مستقبلى فى خطر. [الأرشيف] - بوابة الثانوية العامة المصرية

ahmed yay

23-09-2009, 03:47 AM

BaNZeR

23-09-2009, 05:10 AM

بص ياحمد انت عندك حالة خطرة جداً من الادمان تسمى بادمان النت وصنفت الرابعة على مستوى العالم من حيث أنواع الإدمان

بس ده حالة طبيعية لأي واحد بيقعد عالنت وانا اولكو :d

انا واحد كان بيقضي في ثانوية عامة مش اقل من 6 ساعات في اليوم عالنت والكمبيوتر

كنت بلعب لعبة عالنت وكان لازم اتابعها على طول واضطريت اقعد جنبها :d

انت بتقول إنك جايب مجموع حلو في تانية
حلو خالص

يعني الكمبيوتر مكنش مأثر عليك اوي في المذاكرة

اي واحد فينا بيخلص الحصة وبيرميها
ويرجع يذاكرها قبل الحصة اللى بعدها

انا نفسي كنت بعمل كده مش حنكدب :d

إنك تشيل المشترك ده مش حل
او ممكن تعتبره حل مؤقت

الحل لازم يبقى عندك انت من نفسك انت

انت داخل حاسبات
يعني مجال الكمبيوتر
وحتى لو مش داخله
محدش ينفع في العصر ده يستغني عنه

اللى انت المفروض تعمله تقلل وقتك ولو ساعتين بس في اليوم عن وقتك الاساسي

لو ماشي في دروسك مظبوط ومستواك كده كويس يبقى ده مش مشكلة ولا حاجة

ومتقلقش كتير كده
العملية نفسية مش اكتر

وزي ما بقولك
محدش فينا مش بيقعد عالكمبيوتر والنت
بس الشاطر اللى يقسم الوقت ويعرف هو بيضيع كام ساعة عالنت (أكيد مش انا :d )

وربنا يوفقك ياحمد

**(elktra)**

23-09-2009, 08:12 AM

السلام عليكم ورحمة الله وبركاته.
كل سنه وانتم طيبين وتقبل الله منا ومنكم وانا عاوز مساعدتكم فى حل مشكلتى ومشكلتى هيه الكمبيوتر والانترنت مستقبلى فى خطر بسبهم فانا بحب الكمبيوتر والنت جدا وانا رايح تالته ثانوى عدت تانيه لظروف خاصه والكمبيوتر معطلنى عن المذاكره خالص ومش قادر اسيبه وحاولت كتير وانا جايب فى تانيه مجموع حلو بس المشكله دى تعبانى خالص ومش عارف اعمل فيها ايه وانا خايف ما ادخولشى الكليه اللى انا عاوزها اللى هيه حاسبات ونظم المعلومات طبعا بسبب الكمبيوتر وصعب جدا انى اشيل الكمبيوتر وكمان انا النهارده شلت المشترك واديته لولدتى وقلتلها مش عاوزه خالص النهارده علشان اذاكر فضلت طول اليوم ما ذاكرتش غير نص ساعه بس وحاسس انى ميت خالص من غير الكمبيوتر وجبت المشترك وشغلت الكمبيوتر واحيانا باخد درس واركنه واجى قبل ماروح الدرس بيوم افتحه وابدا المذاكره وبخلص اللى عليا بس مش مذاكره تمام ومع كل ده مخلص كل حاجه اول باول بس مش زى ما انا عاوز بجد انا فى مشكله ومش عارف اطلع منها ازاى وانا عاوز مساعده.
شكرا.
سلام.

يبقي هنا مش عندك مشكلة وده بيحصل مع ناس كتير ومعايا شخصيا
بالعكس بقي انا شايفة ان طول ما انت خايف علي مذاكرتك ونفسك تنجح وتثبت وجودك مش بقت مشكلة المشكلة لما تبقي بتهمل مذاكرتك
المهم بقي ازاي تعمل كده........
احنا بنبقي في الدراسة قمة الالتزام وفي الاجازة قمة الاهمال او اي حاجة عكس الالتزام
ربنا يوفقك
بص ياحمد انت عندك حالة خطرة جداً من الادمان تسمى بادمان النت وصنفت الرابعة على مستوى العالم من حيث أنواع الإدمان

بس ده حالة طبيعية لأي واحد بيقعد عالنت وانا اولكو :d
كل من بالسايت عندهم الحالة دي وهي مشكلة ومش مشكلة..

