كل مايخص النتيجة من استفسارات (تقديرات / درجات رأفة .. الخ) [الأرشيف]

مشاهدة النسخة كاملة : كل مايخص النتيجة من استفسارات (تقديرات / درجات رأفة .. الخ)

vampire1188

11-03-2010, 01:35 AM

بسم الله الرحمن الرحيم

مبروك لكل الناجحين
واللي شايلين مواد ياريت يشدوا حيلهم شوية
وان شاء الله ربنا يكرمهم في الترم دا ويعدوا على خير

المهم

دلوقتى كل اللي جاب النتيجة بيسأل سؤالين لا ثالث لهما

السؤال الأول
ايه هيا التقديرات وبتتحسب ازاي
؟؟؟

السؤال التانى
انا شايل مواد وعايز اعرف ايه نظام درجات الرأفة
؟؟؟

فتحوا دماغكوا بقى معايا كدا

السؤال الأول

مبدأياً التقديرات كالآتى

> بالنسبة للمواد <
من صفر لـ 6
ضعيف جدا
من 7 لـ 9
ضعيف
من 10 لـ 12
مقبول
من 13 لـ 15
جيد
من 16 لـ 17
جيد جداً
من 18 لـ 20
امتياز

بالنسبة للمجموع العام
المجموع الكلى للسنة الدراسية 200
(بواقع 100 لكل تيرم)

من صفر لـ 30
ضعيف جدا
من 31 لـ 50
ضعيف
من 50 لـ 64
مقبول
من 65 لـ 79
جيد
من 80 لـ 89
جيد جداً
من 90 لـ 100
امتياز

كام ملحوظة بقى صغيرة كدا على التقديرات دي

1- التقدير للمجموع الكلى مابيتحسبش الا في آخر السنة (يعني الترم التاني)

2- اللي بيشيل مادة واحده بيتكتبله في التقدير العام (منقول بمادة)

3- اللي بيشيل مادتين بيتكتبله في التقدير العام (منقول بمادتين)

4- اللي بيشيل اكتر من مادتين بيكتبله في التقدير العام (باقى للإعادة)

5- لو انتا شايل مادة واحده
بس مجموعك جايب الجيد (فوق الـ 130) مش هايتحسبلك التقدير وهايتكتب منقول بمادة

السؤال التانى

دا بقى خاص بدرجات الرأفة

طبعاً أكيد تلات تربع الكلية كانت بتتكلم عن درجات الرأفة

وكله بيقعد يفتى في اي حاجة ويقول اي كلام
وواحد يطلع يقولك الدكتور الفلانى قال كذا
والدكتور العلانى قال كذا

فككوا من كل الكلام دا واقروا الكلمتين اللي هاقولهم دول للآخر

1- درجات الرأفة 4 درجات للطلبة العاديين
6 درجات للطلبة الباقيين للإعادة

2- الدرجات دي مابتضافش الا في اخر السنة
يعني مافيش درجات بتتضاف في نص السنة

3- الأربع درجات دول استحالة يتحطوا في مادة واحده

4- الدرجات دي مش لكل من هب ودب
يعني ماحدش يجيب 16 من 20
وييجي يقولي انا عايز 4 درجات رأفة
!!!

4- الدرجات دي معمولة فقط عند تغيير الحالة سواءا على مستوى كل مادة على حدة
أو
على مستوى المجموع ككل

يعني ايه بقى تغيير الحالة ؟؟؟

يعني لو الاربع درجات دول اتضافولك
هايغيروا حالتك

يعني لو شايل مادة واتحطلك درجات الرأفة دي هاتحولك المادة من السقوط للنجاح

ولو انتا مجموعك جايب مقبول واتحطلك درجات الرأفة دي هاتحولك المجموع من مقبول لجيد

وهكذا ....

نيجي نطبق عملى بقى على الحالات اللي بتحصل

الحالة الأولى
شايل مادة وجايب فيها 6 او اقل
(بص في رقم 3 فوق وانتا تعرف)

الحالة التانية
شايل مادة وجايب فيها 8
(تترفعلك في حالة انك تجيب صافى الترم التانى
أو
تشيل مادة في الترم التاني وتجيب فيها 8
وساعتها هايتحطلك درجتين في المادة الاولانية
ودرجتين في المادة التانية
وتطلع صافى للسنة اللي بعدها)

الحالة التالته
شايل مادتين
الاولى 7 والتانية 8
(لو شيلت مادة تالته في الترم التاني هاتترفعلك المادة اللي جايب فيها 8 وتطلع السنة اللي بعدها بمادتين
أما لو طلعت صافى الترم التانى هاتشيل برده المادتين)

الحالة الرابعة
شايل مادتين
الاولى 8 والتانية 8
(لازم تطلع صافى الترم التاني عشان الرأفة هاتتحطلك في المادتين دول وتطلع صافى
لكن لو شيلت مادة زيادة عليهم هاتطلع بيهم كلهم)

الحالة الخامسة
شايل مادة واحده وجايب فيها 7
(تترفعلك بشرط انك تطلع صافى الترم التاني
لكن لو شيلت مادة معاها الترم التاني هاتطلع بالمادتين)

الحالة السادسة
شايل 3 مواد
8 / 8 / 7
(هاتترفعلك المادتين الاولانيين وهاتشيل المادة التالته اللي انتا جايب فيها 7
ودا في حالة واحده بس انك تطلع صافى الترم التانى
غير كدا هاتعيد السنة للأسف)

الحالة السابعة
شايل 3 مواد
5 / 6 / 6
(اقفل الموضوع واخرج وماتجيش تانى)
!!!

