السلام عليكم ورحمة الله وبركاته


ازيكوا يا تجاريين ؟


يارب تكونوا بخير وتكون الدراسة ماشية معاكوا تمام



النهارده موضوعنا مختلف شوية عن الدراسة والاستفسارات ووجع الدماغ دا



النهارده موضوعنا عن منحة مهمة جدا جدا جدا


المنحة دي اسمها



منحة الـ iTi



الموضوع عشان بس تبقوا مصحصحين معايا انا مقسمه لقسمين


القسم الاول


دا هاتكلم فيه عن المنحة واهميتها



القسم الثانى


دا هاتكلم فيه عن المنحة خطوة بخطوة



نبدأ بقى ونشوف ....



القسم الاول



المنحة دي اسمها EDUEgypt


EDU دي اختصار لكلمة


Education Development for Universities in Egypt


" برنامج تطوير مهارات خريجى الجامعات"



البرنامج دا هو واحد من أحد البرامج اللي بيقدمها معهد النظم والمعلومات iTi


بس اللي بيميزه عن غيره انه بالتعاون مع


- وزارة التعليم العالى


- وزارة الاتصالات


- معهد النظم والمعلومات


- معهد بيرلتز للغات


- شركات عالمية (IBM - Vodafone .. الخ الخ)



كل اللي حصل ان وزارة التعليم العالى شافت ان فيه فجوة كبيرة اوي بين مستوى خريج الجامعة وسوق العمل



وبينقص الخريج دا مهارات كتيرة زي الكمبيوتر واللغة وطريقة الكلام والتعامل مع الغير .. الخ



عشان كدا وزارة التعليم العالى قررت انها تتعاون مع وزارة الاتصالات عشان تقدم منحة وبرنامج كامل متكامل بحيث ان الطالب اللي يخضع للبرنامج دا يبقى مؤهل على طول انه يخش سوق العمل ويعرف يشتغل على طول



وزارة الاتصالات وافقت على الموضوع دا .. وطبعا عشان معهد النظم والمعلومات هو أحد الهيئات التابعة لوزارة الاتصالات فعشان كدا تم إسناد الموضوع دا ليه باعتبار انهم ليهم باع كبير في الموضوع دا



معهد النظم حط العناوين الرئيسية للمنحة وكانت بتتلخص في انهم بيدرِّسوا الكمبيوتر ومهارات الاتصال ولكن بالانجليش



وفعلا الموضوع دا بدأ تنفيذه على ما أعتقد في سنة 2007 تقريباً بعدد قليل جدا لا يزيد عن 300 طالب من جامعة القاهرة "ككل" والطلبة دول كانوا من الفرقة الرابعة



بعد كدا الموضوع لاقى نجاح كبير جدا لانهم لاقوا ان مستوى الطلاب اتحسن فعلا ووفروا على الشركات مجهود كبير .. عشان كدا فيه شركات تانية دخلت في الموضوع وبقت داعمة للمنحة وبتصرف عليها هيا كمان



و دا كان نبذه عامة عن المنحة



القسم الثانى


لغاية الترم الاولانى السنة دي (2009/2010)


كان شرط الالتحاق بالامتحان المؤهل للمنحة حاجتين :


1- انك تكون جايب جيد "على الاقل في سنة تانية"




2- انك تنجح في امتحان القبول بتاع المنحة



الترم التاني بقى في السنة دي برده


(2009 / 2010)


الوضع اتغير .. وأصبح القبول من سنة تانية


وبالتالى أصبح شروط الالتحاق كالآتى :

1- انك تكون "انتظام" من الفرقة التانية




2- انك تنجح في امتحان القبول بتاع المنحة


والدراسة هاتبدأ مع بداية السنة الجايه مباشرة



هنا بقى فيه حد هايسألنى سؤال مهم


اعرف منين اصلا اني هاخش الامتحان ؟؟



لو انتا كنت في سنة تانية السنة دي وانتظام يبقى اسمك موجود في الكشوفات


والكشوفات دي موجودة في الدور الرابع في مبنى الامتحانات


كل اسم هاتتلاقوا جنبيه ****** نمبر طويل كدا


ال****** دا هاتاخده وتكتبه


وتشوف مواعيد الامتحان بتاعتك امتى وظبط نفسك على الحال دا وبكدا انتا اتأكدت ان اسمك موجود وانك داخل الامتحان ان شاء الله



مكان الامتحان في حتة اسمها معهد النظم والمعلومات القوات المسلحة


المعهد دا موجود في مدينة نصر قدام طيبة مول


واللي مش عارف الطريق انا ممكن ابقى اوصفهوله



المهم



يوم الامتحان لازم تبقى متواجد في المعهد دا ميعاد الامتحان بتاعك بوقت كافى


وبالتالى هايبقى قدامك اختيارين عشان تروح المعهد


1- انك تركب الاتوبيسات اللي الكلية بتوفرها للطلبة ودي مجانية واتوبيسات مكيفة وفايف ستار


هاتاخدك من قدام باب الجامعة لغاية باب المعهد وهاترجعك تاني بعد ماتخلص امتحانك


2- انك تروحها مواصلات على رجليك



بعد مابتوصل للمعهد بتقعد في الاستراحة هناك


استراحة لذيذة جدا وفيها دي جي ومشروبات وحاجة كوول خالص يعني


هاتفضل مستنى لغاية ماتتلاقى المشرف ييجى ويجمعكوا في جروب وتمشوا وراه لغاية ماتطلعوا للقاعة اللى هاتمتحنوا فيها



- كل 20 طالب هايتجمعوا في جروب ويخشوا القاعة (مكيفة ورخام وحاجة نضيفة جداً)


- كل طالب هايقعد على جهاز خاص بيه


- كل طالب ماينساش ياخد معاه قلم وورقة


- كل طالب ماينساش ياخد ال****** نمبر اللي كتبه قبل كدا عشان دا اللي انتا هاتمتحن بيه



ملحوظة مهمة جدا جدا


المعهد هناك بيتعامل معاك على انك كود


يعني مش بيتعامل بأسماء نهائى


وبالتالى لو نسيت ال****** بتاعك يبقى احسنلك تروح


يا أما بقى هاتدوخ عشان تجيبه من هناك وهاتتذل



بعد مابتطلع هاتتلاقى المشرف بيرحب بيك ويطلب من كل طالب انه يفتح الجهاز اللي قدامه



اثناء مانتا بتفتح الجهاز المشرف هايديك ورقة مكتوب فيها عنوان


العنوان دا هاتكتب عنه برجراف


نصيحة : ركز اوى في اللي مكتوب وماتتحولش


واعرف هوا عايز ايه كويس


عشان فيه واحد من صحابي كانوا كاتبينله


talk about your home


واتكلم عن بيتهم حتة حتة واوضة اوضة


وبعد ماخرج من الامتحان فوجئ انهم يقصدوا بكلمة home دي يعني الوطن !!!!



مدة الكتابة في البراجراف دا حوالى 10 دقايق


ماتنساش طبعا تكتب اسمك وال****** نمبر بتاعك


وبعد كدا بتقوم مسلم الورقة للمشرف



في اللحظة دي خط نفس عمييييق جدا


عشان اللي جاي ادهى وأمر !!



المشرف هايطلب من كل واحد انه يفتح ابلكيشن معين على الديسك توب


الابليكيشن دا فيه الامتحان بتاعك


طبعا اول ماهاتفتح هايظهرلك


username و password


المشرف هايمليك البيانات وكل حاجة تمام


بعد مابتدوس انتر .. في اللحظة دي انتا بينك وبين بداية الامتحان تكة زرار


دوس start ويبقى انتا كدا بدأت



الامتحان اللي هايبقى قدامك في اللحظة دي عبارة عن40 سؤال في الاوفيس عموما والانترنت والويندوز وطبعاً الاسئلة بالانجليش



بعد مابتخلص الـ 40 سؤال بتخش على 20 سؤال تانيين ودول مختصين بالـ IQ (اختبارات الذكاء)


مع ملاحظة ان اسئلة الذكاء برده بالانجليش


يعني عشان تحل السؤال لازم تترجمه الاول


(دا ان عرفت تترجمه اصلا)


وبعد كدا تفكر في الترجمة عشان تحل !!



وبعد ما بتخلص الـ 60 سؤال اللي فاتوا دول بتدوس finish



نسيت اقول ان الـ 60 سؤال دول بيتحلوا فى 20 دقيقة



خد نفس عمييييييييق عشان اللي جاي أدهى وأمر


!!!!



في نفس الابليكيشن هاتخش على امتحان جديد مدته 5 دقايق


الامتحان دا بيقيس حاجتين :


- دقة كتابتك على الكيبورد


- سرعة كتابتك على الكيبورد



فى الامتحان دا الشاشة هاتبقى متقسمة جزئين


الجزء الفوقانى قطعة طويلة عريضة كلها بالانجليش وبتتكلم عن موضوع معين وفيه كلمات معقدة ماتتفهمش !!


والجزء التحتانى دا اللي انتا هاتنقل فيه الكلام اللي في الجزء الفوقانى في مدة اقصاها 300 ثانية


نصيحة : ركز في الحروف الكابيتال وعلامات الترقيم


يعين مثلا مش يبقى في القطعة مكتوب


Egyptismy country,and ilove it


وسيادتك تكتب


egypt'smy country.and i love it



بعد مابتخلص القطعة خد نفس عمييييييييق


عشان اللي جاي طحن



هاتقفل الابليكيشن وتفتح الانترنت اكسبلورر اللي ع الجهاز بتاعك


هايطلب منك يوزر نيم وباسوورد برده كالعادة


اطلب من المشرف البيانات دي وهايديهالك


في اللحظة اللي هاتدوس فيها انتر هاتكون بدأت الامتحان فعلا



الامتحان دا هوا المرحلة قبل الاخيرة


وهوا عبارة عن 80 سؤال انجليش متنوعين بين grammer و vocabulary و expressions


ومدة الامتحان 40 دقيقة

ملحوظة
الـ 80 سؤال بيكونوا جايين من
- منهج التويفل
- جامعة كامبريدج



اثناء مانتا بتحل هاتتلاقى واحد ظريف داخل عليك في القاعة وبيقولك ان ميعاد انترفيو الانجليش بتاعك كذا كذا ولازم تحضره والا امتحانك اللي انتا امتحنته دا مالوش لازمة وهايتلغى وهاتسقط



طبعا انتا اصلا هاتنفضله لانك مشغول بالـ 80 سؤال اللي قدامك اللي مش هايخلصوا اساساً !!



بعد مابتخلص الـ 80 سؤال ان شاء الله بتقفل الجهاز وتنزل تتأكد من ميعاد الانترفيو الانجليش بتاعك امتى وفين وبعد كدا روًّح بيتكوا ونام



هاتيجي بقى للمرحلة الأخيرة اللي الكل بيترعب منها


انترفيو الانجليش



هاتروح لليوم اللي انتا هاتعمل فيه الانترفيو وفي الميعاد بتاعك (والتزم بالمواعيد وماتتأخرش)


ومكان الامتحان غالباً هايبقى في الدور الرابع في قاعات الامتحانات



هاتطلع فوق هاتتلاقي واحد من مديرين المنحة بيستقبلك وبيدخلك قاعة فيها ناس هاتمتحن معاك برده


شوية وهاتتلاقى واحد داخل ومعاه ورق بيوزعه عليكوا
http://i41.tinypic.com/34y3fcw.jpg



الورق دا عبارة عن انك انتا بتقيم نفسك


يعني انتا شايف مستواك ايه في الانجليش


هاتتلاقى مثلا في اول صفحة يقولك


you can make a flexible conversation


ويديك مستويات بقى 1 - 2 - 3 - 4


وانتا تختار وهكذا ...



ولاحظ في الصورة ان فيه بيانات بتتكتب


البيانات دي مهمة جدا خاصة الايميل ورقم الموبايل والاسم


لانك لو ربنا أكرمك ونجحت هايتصلوا بيك ع الموبايل ويقولولك انك نجحت



هاتستنى شوية لغاية ما يندهوا عليك وهاتقوم داخل



الانترفيو عبارة عن مقابلة بتتعمل بينك وبين مدرِّب من المدربين اللي بيدرِّسوا في معهد بيرلتز للغات


والمقابلة بتبقى عبارة عن دردشة بينك وبين المدرب وكله بالانجليش طبعا


مدة المقابلة حوالى ربع ساعة وممكن تمتد لتلت ساعة على حسب ظروفك



هاتتلاقى الـ instructor قاعد مستنيك


(وغالبا 90% هاتكون بنت)


في لحظة دخولك للانترفيو اقلب انجليش


يعني مافيش حاجة اسمها عربى


هاتقول سلامو عليكو هاتتلاقى المدرب بيقولك hi


هاتيجي تتكلم عربى هايقولك


sorry i don't understand



المهم



هاتتلاقى المدرب بيطلب منك انه لما يسألك السؤال تقول الاجابة كاملة


يعني مثلا


what's your name


ماتقولش Ahmed


لا تقول my name isAhmed


هايسألك يقولك


Have you been to Alex


ماتقولش yes أو no


لا تقول yes, i have been to Alex


وهكذا ....


هيا اي نعم حاجة تشل شوية بس هوا دا اللي هايتطلب منك



نصيحة من مجرب


- خليك هادي جدا وبااااااارد جدا جدا


- اياك والتوتر


- ابعد عن الفزلكة والرغى الكتير في المواضيع اللي مالهاش لازمة


- جاوب على قد السؤال واسكت لانك بتتكلم مع واحد محترف وبيعرف يعلى رتم الكلام ويوطيه زي ماهوا عايز



هاتستنى النتيجة لغاية ماتنزل في ميعاد هما بيحددوه وبيعلنوا عنه مسبقاً



ولو نجحت "لااااازم" هايبلغوك بخبر انك نجحت


عن طريق :


- الايميل
- الموبايل (باتصال او بماسيدج)
- الكشوفات اللي بتنزل فى الكلية



بعد مابتعرف انك نجحت ان شاء الله بتتأكد من مواعيدك كويس اوي من الـ admin. room في الدور الرابع في قاعات الامتحانات



مع ملاحظة الآتى :


1- غياب يومين اسمك هايتحذف من المنحة نهائى


2- تأخير 3 ايام بيوم غياب



وبكدا أكون خلصت موضوع المنحة



فيه بقى حاجة تالته كدا عايز اتكلم فيها برده للمعلومات العامة مش اكتر



أولا


المنحة دي معمولة خصيصاً عشان حاجة اسمها صناعة التعهيد outsourcing


يعني ايه تعهيد ؟


الكلمة دي في الـ orientaition قعدوا ساعتين يشرحوهالنا وماحدش فهم حاجة !!


لكن الموضوع بيتلخص في مثال بسيط اوي


1- شركة فودافون مجالها الاساسي اصلا خدمة الاتصالات والشبكات


2- وبما انها بتخدم ناس فايبقى لازملها خدمة عملا


3- وعشان نشاط الشركة الاساسى الاتصالات (مش خدمة العملا) فابتروح لشركة زي شركة exceed عشان تطلب منها انها تتعهد بانها تقوم هيا باستقبال طلبات العملا وخدمتهم بإسم فودافون


4- مقابل ان شركة فودافون تدى سهولة اتصال لشركة exceed او مقابل عمولة معينة على حسب الاتفاق بين الشركتين



وهوا دا بقى الغرض الاساسى من المنحة


انهم يطلعوا ناس تقدر تقوم بوظيفة خدمة العملا على أكمل وجه وباحترافية شديدة


ثانياً


البرنامج متقسم لحوالى 4 مراحل


المرحلة الأولى : الانجليش


المرحلة التانية : كمبيوتر


المرحلة التالته : مهارات الاتصال والتفاوض


المرحلة الرابعة : تنمية بشرية



ودراسة المنحة كلها بالانجليش طبعاً عشان كدا البرنامج بدأ بالانجليش كمرحلة اولي



زي ماقولنا في الاول ان القائم بتدريس اللغة الانجليزية في البرنامج دا معهد بيرلتز للغات



كتير مننا مايعرفش ايه هوا معهد بيرلتز دا اصلا


(وانا كنت واحد منهم )



- معهد بيرلتز دا هو معهد بيدرس لغات كتيرة
انجليش / فرينش / المانى .. الخ الخ


- بيملك حوالى 500 مركز في 70 دولة في جميع انحاء العالم


- يعتبر أغلى مركز في مصر بيدى كورسات انجليش
(1000 جنيه في الليفل الواحد)


- عدد المستويات 8 + 2 مستوى للتخصص
(يعني من الاخر اللي بيوصل لليفل 8 دا بيبقى خلاص بيتكلم زيه زي الامريكى)



في البرنامج بقى انتا بتخش ليفل معين


بيتحسب ازاي ؟؟


بيبقى على حسب الحل اللي انتا حليته في امتحان القبول والانترفيو



والطالب عموما في البرنامج دا ليه 3 ليفلات


يعني انتا اتحطيت ليفل 1 يبقى هاتدرس 1 ، 2 ،3


لو اتحطيت في ليفل 3 يبقى هاتدرس 3 ، 4 ، 5


لو اتحطيت في ليفل 5 يبقى هاتدرس 5 ، 6 ، 7


وهكذا ...



نيجي بقى لشوية ارقام واحصاءات



- من 2007 : 2009 كان القبول من الفرقة الرابعة فقط لا غير وكانوا لا يتعدوا الـ 400 طالب


- بدءا من السنة دي 2009 / 2010 قرروا انهم ينزلوا المنحة دي لطلبة الفرقة التالته


وكان عدد المرشحين لدخول الامتحان حوالى 3500 طالب من جامعة القاهرة


من كليات التجارة / الآداب / الآثار / سياسة واقتصاد
وتم قبول عدد 1120 طالب فقط !!


