زهقان ؟؟


قرفان ؟؟؟


مخنوق ؟؟


متدايق ؟؟؟




المذاكرة قارفاك ؟؟ http://www.ebnmasr.net/forum/images/smiles/new/coffee.gif


"دادي" خانقك ؟؟ http://www.ebnmasr.net/forum/images/smiles/new/chair.gif





جيرانكم مزهقينكم ؟؟؟http://www.ebnmasr.net/forum/images/smiles/wall.gif




انت نفسك .. مخنوق من نفسك ؟؟ http://www.ebnmasr.net/forum/images/smiles/new/hmm.gif

و كاره نفسك و العيشه و اللي عايشينها و الدنيا باللي فيها ؟؟ http://www.ebnmasr.net/forum/images/smiles/sad.gif

ما فيش اي حاجة مزهقاك و مكرهاك في دنيتك ؟؟


أكيد طبعا فيه http://www.ebnmasr.net/forum/images/smiles/new/lac.gif



و أكيد نفسك العملية تتظبط بقى و الدنيا تمشي معاك و "العملية" تمشي زي "السكينة في الحلاوة" ؟؟ http://www.ebnmasr.net/forum/images/smiles/new/yes.gif






أحب أقول لك في البداية بس .. إن دي حاجة طبيعية خالص !!!! http://www.ebnmasr.net/forum/images/smiles/new/eek.gif







أيوه مش مصدق ليه ؟؟


طبيعي يابني ,, و أقول لك ليه ...




خد لك نفس الأول كدة http://www.ebnmasr.net/forum/images/smiles/bb.gif.... لأ ما تفهمنيش غلط http://www.ebnmasr.net/forum/images/smiles/new/fun22.gif قصدي نفس هواء http://www.ebnmasr.net/forum/images/smiles/icon1.gif شهيق يعني ,, مش من اللي بالي بالك http://www.ebnmasr.net/forum/images/smiles/icon1.gif




خدت النفس ؟؟
و لا مستخصره هو كمان ؟؟
ده ببلاش يا عم ,, خد لك "نفسين" http://www.ebnmasr.net/forum/images/smiles/new/fun22.gif كمان يا راجل ...

نبدأ بقى ...



انت ايه اللي جنابك معترض عليه في الدنيا دي ؟؟ http://www.ebnmasr.net/forum/images/smiles/new/whistle.gif
القرف اللي فيها يعني ؟؟
مشاكل و ضغوط و قرف و زهق بسبب و من غير سبب و ...... من الآخر .. عيشة صعبة خالص !!! http://www.ebnmasr.net/forum/images/smiles/new/nerves.gifhttp://www.ebnmasr.net/forum/images/smiles/new/hmm.gif




طيب و هو جنابك كنت عاوزها تبقى سهلة يعني ؟؟ http://www.ebnmasr.net/forum/images/smiles/icon2.gif



ما ينفعش يا "عمُنا" .. لأن دي هي طبيعة الدنيا :

طُبعت على كدرٍ و أنت تريدها *** من غير أكدارٍ و لا أقذاء
و مكلف الأشياء ضد طباعها *** متطلبٌ في الماء جذوة نار !!!




من الآخر يعني .. هي دار بلاء و شقاء .. مكان مقرف من الآخر ... يعني ما تطمعش انك تلاقي فيه السعادة و الحاجات دي ,, http://www.ebnmasr.net/forum/images/smiles/icon2.gif

و بعدين هي زي ما قال الرسول -صلى الله عليه و سلم- : "الدنيا سجن المؤمن , و جنة الكافر" ,

يعني لازم تحس إنك محبوس فيها ,
و لو كانت "ماشية معاك حلاوة" http://www.ebnmasr.net/forum/images/smiles/new/kicking.gif ..


راجع نفسك أحسن تبقى ..... و لا بلاش !!






غير كدة كمان ...