أظن انا كدا جمعت كل الحالات اللي المعظم تعرض عليها

وفى النهاية نصيحة من أخ ليكوا

أظن انتوا اتعلمتوا كويس من الترم دا وخدتوا خبرة

ياريت بقى اللي ييجى يذاكر ويخش الامتحان يطير فكرة درجات الرأفة دي من دماغه واوعى يعتمد عليها

كل واحد فيكوا يخش الامتحان عشان يجيب الدرجة اللي هوا عايزها .. مش عشان ينجح وخلاص

وعموما
أى سؤال انا تحت أمركوا

mina_totti65

11-03-2010, 01:44 AM

جامد اوووووووى الموضوع ده يا فامبير

ahmedal3mda

11-03-2010, 02:09 AM

معلش استفسار ادارة الاعمال جبت فيها 12 والمادة دى بينى وبين نفسى كنت حاطت فى دماغى ان اجيب فيها 19 واللى كان بيدينى المادة دى د\ احمد فهمى جلال هل ممكن تفرق لدرجة دى واية اللى اقدر اعملة خصوصا ان لولا المادة دى كان زمانى جايب امتياز

ahmedal3mda

11-03-2010, 02:30 AM

لاحسن ان هتجنن ومادة زى دى ممكن متدنيش ثقة فى بقية الدكاترة بعد كدة وهل لو عملت التماس ممكن يجيب نتيجة

vampire1188

11-03-2010, 02:31 AM

معلش استفسار يافمبير انا الحمد لله جبت فى 3 مواد 19 ومادة 18 لكن ادارة الاعمال جبت فيها 12

ياااااااه .. ليه بس كدا يا أحمد حرام عليك يا جدع

زعلتني بجد .. يعني جت ع المادة دي وماتعرفش تشد حيلك فيها وتجيبلك فيها 18 ولا 19

عموما يالا كل اللي ربنا يجيبه كويس .. كله خير خير

بس عموما ان شاء الله عايزك تستمر على المستوى اللي انتا فيه دا وبإذن الله اتوقعلك انك تطلع من الاوئل

بالنسبة لسؤلك بقى .. مافيش وسيلة رسمية غير انك تعمل التماس في شئون الطلبة بتاعة الكلية

ودي بـ 10 جنيه .. وهاتنزل بعد اسبوعين غالبا من دلوقتى

بس المشكلة ان نسبة النجاح في التظلم قليلة جدا جدا جدا

يعني ممكن من ضمن 2000 مقدمين تظلم يعدلوا في درجات 4 او 5 بس

فانتا لو عايز تقدم مافيش مشاكل .. ولو مش عايز برده مافيش مشاكل

كدا كدا انتا ماشاء الله يعني جايب درجات ممتازة

ربنا يقويك يابنى .. ونصيحة منى ليك ابقى اعمل تحرير للرد الاولانى عشان هاتتحسد

ahmedal3mda

11-03-2010, 02:35 AM

ياااااااه .. ليه بس كدا يا أحمد حرام عليك يا جدع

زعلتني بجد .. يعني جت ع المادة دي وماتعرفش تشد حيلك فيها وتجيبلك فيها 18 ولا 19

عموما يالا كل اللي ربنا يجيبه كويس .. كله خير خير

بس عموما ان شاء الله عايزك تستمر على المستوى اللي انتا فيه دا وبإذن الله اتوقعلك انك تطلع من الاوئل

بالنسبة لسؤلك بقى .. مافيش وسيلة رسمية غير انك تعمل التماس في شئون الطلبة بتاعة الكلية

ودي بـ 10 جنيه .. وهاتنزل بعد اسبوعين غالبا من دلوقتى

بس المشكلة ان نسبة النجاح في التظلم قليلة جدا جدا جدا

يعني ممكن من ضمن 2000 مقدمين تظلم يعدلوا في درجات 4 او 5 بس

فانتا لو عايز تقدم مافيش مشاكل .. ولو مش عايز برده مافيش مشاكل

كدا كدا انتا ماشاء الله يعني جايب درجات ممتازة

ربنا يقويك يابنى .. ونصيحة منى ليك ابقى اعمل تحرير للرد الاولانى عشان هاتتحسد
الف شكر على الرد هاعمل التماس وخلاص اهو امل موجود احسن مما فيش

mahmoud_khedr

11-03-2010, 02:49 AM

موضوع فى وقته شكرا يافامبير على التوضيح

الأميـرمحمد

11-03-2010, 03:43 AM

السلام عليكم ورحمه الله وبركاته
متشكر جداً يا فامبير
4- الدرجات دي معمولة فقط عند تغيير الحالة سواءا على مستوى كل مادة على حدة
أو
على مستوى المجموع ككل يعني مثلاً لو طالب جاب في السنة 127 مجموع كلي (مقبول) وطالع صافي
يضافله درجات الرأفة يبقي 130 ( جيد ) ... ؟؟؟ ولا ايـــه ؟؟