- عدد طلبة الفرقة الرابعة المسجلين بالمنحة السنة دي حوالى 600 طالب كالآتى :


> تجارة 430 طالب


> سياسة واقتصاد 53 طالب


> آثار 31 طالب


> آداب 66 طالب


- الشركات الراعية للمنحة هى :


> ECCO


> WASLA


> RAYA


> IBM


> TelePerformace


> HSBC Bank


> Vodafone


> Etisalat


> Mobinil



فيه ملحوظة مهمة جداً


المنحة دي غير مقتصرة على جامعة القاهرة فقط
لكن المنحة شغاله في 6 جامعات تانية غير جامعة القاهرة


>> جامعة حلوان <<
آداب - تربية - تجارة - سياحة وفنادق


>> جامعة عين شمس <<
آلسن - آداب - حقوق - تجارة "عربى" - تربية


>> جامعة الاسكندرية <<
تجارة - آداب - سياحة وفنادق


>> جامعة أسيوط <<
تجارة - تربية - آداب


بالاضافة لجامعة الزقازيق والمنصورة
(احسن ناس طبعا )



طبعاً بعد ما المنحة بتخلص جميع الجامعات بتشرفنا ان شاء الله في جامعة القاهرة لحضور حفلة التخرج تحت قبة جامعة القاهرة

(اللي اوباما قال فيها الخطاب الشهير)


والحضور بيبقى رسمى
بدلة للشباب - تايير او اي حاجة كلاسيك للبنات


و دا شكل الشهادة
(مش هاتلاقيها ع النت كله غير هنا)

http://i41.tinypic.com/2lkb7ti.jpg



ملحوظة

اول حفلة تخرج حصلت كانت السنة دي وكانوا مجمعين دفعة 2007 و 2008 مع بعض


بحضور وزير التعليم العالى ووزير الاتصالات

بالاضافة لرئيس جامعة القاهرة وعين شمس

و نائب رئيس شركة "ساتيام" الهندية أشهر شركة بتقوم بصناعة التعهيد في العالم

وصور الحفلة نازلة على السايت بتاع المنحة للى عايز يشوفها
http://www.iti.gov.eg/eduegypt/edu_egypt.html
" كنت موجود انا في الحفلة دي بس قاعد في الدور التالت ;) "



ودي بعض الماتيريال اللي هاتقابلكوا اثناء دراستكوا للكورس



كتيب التعريف بالمنحة (http://www.mediafire.com/?undzmoxkkzj)

فيه بعض المعلومات العامة عن المنحة
اللي عايز يستلمه يروح الـ iTi admin. room
الدور الرابع بقاعات الامتحانات



نموذج البيانات (http://www.mediafire.com/?dn4nmmmjktk)

ودا النموذج اللي أول ماهاتبدأ المنحة هايوزعوه عليك عشان تملى فيه بياناتك كاملة عشان لو حصل اي مستجدات يقدروا يوصلولك

ولو فيه اي بيانات تم حديثها زي رقم الموبايل او العنوان او الايميل تروحلهم وتقولهم انا عايز اغير بياناتي



نموذج الحضور (http://www.mediafire.com/?z2mlzyyjmyw)


دا كل مرة هايوزعوه عليك وتشوف اسمك وتعمل قدامه صح


وماتنساش


- يومين غياب تبقى بره الكورس


- تلات ايام تأخير بيوم غياب



نموذج تقييم الدورة (http://www.mediafire.com/?ziyzcmni0jd)

دا هايوزعوه عليك مرتين
وبياخدوا رأيك في البرنامج عموماً
مع ملاحظة ان دا اسمه استقصاء
يعني ماتكتبش اسمك عليه


وبكدا اكون خلصت التعريف بالبرنامج وبكل حاجة عنه

وأظن انا كاتب كل التفاصيل ومش سايب فتفوتة


المفاجاءة بقى

كورس الانجليش الخاص بمعهد بيرلتز

كـــامــــل


من ليفل 1 : ليفل 8


- الروابط ميديا فاير عشان تتبسطوا

- قسمت كل ليفل في فايل لوحده


عشان اللي عايز ينزل ليفل معين مايبقاش مجبر انه ينزل الكورس كله في فايل واحد



>> level 1 (http://www.mediafire.com/?q2hmgmgowzr) <<

>> level 2 (http://www.mediafire.com/?yyymdet4n3m) <<

>> level 3 (http://www.mediafire.com/?idyxmived5g) <<

>> level 4 (http://www.mediafire.com/?jzjotzz0jwt) <<

>> level 5 (http://www.mediafire.com/?mxwntm2ftdy) <<

>> level 6 (http://www.mediafire.com/?lzonlymndzz) <<

>> level 7 (http://www.mediafire.com/?liglmvmtmyw) <<

>> level 8 <<

انا عارف ان الموضوع طويل
بس ماينفعش اني كنت اختصر فيه
عشان فيه ناس كتيرة بتبقى عايزه تعرف أدق التفاصيل عنه
وعموما ربنا يوفقنا جميعا إن شاء الله

طبعا انا بيشرفنى انى اكون اول واحد يرد عليك وبجد مجهووووووود عالى اوى اوى اوى يا فامبير وان شاء الله يكون فى ميزان حسانتك
و يكون فيه لسنه تالته عشان خساره والله كورس زى ده يضيع يعنى
بس اكتر حاجه مضايقانى خد نفس عمييييييييق عشان اللي جاي أدهى وأمر

اللى انتا كل شويه تقولها دى امال ايه اللى مش ادهى وامر فى الليله دى كلها يعنى؟؟
وطبعا مستنيين باقى اللفيلات
وشكرا يا فامبير تانى عشان انتا كده بجد جبت من الاخر والله ربنا يايكرمك وينجحك وتجيب امتياز يارب

مجهوود كبير اوى يا فامبير وبجد اى كلمات شكر مش هتديلك حقك ربنا يجعلة فى ميزان حسناتك .
انا دلوقتى فى تانية انجلش واعايز اقدم فى المنحة اروح فين

السلام عليكم ورحمه الله وبركاته
جزاك الله خير يا فامبيـر
ماشـــاء الله موضوع شامل ؛ في منتهي الجمال
ولاقيت إجابات لـــــكل الأسئلة اللي فـ دماغي
بجد والله شرح جميل جداً << و دا مش جديد عليك يا محمود >>
بس في سئوااااال ؟؟؟
إزاي الطالب يجهز نفسه للمنحة دي ؟؟
يعني يعمل آيه من دلوقتي علشان يجتاز المنحة ؟؟
ربنا يجعله في ميزانـ حسناتك
تقبل تحياتي ...

شكرا يا فامبير علي المعلومات الجامده دي
بس انا كنت عايز اعرف هو امتحانات النت والاكسل ..الخ
زي icdl بلضبط فيها عملي يعني ولا مختلفه واختيارات

انا مش فاهم حاجه انتوا بتبيعوا ايه هنا فى الموضوع ده

لو سمحت يا فامبير .. ..
ممكن تقولى أذاكر الأقتصاد منين ؟؟ أصل الكتاب كبير جداً
أذاكر من ملازم [ س و ج ] ولا منين ؟؟ أصلي محتاااار جداً
وبردوو عاوز أجيب مجموع #
وربنا يوفقنا جميعاً

اللى انتا كل شويه تقولها دى امال ايه اللى مش ادهى وامر فى الليله دى كلها يعنى؟؟

يابنى مانتا اصلك ماشوفتش الامتحان ..

والله لو فيه امكانية اني كنت اعرف اجيب نموذج من الامتحان كنت جيبت عشان تشوف بنفسك

مجهوود كبير اوى يا فامبير وبجد اى كلمات شكر مش هتديلك حقك ربنا يجعلة فى ميزان حسناتك

ربنا يخليك يا ابو حميد .. ايه ياعم ماحدش بيشوفك الا في المناسبات ولا ايه ؟!

يالا ربنا يوفقك في الميد تيرم وابقى طمنا عليك

انا دلوقتى فى تانية انجلش واعايز اقدم فى المنحة اروح فين

لا المنحة مش محتاجة انك تقدم ولا حاجة ..

هيا الكلية كدا كدا طبيعي رشحتك لدخول الامتحان المؤهل لدراسة البرنامج

كل اللي هاتعمله انك هاتطلع على مبنى الامتحانات الدور الرابع .. هاتتلاقى في كشوفات محطوطة

دور على اسمك فيهم وان شاء الله أكيد هاتتلاقيه

(ابقى دقق في الاسماء كويس عشان هما كتير)

هاتتلاقى جنب اسمك ****** نمبر طويل كدا .. اكتبه و اوعى يضيع منك

هاتتلاقي في الكشوفات على طول جدول الامتحان والتوقيتات بتاعته وشوف مواعيدك ايه ..

ولما ييجي يوم الامتحان هاتروح لحتة اسمها معهد النظم والمعلومات التابع للقوات المسلحة

ودا موجود في مدينة نصر (في الشارع اللي قدام طيبة مول مباشرة)

هاتمشي في الشارع دا طوالى لغاية ماتوصل لبوابة رقم 6 .. خش منها وعيش بقى

بس في سئوااااال ؟؟؟
إزاي الطالب يجهز نفسه للمنحة دي ؟؟
يعني يعمل آيه من دلوقتي علشان يجتاز المنحة ؟؟

المفروض سؤالك هايتقسم لسؤالين

1- ازاي انك توصل لمرحلة ان اسمك يتحط في كشوفات المرشحين لدخول الامتحان ؟

2- ازاي انك تعدي الامتحان نفسه ؟

السؤال الاول دا لازم انك تجيب جيد .. هاتقولي ليه

هاقولك عشان انتا انتساب .. فانتا لازم تجيب جيد عشان تحول لانتظام واسمك يتحط ضمن المرشحين

السؤال التاني دا بقى ماعتقدش اني هاقدر اجاوبك عليه

لانه معتمد عليك انتا .. الامتحان معظمه عبارة عن تقييم للانجليش عندك

يعني عندك مثلا امتحان الذكاء والاوفيس اللي في الاول دا كله بالانجليش

فانتا لو اصلا مش فاهم السؤال اكيد هاتجاوب غلط وبالتالى مش هاتنجح

غير كدا كمان الانترفيو اللي بيتعملك في الاخر خالص .. دا بقى مش عايز واحد بيفهم وبس

لا دا عايز واحد على الاقل يعرف يفتح حوار ويتكلم في اي حاجة

فهوا الموضوع كله معتمد على مستواك في الانجليش ..

لو كويس ان شاء الله هاتعدى لو تعبان مش هاتعدي

شكرا يا فامبير علي المعلومات الجامده دي
بس انا كنت عايز اعرف هو امتحانات النت والاكسل ..الخ
زي icdl بلضبط فيها عملي يعني ولا مختلفه واختيارات

لا اختيارات .. كل الامتحان مبنى على الاختيارات

بس الاختيارات اللي تحير بقى .. انا اللي فاكره من الامتحان بتاع الاكسيل دا

عبارة عن شوية اسئلة متضمنة الاختصارات بتاعة البرنامج .. والمعادلات ازاي تجمع وتطرح

وفي الوورد ازاى تحدد البراويز والمسافة بين السطر والسطر

يعني لو تاخد بالك من الاسئلة عايزة واحد فاهم وبيتعامل مع البرامج دي

انا مش فاهم حاجه انتوا بتبيعوا ايه هنا فى الموضوع ده

بنبيع بطاطس .. تعالى خدلك كيلو

لو سمحت يا فامبير .. ..
ممكن تقولى أذاكر الأقتصاد منين ؟؟ أصل الكتاب كبير جداً
أذاكر من ملازم [ س و ج ] ولا منين ؟؟ أصلي محتاااار جداً
وبردوو عاوز أجيب مجموع

احضر المحاضرة وركز اوي في شرح الرسومات واكتب ورا الدكتور بتركيز وفهم

عشان الاقتصاد عايز دماغ شوية ..

المادة مش حفظ على طول .. لان جزئيات الرسومات دي بتبقى عايزة فهم

فيه ناس بتحفظها بس بتتعب .. انا مش عايزك تحفظ الرسومات

لا انتا ارسم الرسمة واشرحها بنفسك

انا عن نفسي كنت بذاكر من الكتاب والمحاضرة وجيبت فيها 18

طبعا هاتقولى ازاااااااي دي مادة غبية ومعقدة ..

هاقولك اني كنت بحضر وبركز اوي اوي مع الدكتور وبفهم دماغه ماشية ازاي

لو عايز ملخصات السين وجيم هات مش مشكلة .. بس ماتعتمدش عليها كليا في المذاكرة

الاهم المحاضرة والكتاب .. وخلى الملازم دي للتلخيص مش اكتر

ايه ياعم ماحدش بيشوفك الا في المناسبات ولا ايه ؟!

يالا ربنا يوفقك في الميد تيرم وابقى طمنا عليك




لا المنحة مش محتاجة انك تقدم ولا حاجة ..

هيا الكلية كدا كدا طبيعي رشحتك لدخول الامتحان المؤهل لدراسة البرنامج

كل اللي هاتعمله انك هاتطلع على مبنى الامتحانات الدور الرابع .. هاتتلاقى في كشوفات محطوطة

دور على اسمك فيهم وان شاء الله أكيد هاتتلاقيه

(ابقى دقق في الاسماء كويس عشان هما كتير)

هاتتلاقى جنب اسمك ****** نمبر طويل كدا .. اكتبه و اوعى يضيع منك

هاتتلاقي في الكشوفات على طول جدول الامتحان والتوقيتات بتاعته وشوف مواعيدك ايه ..

ولما ييجي يوم الامتحان هاتروح لحتة اسمها معهد النظم والمعلومات التابع للقوات المسلحة

ودا موجود في مدينة نصر (في الشارع اللي قدام طيبة مول مباشرة)

هاتمشي في الشارع دا طوالى لغاية ماتوصل لبوابة رقم 6 .. خش منها وعيش بقى


الف شكر يا محمود بجد مش عارف اشكرك ازاى ( انا لسة مصمم على فكرة التمثال الى جنب العيوطى بدل المعارض الى واجعين دماغنا بيها دى:d )
ان شاء اللة فى اقرب فرصة اطلع ادور على اسمى
واعذرنى لو مشاركاتى قليلة عشان ظروف الامتحانات الى مبتخلصش دى:blush:
ادعولى بقى فى الميد تيرم عشان انا لسة طالع من امتحان math2 :stickjo4:وصاية

انا الحمد للة لقيت اسمى بس للاسف ميعاد الامتحان السبت الى جى وانا هخلص ميد تيرم على الخميس وبالتالى مش هيبقى عندى وقت اراجع اى حاجة فكنت عايز اسأل هل لو ماروحتش الامتحان السنادى اسمى هينزل فى المنحة السنة الى جاية
ولو روحت ولاقدر اللة مانجحتش اقدر ادخل المنحة السنة الى بعديها
ولو نجحت وخدت ليفل معين اقدر السنة الى بعديها ادخل المنحة واخد اليفل الى بعدية
........ انا بجد مخنوق الى عامل الميعاد مش مراعى ان فى حاجة اسمها ميد تيرم وحاطط طلبة الانجلش كلهم يوم السبت بجد حاجة تخنق

( انا لسة مصمم على فكرة التمثال الى جنب العيوطى بدل المعارض الى واجعين دماغنا بيها دى:d )

عندك حق اوي في حكاية المعارض اللي واجعين دماغنا بيها دي

الجامعة مابقتش جامعة وربنا .. بقت عبارة عن حاجة زي ارض المعارض اللي في مدينة نصر كدا

ووسط المعارض دي شوية مدرجات على شوية مباني عشان يبقى اسمها جامعة !!

والأدهى والأمر تلاقيك ماشوفتش اللي حصل في يوم الافتتاح بتاع معرض الطلبة الوافدين

دي جي وشباب وبنات بيرقصوا وحاجة لا تطاق والله

فكنت عايز اسأل هل لو ماروحتش الامتحان السنادى اسمى هينزل فى المنحة السنة الى جاية

لا .. هيا فرصة واحده ومابتتكررش

ولو روحت ولاقدر اللة مانجحتش اقدر ادخل المنحة السنة الى بعديها

لا برده هيا فرصة واحده ومابتتكررش

ولو نجحت وخدت ليفل معين اقدر السنة الى بعديها ادخل المنحة واخد اليفل الى بعدية

مش فاهم السؤال دا بالظبط .. ابقى وضحه اكتر

انا بجد مخنوق الى عامل الميعاد مش مراعى ان فى حاجة اسمها ميد تيرم وحاطط طلبة الانجلش كلهم يوم السبت بجد حاجة تخنق

ماتبقى تتأكد من المواعيد تاني يمكن تكون ماقريتش المواعيد كويس

بس عموماً حتى لو كان الميعاد صح انتا ماقدامكش اي اختيار تانى

واللى هايمشى عليك هايمشى على باقى زمايلك اللى هايمتحنوا معاك برده

يعنى مش انتا لوحدك اللى مش هاتلحق تذاكر

عندك حق اوي في حكاية المعارض اللي واجعين دماغنا بيها دي

الجامعة مابقتش جامعة وربنا .. بقت عبارة عن حاجة زي ارض المعارض اللي في مدينة نصر كدا

ووسط المعارض دي شوية مدرجات على شوية مباني عشان يبقى اسمها جامعة !!

