السلام عليكم با أحلى اعضاء
النهاردة جايبه يوميات جديدة ويا رب تعجبكم




يوميات المواطن حنفي



الحلقة الاولى : فى البيت


(حنفى نازل الشغل الصبح بدرى )
الزوجة : انت نازل الشغل ياحنفى ؟
حنفى : لا نازل ألعب كوره ياولية بطلى الاسئلة المتخلفة دى
الزوجة : طب بس براحة عليا شوية ده احنا لسة على الصبح يعنى
حنفى : هو انتى اللى شافك يبقى شاف صبح مش عارف أنا كل يوم الواحد يصطبح بالخلقة دىhttp://forum.tamerlovers.com/images/smilies/new/diablo.gif
الزوجة :استغفر الله العظيم يارب ايه ياراجل انت هو انت راكبك عفريت ولا ايه؟http://forum.tamerlovers.com/images/smilies/new/blush2.gif
حنفى : وهو برضه فى عفريت يطيق يقعد فى شقة انتى قاعدة فيها؟
الزوجة : طيب ياسيدى أنا مش هرد عليك هات مصروف الشهر عشان أنا نازلة السوق كمان شوية
حنفى : ليه ؟ هو النهاردة كام فى الشهر؟
الزوجة :النهاردة أول يوم فى الشهر ياحنفى و مافيش ولا مليم فى البيت
حنفى : ياولية هو انتى منبه بيضرب أول كل شهر ؟http://forum.tamerlovers.com/images/smilies/new/swoon2.gif مافيش مرة كده تحصل معجزة وتنسى موضوع المصروف ده؟
الزوجة : قصر ياحنفى وهات الفلوس عشان اشوف اللى ورايا
حنفى : والله ياختى مهمة أوى سيادتك والحاجات اللى وراكى مقطعة بعضها ومش لاقية وقت ياعينىhttp://forum.tamerlovers.com/images/smilies/new/icon8.gif
الزوجة : اللهم طولك ياروح ياراجل انت هو انت مافيش يوم تعديه كده من غير خناقةhttp://forum.tamerlovers.com/images/smilies/new/korse.gif
حنفى : وهو انت حد يشوف وشك ومايتخانقش طب ايه رأيك بقى مافيش فلوس النهاردة ويبقى اتصرفى انتى بقى ان شا الله تعملى الاكل زيت وملحhttp://forum.tamerlovers.com/images/smilies/new/blink.gif
الزوجة :حنفىhttp://forum.tamerlovers.com/images/smilies/new/blush2.gif
حنفى : ياست بقى بلا حنفى بلا زفت أنا خافى فى داهية الهى يارب أرجع الاقى الانبوبة فرقعت فى وشك.http://forum.tamerlovers.com/images/smilies/new/begad.gif
(وبعدين يرزع الباب وينزل )

الحلقة الثانية : فى الشارع

(حنفى ماشى فى الشارع بسرعة فخبط ست معدية بكتفه )


الست : حاسب ياحمارhttp://forum.tamerlovers.com/images/smilies/new/begad.gif
حنفى : ايه قلة الادب دى ؟ ايه حاسب دى ؟http://forum.tamerlovers.com/images/smilies/new/clapping.gif
الست : مش تفتح وانت ماشى بدل ما تخبط فى خلق الله كده
حنفى : ياست أنا حر أفتح أقفل عينى وانا حر فيها وبعدين هو حد قالك تمشى فى الشارع مالتاكسيات مالية البلد أهى و لا هى طولة لسان على الفاضى وبعدين ايه اللى حصل يعنى ؟ كسرتلك ايد خلعلتلك رجل فقعتلك عين و لا هو دلع ومياصة وخلاص ؟
الست :على فكرة انت قليل الادب ومش محترم http://forum.tamerlovers.com/images/smilies/new/korse.gif
حنفى : ياسلام ياختى محسسانى انك انتى اكتشفتى حاجة جديدة يعنى http://forum.tamerlovers.com/images/smilies/new/hysterical.gif
الست : يعنى انت ترضى تعمل كده مع أختكhttp://forum.tamerlovers.com/images/smilies/new/meshfahem.gif
حنفى : لا طبعا مارضاش ده لو أختى أنا كان زمانى رميتها تحت الاتوبيس اللى جاى هناك ده
الست: لا , واضح انك مش عايز تجيبها لبرhttp://forum.tamerlovers.com/images/smilies/new/cool.gif
حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة
الست : أنا مش هارد عليك لان مستواى وأخلاقى
مايسمحوليش http://forum.tamerlovers.com/images/smilies/new/icon3.gif انى ارد على واحد ----- كده زيكhttp://forum.tamerlovers.com/images/smilies/new/tease.gif
حنفى : قولتلك بلاش قلة أدب ؟ ايه زيك دىhttp://forum.tamerlovers.com/images/smilies/new/rofl.gif ؟
الست : روح ياعم الله يهديكhttp://forum.tamerlovers.com/images/smilies/new/bekor.gif
حنفى : ماشى ياختى الله يسهلك http://forum.tamerlovers.com/images/smilies/new/hysterical.gif الهى يارب وانتى ماشية فى الشارع تعدى من تحت بيتنا تقوم الانبوبة اللى هى هتفرقع فى مراتى تفرقع فيكى انتى كمان ستات آخر زمن http://forum.tamerlovers.com/images/smilies/new/hysterical.gif
(وبعدين يسيب الست ويكمل طريقه فى انتظار مشكلة أخرى )

