مشاهدة النسخة كاملة : اصل بابا نقاش !!
..Just Stop 29-01-2010, 02:40 AM سلام عليكم
ازيكم اكيد كويسين انا عارف
بدل ما اضيع وقتكو فى مقدمة لا تودى ولا تجيب هدخل فى الموضوع علطول لان المقدمات بقت حاجة غبية
ولو انا كنت كتبت مقدمة كنتو استفدتو منها بدل الهجص اللى انا بقوله دا !!
عامة ندخل فى الموضوع
فى ناس كتير وهيا ماشية فى الشارع بتشوف حاجات غريبة
تحس انها فى مجتمع مصنوع من البلاستيك
سامع بنى ادم بيقول ( ايه علاقة دا بعنوان الموضوع )
هجاوب عليه بثقة شديدة وهقوله ( انت مالك بردو ):d
بنبص فى وشوش الناس بنشوف حاجات غريبة كائنات بلاستيكية
تضع كل منها سكينة معجون او ربما سكنتين لو كان كان الشغل واخد حقه
ويتحول لونها من الاسود الى القمحى ومن القمحى الى الابيض
لكن العجيب فى الامر انك تلاقى وجوه ناس ويكأنها عليها طبقة من الجير
وعند سؤالك لاحدهم تجد الجواب اننا نساير عصر الموضة والالوان
والجير هو اللى ماشى اليومين دول وهذا احد اسباب غلو سعر الجير
ان الطلب زاد عليه ممن يواكبون عصور الموضة
واضافة الى الجير نجد بعض الالوان الاخرى التى تخالط الجير كالذى يتم وضعه اعلى العين :028ja7:
الوان طبيعية كتير جدا وكأن الاخت اللى ماشية بتعمل دعاية لدهان ما ( مش هقول سكيب علشان محدش يقول بيعمل اعلان) :d
دا غير الالوان المتعددة اللى لما تبصلها تحس انك بتتفرج على لوحة تزكارية لقبر المدعو (....... ...اكمل مكان النقط 7 درجات ):d
لدرجة ان اى حد بيبقا ماشى فى الشارع بيحس انه ماشى فى وسط مجتمع صناعى
معدش فى مجتمع طبيعى من الدرجة الاولى كله دلوقتى بقا صناعى
خاصة مع ظهور نظرية البنات الصينى اللى غرقت السوق
بقينا نحس اننا فى اليابان او الصين كل الناس بقت شكل بعض بنفس درجة لون البشرة
من هنا جت نظرية المجتمع البلاستيكى القابل للتشكيل
لان البلاستيك زى منتو عارفين قابل للتشكيل وعند درجة حرارة اقل من 100 يسهل تشكيله
انا مش عارف ايه اللى جاب البلاستيك فى كلامى بس حظه كدا
ومش عارف ايه اللى جاب النقاش فى الموضوع يمكن علشان النقاش بيفضل يخلط الوان متعددة لحد ما يطلع له اللون اللى هو عاوزه
وهذا التشبيه اقرب الى ما يتم فعله من قبل الفتيات الذين يهوون النقاشة فى الاوجه اللى لسة تشطيب جديد
مش عارف ليه الهيافة خدتنى وخلتنى اكتب موضوع ممكن كتير اوى يقولو انه اقرب الى التفاهة من الهيافة ( زى منتا بتقول كدا دلوقت )
عزيزى الريدر انا عارف ان الموضوع مش هيعجبك بس انا كتبته علشان اغلس عليك لانى فاضى
وشكرا لكل بنى ادم وصل للسطر دا لان كالعادة محدش قدر يكمل الموضوع (دا ان صح تسميته موضوع )
والموضوع دا صناعى مش طبيعى بدليل ان الوانه مش متناسقة مع بعضها
تيك كير ونشوفكم فى مجتمع طبيعى على خير
دمتم فى رعاية الله
BaNZeR 29-01-2010, 02:54 AM كالعادة موضوع بلاستيك زي صاحبه وجاي في وقت صناعي مش وقت نحكي فيه :d
بس أكيد هو بيناقش قضية ومشكلة خشبية جداً في وضعنا الراهن
بغض النظر عن كمية الالوان والمواد التي تم ذكرها في الموضوع :d
احب أسجل اعجابي بالجملة
خاصة مع ظهور نظرية البنات الصينى اللى غرقت السوق
بقينا نحس اننا فى اليابان او الصين كل الناس بقت شكل بعض بنفس درجة لون البشرة
الواحد بدأ يحس بجد العرايس البلاستيك اللى بقت ماشية في الشارع كتير
وكلها شكل واحد !!!