والأدهى والأمر تلاقيك ماشوفتش اللي حصل في يوم الافتتاح بتاع معرض الطلبة الوافدين

دي جي وشباب وبنات بيرقصوا وحاجة لا تطاق والله



لا .. هيا فرصة واحده ومابتتكررش



لا برده هيا فرصة واحده ومابتتكررش



مش فاهم السؤال دا بالظبط .. ابقى وضحه اكتر



ماتبقى تتأكد من المواعيد تاني يمكن تكون ماقريتش المواعيد كويس

بس عموماً حتى لو كان الميعاد صح انتا ماقدامكش اي اختيار تانى

واللى هايمشى عليك هايمشى على باقى زمايلك اللى هايمتحنوا معاك برده

يعنى مش انتا لوحدك اللى مش هاتلحق تذاكر

على رأيك انا مقدميش خيار تانى فى ناس صحابى بيفكرو ياخدوها السنة الجاية بس انا مش ضامن اية الى ممكن يحصل السنة الجاية
هى الفكرة ان انا كنت عايز اريح شوية بعد الميد تيرم بس الظاهر ان الكلية دى مفيهاش راحة :abdoog8:
عموما انا متشكر اوى على ردودك :078111rg3: وكنت عايز اسألك اخر سؤال: :confused:
المفروض اسأل فين على موضوع الاتوبيسات الى هتروح من الجامعة:romarioxp6: ..ولو هاروح لوحدى ممكن اركب اية من الجيزة او رمسيس .......... معلش انا عارف انى تعبتك معايا

اولا شكرا على مجهودك يا فاميبر وانا موافقة على تمثال العيوطى بس معنى كلامك دا ان الجامعة بترشح كل الطلاب اللى جايبيبن جيد فى سنة تانية , كمان كل المراحل دى لازم نجح فيها لان لو منجحتش فى اى مرحلة مش هتمشى للباقى , وكمان نسيت اسالك هى فى الدراسة ولا فى الاجازة واذا جبت جيد فى تانية اترشح لها فى تالتة . وكمان هو مفيش كتب نذاكر منها وهى مدتها بتبقى اد اية وشكرا ليك مرة تانية

المفروض اسأل فين على موضوع الاتوبيسات الى هتروح من الجامعة

هههههههههههه انا كل مافتكر موضوع السؤال بتاع الاتوبيسات دا اقعد اضحك والله

لان انا برده كنت زيك كدا ماعرفش ..

وطلعت فوق في الدور الرابع بتاع مبنى الامتحانات عشان اسأل بتوع الا تي اي

لاقيتلك واحده بتشخط فيا وبتزعق !! قومت منفضلها ورايح مواصلات

عموما بص يا سيدي

كدا كدا الاتوبيسات بتطلع من قدام باب تجارة .. هاتتلاقيها واقفة مستنية

وهيا هاتتلاقيها اتوبيسات كبيرة من اللي هيا بتاعة السياحة دي .. مش ميني باص والحاجات التعبانه دى

وللتأكد اطلع لاي تي اي رووم في الدور الرابع بتاع مبنى الامتحانات واسألهم (خليهم يزعقوا فيك زيي !!)

اما لو هاتروحها مواصلات بقى .. فانتا هاتطلع من باب اعلام بتاع الجامعة

وهاتاخد المترو اتجاه شبرا .. وهاتنزل رمسيس

هاتطلع للميدان نفسه وهاتاخد اى باص رايح مسجد رابعة العدوية

هاتقول السواق انا عايز انزل طيبة مول أو معهد النظم (مش هاتفرق كتير لان الاتنين قدام بعض)

بعد كدا هاتعدى الشارع ..

هاتتلاقى طريق طويييييييل ومافيهوش عربيات ماشية ولا اي بنى آدم ماشى

هاتفضل ماشي لغاية ماتوصل لبوابة رقم 6 على يمينك ..

خش واستنى بقى فى الاستراحة لغاية ما امتحانك يبدأ

اولا شكرا على مجهودك يا فاميبر وانا موافقة على تمثال العيوطى

ههههههههههههه خلاص احنا نعمل تصويت ونشوف

بس معنى كلامك دا ان الجامعة بترشح كل الطلاب اللى جايبيبن جيد فى سنة تانية

الكلام دا كان ماشي لغاية نهاية الترم الاول السنة دي (2009/2010)

لكن بدءاً من الترم التاني قرروا انهم هايقبلوا دفعة جديدة ولكن من اللي موجودين في انتظام سنة تانية

يعني لازم تكون انتظام في سنة تانية مش تالته ..

والشرط دا خاص بالسنة دي بس .. الله اعلم الشروط هاتفضل ماشية للسنة الجايه ولا هاتتغير

بس انا عن نفسى اتوقع ان السنة الجايه هاتبقى متاحة لطلبة سنة تانية اللي جايبين جيد في اولى

كمان كل المراحل دى لازم نجح فيها لان لو منجحتش فى اى مرحلة مش هتمشى للباقى

بالظبط كدا .. وخلى بالك كمان ان اثناء البرنامج ماهو شغال بيبقى فيه امتحانات فى النص

ولازم تعدى فيها عشان تكملى .. ولو لا قدر الله سقطى هاتخرجى بره

عشان كدا اللى بياخد الشهادة فى الاخر وبيكمل بيبقى هوا فعلا اللى يستاهلها

وكمان نسيت اسالك هى فى الدراسة ولا فى الاجازة

بتبقى اثناء ما الدراسة شغاله عادى جدا .. ومافيش أى تعارض بينها وبين المحاضرات والسكاشن نهائى

لان جدول الكورس بيتحط بالتعاون مع ادارة الكلية نفسها .. فابيبقوا مراعيين حكاية المواعيد دي

أما بالنسبة للاجازة فانتى عندك اجازة نص السنة مافيهاش ..

لكن اجازة الصيف بتبقى مطحنة بمعنى الكلمة

واذا جبت جيد فى تانية اترشح لها فى تالتة

ركزى في الموضوع تاني وانتى بتقرى .. انا قولت ان القبول من سنة تانية مش من سنة تالته

يعنى انتى هاتبقى في سنة تانية وهاتخشي الامتحان ..

لو نجحتى فيه اسمك هايتسجل على انك نجحتى خلاص

بس دراستك هاتبدأ مع بداية سنة تالته على طول

وكمان هو مفيش كتب نذاكر منها

لو قصدك على كتب تذاكريها عشان امتحان القبول فأكيد لا طبعا مالهاش

لكن لو قصدك على كتب اثناء ما الكورس شغال فدا اه هما بيدوكى الماتيريال بالسى دى الاصلى بكل حاجة

وهى مدتها بتبقى اد اية

انا ماعرفش بالظبط لانى لسه بدرس فيها و ماخلصتهاش

بس اللى عرفته ان انا فى حال انى وصلت للمرحلة الاخيرة فيها يبقى ان شاء الله هاخلص فى صيف 2011

ودا معناه ان المنحة تقريبا كدا بتاخدلها حوالى سنتين وشوية

شكرا يا فامبير على الموضوع الهايل ده وبجد انتا ريحت دماغك لان انا كنت هادوشك بالاسئله عن المنحه دي يعني انتا جبت من الاخر ربنا يباركلك

thanxxxxxxxxxxxxxxxxxxxxxxxxxxxxxx

موضوع هايل

شكرا على مجهودك

ان شاء الله أدرس iti

شكرااااااااااااااااااا

انا النهارده روحت علي اساس اني امتحن مش امتحنت
عشان اللي محولين من انتساب لانتظام لسع ال***** بتاعهم مش اتأكتف

المهم في ناس في تجاره انجلش كانو جنبي بيمتحنو

ممكن تمتحن تيبست الاول وده مدته خمس دقائق وهو 8 سطور تقريبا بس السطر حاجه كبيره كده ما شاء الله

وبعدين الامتحان 120 جمله في 90 دقيقه
انا شايف ان وقت الامتحان كويس جدا
ربنا يكرم ونعدي منه علي خير

موضوع جميل جدا واكتر من رائع بجد شكرا يا فامبير على الموضوع دا انا فعلا قبلت فى المنحه وعلى فكره انا فى سنه رابعه
بس هيا منحه روعه روعه روعه وبتخليك من الاخر انسان فاهم بجد وبتفتحلك دماغك بطريقه رهيبه بجد اتمنى من الناس انها ماتكسلش لان الموضوع ده فرصه ماتتعوضش بجد هاتغير حياتك كلها للافضل وبجد هاتقابل ناس عمرك ما هتشوف زيها فى الكورس دا وجو تعليمى اكتر من رائع يا ريت الناس ماتكسلش وسيبك من حوار الميد ترم والكلام ده لانها بجد اهم حاجه هاتستفاد منها بجد فى حياتك العامه حتى

انا النهارده روحت علي اساس اني امتحن مش امتحنت
عشان اللي محولين من انتساب لانتظام لسع ال***** بتاعهم مش اتأكتف

المهم في ناس في تجاره انجلش كانو جنبي بيمتحنو

ممكن تمتحن تيبست الاول وده مدته خمس دقائق وهو 8 سطور تقريبا بس السطر حاجه كبيره كده ما شاء الله

وبعدين الامتحان 120 جمله في 90 دقيقه
انا شايف ان وقت الامتحان كويس جدا
ربنا يكرم ونعدي منه علي خير
شكلك كنت معايا يا real man انا كنت هناك النهاردة وفعلا كان معانا طلبة انتساب وكان عندهم مشكلة فى التسجيل ...عموما كل تأخيرة وفيها خيرة واديك خدت خبرة وعرفت شكل الامتحان
امتحان التيبست انا مكملتش اربع سطور مكنش فية وقت وانا كمان مش مدرب تايبينج
ربنا يستر ونعدى من الامتحانات دى
هوا الراجل المشرف قلنا الى هينجحو ليهم امتحان بعد كدة عشان تحديد المستوى بس انا مش فاكر اسمة

تحديد المستوي ده للي هينجحو في اول امتحان واسمه orientation
وهو انترفيو بس بيروشو وبيسموه orientation

تحديد المستوي ده للي هينجحو في اول امتحان واسمه orientation
وهو انترفيو بس بيروشو وبيسموه orientation
تمام كدة اصل انا سمعتها حاجة تانى خالص ... هما قالولك هتمتحن تانى امتى

قالو تعالي في اي يوم وفي اي وقت اشطه يعني
هبقي ارحلهم علي الاربعاء كده

لا يسعني هنا إلا الشكر وحسب
لأخي / فامبير ..
شكرًا لكَ أيها المميز داائما
ننتظر مواضعيك بشغف دائما

....
...
..
.
.
.
.

اولا متشكر اوى على المعلمات دى كلها , بس انا كنت عايز اسال حضرتك على حاجة , انا من اسكندرية...و لسة حستلم ال ****** number انشاء الله . سؤالى عن الامتحان....الجزء الخاص بال Computer Skills و بالتحديد الOffice , هل بيسالوا فى الجزء دة اسئلة صعبة ولا اسئلة عامة يعنى ؟؟؟ لانى كدة مشكلتى حتكوون فى ال Office ؟؟ و هل ممكن لو حد حل الباقى كوييس ما عدا اسئلة ال Office ممكن ينجح عادى ؟؟؟
ارجووووا الرد لو سمحتوا , لان الموضوع دة فعلا قلقنى اووى !!!!!!!!!!!!!!!

هاااااااااااااى يا جماعة . :022yb4:بجد موضوع رووووووعة :friendsxs3:
بس بليييييييييز فيه حاجة كدة صغننة كنت عايزة اسأل عليها ......احم..احم;)
دلوقتى هما جايين عندنا الكلية علشان يعملوا محاضرة التوعية لينا . طيب دلوقتى الامتحانات اللى بتبقى على النت بتاعة القبول دى بتبقى مشابهة لامتحان اللى هيمتحنونا فيه؟؟؟؟؟؟؟؟؟؟؟؟
طيب بليييييز اللى امتحن الامتحان ده يوضحلى مواصفاته ايه بالظبط وعامل زى نماذج اللى على النت ولا لا؟
.................................................. ....
.................................................. .........................
.................................................. ..........................
اه صح استنوا :028ja7:................
ايه اللى المفروض اعمله علشان اجتاز امتحان القبول ده.
يعنى اذاكر منين وكدة يعنى. وشكرااااااااااااااااااااا

هاااااااااااااى يا جماعة . :022yb4:بجد موضوع رووووووعة :friendsxs3:
بس بليييييييييز فيه حاجة كدة صغننة كنت عايزة اسأل عليها ......احم..احم;)
دلوقتى هما جايين عندنا الكلية علشان يعملوا محاضرة التوعية لينا . طيب دلوقتى الامتحانات اللى بتبقى على النت بتاعة القبول دى بتبقى مشابهة لامتحان اللى هيمتحنونا فيه؟؟؟؟؟؟؟؟؟؟؟؟
طيب بليييييز اللى امتحن الامتحان ده يوضحلى مواصفاته ايه بالظبط وعامل زى نماذج اللى على النت ولا لا؟
.................................................. ....
.................................................. .........................
.................................................. ..........................
اه صح استنوا :028ja7:................
ايه اللى المفروض اعمله علشان اجتاز امتحان القبول ده.
يعنى اذاكر منين وكدة يعنى. وشكرااااااااااااااااااااا
نصيحة احضرى محاضرة التوعية اكيد هتفيدك ( انا معرفتش احضرها عشان كان عندى امتحان)
امتحانات النت ممكن تساعدك صحيح مش هتلاقى اسئلة مكررة بس هتتعودى على اسلوب الاسئلة والاجابة فى وقت محدود
امتحانا كان عبارة عن 120 سؤال اختيارات فى ساعه ونص حوالى 80 سؤال انجليزى و20 كمبيوتر و20 اى كيو على حسب منا فاكر يعنى الامتحان عموما فى اسئلة سهلة اوى واسئلة متوسطة واسئلة صعبة عشان يقيم المستويات وبعد كدة فى امتحان كتابة او typing حوالى ثمن سطور فى خمس دقائق هتكتبى على قد ما تقدرى عشان يشوف سرعتك good luck

نصيحة احضرى محاضرة التوعية اكيد هتفيدك ( انا معرفتش احضرها عشان كان عندى امتحان)
امتحانات النت ممكن تساعدك صحيح مش هتلاقى اسئلة مكررة بس هتتعودى على اسلوب الاسئلة والاجابة فى وقت محدود
امتحانا كان عبارة عن 120 سؤال اختيارات فى ساعه ونص حوالى 80 سؤال انجليزى و20 كمبيوتر و20 اى كيو على حسب منا فاكر يعنى الامتحان عموما فى اسئلة سهلة اوى واسئلة متوسطة واسئلة صعبة عشان يقيم المستويات وبعد كدة فى امتحان كتابة او typing حوالى ثمن سطور فى خمس دقائق هتكتبى على قد ما تقدرى عشان يشوف سرعتك good luck
شكراا على ردك يا احمد.انا بجد اتعقد من المنحة دى :(
انا معتقدش ان فيه ناس هتنجح فى المنحة العجيبة دى
ربنا يستر .وننجح ياااااااااااااااااااارب:av4056bb7jp3:

شكراااا على الموضوع , بس انا من اسكندرية و ليا سؤال :
هل لو حلييت فى الجزء بتاع الانجلش كويس , اما الجزء بتاع ال Office دة مش حلو اووى....هل دة ياثر جامد ولا اية النظام , مشكلتى انى لسة حاخد ال ICDL الصيف اللى جااى , فلسة مش عارف حاجة فال Excel و الWord اوى :( ؟؟؟؟
ارجووا الرد بسرعة لان عندى محاضرة التوعية بكرا ان شاء الله !!

نصيحة احضرى محاضرة التوعية اكيد هتفيدك ( انا معرفتش احضرها عشان كان عندى امتحان)
امتحانات النت ممكن تساعدك صحيح مش هتلاقى اسئلة مكررة بس هتتعودى على اسلوب الاسئلة والاجابة فى وقت محدود
امتحانا كان عبارة عن 120 سؤال اختيارات فى ساعه ونص حوالى 80 سؤال انجليزى و20 كمبيوتر و20 اى كيو على حسب منا فاكر يعنى الامتحان عموما فى اسئلة سهلة اوى واسئلة متوسطة واسئلة صعبة عشان يقيم المستويات وبعد كدة فى امتحان كتابة او typing حوالى ثمن سطور فى خمس دقائق هتكتبى على قد ما تقدرى عشان يشوف سرعتك good luck

شكراااا على الموضوع , بس انا من اسكندرية و ليا سؤال :
هل لو حلييت فى الجزء بتاع الانجلش كويس , اما الجزء بتاع ال Office دة مش حلو اووى....هل دة ياثر جامد ولا اية النظام , مشكلتى انى لسة حاخد ال ICDL الصيف اللى جااى , فلسة مش عارف حاجة فال Excel و الWord اوى :( ؟؟؟؟
ارجووا الرد بسرعة لان عندى محاضرة التوعية بكرا ان شاء الله !!

شكراا على ردك يا احمد.انا بجد اتعقد من المنحة دى :( انا معتقدش ان فيه ناس هتنجح فى المنحة العجيبة دى


بلاش تفكرى تفكير سلبى .. خليكى ايجابية وثقى فى نفسك

أى نعم هوا عشان تعدى فيها وتنجحى شئ مش سهل .. بس في نفس الوقت مش مستحيل يعنى

طب مانا عديت فيها وبدرسها كمان ..