دي كل ما تشتد عليك في البلاء ,
أحسِن الظن بالله في أن تكون من أولئك الذين قال فيهم رسول الله :
" أشد الناس بلاء الأنبياء ، ثم الأمثل فالأمثل ، يبتلى الرجل على قدر دينه ، فإن كان دينه صلبا ، اشتد بلاؤه ، وإن كان في دينه رقة ، ابتلي على حسب دينه ، فما يبرح البلاء بالعبد ، حتى يتركه يمشي على الأرض ما عليه خطيئة "


و في رواية " وإن كان في دينه رقة .. هُوِّن عليه "



تاني "هام" يا سيدي ..
دلوقتي احنا عرفنا إنها "وحشة" http://www.ebnmasr.net/forum/images/smiles/new/crazy.gif و مليانة بالمصائب و المتاعب ..


نعمل إيه يعني ؟؟


نموت نفسنا يعني ؟؟؟ http://www.ebnmasr.net/forum/images/smiles/icon2.gif




لا , و لا تموت نفسك و لا حاجة ,, طيب هو إنت مش لو قرأت في سير السابقين من الصالحين و قبلهم الأنبياء كانوا مبتلين كما سبق و بينّا , طيب كانوا سعداء و لا كانوا محزونين ؟؟
لا طبعا كانوا سعداء !!!




طيب إزاي مع إن المحن اللي هم كانوا فيها كانت أشد من اللي احنا فيها ؟؟ http://www.ebnmasr.net/forum/images/smiles/sad.gif

ببساطة ... كانوا بيستمتعوا !!!

أيوة بيستمتعوا ,,

و انت لو عرفت هم كانوا بيستمتعوا ليه ؟؟


هتستمتع زيهم إن شاء الله ...




لما تسمع قول رسول الله
" إن عظم الجزاء مع عظم البلاء .. و إن الله تعالى إذا أحب قوما ابتلاهم .. فمن رضي فله الرضا , و من سخط فعليه السخط "



و قوله : "فما يبرح البلاء بالعبد ، حتى يتركه يمشي على الأرض ما عليه خطيئة"



و غيرها من الأحاديث الكثيرة في باب الابتلاء و المرض و نحوه , أنها تكفر الخطايا ....



طيب ما هو ممكن البلاء بتاعنا يبقى "مش اللي هو" يعنيhttp://www.ebnmasr.net/forum/images/smiles/icon2.gif ... يعني يبقى مش جامد قوي http://www.ebnmasr.net/forum/images/smiles/new/fun22.gif ,,
و لا هو في حاجة ....
خالصة زي الأنبياء و الصالحين !!
إزاي يعني ؟؟http://www.ebnmasr.net/forum/images/smiles/new/whistle.gif



يعني يكون مثلا إن واحد "تعلق قلبه" بواحدة http://www.ebnmasr.net/forum/images/smiles/new/cheer.gif, و بيجاهد نفسه و الشيطان ,
و كل شوية تجيله الأفكار و الذكريات http://www.ebnmasr.net/forum/images/smiles/new/whistle.gifو يقعد يحاول يطردها
أو واحد البلاء بتاعه في الذنوب اللي مش عارف يبطلها و اللي بيحبها كمان http://www.ebnmasr.net/forum/images/smiles/crying.gif, بس كل شوية يتوب و يبقى قوي http://www.ebnmasr.net/forum/images/smiles/new/weight.gif,
و شوية يرجع تاني http://www.ebnmasr.net/forum/images/smiles/crying.gif
و بعد شوية يجاهد نفسه تالت و هكذا ....
http://www.ebnmasr.net/forum/images/smiles/new/hmm.gif


يعني مش بيجاهد الكفار مثلا و لا بيحتمل أذاهم زي الأنبياء و لا الحاجات الكبيرة دي ؟؟
ده يعتبر بلاء في الدنيا و حاجة الواحد يُثاب عليها ؟؟
و ياخد عليها حسنات ؟؟http://www.ebnmasr.net/forum/images/smiles/icon9.gif