يلا عاوزين تفاعلكم
واكمل ولا لا

حلوة جداااااااااا يا هيدى
يلا كملى

متشكرة يا جميلة

الحلقة الثالثة : فى المواصلات



(حنفى واقف فى الشارع مستنى ميكروباص , حنفى لقى ميكروباص جاى من بعيد فشاورله والميكروباص وقف له)


حنفى : رايح مدينة نصر يا اسطى ؟
الكمسرى : ايوه يا أستاذ تعالى .
حنفى : لا ده أنا رايح الهرم , روح انت http://forum.tamerlovers.com/images/smilies/new/hysterical.gif
الكمسرى : امال بتقول ليه مدينة نصر ياعم انت , ولاهى عطلة وخلاصhttp://forum.tamerlovers.com/images/smilies/new/meshfahem.gif
حنفى : ياجدع باطمن ان فيه مواصلات لمدينة نصر http://forum.tamerlovers.com/images/smilies/new/tongue.gif, يمكن أفكر أروحها فى يوم ولا حاجة , وبعدين أنا حر أسال السؤال اللى أنا عايزه و لا هى الاسئلة بقت بفلوس اليومين دول ولا ايه ؟http://forum.tamerlovers.com/images/smilies/new/tease.gif
(سواق الميكروباص مشى بالعربية بسرعة قبل ماخناقة تحصل بين الكمسرى و حنفى , حنفى لقى ميكروباص تانى جاى فشاورله والميكروباص وقف )
حنفى : رايح الهرم يااسطى ؟
الكمسرى : ايوه يااستاذ تعالى
حنفى : طيب معاك مكانين فاضيين ؟http://forum.tamerlovers.com/images/smilies/new/dance.gif
الكمسرى : لا والله معلش يابيه , مافيش غير مكان واحد http://forum.tamerlovers.com/images/smilies/new/rofl.gif
حنفى : طيب كويس أنا عايز مكان واحد بس , اصل انت لو كان معاك مكانين ماكنتش هاركب .http://forum.tamerlovers.com/images/smilies/new/tongue.gif
الكمسرى (عمل انه ماسمعش حاجة ): انت نازل فين ياأستاذ؟
حنفى : نازل الهرم ان شاء اللهhttp://forum.tamerlovers.com/images/smilies/new/tease.gif
الكمسرى (مبتسما ): خوفو ولا خفرع ولا منقرع.http://forum.tamerlovers.com/images/smilies/new/hysterical.gif
(بعد كده أدرك الكمسرى انه ارتكب غلطة فادحة لما فكر انه يهرج مع حنفى )http://forum.tamerlovers.com/images/smilies/new/rofl.gif
حنفى : لا رايح عند أبو الهول ياخفيفhttp://forum.tamerlovers.com/images/smilies/new/hysterical.gif , سمعت انه تعبان فقلت لما أروح اطمن عليه يمكن محتاج حاجة منى كده ولا كده و أو يكمن ابنه الهول محتاج حد يوديه المدرسة أهو زى مابيقولك اعمل الخير وارميه فى وش السواقين ياخفيف.
الكمسرى (مكشر) : الاجرة يا بيهhttp://forum.tamerlovers.com/images/smilies/new/cold.gif
حنفى : عمال أقولك رايح أزور ابو الهول وباكلمك عن عمل الخير و وانت تقولى الاجرة الدنيا بقت وحشه أوى ياجدعان http://forum.tamerlovers.com/images/smilies/new/rofl.gif
الكمسرى : يابيه الاجرة لو سمحت عشان أشوف اللى وراياhttp://forum.tamerlovers.com/images/smilies/new/blush2.gif
حنفى : هو فيه ايه يا رجالة هى مصر كلها بقت مهمة ولا ايه , كل ما أكلم واحد يقولى خلص عشان أشوف اللى ورايا , حاجة تفقع المرارة , ماتكونش انت والولية مراتى فاتحين شركة مع بعض ولا حاجةhttp://forum.tamerlovers.com/images/smilies/new/meshfahem.gif
الكمسرى : يابيه الاجرة عشان اليوم يعدى , مش عايزين نضايق على حدhttp://forum.tamerlovers.com/images/smilies/new/blink.gif
حنفى : ياماما , تصدق اترعبت يا أخى , طب ايه رأيك بقى ان أنا مش دافع الاجرة الا لما أنزل , وكله بالقانونhttp://forum.tamerlovers.com/images/smilies/new/icon3.gif
(حنفى طلع رجل بتاع قانون اهو)
الكمسرى : يعنى انت فارقة معاك أوى انك تدفع لما تنزل عن انك تدفع دلوقتى http://forum.tamerlovers.com/images/smilies/new/clapping.gif
حنفى : يا جدع أنا حر أدفع دلوقتى , أدفع كمان ثانيتين , أدفع لما أنزل , أدفع المرة جاية , فلوسى و أنا حر فيها .http://forum.tamerlovers.com/images/smilies/new/icon6.gif
الكمسرى : وقف يا أسطى لما نشوف أخرتها مع الجدع ده ايه .http://forum.tamerlovers.com/images/smilies/new/medieval.gif
حنفى : آه وماله , وقف يااسطى لما نشوف أخرتها معاكو ايه http://forum.tamerlovers.com/images/smilies/new/gehad.gif
( الكمسرى يدخل ايده فى بقه ويطلع موس ويحطه على رقبة حنفى )
الكمسرى : هتدفع ولا تتشاهد على روحكhttp://forum.tamerlovers.com/images/smilies/new/begad.gif
حنفى : هو حضرتك صدقت ولا ايه , ده أنا كنت بهزر معاك يا أخى يااه , ماكنتش أعرف انك عصبى أوى كده , هى الاجرة كام ؟http://forum.tamerlovers.com/images/smilies/new/clapping.gif
الكمسرى : جنيه ونص
حنفى : خد اتنين جنيه اهمة , ياراجل اخزى الشيطان وشيل البتاع ده من على رقبتى أبوس ايدك , ده أنا كنت بهزر والله و وآدى ياعم راسك أبوسها.http://forum.tamerlovers.com/images/smilies/new/hysterical.gif
( الميكروباص كمل طريقه وحنفى قاعد جواه زى الكرسى اللى هو قاعد عليه وحاطط عينيه فى الارض لحد ماوصل لمحطته , حنفى نزل زى الصاروخ وطلع يجرى ناحية أقرب .......حمام )http://forum.tamerlovers.com/images/smilies/new/hysterical.gif