هوا كل الموضوع عايز شوية تركيز وتكون خلفيتك فى الانجليش فوق الكويسة

عشان كل الاسئلة بالانجليش وممكن تتعرضى لأسئلة ماتفهميهاش

هل لو حلييت فى الجزء بتاع الانجلش كويس , اما الجزء بتاع ال Office دة مش حلو اووى....هل دة ياثر جامد ولا اية النظام

اه طبعا يأثر .. لان هما مش عايزين حد يكون ابيض فى الكمبيوتر

هما عايزين مستوى معين ويكون عنده خلفية ولو حتى بسيطة عشان يبدأوا بيها لما تيجى تدرس

وانتا راعى برده ان الامتحان دا مؤهل لسنة تالته ورابعة مع بعض

عشان كدا بيمتحنوك فى الكمبيوتر .. مع ان الكمبيوتر دراسته اصلا هاتبقى فى رابعة مش تالته

مشكلتى انى لسة حاخد ال ICDL الصيف اللى جااى , فلسة مش عارف حاجة فال Excel و الWord اوى :( ؟؟؟؟

ولا انا .. انا كان عندى خلفية بسيطة فى الاكسيل والاكسس .. والوورد كنت تمام فيه

فاخدت الاسئلة بالشبه شوية .. وكنت محظوظ شوية فى ان الاسئلة اللى جت كنت عارف فوق الـ 60% منها

بس عادى يا مان .. أهم حاجة بس تفهم السؤال كويس وبعد كدا جاوب

لو ماعرفتش اختار أى حاجة وخلاص .. لان الامتحان كله mcq

غير كدا انتا عندك كمان اسئلة IQ .. دى ممكن تسندك نوعا ما

موضوع جميل جدا واكتر من رائع بجد شكرا يا فامبير على الموضوع دا انا فعلا قبلت فى المنحه وعلى فكره انا فى سنه رابعه
بس هيا منحه روعه روعه روعه وبتخليك من الاخر انسان فاهم بجد وبتفتحلك دماغك بطريقه رهيبه بجد اتمنى من الناس انها ماتكسلش لان الموضوع ده فرصه ماتتعوضش بجد هاتغير حياتك كلها للافضل

ربنا يخليك يا ميدو .. انتم السابقون ونحن اللاحقون السنة الجايه ان شاء الله

ادعيلنا بس نوصلكوا .. احسن كل حاجة فى المنحة دى ماشية بالامتحانات !!

وبجد هاتقابل ناس عمرك ما هتشوف زيها فى الكورس دا وجو تعليمى اكتر من رائع

وعندك حق جدا والله .. ناس لذيذة جدا وحتى الجو حواليك بتحس انك مع عيلة مش مع زمايل ليك

والانستراكتور اللي قدامك بيصاحبك .. بتبقى علاقة صحوبية اكتر منها علاقة مدرب بطالب

اهم حاجه هاتستفاد منها بجد فى حياتك العامه حتى

فعلا .. بس المهم ان برنامج المنحة مطابق لاحتياجات السوق ..

والدليل ان شركات ليها اسمها هيا اللى عاملة البرنامج اصلا

طيب لو سمحت يا اخ vampire بما ان دخلت الامتحان والحمدلله نجحت ,
حضرتك منين عرفت المعلومات دى يعنى فى iq وit يا ريت تقدر تفدنى, يعنى مفيش كتب معينه انت راجعت منها ولا ايه؟؟؟
لانى بصراحه مش عايزه المنحه دى تعدى منى
وشكراااااا

طيب لو سمحت يا اخ vampire بما ان دخلت الامتحان والحمدلله نجحت ,
حضرتك منين عرفت المعلومات دى يعنى فى iq وit يا ريت تقدر تفدنى, يعنى مفيش كتب معينه انت راجعت منها ولا ايه؟؟؟
لانى بصراحه مش عايزه المنحه دى تعدى منى
وشكراااااا


دة موقع ممكن يفيدك , لانى انا كمان معلوماتى صفر فالIT مؤقتا يعنى ههههههه , فحاولى تقرائى الCD دى يمكن تفييد , و ربنا يوفقنا كلنا ان شاء الله
http://forums.mazika2day.com/t93338.html

طيب لو سمحت يا اخ vampire بما ان دخلت الامتحان والحمدلله نجحت ,
حضرتك منين عرفت المعلومات دى يعنى فى iq وit يا ريت تقدر تفدنى, يعنى مفيش كتب معينه انت راجعت منها ولا ايه؟؟؟

الا كيو عموما بيعتمد على حاجتين مهمين

1- انك تفهمى السؤال صح (لانه بالانجليش) بعد كدا تبدأى تفكرى

2- سرعة الاستجابة فى الحل عشان تنجزى الوقت .. والا هايضيع منك الوقت

بس هوا الاي كيو مش معتمد على حاجة غير انك تشغلى دماغك وبس

يعنى كمثال بسيط ..

Ahmed is taller than Marwa, Marwa is the shortest, Mohamed is shorter than Ahmed .. so the tallest one is

Ahmed or Marwa or Mohamed

وانتى تختارى طبعا

مثال تانى برده انا كنت فاكره

تانك بنزين بيسع حوالى 60 جالون سولار ..

لو ضيفنا عليه 10 جالون هايبقى مليان لغاية 1/9 من حجمه الكلى

يبقى التانك دا بيقدر يشيل كام جالون ؟؟؟

بس فهيا فى العموم بتبقى اسئلة تشغيل دماغ مش اكتر

وعمووووما .. نصيحة منى حاولى تنجزى اسئلة الاوفيس والويندوز بسرعة

عشان يبقى قدامك متسع كويس تقدرى تحلى فيه اسئلة الاي كيو

Ahmed is taller than Marwa, Marwa is the shortest, Mohamed is shorter than Ahmed .. so the tallest one is

Ahmed or Marwa or Mohamed





اجاوب انا ؟؟:bosyht9:
ههههههههههههههههههههه:006et4::006et4:
ههههههههههههههههههههههههههه:006et4::006et4:

شكرا ليك يا فامبير على التوضيح:022yb4::022yb4:

وانا والله من كتر ما الموضوع شيق انا قريته كله مع انى مش ف جامعه القاهره:stickjo4::stickjo4:

شكرا ليك مره تانيه
:022yb4::022yb4::022yb4:

بجد مش عارفه اشكرك ازاي يا فامبير انت جايب الموضوع بتفاصيل جااامده جدااا بس كنت عايزة اساللك علي عن
اولاا: كورس الانجليزي بيتاخد فيين يعني بيتاخد في معهد بيرلدز نفسه ولا في جامعه القاهره بمنهج بيرلدز؟؟
ثانيا:مواعيد الكورس بتبقي ازاي يعني كام يوم في الاسبوع وبيراعوا حوار المحاضرات وكده ؟:abdoog8:
ثالثاا:كورس الكمبيوتر التنميه البشريه ومهارات الاتصال بيتاخد فيين انا سمعت انه بيتاخد في جامعه القاهره في مبني جيل المستقبل هل ده صح؟ :confused:
رابعاا:انت طول الموضوع بتقول يومين غياب بيتحذف الاسم من المنحه و 3 ايام تاخير بيساوي يومين غياب انا مافهمتش انت قصدك ايه غياب من ايه وتاخير علي ايه (تقصد يعني في سنه تالته لما بنتخل المنحه لو غبنا عن الكورس نفسه ولا ايه )؟؟:
خامساا:ياريت يا فامبير تقولينا عملوا معاك ايه في الانترفيو بالظبط وايه الاسئله اللي ممكن يسالوا فيها وكده؟

ياااااااااااااريت يا جماعه اللي راح و امتحن السنادي يحكيلنا حصل معاه ايه بالتفاصيل الممله من ساعه ما ركب الباص لحد ما روح بيتهمexcl:

وانا والله من كتر ما الموضوع شيق انا قريته كله مع انى مش ف جامعه القاهره

عموووووووووور .. واحشنى يا راجل .. ايه يابنى فينك مابقتش اشوفك يعنى

ابقى طمنا عليك .. هوا للأسف بقى المنحة مش عندكوا فى بنها .. لكن ادعى بقى تدخلكوا

كنت عايزة اساللك علي عن
اولاا: كورس الانجليزي بيتاخد فيين يعني بيتاخد في معهد بيرلدز نفسه ولا في جامعه القاهره بمنهج بيرلدز؟؟


الكورس بمنهج بيرلتز والمدربين بتوع بيرلتز نفسهم ..

يعنى عبارة عن انهم بينقلولك معهد بيرلتز نفسه ويجيبوه لجامعة القاهرة

غير كدا انتى كطالبه بتستلمى الماتيريال مجاناً ..

بتشمل الكتاب الاصلى (تمنه 100 جنيه هناك) والسى دى الاصلى كمان

ثانيا:مواعيد الكورس بتبقي ازاي يعني كام يوم في الاسبوع وبيراعوا حوار المحاضرات وكده

مواعيد الكورس مافيهاش أى تعارض معا المحاضرات بتاعتك

لان جدول الكورس بيتحط بالتعاون مع ادارة الكلية ..

والمواعيد بتبقى فى أيام الاجازات اللى انتى ساعتها مابيبقاش عندك فيها محاضرات

انتى مطلوب منك الحضور 6 ساعات اسبوعياً .. على حسب نصيبك بقى

ممكن الـ 6 ساعات دول يتقسموا 3 ساعات على يومين فى الاسبوع

او يبقى 6 ساعات فى يوم واحد ودى بتبقى مرهقة جدا طبعاً

مع مراعاة ان فى اجازة الصيف بتنزلى شهر كل يوم 6 ساعات !!!

ثالثاا:كورس الكمبيوتر التنميه البشريه ومهارات الاتصال بيتاخد فيين انا سمعت انه بيتاخد في جامعه القاهره في مبني جيل المستقبل هل ده صح؟

لا بيبقى فى قاعات الامتحانات ..

وبسببهم احنا بنتعطل .. عشان هما بياخدوا فى نفس الرووم اللى احنا بناخد فيها

فاممكن الانستراكتور بتاعهم يتأخر فى شرح حاجة معينة .. فابتيجي فوق دماغنا احنا بقى

رابعاا:انت طول الموضوع بتقول يومين غياب بيتحذف الاسم من المنحه و 3 ايام تاخير بيساوي يومين غياب انا مافهمتش انت قصدك ايه غياب من ايه وتاخير علي ايه

غياب او تأخير عن المنحة عموماً خلال مدة السنتين بتوع الكورس

يعنى انتى مثلا كان عندك كورس النهارده .. وكسلتى وماروحتيش .. بيتحسبلك غياب

لو كررتى الموضوع دا مرتين خلال مدة الكورس كلها (تالته ورابعة مع بعض) اسمك بيتشال وبتتطردى

فى التأخير بقى بيبقى الموضوع مختلف نوعا ما

لو اتأخرتى 3 مرات خلال مدة الكورس كلها (تالته ورابعة برده) بيتحسبلك بيوم غياب

ومعنى كدا انك لو اتأخرتى 6 مرات خلال مدة الكورس دا يساوى انك غيبتى يومين ..

وبالتالى اسمك هايتشطب برده

مع مراعاة مقياس التأخير دا اللى بيحسبه الانستراكتور اللي بيديكى فى الكلاس بتاعك

وغالبا بيبقى معدل التأخير المسموح هوا 5 دقايق من الميعاد الرسمى لبداية الكلاس

لو اتأخرتى عنه بيتحسبلك تأخير ..

لو عدى ساعة كاملة والادمين بتاع الاي تي اي جيه وخد الرول كوول من الانستراكتور

يبقى انتى كدا اتكتبى غياب عندهم فى الداتا بيز

خامساا:ياريت يا فامبير تقولينا عملوا معاك ايه في الانترفيو بالظبط وايه الاسئله اللي ممكن يسالوا فيها وكده؟


ولا حاجة هيا مقابلة لذيذة ..

هيا اي نعم بتبقى خنيقة عشان انتى بتبقى لسه جديدة ومكسوفة بقى وكدا

وبيدور فى دماغك حاجات من ضمنها .. ايه دا انا هاتكلم انجليش ازاي ؟! ..

انا هاغلط .. انا هانطق غلط وهايتضحك عليا .. والكلام اللي مالوش لازمة دا

طبعا دا شئ طبيعى عشان انتى لسه جديدة فى الموضوع ..

لكن بمجرد انك بتخشى الانترفيو وبتندمجى فى الكلام بتتلاقى نفسك عااااادى جدا

اللى بيبقى قاعد قدامك طبيعى بيبتدى يقولك

introduce yourself

talk about your family

what's your dream job

what do you expect for yourself after 5 years

how often you go to alexandria

what's your long-term target

what's your short-term target

tell about a trip u had

what's the worst thing had happened to you

tell me about something you want to change in your personality

دى شوية اسئلة انا فاكرها .. طبعا دا مش كله .. دا جزء من اللى محتمل انك تقابليه فى الامتحان

غير كدا أهم حاجة فى الامتحان انك تراعى نقطتين مهمين جدا

1- النطق الصح وتكوين الجملة الصح أهم بكتيييييييير من انك تتكلمى بسرعة وتغلطى

2- فيه حاجة فى الاختبار دا اسمها اختبار الـ reaction .. يعنى ايه ؟؟؟

يعنى يحطلك سؤال فى النص مالوش أى لازمة وانتى تستهيفيه .. زي مثلا

can you carry a car ??

اهو دا سؤال ولا ليه ولازمة فى الحياة .. بس عشان تجاوبى عليه لازم تبينى ردة فعل تكون فيها استعجاب

يعنى تخيلى ان حد بيسألك بالعربى وبيقولك .. انتى تقدرى تشيلى عربية ؟

لو حد سألك سؤال زي دا البديهى انك هاتردى تقوليله ايه السؤال اللى انتا بتسأله دا ؟!

اهو هوا دا اللى مطلوب منك فى الاجابه .. انك تبينى ردة فعل طبيعية

ووانتى بتتكلمى لازم ماتبقيش مشدودة .. انتى فى انترفيو مش فى تحقيق

انترفيو يعنى بتاخدى وتدى فى الكلام .. لازم تكونى مسترخية ومبتسمة واعصابك مرتاحة

مش تحقيق .. نظام محمد هنيدى لما كان بيقول هاقول سين الاقى الاعترافات نازلة هههههههههه

انى واي .. المهم انك بس ركزى فى اللى جاى وان شاء الله اللى يجيبه ربنا خير

انا عايزة اعرف امتحان القبول كل الحاجات اللى انت قلت عليها كلها فى يوم واحد انا مترددة اوى على المنحة دى مش عارفة اخدها ولا اية وكمان هو الكورس كلة بيبقى فى المكان اللى انت قلت علية ولا فية حاجات بتبقى فى الجامعة وهو فية امتحانات اثناء الكورس وهو عبارة عن انجلش بس ولا انجلش وكمبيوتر وشكرا ليك

انا عايزة اعرف امتحان القبول كل الحاجات اللى انت قلت عليها كلها فى يوم واحد

كله فى يوم واحد فى معهد النظم اللى فى مدينة نصر

فيما عدا الانترفيو .. دا بيبقى فى الجامعة فى قاعات الامتحانات

انا مترددة اوى على المنحة دى مش عارفة اخدها ولا اية

لو ضاعت منك صدقينى هانتدمى كتير بعد كدا

وكمان هو الكورس كلة بيبقى فى المكان اللى انت قلت علية ولا فية حاجات بتبقى فى الجامعة

دراسة الكورس كلها فى الجامعة .. مافيش حاجة اسمها بره الجامعة

لكن امتحان القبول بس هوا اللى بيبقى بره الجامعة

وهو فية امتحانات اثناء الكورس

اه طبعا فيه .. انا لسه كنت بمتحن النهارده فيه .. واتعمل معايا انترفيو تاااااانى

حاجة وجع دماغ والله !!