OOSSAAMMAA

11-03-2010, 06:12 AM

لو سمحت ممكن تفدني انا جايب 6قي المحاسبه و7في السلوكيه و7في الموارد
وانشاء الله هشد حيلي الترم االثاني ياتره في امل اني اعدي :blush:
اسف اللأطاله

mo7amedshiko

11-03-2010, 10:56 AM

التؤمان

11-03-2010, 11:21 AM

حلو اوووووووووووووووووى الموضوع دا يا فميبر انا عارفة انى نتيجتك لسة ماطلعتش بس يارب تجيب امتيااااااااااااااااااااااااز

ahmed610

11-03-2010, 11:43 AM

مجهود كبير واللة يا فامبير احنا المفروض نعملك تمثال جمب العيوطى ...كنت عايز اسألك سؤال هو ينفع الواحد يستعمل الاربع درجات رأفة عشان يرفع التقدير يعنى لو فاضلة على التقدير الى بعدة اربع درجات وهو ما استعملش الرأفة يخدهم ولا هما ثلاث درجات بس ........ ربنا معانا نتيجتنا شكلها الاسبوع الى جى

theorcs

11-03-2010, 12:14 PM

ن صفر لـ 30
ضعيف جدا
من 31 لـ 50
ضعيف
من 50 لـ 64
مقبول
من 65 لـ 79
جيد
من 80 لـ 89
جيد جداً
من 90 لـ 100
امتياز

هل دا معناه أن لو مجموعى 100 أجيب أمتياز ؟

thenour1992

11-03-2010, 03:11 PM

انا دلوقتى جايب فى مادة 8 وواحدة 7 والى جايب فيها 8 انا كنت عامل حسابى مش اقل من 14 او 15 فا انا هروح اعمل التماس وان شاء ربنا ينصفنى بس ياريت تقولى الالتماس ايه نظامه
حسبى الله ونعم الوكيل

vampire1188

11-03-2010, 04:17 PM

يعني مثلاً لو طالب جاب في السنة 127 مجموع كلي (مقبول) وطالع صافي
يضافله درجات الرأفة يبقي 130 ( جيد ) ... ؟؟؟ ولا ايـــه ؟؟

بالظبط كدا .. ودا عشان لو انتا مثلا انتساب وعايز تحول انتظام بيحولوك

vampire1188

11-03-2010, 04:30 PM

لو سمحت ممكن تفدني انا جايب 6قي المحاسبه و7في السلوكيه و7في الموارد
وانشاء الله هشد حيلي الترم االثاني ياتره في امل اني اعدي

اه ان شاء الله .. بشرط انك لازم طلع صافى الترم التاني

في الحالة دي هايحطولك 3 درجات في السلوكية أو الموارد على حسب نصيبك

وهاتشيل المحاسبة و مادة تانية معاها من السبعتين التانيين

لكن لو شيلت مادة اضافية الترم التاني حتى لو جيبت فيها 8 للأسف هاتعيد السنة في كل المواد اللي انتا شيلتها

vampire1188

11-03-2010, 04:43 PM

ارجوك يافامبير قولى اية العمل

انا مدبلر السنة دى وكان عليا 100 جنية من السنة اللى فاتت والسنة دى لسة مدفعتش مصاريف وجيت اشوف النتيجة

لقيت لقد تم حجب نتيجتكم

قولى ادفع الفلوس واعرف النتيجة امتى وازاى

تروح الشئون تطلب منهم دفع المصاريف .. هايديك اذن الدفع

تروح بإذن الدفع دا للخزنة بتاعة الكلية (هاتلاقيها قدام مدرج ج ، د الناحية التانية)

هاتديله اذن الدفع والفلوس .. هاتستنى شوية لغاية ماينده اسمك ويديك 3 ورقات

ورقتين كبار + ورقة صغيرة .. الورقة الصغيرة دي مهمة عشان هاتستلم بيها الكارنيه

المهم هاتروح بالورق دا للشئون تاني ومعاك صورة شخصية

وتقوله انا عايز اعمل اثبات دفع مصاريف .. وتديله الصورة

هما من جوا هايقوموا شايلين الحجب على النتيجة ويعلنوهالك

بعدها باسبوع كدا تروح تستلم الكارنيه بتاعك وقشطة اوي

ربنا معاك يا بوب

vampire1188

11-03-2010, 04:46 PM

مجهود كبير واللة يا فامبير احنا المفروض نعملك تمثال جمب العيوطى

ههههههههه ياريت .. عشان يسموها منطقة المتفمبرين !!

كنت عايز اسألك سؤال هو ينفع الواحد يستعمل الاربع درجات رأفة عشان يرفع التقدير يعنى لو فاضلة على التقدير الى بعدة اربع درجات

لا بيتحطولك عادي ومافيش مشاكل

التلات درجات دي بتبقى في حالة المواد بس

vampire1188

11-03-2010, 04:47 PM

هل دا معناه أن لو مجموعى 100 أجيب أمتياز ؟

امتياز في الترم الاول بس .. ماتنساش ان الترم التاني عليه 100 هوا كمان

وكدا كدا مافيش تقدير بيتحسب في الترم الاولاني .. احنا مابينا وبين بعض كدا بنحسبه جزافا مش اكتر

لكن رسمياً مافيش تقدير في الترم الاول

vampire1188

11-03-2010, 04:53 PM

انا دلوقتى جايب فى مادة 8 وواحدة 7 والى جايب فيها 8 انا كنت عامل حسابى مش اقل من 14 او 15 فا انا هروح اعمل التماس وان شاء ربنا ينصفنى بس ياريت تقولى الالتماس ايه نظامه

هاتروح للشئون (الشباك بتاع فرقتك) وتقولهم عايز اعمل التماس ..

