بص يا سيدى انا هجيبهالك من الاخر خالص وهاخدك على قد عقلك سواء كنت مصرى وهقلك الجزائرين مش بس ضربوا المصريين لا يا سيدى رموا عليهم قنابل نوويه
وهاخدك على قد عقلك برضه سواء كنت جزائرى وهقلك المصريين عملوا فى الجزائريين مالم يفعله الاحتلال الفرنسى فيهم خلال 138 سنه
كويس كده يا عمنا
حتى فى الحاله دى هيبقى سؤال طب ازاى ده حصل وايه اللى خلاه يحصل
هو مش علمونا فى المدارس فى رابعه ابتدائى على قد مافتكر فى حصة الدين وفى حصة العربى ان انما المؤمنون اخوه ؟؟؟؟؟؟؟؟؟
على قد مافتكر هم فعلا علمونا ده حتى بالاماره انا مكنتش حافظ الايه دى والمدرس ضربنى بالخرزانه على ضهر ايدى كمان
المهم ان كلنا اتعلمنا ده فى المدارس وسمعناه حوالى عشرومية مليون مره فى خطب الجمعه وفى كل البرامج الدينيه وفى شرايط المشايخ الى بيشغلها سواقين التكاسى والمايكروباصات اللى بدقون

طيب السؤال هنا مدام كلنا عارفين ده يبقى ليه قطعنا فى بعض علشان ماتش بغض النظر مين اللى بدا ومين اللى علم عالتانى ؟؟؟؟؟؟؟؟؟؟؟؟
مش يبقى الخلل عندنا ان حتة المؤمنين اخوه دى فيها خلل ومتساويش فى نظرنا غطا ازوزه فعلشان كده سهل اوى اننا نقطع فى بعض

فعلشان كده يا استاذى وسيدى وسعادة الباشا انا لما بقول نهدى اللعب والكلام وبنعمل دعوات تهدئه ونفتكسلها طرق زى اننا نروح الجزائر او نعمل مبادرات براءه من اللى حصل او اى حاجه من دى مش بنبقى بنتنازل عن حقوقنا وكرامتنا
لا يا بيه انا هنا بالظبط مبعملش حاجه غير انى اطالب بحقى واحاول استرد كرامتى
بس بحاول اعمل ده بانى افكر فى الاسباب اللى خلتنا نقطع فى بعض ونهدر كرامة بعض واعالجها
فاول سبب ان المؤمنين مش اخوه ولا حتى ولاد عم ولا حتى قرايب من بعيد ولا يعرفوا بعض اصلا
وده اللى لازم نعالجه علشان منقطعش بعض ونحافظ على كرامة بعض

تانى حاجه :
بالنسبه للى بيقول الاخ الاكبر يجب احترامه وان احنا دوله كبيره وعظيمه يا مصر يا ارض اللوا
هقوله بالبلدى " هى القرعه بتتباهى بشعر بنت اختها ؟؟؟؟؟؟؟؟؟؟؟؟؟؟؟؟؟؟؟"
ومعلش على مستوى الاسلوب بس بجد انا فى قمة غيظى دلؤت عالاخر
المهم مصر الدوله العربيه الكبرى كان زمان وراح وكان اخر عهدنا بيه ايام حرب 1973
من اول مابتدينا نقول ملناش دعوه بالعرب ويولع العرب وربنا اغنانا بالامريكان ولا الحاجه للعرب
من ساعتها مالناش اى وجه حق ولا وش نقول احنا الشقيقه العربيه الكبرى
طب بامارة ايه ؟
بامارة ان احنا رضينا ترجعلنا سينا بس بعد الحرب ونفضنا للجولان والارض الفلسطينيه المحتله والقدس بالرغم من ان دول اول واكتر ناس حاربوا معانا
ولا بامارة ان احنا قعدنا نتفرج على لبنان بعديها وهو بيقطع بعضه فى حرب اهليه 20 سنه كامله ولا بامارة ان احنا قعدنا نتفرج عالمغرب العربى اللى احنا بنتخانق معاه دلؤت وهو للاسف بيرجع تانى للهيمنه الفرنسيه والاوروبيه
ولا بامارة ان احنا متحركناش علشان الكويت الا تحت القياده الامريكيه وعلشان نجيب احتلال امريكى للخليج
ولا بامارة لما وقفنا نتفرج على العراق وامريكا بتحتله ولا بامارة ماوقفنا نتفرج على لبنان واسرائيل بتدكها بل وبنشمت فيها ولا بامارة ماساندنا وعاوننا اسرائيل فى حربها على غزه وحاصرنا غزه

