وفر الفلوس
مش رايح دروس
أمى صعبانة علّى
أبويا قاعد مفروس
لو عايز تبقى شاطر
قم يا صاحبى ذاكر
دايما باستمرار
لواجبك خليك فاكر
إيه راح تاخد م الدش
والبلى ده والإش إش
فوق يا صاحبى فوق
إخطف يدك منه كش
غاوى لب تقزقز
فى الدرس كله إتنرفز
رايح جاى ع المدير
شكلك زعلان مبوز
شنطتك فى الأتارى
فاكرينك بتذاكر أتارى
ساقط ساقط والله
آه منك آه يا نارى
قم لله صلّى
ركعتين فى المتولى
توب لربك توب
راح تنجح تملّى
حب القلم والأستاذ
بكره تبقى علم ممتاز
والكل يبص لك
بالفخر والإعزاز
تأليف /طلعت مصطفى العواد
مدينة السرو -دمياط
مدرسة الشهيد محمد عربانو

عفوا .. ممنوع طرح أكثر من موضوع في يوم واحد