هايقولك قولي عدد المواد واساميهم ..

مع ملاحظة ان كل مادة بتعملها التماس بتدفع عليها 10 جنيه

هايديك اذن دفع تروح تدفعه في الخزنة اللي هاتتلاقيها زحمة طحن طبعا

الدفع هايقى في الخزنة اللي جوا المبنى الرئيسي مش الخزنة اللي بتدفع فيها المصاريف

بعد ماتدفع استنى اسمك يتنده عليه .. هاتاخد الورق وترجع بيه للشئون وتديهولهم

ويبقى تمام كدا .. استنالك بقى شهرين ولا حاجة على بال ما نتيجة الالتماس تطلع وربنا يكرم

trekaahmed

11-03-2010, 05:33 PM

طيب انا دلوقتى جايب فى الرياضة 7 وفى المحاسبة 4 انا بقى لو طلعت الترم التانى صافى الرياضة ديت تترفع و اطلع بمادة واحدة بس وهى المحاسبة ممكن الشرح

a7mad 3eed

11-03-2010, 06:59 PM

طيب انا دلوقتى جايب فى الرياضة 7 وفى المحاسبة 4 انا بقى لو طلعت الترم التانى صافى الرياضة ديت تترفع و اطلع بمادة واحدة بس وهى المحاسبة ممكن الشرح
بص للملحوظه رقم 4 فى اول الموضوع اللى بتقول
يعنى الدرجات دى مش بتتضاف الا لو كانت هتغير حالتك مثلا من النجاح للسقوط او عشان ترفع تقديرك او عشان تطلع صافى لكن انت فى الحاله دى مينفعش تترفع فى ماده وتشيل ماده واحده بس
معلش انا اللى رديت عليك اصل انا زيك كده بالظبط

invent_yas2020

11-03-2010, 09:06 PM

جزاك الله خيرا يا فمبير

vampire1188

11-03-2010, 09:11 PM

حلو اوووووووووووووووووى الموضوع دا يا فميبر انا عارفة انى نتيجتك لسة ماطلعتش بس يارب تجيب امتيااااااااااااااااااااااااز

من بقك لباب السما يااااااااارب .. ولو اني عارف انها مش هاتيجي

انا اخرى جيد جدا ..دا ان جت اصلا !!

عموما ربنا يجيب اللي فيه الخير .. انا سايبها على الله وعايش

تيجي حلوة بقى او تيجي وحشه مش فارقة

اميره بكلمتى

11-03-2010, 09:31 PM

السلام عليكم
لو سمحت انا جايبه 7 فى السلوكيه مجموعى كله 63 والسبب طبعا ماده السلوكيه الله يسامح الى كان السبب والى منكد على الطلاب كلهم فى الماده اعمل ايه استنى الرافه ولا اقدم التماس وهل فى فرق بين الالنماس والتظلم ولا الاتنان واحد
لو سمحتوا ممكن تجوبوا عليه فى اسرع وقت
اسفه على الاطاله :(
اميره بكلمتى

trekaahmed

11-03-2010, 10:36 PM

طيب انا لو فى اخر السنة طلعت بمادتين كل واحدة 7 ومادة ثالثة جايب فيها 4 هل هعدى و لا هعيد السنة

vampire1188

11-03-2010, 10:44 PM

لو سمحت انا جايبه 7 فى السلوكيه مجموعى كله 63 والسبب طبعا ماده السلوكيه الله يسامح الى كان السبب والى منكد على الطلاب كلهم فى الماده اعمل ايه استنى الرافه ولا اقدم التماس

الالتماس مش هايعمل حاجة .. لان زي ماقولت نسبة النجاح فيه ضعيفة جدا جدا جدا

عشان كدا ان شاء الله تشدى حيلك كدا الترم دا وظبطى حالك واطلعى صافى (بجيد)

عشان يحطولك الرأفة في السلوكية وتطلعى صافى أو تحولى انتظام (لو كنتى انتساب يعني)

وهل فى فرق بين الالنماس والتظلم ولا الاتنان واحد

الاتنين واحد ومافيش اي فرق

اميره بكلمتى

11-03-2010, 10:59 PM

ميرسى على ردك السريع وجزاك الله خير
معلش انا بتقل عليك يعنى فى امل ولو واحد فى الميه ان الالتماس يترفع واعدى الترم ده انا محبطه ولو محصلش حاجه هياثر معايا جامد الترم التانى
ميرسى مره تانيه
ولو تعرف الالتماس ده بيتقبل على اى اساس

vampire1188

12-03-2010, 12:29 AM

ميرسى على ردك السريع وجزاك الله خير
معلش انا بتقل عليك يعنى فى امل ولو واحد فى الميه ان الالتماس يترفع واعدى الترم ده انا محبطه ولو محصلش حاجه هياثر معايا جامد الترم التانى