الخلاصه ان الكبير بيبقى كبير بفعله ومواقفه وانه بيبقى اللى بيسند الصغير وبيحميه
انما موقفنا واحنا بنقول على نفسنا اننا كبار بيفكرنى بنكتة الدبانه اللى وقعت فى كاس ويسكى طلعت منه تقول وسع للنسر المفترس !!!!!!!!!!!!!!!

فالمشكله ان كرامتنا بتنداس علشان احنا صغيرين سواء فى بلدنا او تعاملنا مع كل الناس
ولو عاوزين كرامتنا متندسشى او تتهان تانى فلازم نبقى كبار ولازم نكون احنا اللى بنبادر واول ناس تقف وتتصدر فى كل مشاكل المسلمين
ولازم يكون عندنا كرامه وعزه فى بلدنا اولا قصاد اى حد بيهين كرامتنا فى بلدنا

بس انا كده خلصت اللى عندى:040vk0::040vk0:

اشوف وشكم بخير

وسنة سعيدة علينا جميعا

وبيتهيألى لو جيت في الاجازة
هلاقى الموضوع اتحزف وشبع حزفان


يلا
في رعاية الله

والسلام عليكم ورحمة الله

أراكم العام القادم

هو حضرتك كنتي جاية بتوصلي رسالة للجزايرين بس ولا ايه :d

متخليكي قاعدة لسه في خناقات جديدة مع سويسرا واسرائيل وحاجات كده :d
وخلاص بقى اللى حصل حصل مش حنفضل نحكي فيه طول عمرنا
اللى معانا عملناه

حتى بالاماره انا مكنتش حافظ الايه دى والمدرس ضربنى بالخرزانه على ضهر ايدى كمان
ايه ده (حافظ) وايه المدرس الشرير ده


فعلشان كده يا استاذى وسيدى وسعادة الباشا انا لما بقول نهدى اللعب والكلام وبنعمل دعوات تهدئه
من ناحية نهديه فلازم نهديه
اننا نروح الجزائر او نعمل مبادرات براءه من اللى حصل
ومن ناحية نروح فلأ طبعا مش هنروح
او اى حاجه من دى مش بنبقى بنتنازل عن حقوقنا وكرامتنا
احنا عمرنا ما نتنازل عن حقوقنا وكرامتنا
لا يا بيه انا هنا بالظبط مبعملش حاجه غير انى اطالب بحقى واحاول استرد كرامتى
وانتى متخيلة انهم هيتقبلو الموضوع ده فئة قليلة فقط
بس بحاول اعمل ده بانى افكر فى الاسباب اللى خلتنا نقطع فى بعض ونهدر كرامة بعض واعالجها
كويس جدا بس انتى مش مطالبة بكدة السؤلين بس
فاول سبب ان المؤمنين مش اخوه ولا حتى ولاد عم ولا حتى قرايب من بعيد ولا يعرفوا بعض اصلا
ما تقوليش كدة تانى
وده اللى لازم نعالجه علشان منقطعش بعض ونحافظ على كرامة بعض

