كلمتين صغيرين ياحلوين يامقطقطين(الطلبه الجدد بطب بيطري القاهره ) [الأرشيف] - الصفحة 2

مشاهدة النسخة كاملة : كلمتين صغيرين ياحلوين يامقطقطين(الطلبه الجدد بطب بيطري القاهره )

الصفحات : 1 [2]

SENDRILLA

24-09-2009, 10:26 PM

طب تصوري ان مشكلتي عكس مشكلتك....انا طول عمري مبذكرش بيقولو عليا مش بتاع مذاكره عشان كده عمري مازعلت لو جبت درجات تحت...بالنسبه ليكي اوعي تزعلي او تحسي ان درجاتك مش علي اد مجهودك لأن ربنا بيدي كل واحد علي اد مجهوده ومبروك ياعم علي الامتياز كنتي المفروض تنزلي حاجه ساقعه للمنتدي كله‎:‎ d ‎ عقبال الامتياز الكبير ان شاء الله...
سبحان الله عكس عكس يعني
انا عمري ماحد قاللي ذاكري
الا نادرا يعني لما بستهبل فيها اوي
بالنسبه للامتياز بقي
انتي غاوي تغرمنا ولا ايه يا دكتور
ماهم محضروش معايا النتيجه بقي :d
ان شاء الله السنه الجايه نبقي نفرقلهم يا اما حاجه ساقعه يا اما مشروب تاني بقي :blush:

Mego_me

25-09-2009, 01:32 AM

سبحان الله عكس عكس يعني
انا عمري ماحد قاللي ذاكري
الا نادرا يعني لما بستهبل فيها اوي
بالنسبه للامتياز بقي
انتي غاوي تغرمنا ولا ايه يا دكتور
ماهم محضروش معايا النتيجه بقي :d
ان شاء الله السنه الجايه نبقي نفرقلهم يا اما حاجه ساقعه يا اما مشروب تاني بقي :blush:

عادي يادكتور خلاص ده واجب علينا خلاص الحاجه الساقعه السنه الجايه علينا ومشروب تاني سحلب كمان :d بس انتي شدي بس السنه دي....

حمااده

25-09-2009, 02:14 AM

المشاريب عليكوا انتوا الكبار
وبعدين حضرولى هديا واعولى والنبى اجيب التقدير اللى انا عاوزه

Mego_me

25-09-2009, 03:39 AM

المشاريب عليكوا انتوا الكبار
وبعدين حضرولى هديا واعولى والنبى اجيب التقدير اللى انا عاوزه

ماشي يابوحميد انجح انت بس وهانزلك المشاريب و الهدايا ....

Hamset_Etab

25-09-2009, 02:24 PM

ايه ده هى بقى فيها حاجه ساقعه ومشاريب
طيب ابقوا اعملوا حسابكم تجيبولى شيكولاته عشان مش بحب الحاجات الساقعه:(
فين يا زوزو باقى الحلقات؟؟؟؟؟

lobna24

25-09-2009, 09:39 PM

هاااااااااااااااااااااااااااااااااااااى يا جماعه وحشتونى اوووووووووووى
انا شكلى غايبه بقالى كتير بس ما علينا
واهلن بكل حد دخل جديد معانا

حمااده

25-09-2009, 09:53 PM

هاااااااااااااااااااااااااااااااااااااى يا جماعه وحشتونى اوووووووووووى
انا شكلى غايبه بقالى كتير بس ما علينا
واهلن بكل حد دخل جديد معانا
بقالك كتير اوى
بس نورتى برده

Mego_me

25-09-2009, 11:03 PM

ايه يا جماعه انتو اعضاء في المنتدي بقالكم اد ايه؟؟؟؟؟؟:d:d

SENDRILLA

25-09-2009, 11:38 PM

المشاريب عليكوا انتوا الكبار
وبعدين حضرولى هديا واعولى والنبى اجيب التقدير اللى انا عاوزه
[س انت ارفع راسنا واحنا نظبطك :d

SENDRILLA

25-09-2009, 11:41 PM

ايه ده هى بقى فيها حاجه ساقعه ومشاريب

طيب ابقوا اعملوا حسابكم تجيبولى شيكولاته عشان مش بحب الحاجات الساقعه:(

فين يا زوزو باقى الحلقات؟؟؟؟؟

بس كده من عيوني ياقمر
وانا والله شفت البوست ده النهارده بس كنت عند عمو وانا مش بعرف اشتغل اوي علي جهاز غير بتاعي
فمعرفتش انزللكو الباقي
هنزلها دلوقتي ياقمر متقلقيش :)

SENDRILLA

25-09-2009, 11:45 PM

هاااااااااااااااااااااااااااااااااااااى يا جماعه وحشتونى اوووووووووووى
انا شكلى غايبه بقالى كتير بس ما علينا
واهلن بكل حد دخل جديد معانا
اها يا لولي بقالك كتير اوي
وحشتنيا يابنتي والله