الالتماس معروف ان نسبة القبول فيه ضعيفة جدا جدا

ولا تتجاوز الـ 2 % من عدد اللي مقدمين التماسات

وعموما قدمي براحتك .. ماحدش هايقولك حاجة يعني

ولو تعرف الالتماس ده بيتقبل على اى اساس

مبدأياً عشان تبقى عارفه الالتماس دا مش بيتم فيه تصحيح الورقة

لا كل اللي بيحصل انهم بيعملوا لجنة كاملة اسمها لجنة الالتماسات

بيرأسها دكتور من الدكاترة وغالباً بيكون وكيل الكلية

وبيفتحوا ورق الاجابة بتاع الطلبة اللي مقدمين التماسات

وبيعيدوا تجميع الدرجات من اول وجديد للمادة المتعلق بيها الالتماس دا

وبالتالى الالتماس مابيتمش فيه اعادة تصحيح الورقة

عشان كدا نسبة قبول الالتماس ضعيفة جدا .. لان غلطات التجميع بتبقى قليلة

الا اذا بقى كان مثلا الدكتور كتب 5 بدل 15

او حط 8 بدل 18 .. او 1 بدل 10 .. كدا يعني .. فالحاجات دي بتتراجع في الالتماسات

لكن كتصحيح مافيش طبعا .. طالما الدكتور حط الدرجة عمر ما الورقة تتصحح تاني

حتى لو كان التصحيح غلط .. الدرجة اتحطت خلاص انسى

OOSSAAMMAA

12-03-2010, 04:51 AM

اه ان شاء الله .. بشرط انك لازم طلع صافى الترم التاني

في الحالة دي هايحطولك 3 درجات في السلوكية أو الموارد على حسب نصيبك

وهاتشيل المحاسبة و مادة تانية معاها من السبعتين التانيين

لكن لو شيلت مادة اضافية الترم التاني حتى لو جيبت فيها 8 للأسف هاتعيد السنة في كل المواد اللي انتا شيلتها
ربنا يبشرك بلخير يباشا والف شكر ليك وربنا يوفقك

الامل والسعادة

12-03-2010, 09:41 AM

ممكن اسال سؤال لية نسبة الظلم كبيرة اووووووووووووووووووى السنة دى هما بيحبطونا من اول سنة والالتماس نسبة ضعيفة طب نعمل اية نسبها على الله اكيد شايلنا احسن المهم نرضى بالامر الواقع فى مادة جايبه فيها 5 ومادة 6 وانشاء الله هطلع صافى الترم التانى بس يبعدوا عننا الظلم كدة ايه نظامى

invent_yas2020

12-03-2010, 11:56 AM

لو سمحت يا فمبير
كنت بسألك لو بتعرف اى حاجه عن التقديرات فى جامعة حلوان (تربيه تعليم اساسى درسات)
او بمعنى اصح يعنى ايه(راسب تحريري) ويعنى ايه صعيف ويعنى هوا كده هيطلع تانيه بيهم ولا ايه لو عدى الترم التانى صافى باذن الله لو تعرف رد عليا
ولوسمحت بسرررررررعه علشان هوا حالته متدمره
وربنا يوفقكم الترم التانى
والسلا عليكم

thenour1992

12-03-2010, 01:34 PM

اووووووووووووووووووووووووف

اسف

vampire1188

12-03-2010, 04:21 PM

ع فى مادة جايبه فيها 5 ومادة 6 وانشاء الله هطلع صافى الترم التانى بس يبعدوا عننا الظلم كدة ايه نظامى

خساااارة .. كدا للأسف متشالين معاكي للسنة الجايه لا محالة

لازم تطلعى صافى السنة الجايه

أو انك تشيلي مادة فيها 7 (هايتحطلك فيها 3 رأفة)

أو تشيلي مادة فيها 8 (هايتحطلك فيها 2)

أو تشيلي مادتين فيها 8 (هايتحطلك في كل واحده 2)

وأى احتمال تاني غير التلات احتمالات دول للأسف هاتبقى مهددة انك تعيدى السنة بالكامل

(انا آسف انى بقولك كدا .. بس دا الواقع ولازم اعرفك)

لكن من الاخر .. المادتين بتوع الترم دا معاكي السنة الجايه بدون نقاش

شدى حيلك بقى وذاكرى وربنا يوفقك

a7mad 3eed

12-03-2010, 04:28 PM

اووووووووووووووووووووووووف

اسف

ايه ياحبيبى مالك؟؟؟؟

vampire1188

12-03-2010, 04:29 PM

او بمعنى اصح يعنى ايه(راسب تحريري)

راسب تحريري دي ياسيدي يعني شايل المادة لا محالة وهاتبقى معاه السنة الجايه

لان مافيش أمل انها تترفعله .. لان كل اللي حصل انه هوا عك في الامتحان التحريري

عشان كدا ماحطلوش درجات أعمال السنة .. وبالتالى شالها

ويعنى ايه صعيف

ضعيف دي يعني جايب درجة أقل من النجاح ..