وهو عبارة عن انجلش بس ولا انجلش وكمبيوتر

ماتقدريش تقولى عليه انه انجليش وكمبيوتر

دا كورس اسمه bpo .. بيأهلك انك تشتغلى فى خدمات التعهيد

وعشان انتى تتأهلى لدا لازم يبقى معاكى مهارات معينة

كل المهارات دى انتى بتتعلميها فى الكورس دا

شكلك كنت معايا يا real man انا كنت هناك النهاردة وفعلا كان معانا طلبة انتساب وكان عندهم مشكلة فى التسجيل ...عموما كل تأخيرة وفيها خيرة واديك خدت خبرة وعرفت شكل الامتحان
امتحان التيبست انا مكملتش اربع سطور مكنش فية وقت وانا كمان مش مدرب تايبينج
ربنا يستر ونعدى من الامتحانات دى
هوا الراجل المشرف قلنا الى هينجحو ليهم امتحان بعد كدة عشان تحديد المستوى بس انا مش فاكر اسمة
يا جماعه اللي فيكوا امتحن ياريت يقولي هما في الامتحان بيدونا ورقه فيها عنوان ويقولوا نكتب فيها براجراف 10 سطور في 10 دقايق ده فعلاا؟ ولا هو التيبنج بس؟

الامتحان مش فيه برجراف
الامتحان تيبنج في 5 دقائق
و 120 جمله في 90 دقيقه

الامتحان مش فيه برجراف
الامتحان تيبنج في 5 دقائق
و 120 جمله في 90 دقيقه
الحمدد لله انا متعقده من حوار البراجراف ده من وانا في اللفه مرسي يا ريال ادعوولي يا جماعه انا الامتحان بتاعي بكره ربنا يستر رررر انا مرعوبه:(

ربنا يوفقك وتعدى ان شاء الله
وانا كمان امتحانى قرب الاسبوع الجاى
بس ياريت تبقى تحكى اللى حصل فى الامتحان
ياااااااااااااااااااااارب تنجحى

ربنا معاكم والامتحان يكون سهل عليكم
هو الامتحان بسيط يا جماعه ومش محتاج واحد معدي محتاج واحد فاهم انجلش بس

يارب يا فاطيمه يارب لينا كلنا ان شاء الله
ربنا يطمنك يا ريال
ان شاء الله لما هاجي بكره هحكيللك ايه اللي حصل بالتفاصيل

ازيكوا يا جماعه عامليين ايه يارب تمام
انا النهارده روحت امتحنت المنحه وقولت اقوللكم علي اللي حصل عشان تبقوا عارفيين ايه اللي ممكن يحصل معاكوا وتجهزوا نفسكم المفروض ان معاد الامتحان بتاعي كان الساعه 3 لكن الباص طلع من قدام باب تجاره الساعه واحده مش فاهمه ليه ما علينا المهم الباص طبعا مكيف ونضيف جداا وحاجه تمام ومقعدين البنات لوحدهم و الولاد لوحدهم (احسن حاجه عشان مايجيش يقعد جنبك واحد ظريف ويستظرف:d)الطريق خد بالظبط ساعه الا ربع وصلنا فضلنا مستنين من الساعه 2 الا ربع لحد الساعه 3 في الهواء الطلق في عز الشمس وبعد كدا جماعونا وقسمونا زي فرق كدا وودونا المكان اللي المفروض هنمتحن فيه كل لاب بيمتحن فيه 10 بنات او 10 ولاد ويبتدي الامتحان (تاتاتا) الاول بادين ب 80 سؤال انجليش انا طبعا ما اقولكوش بدعت عكيت عك مايتوصفش الحمد لله اهم حاجه تدربوا نفسكم كويس بالذات الجرامر مكتريين فيه جامد ما عالينا بعد الانجلش في ال ICDL 20 سؤال بس عايز حد واخد كورس icdl لحسن الحظ اني كنت واخداه فعرفت احل كويس الي حد ما احسن من الانجلش واللي ممكن يسهل الحوار ده ان الاسئله بتاعه الicdl مش عملي لكن اختيارات وده هينفع جااامد المهم ما علينا بعد كدا ال 20 سؤال iq انا عن نفسي حليت في كويس وكان عاجبني جداا بس هو محتاج شويه تركيز حلوويين وكمان تكونوا فطرنين انا عجبني جداا رغم انا في ناس كتير خارجه بتشتكي منه ,لازم يكون معاكوا ورقه وقلم واحسنلكوا تفكروا في السؤال بالورقه والقلم مش تحلوا في دماغكوا عشان كدا اكيد هتتلغبطوا بعد بقي ما بتخلصوا بيجي امتحان التيبنج وفيه 8 سطور منهها الطويله اوي ومنها الصغيره بس المعظم طويييل ومحتاج سرعه رهيبه وتركيز انا رغم اني بكتب بسرعه بس كتبت 4 جمل بس عشان كنت متوتره وكمان الوقت كان ضيق بس بتخلصوا الامتحان وبترواحوا تركبوا الباصات اللي روحتوا فيها المفروض انهم قالوا ان النتيجه هتظهر في شهر 5 كام خمسه الله اعلم وبعد النتيجه اللي نجح هيتحددلوا معاد Oral exam او الامتحان الشفوي او الانترفيو
اهم حاجه يا جماعه وانتوا بتحلوا الانجلش ما تتلكعوش عشان امتحان ال icdl ,iq بيحتاجوا في حلهم وقت اكتر من الوقت اللي بيحتاجه الانجلش وتروحوا فايقين عشان تعرفوا تركزوا كأنه بالظبط امتحان الترم ويارب ان شاء الله يوفقوا وان معاكوا يارب عشان مش مطمنه للنتيجه بصراحه :bosyht9:
ادعوووووووولي معاكوااا

ان شاء الله خير و النتيجه تكون كويسه لينا كلنا

طيب هما بيسمحوا لينا ندخل بالاله الحاسبه ولا ايه
ممكن تقوليلى هما 3 اجزاء الامتحان بيتحلوا مع بعض اللى هما 90 دقيقه ولا نص ساعه لجزء وبعدين نخرج
80سؤال بتاع الانجليزى كفايه فى نص ساعه ولا ايه؟
منه جزء اختيارات وايه تانى ؟
سؤااااااااااااال كمان واروح اذاكر:bosyht9:
الiq بجد كان صعب ولا سهل ممكن تقوليلى نوعيه الاسئله فيه؟

وشكراااااااااااااااااااا
نروح نذاكر بقى :(:(سلاااام

طيب هما بيسمحوا لينا ندخل بالاله الحاسبه ولا ايه
ممكن تقوليلى هما 3 اجزاء الامتحان بيتحلوا مع بعض اللى هما 90 دقيقه ولا نص ساعه لجزء وبعدين نخرج
80سؤال بتاع الانجليزى كفايه فى نص ساعه ولا ايه؟
منه جزء اختيارات وايه تانى ؟
سؤااااااااااااال كمان واروح اذاكر:bosyht9:
الiq بجد كان صعب ولا سهل ممكن تقوليلى نوعيه الاسئله فيه؟

وشكراااااااااااااااااااا
نروح نذاكر بقى :(:(سلاااام
فى الة حاسبة موجودة فى البرنامج الى بتمتحنى بية فوق على اليمين هتلاقى كلمة calculator لو دوستى عليها هيظهرلك الكلكيلتور بتاع الويندوز عموما لو عايزة تجيبى التك يبقى احسن واسرع
الاسئلة كلها على بعض ساعة ونص من غير تقسيم يعنى 120 سؤال فى 90 دقيقة والمفروض انتى الى تقسمى وقتك
الامتحان كلة اختيارات على فكرة
الiq فية اسئلة ساذجة جدا زى دى كدة كمل 16 20 24 ....
وفية اسئلة سهلة بس طويلة ومحتاجة شوية تركيز الى هى المسائل الكلامية الى فيها رغى
وفية اسئلة صعبة شوية
بس هوا بشكل عام سهل...
ربنا يوفقنا جميعا

ويارب ان شاء الله يوفقوا وان معاكوا يارب عشان مش مطمنه للنتيجه بصراحه

ههههههههه مافيش اساسا حد بيخش الامتحان دا ويقول انا مطمن !!

كله بيعك وكله بيبهدل الدنيا ومابيعرفش اذا كان الحل صح ولا غلط .. بس اهى بتعدى وكله بيمشى

بس هوا بشكل عام سهل

اذا كنت انتا شايفه سهل وناس كتيرة هاتحله صح .. يبقى المفروض تخاف

عشان العدد اللى هايتقبل هايكون اكيد اقل بكتيييير من اللى دخلوا الامتحان

غير كدا ماتنساش ان فيه انترفيو انتا هاتخشه ..

ودا بقى اؤكدلك ان فيه امم مش هاتتقبل بسببه

والحتة دى محتاجة بعض التوضيح عشان تفهمها

اي كورس من كورسات الانجليش بتبقى متقسمة لحاجتين

- genera ودا هاتدرس فيه قواعد الجرامر وشوية كلمات بس التركيز بيبقى على الاستراكتشر بتاع الجملة

- conversation ودا بتدرس فيه مواقف محاكاة وبتطبقها وتمثلها ..

زي ازاي توصف لحد مكان .. ازاى تقدم فى وظيفة .. ازاى تستفسر عن تمن حاجة

دلوقتى كورس بيرلتز اللى معمول دا .. المنهج عمووووما بتاع بيرلتز مبنى على اساس الكونفيرسيشن

فى الجامعة الامريكية انتا غير مصرحلك بدخول اول ليفل من الكونفيرسيشن دا الا لما تكون مخلص ليفل 7 فى الجينرال

ودا معناه ان ليفل 1 فى الكونفيرسيشن = ليفل 7 فى الجنرال

وبالتااالى اقل حد هايتقبل فى المنحة دى هايكون مستواه ليفل 7 بنظام الجامعة الامريكية

عشاان كدا فى ناس كتيرة بتخرج ومش بتتقبل

اذا كنت انتا شايفه سهل وناس كتيرة هاتحله صح .. يبقى المفروض تخاف



غير كدا ماتنساش ان فيه انترفيو انتا هاتخشه ..

ودا بقى اؤكدلك ان فيه امم مش هاتتقبل بسببه


انا كنت شايف انا اغلب الاسئلة بأستثناء تلاتة اربعة يتحلو بس محتاجين وقت ودماغ رايقة بس انا للاسف فى اليوم دة كنت نايم اقل من تلات ساعات يعنى مكنش فيا دماغ وكمان اكتشفت ان فى الة ممكن نستعملها متأخر دة طبعا ضيع منى اسئلة كتير .. الحمد للة على كل شئ


انا كنت فاكر موضوع الانترفيو دة عشان تحديد المستوى الى هنبدأ بية يعنى كل الى هيخشو هيتقبلو انت كدة خوفتنى اكتر

عموما انا ابتديت احس ان فرصة القبول مش كبيرة عشان العدد الى دخل الامتحان كبير قوى ياريت لوعندك خلفية عن العدد الى هيتقبل تقولى علية.... ربنا يستر

عموما انا ابتديت احس ان فرصة القبول مش كبيرة عشان العدد الى دخل الامتحان كبير قوى

على فكرة انا مش بحبطك والله .. بس بقولك اللى بيحصل فعلا عشان تبقى على دراية

مافيش حد دخل الكورس دا بالهبل .. كله بالاختبار والامتحان

ومافيش حد هاياخد شهادة المنحة فى الاخر الا اللى طلع عينه فيها وذاكر

لان أى اهمال او تقصير او سقوط فى امتحان معين اثناء الكورس ماهو شغال بتبقى اوت على طول

عشان كدا تقدر تقول ان دخول المنحة مش مستحيل .. وفى نفس الوقت مش سهل

ياريت لوعندك خلفية عن العدد الى هيتقبل تقولى علية.... ربنا يستر

غااااالبا هايتراوح بين 1000 : 1200 طالب .. لانك راعى ان فيه كليات تانية برده بيتخش معاكوا

فانتا تخيل بقى لما حوالى 600 من تجارة انجليزى .. و 6000 من تجارة عربى

يعنى لو حسبتها هاتلاقي ان واحد من كل سبعة هوا اللى هايخشها

وكل العدد دا هايتقبل منه 1000 واحد .. يبقى دخولها سهل ولا صعب ؟؟؟؟

كدة فل اووووى :stickjo4:, ربنا يستر لان امتحانى يوم الاحد 9/5 ان شاء الله:028ja7: , و ربنا يستر من موضوع ال ICDL دة بالزات ....
بس انا كنت عايز اسال هو ممكن اخد معايا ورقة و قلم ؟؟ لان كدة حيكووووون اسهلييى ؟؟؟؟؟؟؟:(

و كمان فى سؤال مهم , لو اتدرب على اسئلة it . هل دة كافى لاسئلة ال icdl ؟ يعنى اعرف احل فيها ؟؟ ولا اسئلة ال it بتبقى مختلفة عن اسئلة ال icdl اللى جت فى الامتحان ؟؟
اررررجووا الرد لللا همية :*

بس انا كنت عايز اسال هو ممكن اخد معايا ورقة و قلم ؟؟ لان كدة حيكووووون اسهلييى ؟؟؟؟؟؟؟:(

انتا لو ترجع وتقرا الموضوع تانى هاتلاقينى منبه وقايل يا جماعة كل واحد ماينساش ياخد قلم وورقة معاه

و كمان فى سؤال مهم , لو اتدرب على اسئلة it . هل دة كافى لاسئلة ال icdl ؟ يعنى اعرف احل فيها ؟؟ ولا اسئلة ال it بتبقى مختلفة عن اسئلة ال icdl اللى جت فى الامتحان ؟؟

هيا مش اسئلة icdl .. هيا شبيهة ليها مش اكتر .. لكن الامتحان مش icdl خالص

ومع ذلك اللى خد الـ icdl وكان فاهم هوا بياخد ايه مش بيحفظ وخلاص هايحل تمام ان شاء الله

انا سألت علي ميعاد نتيجه الامتحان في الجامعه
ان شاء الله هتكون يوم 10 او 11 علي الموقع

الله اكبر
ربنا يستررررررررررررررررررر

اولآ .. السلام عليكم ورحمه الله وبركات
عندنا فيه طلاب بتقول فى مذكرات فى المكتبه خاصه بالمنحه دى لاجتياز امتحان القبول
هى مهمه يعنى هتساعدنى صح؟
ولا ابحث على النت ....... وادور...... ويطلع عنيه.... وحمل مواقع وفى الاخر النسخه تقع كالعاده :mad:مش هتساعدنى فى حاجه:confused:
فانا مش عارفه اعمل ايه لانى امتحانى يوووووووم
الثلاثاء؟؟؟؟؟؟وللعلم انا فى الانجليزى متوسطه وفى الit حفظه شويه اسئله واكييييييييد فى الiqمييييييييح على الاخر الواحد عنده استعداد يجتهد ويذاكر فيها بس مش عارفه اذاكر منين ولا منين ده موال
والدكاتره بيقولوا هنمتحن المنحه فى المدرجات
معنى كده انه هيكون امتحان ورقى مش على الكمبيوتر؟ وانتوا بتقولوا ده بيكون على الكمبيوتر

بصي يا كنزي
انا اللي اعرفه ان اخر يوم بلامتحانات كان يوم
5/4
يعني الامتحانات المفروض خلصت
الانجلش بيعتمد علي الكلمات والقواعد
it اسئلته زي icdl بالضبط بس هي اختياري
iq مش مستحيل يعني الاسئله كانت كويسه فيه
ادخلي علي الموقع ده هتلاقي امتحانات كتيره انجلش واي كيو ....... الخ
www.allthetests.com

الحمد لله الامتحان كان عندى النهارده و كان معقول بصراحة !!
بس ياريييت الناس اللى امتحنت يقولوا النتيجة حيعرفوها ازااااااى :028ja7: , لانهم مقالووووش ان فية انترفيوا ولا حااااااجة !!!!!
و شكرررراااااا كتيييير ل Vampire , لان الموضوع دة فعلا ساعدنى , جزااك الله خيرا :d

مرسى يا realman على ردك .والموقع بجد تحفة اوى
وربنا يوفق الجميع يااااااااارب
طيب هو حضرتك ذاكرت من الموقع ودخلت الامتحان اعتمادا على الاسئلة بتعتوا بس ولا كان فيه مذكرات مثلا ولا اى موقع تانى انزل منه؟؟؟؟؟؟
طيب اخر حاجة وخلاص بكرة اخر يوم ليا يا نااااااااس يا ترا يا هل ترا هلاقى اسئلة زيها ولا:stickjo4:لانا لالمنحة دى فى البلد والله ادمر الكلية بالى فيها:abdoog8:( يا هووووووووو)
انا شكلى والله هتجنن قريب :o

حضرتك مين يا بنتي انا معاكي في سنه تانيه
انا كنت داخل الامتحان ده معتمد علي ربنا وان شاء الله هننجح يعني فامبير احسن مننا في ايه :d:d:d

واخيرااااااااااااا خلصت من المنحه

انا كنت داخل الامتحان ده معتمد علي ربنا وان شاء الله هننجح يعني فامبير احسن مننا في ايه

ههههههههههههههههه .. ياعم دانتا اللى احسن منى ..

على الاقل انتا لحقت تسجل فى تدريب فى فودافون وانا مالحقتش

بس ياريييت الناس اللى امتحنت يقولوا النتيجة حيعرفوها ازااااااى :028ja7: , لانهم مقالووووش ان فية انترفيوا ولا حااااااجة !!!!!

بص يا ريس .. هوا ممكن فعلا مايكونش فيه انترفيو ..