طبعا -إن شاء الله- , طالما بتعمل كده لله يبقى إن شاء الله ربنا هيثيبك عليه و هيساعدك ,
و قبل ما نخلص النقطة دي ..
أحب أقول بس , إنك المفروض ما تيأسش في حكاية التوبة و الرجوع http://www.ebnmasr.net/forum/images/smiles/new/nono.gif
طول ما انت بتتوب يبقى انت على الطريق الصحيح , كما قال صلى الله عليه و سلم :
"ما من عبد مؤمن إلا و له ذنب , يعتاده الفينة بعد الفينة , أو ذنب هو مقيم عليه لا يفارقه حتى يفارق الدنيا , إن المؤمن خُلق مفتَنا , توابا نسيا , إذا ذُكِّر ذكر"

و ما نفهمش من الحديث ده إن كل واحد يختار له ذنب يبقى هو الذنب بتاعه
خلاص بقى يعمله على طول الخط http://www.ebnmasr.net/forum/images/smiles/icon5.gif!!
لا إنما كما في آخر الحديث "مفتنا , توابا نسيا"
يعني بيعود و بيتوب طول حياته
جهاد مستمر .. http://www.ebnmasr.net/forum/images/smiles/new/yes.gif
مثله مثل حديث :
"إن عبدا أصاب ذنبا فقال: رب أذنبت فاغفره فقال ربه: أعلم عبدي أن له ربا يغفر الذنب و يأخذ به ؟ غفرت لعبدي ثم مكث ما شاء الله ثم أصاب ذنبا فقال: ربي أذنبت آخر فاغفر لي قال: أعلم عبدي أن له ربا يغفر الذنب و يأخذ به ؟ غفرت لعبدي ثم أصاب ذنبا فقال: رب أذنبت آخر فاغفر لي قال: أعلم عبدي أن له ربا يغفر الذنب و يأخذ به ؟ قد غفرت لعبدي فليعمل ما شاء"

هذا لا يعني أنه يكفر بقى أو يعمل أي حاجة .. لا http://www.ebnmasr.net/forum/images/smiles/no.gif
فليعمل ما شاء إذا كان هذا ديدنه من التوبة و الرجوع بعد الذنب



و لمعلوماتك ,,
أي بلاء ,,
أي حاجة تصيبك في الدنيا حتى و لو كانت صغيرة جدا , ستؤجر عليها إذا ما احتسبتها عند الله ,
قال رسول الله :
"ما يصيب المسلم من نصب و لا وصب و لا هم و لا حزن و لا أذى و لا غم حتى الشوكة يشاكها إلا كفر الله بها من خطاياه"



نرجع تاني للدنيا و البلاء فيها .. http://www.ebnmasr.net/forum/images/smiles/new/smiley8.gif

دلوقتي احنا عرفنا إن الدنيا مجبولة و مخلوقة على الشقاء و البلاء للمؤمنين ,,

و عرفنا إزاي نتعايش مع البلاء ده بإننا نحتسب الأجر عند الله http://www.ebnmasr.net/forum/images/smiles/icon1.gif

و إن البلاء أيا كان قدره فسنثاب عليه إن شاء الله http://www.ebnmasr.net/forum/images/smiles/icon1.gif


طيب فاضل حاجة قبل الأخيرة ,, http://www.ebnmasr.net/forum/images/smiles/new/fun22.gif

ساعات فعلا بيبقى البلاء شديييييييييييييييد قوي http://www.ebnmasr.net/forum/images/smiles/new/nerves.gif



لا لا , مش هقدر أستحمله !!!! http://www.ebnmasr.net/forum/images/smiles/new/nerves.gif



مش هقدر أصبر عليه , أنا أنتحر أو أهج أو أبيع مبادئي أو .........



ببساطة خالص يا سيدي .. مين اللي ابتلاك ؟؟ http://www.ebnmasr.net/forum/images/smiles/icon9.gif
الله عز و جل ,
طيب إذا كان ربنا بيقول
"ألا يعلم من خلق و هو اللطيف الخبير"
يعني هو عارفك و عارف احتمالك و قدرتك قد ايه , و عارف انك تقدر تستحمل البلاء اللي انت فيه ده
لأن ده قدرك
و قدرك كبير يبقى البلاء كبير
"يبتلى المرء على قدر دينه"
و شوف نفس الحديث .. سبحان الله , في رواية منه
" وإن كان في دينه رقة .. هُوِّن عليه "
شوف رحمة ربنا , و اللفظ الجميل "هُوِّنَ عليه"
سبحان الله
"ألا يعلم من خلق و هو اللطيف الخبير"