الحلقة الرابعة : حنفى بيجيب فطار

(حنفى بعد ماخرج من الحمام وحس انه هدى شوية بعد لحظات الرعب اللى عاشها قرر انه يروح يشترى فطار عشان يروح الشغل و بما ان حنفى مصرى فهو أصلا ماعندوش اختيارات فى فطاره , هو فول وبس , حنفى راح على الراجل بتاع عربية الفول اللى بيجيب منه كل يوم )


بتاع الفول (بيكلم نفسه ) : ياساتر هو الراجل الرخم ده هييجى كل يوم ولا ايه , ياساتر على الرخامة.http://forum.tamerlovers.com/images/smilies/new/bekor.gif
حنفى : ايه ياجدع انت شكلك مش طايق نفسك ليه كده؟ ووشك اتغير ساعة ماشفتنى كده ليه؟ ماتكنش شفت عفريت ولا حاجة http://forum.tamerlovers.com/images/smilies/new/evil.gif
بتاع الفول : ياريت ياسى حنفى كان عفريت , أصل انا من غير ماخبى عليك ساعة مابشوفك بحس بانتعاشة كده فى قلبىhttp://forum.tamerlovers.com/images/smilies/new/hysterical.gif
حنفى : ليه ان شاء الله , عبيط انت ولا ايه ؟ايه اللى بيخليك تنتعش ياخويا؟ http://forum.tamerlovers.com/images/smilies/new/ok.gif
بتاع الفول : أبدا ياسى حنفى أصلهم دايما كان بيقولولى ان أنا مافيش حد فى رخامتى لحد ماعرفتك و اكتشفت ان أنا مجرد تلميذ فى مدرستكhttp://forum.tamerlovers.com/images/smilies/new/yahoo.gif
حنفى : طيب ياابو لسان طويل , بطل رغى بقى و اعملى شقتين فول و شقتين طعميةhttp://forum.tamerlovers.com/images/smilies/new/good.gif
بتاع الفول : اشمعنى غيرت طلبك النهاردة يا سى حنفى , مانت طول عمرك بتاكل 3 سندوتشات بسhttp://forum.tamerlovers.com/images/smilies/new/emot-shakehead.gif
حنفى : الهى ياشيخ تنطس فى نظرك , الهى وانت ماشى تخبط فى شجرة , الهى عصفورة تعمل على دماغك و ماتلاقيش منديل تمسح بيه . هو أنا كنت باكل من جيب أبوك يابنى ولا انا كنت باجى أطفح عندك ببلاش . انت مالك انت , حاجة غريبة والله , هو انت شغال بياع فول ولا مخبر فى أمن الدولةhttp://forum.tamerlovers.com/images/smilies/new/diablo.gif
بتاع الفول : خلاص ياعم حقك عليا , ياساتر ماكانتش كلمة يعنى , باسألك سؤال عادى , أعوذ بالله , طيب ياسيدى هاعملك طلبك وتاكله بالسم الهارى ان شاء الله ( بصوت واطى)http://forum.tamerlovers.com/images/smilies/new/bekor.gif
حنفى : بترطم بتقول ايه ياابو لسان طويل http://forum.tamerlovers.com/images/smilies/new/korse.gif
بتاع الفول : ولا حاجة , بقول ربنا يكرمك زى ماكرم غيرك قبل كدهhttp://forum.tamerlovers.com/images/smilies/new/emot-worship.gif
حنفى : طب خلص عشان أنا اتخنقت منك
بتاع الفول : امال انا أعمل ايه , ممكن أسالك سؤال ياسى حنفى ؟http://forum.tamerlovers.com/images/smilies/new/fans.gif
حنفى : اتنيل اسألhttp://forum.tamerlovers.com/images/smilies/new/icon2.gif
بتاع الفول : هو انت ناوى كل يوم تيجى عندى ان شاء الله يعنىhttp://forum.tamerlovers.com/images/smilies/new/rofl.gif
حنفى : مضطر يااخويا , أصلك أقرب واحد للشغل , وهو لو كان فى حد غيرك كنت فكرت أقرب منك أصلا و وهو انت الاكل اللى بتعمله ده يبقى أكل بنى آدمين ده أكل بهايم يابنى بس هنعمل ايه بقى , أدينا صابرينhttp://forum.tamerlovers.com/images/smilies/new/thanx.gif
بتاع الفول : لا , على فكرة يا سى حنفى فى مطعم فتح جديد على أول الشارع , يعنى قريب أوى أوى من هنا والاكل اللى بيبيعه أكل بنى آدمين فياريت تجربه , ويارب تبقى زبون دايم عنده , وربنا يرحمه بقى http://forum.tamerlovers.com/images/smilies/new/sad.gif
حنفى : ماشى يازبالة , هات الاكل اللى هاطفحه عشان أمشى
بتاع الفول : اتفضل أهو يا حنفى بيه شرفتنا ونورتنا و هتوحشنا والله انت ورخامتك
حنفى : نور لما يكهربك , ووحش لما ياكلك , يابعيدhttp://forum.tamerlovers.com/images/smilies/new/wizard.gif
بتاع الفول : ده من ذوقك ياحنفى بيه , ومش بعيد عليك الكلام اللى انت بتقوله ده , و أهو الحاجة اللى مخليانى ماردش عليك , انك ماعدتش هاتيجى التانىhttp://forum.tamerlovers.com/images/smilies/new/swoon2.gif
حنفى : ترد عليا , الهى ترد المية فى زورك ياشيخ , يلا فى ستين داهية أنا خافى يابتاع أكل البهايم