تقعد تدور على حد جديد في الشارع متلاقيش
يلا ربنا يهدي :)
..Just Stop 29-01-2010, 03:15 AM كالعادة موضوع بلاستيك زي صاحبه وجاي في وقت صناعي مش وقت نحكي فيه :d
اه والله عندك حق
ومش عارف انت ليه مصمم تكتب بالاخضر مع ان مصر بتقول ان اللون الاخضر مضر بالصحة ويؤدى الى هطول الاهداف قد تصل الى اربعة فى ماتش واحد
بس أكيد هو بيناقش قضية ومشكلة خشبية جداً في وضعنا الراهن
بغض النظر عن كمية الالوان والمواد التي تم ذكرها في الموضوع :d
انا حاسس انى بتكلم فى مادة الماتريال لانها هى التى تختص بالحاجات دى الجير والبلاستيك وماشابه :d
احب أسجل اعجابي بالجملة
الواحد بدأ يحس بجد العرايس البلاستيك اللى بقت ماشية في الشارع كتير
وكلها شكل واحد !!!
معلش
مهو دا من مبدأ المساواة الناس سواسية حتى فى الشكل والمضمون ودرجة اللون وعدد طبقات الجير الموجودة على الوش وهذا ايضا تابع لتحرير المرأة!!
تقعد تدور على حد جديد في الشارع متلاقيش
حد قالك تبص على اللى رايح واللى جاى
صحيح من اسيوط :d
يلا ربنا يهدي :)
شكرا على المرور يا محمد
مش عارف ليه حاسس انك تنفع نقاش بردو عامة هنشوفك بردو واحتمال تبقا صنايعى معتبر خاصة مع زيادة الزباين فى الفترة الراهنة
ولا اراكم الله نقاش فى زبون لديكم
:d
دمتم فى رعاية الله
BaNZeR 29-01-2010, 03:21 AM شكرا على المرور يا محمد
مش عارف ليه حاسس انك تنفع نقاش بردو عامة هنشوفك بردو واحتمال تبقا صنايعى معتبر خاصة مع زيادة الزباين فى الفترة الراهنة
اهو نلاقي بقمة عيش خلال الـ60 سنة اللى حنستنى فيهم الشغل :d
..Just Stop 29-01-2010, 03:28 AM اهو نلاقي بقمة عيش خلال الـ60 سنة اللى حنستنى فيهم الشغل :d
علشان تعرف ان مصلحتك تهمنى
مرضيتش اسيبك عواطلى
ياللا ربنا يخلى الزباين
عندنا زبايين كتير على فكرة (منتا عارف بقا ):d
أبو إسراء A 29-01-2010, 06:37 AM جزاكم الله خيرا على الموضوع وربنا يهدى
*التـوأم المـزعج* 29-01-2010, 12:06 PM مش عارفين نبدأ منين ...!
اولاً تعليق على مبدأ الموضوع ..
اينعم انت استخدمت فيه كنايه واستعاره كتير ..
بس مايضرش ..
اهي مظهر جمال للموضوع برده ..
بس مش هننكر ان الموضوع ده بقى منتشر اوي ..
لكن سؤال رفيع عايزينله اجابه رفيعه برده ..
انتم ليه على طول بتبصوا لنص الكبايه الفاضي وتسيبوا المليان ..!
احنا مش هننكر ان كل العرايس والوان والدهنات اللي بتقول عليها دي بنشوفها كتير ..