انا واحد كان بيقضي في ثانوية عامة مش اقل من 6 ساعات
بس انا بقعد والله10 ساعات واكتر
في اليوم عالنت والكمبيوتر

انا نفسي كنت بعمل كده مش حنكدب :d

الحل لازم يبقى عندك انت من نفسك انت

اللى انت المفروض تعمله تقلل وقتك ولو ساعتين بس في اليوم عن وقتك الاساسي

لو ماشي في دروسك مظبوط ومستواك كده كويس يبقى ده مش مشكلة ولا حاجة

ومتقلقش كتير كده
العملية نفسية مش اكتر

وزي ما بقولك
محدش فينا مش بيقعد عالكمبيوتر والنت
بس الشاطر اللى يقسم الوقت ويعرف هو بيضيع كام ساعة عالنت (أكيد مش انا :d )

من الوقت الاصلي ساعتين
ولا نقعد ساعتين
تفرق كتير
لكن الحمد لله كنت بحسب اني الوحيدة اللي بعاني من المشكلة دي
يبقي مش عندي مشكلة
.............

dr.only hope

23-09-2009, 09:13 AM

السلام عليكم ورحمة الله وبركاته.
وعليكم السلام ورحمة الله وبركاته :)
كل سنه وانتم طيبين وتقبل الله منا ومنكم
وانت طيب اللهم امين وانا عاوز مساعدتكم فى حل مشكلتى ومشكلتى هيه الكمبيوتر والانترنت
يقطع النت ع النتيت على اللى بينتتوا :d مستقبلى فى خطر بسبهم فانا بحب الكمبيوتر والنت جدا وانا رايح تالته ثانوى عدت تانيه لظروف خاصه والكمبيوتر معطلنى عن المذاكره خالص ومش قادر اسيبه وحاولت كتير وانا جايب فى تانيه مجموع حلو بس المشكله دى تعبانى خالص ومش عارف اعمل فيها ايه وانا خايف ما ادخولشى الكليه
متقولش كدا يا احمد تفاءلوا بالخير تجدوه صدقت يا رسول الله باذن الله هتدخلها وتنجح فيها ياااااااااارب :)اللى انا عاوزها اللى هيه حاسبات ونظم المعلومات طبعا بسبب الكمبيوتر وصعب جدا انى اشيل الكمبيوتر وكمان انا النهارده شلت المشترك واديته لولدتى وقلتلها مش عاوزه خالص النهارده علشان اذاكر فضلت طول اليوم ما ذاكرتش غير نص ساعه بس وحاسس انى ميت خالص من غير الكمبيوتر وجبت المشترك وشغلت الكمبيوتر واحيانا باخد درس واركنه واجى قبل ماروح الدرس بيوم افتحه وابدا المذاكره وبخلص اللى عليا بس مش مذاكره تمام ومع كل ده مخلص كل حاجه اول باول بس مش زى ما انا عاوز بجد انا فى مشكله ومش عارف اطلع منها ازاى وانا عاوز مساعده.
شكرا.
سلام.

بص يا سيدى اولا شيل المشترك مش حل خالص
بس فى حل حاول تجربه انك تقلل تدريجى يعنى مثلا تقول ان ال24 ساعة اللى جايين مش هقعد خالص
ويعدوا من غير ما تقعد (مش لازم تذاكرهم كلهم وتاخد الحياة قفش يعنى ) بعد كدا تقعد عليه شوية بعد كدا تقول طب ال36 ساعة الجايين مش هقعد ثم ال48 ساعة وال60 ساعة لحد ما تلاقى نفسك خفيت من الادمان يا فندم وهتلاقى نفسك تمام وزى الفل باذن الله
وعايزة اقولك حاجة متشدش ع نفسك قوى (لو شديت الغربال قووووووووى ممكن يتقطع ) لانك فجاة هتلاقى نفسك زهقت ذاكر اه علطول اه كتير اه بس متضغطش ع نفسك قوى لتنفجر دا والله من التجربة وكمان 3 ثانوى سهلة والله متقلقش ذاكر واعمل اللى عليك وكله بيعدى وادينا عدينا الحمد لله بس لسه ف عنق الزجاجة لحد ما الدراسة يبانلها بداية :angry2:
روق كدا يا احمد وحاول تنفذ خطتى ويارب تنجح
ومبروك مقدما ع الكلية يا هندسة :av4056bb7jp3:

يبقي هنا مش عندك مشكلة وده بيحصل مع ناس كتير ومعايا شخصيا

بالعكس بقي انا شايفة ان طول ما انت خايف علي مذاكرتك ونفسك تنجح وتثبت وجودك مش بقت مشكلة المشكلة لما تبقي بتهمل مذاكرتك
المهم بقي ازاي تعمل كده........
احنا بنبقي في الدراسة قمة الالتزام وفي الاجازة قمة الاهمال او اي حاجة عكس الالتزام
ربنا يوفقك

من الوقت الاصلي ساعتين
ولا نقعد ساعتين
تفرق كتير
لكن الحمد لله كنت بحسب اني الوحيدة اللي بعاني من المشكلة دي
يبقي مش عندي مشكلة

.............

نعم نعم نعم تعالى هنا وقولى تانى كدا
بتقعدى قد ايه يا اليكترا 10 ساعات حرام عليكى يا بنتى:slap1qk6: كدا بجد كتير يا حبى ولازم تقللى بجد
دراستك ومستقبلك اهم بكتير من حتة موقع او اى لقب او منصب هنا خلى بالك من دراستك وكمان عينيكى يا بنتى والله هتوجعك

**(elktra)**

23-09-2009, 09:45 AM

نعم نعم نعم تعالى هنا وقولى تانى كدا
بتقعدى قد ايه يا اليكترا 10 ساعات حرام عليكى يا بنتى:slap1qk6: كدا بجد كتير يا حبى ولازم تقللى بجد
دراستك ومستقبلك اهم بكتير من حتة موقع او اى لقب او منصب هنا خلى بالك من دراستك وكمان عينيكى يا بنتى والله هتوجعك
ده انا كده بعمل اعجاز تاريخي في حياتي وفي نقطة لونها ابيض دلوقتي
انا كنت مش بقوم من قدام الجهاز بس من زمان يعني (حوالي 3 سنين او4 ) حاجة زي كده
ماما كانت تقول انا بقعد 48 ساعة في 24 ساعة
اكيد دراستي ومستقبلي اهم
انتي لو شفتي ردي اللي فوق

احنا بنبقي في الدراسة قمة الالتزام وفي الاجازة قمة الاهمال او اي حاجة عكس الالتزام

وده انا بطبقه من زمان سنه تقريبا وجابت فايدة الحمد لله السنة اللي فاتت
مش مشكلة عندي يعني او تعبانة منها
او مثلا مستوايا مش كويس في الدراسة
لا الحمد لله
كل حاجة عندي بضوابط
الدراسة لها شغل والاجازة شغل

•-{«-•OkOhama•«-}-•

23-09-2009, 02:29 PM

بص ياحمد انت عندك حالة خطرة جداً من الادمان تسمى بادمان النت وصنفت الرابعة على مستوى العالم من حيث أنواع الإدمان

بس ده حالة طبيعية لأي واحد بيقعد عالنت وانا اولكو :d

انا واحد كان بيقضي في ثانوية عامة مش اقل من 6 ساعات في اليوم عالنت والكمبيوتر

كنت بلعب لعبة عالنت وكان لازم اتابعها على طول واضطريت اقعد جنبها :d

ممكن تقلي اسمها ايه اللعبه دي :d

انت بتقول إنك جايب مجموع حلو في تانية

اه قال كده ........ يا بخته :d

حلو خالص

يعني الكمبيوتر مكنش مأثر عليك اوي في المذاكرة

اه انا شايف كده بردو :p

بس احتمال المجموع يكون حلو بس مش اوي زي ما هو عاوز

اي واحد فينا بيخلص الحصة وبيرميها
ويرجع يذاكرها قبل الحصة اللى بعدها

انا نفسي كنت بعمل كده مش حنكدب :d

محدش سالك :p:d

إنك تشيل المشترك ده مش حل

اه فعلا

او ممكن تعتبره حل مؤقت

الحل لازم يبقى عندك انت من نفسك انت

انت داخل حاسبات
يعني مجال الكمبيوتر
وحتى لو مش داخله
محدش ينفع في العصر ده يستغني عنه