وبما ان هوا سنة اولي 2010 .. فابينطبق عليه اللائحة الجديدة

اللي هيا بتقول ان النجاح بيحسب من 60% من مجموع المادة الكلى

فاتقدير ضعيف دا ممكن يتضافله درجات الرأفة اللى هيا تقريبا 12 درجة

بشرط اساسى .. انه لازم يطلع صافى الترم التانى

واضافة درجات الرأفة دي بتبقى شئ تناسبى واللى يقدر يحسم الأمر دا وكيل الكلية

فايفضل انه يروح يسأله بنفسه عشان يعرف هايتضافله الرأفة ولا لأ

thenour1992

12-03-2010, 07:15 PM

ايه ياحبيبى مالك؟؟؟؟ مفيش شلت مادتين واحدة جايب فيها 8 وواحدة 7 طبعا اول لما عرفت اتصدمت بعد كدة قلت لا يا واد يا نور ده انت كدة واحدة بس والتانية هتتخلص منها بدرجات الرافة عرفت بعد كدة انى هطلع بالمادتين دول السنة الجاية (مهما حصل )
فا زهقت مع انى والله حرام اشيل سلوكية بس الحمد لله وهقدم التماس وتروح عليا ال10 باوند وخلاص:d

محمود المخترع

13-03-2010, 11:01 AM

راسب تحريري دي ياسيدي يعني شايل المادة لا محالة وهاتبقى معاه السنة الجايه

لان مافيش أمل انها تترفعله .. لان كل اللي حصل انه هوا عك في الامتحان التحريري

عشان كدا ماحطلوش درجات أعمال السنة .. وبالتالى شالها

ضعيف دي يعني جايب درجة أقل من النجاح ..

وبما ان هوا سنة اولي 2010 .. فابينطبق عليه اللائحة الجديدة

اللي هيا بتقول ان النجاح بيحسب من 60% من مجموع المادة الكلى

فاتقدير ضعيف دا ممكن يتضافله درجات الرأفة اللى هيا تقريبا 12 درجة

بشرط اساسى .. انه لازم يطلع صافى الترم التانى

واضافة درجات الرأفة دي بتبقى شئ تناسبى واللى يقدر يحسم الأمر دا وكيل الكلية

فايفضل انه يروح يسأله بنفسه عشان يعرف هايتضافله الرأفة ولا لأ
ربنا يبارك فيك يا فمبير انتا المفروض تكون عضو خبير:d مش فى جامعة القاهره بس لاء على ستوى جامعات العالم:d انتا استااااااااااااااااذ:d

trekaahmed

13-03-2010, 02:38 PM

انا شايل مادة جايب فيها 4 ومادة جايب فيها 7 مفيش امل خالص حتى لو طلعت الترم الثانى صافى ان المادة اللى جايب فيها 7 تترفع واطلع بالمادة اللى جايب فيها 4

vampire1188

13-03-2010, 09:45 PM

انا شايل مادة جايب فيها 4 ومادة جايب فيها 7 مفيش امل خالص حتى لو طلعت الترم الثانى صافى ان المادة اللى جايب فيها 7 تترفع واطلع بالمادة اللى جايب فيها 4

لأ لان في اي حال من الاحوال هاتشيل مادتين برده

Magician Boy

14-03-2010, 03:29 AM

يا جماعة انا جايب درجاتى كده

15

10

7

4

5

هو انا كده هعيد السنة لو مجبتش مواد الترم التانى

ولا هطلع بمادتين لو عديت نضيف و مجبتش مواد الترم التانى

a7mad 3eed

14-03-2010, 04:17 AM

يا جماعة انا جايب درجاتى كده

15

10

7

4

5

هو انا كده هعيد السنة لو مجبتش مواد الترم التانى

ولا هطلع بمادتين لو عديت نضيف و مجبتش مواد الترم التانى

لو طلعت صافى ان شاء الله الترم التانى هاتترفعلك الماده اللى انت جبت فيها 7 دى وهتطلع بمادتين اللى هما 5و4 باذن الله (قول يارب )

OOSSAAMMAA

14-03-2010, 06:28 AM

a7mad 3eed

14-03-2010, 04:32 PM

:oالسلام عليكم ورحمه الله وبركاته
لو سمحت يافمبيرو انا جايب
7
7
6
سألت حضرتك قولتلي لو طلعت صافي الترم التاني هيترفعلك سبعه من دول واطلع بمدتين
السوال بقا واحد قالي ان درجات الرأقه 6 يعني هيتحطلك 3هنا و3هنا واطلع بلماده الي جايب فيها 6 !!!
هل هذا صحيح؟؟؟
واسف لو طولت علي حضرتك
لالالالالالالالالالالا الكلام ده مش صح خالص عشان درجات الرأفه دى 4 بس مش 6 ومش بيتحطو كلهم فى ماده واحده لكن هما مش 6
1- درجات الرأفة 4 درجات للطلبة العاديين
6 درجات للطلبة الباقيين للإعادة

وبعدين هوا كاتب كده فى اول الموضوع الا بقى لو انتا باق!!!!!!!

The MIGHTY

15-03-2010, 06:35 PM

يعنى اكيد ان لسة فى درجات رأفة لان انا سمعت ان هما لغوها
او فى اتجاه لألغائها لانها غير دستورية......هل الكلام دة صحيح

vampire1188

16-03-2010, 12:29 AM

يعنى اكيد ان لسة فى درجات رأفة لان انا سمعت ان هما لغوها
او فى اتجاه لألغائها لانها غير دستورية......هل الكلام دة صحيح