بلى و الله يعلم


يعني لو قلت , ياااااه ده أنا البلاء اللي أنا فيه ده من الفقر مثلا http://www.ebnmasr.net/forum/images/smiles/new/crazy.gif, شديد قوي
أو مثلا أبويا خانقني في البيت http://www.ebnmasr.net/forum/images/smiles/new/chair.gif
أو مراتي معكننه علي عيشتي http://www.ebnmasr.net/forum/images/smiles/new/fun22.gif
ده أنا لو كنت مكان زميلي فلان اللي يا دوب عنده فشل كلوي مثلا بس مراته "ست أميرة" http://www.ebnmasr.net/forum/images/smiles/new/cheer.gif
و لا حتى ياسيدي زي "مودي" اللي بيجي الكلية متنرفزhttp://www.ebnmasr.net/forum/images/smiles/wall.gif لما "دادي" بتاعه ما بيرضاش يديله العربية

كان زماني قادر أصبر !!!!



عمرك يا زعيم http://www.ebnmasr.net/forum/images/smiles/new/fun22.gif
حتى لو انت مكان "سي مودي" ده
هو البلاء بتاعه "متفصل" على قده
هو مثلا ما عندوش دم http://www.ebnmasr.net/forum/images/smiles/new/fun22.gif
ما بيحبش العلاقات الأسرية
ما حدش بيهتم بيه في البيت و هو و لا همه http://www.ebnmasr.net/forum/images/smiles/new/roflmao.gif

انت مثلا لو كنت مكاته مع العربية و الكلام ده
بس ما كنتش هتستحمل الحاجات التانية اللي هو مستحملها http://www.ebnmasr.net/forum/images/smiles/icon1.gif, لأنه كل واحد ربنا أعلم بيه و أعلم بما يُصلحه ,



يبقى كن واثق تمام الثقة http://www.ebnmasr.net/forum/images/smiles/icon1.gif
أن ما أنت فيه من بلاء أنت قادر عليه http://www.ebnmasr.net/forum/images/smiles/icon1.gif
و أن الله ما ابتلاك به إلا و هو يعلم مقدرتك على تحمله و إلا لكان هونه عليك كما في الحديث , فاحمد الله و اشكره .




تبقى نقطة أخيرة -يا عم خلص بقى زهقنا - http://www.ebnmasr.net/forum/images/smiles/new/lac.gif




يا عم الشيخ إنت من أول الكلام عمال تقول البلاء و المؤمن و المؤمن و البلاء , طيب إزاي أعرف البلاء ده إذا كان فعلا علشان ربنا بيحبني و بيمحصني من الذنوب و لا بيعاقبني ؟؟؟http://www.ebnmasr.net/forum/images/smiles/icon9.gif



أقول لك يا سيدي
أولا أنا مش عم الشيخ و لا حاجة
أنا زيي زيك , و و الله أنا أوجه الكلام ده لنفسي قبلك , و ما كتبته إلا حين أحسست أنني أريد أن أتعظ به ,

ثانيا , تعرف إزاي بقى ؟؟http://www.ebnmasr.net/forum/images/smiles/icon9.gif
إذا كان الابتلاء للتمحيص و لا للعقوبة ؟؟؟ http://www.ebnmasr.net/forum/images/smiles/icon9.gif
ببساطة ... من نفسك و من ردة فعلك ,, "فمن رضي فله الرضى"
و هياخد الحسنات و الأجر و كل الحاجات الحلوة اللي قلنا عليها ,
"و من سخط فعليه السخط"
اللي يُبتلى و يسخط على البلاء http://www.ebnmasr.net/forum/images/smiles/icon2.gif
و لا يرضى عن قضاء الله و يقعد بقى, ليه يا رب كده ؟
هو انت بتعمل فيه كده ليه -و الله فيه ناس بتقول كده جهرا - , و تلاقيه بقى يقلبها صياعة و يزداد غيا و بعدا على بعده
و قال ما هي كده كده بايظه http://www.ebnmasr.net/forum/images/smiles/new/crazy.gif
أطيع قع في مشاكل و أعصي أقع في مشاكل برضه !!
يبقى خلينا بقى في "الضياع" و خلاص
يبقى ده بلاء عقوبة و ليس تمحيصا ,