صح بس هتحافظى عليها ازاى مع ناس مش طيقانا اصلا
تانى حاجه :
بالنسبه للى بيقول الاخ الاكبر يجب احترامه وان احنا دوله كبيره وعظيمه يا مصر يا ارض اللوا
هقوله بالبلدى " هى القرعه بتتباهى بشعر بنت اختها ؟؟؟؟؟؟؟؟؟؟؟؟؟؟؟؟؟؟؟"
بنت عمها مش بنت اختها
ومعلش على مستوى الاسلوب بس بجد انا فى قمة غيظى دلؤت عالاخر
سلامتك من الغيظ
المهم مصر الدوله العربيه الكبرى كان زمان وراح وكان اخر عهدنا بيه ايام حرب 1973
من قال انها راحت
من اول مابتدينا نقول ملناش دعوه بالعرب ويولع العرب وربنا اغنانا بالامريكان ولا الحاجه للعرب
قلنا ده امتى بس
من ساعتها مالناش اى وجه حق ولا وش نقول احنا الشقيقه العربيه الكبرى
طب بامارة ايه ؟
بامارة ان احنا رضينا ترجعلنا سينا بس بعد الحرب ونفضنا للجولان والارض الفلسطينيه المحتله والقدس بالرغم من ان دول اول واكتر ناس حاربوا معانا
ولا بامارة ان احنا قعدنا نتفرج على لبنان بعديها وهو بيقطع بعضه فى حرب اهليه 20 سنه كامله ولا بامارة ان احنا قعدنا نتفرج عالمغرب العربى اللى احنا بنتخانق معاه دلؤت وهو للاسف بيرجع تانى للهيمنه الفرنسيه والاوروبيه
ولا بامارة ان احنا متحركناش علشان الكويت الا تحت القياده الامريكيه وعلشان نجيب احتلال امريكى للخليج
ولا بامارة لما وقفنا نتفرج على العراق وامريكا بتحتله ولا بامارة ماوقفنا نتفرج على لبنان واسرائيل بتدكها بل وبنشمت فيها ولا بامارة ماساندنا وعاوننا اسرائيل فى حربها على غزه وحاصرنا غزه

احنا ما نفضناش لحد ولا راضيين عن اللى بيحصل للقدس وبعدين القيادة الامريكية ايه اللى بتقولى عليها دى واحنا بردو اللى هنجيب احتلال امريكى للخليج ايه اللى بتقوليه ده انا مش فهماكى خالص

الخلاصه ان الكبير بيبقى كبير بفعله ومواقفه وانه بيبقى اللى بيسند الصغير وبيحميه
انما موقفنا واحنا بنقول على نفسنا اننا كبار بيفكرنى بنكتة الدبانه اللى وقعت فى كاس ويسكى طلعت منه تقول وسع للنسر المفترس !!!!!!!!!!!!!!!

لا اله الا الله طب افرضى ان فى حد فى المنتدى مش مصرى يقول ايه

فالمشكله ان كرامتنا بتنداس علشان احنا صغيرين سواء فى بلدنا او تعاملنا مع كل الناس
ولو عاوزين كرامتنا متندسشى او تتهان تانى فلازم نبقى كبار ولازم نكون احنا اللى بنبادر واول ناس تقف وتتصدر فى كل مشاكل المسلمين
واحنا ماحولناش نعمل اى حاجة من بعد 73 صح
ولازم يكون عندنا كرامه وعزه فى بلدنا
صح
اولا قصاد اى حد بيهين كرامتنا فى بلدنا
فعلا دى اول حاجة لازم نعملها






بجد انتى موضوعك ده مضايقنى جدا

ومش فهماكى وفى حاجات بتقوليها

لا اله الا الله طب افرضى ان فى حد فى المنتدى مش مصرى يقول ايه

افضل ما قيل فى الموضوع شايفين يا اعضاء المنتدى العضوة المحترمة بتقول على بلدها ايه
وسبق وقلتى انك مصرية ومعتزة بمصريتك فين الاعتزاز فى اللى بتقوليه
حسبى الله ونعم الوكيل