( ومشى حنفى بعد ماحرق دم الراجل اللى ساب شغلانته وباع عربية الفول بتاعته واشتغل لميع جزم , واهو كله من تحت راس حنفى )

حلوه تسلم ايدك

مرسى يا جميلة على زوئك

جميللللللللللللة جدااااااااااااااااااااااا

جميلة جدااااااااااااااااااااا
يلا كملى

الحلقة الخامسة : فى الشغل




(طبعا زى مانتو مش عارفين , حنفى شغال مدرس فى مدرسة اعدادية , وبما إن اليومين دول فى امتحانات فحنفى كان عنده مراقبة على لجنة . حنفى دخل اللجنة وبدأ يعمل شوية حركات من بتوعه)

حنفى : اسمع يافاشل انت وهو , حسك عينك أى واحد فيكم يفكر , مجرد انه يفكرhttp://forum.tamerlovers.com/images/smilies/new/fool.gif بس فى إنه يغش حرف من اللى جنبه , والحمام ممنوعhttp://forum.tamerlovers.com/images/smilies/new/meshfahem.gif , لو العملية قفلت معاك أوى , اعملها على نفسك واحنا هنبقى نتصرفلك فى هدوم http://forum.tamerlovers.com/images/smilies/new/wink.gif, وممنوع حد ياخد أدوات من غيره , انتو جايين امتحان مش محل بلاى ستيشن , سامع يافاشل منك له .http://forum.tamerlovers.com/images/smilies/new/wink.gif
(العيال قعدت تبص لحنفى وهو بيكلم , وكأنها بتبص لمخلوق فضائى جاى من المريخhttp://forum.tamerlovers.com/images/smilies/new/evil.gif , ومستغربين انه داخل عليهم سخن أوى , المهم ورق الاجابة جه , وحنفى بدأ يوزع الورق )
حنفى : كل جحش فيكم يكتب اسمه ورقم جلوسه على الورقة من برة ويحط أى حاجة تحت الورقة عشان الكلام مايطبعش وتكتب اسم المادة فى الخانة اللى فوق دى .http://forum.tamerlovers.com/images/smilies/new/begad.gif
أحد التلاميذ : أستاذ , أستاذ
حنفى : هو احنا هنبتدى أسئلة من دلوقتى , عايز ايه يا منيلhttp://forum.tamerlovers.com/images/smilies/new/rofl.gif
التلميذ : هو احنا هنمتحن مادة ايه النهاردة؟http://forum.tamerlovers.com/images/smilies/new/rofl.gif
حنفى : نعم ياخويا, هتمتحن مادة ايه النهاردة , ده انت هتتعلق حالاhttp://forum.tamerlovers.com/images/smilies/new/clapping.gif
التلميذ : لا والنبى ياأستاذ , كله الا التعليق ده أنا كنت بهزر معاك والله http://forum.tamerlovers.com/images/smilies/new/fool.gif
حنفى : بتهزر , طيب ,, أنا هاعرفك ازاى تهزر تانى معاياhttp://forum.tamerlovers.com/images/smilies/new/icon7.gif
أحد التلاميذ : أستاذ , أستاذ
حنفى : اللهم طولك ياروح , فيه ايه يابنى ,عايز تهزر انت كمان ولا حاجة؟http://forum.tamerlovers.com/images/smilies/new/swoon2.gif
التلميذ : لا ياأستاذ , أصل أنا كنت بكتب وأنا سرحان فكتبت اسم اللى جنبى فى ورقتى بدل مااكتب اسمى http://forum.tamerlovers.com/images/smilies/new/icon5.gif
حنفى : الله يخربيتك , هو انت هتبدأ الغش من دلوقتى , يعنى أعملك محضر غش دلوقتىhttp://forum.tamerlovers.com/images/smilies/new/icon2.gif
التلميذ : محضر غش ازاى ياأستاذ , هو ورق الاسئلة اتوزع لسة ؟؟http://forum.tamerlovers.com/images/smilies/new/beee.gif
حنفى: ده انت بتتلامض كمان , ده انا هبهدلكم النهاردة , اعمل خط صغير على الاسم اللى انت كتبته واكتب اسمك فوقيهhttp://forum.tamerlovers.com/images/smilies/new/fool.gif
التلميذ : بس فى حاجة تانية ياأستاذ
حنفى : قول ياخويا , ماهو أصلا اليوم باين من أول ماشوفت مراتى الصبح
التلميذ : الواد اللى جنبى برضه كان سرحان وهو بيكتب اسمه ,فكتب اسمى فى ورقته بدل مايكتب اسمه.http://forum.tamerlovers.com/images/smilies/new/blush2.gif
حنفى : الله يخربيتكم انتو الاتنين , خلاص يا ساقط انت وهو بدلو ورقكم مع بعض
التلميذ : نبدل الورق ؟! بس ده كده يبقى غش ياأستاذ http://forum.tamerlovers.com/images/smilies/new/wink.gif
حنفى : ده انت يومك مش هيعدى النهاردة . غش ايه يا أبو جهل ,هوانتو خدتوا ورقة الاسئلة لسة
التلميذ : هو مش انت كنت عايز تعملى محضر غش من شوية ؟؟
حنفى: مستعجل أوى على المحضر , ماتقلقش نفسك , المحضر هيتعملك النهاردة لو فضلت تتلامض كتير كدهhttp://forum.tamerlovers.com/images/smilies/new/icon9.gif
التلميذ : لا خلاص , انا اسف ياأستاذ