اللى انت المفروض تعمله تقلل وقتك ولو ساعتين بس في اليوم عن وقتك الاساسي

لو ماشي في دروسك مظبوط ومستواك كده كويس يبقى ده مش مشكلة ولا حاجة

ومتقلقش كتير كده
العملية نفسية مش اكتر

وزي ما بقولك
محدش فينا مش بيقعد عالكمبيوتر والنت
بس الشاطر اللى يقسم الوقت ويعرف هو بيضيع كام ساعة عالنت (أكيد مش انا :d )

وربنا يوفقك ياحمد

انا شايف بعد الكلام اللظيظ :d

اللي راجل ده قاله

مفيش كلام

بس هو فعلا المفروض يبقي عندنا اراده

وانت ادعي ربنا انه يعينك وانت بتصلي

تقبل مروري

Eng. A'laa Salah

23-09-2009, 04:13 PM

بص هاقولك علي حاجه
انا كنت بردو نفس الوضع زيك
وكان سب ضياعي في سنه تانيه ثانوي
في سنه تانيه كان اغلب الوقت علي الكمبيوتر ووقت كتير بيضيع ومش باذاكر بتركيز وفي البيت كانوا بيقولولي مش هتجيبي ابدا اكتر من 95% بالنظام ده
وانا الحمد لله جبت 96.6% ولو كنت ركزت اكتر كنت هاجيب باكتر من ده كتير

لما دخلت في سنه ثالثه عملت حركه
استفيد من الكمبيوتر في مذاكرتك
مع انهم في البيت مكانوش مقتنعين بالاسلوب ده في المذاكره
يعني شوف الحاجات اللي بتساعدك في المذاكره علي النت وذاكر منها
بس مش معني كده انك تستغني عن الكتب والملخصات والمذكرات
يعني انا مثلا كنت باحضر في الغرفه الصوتيه وباحمل الملفات اللي كانت في الموقع واي حاجه مكنتش بافهمها باحضرها في الغرفه او باسال فيها المدرسين علي الرسايل الخاصه او الايميلات وكنت باتابع الحصص الافتراضيه في موقع الوزاره وكده
والحمد لله جبت في سنه ثالثه 98.5%
فحاول انك تستفيد من النت في مذاكرتك بس بردو متهملش شرح المدرسين والكتب والطريقه المعتاده في المذاكره
بس مش معني كده انك تاخد ده حجه وبدل ما تذار علي النت تقعد تتكلم علي الايميل او تلعب او تضيع وقت

booklife

23-09-2009, 05:55 PM

انا برده عندى المشكلة دى بس لما الكمبيوتر باز شوية
حسيت انى زهقت منه
بس انا استفدت برده من الردود اللى فوق

ahmed yay

23-09-2009, 08:47 PM

السلام عليكم ورحمة الله وبركاته.
والله انا الصراحه مش عارف اقول لحضراتكم ايه ولا عارف اشكركم ازاى ولكن انا الصراحه استفدت خالص من رودودكم الجميله المفيده التى اسعدتنى كثيرا واقولكم جميعا بارك الله فيكم وجزاكم الله خيرا.
وشكرا.

•-{«-•OkOhama•«-}-•

24-09-2009, 09:49 PM

ahmed yay

24-09-2009, 11:09 PM

العفو يا باشا

ولا يهمك

انا كنت عارف انا محدش هيفيدك غيري :d

السلام عليكم:).
طبعا يا غالى دا انت الكل فى الكل.
سلام:078111rg3:.