شوفي يا بسمة..عارفة ايه اللي فارسني في الموضوع ده.
ان المبادرات بتنطلق من المصريين..يعنني كمان احنا اللي بنقولهم تعالو نبقى اخوت..و المصيبة الاكتر انهم بيحلقولنا.
تاني حاجة..هل زيارتكم للجزاير دي هي اللي هتجيب حقنا؟
ثالثا..لو احنا بنتباهى بحاجة حصلت من 36 سنة..طيب العرب بيتباهو بحاجات حصلت من اكتر من كده بكتير و احنا كمان اللي ساعدناهم فيها.
و بعدين بقى .. هل في 36 سنة حد قدر يحتل ارضنا تاني؟..احنا انتصرنا و حافظنا على النصر..و لا يخفى عليكي ان الحرب دمرت اقتصادنا و مينفعش نحارب تاني الا لما نصلح اقتصادنا الا لو العدو هو اللي بدأ الحرب.
و مصر مش هتحارب بامر من العرب..مصر هي القائد و هي المنفذ يعني العرب يقفلو بقهم خالص.
موضوع بقى اننا نسينا فلسطين و الجولان..
طيب..نفكر مع بعض..دلوقتي مصر خانت العرب و عملت معاهد مع الصهاينة و خرجت من معسكر المواجهة مع اسرائيل.
و سوريا رفضت السلام برغم انها مكانتش محققة نصر زي بتاعم مصر(مش تفاخر ولا حاجة انا بحب سوريا جدا).
هل سوريا بعد ما مصر عملت المعاهدة مع اسرائيل..هل سوريا ضربت على اسرائيل رصاصة واحدة توحد ربنا؟
ولا هو بقى كلام و خلاص؟
عارفين الدكتورة بسمة عايزة تقول ايه بالضبط؟
هي عايزة تقولي:ما كفاية بقى حرب اكتوبر اللي صدعتونا بيها دي.
على فكرة بقى حرب اكتوبر بيتألف عنها كتب لغاية دلوقتي.
السادات قال تاني يوم للنصرفي مجلس الشعب:
"ان القوات المسلحة المصرية قامت بمعجرة على اي مقياس عسكري".
و كمان قال:
"و لست اظنكم تتوقعون مني ان اقف امامكم لكي نتفاخر معا و نتباهى بما حققناه في احد عشر يوم من اهم و اخطر بل اعظم ايام تاريخنا"
يعني الراجل مش بيتفشخر مع ان ده حقه.
مصر هي قيادة العالم العربي بلا منازع.

بصي يا بسمة
مش هاقولك موضوعك دايقني ونرفزني لدرجة الضحك
وشوفي بقى لما نرفزتي توصل لدرجة الضحك يبقى ايه
وماحدش يقول يبقى هبل:av4056bb7jp3:


الجزء الأولاني من الموضوع اللي هو اول حاجة
ماشي مش زعلانة منه
لطيف ونايس وسمباتيك وكل حاجة

انما الحاجة التانية
لو الكلام ده من عندك يبقى انتي بتاخدي معلوماتك عن الحجات اللي مصر بتعملها لاخواتها الصغيرين
من قنوات الاخبار وبس
ومش بعيد م الجزيرة وبس
ولو انها قناه ظريفة جدا والله;) فيما لا يتعلق بمصر
المهم لو كنتي بتفكري ف حجات كتير دي بتحصل ازاي
وبتدخل منين ومين اللي بيوصلها
ومين اللي بيساعد ويطلع يستغرب زيه زي بقيت الخلق
بجد ما كنتيش هاتقولي كده
لان مصر بالرغم من كم الفساد الهائل اللي ف حكومتها
الا انها فعلا الام مش الشقيقة الكبرى وبس
باللي بتعمله
ومش شرط يطلع ف شريط الاخبار ويتناقش ف 90 دققيقة عشان تصدقوه

بس كده

وتروحي وتيجي بالسلامة ياستي:d

ووووووووووووو بس كدهون

بالاذن

لا اله الا الله طب افرضى ان فى حد فى المنتدى مش مصرى يقول ايه

افضل ما قيل فى الموضوع شايفين يا اعضاء المنتدى العضوة المحترمة بتقول على بلدها ايه
وسبق وقلتى انك مصرية ومعتزة بمصريتك فين الاعتزاز فى اللى بتقوليه
حسبى الله ونعم الوكيل



ههههههه
بتتحسبن على مين بالظبط

وبعدين الاخت قالت ايه يشكك ف اعتزازها بمصريتها

وبالمناسبة
التوقيع بتاعك ..مين دول اللي انت واثق ف عدالتهم ...الفيفا ....ماحدش قالك ان كلها فساد وقرف وبلاوي زرقا

احنا مش مصحصحين ليه ؟؟

بص يا سيدى انا هجيبهالك من الاخر خالص وهاخدك على قد عقلك سواء كنت مصرى وهقلك الجزائرين مش بس ضربوا المصريين لا يا سيدى رموا عليهم قنابل نوويه
وهاخدك على قد عقلك برضه سواء كنت جزائرى وهقلك المصريين عملوا فى الجزائريين مالم يفعله الاحتلال الفرنسى فيهم خلال 138 سنه كويس كده يا عمنا