واحيانا كتير بتحرق الدم لان الشكل بيبقى مستفز ..
بس ميمنعش انك ممكن متبصلهمش اصلاً ..
لانك لما بتبصلهم هيضر عينك ..
بس الدنيا لسه بخير ..
ولسه في امل في الهدايه ..
ربنا يهديهم ..
ننتقل بقى للنقطه التانيه والاخيره ..
ليه بتبصلنا احنا على طول ومش بتبصوا لنفسكم الاول ..!
بس ملحوظه صغيره ..
لازم تشوف من ده كتير ولسه هتشوف اكتر ..
عشان تثير مشكله والدنيا يبقى ليها طعم ..!
account closed 29-01-2010, 12:35 PM i hola !
que tal mahmod ?
buen tema
pero .......
la naturaleza siempre gana
muchas gracias
:p:p:p:p:p:p:p:p:p:p:p:p:p
lover rose 29-01-2010, 01:16 PM والله عندك حق
تضع كل منها سكينة معجون او ربما سكنتين لو كان كان الشغل واخد حقه
ويتحول لونها من الاسود الى القمحى ومن القمحى الى الابيض
لكن العجيب فى الامر انك تلاقى وجوه ناس ويكأنها عليها طبقة من الجير
ههههههههههههههه
ميرسى على الموضوع
وربنا يهدى الجميع
ومبروك لمصر بمناسبه اللون الاحمر
..Just Stop 29-01-2010, 04:08 PM جزاكم الله خيرا على الموضوع وربنا يهدى
جزانا الله واياكم
مش عارفين نبدأ منين ...!
نقطة من اول السطر!!
اولاً تعليق على مبدأ الموضوع ..
اينعم انت استخدمت فيه كنايه واستعاره كتير ..
بس مايضرش ..
اهي مظهر جمال للموضوع برده ..
تمام اوى وهو دا اللى مكنتش عايزه!
بس مش هننكر ان الموضوع ده بقى منتشر اوي ..
لكن سؤال رفيع عايزينله اجابه رفيعه برده ..
انتم ليه على طول بتبصوا لنص الكبايه الفاضي وتسيبوا المليان ..!
نظرنا اخره كدا ان شاء الله هقدم على نظارة تشوف النص المليان :d
احنا مش هننكر ان كل العرايس والوان والدهنات اللي بتقول عليها دي بنشوفها كتير ..
واحيانا كتير بتحرق الدم لان الشكل بيبقى مستفز ..
مستفز بغباوة;)
بس ميمنعش انك ممكن متبصلهمش اصلاً ..
لانك لما بتبصلهم هيضر عينك ..
مش مسألة ابص واللا ما ابصش
المشكلة ان الواحد ماشى فى الشارع عنيه بتلمح حاجات غريبة غصب عن الواحد
الواحد مش بيبقا قاصد يبص هبص على ايه اصلا ( انا بتقرف بسرعة اصلا ):d
بس اللى يضايق ان الواحد يشوف مثلا خلقة بنى ادماية وبعد شوية يشوف خلقة تانية تحسى انهم زى بعض
فالواحد بدأ يتلخبط ودا مضر بالصحة على فكرة :d
بس الدنيا لسه بخير ..
ولسه في امل في الهدايه ..
ربنا يهديهم ..
اللهم امين
ننتقل بقى للنقطه التانيه والاخيره ..
ليه بتبصلنا احنا على طول ومش بتبصوا لنفسكم الاول ..!
انا بتكلم عن حاجات بشوفها
لو حضراتكم بتشوفو حاجات فينا ممكن تنتقدوها مفيش مشاكل
ثم انا بتكملم عن ظاهرة معينة مش قصدى شن حرب على الجنس الاخر
حاجة شوفتها ضايقتنى كتبت عنها
ممكن اى حد يشوف اى حاجة تضايقه يتكلم عنها وهو الحبر والورق فى المنتدى كتير بس اللى يكتب
بس ملحوظه صغيره ..
لازم تشوف من ده كتير ولسه هتشوف اكتر ..
