLA 26-04-2006, 07:03 PM يا جماعة مدرستى مفيهاش غير فرنساوى و بس .......................................اعمل ايه يعنى LA STELLA 26-04-2006, 07:05 PM بالمناسبة الفرنساوى هو اللغة التانية على مستوى العالم بعد الانجليزى......يا جماعة ...و المهم المذاكرة الكويسة basmala 26-04-2006, 08:22 PM خليكى فرنساوى وماتحوليش تغيرى المانى او اى ماده تانيه زيزوزيزو 05-07-2006, 02:41 PM انا برضه مدرستي مافيهاش غير فرنساوي بس لكنه مش صعب وانا اخدت فيه درس و جبت درجة كويسة براءة 06-07-2006, 08:40 AM على فكرة الالمانى اسهل بكتييييييير احنا المفروض بندرس من رابعه ابتدائي فرنساوى ومع ذلك الالمانى اسهل الفرنساوى احلى كماده لكن الالمانى خفيف وامتحاناته نظامها جميل وبتيجى سهلة دايما على فكرة انا فى اولى ثانوى درست النص الاولانى فرنساوى والنص التانى حولت المانى ودرست منهج الترمين فى ترم واحد ومع ذلك الالمانى كان اسهل بردك بصوا بقي اللى عاوز مجموع يدخل المانى من الاخر مهرة 06-07-2006, 11:02 PM السلام عليكم فعلا الالمانى اسهل وعموما اهم حاجة التركيز سواء المانى او فرنساوى Ho$$aM 15-07-2006, 06:08 PM و الله انا كده بقى اخد ألمانى احسن Reham1222 19-07-2006, 04:36 AM يا جماعة انا عن نفسى اتمنى انى اخد المانى لكن حظى ان محافظتى كلها مفيهاش اى حد بياخد المانى اصلا وكمان مدرستى مفيهاش غير فرنساوى وانا عن نفسى مش فاهمة ازاى الكلام دة دة انا حتى مش لاقيه مدرسين فرنساوى كويسين هنا فى منطقتى وانا عارفة ان كلام هشام او فيثاغورث صح وكمان انت لو لغات هيبقى الفرنساوى اسهل عليك بكتير لكن انا حكومى يعنى الموضوع معقد معقد دة غير كمان فصل الفائقات اللى محيرنى دة وطبعا امرى لله وهدرس فرنساوى وخلاص بس الحمد لله انا اصلا بحب ادرس اى لغة مش هتفرق معايا كتير لكن هتفرق يوم النتيجة انا عارفة :( bosy .. mostafa 20-07-2006, 10:06 PM شكراً عالنصيحه .. انا كتبت اللغه التانيه الماني white angel 22-07-2006, 03:29 PM <span style="font-family:Comic Sans Ms"><div align="center">انا لسة قدامى انى اختار بس هاختار فرنساوى سهل بقى ولا صعب مش عارفة هاختاره ليه ممكن يكون نظام خالف تعرف :P بس فعلا كل اللى اعرفهم اخدوا فرنساوى واختاروه وقالولى انى اختاره عامة مش بتفرق غير المذاكرة والتركيز وربنا يوفق الكل ان شاء الله </div> </span> فاطمة456 20-02-2011, 11:50 AM طبعا الالمانى اسهل انا بعشق الالمانى فاطمة456 20-02-2011, 11:51 AM السلام عليكم ممكن تفيدونى بخبرتكم انا فى اولى ثانوى بس انا محتاره فى المذاكره ناس تقولى متذكريش فى اولى عشان توفرى جهدك لتانيه وتالته وانا عملت كده فى الترم الاول وناس تقولى الى مش بذاكر فى اولى مش بذاكر فى تانيه وانا مش عرفه اعمل اه هل الكلام اللى بيقولوا الناس صح طب اى واحد صح الاول ولا التانى منى فى الترم الاول عملت بكلام الناس انى مذاكرش كنت ضايعه بس الحمدلله نجحت فمنكن تساعدونى وتقولولى اعمل اه واى معلومه تانيه ممكن تفيدى انى اعملها فى اولى عشان استعد لتانيه ان شاء الله اصل انا عيزه استعد استعداد كامل لتانيه عشان متعبش وشكرا وانا اسفه عشان طولت عليكم وجزاكم الله خيرا فاطمة456 21-02-2011, 03:18 PM ممكن حد يرد عليا |