و كنت سمعت إجابة للشيخ أبو إسحاق الحويني -على ما أذكر- على مثل هذا السؤال , فأجاب : لو إن البلاء قرب الواحد من ربنا , يبقى ده تمحيص , أما لو بعده عن الله فهذا بلاء عقوبة ليزيده الله إثما .

و أخيرا نذكر كلاما لابن القيم يقول فيه "إن الله لم يبتلي عبده ليهلكـه ، وإنما ابتلاه ليمتحـــن صبره وعبوديــتـــــه ."



و كما قال سيد المرسلين
"عجبا لأمر المؤمن إن أمره كله له خير و ليس ذلك لأحد إلا للمؤمن إن أصابته سراء شكر و كان خيرا له و إن أصابته ضراء صبر فكان خيرا له"

فوطن نفسك على البلاء , و تذكر أن العبد في الدنيا ما هو "إلا ****ب استظل بظل شجرة ثم قام و تركها "



و أن البلاء لا ينفك عن الدنيا و عن عباد الله المؤمنين

و أن الله لا يبتلي ليعذب و إنما لمحص و ليُثيب

و أن البلاء صغر كان أو كبر فأنت مثاب عليه

و مهما كان البلاء , فأنت قادر على تحمله لأن الله و تعالى أعلم بك و يعلم أنك تتحمله ,
و لا تجعل بلاءك في الدنيا عقابا بسخطك عليه , لكن اجعله ثوابا برضاك و صبرك




و جزاكم الله خيرا على حسن قراءتكم لما كتبته "لنفسي" و إياكم ,
و لا تنسونا من دعوة صالحة بظهر الغيب

فما كان من توفيق فمن الله و ما كان من خطأ فمني و من الشيطان
و إن كانت هنالك أي أخطاء إملائية أو تخريجية أو في أي حاجة , خصوصا في الآيات الأحاديث فأرجو إعلامي بها لأصححها , أو أي حديث ضعيف قد أكون ذكرته , رغم أني اعتمدت على برنامج "الجنى الداني من دوحة الألباني" في ذكر الأحاديث ههنا ,


و سلام على المرسلين و الحمد لله رب العالمين .


منقول


اسالكم الدعاء لي بالهدايه والثبات وحسن الخاتمه ولأخ صاحب الموضوع

موضوع رائع حقا ... جزاك الله خيرا

جزاك الله خير
اكثر من رائع
بوركتى

جزاكم الله خير ع المرور الطيب

جزاكى الله كل خير على هذا الموضوع الرائع
بسم الله الرحمن الرحيم( لقد خلقنا الانسان فى كبد) صدق الله العظيم
وسبحان الله فى قلب المحنة منحة

بصى انا هقولك على حاجة واللّة العظيم انا زهقان من كل الدنيا انا عايش حياة حياة واللة زبالة نفسى اكلم مع حد نفسى حد يهتم بيا واللة انا ارفت كل حاجة انا عايزها الاقيها وانا مش عايز كدة مفيش حد قاللى قبل كدة قوم ذاكر نهائىمفيش اهتمام من اى مخلوق عشان كدة انا على النت ليل نهار واى منتدى انا بتصفحوا بيعدى مشاركاتى 2000 فى كل موقع انا زهقت

انتا بتقول النت ليل ونهار اقسم بالله دى نعمة انتا مش مقدرها مهما يكون عندك مشاكل مش مشكلة ولا هتكون مشاكل عند حد اكبر من مشاكلى النت والكمبيوتر والبرمجة دول حياتى تخيل انا حالياً معندش لا كمبيوتر ولا موبايل ولا اى وسيلة ترفية مع انى لو صممت برنامج من اللى كنت بصممهم كان زمانى معايا سايبر كمبيوترات بس برضو الحلة النفسية بتلعب دور هام يا صحبى ولا ايه