عشان تثير مشكله والدنيا يبقى ليها طعم ..!
شكرا على مروركم الكريم
حاسس بحقد دفين تجاه الموضوع هو الموضوع كان عملكم حاجة
كدا الموضوع هيزعل منكم
:d
دمتم فى رعاية الله
..Just Stop 29-01-2010, 04:12 PM i hola !
que tal mahmod ?
buen tema
pero .......
la naturaleza siempre gana
muchas gracias
:p:p:p:p:p:p:p:p:p:p:p:p:p
اولا نزل الترجمة علشان بقاقى البشر تفهم
وربنا يبارك لينا فى الجوجل
مرحبا!
محمود من هذا القبيل؟
موضوع جيد
ولكن.......
طبيعة يفوز دائما
شكرا جزيلا
شكرا على المرور
مش هعبرك ومش رادد عليكى
:d
*التـوأم المـزعج* 29-01-2010, 04:22 PM مش مسألة ابص واللا ما ابصش
المشكلة ان الواحد ماشى فى الشارع عنيه بتلمح حاجات غريبة غصب عن الواحد
الواحد مش بيبقا قاصد يبص هبص على ايه اصلا ( انا بتقرف بسرعة اصلا ):d
بس اللى يضايق ان الواحد يشوف مثلا خلقة بنى ادماية وبعد شوية يشوف خلقة تانية تحسى انهم زى بعض
فالواحد بدأ يتلخبط ودا مضر بالصحة على فكرة :d
عندك حق على فكره ..
ما انت مش في ايدك تعمل حاجه ..
ده التطور الطبيعي .. (زي ما قولت موضه) ..
انا بتكلم عن حاجات بشوفها
لو حضراتكم بتشوفو حاجات فينا ممكن تنتقدوها مفيش مشاكل
ثم انا بتكملم عن ظاهرة معينة مش قصدى شن حرب على الجنس الاخر
حاجة شوفتها ضايقتنى كتبت عنها
ممكن اى حد يشوف اى حاجة تضايقه يتكلم عنها وهو الحبر والورق فى المنتدى كتير بس اللى يكتب
تؤ .. للأسف مش بنعرف ..
احنا ممكن نعمل اي موضوع في اي قسم ..
الا القسم ده بالذااات ..
شكرا على مروركم الكريم
حاسس بحقد دفين تجاه الموضوع هو الموضوع كان عملكم حاجة
كدا الموضوع هيزعل منكم
:d
دمتم فى رعاية الله
على فكره انت فهمتنا غلط ..
ومتزعلش مننا يا أستاذ موضوع ..
بس للأسف الفيلينج بتاعك مش صح ..
بالعكس .. احنا مؤيدينك في الموضوع ده ..
بس اللي ضايقنا انك مضايق من حاجه مش ف ايدك تعمل فيها اي تغييير ..!
على العموم ربنا يهديهم ويهدي امة المسلمين ..
ربنا يكرمك ..
miss heba 29-01-2010, 05:01 PM موضوع جميل قوى بس برده الطبيعى يكسب
ياسمينايا 29-01-2010, 05:04 PM بالعكس الموضوع ده بيعبر عن كبت ..بس بشكل فكاهى بسيط ..
بس حضرت متخيل ان الدنيا كلها كده ..وهتفضل مصمم ..
بس انا شايفه ان الدنيا لسه بخير ..والموضوع فعلا جميل ومش تافه ..
بس نصيحه مترجمش من جوجل تانى لان ترجمته غلط فعلا ,,
الترجمه ..
هاى ..
ازيك يامحمد ..
موضوع جميل .,
بس دايما الطبيعه هى البتفوز ..
شكرا جدا جدا ..