لا مش تقولنا احنا عملنا وسوينا حتى لو ثبت ان بعض الناس ضربوا الاتوبيس بتاعهم فده مجرد تعصب وممكن اوى يكون هما البادئين بالاستفزاز للجماهير
وبعدين ده مش مبرر للكاذيب اللى نشروها عننا


حتى فى الحاله دى هيبقى سؤال طب ازاى ده حصل وايه اللى خلاه يحصل

أسالهم هما عن السبب وياريت وانتا بتسأل تسألهم ضربونا قبل كده فى ال 78 وال 84 وكل لقاء وكمان ياريت تسألهم عن عين الدكتور المصرى اللى ضاعت فى ال 89 وعن حادث التسمم للمدرب واللعيبة كمان فى الجزائر هذا العام


هو مش علمونا فى المدارس فى رابعه ابتدائى على قد مافتكر فى حصة الدين وفى حصة العربى ان انما المؤمنون اخوه ؟؟؟؟؟؟؟؟؟

هم المؤمنون اخوة لما يخصنا بس !! وهما مش مؤمنون واحنا برضه اخواتهم ولا ايه ؟


على قد مافتكر هم فعلا علمونا ده حتى بالاماره انا مكنتش حافظ الايه دى والمدرس ضربنى بالخرزانه على ضهر ايدى كمان

تستاهل علشان مش حافظ آيات دينك


المهم ان كلنا اتعلمنا ده فى المدارس وسمعناه حوالى عشرومية مليون مره فى خطب الجمعه وفى كل البرامج الدينيه وفى شرايط المشايخ الى بيشغلها سواقين التكاسى والمايكروباصات اللى بدقون

طيب السؤال هنا مدام كلنا عارفين ده يبقى ليه قطعنا فى بعض علشان ماتش بغض النظر مين اللى بدا ومين اللى علم عالتانى ؟؟؟؟؟؟؟؟؟؟؟؟
مش يبقى الخلل عندنا ان حتة المؤمنين اخوه دى فيها خلل ومتساويش فى نظرنا غطا ازوزه فعلشان كده سهل اوى اننا نقطع فى بعض

فعلشان كده يا استاذى وسيدى وسعادة الباشا انا لما بقول نهدى اللعب والكلام وبنعمل دعوات تهدئه ونفتكسلها طرق زى اننا نروح الجزائر او نعمل مبادرات براءه من اللى حصل او اى حاجه من دى مش بنبقى بنتنازل عن حقوقنا وكرامتنا

دعوات تهدئة ليه هو احنا شايلين المطاوى وماسكين الجزائريين ندبح فيهم
احنا بنعبر عن غضبنا من اللى حصل لينا ولسه بيحصل
ادخل على اى موقع فى النت وشوف الكلام والعمايل والصور والفديوهات والالفاظ الجميله بتاعت الاخوة الجزائريين
ولا احنا برضه اللى مطالبين بعمل كل حاجة


لا يا بيه انا هنا بالظبط مبعملش حاجه غير انى اطالب بحقى واحاول استرد كرامتى
بس بحاول اعمل ده بانى افكر فى الاسباب اللى خلتنا نقطع فى بعض ونهدر كرامة بعض واعالجها
فاول سبب ان المؤمنين مش اخوه ولا حتى ولاد عم ولا حتى قرايب من بعيد ولا يعرفوا بعض اصلا
وده اللى لازم نعالجه علشان منقطعش بعض ونحافظ على كرامة بعض

حتى لو مش فى اخوة فى الدين فى اخوة الانسانية وكان يجب عليهم هم اولا ولمرات كثيرة احترام هدذه الاخوة


تانى حاجه :
بالنسبه للى بيقول الاخ الاكبر يجب احترامه وان احنا دوله كبيره وعظيمه يا مصر يا ارض اللوا
هقوله بالبلدى " هى القرعه بتتباهى بشعر بنت اختها ؟؟؟؟؟؟؟؟؟؟؟؟؟؟؟؟؟؟؟"
ومعلش على مستوى الاسلوب بس بجد انا فى قمة غيظى دلؤت عالاخر
المهم مصر الدوله العربيه الكبرى كان زمان وراح وكان اخر عهدنا بيه ايام حرب 1973
من اول مابتدينا نقول ملناش دعوه بالعرب ويولع العرب وربنا اغنانا بالامريكان ولا الحاجه للعرب