( ورق الاسئلة جه , وحنفى وزع الورق على التلاميذ)http://forum.tamerlovers.com/images/smilies/new/blink.gif

الحلقة السادسة




حنفى : ماسمعش نفس فيكو دلوقتى , كل واحد فيكو يركز فى ورقته ويكتب اللى هو عارفه , اللى هشوفه بيتلفت بس هاسحب منه ورقته , الامتحان زمنه ساعتين , ساعتين وخمس ثوانى يكون ورق الاجابة كل عندي , واللى هيتأخر عن خمس ثوانى , يبقى ياخد ورقته ويديها للراجل بتاع عربية الفول اللى تحت المدرسة , حد عنده سؤال؟http://forum.tamerlovers.com/images/smilies/new/rolleyes.gif
أحد التلاميذ: أستاذ , أستاذ
حنفى : أيوة
التلميذ : هو يعنى ايه السؤال اللى فى أول الورقة فوق ده ؟
حنفى : قول السؤال و أنا أقولك معناه
التلميذ : مكتوب امتحان دور مايو للصف الثانى الاعدادى 2008/2009,
يعنى هو عايز مننا ايه فى السؤال ده ؟
http://forum.tamerlovers.com/images/smilies/new/construction.gif
حنفى : عايز يعرف مستوى غباء كل واحد فيكو أد إيه , وبيتهيألى انت هتاخد أعلى نسبة على مستوى الجمهوريةhttp://forum.tamerlovers.com/images/smilies/new/rofl.gif
التلميذ : يعنى أكتب فى إجابة السؤال ده نسبة الغباء كام فى المية ؟http://forum.tamerlovers.com/images/smilies/new/begad.gif
حنفى : لا سيبه فاضى وحل اللى بعده على مانسألك مدرس المادة , يافاشل
حنفى : يلا يابنى انت وهو, عدى ربع ساعة و 3 دقايق و33 ثانية , يعنى فاضلكم ساعتين الا ربع الا 3 دقايق الا 33 ثانية , يلا عشان الامتحان طويل
حنفى : خف ايدك بسرعة انت وهو , عدى نص ساعة الا خمس دقايق , يعنى فاضلكم ساعة ونص وخمس دقايق
أحد التلاميذ : ياأستاذ كده حضرتك بتوترنا , مش كل شوية تقول الوقت , احنا كده بنقلقhttp://forum.tamerlovers.com/images/smilies/new/icon9.gif
حنفى : طيب ياعم زويل , محسسنى انك هتنجح يعنى , والنبى ده منظر متعلم أساسا؟!http://forum.tamerlovers.com/images/smilies/new/hysterical.gif
التلميذ : الله يسامحك ياأستاذ
حنفى : ياعينى يابنى , قطعت قلبى . خلص وبطل كلام , عيال آخر زمن صحيح
(حنفى لقط واحد من التلاميذ بيطلع ورقة مخبيها تحت الطاقية )http://forum.tamerlovers.com/images/smilies/new/hi.gif
حنفى : حلاوتك يامعلم , بتغش ياضhttp://forum.tamerlovers.com/images/smilies/new/icon5.gif
التلميذ : والمصحف الشريف ماغشيت ياأستاذhttp://forum.tamerlovers.com/images/smilies/new/emot-fail.gif
حنفى : طلع الورقة بالذوق عشان ماقطعلكش ورقة الاجابة
التلميذ : ورقة ايه ياأستاذ , والله مامعايا ورق ولا حاجة , أنا الحمد لله شاطر ومش محتاج أغش
حنفى : طب اقلع الطاقية
التلميذ : وايه علاقة الطاقية بكلامى مع حضرتك , هى الطاقية هتغش ولا ايه ؟ههههههhttp://forum.tamerlovers.com/images/smilies/new/icon6.gif
حنفى : وكمان بتهزر , اقلع الطاقية يلاhttp://forum.tamerlovers.com/images/smilies/new/hi.gif
التلميذ : ياأستاذ ماينفعش , أصل أنا عندى الايدز والدكتور قاللى ماقلعش الطاقية دى خالص , أصل أنا لو قلعتها هاعدى كل اللى حواليه , وانت عارف بقى ان الايدز بيجيب كحة وسخونية وحاجات من كده , وأنا خايف عليك والله ياأستاذ
حنفى : يعنى مش هاتقلعها , طيب
( حنفى راح مكتف الواد , وقلعه الطاقية , ولقى الطاقية مردومة ورق)
http://forum.tamerlovers.com/images/smilies/new/dance.gif
حنفى : نهارك مش معدى
http://forum.tamerlovers.com/images/smilies/new/korse.gif
التلميذ : والله ياأستاذ آخر مرة , أصل أنا لو مانجحتش فى الامتحان ده , أبويا هيطلق أمى
حنفى : الهى البيت يولع بيهم هما الاتنين و العالم يستريح من الاتنين اللى جايبينك , ده انت يابنى كده كتبت على نفسك حكم بالاعدام , ولما تبقى تروح , أبقى طمنى أبوك طلق أمك ولا لسة
التلميذ : عشان خاطرى ياأستاذhttp://forum.tamerlovers.com/images/smilies/new/emot-questioned.gif
حنفى : خاطر لم يخبطك ويجيبلك ارتجاج فى المخ يابعيد , بره , اطلع برة واعتبر نفسك شلت المادة , عشان تتعلم الادب بعد كدهhttp://forum.tamerlovers.com/images/smilies/new/ohmy.gif
(الواد خرج من اللجنة , بعد ما حنفى عمله محضر غش , وحنفى كمل مراقبته على اللجنة )
حنفى : فاضل من الوقت ربع ساعة
حنفى : فاضل من الوقت عشر دقايق
حنفى : فاضل من الوقت خمس دقايق
أحد التلاميذ : ايه ياأستاذ , هو انت مركب لساعتك موتور عربية ؟؟
حنفى : خلص ياابو لسان عشان فاضل خمس دقايق , وعشان استظرافك ده , فاضلك دقيقتين بس
التلميذ : طب وتتعب نفسك ليه , اتفضل الورقة أهى ,الله يخربيتك (بصوت واطى)
حنفى : ياسلام على الثقة , أبقى قابلنى ان نفعت . يلا يابنى انت وهو , زى ماقلتلكو قبل كده اللى عايز يجيب ورقته دلوقتى يجيبها , واللى مش عايز بتاع الفول مستنيه تحت .
(حنفى لم ورق الاجابات كله , بعد ماطلع عين العيال ووترهم , وكان السبب فى ان عشر عيال شالو المادة دى ده غير ان الاول على الفصل نقص عشرين درجة فيها .... بركاتك ياشيخ حنفى)