موجودة يا مان ومافيش حاجة اتشالت .. كلها شائعات مش اكتر

sef_uwk

16-03-2010, 04:24 AM

طيب يا مان انا حوارى طويل فاستحميلنى لانى بجد مش فاهم
دلوقتى انا فى تانيه تانى سنه ليه
والسنه اللى فاتت اللى كانت اول سنه فى تانيه كنت شايل مادتين من اولى " يعنى ولعت"
المهم ماده اولى الترم الاول عديت منها وشلت 3 من تانيه وعيت السنه
فى الترم التانى خت 2 من تانيه كمان وبقى معايا 5 من تانيه والماده التانيه بتاعه اولى جبت فيها 8
واتقلى لانى عايد ف التامنيه دى معايا يعنى ماده اولى معايا تمام
السنادى بقى يبقى معايا 3 اول و2 تانى + فى التانى ماده اولى
فى الترم الاول عديت من اتنين والتالته جبت فيها 8 .. السؤال بقى اخيرا هل ليه درجات رأفه ف السنادى ولو عديت من 3 التانى ان شاء الله تترفع 8 واعدى صافى وهل اكيد معايا ماده اولى دى

حواااااااااااااار بس بجد انا مش فاهم ومستنى الرد

a7mad 3eed

17-03-2010, 03:55 AM

sokara_saleh

17-03-2010, 10:29 AM

دلوقتي انا جايبة الترم الاول في مادة6 لو غبت مثلا من مادتين الترم التاني يرفعولي المادة اللي جايبة فيها 6 ده ولا هعيد السنة مادام غياب معلش هتعبك ومرسيه علي المجهود الجميل

a7mad 3eed

17-03-2010, 02:38 PM

دلوقتي انا جايبة الترم الاول في مادة6 لو غبت مثلا من مادتين الترم التاني يرفعولي المادة اللي جايبة فيها 6 ده ولا هعيد السنة مادام غياب معلش هتعبك ومرسيه علي المجهود الجميل

اولا: 6 دى مش درجه رفع يعنى مش هاتترفع عشان درجات الرفع 4 درجات مش بيتحطوا كلهم فى ماده واحده
ثانيا: انتى ليه عايزه تغيبى فى المادتين التانيين دول يعنى؟

sef_uwk

17-03-2010, 05:56 PM

مش بقولك حوار
باختصار الباقى ليه درجات رأفه ولا لا

Help ME xD

18-03-2010, 12:15 AM

انا جبت 87% و جايب في السلوكية 16 وفي الموارد الاقتصاديه 17 وفي الرياضة 20 وفي المحاسبة 16 وفي الادرة 18
وانا مظلوم في السلوكية لاني كنت متوقع اني اجيب 19 وهل مجوعي دا يجيب امتياز لو اضافت ارقام الرأفة ؟

the black rose

18-03-2010, 05:29 PM

ياااااااه .. ليه بس كدا يا أحمد حرام عليك يا جدع

زعلتني بجد .. يعني جت ع المادة دي وماتعرفش تشد حيلك فيها وتجيبلك فيها 18 ولا 19

عموما يالا كل اللي ربنا يجيبه كويس .. كله خير خير

بس عموما ان شاء الله عايزك تستمر على المستوى اللي انتا فيه دا وبإذن الله اتوقعلك انك تطلع من الاوئل

بالنسبة لسؤلك بقى .. مافيش وسيلة رسمية غير انك تعمل التماس في شئون الطلبة بتاعة الكلية

ودي بـ 10 جنيه .. وهاتنزل بعد اسبوعين غالبا من دلوقتى

بس المشكلة ان نسبة النجاح في التظلم قليلة جدا جدا جدا

يعني ممكن من ضمن 2000 مقدمين تظلم يعدلوا في درجات 4 او 5 بس

فانتا لو عايز تقدم مافيش مشاكل .. ولو مش عايز برده مافيش مشاكل

كدا كدا انتا ماشاء الله يعني جايب درجات ممتازة

ربنا يقويك يابنى .. ونصيحة منى ليك ابقى اعمل تحرير للرد الاولانى عشان هاتتحسد

ههههههههههه
هو حرر
بس انت فاضحوا بالاقتباس بتاعك :d

karim a

19-03-2010, 12:27 AM

انا عاوزه اعرف حاجه دي درجاتي 4و7و6 في سنه تالته هترفع للي 7 صح وشيل مادتين لو صافي الترم التاني صح ولا

وفي ماده من سنه تانيه جيبه فيها 7 دي تترفع لوحده ولا مش تترفع ولا هعيد السنه
ارجو لافاده

نورهان جمال محمد

30-03-2010, 09:34 PM

ميرسى على المعلومات الجامدة دى بس انا مستنية النتيجة ادعولى

a7mad 3eed

31-03-2010, 08:30 PM

ميرسى على المعلومات الجامدة دى بس انا مستنية النتيجة ادعولى

ربنا معاااااااااااكى ومعانا

شيكاغوو

03-04-2010, 06:45 PM

افادكم الله

زائر غير مسجل

08-04-2010, 09:53 AM

انا طلعت بمادتين ضعيف جدا ومادة ضعيف وانا فى اولى انتساب ومش فاهمة حاجة خالص هل فى امل ولا هعيد؟؟؟؟؟؟؟؟؟؟؟؟؟؟؟؟؟؟؟؟
ارجوك رد عليا ضرورى

esraa bakeer

10-04-2010, 10:25 PM

لو سمحتم هو الي جايب ثلاثه مقبول و اثنين جيد و واحده امتياز و المجموع الكلي 65% يعني جيد بالضبط في امل انه يحول انتظام

vampire1188

11-04-2010, 02:06 PM

انا طلعت بمادتين ضعيف جدا ومادة ضعيف وانا فى اولى انتساب ومش فاهمة حاجة خالص هل فى امل ولا هعيد؟؟؟؟؟؟؟؟؟؟؟؟؟؟؟؟؟؟؟؟
ارجوك رد عليا ضرورى

