استمراراً لجولاته المفاجئة داخل المدارس، زار الدكتور أحمد زكى بدر وزير التربية والتعليم اليوم، الخميس، 5 مدارس بمحافظة القاهرة منها 4 بإدارة السلام التعليمية ومدرسة بإدارة الزيتون، وأصدر الوزير، خلال جولته، عدداً من القرارات الانضباطية، إلا أنها لم تصل إلى حد توقيع عقوبات النقل من العمل كالتى شَهِدتها زيارته، قبل 10 أيام، لمدارس محافظة حلوان.

قام "بدر" بفحص ملفات إنجاز طلاب مدرسة الأميرية الاعدادية بنين بالزيتون بنفسه، وأعلن أن طالب الثانوية العامة الذى يستنفذ نسبة غيابه القانونية لن يدخل الامتحانات وسيتم فصله حتى لو كان قد ملأ استمارة التقدم، وطلب من الإدارات المدرسية حصر غياب الطلاب.

أبدى "بدر" استياءه من زيادة معدلات تغيب الطلاب فى عدد من مدارس إدارة السلام التعليمية، حيث اكتشف الوزير، أثناء تفقده فصول مدرسة "هدى شعراوى الإعدادية بنات"، غياب 17 طالبة عن فصل بالصف الثالث الإعدادى و11 عن الفصل المجاور له، فأمر إدارة المدرسة بمراجعة أيام غياب طالبات المدرسة وحرمان من تجاوزت منهن المدة القانونية للغياب من خوض امتحانات الشهادة الإعدادية، كما قرر فصل 8 طالبات بالصف الثانى الثانوى بمدرسة "سوزان مبارك الثانوية بنات" لتجاوزهن نسبة الغياب، وأمر بسحب الاستمارات التى قدموهن لخوض امتحانات الثانوية العامة ومنعهن من الجلوس للاختبارات.

كما اكتشف "بدر" تواجد طالبة ترتدى النقاب داخل أحد الفصول بمدرسة "سوزان مبارك" فنبَّه عليها بحتمية خلعه أثناء امتحانات الثانوية حتى يتعرف المراقبون على هويتها، فأبدت الطالبة تفهمها

وأعلن أن طالب الثانوية العامة الذى يستنفذ نسبة غيابه القانونية لن يدخل الامتحانات وسيتم فصله حتى لو كان قد ملأ استمارة التقدم
طيب يا جماعة أنا دلوقتي في ثانية ثانوي وقد تم فصلي وتحويلي منازل لكن ما زلت مقيد بالمدرسة لكن منازل انا وبعض من زملائي
فهل الأن أحرم من دخول الإمتحانات أم ماذا ؟؟؟؟؟؟؟؟
أرجو الرد عليا بسرررررررررررررررررررررررررررعة

هل يوجد أحد عنده خبره يجيبني علي سؤالي
؟؟؟؟؟؟؟؟؟؟؟؟؟؟؟؟؟؟

ما انا قلت اعتقد ان اللي بيتفصل بيحرم من الامتحان والكلام ده سمعته من كذا مدرس وكان في جريدة الاخبار
فياريت تروح تسال في المدرسه ولو في اعادة قيد اعملها
وربنا معاك

مفيش حد يقدر يمنعك من دخول الامتحانات طالما مليت الاستمارة بتاعتك
وانت ليك اعادة قيد فمن الاحسن انك تعملها وخلاص

وياريت صاحب الموضوع انه بدل ما يشعلها يهديها شوية بليز يعني

الطالب فى المرحلة الثانوية له اعادة قيد مرحلتين فقط

علي فكره انا مش بشعلل حاجه
ده خبر عرفته وحبيت اقول للناس اللي عاوزه تعرف والكلام ده انا مش جايباه من عندي
http://www.youm7.com/News.asp?NewsID=211732&

ربنا يسترها معانا بجد لأننا بالطريقة دى خلاص عليه العوض فيكى يا ثانوية
وانا على حسب ما عرفت من المدرسين فى المدرسة ان الطالب اللى بيتحول منازل مش بيبقى له الحق فى انه يدخل كليات القمة او كليات الشرطة فمن الاحسن تتعمل اعادة قيد بالمدرسة والله اعلم

الخبر ده صحيييييييييييييييييييييييييييييييييييييييييييييييي ح انا كمان سمعته

2 shared ربنا يستر يكفي انه قدم مواعيد الامتحانات

:028ja7:انا كده هتفصل بالتلاته:wacko:
XXXXXXXXXXXXX

وانا كمان رحت شهر واحد بس يعنى هتفصل بال15

ربنا يستر عليا أنا مرحتش المدرسة في الترم التاني غير شهر واحد وسمعت أيضا أنه قال أن 90% هتكون حلم طلاب الثانوية العامة يعني في داهية كلية الهندسة كنا مش عاجبنا يسري الجمل جالنا ذكي بدر ماهو اللي مجرب مراة أبوه يعرف قيمة أمه:giljotiiniug3::giljotiiniug3:

اعاده القيد تكون لحفظ مكان بالمدرسه للعام القادم وطالما تم الفصل فلا يكون الامتحان الا عن طريق المنازل

حتى لو تم اعاده القيد

يا لهوى يا خراشى ... ههههههههههههههه ...ربنا يستر علينا بجد ... وانا من رأيى محدش يدخل الامتحانات السنة دى لغايت منشوف صرفه ...هههههههههه

والله بدر بيخاف ربنا وبيشتغل صح
انا بحب الحضور إلي المدرسه وماحضرتش ولا يوم أمال اللي بيكرهوها

والله بدر كل شغله صح لو معملش كده تبقي المدارس فقدت قيمتها علي الأخر وحصلت كوارث في المدارس والله بدر كل شغله صح لو معملش كده تبقي المدارس فقدت قيمتها علي الأخر وحصلت كوارث في المدارس

جروب ثالثة ثانوي على الفيس بوك (طلاب سنة الفراغ)
http://www.facebook.com/group.php?gid=192991568339
لو قدرنا نتجمع كلنا .........هنقدر نقول رأينا

لا بقى كدة حرام بجد يعنى ايه يتفصل دة تهريج حضرته جاى فى اخر السنة يقول يتفصل بعد ما تعبنا وخدنا دروس وموتنا نفسنا دة ظلم وربنا ميرضاش بيه ازاى يعنى هو فاكر نفسه هيقدر يرجع الانضباط الانضباط دة انتهى من زمان مش هيرجع فى يوم وليلة بجد حرام هو مش حاسس بينا معندوش ولاد ولا ايه

لماذا لايذهب صاحب المشكلة للجهات المختصة كالإدارة التابعة للمدرسة أو المديرية التعليمية التابعة لها المدرسة ؟؟؟؟؟؟؟؟
أرجو أن يطمئن كل طالب بنفسه ولايستمع إلى أحد