Last Fantasy

25-09-2009, 03:29 AM

بروف انس

25-09-2009, 08:36 AM

الحل بسيط بس اديك لمحه تاريخيه هرجع بالذاكره حوالي 9 شهور انا وواحد صاحبي كان عندنا نفس المشكله وهي ادمان الانترنت وبرامج الفوتشوب والالعاب بس الصراحه احنا مكناش عباقره فوتشوب بس كنا بنتعلمه جه صاحبي قالي ان هو عايز يركز في المذاكره وباقي علي الامتحان 4 شور فيعمل ايه قلتله انا كمان والله قلتله انا هروح افصل النت ومش هشترك الا بعد الاجازه وهمسح الالعاب وافرمت الجهاز والبارتيشنز المهم انا معملتش حاجه من دي خالص لان الالعاب كانت عزيزه وسميحه علي اوي المهم صاحبي عمل كده وجهازه بقي زي الحله الاستنلس لما تكون شاريها بس والله صاحبي ذاكر حلو ودجاب في تالته حوالي 97 في الميه بعد ما كان جايب 85 في الميه في تانيه بس وانا الحمد لله دخلت هندسه وتوته توته فرغت الحدوته لو الحل عجبك نفذه ولو معجبكش ولا اكنك قريت حاجه يلا جود بايظ " وداعا بالانجلش "

ahmed yay

25-09-2009, 02:51 PM

أنا مش بحاول أحبطك ولا حاجه بس مفيش حد في المنتدي هيقدر يساعدك لان الظروف تختلف يعني طريقة التربية في البيت عندكم شكلها ايه ومستواك التعليمي شكله ايه وحاجات كتير وانتا أكتر واحد أدري بظروفك وأنا عن نفسي مبعرفش أنجم يعني أكتر مساده ممكن تجيلك من هنا هو مساعده في موقف يعني تقريبا 10 دقايق من حياتك إنتا تعرف أكتر واحد ممكن يساعدك هو مين ؟!!! هو إنت !!! متستغربش اه هو انت لان انت عارف نقط ضعفك ونقط قوتك بمعني ايه أكتر دافع ممكن يشيل الكمبيوتر من دماغك وطبعا حتحب تتعنطز وتقولي مفيش لا فيه صدقني أنا يمكن مبقعدش علي الكمبيوتر كتير بس بكره إحساس الضعف إن اله تسيطر علي انسان لان وأنا في تانيه ثانوي كان مسيطر عليا لعبة إسمه سيلك رود أكيد تعرفها كرهت اللعبة علي اللي عملها ومعرفتش أسيبها وضيعتني في الثانوية بس لما حاولت بعد نضال طبعا سيبتها في يوم وليلة وبكل سهولة وملعبتهاش تاني شوف نفسك وانت تعرف تتصرف
السلام عليكم.
بسم الله ماشاء الله على كلامك الجميل وانا فعلا ظروفى ممكن تكون هيه السبب فى المشكله دى لانى انا انطوائى شويه صغيرا واتربيت كده ومكنتش مصاحب حد فى القريه بتاعتنا الا كام واحد 2او3 فانا بلاقى نفسى فى الكمبيوتر وهيه دى الحاجه اللى بعرفها يعنى ماليش فى الكوره ولا اى حاجه من الكلام ده فالكمبيوتر يعتبر هوايتى الوحيده والمفضله اللى وبيخلينى احس انى حاجه كويسه ولكن كلامك فعلا جميل جدا وساعدنى كتير والاهم من ده كله انا اسف جدا جدا والله لانى مردتشى على حضرتك فى موضوع اللى طلبت فيه منك انك تقولى على حكايتك مع الكمبيوتر وانا متاسف خالص والله بس انت عارف بقى العيد والذى منه وكل سنه وانت طيب.
شكرا.
سلام.

ahmed yay

25-09-2009, 02:58 PM

**تسابيح**

25-09-2009, 05:45 PM

ل اللي عايزة اقولهولك خلي عندك هدفك

تسعي انك تحققه ساعتها صدقني هتقدر تحمي نفسك
من الادمان دا
وخلي ولدك يعمله بباسورد ويوم الجمعة اقد براحتك
بس برده لما تكون خلصت كل حاجة عندك
وخليك تفكيرك ف مستقبل والكلية اللي انت بتحبها