مرسى على مروركم يا احلى اعضاء

ازيك هابدى موضوعك منور المنتدى:022yb4::022yb4::039uw8: بجد احلى موضوع ليكى

يلا فين الفصل السابع انا غاوى مغمرات وافلام رعب الصديق





البااشا امير العذاااااااااب:022yb4::039uw8: مستنى الفصل السابع

ازيك هابدى موضوعك منور المنتدى:022yb4::022yb4::039uw8: بجد احلى موضوع ليكى

يلا فين الفصل السابع انا غاوى مغمرات وافلام رعب الصديق





البااشا امير العذاااااااااب:022yb4::039uw8: مستنى الفصل السابع




مرسى لمرورك يا بااااااااااااااااااااااااااشا امير

الحلقة السابعه : حنفى فى الاتوبيس




(المعلم حنفى بعد ماخلص الحوار المثير فى الامتحان , ونفد بجلده قبل ماكان العيال تتمطع وتهفه قلم ولا حاجة , حنفى حس انه تعب أوى النهاردة وقرر انه يرجع البيت , حنفى بعد اللى حصله فى الميكروباص , فضَّل انه يركب الاتوبيس المرة دى , الاتوبيس وصل وحنفى طلع يجرى وراه لحد ماعرف يركب )

الكمسرى : يلا يا أستاذ الاتوبيس فاضى اتفضل خش جوة , ماتقفش على الباب
حنفى : فاضى مين ياعم ,ده انت محمل الركاب على بعضهم http://forum.tamerlovers.com/images/smilies/new/rofl.gif
الكمسرى : يعنى يا أستاذ , أسيب الناس يعنى ماتروحش بيوتها , انا بعمل كده والله عشانكم , أنا ان كان عليا أنا ممكن أحمل قانونى ومش فارقة معايا يعنى http://forum.tamerlovers.com/images/smilies/new/cool.gif
حنفى : إهئ إهئ إهئ , بس يابنى كفاية , حرام عليك قطعت قلبى , ايه ده يا ولاد , ملاك واقف قدامى , للدرجة دى خايف على الناس وبتركبهم فوق بعض عشان يروحوا بيوتهم , ربنا يكسر من أمثالك , انت هتشتغل نفسك ولا ايه , ياعم الحاج مابلاش نضحك على بعض .
الكمسرى : ماشى ياأستاذ , اتفضل بقى خش جوة عشان أركب الناس اللى على الارض دى .
http://forum.tamerlovers.com/images/smilies/new/sad.gif
حنفى : طب مانا عندى اقتراح حلو , ماتبنوا دور فوق وتركبوا الناس فيه , ولا أقولك خليهم دورين , أهو برضه عشان الناس الغلابة اللى عايزين يروحوا بيوتهم
الكمسرى : والله ياأستاذ , شكلك فايق وانا مش فاضيلك , خلصنى بقى
(المهم حنفى استسلم للامر الواقع و وخصوصا انه كان هياكل علقة الصبح من الكمسرى بتاع الميكروباص , المهم حنفى دخل جوة , ولقى نفسه واقف جنب فيل , أو بمعنى أدق واقف جنب ست على شكل فيل , أو بمعنى أدق أوى , اتفعص جنب ست أضخم من الفيل شوية )
حنفى (بيتخنق) : هموت , حاسبى ياحاجة الله يباركلك , مش عارف اتنفس http://forum.tamerlovers.com/images/smilies/new/icon9.gif
الفيل : وانا أعملك ايه يعنى , مانت شايف الدنيا زحمة هو أنت لوحدك اللى مذنوقhttp://forum.tamerlovers.com/images/smilies/new/meshfahem.gif
حنفى : أنا مش مذنوق , أنا مفعوص , الله يباركلك خطوة بس جنبك http://forum.tamerlovers.com/images/smilies/new/begad.gif
الفيل : كان على عينى ياخويا , بس مافيش مكان جنبى أروح فين يعنى , استحمل شوية كلها ساعة وهتوصل
http://forum.tamerlovers.com/images/smilies/new/cool.gif