بس لو مافيش انترفيو يبقى كدا بجد هما كارمينكوا اخر حاجة

بس انا عن نفسى اتعمل معايا انترفيو .. وكتير من الناس اللى اتقبلت كان بسبب الانترفيو دا

بس ماعلينا .. ممكن يكونوا غيروا النظام لانهم كل امتحان بيغيروا حاجة ويضيفوا حاجة ويشيلوا حاجة

يعنى انا مثلا الدفعة اللى قبليا تقريبا كانوا ضايفين لامتحانهم معلومات عامة

انا فى امتحانى اتشال الجزء دا وحطوا مكانوا الـ typing .. وهكذا يعنى

اما بالنسبة لمعرفة النتيجة فانا نفسى ماقدرش اديك رد حاسم فى الموضوع دا

على دفعتى انا كان معرفة النتيجة من خلال انهم بيتصلوا بكل اللى اتقبلوا ويقولولهم على مواعيدهم

بس 90% انتوا تقريبا ماديتهومش بيانات عن العنوان ورقم الموبايل والكلام دا (عشان مافيش انترفيو)

عشان كدا غالبا معرفة النتيجة هاتبقى من خلال الموقع

او من خلال كشوفات المقبولين اللى هاتنزل فى جامعتك

موضوع جامد يا فامبير وهيفيد ناس كتير وياريت كان فيه برنامج زي ده لكليات الهندسه

شكرا بجد ليكم يارب التوفيق للجميع
مع لش اكيد باب التقديم للامتحنات خلص ياتر هيفتح الباب انى ولا ايه وها مفيش ارقام تلفونات ليهم
ياربت الى يعرف حاجه يقولى
واكون شاكر ليكم

نتيجة المنحة طلعت يا رجالة دة اللينك

http://www.eduegypt.gov.eg/ (http://www.eduegypt.gov.eg/)
بعدين ادخل على program بعدين Admission Exam Result
بالتوفيق للجميع :078111rg3:

الســــــــــلام عليـــــــــكم
نتيجة المقبولين
من كلية تجارة _ جامعة القاهرة
انا رفعتها
التحميل من المرفقات

دعواتكم

نتيجة المنحة طلعت يا رجالة

ابقوا طمنونا بقى يا جماعة عملتوا ايه .. وخاصة انتا يا أحمد

ابقوا طمنونا بقى يا جماعة عملتوا ايه .. وخاصة انتا يا أحمد
انا الحمد للة يا محمود نجحت:022yb4: (مش عارف ازاى :excl:بس الحمد للة:d ) هما قبلو حوالى 1300 من تجارة القاهرة وتقريبا كدة مفيش امتحانات تانى غير امتحان تحديد المستوى(شفوى ) ودة هيبقى بعد الامتحانات(استعد بقى عشان هبقى اسئلك على الانترفيو دة)بس اول ما افوق من الامتحانات يارب تعدى على خير علينا كلنا
الف شكر يا باشا على السؤال وربنا يوفقك فى الامتحانات ;)

انا الحمد للة يا محمود نجحت (مش عارف ازاى بس الحمد للة )

طب قشطة الحمدلله .. الف مبروك يا ريــس

بس هما عملوا حركة جديدة السنة دي .. خلوا الامتحان الاولانى مؤهل لدخول المنحة والانترفيو لتحديد المستوى

على دفعتنا كانوا مخليين الاتنين على بعض .. وكان دخول المنحة اصلا متوقف على الانترفيو نفسه

احمدوووووووو ربنا

(استعد بقى عشان هبقى اسئلك على الانترفيو دة)

تحت أمرك .. وعلى فكرة انا كاتب كل الكلام دا فى الموضوع اصلا .. مش هاتحتاج تسألنى يعنى

الحمد لله نجججججججججججججججججججججججججججججججججججحت مش مصدقه نفسي والله
ربنا يستر علي الامتحانات وامتحان الاورال ياااااااااااارب

بجد يا فامبير الفضل يرجه ليك بعد ربنا في نجاحي لاني من غيرك كنت هروح امتحن من غير ما اكون عارفه اي حاجه عن الامتحان وانا من النوع اللي لما بيتفاجئ بيتنح علي طول بجددددددددد شكراااااا لتعبك معنا

الحمد لله نجججججججججججججججججججججججججججججججججججحت مش مصدقه نفسي والله
ربنا يستر علي الامتحانات وامتحان الاورال ياااااااااااارب

الف مبروووووووك .. الحمدلله .. الظاهر ان كل اللي دخل الموضوع قبل ما يمتحن نجح ههههههههههههههه

بالنسبة للاورال دا مجرد تحديد للمستوى .. بس انتى كدا ان شاء الله اولريدي دخلتى فى المنحة خلاص

بجد يا فامبير الفضل يرجه ليك بعد ربنا في نجاحي لاني من غيرك كنت هروح امتحن من غير ما اكون عارفه اي حاجه عن الامتحان وانا من النوع اللي لما بيتفاجئ بيتنح علي طول بجددددددددد شكراااااا

ربنا يخليكي دا بس من زوقك .. المهم بس انك تنجحى وتعدى وتكملي ف

يها للآخر .. وربنا يجيب اللى فيه الخير ان شاء الله .. الف مبروك

انا سقطت :d
الحمد لله قدر الله وما شاء فعل مبروك لكل الناجحين
ربنا معانا كلنا يا رب ونخرج من الامتحانات علي خير

انا سقطت :d
الحمد لله قدر الله وما شاء فعل مبروك لكل الناجحين
ربنا معانا كلنا يا رب ونخرج من الامتحانات علي خير
ولا يهمك يا real man محدش عارف الخير فين وان شاء اللة تلاقى فرصة تدريب احسن منها ;)
يارب كلنا نخرج من الامتحانات على خير انا السنادى خايف من كذا مادة وعلى رأسهم ال sales بجد ربنا يستر

النتيجة ظهرت يا بنى ادميين :
http://www.eduegypt.gov.eg/inner/results/resul2phase4.htm

مبرووووووووووووووووووووووووووك لكل اللى نجحوا , و شكرا بجد يا Vampire
بس احتمااااااااال كبيييييير اوى انهم يتلعوا ناس من المنحة فى الانترفيو , لان كدة العدد كبيييييييييييييير اوووووى :(

يا نهااااااااااااار ابيض بعد ما كانوا قالوا ان الانترفيو مش اكتر من تحديد مستوي رجعوا قالوا انهم هيصفوا في الانترفيو وان كمان في امتحانات تانيه بيقولوا انها امتحانات صغيررره مش عااااااااااااارفه دي بتاعه ايه يا جماعه اللي يتاكد من اي اخبار يا ريت يقولنااااااااااااااااا

اصل لازم حيصفوا مننا شوية كمان كدة , مستحيل يخدوا النلس دى كلها على اساس الامتحان الاول بس , الانتر فيوا دة علشان يخدوا مستوى معين......اللى يتماشى مع المنحة دى.....ربنا يستر ان شاء الله :(

مبرووووووووووووووووووووووووووك لكل اللى نجحوا , و شكرا بجد يا vampire
بس احتمااااااااال كبيييييير اوى انهم يتلعوا ناس من المنحة فى الانترفيو , لان كدة العدد كبيييييييييييييير اوووووى

والله هوا للأسف انا ماعنديش معلومات متوافرة عن الموضوع دا حالياً

عشان احنا فى وقت امتحانات دلوقتى ومابنزلش الكلية اصلاً ..

لو كدا كنت سألت مستر عصام نائب مدير المنحة .. هوا دا اللي بيجيب من الاخر

يا نهااااااااااااار ابيض بعد ما كانوا قالوا ان الانترفيو مش اكتر من تحديد مستوي رجعوا قالوا انهم هيصفوا في الانترفيو وان كمان في امتحانات تانيه بيقولوا انها امتحانات صغيررره مش عااااااااااااارفه دي بتاعه ايه

والله زي ماقولت انا ماعنديش معلومات متوافرة .. هحاول اثناء الامتحانات اطلع استفسر اكتر

بس بصرف النظر عن اي حاجة .. فى دفعتنا احنا عملولنا التيست الاولانى اللي انتوا امتحنتوه دا

وبعديها على طول الانترفيو .. ومافيش حاجة تانية اتعملت .. الله اعلم بقى هايبقى في ايه تانى

الانتر فيوا دة علشان يخدوا مستوى معين......اللى يتماشى مع المنحة دى

بالظبط كدااااااا .. وانا قولتها قبل كدا بس انتوا ماخدتوش بالكوا

بيرلتز منهجه اصلا مبنى على الكونفيرسيشن .. يعنى لو اتقاس بمقياس الجامعة الامريكية

يبقى هما مش هايقبلوا اقل من ليفل 7 فى الجنرال

لان ليفل 7 فى الجنرال = ليفل 1 فى الكونفيرسيشن

فاهمين حاجة ؟!

انا سقطت :d
الحمد لله قدر الله وما شاء فعل

لييييه بس كدا يا جدع .. زعلتنى والله .. دانا قولت انتا راجل متمكن وهاتعدى

يالا يا مــان ولا تزعل نفسك .. بعد التخرج ان شاء الله قدم فى الكورس بتاع جيل المستقبل

وربنا يجيب اللى فيه الخير .. اهم حاجة ماتحبطش وتحط ايدك فى جيبك

لو سمحتو نتيجه جامعه كفر الشيخ لفرقه الثالثه اداب فين

على فكرة يا شباب
المعهد اتصل بيا وقال انى نجحت
وحددلى ميعاد الانترفيو
انتوا عملتوا ايه

على فكرة يا شباب
المعهد اتصل بيا وقال انى نجحت
وحددلى ميعاد الانترفيو
انتوا عملتوا ايه
'طيب كويس انا فى رقم رن عليا من يومين بس انا مرديتش يمكن هما ؟؟؟
عموما جدول مواعيد امتحانات تحديد المستوى نزل على الموقع على فكرة المواعيد كويسة يعنى هنلحق ناخد نفسنا من الامتحانات
ياريت يا جماعة اى حد يروح يسأل يعرفلنا هل الامتحانات دى هيتصفى فيها عدد تانى ولا كل الى نجحوا فى الامتحان الاولانى عدى خلاص؟؟
كمان هل الدراسة الفعلية للكورس هتبدأ فى الاجازة دى ولا مع اول الدراسة ؟؟
ربنا يوفقنا جميعا


الى عايز يجيب المواعيد هى على الموقع ( http://www.eduegypt.gov.eg/ (http://www.eduegypt.gov.eg/) )
بعدين programe
بعدين Placement Tests Schedule
بعدين يختار كليتة

مش عارفة بصراحة
احنا بقى طالبين من فامبير انه يجبلنا
معلومات عن الانترفيو ده علشان بجد انا خايفة
ومعرفش ايه النظام

احنا بقى طالبين من فامبير انه يجبلنا
معلومات عن الانترفيو ده علشان بجد انا خايفة
ومعرفش ايه النظام

فامبير بقيله 3 اسابيع مطحون فى الامتحانات ومابيعتبش المنتدي .. واهو جيه تاني

بالنسبة للانترفيو انا ملخص الحوار بتاعه فى الموضوع نفسه .. ارجعي لاول صفحة واقريه تانى

بس اهم حاجة تبقى ايزي خالص ومش متوترة .. خشي بطبيعتك لان دا تحديد مستوى ..

ماينفعش انك تتصنعى فيه او انك تبقى باينة انك جامدة .. لان الانترفيور هايكشفك يعنى هايكشفك

وبكررها تانى وتالت ورااابع .. الانترفيو اللي انتوا هاتعملوه دا هايتعمل مع ناس متخصصة ومحترفة

بيعرفوا يكشفوا مستوى اللي قدامهم بكااافة الطرق وبكل سهولة

عشان كدا انا بنصح دايما وبقول بلااااااااش فزلكة وتطويل فى الحوار والحكاوى

كل ماتكلمت قليل ومختصر كل ما دا كان احسنلك ..

ماتفتكروش ان كل مانتوا اتكلمتوا اكتر يبقى انتوا كدا جامدين بقى وبتاع

لا خااااااالص .. الكلام الكتير دا هاتتكلموه غصب عنكوا لما تبتدوا الكورس ان شاء الله (زيي كدا)

عشان برده الناس يبقى عندها علم التقييم بيتم على اساس ايه .. انا هاقولكوا

طبعا انتوا بتخشوا واحد واحد .. كل واحد بيقعد مع انترفيور مع نفسه كدا

نصيحة مبدأية كدا .. مافيش سلام بالايد (سواء بنت او ولد) .. اخرك ابتسامة وهاي

هاينبهك ويقولك لازم تقول الاجابة كاملة زي مانا وضحت فى اول الموضوع كدا

وبعد كدا هايقوم مطلع الريكوردر اللي معاه .. هايقوم قايل ال****** نامبر بتاعك بالانجليش

ماتستغربوش وماتتنحوش .. عاادي جدا .. دي كلها اجراءات عشان فيه ناس بتراجع وبتقيم وراهم تانى

بعد كدا هايبتدي معاك بقى واحده واحده .. قدم نفسك .. كلمنى عن عيلتك .. دراستك .. وظيفة احلامك

اكلتك المفضلة وليـه

شايف نفسك ايه بعد 5 سنين .. اهدافك البعيدة والقريبة .. عايز تشتغل ايه بعد ماتتخرج وليه

لو معاك مليون جنيه تعمل بيهم ايه .. وطبعا سؤال زي دا مش هايتسأله الا اللى واضح انه كويس ومستواه جامد

لانه بيبقى فيه اسئلة جانبيه ليه بناءا على ردك .. ودي بنسميها الاسئلة المفتوحة

فيه برده سؤال متوسط دا بيحدد نوعا ما .. ايه اسوأ موقف حصلك فى حياتك

سؤال زي دا غصب عنك لازم هاتتكلم فيه ..

وطبعا اللي مش بيعرف يكون جملة صح او الجرامر بايظ اكيد هايعلق فى النص وهايقف

عموووما مدة الانترفيو بتبقى فى حدود الـ 10 دقايق .. وبتطول بقى على حسب مستواك وعلى حسب انتا خنيق ولا لأ

بمعنى هل انتا من النوع اللي بيجاوب بطريقة لف ودوران اللي تخليه مش عارف يحكم ..

ههه والناس اللي بتبقى من النوعية دي بتبقى ماشاء الله .. مرت بانترفيوهات كتيرة وبقوا خبرة

بعد ما الاسئلة والحوار بيخلص .. بيديك فى الاخر ورقة فيها براجراف كدا وفيها كلام كتير

البراجراف بيقيس سرعتك فى الكلام .. نطقك الصح وخااااصة التمييز بين الـ th و الـ z

الـ ch والـ sh .. الـ p والـ b (ودي مهمة جدا) فيه ناس كتيرة مابتفرقش (وانا كنت واحد منهم)

بس مع التمرين فى الكورس واحده واحده بيبقى الموضوع خلاص بيتحول لشئ تلقائى

لدرجة توصل انك تبقى مدايقك لو سمعت حد بينطق الـ p بدل الـ b بعد كدا !!

وخلاص .. بتخرج من الرووم وتروح وتستنى نتيجتك بقى وعليك خير

ياريت يا جماعة اى حد يروح يسأل يعرفلنا هل الامتحانات دى هيتصفى فيها عدد تانى ولا كل الى نجحوا فى الامتحان الاولانى عدى خلاص؟؟

انا دوخت عشان ادور على اى حد اعرفه من الاداريين .. مافيييش .. مختفيين نهااااااائى

والله انا نفسى ماعارف .. السنة دي سنة غريبة وعجيييييييبة اساساً

كمان هل الدراسة الفعلية للكورس هتبدأ فى الاجازة دى ولا مع اول الدراسة ؟؟

لا طبعا .. مع اول الدراسة السنة الجايه وعليك خير .. يابنى داحنا نفسنا مالناش مكان ناخد فيه

قاموا موزعينا .. شوية على اداب وشوية على تجارة انجليزي وشوية فى سياسة واقتصاد

حاجة ذللللل

وقال ايه .. هاننزل 3 ايام فى الاسبوع .. كل يوم بـ 7 ساعات

يعنى فى الاسبوع الواحد هاناخد 21 ساعة .. حراااااااااااااااااااااااااام وربنااااا

دانا هاتكلم انجليش اكتر من العربى !!

ياااااااااااااااااا جماعة
هو مفيش تصفية فى الانترفيو ولا ايه
ادخلوا على الرابط ده واقروه
وقولولى فهمتوا ايه
http://eduegypt2008.blogspot.com/2010/06/blog-post_26.html?showComment=1277547599033_AIe9_BHqk2y EytBYmL-iDoJWCpN_DZ9_jGhbbb77QRnlEX81Vul3DhIwPQ658Dr15Ec2y sqlmmG2m1U-lVYoF57n1P8CSnKnd2UpM7_EZ_QrUgUKc1I3LlaK2ealUWCZu1 9SRnaPVGG9-K2ctqPtRsG8NsZUbZu2Ors8PYInPCao0_3NYbBsFHAhpFgaxbh M-P60KYfOXfSJ4roYR4262TQWGGrf9F8Mwg#c259098896572949 4607

يعنى كده مفيش تصفية صح ولا انا غلطانة؟؟؟؟؟

اظن ان الهدف هوه تحديد المستوى , يعنى حتى هما كاتبيين : اختبارات الانتر فيو ( تحديد المستوى )

يبقى تحديد مستوى بس , و بعدين لو حد يعرف مواقع من اللى قالوا عليها دى....يايت يكتبها يا جماعة :028ja7::028ja7:

انا بس اعرف موقعهم على الفيس بوك
http://www.facebook.com/topic.php?topic=108&post=860&uid=117906228219473#!/pages/Edu-Egypt/117906228219473 (http://www.facebook.com/topic.php?topic=108&post=860&uid=117906228219473#%21/pages/Edu-Egypt/117906228219473)

واعرف الموقع ده
http://www.eduegypt.gov.eg/

بس كده
لكن لو حد من الاعضاء يعرف حاجة تانية ياريت يقول

الهدف من الانتر فيو هو تحديد مستوى و تصفية و دة كلام نهائىمحدش يصدق حاجة تانية .
كمان النترفيو تحدروة فورمال او على الاقل كلاسيك يعنى..........بس مش كجوال !!

