ياجماعه الرياضه مكسب وخساره
ولابد ان نتقبل الهزيمه كما نفرح بالفوز
والله انا شخصيا كنت متوقع اننا نخسر. ليه؟ لاننا اعتدنا على كده من منتخباتنا كلها بعد مايكسبوا مباره هامه ويكون ادائهم فيها ممتاز بنبالغ فى الفرحه جدا جدا جدا وبنعتبر نفسنا هنكسب المباره التاليه بالذوق او بالعافيه زى ما حصل لما كسبنا مباره ايطاليا دخلنا مباره امريكا واحنا متاكدين اننا هنكسب هنكسب خسرنا بشكل وحش جدا جدا وكذلك الامر حصل فى مباره منتخب الشباب لعبنا ماتش ايطاليا كويس جدا وخسرنا من فريق ضعيف بعدها وطلعنا من البطوله
والله نفسى بعد كده نأجل احتفالنا للاخر خالص لان العبره بالنهايه.
نقطه تانيه عاوز اتكلم فيها اننا مش بنشكر ربنا على النعمه بشكل صحيح بمعنى اننا بنعبر عن فرحتنا احيانا بمعصيه الله واكيد انتوا عارفين حكم الاسلام فى الاشياء اللى بتتعمل بعد المباره من كثير من الجماهير . الموسيقى الصاخبه اللى البنات رقصوا عليها فى الشوارع مع الاولاد والاغانى اياها ودهان وجوه البنات والاولاد بلون العلم هو ده انتماء؟ طبعا لا. وحاجات كتير بتحصل لاترضى ربنا وانا مش عاوز اتكلم فى حكم الدين فيها لأنكم كلكم تعرفوها احسن منى مليون مره
عموما مش فارقه يعنى اللى بيوصل كاس العالم من الدول العربيه والافريقيه بيعمل ايه يعنى؟ ولا حاجه؟ هيلعب ثلاثه مباريات وهيطلع والدوله هتتحمل ملايين الجنيهات لاعداد الفريق الشعب اولى بكل مليم يتصرف على كره القدم وحتى لو خد كاس العالم نفسه يعنى ايه اللى هيعود على الشعب؟ ولاحاجه
اوعى حد يزعل يااخواننا فرب ضاره نافعه وكل سنه وانتوا طيبين بمناسبه العشر الاوائل من ذى الحجه نبدأ صفحه جديده فى حياتنا ونتكلم بقى فى المفيد وكفايه بقى كلام عن الكره وكل واحد يشوف مصلحته . كلامى صح ولا ايه؟

الموضوع مش ماتش يا استاذ ..
انا اللي غايظني الجزائريين اللي هم حاليا اعداء لمصر .. دي حقيقة لازم نواجه نفسنا بيها .. 90% من الجزائريين بيكرهوا المصريين و على المستوى الرمسي برضه بيكرهوا الدولة المصرية.
شعب .... و احنا لازم نعلن حرب اعلامية عليهم الجزائر اعدائنا.
المسلم من سلم المسلمين من يده و لسانه...دول مسلمين بالاسم فقط.
يا جزائريين .. مصر دولة عظيمة و احقادكم مش هتفيدكم هنفضل اكبر و اقوى دولة عربية و انتو من غيرنا ولا تسووا اي حاجة زي باقي الدول العربية.

الموضوع مش ماتش يا استاذ ..
انا اللي غايظني الجزائريين اللي هم حاليا اعداء لمصر .. دي حقيقة لازم نواجه نفسنا بيها .. 90% من الجزائريين بيكرهوا المصريين و على المستوى الرمسي برضه بيكرهوا الدولة المصرية.
شعب .... و احنا لازم نعلن حرب اعلامية عليهم الجزائر اعدائنا.
المسلم من سلم المسلمين من يده و لسانه...دول مسلمين بالاسم فقط.
يا جزائريين .. مصر دولة عظيمة و احقادكم مش هتفيدكم هنفضل اكبر و اقوى دولة عربية و انتو من غيرنا ولا تسووا اي حاجة زي باقي الدول العربية.

الاخ محمد ارجو الا تعمم وتقول ان الجزائر اعدائنا و90 فى الميه بيكرهوا المصريين وانهم مسلمين بالاسم فقط يعنى كفار مثلا ولا ايه؟
تصرفات مشجعين كره القدم المتعصبين فى الجزائر مش معناها ان كل الشعب كده ان شاء الله الامور والعلاقات هتتحسن بين المصريين واخوانهم الجزائرين لاننا مسلمين قبل اى شيئ والبراء يكون من الكفار مش من اخواتنا فى الجزائر اللى وقفوا جنبنا فى حرب اكتوبر زى برضه ما احنا وقفنا جنبهم وارجو الا ننساق وراء الاعلام الذى يحاول تدمير العلاقه بين البلدين وبما انك فوكس فاكيد انت فاهم دور الموساد فى القصه دى واشتعال الازمه

الموساد ملهوش دور .. الجزاير مش فارقة مع اسرائيل لانها دولة ملهاش دور .
و بعدين يا اخي على فرض دور الموساد مادام الجزاير انساقوا وراه يبقوا اعدائنا احنا ما درش مننا اي حاجة .. و محدش يقول الشحن من الجانبين .. كل حاجة كانت من الجزاير
يا اخي احنا ما اعتديناش عليهم لا بالضرب ولا بكلام . اللي عملوا كده.
انا اتبرأ منهم .. و بقول دلوقتي مصلحة مصر و بس.

ليه بس كدة يا محمد بلاش تبقى عنيد

العرب كلهم اخوه مهما حصل

والاخوات بيتخانقو ويرجعو يتصالحو تانى

وربنا على كل ظالم مفترى

وكتير من العرب بيكرهنا بس بردو فى اللى بيحبنا

و بلاش حكاية الحرب دى

وليه انت متضايق اوى كدة

ياترى لحالنا كعرب ولا كمصريين




ويا ترى بتبقى كدة لما بتسمع
فى الاخبار عن اليهود واللى بيعملوه في اخواتنا



ارجو انك ماتزعلش وتتقبل منى النصيحة
وتركز اكتر فى دراستك لو انت طالب
وفى حياتك بشكل عام



واهى ازمة وهتعدى

وشكرا ليك يا مستر عصام وانت فعلا صح

اللي يمد ايده على مصري يتقطع ايده.
عمرنا ما هنتصالح مع الجزاير الا لو وقعوا ان شاء الله في كارثة و سحوا بقيمتنا.
انتي عارفة ايه المشكلة .. ان دي مش كراهية بين نظامين .. ده الشعب نفسه بيكرهنا.. و بعدين الحكومة و النظام الجزيري تعمد انه يبعت مجرمين .. يعني دلوقتي الحكومة و الشعب بيكرهونا منتظرين ايه .. انا لازم اهتم بالموضوع عشان لما اسافر اي حتة يتعملي حساب.
ايام عبد الناصر كان يقولك انت بلد ناصر فمحدش يقربلك مع اننا ما اعتقدش كنا بنعمل حاجة للمصريين بره.
و زعلان منك عشان فكرتيني بالدارسة زنقونا في الميد ترم و عندنا اكتر من امتحان يوميا الاسبوع الجاي و مش مذاكر حاجة ربنا يستر.