مين قال الكلام ده
مين قال اننا استغنينا بالامريكان عن العرب
مسمعتش حاجة من دى
ده احنا بنسب ليل نهار فى سياسة امريكا وتحيزها


من ساعتها مالناش اى وجه حق ولا وش نقول احنا الشقيقه العربيه الكبرى
طب بامارة ايه ؟
بامارة ان احنا رضينا ترجعلنا سينا بس بعد الحرب ونفضنا للجولان والارض الفلسطينيه المحتله والقدس بالرغم من ان دول اول واكتر ناس حاربوا معانا

ههههههههههههههههه شر البليه ما يضحك
يعنى احنا حاربنا وهما معانا علشان الحرب بس
ولا علشان الارض ترجع ؟
طيب لما بدأنا السلام وكنا وقتها اقوى ليه رفضوا ينضموا لينا وساعتها كانت الكلمة موحده والاهداف اللى بنطمع ليها اعلى وكنا خدنا كل مطالبنا
جايين دلوقتى تقولوا احنا تخلينا عنهم



ولا بامارة ان احنا قعدنا نتفرج على لبنان بعديها وهو بيقطع بعضه فى حرب اهليه 20 سنه كامله
وهل المطلوب التدخل العسكرى فى شأن داخلى لدوله اخرى ام محاولات للصلح ؟
وهل تعلم ان مصر بذلت جهودا جباره فى اقناع السوريين اللذين كانت لهم الكلمة الاولى فى لبنان من اجل تهدئة المواقف ومازالت
وهل تنسى ان السعودية وقعت اتفاق الطائف مع طوائف لبنان بدعم من مصر
حتى ان مصر قدمت الكهرباء والخبرات للبنان


ولا بامارة ان احنا قعدنا نتفرج عالمغرب العربى اللى احنا بنتخانق معاه دلؤت وهو للاسف بيرجع تانى للهيمنه الفرنسيه والاوروبيه

ما المطلوب من اناس تغربوا عن قومهم واداروا ظهورهم للغتهم ودينهم
الم تسمع عن دعواتهم لاستخدام الامازيغية بدلا من العربية كلغة رسميه
وهل نحن من سعلا لاتحاد مغاربى بعيد عن الدول العربية وهل ... وهل ... ؟
الم تر الشركات والاطباء والمعلمين والمهندسين المصريين فى الجزائر اليس هذا من عوامل جذبهم للعروبة ؟ انظر ماذا حدث لهم الان ؟

ولا بامارة ان احنا متحركناش علشان الكويت الا تحت القياده الامريكيه وعلشان نجيب احتلال امريكى للخليج
برضه للمرة العشرين بتنسى اننا اول من حذرنا العراق من اخطار احتلال العراق
ويمكن انت كنت صغير وقتها مش مدرك للخطوات بتاعت مصر
افكرك ببعضها
الجولات المكوكية الرئيس مبارك قبل احتالا العراق للكويت ومنها اخر جوله قبل احتلاله الكويت بحوالى يومين تقريبا
وبعد الاحتلال وجه الرئيس نداءات كثيرة اخرها قبل الاحتلال بساعات للرئيس العراقى
ولكن لم يفهم ولم ينفذ والان اصبح العراق شراذم تتناهشها اظافر الاخرين من اسرائيل لايران لامريكا للاكراد للشيعة وهلم جرا


ولا بامارة لما وقفنا نتفرج على العراق وامريكا بتحتله ولا بامارة ماوقفنا نتفرج على لبنان واسرائيل بتدكها بل وبنشمت فيها ولا بامارة ماساندنا وعاوننا اسرائيل فى حربها على غزه وحاصرنا غزه

حكاية امريكا والعراق اصبحت معروفه ومفهومة ودى سياسة ثابته والعرب كلهم مش مصر بس ليس لهم يد فى ايقافها
اما لبنان فما المطلوب منا اكثر من التحركات السياسية اللى قمنا بيها
الم تشاهد الاعلام المصرى وقد جعل من حسن نصر الله بطلا رغم الاختلافت المذهبية بيننا
ولا مطلوب اننا نروح نضرب فى اسرائيل ونحاربها بدل من لبنان ؟