SENDRILLA

25-09-2009, 11:47 PM

ايه يا جماعه انتو اعضاء في المنتدي بقالكم اد ايه؟؟؟؟؟؟:d:d
انا عن نفسي بقالي 3 سنين هنا :022yb4:
لكن كلهم متهيألي مش اكتر من 3 شهور يعني :p

SENDRILLA

26-09-2009, 12:01 AM

lobna24

26-09-2009, 12:04 AM

اها يا لولي بقالك كتير اوي
وحشتنيا يابنتي والله

وانتى كماااااااااااااااااااااان يا زوزو امتى بقى نتقااااابل
زهقت اوووووووى

lobna24

26-09-2009, 12:07 AM

بقالك كتير اوى
بس نورتى برده

مااااااااااشى يا محمد وسمااااااااااااح على .............
انت اخويا برضو
ان شاء الله هبقى معاكو ومش هتاخر تااااااانى

lobna24

26-09-2009, 12:20 AM

ايه يا جماعه انتو اعضاء في المنتدي بقالكم اد ايه؟؟؟؟؟؟:d:d
ههههههههههههههه
اه يعنى مش اووووووووى انا كنت متابعه هنا كل الايام السوده بتاعت الامتحانات وبتاعت التنسيق كمان
هههههههههههههه

Dr.Nader Galal

26-09-2009, 12:56 AM

SENDRILLA

26-09-2009, 01:07 AM

بعد بسم الله الرحمن الرحيم والسلامـ عليكم ورحمه الله وبركاته ...
بعد ما قريت التوبيك ده ندمت أني مسجلتش من الاول بس أعذروني المنتدي ده بيفكرني بأيام سوده بعد النتيجه:o:angry2: يلا الحمدلله ..المهم /معاكو من غير ألقاب دكتور نادر جلال أولي طب بيطري القاهرة ..ةشكلي جيت في الوقت المناسب لدكتور محمد عشان في أزمه في الشباب في سنة أولي لدرجة أني حسيت أنها دُفعة نسائيه ,وأحب أشكركو عـ المعلومات اللي فادتني جداً..,اطمنكو لآن أنا أصلاً أجدع واحد يلعب بالاجنتين:D:Dوفي الآيند أحب أكون ضيف خفيف عليكو ونبتدي المسيرة من هنا :abdoog8:
اهلا بيك معانا يا دكتور
وبجد يا دكتور محمد انا فرحانالك كتيييير اوي:av4056bb7jp3:
انا عارفه ان محدش هيعرف يكلمك بعد ما لقيت زميل:d
وكمان هيبقي معاك في السكشن:bosyht9:
يعني مفيش بعد كده :d

lobna24

26-09-2009, 02:04 AM

بعد بسم الله الرحمن الرحيم والسلامـ عليكم ورحمه الله وبركاته ...
بعد ما قريت التوبيك ده ندمت أني مسجلتش من الاول بس أعذروني المنتدي ده بيفكرني بأيام سوده بعد النتيجه:o:angry2: يلا الحمدلله ..المهم /معاكو من غير ألقاب دكتور نادر جلال أولي طب بيطري القاهرة ..ةشكلي جيت في الوقت المناسب لدكتور محمد عشان في أزمه في الشباب في سنة أولي لدرجة أني حسيت أنها دُفعة نسائيه ,وأحب أشكركو عـ المعلومات اللي فادتني جداً..,اطمنكو لآن أنا أصلاً أجدع واحد يلعب بالاجنتين:d:dوفي الآيند أحب أكون ضيف خفيف عليكو ونبتدي المسيرة من هنا :abdoog8:
لولولولولولولولولولولولولولولولولولولولولولولولولو لولولووللولولولى اااااااااااااااااااااالف مبروك يا محمد
اهو مش حرماك من حاجه
اكمن يعنى عيب ولد يزعرت فزعرت بدالك
بجد الواحد مش عارف يقولك ايه يعنى تلائيك دعيت بنيه صافيه
ههههههههههههه

lobna24

26-09-2009, 02:07 AM

اه سورى الفرحه خلتنى نسيت ارحب بحضرتك يا دكتوووووور نادر
يا ويلكم ياويلكم
بجد منوور معانا

Dr.Nader Galal

26-09-2009, 02:34 AM

lobna24

26-09-2009, 03:13 AM

شكراً عـ الترحيب النص كوم ده بس ياله مش مشكله عشان أصحاب في كليه واحده :av4056bb7jp3:وشكلك يا محمد مضطهد هنا ده كله فرحانلك أي خدعه لا وايه مجالكش أي حد ده أحسن واحد يلعب بلارجنتين وشكراً عـ ترحيب يا سندريلا ويا لبني :blush:والنص كوم دي هزار عـ فكره :stickjo4:

مممممممممممممممممم
يالله مش مشكله نص كم كم ما علينا
بس ده واجبنا يا ااااااااااااااخ
ومن غير القااااااااااااب
يادوكتور ناادر:d

Dr.Nader Galal

26-09-2009, 04:32 AM

والله يا دكتوره لبني أحسن حاجه أنك شيلتي الالقاب أصل هنأفور ليه وبعدين أنا أحسن واحد يلعب بالارجنتين اه.. بس متواضع عادي يعني.. وسعيد بمعرفتك :022yb4::028ja7:

lobna24

26-09-2009, 04:36 AM

والله يا دكتوره لبني أحسن حاجه أنك شيلتي الالقاب
ههههههههههههههه طب كويس
أصل هنأفور ليه
اه فعلن اللى بيزيد عن الحد ................:abdoog8:
وبعدين أنا أحسن واحد يلعب بالارجنتين اه.
اه صحيح ايه موضوع الارجنتين ده:bosyht9:
. بس متواضع عادي يعني
اه جدا انت هتقولى:078111rg3:
.. وسعيد بمعرفتك :022yb4::028ja7:
احنا كلنا اكتر
وبالذاااااااااااات مجمد:av4056bb7jp3:

Dr.Nader Galal

26-09-2009, 04:55 AM

بسم الله الرحمن الرحيم ..أما بعد :049gc0:
والله يا لبني :blush:موضوع الارجنتين ده موضوع كبير كبير أوي يعني :slap1qk6:يا ستي الارجنتين عندي كنايه عن مانشيستر يونايتد:abdoog8:هو ممكن أكون ساعات بخسر بيها لكن ميمنعش أن لاعبتي عملو اللي عليهم ووصلوني لبيطري القاهرة ...:078111rg3:ولو في اي استفسار انا تحت أمرك لأن محدش هيقدر يفيدك في موضوع الارجنتين ده زيي :av4056bb7jp3:

lobna24

26-09-2009, 04:58 AM

Dr.Nader Galal

26-09-2009, 05:08 AM

ههههههههههههههههههههههههههههههه ... في أقرب فرصه يا لبني إن شاء الله هشرحلك بس انا قولتلك ان الموضوع كبير ...نتكلم جد شويه بقي...:angry2: عاوزين نتكلم في حاجه قولت أعمل موضوع فيها بس قولت كلنا لسه يعني فنتناقش سوي ونتبادل معلومانتا:friendsxs3: والموضوع هو المستقبل ومجالات الشغل مميزات وعيوب وده اللي غالباً بيشغل تفكيري و أكيد أنتو معايا;);)

lobna24

26-09-2009, 05:15 AM

اه فعلن والله يا اخ نااادر نفسى اعمل حاجه كويسه حتى الواحد يحس بيها انه عمل حاجه باباه ومامته يفخروا بيها
بس انا عندى مشروعين ف دماغى مظبطاهم

Dr.Nader Galal

26-09-2009, 05:25 AM

مشروعين مرة واحده مش هحسد ولا حاجه متخافيش :078111rg3:وياتري هما ايه :confused: بس الواحد كل ما يدور في منتديات مثلاً تحس أن مثلاً شركات الادويه ناس بتشجعها بعدين يختلفو بيطري ولا بشري وفجأة يظهر رأي أن شغل الفيلد أحسن وبعدين عيادات pet animalوعشان كده عاوزين توبيك يعرض طبيعة كل عمل ومميزات:av4056bb7jp3: وعيوبه :(:(ومتطلباته وأيضاً الرقابه عـ الاغذيه وده طبعاً غير التفدير ومعيد بقي وعليك خير :abdoog8:

lobna24

26-09-2009, 05:38 AM

حسد ايه يا عم دول حاجه كده على قدى يعنى

Mego_me

26-09-2009, 06:14 AM

سوري يا همسه وسوري ليكو كلكو
هو حلقات د.احمد كده خلصت
هو فضل يتكلم عن المواد الاساسيه في الكليه بس
وده الاهم برده من وجهة نظري
ولو حبيتو تستفسرو التوبيك مفتوح والقسم كمان
وان شء الله اقدر ارد علي تساؤلاتكم
اتصلو علي 0900
واعتقد دكتور ميجو كمان ممكن يساعدكو
حلوه التدبيسه دي يا دكتور مش كده ؟ ههههههه

واضح اني اتدبست تمام:):)