حنفى : ياولية أنا فاضلى دقيقة , وأكون فى عداد المفقودين , أبوس ايدك وسعى شوية
http://forum.tamerlovers.com/images/smilies/new/hysterical.gif
الفيل : والله يبقى اشتكينى للحكومة بقى و هو انا هموت نفسى يعنى , عمالة أقولك مافيش مكان جنبى , وانت مابتفهمش , أعملك ايه يعنى
(المهم حنفى وشه بدأ يزرق , واتخنق و ماعدش عارف يتنقفس , وحس انه خلاص بيودع , بس الفرج جه من ربنا , حنفى لقى الراجل اللى قاعد على الكرسى بيقول للكمسرى "على ايدك ياسطى " الراجل نزل , وحنفى قعد مكانه , وماكانش مصدق ان ربنا نجاه , المهم الست الفيل ماسابتش حنفى فى حاله ودار بينهم الحوار ده )
الفيل : هه , والله رجالة آخر زمن , يبقوا قاعدين ومستريحين وسايبين الستات الغلابة اللى طافحة المر واقفة
http://forum.tamerlovers.com/images/smilies/new/sad.gif
حنفى : دلوقتوا بقيتوا غلابة ؟!, طب أنا عايزك تشهدى عيل ماشى فى الشارع , مين الغلبان فينا ؟!, أنا ولا انتى؟!
http://forum.tamerlovers.com/images/smilies/new/mad.gif
الفيل : الله يرحم أيام زمان , كان الراجل يشوف الست واقفة , يقوم ويقعدها مكانه , ان شاء الله لو كان المشوار ست ساعات
http://forum.tamerlovers.com/images/smilies/new/cool.gif
حنفى : عليكى نور , أيام زمان بقى , هو مش انتوا اللى طالبتوا المساواة بين الراجل والست ,اشربوا بقى
http://forum.tamerlovers.com/images/smilies/new/meshfahem.gif
الفيل : ياراجل اختشى , وخلى عندك دم , قوم وقعدنى مكانك ,أنا رجلية وجعتنى من الوقفة ,ده انا فى مقام أختك برضه
حنفى : والله رجليكى وجعتك , ايدك وجعتك , دماغك وجعتك , مش مشكلتى , أنا مالى
الفيل : اما انت راجل ماعندكش دم صحيح
http://forum.tamerlovers.com/images/smilies/new/icon6.gif
حنفى : المشكلة ان أنا مش عارف أقولك انك ست ماعندهاش دم , لانك محسوبة على الستات غلط أساساhttp://forum.tamerlovers.com/images/smilies/new/rofl.gif
الفيل : ده انت بتقل أدبك كمان , طيب أنا هاوريك
حنفى : هههه , هتعملى ايه يعنى؟!
الفيل (بعلو صوتها ) : يالهوى , يا خرابى , الحقونى ياناس , الحقونى ياعالم , الراجل ده حرامى , لقيته حاطط ايده فى شنطتى وعايز يسرقنى , الحقونى ياهو
(الحقيقة الست ماكانتش محتاجة تقول كل الكلام ده , لانها بمجرد انها قالت كلمة يالهوى الاتوبيس كله , الرجالة والستات والعيال الصغيرة , كله اتلم على حنفى , وعينك ماتشوف الا النور http://forum.tamerlovers.com/images/smilies/new/korse.gif, الرجالة بتضربوا بالبوانى والشلاليت والستات بتشد فى شعره والعيال الصغيرة دخلوا وسط الناس وراحوا مقلعين حنفى البنطلون , وسبحان الله الناس كانت بتضرب بذمة وكأن الست دى تقربلهم ولا حاجة , وكل اللى كان مضايق من حاجة كده ولا كده , فش غله فى حنفى , ياعينى , المهم بعد الضرب اللى مااضربوش قبل كده حمار فى مطلع , راح اتنين رجالة ماشاء الله يعنى بسطة فى الجسم شايلين حنفى من قفاه وخدوه وطلعوا بيه على أقرب نقطة شرطة , واللى حصل فيها لحنفى بلاوى , هقولهالكم فى الحلقة الجاية ان شاء الله )