انا يتقال عليا مبرمج بدون كمبيوتر ههههههههههههههههههه

بسم الله الرحمن الرحيم
يا جماعه مفيش حد معندوش مشاكل
كلنا المشاكل خانقانا
و ده فى كل زمن......
عمر الخيام بيقول فى احد اشهر رباعياته:
يا دهر قلبى بالهموم ملأته ** و ألبستنى ثوب المهانة و البؤس
و شققت بل مزقت كل ممزق ** قميص سرورى بعد جدته امسى
وصيرت لى هب النسيم و برده ** لهيبا تلظى فى ضرامته نفسى
طيب ايه الحل؟؟؟؟
اولا _وده مش كلام جديد لو بصيت فوق هتلاقيه_ اننا نعرف ان دى طبيعة الدنيا
و كمان اعرف ان الحل قدامك _بس يمكن انت مش واخد بالك_
ايه هو اللى قدامى و انا مش شايفه ده؟؟؟؟؟
كل اما الدنيا تديق بيك و تخنقك ارجع لربك و اسأله يفك كربك_و دى مشكلتنا مبنعرفش ربنا الا و احنا مخنوقين و مطحونين_
و بما اننا مخنوقين على طول الخط يبقا لازم نعرف ربنا على طول
والاهم انك تكون متأكد وعندك يقين ان هى دى السعاده _ومش هتلاقى السعاده الا هنا_ وكم من واحد شيطانه صور له السعاده فى محرمات مفيش داعى لذكرها و فى الاخر .................(انتم عارفين)
كمان فى مقوله عجبتنى لاحد السلف_على ما اذكر ابراهيم بن أدهم_ :"والله انا لنجد لذة_طبعا يقصد لذة العباده و اى لذه اعظم من كده؟؟؟_ لو علمها اولاد الملوك لجالدونا عليها بالسيوف"
ها ايه رأيك؟؟؟
لسه فاكر اللذه فى حاجه تانيه؟؟؟؟
وفى الختام ربنا يهدينا الى سواء السبيل

جزاكى الله كل خير على هذا الموضوع الرائع
بسم الله الرحمن الرحيم( لقد خلقنا الانسان فى كبد) صدق الله العظيم
وسبحان الله فى قلب المحنة منحة


وجزاكي مثله ياغاليه

بصى انا هقولك على حاجة واللّة العظيم انا زهقان من كل الدنيا انا عايش حياة حياة واللة زبالة نفسى اكلم مع حد نفسى حد يهتم بيا واللة انا ارفت كل حاجة انا عايزها الاقيها وانا مش عايز كدة مفيش حد قاللى قبل كدة قوم ذاكر نهائىمفيش اهتمام من اى مخلوق عشان كدة انا على النت ليل نهار واى منتدى انا بتصفحوا بيعدى مشاركاتى 2000 فى كل موقع انا زهقت



ربنا يحفظك يا اخي من كل سوءهقولك

لو مفيش حد مهتم بيك حاول انت تقرب للناس ولاهلك اكتر وحاول تفهمهم كده قولهم انا مليش غيركم وانتوا لو مسمعتونيش مين هيسمعني متبقوش تلموني بقي لو اتصحبت ع حد مش كويس ولو عملت حاجه غلط مع العلم انك طبعا مش هتعمل لانك اكيد تعلم ان الله يراك بس انا عرفه ان في سن ممكن تبقي محتاج فيه للأحتواء والاهتمام اكثر

دي اول حاجه تاني حاجه حاول تقرب من ربنا اكثر وتدعي ربنا انه يعلق قلبك بيه اكثر وحاول تانس بالوقوف بين يدي الله عز وجل وربنا يوفقك يا اخي ويحفظك من كل سوء واحنا موجودين يا اخي لو احتجت اي حاجه وفي كتير شباب ع المنتدي نحسبهم ع خير حاول تصاحبهم مش بس في النت تصاحبهم في الحياه بجد وربنا يوفقك والدنيا جميله والله بطاعه الله

جزاكم الله خير جميعا ع المرور الطيب