ازيكووووو يا جماعه؟؟؟
علي فكرة يا جماعه ماااااافيش تصفيه
انا كلموني من الايديو ايجيبت عشان يقولولي علي معاد الانترفيو اول سؤال سالته للبنت اللي كلمتني بعد ماقلتلي المعاد قولتلها هو في تصفيه في الانترفيو؟ قالتلي لا خالص الانترفيو مش اكتر من مجرد تحديد مستوي وانتي كده خلاص بقيتي في المنحه
ف اطمنوا وخدوا نفس عمييييييييييييق عشان اللي جاي ادهي وامر ههههههههههه علي راي فامبير
بصوا يا جماعه الامتحانات تقريبا هتبدا يوم 10
ياريييييت بقي اللي يمتحن اول ما يروح البيت يقوم داخل هنا ويحكيلنا علي اللي حصل معااااااااااه بالتفاصيل الممله اووووووووووووي عشان نفيد بعض وربنا يكرمنا
وانا كمان هعمل كده ان شاء الله


سؤاااااال لفامبير
اولا:انت شايف ان الكورس الانجلش بتاع المنحه كفايه ؟؟؟ بمعني انا هحتاج اخد كورس تاني في الانجلش ولا ده كفايه اني اتكلم انجلش واشتغل بيه وابقي بيرفيكت في الانجلش
انا كنت باخد كورس في القوات المسلحه وانا دلوقتي قدامي 3 شهور علي بدايه الدراسه فهل اكمل الكورس بتاع القوات المسلحه ده في الاجازة ولا اعتمد علي الكورس بتاع المنحه بس وده يبقي كافي ؟؟؟؟
ثانيا:ايه مدي كفاءه الكورسات دي وخصوصا الانجلش ؟؟
لاني عماله اسمع كلام بصراحه محبط جدااااااا :giljotiiniug3::040vk0:
يعني بسمع في ناس تقول دي كورسات تعبانه اسالهم جبتوا الكلام ده منين اللي يقولك ده انا ابن خال عم ابويا كان فيها واللي يقولي انا جوز امي خادها واللي يقولي هي عمر الحكومه هتعمل حاجه عدله ومستواها كويس وكمان ببلاش ده انتي بتحلمي
كلام كده يجيب الضغظ فقولت اسالك انت واكيد هلاقي عندك رد

على فكرة يا جماعة
اديو ايجيبت اتصلوا بيا تانى وقالولى
ميعادك اتغير وبقى 28\7
انا فى جامعة اسكندرية

ازيكووووو يا جماعه؟؟؟
علي فكرة يا جماعه ماااااافيش تصفيه
انا كلموني من الايديو ايجيبت عشان يقولولي علي معاد الانترفيو اول سؤال سالته للبنت اللي كلمتني بعد ماقلتلي المعاد قولتلها هو في تصفيه في الانترفيو؟ قالتلي لا خالص الانترفيو مش اكتر من مجرد تحديد مستوي وانتي كده خلاص بقيتي في المنحه
ف اطمنوا وخدوا نفس عمييييييييييييق عشان اللي جاي ادهي وامر ههههههههههه علي راي فامبير
بصوا يا جماعه الامتحانات تقريبا هتبدا يوم 10
ياريييييت بقي اللي يمتحن اول ما يروح البيت يقوم داخل هنا ويحكيلنا علي اللي حصل معااااااااااه بالتفاصيل الممله اووووووووووووي عشان نفيد بعض وربنا يكرمنا
وانا كمان هعمل كده ان شاء الله


سؤاااااال لفامبير
اولا:انت شايف ان الكورس الانجلش بتاع المنحه كفايه ؟؟؟ بمعني انا هحتاج اخد كورس تاني في الانجلش ولا ده كفايه اني اتكلم انجلش واشتغل بيه وابقي بيرفيكت في الانجلش
انا كنت باخد كورس في القوات المسلحه وانا دلوقتي قدامي 3 شهور علي بدايه الدراسه فهل اكمل الكورس بتاع القوات المسلحه ده في الاجازة ولا اعتمد علي الكورس بتاع المنحه بس وده يبقي كافي ؟؟؟؟
ثانيا:ايه مدي كفاءه الكورسات دي وخصوصا الانجلش ؟؟
لاني عماله اسمع كلام بصراحه محبط جدااااااا :giljotiiniug3::040vk0:
يعني بسمع في ناس تقول دي كورسات تعبانه اسالهم جبتوا الكلام ده منين اللي يقولك ده انا ابن خال عم ابويا كان فيها واللي يقولي انا جوز امي خادها واللي يقولي هي عمر الحكومه هتعمل حاجه عدله ومستواها كويس وكمان ببلاش ده انتي بتحلمي
كلام كده يجيب الضغظ فقولت اسالك انت واكيد هلاقي عندك رد

thanks no more i am realy happy to hear that ..i think bertlize courses is enough at least for now and then you can take more courses as you want (if you want my advice forget about those frustrated people

على فكرة يا جماعة
اديو ايجيبت اتصلوا بيا تانى وقالولى
ميعادك اتغير وبقى 28\7
انا فى جامعة اسكندرية
it might be good for you to be More prepared for the exam
and this is a nice link may help you
http://learnenglish.britishcouncil.org/en/ielts-interview-skills


http://www.teacherjoe.us/IELTSSpeakGeneral.html

* سلسبيل الارض (http://www.thanwya.com/vb/member.php?u=414082) , انا كمان اتصلوا بيا من يومين و قالولى كدة بردة . و كمان غيروا مكان الانترفيو , بقى فى كلية الاداب , بس كدة كويس بردة هههههه
* No_More انا لما اتصلوا بيا , سالتهم عن الانترفيو قالولى ان الغرض هو تحديد المستوى ثم التصفية , لان اكييييد فى ناس مستواها مش اوى فى الانجلش.......و منهج بيرلتز جزء كبير منة بيعتمد على الConversation !

سؤاااااال لفامبير

ياااااا نعمين http://l.yimg.com/us.yimg.com/i/mesg/emoticons7/5.gif

اولا:انت شايف ان الكورس الانجلش بتاع المنحه كفايه ؟؟؟

السؤال دا للأسف انا مش هاعرف اجاوبك عليه الا لما انا نفسى اخلص الـ 2 ليفل اللي باقينلى

ساعتها هاقدر اقولك كفاية او مش كفاية ..

بس انا عن نفسى ناوي ان شاء الله أكمل تبع بيرلتز بعد ما اخلص المنحة

بمعني انا هحتاج اخد كورس تاني في الانجلش ولا ده كفايه اني اتكلم انجلش واشتغل بيه وابقي بيرفيكت في الانجلش

لو استمريتي في بيرلتز للنهاية (يعنى لغاية ليفل 8) .. اكيد اكيد اكيد هاتبقى زيك زيك الامريكى ويمكن احسن

وبعدين فيه ميزة في بيرلتزكمان .. انه مظبط نفسه على مستويات معينة

بمعنى ايه ؟؟

ان بيرلتز عارف ان الناس اللي بتخش من ليفل 1لغاية ليفل 3 بياخد سكيلز معينه

من بعد ليفل 3 لغاية ليفل 5 بيكون الشخص دا خلاص بقى يتكلم بدون اية اخطاء لغوية سواءا نطق او جرامر

من بعد ليفل 5 لغاية ليفل 7 بيدربك على النطق طبقاً للـغة الـ native اللي هيا لغة اهل البلد نفسها

وهكذا .. فا دي في حد ذاتها ميزة ممتازة جداااا ..

لان فيه ناس طبعا ماعندهاش القدرة المالية انها تدفع 1000 جنيه في اللفيل

فابيبيجوا مثلا لغاية ليفل معين ويقولوا خلاص كدا ستوب كفاية .. احنا بقينا نتكلم صح وحلو اوي كدا

فيه ناس تانية بقى بتبقى عايزة تحسن كمان من مستواها وتوصل للاعلى والاعلى .. فعادى بقى

وبالتالى بيرلتز اصلا مابيهتمش بالشهادة اللي بيديهالك على قد مابيهتم انه يطلعك بتتكلمي انجليش تمام

وهوا دا اللي يهمهم فعلا .. انهم عايزين مصلحتك .. وسيبك بقى من الشهادة والكلام دا

لانك لو تلاحظى .. امشي فى الشارع واسألى اي حد على معهد بيرلتز دا

فوق الـ 75% هايقولك ماعرفوش ..

حتى انتى نفسك لو قيستى قوة الشهادة على مقارنة بمراكز تعليم الانجليش فى مصر

هاتتلاقي ان بيرلتز مش واخد حقه .. هاتتلاقي غالبا البريتيش كاونسل نمر وان وبعديه الايه يو سي

مع ان ناس كتيرة اعرفها قالتلى ان الايه يو سى وحشه ..

ودا بشهادة ناس انا اعرفها بتدرس في الجامعة نفسها كطلبة في مختلف اقسامها وكلياتها

حتى انا كنت عايز اقدم فيها الصيف اللي فات .. قالولى لا بلاش ماتقدمش

بصرف النظر عن كل الكلام دا .. الخلاصة ان بيرلتز ميه ميه وبيجيب من الاخر

انا كنت باخد كورس في القوات المسلحه وانا دلوقتي قدامي 3 شهور علي بدايه الدراسه فهل اكمل الكورس بتاع القوات المسلحه ده في الاجازة ولا اعتمد علي الكورس بتاع المنحه

نصيحة .. كنسلي على القوات المسلحة دا .. وانسيه وابدأى في بيرلتز

طبعا انتى هاتستغربى وتقولي في نفسك هوا مصر اوي على بيرلز كدا ليه

. هاتعرفي اجابة السؤال دا مع اول اسبوعين من الدراسة فيه .. وساعتها هاتيجي بنفسك هنا وتقوليلي كان عندك حق

وده يبقي كافي ؟؟؟؟

قولتلك في الاول بيتحدد عن طريق حاجتين

- قدرتك المالية على تحمل اعباء المصاريف بعد التلات ليفلات المجانية اللي هاتاخديها في المنحة

- مدى استعدادك لانك تعلى مستواكى في الانجليش او تثبتيه عند ليفل معين

ثانيا:ايه مدي كفاءه الكورسات دي وخصوصا الانجلش ؟؟

لو هاتقسميها لدرجات .. يبقى ممتازة وعند جدارة واستحقاق

والسبب بكل بساطة .. بيرلتز بيعتمد على حاجتين

- الكونفيرسيشن : يعنى الكلام الكتير والبعد عن خنقة الجرامر

- المشاركة : يعنى تتناقشى مع زمايلك ومع الانستراكتور

وتطلعى وتتكلمى قدام الميمبرز اللي قاعدين (حوالي 20 او 25 واحد)

وتعملي بريزنتيشنز على الباور بوينت وتشاركةى وتتفاعلى .. حاجات لذيذة جدا يعنى ومفيدة كمان

يعنى كمان بالاضافة لانها هاتعلمك انجليش .. هاتضيع من جواكى الكسوف ورهبة الوقوف قدام الناس والكلام دا كله

لاني عماله اسمع كلام بصراحه محبط جدااااااا

ماتسمعيش كلام اي حد .. ماتسمعيش الا من المجرب بس .. اي حد تانى ارمى كلامه ورا ضهرك على طول

يعني بسمع في ناس تقول دي كورسات تعبانه اسالهم جبتوا الكلام ده منين اللي يقولك ده انا ابن خال عم ابويا كان فيها واللي يقولي انا جوز امي خادها

ههههههههههههه .. ماهو دا اللي بيفقعنى انا شخصياً

مافيش حد يقول مش عارف او الله اعلم .. لازم يفتوا في اي حاجة وخلاص

واللي يقولي هي عمر الحكومه هتعمل حاجه عدله ومستواها كويس وكمان ببلاش ده انتي بتحلمي

الكلام دا بالذاااااات انا كنت بقول عليه قبل ماخش المنحة ..

بس بأمانة ربنا والله العظيم بعد ما المرحلة الاولى خلصت استغربت من كم النضافة والرقى والاهتمام بالطلبة

وانتى بنفسك لما تاخدى المنحة هاتكتشفى دا كله

thanks no more i am realy happy to hear that ..i think bertlize courses is enough at least for now and then you can take more courses as you want (if you want my advice forget about those frustrated people

هههههههههه انتا بتمرن نفسك من دلوقتى ؟

عادى ياعم .. كلها كام يوم وتتتزنق فى الانترفيو http://l.yimg.com/us.yimg.com/i/mesg/emoticons7/4.gif

* سلسبيل الارض (http://www.thanwya.com/vb/member.php?u=414082) , انا كمان اتصلوا بيا من يومين و قالولى كدة بردة . و كمان غيروا مكان الانترفيو , بقى فى كلية الاداب , بس كدة كويس بردة هههههه
* No_More انا لما اتصلوا بيا , سالتهم عن الانترفيو قالولى ان الغرض هو تحديد المستوى ثم التصفية , لان اكييييد فى ناس مستواها مش اوى فى الانجلش.......و منهج بيرلتز جزء كبير منة بيعتمد على الConversation !

ههههههههههه
طيب كويس
بس استنى كده انا مش فاهمة جزرء "تحديد المستوى ثم التصفية"
يعنى بعد ما نخلص الانترفيو وندخل معاهم فى المنحة هيصفونا بطريقة تانية
ولا الانترفيو هو اصلا التصفية
انت كده لغبطنى:wacko:

ايه رأيك انت يا فامبير
فى تصفية ولا ايه؟؟؟؟؟؟؟؟؟

بص , الموضوع و ما فية هوة ان بعد امتحان تحديد المستوى الاول , بتدخل الانترفيو و بيحددوا مستوال.....و بيدولك score معين و ال score دة بيتداف على نتيجتك فى الامتحان الاولانى.......و يشوفوا اية موقفك من اللخبطة دى ههههههه , دا اللى قالولى علية

عموما ربنا معانا
مع انى بصراحة حاسة انى بدأت ازهق
ههههههههههههه

و انا كمان والله , اصلا الامتحانات خنئة لوحدها . بس بردوا نعمل اللى علينا و ربنا يوفقنا كلنا ان شاء الله :)
صحححححيح سورى انتى بنت و انا بكلمك على انك ولد هههههه

هههههههههههههه
ولا يهمك عادى
بس المهم دلوقتى
ان اللى هيمتحن قبلنا يقولنا على نظام الامتحان

ياااااا نعمين http://l.yimg.com/us.yimg.com/i/mesg/emoticons7/5.gif



السؤال دا للأسف انا مش هاعرف اجاوبك عليه الا لما انا نفسى اخلص الـ 2 ليفل اللي باقينلى

ساعتها هاقدر اقولك كفاية او مش كفاية ..

بس انا عن نفسى ناوي ان شاء الله أكمل تبع بيرلتز بعد ما اخلص المنحة



لو استمريتي في بيرلتز للنهاية (يعنى لغاية ليفل 8) .. اكيد اكيد اكيد هاتبقى زيك زيك الامريكى ويمكن احسن

وبعدين فيه ميزة في بيرلتزكمان .. انه مظبط نفسه على مستويات معينة

بمعنى ايه ؟؟

ان بيرلتز عارف ان الناس اللي بتخش من ليفل 1لغاية ليفل 3 بياخد سكيلز معينه

من بعد ليفل 3 لغاية ليفل 5 بيكون الشخص دا خلاص بقى يتكلم بدون اية اخطاء لغوية سواءا نطق او جرامر

من بعد ليفل 5 لغاية ليفل 7 بيدربك على النطق طبقاً للـغة الـ native اللي هيا لغة اهل البلد نفسها

وهكذا .. فا دي في حد ذاتها ميزة ممتازة جداااا ..

لان فيه ناس طبعا ماعندهاش القدرة المالية انها تدفع 1000 جنيه في اللفيل

فابيبيجوا مثلا لغاية ليفل معين ويقولوا خلاص كدا ستوب كفاية .. احنا بقينا نتكلم صح وحلو اوي كدا

فيه ناس تانية بقى بتبقى عايزة تحسن كمان من مستواها وتوصل للاعلى والاعلى .. فعادى بقى

وبالتالى بيرلتز اصلا مابيهتمش بالشهادة اللي بيديهالك على قد مابيهتم انه يطلعك بتتكلمي انجليش تمام

وهوا دا اللي يهمهم فعلا .. انهم عايزين مصلحتك .. وسيبك بقى من الشهادة والكلام دا

لانك لو تلاحظى .. امشي فى الشارع واسألى اي حد على معهد بيرلتز دا

فوق الـ 75% هايقولك ماعرفوش ..

حتى انتى نفسك لو قيستى قوة الشهادة على مقارنة بمراكز تعليم الانجليش فى مصر

هاتتلاقي ان بيرلتز مش واخد حقه .. هاتتلاقي غالبا البريتيش كاونسل نمر وان وبعديه الايه يو سي

مع ان ناس كتيرة اعرفها قالتلى ان الايه يو سى وحشه ..

ودا بشهادة ناس انا اعرفها بتدرس في الجامعة نفسها كطلبة في مختلف اقسامها وكلياتها

حتى انا كنت عايز اقدم فيها الصيف اللي فات .. قالولى لا بلاش ماتقدمش

بصرف النظر عن كل الكلام دا .. الخلاصة ان بيرلتز ميه ميه وبيجيب من الاخر



نصيحة .. كنسلي على القوات المسلحة دا .. وانسيه وابدأى في بيرلتز

طبعا انتى هاتستغربى وتقولي في نفسك هوا مصر اوي على بيرلز كدا ليه

. هاتعرفي اجابة السؤال دا مع اول اسبوعين من الدراسة فيه .. وساعتها هاتيجي بنفسك هنا وتقوليلي كان عندك حق



قولتلك في الاول بيتحدد عن طريق حاجتين

- قدرتك المالية على تحمل اعباء المصاريف بعد التلات ليفلات المجانية اللي هاتاخديها في المنحة

- مدى استعدادك لانك تعلى مستواكى في الانجليش او تثبتيه عند ليفل معين



لو هاتقسميها لدرجات .. يبقى ممتازة وعند جدارة واستحقاق

والسبب بكل بساطة .. بيرلتز بيعتمد على حاجتين

- الكونفيرسيشن : يعنى الكلام الكتير والبعد عن خنقة الجرامر

- المشاركة : يعنى تتناقشى مع زمايلك ومع الانستراكتور

وتطلعى وتتكلمى قدام الميمبرز اللي قاعدين (حوالي 20 او 25 واحد)

وتعملي بريزنتيشنز على الباور بوينت وتشاركةى وتتفاعلى .. حاجات لذيذة جدا يعنى ومفيدة كمان

يعنى كمان بالاضافة لانها هاتعلمك انجليش .. هاتضيع من جواكى الكسوف ورهبة الوقوف قدام الناس والكلام دا كله



ماتسمعيش كلام اي حد .. ماتسمعيش الا من المجرب بس .. اي حد تانى ارمى كلامه ورا ضهرك على طول



ههههههههههههه .. ماهو دا اللي بيفقعنى انا شخصياً

مافيش حد يقول مش عارف او الله اعلم .. لازم يفتوا في اي حاجة وخلاص



الكلام دا بالذاااااات انا كنت بقول عليه قبل ماخش المنحة ..