واذا كان مطلوب منا اكثر من كده ياريت نعرف؟
عندى اقتراح احلى لكل الناس اللى بتششك فى مصر ودورها
ايه رايكم اننا نكون جيش عربى من كل الدول العربية تقدم فيه كل دوله شبابها ودعمها المادى والعسكرى وتكون القياده فيه للسعودية وبلاش مصر واحنا حنقدم برضه فرقه فى الجيش زى غيرنا

تفتكر الحل ده حد من الاشقاء هيوافق عليه ؟!
مفتكرش !!!
لان الحروب الكلامية اسهل وايسر وكلها فوائد اما الحروب الواقعية فلها ويلاتها التى لا يريد احد من الاشقاء ان يذوقوها فلماذ تطالب مصر وحدها بذلك
وبعدين مصر ليها اتفاقية مع اسرائيل بينما سوريا ولبنان وايران فى عداء معاها يعنى لو بدأوا بالهجوم والضرب هيكون ليهم العذر ومعاهم السبب ولا ده مش مطروح اصلا ؟!!!

موضوع غزة عملنا زى اللى ساب الحمار ومسك فى البردعة على رأى المثل
خلافات الفلسطينيين انفسهم سبب الهجوم عليهم واضاعفهم هدف اسرائيل لو هما بيبصوا لمصلحة وطنهم يتفقوا مع بعض ويتحدوا وساعتها اسرائيل هتترعب منهم واحنا معاهم ندعمهم ونساندهم
قصه المعبر والحصار المصرى لغزة قصه مفضوحة ومعروفه لاى حد عنده عقل مصر مالهاش علاقه بقفل المعبر المعبر اللى قافله الفلسطنيين بخلافتهم
يا جماعه السنه الماضية رفضت حماس السماح للفلسطينيين بالخروج من المعبر للذهاب للحج مش مصر افهموها براحتكم
اخيرا لو الفلسطينيين حاسين اننا ضدهم وواثقين من ده ليه بيلجأوا لينا للوساطة بينهم وبين بعض وبينهم وبين العالم
والمفاوضات بتاعت فتح وحماس مين اللى بيشرف عليها وبينسق ليها
وده فكرنى بالمصالحة التاريخية بتاعت فتح وحماس فى قطر اللى طبعا ذهبت مع الريح



الخلاصه ان الكبير بيبقى كبير بفعله ومواقفه وانه بيبقى اللى بيسند الصغير وبيحميه
انما موقفنا واحنا بنقول على نفسنا اننا كبار بيفكرنى بنكتة الدبانه اللى وقعت فى كاس ويسكى طلعت منه تقول وسع للنسر المفترس !!!!!!!!!!!!!!!

طبعا واحنا كبار بافعالنا ومواقفنا على مر العصور
ومفيش مجال من اى منصف انه ينكر ده من اول انتصارنا على التتار والصليبيين والمغول لغاية نصر اكتوبر 1973 من الناحية العسكرية ومن الناحية السياسية والمواقف اكيد اكيد لينا الرياده رغم انف الحاقدين



فالمشكله ان كرامتنا بتنداس علشان احنا صغيرين سواء فى بلدنا او تعاملنا مع كل الناس
ولو عاوزين كرامتنا متندسشى او تتهان تانى فلازم نبقى كبار ولازم نكون احنا اللى بنبادر واول ناس تقف وتتصدر فى كل مشاكل المسلمين
ولازم يكون عندنا كرامه وعزه فى بلدنا اولا قصاد اى حد بيهين كرامتنا فى بلدنا

معلش ده كلام للاستهلاك المحلى ومن انواع جلد الذات
ومفيش بلد عربى مفيهوش نفس اللى بنعانيه فى مصر ان لم يكن اكتر
بس احنا عندنا من الحرية ما يجعلنا نفضح انفسنا بينما يخفى الاخرين عيوبهم عن الانظار اما بالحروب الكلامية او باقتباس ادوار الابطال حتى ولو بمحاربة طواحين الهواء


بس انا كده خلصت اللى عندى:040vk0::040vk0:

وانا كمان كده خلصت ردى عليك او عليكِ
وياريت نتمعن فيه بدل ما ننساق وراء حملات تريد منا جلد انفسنا وتقديمها قرابيين فى محاريب الأخرين