:d:d:d
بنت دمنهور 29-01-2010, 05:50 PM يا عيني انت شكلك كنت زهقان فقلت اطلع زهقي عليكم واعملكم موضوع
لا بس بجد مفيش في ايدينا غير نقول ربنا يهدي
وزي ما خوخة قالت الطبيعي يكسب
لفتتني بس جملة
خاصة مع ظهور نظرية البنات الصينى اللى غرقت السوق
بقينا نحس اننا فى اليابان او الصين كل الناس بقت شكل بعض بنفس درجة لون البشرة على رائيك والله
بس نرجع نقول انهم فادوك برضه
عايز ايه اكتر من كدة خلوك تحس انك في اليابان وغيرت جو مصر وشفت حاجات جديدة :d
سؤال بس هل في نظرية للرجل الصيني نزلت السوق ولا لسة في الخطة الجاية :d
رد تافه بقى معلش :p
..Just Stop 29-01-2010, 10:37 PM على فكره انت فهمتنا غلط ..
انا !!
حاشا وماشا
ومتزعلش مننا يا أستاذ موضوع ..
اكيد دا مش انا موضوع مين بس :d
بس للأسف الفيلينج بتاعك مش صح ..
نو ايام شور الفيلنج بتاعى رايت :d
بالعكس .. احنا مؤيدينك في الموضوع ده ..
طب تمام
بس اللي ضايقنا انك مضايق من حاجه مش ف ايدك تعمل فيها اي تغييير ..!
لا ممكن اعمل بس مشكلتى انى بتكسف :d
على العموم ربنا يهديهم ويهدي امة المسلمين ..
اللهم امين
ربنا يكرمك ..
ثانكيو للمرة التانية
دمتم فى رعاية الله
..Just Stop 29-01-2010, 10:43 PM موضوع جميل قوى بس برده الطبيعى يكسب
شكرا على المرور
ومفيش احسن من الطبيعى
بالعكس الموضوع ده بيعبر عن كبت ..بس بشكل فكاهى بسيط ..
كبت ايه بس
ياجماعة انا مش معقد :d
بس حضرت متخيل ان الدنيا كلها كده ..وهتفضل مصمم ..
لا مش كل الدنيا كدا
فى منتقبات ومحجبات ومحترمات
وفى ناس عايزة تاخد فوق دماغها بالجزمات (سورى فى اللفظ ):d
بس انا شايفه ان الدنيا لسه بخير ..والموضوع فعلا جميل ومش تافه ..
شكرا على المجاملة
انا معترف انه تافه فبلاش مجاملة :d
بس نصيحه مترجمش من جوجل تانى لان ترجمته غلط فعلا ,,
هو انا لقيت غيره ومترجمتش
ثم العالم..... دى مش عارف بيكتبو اسبانى ليه ماله الانجليش يعنى:d
الترجمه ..
هاى ..
شاو
ازيك يامحمد ..
محمود على فكرة
موضوع جميل .,
كتر الف خيرك
بس دايما الطبيعه هى البتفوز ..
البلدى يكسب يعنى
شكرا جدا جدا ..
:d:d:d
العفو
شكرا لمن كتب ولمن ترجم ولمن حاول يغلس عليا :d
..Just Stop 29-01-2010, 10:47 PM يا عيني انت شكلك كنت زهقان فقلت اطلع زهقي عليكم واعملكم موضوع
والله تحليلك صح:d
لا بس بجد مفيش في ايدينا غير نقول ربنا يهدي
اللهم امين
وزي ما خوخة قالت الطبيعي يكسب
مش خوخة بس اللى قالت
جهينة قالت كدا بردو :d
لفتتني بس جملة
على رائيك والله
بس نرجع نقول انهم فادوك برضه
ونعم الافادة
عايز ايه اكتر من كدة خلوك تحس انك في اليابان وغيرت جو مصر وشفت حاجات جديدة :d
هو يا مصر يا الصين مالها ايطاليا يعنى على الاقل معظم اللى فى ايطاليا طبيعى:d
سؤال بس هل في نظرية للرجل الصيني نزلت السوق ولا لسة في الخطة الجاية :d
ان شاء الله هنزلهكم فى العدد اللى جاى
رد تافه بقى معلش :p
انعم واكرم
بس تصدقى تفاهته من نفس تفاهة الموضوع :d
شكرا على المرور
دمتم فى رعاية الله
|