الحلقة الثامنه : حنفى فى قسم الشرطة






(الاتنين الديناصورات شالوا حنفى من قفاه زى مايكونوا صايدين فار وماسكينه من ديله , وطلعوا بيه على أقرب نقطة شرطة , ومعظم ركاب الاتوبيس راحوا وراهم عشان يتفرجوا , والست الفيل كانت فى مقدمة الطليعة على أساس انها محور المشكلة , المهم الاتنين الديناصورات والست الفيل هم اللى دخلوا مع حنفى للظابط , وبقية الناس فضلوا واقفين بره مستنيين , ولا كأنهم مستنيين ست بتولد فى مستشفى ,لدرجة ان واحد منهم من غير ماياخد باله راح قايل يارب ولد , راح واحد تانى قايل يارب بت , راح واحد شيخ كبير فى السن قايلهم , حرام الكلام ده يارجاله اللى يجيبه ربنا كويس , المهم الظابط بدأ يكلم مع الديناصوراتhttp://forum.tamerlovers.com/images/smilies/new/korse.gif )
الظابط : ايه يابنى انت وهو الهيصة اللى انتوا عاملينها دى , أنا عايز واحد فيكوا بس اللى يتكلم ويقولى ايه المشكلة
أحد الديناصورات : الراجل الناقص ده يابيه ,حاول يسرق شنطة الست الغلبانة دى
(الست الفيل راحت ضربة دمعتين على خدها من دموع التماسيح دى , وعملت نفسها ياعينى محروقة ومظلومة )
الست الفيل : أيوه يابيه حاول يسرق شنطتى ومش كده وبس , ده حاول كمان انه , انه , انه ........ اهئ اهئ
الظابط :انه ايه ياست انتى اكلمى
الست الفيل : حاول انه يمد ايده عليا يابيه
حنفى : يانهار مش معدى , آه ياولية يا كدابة , أنا حاولت انى ..
الظابط: انت تخرس خالص وماتفتحش بقك
الست الفيل : ربنا يخليك ليه ياحضرة الظابط , أصلك انت ماتعرفش الراجل ده قليل الادب ازاى , تخيل يابيه بيقول ان الستات دول مالهمش لزمة فى الدنيا وان الحياة هتبقى أحسن من غيرهم
حنفى : وكتاب الله يابيه الولية دى كدابة
الظابط : قولتلك اخرس , ولو اكلمت تانى هاتلاقى القلم نازل على قفاك وهخلى المخبر اللى وراك ده يروقك
حنفى :حاضر يابيه , أن هاخرس خالص أهو وهانكتم , بس كله الا القفا وحياة والديك
الظابط : اتفضلى كملى ياست
الست الفيل : وبيقول كمان يابيه ان الظباط دول ناس وحشين , مع انكو يابيه أجدع ناس والله
(الست الفيل بمجرد انها وصلت لنص الجملة الاخيرة دى , وحنفى حس ان الظابط اللى قاعد قدامه بقى خمس ظباط فى بعض رجليهم لفوق ودماغهم لتحت , وحس بنار قايدة فى قفاه , ومافهمش الا بعد كده ان ده كان أول قفا ياكله من المخبر اللى كان واقف وراه )
حنفى :آآآآآآآآآآآآآآآآآآآآآآآآآآآآآآآآآآه , ايه ياباشا هو فى ايه ؟http://forum.tamerlovers.com/images/smilies/new/swoon2.gif
الظابط : اخرس , وماسمعش نفسك , القفا اللى انت كلته حالا ده كان مجرد تسخين , انت ماتعرفش القفا الحقيقى بتاع برعى عامل ازاى , فى حاجة تانية ياست عايزة تقوليها
الست الفيل : أيوة يابيه http://forum.tamerlovers.com/images/smilies/new/biggrin.gif
الظابط :اتفضلى
الست الفيل : أنا باطلب من سيادتك تنفيذ حكم الاعدام فى الجدع دع , لانه خطر على الامن , وبعدين بينى وبينك ياباشا أهو تبقى عملت جميلة وريحت العالم منه http://forum.tamerlovers.com/images/smilies/new/swoon2.gif
الظابط : انتى عبيطة ياست انتى , اعدام ايه , وبعدين هو احنا فى محكمة عشان تطلبى من سيادتنا تنفيذ الاعدام فيه , عندك تهمة تانية عايزة تقوليها ؟
الست الفيل: لا يابيه ,متشكرين ياسيد الرجالة
الظابط : طب ماسمعش صوتك بقى عشان نعرف نكمل التحقيق
الست الفيل : حاضر ياباشا
الظابط : انته يابنى آدم , الست دى اتهمت دلوقتى ب4 تهم , مجوعهم على بعض ممكن يدخلك السجن 25 سنة , مؤبد يعنى
حنفى : يابيه والله الست دى كدابة ونصابة ومفترية كمان , أنا مظلوم يابيه والله
الظابط : اخرس لحد ماكمل كلامى , التهم الاربعة هى السرقة و التحرش و ونشر أفكار مناهضة للمرأة , والتحريض للانقلاب على نظام الحكم
حنفى : ياخراب بيتك ياحنفى , حكم ايه يابيه , ومناهضة إيه , أنا لوحدى عملت الحاجات دى كلها فى العشر دقايق اللى قعدتهم فى الاتوبيس
الظابط : تحب تدافع عن نفسك , ولا تتصل بالمحامى بتاعك
حنفى : المحامى بتاعى والله يابيه مابيكلمنيش من يوم ماقلتله ان المحامين دول شوية نصابين
الظابط : حلاوتك يامعلم , كده بقوا خمس تهم , آخرهم تهمة السب والقذف
حنفى : يابيه وحياة أبوك براحة عليا شوية , ده أنا راجل غلبان والله , وسيادتك هتعرف حالا بنفسك ان أنا مظلوم والله
الظابط : طيب , نمسك تهمة تهمة , أول حاجة السرقة , الست دى بتقول انك مديت ايديك فى شنطتها وحاولت تسرقها
حنفى : والمصحف الشريف يابيه , الهى يارب أنشل فى رجلى لو كنت باكدب , أنا ماعرف ان كانت الست دى يابيه معاها شنطة ولا معاهاش
الظابط : امال هى هتفترى عليك ليه يعنى ؟كنت جوز أمها مثلا
حنفى : يابيه هى اللى زى دى أمها تعرف تتجوز تانى من أساسه , يابيه الحكاية كلها ان أنا مارديتش أقوم لها واحنا فى الاتوبيس , راحت مصوتة ولمة الناس عليا , وقعدت تقول الكلام الاهبل ده كله
الظابط : يعنى انت مامديتش ايديك عليها وحاولت تتحرش بيها
حنفى : يابيه أنا عايز أطلب منك طلب صغير , وانت اللى هتدافع عنى بعديه , أنا عايزك تبصلها بس يابيه , وتسأل نفسك سؤال صغير ؟ هو أنا ممكن أفكر انى أفكر إنى أفكر أتحرش بيها
( نكمل في الحلقة الجاية )

جميلة جداااااااااااا
يسلمووووووووووو
يلا كملى
انا مستنياكى