بس بأمانة ربنا والله العظيم بعد ما المرحلة الاولى خلصت استغربت من كم النضافة والرقى والاهتمام بالطلبة

وانتى بنفسك لما تاخدى المنحة هاتكتشفى دا كله

يااااااااااااااااااااااااااااااااااااااااااااااااا اااااااااااااااااااااااااااااه
ربنا يطمنك فعلا في البلد دي محدش بيعرف يقول معرفش والله اعلم :excl:
بجد انا كان الحوار ده خنقني جداااااااااا
مرسي جداااااا يا فامبير بجددددددددددد
صحييييييييح انت ماقولتلناش هو انت دخلت من ليفل كام ؟
ايه يا جماعه هو معاد الانترفيو اتغير في كل الجامعات ولا اسكندرريه بس ؟؟؟
هو احنا لازم نروووح الانترفيو لابسين كلاسيك ؟؟:frown:

الى جميع طلاب الفرقة الثانية بجامعة القاهرة بالنسبة لامتحان المقابلة سيكون عبارة عن بعض الأسئلة الشفوى متدرجة الصعوبة بغرض تحديد مستوى الطالب فى اللغة من المستوى الأول وحتى التاسع طبقا لاجابة الطالب ويستغرق الامتحان من 10 الى 15 دقيقة حسب اجابة الطالب والأسئلة عامة فى اى شىء وسيوضع هذا الامتحان فى الاعتبار مع الامتحان ...الماضى لاختيار الطلاب و الاعداد المناسبة للمشروع وشكرا
مدير المشروع جامعة القاهرة>>> الكلام دة مكتوب على صفحة المنحة على الفيسبوك والى انا فهمتة منة انة ممكن يكون فى تصفية عشان يوصل للعدد الى هو عايزة .... ايا كان بقى الواحد يعمل الى علية وخلاص

اكيييييييد صح كدة يا احمد
No_More : والله انا سالت فالموضوع دة , لما اتصلوا بيا علشان المعاد الجديد.....لما سالت قالى لا عادى خالص ممكن تييجى Casual عاااادى , انا كنت فاكر لازم كلاكسيك او فورمال بس لا :)

هو احنا لازم نروووح الانترفيو لابسين كلاسيك ؟؟

لا عادي خالص .. انتا مش رايح مقابلة عمل او شغل .. دا كورس يعنى مش حاجـة

انا لما عملت الانترفيو كنت لابس جاكيت جينز وبنطلون جينز وكوتشى وكاب كمان

اية يا جماعة , يا ريت لو حد خلص الانترفيو , يقول اللى حصل معاة !!!!!!!!!!!!!

اية يا جماعة , يا ريت لو حد خلص الانترفيو , يقول اللى حصل معاة !!!!!!!!!!!!!
عادى يا محمد الامتحان كان بسيط فى الاول بيوزعو علينا ورقتين فيهم شوية اسئلة عن مستواك فى الانجليزى يعنى مثلا يسألك تقدر تعمل محادثة فى كافى تقدر توصف عنوان وانت بتختار من شوية اختيارات مستواك فى كل سؤال ودة معمول عشان تساعد الى هيعملك الانترفيو انة يحدد مستواك بسهولة
بعد كدة بتستنى دورك فى الانترفيو هو كان عبارة عن شوية اسئلة بسيطة اى حد يقدر يجاوب عليها زى كلت اية امبارح الساعة كام لو جاوبت الاسئلة البسيطة بيبدأ يعلى معاك فى المستوى ويصعب الاسئلة (انا للاسف مجاوبتش بشكل كويس واكتشفت اخطاء كتيييييييييييير بعد ما خرجت عشان كدة خلصت بسرعة عشر دقائق اول اقل )
ربنا يوفقكوا

طيب يا احمد ممكن تقولنا ايه هى الاسئلة بالظبط

طيب يا احمد ممكن تقولنا ايه هى الاسئلة بالظبط
الاسئلة الى انا فاكرها كانت من نوعية قدم نفسك كلت اية امبارح اتكلم عن اسرتك عملت اية امبارح يعنى حاجات زى كدة وانا زى ما قولتلك ماعدتش معاهم كتير اكيد طبعا الاسئلة بتختلف من واحد للتانى

شكرا يا احمد
وربنا معاك ومعانا ان شاء الله
ولو اى حد تانى دخل الانترفيو
يا ريت يقولنا بردوا على حصل معاه

جماعة لازم تعرفوا تتكلوا عن شخصية معينة كمثل اعلى ليكم مثلا , و كمان توصفوا انتوا لبسيين اية , و لو عرض عليكم صورة تعرفوا توصفوها .
و شكرا ليك يا احمد :)

الموضوع روعة الله ينور عليك
لكن اللينك الثامن لا يعمل
لكني وجدته في الموقع التالي
http://www.filestube.com/a71c8509b07150f503e9,g/Berlitz-English-Level-1.html
وارجو ان تسمح لي بعرضه ليكمل الناس انزال الكورس الرائع :)

وشكرا لمجهودك

شكرا يا احمد ليك

ادخلوا على الرابط ده كمان
هتلاقوا درسين زيادة
http://eduegypt2008.blogspot.com/2010/07/berlitz-all-levels-of-berlitz-english.html

يا جماعة اللى خلص انترفيو
ياريت يقولنا على النظام

ايه يا جماعة محدش خلص الانترفيو
ولا مفيش حد عايز يساعدنى

الللللفففففف شكر

السلام عليكم ورحمه الله وبركاته

طيب يا جماعه انا خلصت دراسه وخريج 2009

هل اقدر اقدم فى المنحه دى ؟؟؟

Vampire :
بجد شكرا ليك على كل المعلومات اللى قولتها....ربنا يجعلة فى ميزان حسناتك :)

أيه ده ؟؟؟؟؟؟؟؟؟؟؟؟؟؟؟؟؟؟ أحنا امتحنا تقريبا فى نفس الوقت ومن ساعتها لا حس ولا خبر عن النتيجه ولا قالوا على أنترفيوا ولا حاجه
يبقى جامعتنا كده لم ينجح أحد ولا أيه؟

أيه ده ؟؟؟؟؟؟؟؟؟؟؟؟؟؟؟؟؟؟ أحنا امتحنا تقريبا فى نفس الوقت ومن ساعتها لا حس ولا خبر عن النتيجه ولا قالوا على أنترفيوا ولا حاجه
يبقى جامعتنا كده لم ينجح أحد ولا أيه؟

أكيد لا طبعاً .. المفروض خطوات القبول فى منحة تالته كالآتى :

1- تخشى امتحان القبول اللى بتمتحنيه فى معهد النظم فى مدينة نصر

2- لو نجحتى فى الامتحان دا بتخشى امتحان تحديد المستوى (اللى هوا الانترفيو)

3- لو مستواكى اقل من ادنى مستوى مطلوب كدا انتى للاسف بره المنحة ..

4- فى حالة نجاحك فى امتحان تحديد المستوى (الانترفيو) كدا يبقى تم قبولك فى المنحة

كدا انا وضحت الفكرة العامة للقبول فى برنامج اديو ايجيبت الخاص بسنة تالته

أى حاجة غير اللى انا قولتها دى يبقى اكيد اكيد اكيد غلط ..

لان مراحل التصفية دى متطبقة فى جميع الجامعات اللى بتتيح دراسة البرنامج دا

بالتوفيق ان شاء الله

طيب يا جماعة جداول الدراسة للمنحة نزلت ومتقسمة لجروبات
اعرف منين انا فى اى جروب ؟؟؟؟

الف شكررررررررررررررررررررررررر

معلش انا كنت بس بسأل عن الكورس اللى حضرتك حاطو انتة قولت 8 ليفلات بس انتة حاطط 7 بس ?????????????????

جزاك الله خيرااااااااااااااااااااااااااااا

لو سمحت انا محتار اختار تراك ايه بالظبط اللى يمكن يفيدنى انا فى تجاره؟

يالهوى:o
ايه ده كله;)
ده الوضوع كبير بس خطير:d
بما ان الموضوع ده قديم..:)
ايه نظام المنحه دى؟!
ياترى لسه شغاله ولا ايه؟:bosyht9:

هي المنحة دي مش موجودة في جامعة طنطا

ممكن اسال سؤال هو 430 تجارة اللى فى المنحة عربى ولا انجلش

يالهوى
ايه ده كله
ده الوضوع كبير بس خطير
بما ان الموضوع ده قديم..
ايه نظام المنحه دى؟!
ياترى لسه شغاله ولا ايه؟

اه طبعا ما زال موجود هايروح فين يعنى ؟! بس القبول بقى من الناس اللى بتجيب ليفل 2 مش ليفل 1

وعموما فيه توبيك ان شاء الله هايبقى شامل برنامج سنة تالته وسنة رابعة مع بعض

ممكن اسال سؤال هو 430 تجارة اللى فى المنحة عربى ولا انجلش

الـ 430 دول كانو في دفعة 2010 ..

لكن السنة دي (2011) واخدين 500 وشوية .. وتلات تربعهم انجليش والباقى تجارة عربى

يكفى اقولك ان الجروب اللى انا فيه 18 واحد .. 5 منهم عربى و 13 انجليش !

بس لا تتشائم يعنى .. لو انت تمام في الانجليش باذن الله هاتخش المنحة

وبعدين يا راجل انت مستعجل على ايــه ؟! .. دانتا لسه مادخلتش اولي حتى !!

هي المنحة دي مش موجودة في جامعة طنطا

كانت موجودة السنة اللى فاتت (2010) واتلغت السنة دي (2011) والسبب المعلن مافيش ميزانية

والسبب الحقيقي .. استهبااااااال

ازيك يا حووودا

انا امتحاني بعد بكره ان شاء الله :)

دعواتكم بقى

وان شاء الله اجي اقولكم على امتحان السنه دي عامل ازاي

ربنا معانا جميعااا

السلام عليكم ورحمة الله

في الاول بس يا جماعه انا حابب اشكر محمود سعيد ( فامبير ) كتييييييييير بجد على الموضوع الهايل ده ومساعدته ليا في اني اعرف الدنيا ماشيه ازاي وبيحصل ايه وكده
بجد ربنا يباركلك يا حودا ويوفقك في حياتك وشغلك
وطبعا حابب اشكر كل الناس اللى ردت وعلقت هنا في التوبيك على امتحان السنه اللى فاتت بجد بردو استفدت منكم كتيير اوي ربنا يوفقكم جميعا ياااارب

انا الحمد لله روحت يوم الخميس امتحنت
الامتحان الى حد ما كان كويس ممكن عشان انا كنت شبه مستعد ليه يعني
بس بجد اليوم ده انا كنت مستنيه من زمان اووي ربنا بس يسترها ويجعلنا من المقبولين :d
امتحاني كان من الساعه 10 : 11.3
المفروض كان في اتوبيسات هتيجي توصل الناس من قدام الجامعه لحد المعهد مجانا
بس حصلت مشكله والشركه اللى كانوا متفقين معاها مبعتتش اتوبيسات عشان السواقين عاملين اضراب
جابوا ميني باصات عاديه وصلتنا ورجعتنا بس احنا اللى دفعنا تكلفتها كل واحد دفع 10 جنيه ههههههه اكتر حاجه مزعلاني
المهم وصلنا بدري قبل الامتحان بتقريبا ساعه او اكتر
نتكلم بقى عن الامتحان
اولا طبعا موضوع البراجراف اللى كان بيتكتب في الاول ده اتلغي من السنه اللى فاتت ( وده طبعا مش جديد )
الجديد بقى ان التيبينج كمان اتلغي السنه دي يعني الامتحان كان كله اختيارات مكنش فيه تست التيبينج ده
يعني الامتحان كان كله اختيارات تمام
كان 150 اختيار على بعضهم كده يتحله في 90 دقيقه
يعني مفيش فواصل بين الاي تي والانجلش والاي كيو وكده لا كله ورا بعضه في 90 دقيقه

وكان ترتيبه كالتالي

اولا :: الانجلش كان 80 جمله اختياريه
بجد كانوا بدأينها بدايه غبيه جدا كانوا جايبين قطعة فهم كبيييييره كده تيتجي 10 سطور ولا حاجه وتحتها اسئله بقى عليها
جابوا تقريبا 4 او 5 قطع عليهم حوالى من 15 لـ 20 سؤال
هي سهله على فكره مش صعبه بس كل مشكلتها انها محتاجه وقت بس
بعد بقى القطع دي كانت جمل ظريفه كده وحلوه منها اللى كان جرامر وتقريبا اغلبها
ومنها اللى كان اسئله في الاسبيلنج بتاع الكلمات
وكان كمان في كلمات كده جايبنها في جمل ومعلمين على 3 او 4 كلمات ويقولك في الاختيارات طلعلي الكلمه اللى مش ماشيه مع الجمله
يعني الى حد ما الانجليزي كان كويس مش صعب اووي ومش سهل بردو

ثانيا :: كان بعد الانجلش 35 سؤال I T
وتقريبا كلها من منهج ICDL يعني عايزه واحد واخد الكورس او فاهم اوفيس ونت كويس عامة
وانا الحمد لله مخلص الكورس من سنة فحليت فيه حلو اوي الحمد لله
كان طبعا اغلبه في الاوفيس كان في الورد والبوربوينت والاكسل
اه وكان في في وسط الاسئله بتاعت الاي تي اسئله عن اختصارات الكيبورد يعني مثلا عندنا حاجه عايزين ناخدها كت يبقى هندوس ctrl + x
كده يعني كانوا تقريبا 5 اسئله من النوع ده
والحمد لله بردو الاي تي كان كويس بالنسبه ليا وتقريبا هو احسن حاجه حليت فيها

ثالثا واخيرا :: كان امتحان ال IQ
كان الاي كيو بردو 35 جمله زي الاي تي
وكان كويس الى حد ما يعني مكنش صعب زي ما ناس كتير شكت منه
يعني انا شايف انه الى حد ما شغاال يعني ومش سهل بردو
كان في اسئله منه زي فوازير كانوا تقريبا 10
وكان في اسئله بتاعت الارقام اللى هي يجيبلك كام رقم كده ويجيبلك في الاخر رقم ناقص ويطلب منك تحسبه ودي كانت بردو تقريبا 10 جمل او اكتر
الباقي بقى كان على هيئة اشكال
وفي حاجات مفهتمش كان عايز ايه الصراحه هههههههه :)
اهم حاجه لاحظتها في الاسئله دي يا جماعه ان الاسئله مش مترتبه من ناحية الصعوبه يعني مش السهل الاول وكده
لا ده كانوا بدأين بالصعب الاول وبعد كده السهل وبعدين الاسئله العاديه
وفي كمان حاجه حصلت واحنا في الاب الراجل اللى كان بيراقب علينا قال ان اللى مش عارف سؤال ولا حاجه ممكن يدوس نكست وبعدين يحله في الاخر
طبعا ناس كتيييير وانا اولهم الصراحه جه في دماعهم انه زي نظام امتحان icdl
طبعا اللى دخله عارف انك لو عديت اسئله هتظهرلك في الاخر بالترتيب اللى انت سايبه وتحلهم
لا في المنحه بقى لما تخلص انت اللى ترجع للاسئله اللى انت سبتها مش هي هتجيلك يعني ورا بعض وكده هتقعد ترجع الاسئله كلها لحد ما تلاقي اللى انت سايبه
طبعا ده تضيع وقت وناس كتير مش حافظه ارقام الاسئله اللى سابتها فده عمل لغبطة كبيره للناس
والله انا من غير ما اعرف الحوار ده قولت مش هسيب حاجه عشان متاكد ان الوقت مش هيكفي اصلا
وفعلا والله الحاجات اللى مكنتش عارفها كنت بضرب اي اجابه وخلاص
قولت يعني انا الوقت مش هعرف اجاباتهم وفي الاخر الوحي هينزل واحلهم صح هههههههه ماكده كده هختار اي حاجه
كده الحمد لله خلاص خلص الامتحان
والحمد لله حليت فيه كويس ادعولي بس انجح وادخل المنحه وربنا يوفقنا جميعااااااا

مشكورررررررررررررررررررررررررررررررررررررررررررررر رررررررعلى المجهود

مشكووووووووووووووووووووور
على المجهود الرائع والممتاز
ولكن المستوى الرابع لا يعمل
بالاضافة إلى المستوى الثامن غير ومجود؟؟ رجاء الرد

فامبير ياريت ترفع لنا ليفل 8 لانه مش موجود
وانا عايز اشوفه لو سمحت

Latco Training & Technology Center
مكتب لاتكو للمحاسبة (خبراء فى مجال المحاسبة والضرائب والدورات العلمية فى هذا المجال ) نقابةالتجاريين

محاسبون قانونيون - خبراء ضرائب
<الدورة المتكاملة>
فى اعداد الحسابات الختامية والميزانية
دفترى - كمبيوتر
*تدريب محاسبين.. تأسيس شركات
*دبلومة المحاسبة الالكترونية
* دبلومة المدير المالى
*دبلومة المحاسب المالى المحترف
*حيث يمكنك المكتب من اعداد القيد المحاسبى - التسجيل باليومية الامريكية - اعداد موازين المراجعة - قائمة الدخل - قائمة المركز المالى - قائمة التدفقات النقدية دفتريا وباستخدام الكمبيوتر ومحاسبة شركات صناعية وشرح التحليل المالى والتعامل مع البنوك والمحاسبة
الخدمية
تتميزبأساتذة جامعيين ممتخصصين وباسعار منافسة
كما يوجد تخفيضات للمجموعااات
ت/01009509300 – 01221778134 –24845360

تمااااااام كل حاجة و زي الفل
طب انا دلوقتي في سنة تانية اكتواري و نتيجتي دايما بتتأخر عن المواعيد الطبيعية للكلية ......... هيبقى ايه الحل ؟؟؟؟؟