يستحسن تكتبى الدرجات عشان اعرف حالتك بالظبط

ولكن في العموم انتي المادتين اللي جايبه فيهم ضعيف جدا دول متشالين لا محالة

اما بالنسبة للمادة الضعيف جدا دي هاتبقى يا 7 يا 8

لو كنتي جايبه فيها 7 يبقى ان شاء الله هاتتحطلك 3 درجات فيها وتتطلعى السنة الجايه بمادتين

بشرط انك تطلعي صافى في الترم التاني

لو كنتي جايبه فيها 8 يبقى هايتحطلك فيها 2 وهاتتطلعى السنة الجايه بمادتين

وهايبقى قدامك الفرصة انك تشيلي مادة كمان في الترم التاني بس تكوني جايبه فيها 8

في تلك الحالة هايتحطلك 2 في التمانية الاولانية و 2 في التمانية التانية وهاتطلعي السنة الجايه بمادتين

ودا طبعا بشرط انك تطلعي صافي الترم التاني

اذن في جميع الحالات انتى طالعة السنة الجايه بمادتين

vampire1188

11-04-2010, 02:08 PM

لو سمحتم هو الي جايب ثلاثه مقبول و اثنين جيد و واحده امتياز و المجموع الكلي 65% يعني جيد بالضبط في امل انه يحول انتظام

أكيد طبعاً .. بس المهم انك تكملي في الترم التاني على نفس المنوال دا

مها محمد عابدين

11-04-2010, 03:00 PM

أ إبنتى فى الترم الاول فى الفرقه الرابعه كليه حقوق حاصل على 9 , 9, 9, 13 , 8 نفسى اعرف هى تبقى ايه ايه الرافه فين

الطالبة العربية

01-03-2012, 11:49 PM

لو سمحتو انا فى سنة اولى وفى ثلاث مواد جبت فيهم الادارة 7 والسلوكية 8 والمحاسبة 7 هل لو عديت الترم التانى صافى المواد دى هتترفع ارجوكم انا حاسة ان دماغى هتنفجر ارجوكم ساعدونى

hamido said

04-04-2013, 10:48 AM

hamido said

04-04-2013, 10:50 AM

لو سمحت دي نتيجتي ابقي كدة ايه ياريت تطني عشان ارتاح

https://fbcdn-sphotos-d-a.akamaihd.net/hphotos-ak-ash3/528228_462147143858472_803906685_n.jpg

vampire1188

05-04-2013, 10:47 PM

لو سمحت دي نتيجتي ابقي كدة ايه ياريت تطني عشان ارتاح

ماكنتش حابب اقولهالك بس للأسف .. بــاقى للاعادة :(

rotanaash

02-04-2014, 05:55 PM

پ1ƒ9پ1†8پ1…1پ1†8پ1ƒ9پ1†9 پ1…7پ1†8پ1‡4پ1†7پ1†9
پ1ƒ9پ1‡0پ1ƒ9 پ1…7پ1ƒ9پ1‡4پ1…0پ1„1 پ1ƒ9پ1…7پ1„9پ1†5 پ1†9پ1…7پ1‡0پ1‡3 پ1ƒ9پ1†8پ1„9پ1†9پ1…0 پ1†8
پ1ƒ9پ1‡0پ1ƒ9 پ1„2پ1„4پ1ƒ9پ1„9پ1„1 پ1ƒ9پ1‡0پ1„2پ1…1پ1ƒ9پ1„0 پ1†5پ1„9پ1†6پ1‡1 پ1ƒ9پ1‡2پ1†8پ1‡4 پ1‡0پ1„2پ1‡4پ1„4پ1„2پ1‡4 پ1‡1پ1‡3
پ1†8
پ1†8
پ1„4
پ1„4
پ1‰9پ1‰7
پ1ٹ1پ1ٹ0
پ1‡0پ1†5پ1…1پ1‡4 پ1ƒ9پ1†5پ1‡1پ1†9 پ1ƒ9پ1„0پ1†6پ1ƒ9 پ1‡0پ1ƒ9پ1„4پ1„5پ1‡1 پ1‡2پ1†8پ1ƒ9پ1†8پ1ƒ9

teto2014

13-04-2014, 10:12 AM

بارك الله فيك:d

teto2014

13-04-2014, 10:31 AM

ما شاء الله والله اكبر

mohamed shref

25-07-2015, 06:06 AM

ممكن حضرتك تقولى اعمل ايه فى المشكله دى انا نزلت فى مادة فى الترم الاول وجايب فيها 7 والترم التانى نزلت برضو فى مادة وجبت فيها 8 انا كدة مليش درجات رائفه ولا لياا دراجات رائف

SpringDaughter

08-03-2016, 07:46 AM

لو سمحت يعني لو حد شايل مادتين ٨ ٨ و في الترم التاني اجتهد و طلع صافي و جاب تقديرات عالية في كل مادة و ليكن جيدا جدا في كله مثلا ،هل ده هيفرق معاه كويس في تقديره العام في اخر السنة ولا المادتين اللي شالهم هيقصروا عليه في تقديره جدا
و سؤال اخير هو من 50 ل 64 مقبول
ولا من 51 ل 64 عايزة اتأكد بس و اسفة علي الاطالة