بعد بسم الله الرحمن الرحيم والسلامـ عليكم ورحمه الله وبركاته ...
بعد ما قريت التوبيك ده ندمت أني مسجلتش من الاول بس أعذروني المنتدي ده بيفكرني بأيام سوده بعد النتيجه:o:angry2: يلا الحمدلله ..المهم /معاكو من غير ألقاب دكتور نادر جلال أولي طب بيطري القاهرة ..ةشكلي جيت في الوقت المناسب لدكتور محمد عشان في أزمه في الشباب في سنة أولي لدرجة أني حسيت أنها دُفعة نسائيه ,وأحب أشكركو عـ المعلومات اللي فادتني جداً..,اطمنكو لآن أنا أصلاً أجدع واحد يلعب بالاجنتين:D:Dوفي الآيند أحب أكون ضيف خفيف عليكو ونبتدي المسيرة من هنا :abdoog8:
اهلا بيك يا نادر وان شاء الله تقضي اجمل ايام في الكليه ...سيبك بقي من ايام النتيجه وقولنا ايهي اسئلتك عن الكليه والدراسه وكده واحنا نجاوبهالك؟؟؟:078111rg3:

مشروعين مرة واحده مش هحسد ولا حاجه متخافيش :078111rg3:وياتري هما ايه :confused: بس الواحد كل ما يدور في منتديات مثلاً تحس أن مثلاً شركات الادويه ناس بتشجعها بعدين يختلفو بيطري ولا بشري وفجأة يظهر رأي أن شغل الفيلد أحسن وبعدين عيادات pet animalوعشان كده عاوزين توبيك يعرض طبيعة كل عمل ومميزات:av4056bb7jp3: وعيوبه :(:(ومتطلباته وأيضاً الرقابه عـ الاغذيه وده طبعاً غير التفدير ومعيد بقي وعليك خير :abdoog8:
بص يادكتور انت اول حاجه بالنسبه للشغل

انت بعون ربنا هتبقي احسن حد عنده مجالات شغل ان شاء الله

http://pictures.directnews.co.uk/liveimages/Pharmaceutical%20drugs_1961_19235191_0_0_2145_300. jpg

شركات الادويه وده اضعف الايمان (لما تكون كسول وعايز حاجه لايت)ودي بتتميز بمرتابتها الحلوه وانهم في الكثبر من الشركات بيدوك عربيه تلف بيها ويتخصم قسطها الشهري من مرتبك وفي الاخر تبقي بتاعتك غير الميزات الاخري

المزارع بجميع انواعها يعني خيول ....عجول...جمال.......والبقيه كثيير ودي مرتابتها حلوه بس عيبها انك هتتعب شويه لاني هي دي اساس مهنتك .....بس بجد هتحس لو دخلت الفيلد ده انك دكتور بجد ....ومراتبتها حلوه مش وحشه

http://warkscol.files.wordpress.com/2008/01/vet_logo.jpg

العيادات وهنا تنقسم العيادات الي نوعين ...عيادات قطط وكلاب في مناطق راقيه مصر الجديده او مدينه نصر ودي اللي بيفتحها بيعدي وبيصبح شخص اخر...النوع التاني عيادات في الارياف والمناطق الريفيه لو انت غاوي الحكايه ممكن تسافر اي بلد ريفيه وتفتح عياده هناك وبرضو دي اللي بيفتحها بيعدي اووووي لا الشغل هناك علي ودنه

تخش اكاديميه وتطلع ظابط دكتور ....الاكاديميه 6 شهور مده الدراسه بيها ....بتيتخرج ملازم اول..سواء كنت جيش از شرطه مميزاتها رائعه .....نفس مميزات العسكريه والشرطه وفي الاخر دكتور برضو...مفهاش وسطه كتير واي حد بيدخلها لا عددنا قليل شويه...طبعا البنات ملهمش اكاديميه

الرقابه علي الاغذيه ....والشركات دي اللي اخوك ان شاء الله منمر عليها .....مميزاتها جامده جدا....هي زي شركات الالبان واللحوم وطبعا الحكايه جامده جدا وفي نفس الوقت انت دكتور في مجالك

http://www.alhadag.com/photos/90101.jpg

في وزاره الصحه وطبعا المهن هنال\ك كتير والمرتبات برضه تقيله وهتنزل تراقب علي الجزارين

http://www.sweden.se/upload/Sweden_se/english/factsheets/SI/SI_FS132c_Biotechnology_and_Pharmaceuticals_in_Swe den/Biotechnology_and_Pharmaceu.jpg

طبعا معامل التحاليل وهتشتغل دكتور تحليل سواء كانت معامل تحاليل بشريه او بيطريه

http://www.alpineanimaldurango.com/images/services_2.jpg

عندك المستشفيات ذات الرعايه البيطريه

طبعا متكلمناش في موضوع معهد البحوث والتعيين في الكليه عشان دي للي يرتبو ان شاء الله ونبقي نتكلم ساعتها عن الحاجات دي :):)

طبعا دي نبذه مختصره عن المستقبل المهني للكليه....ارجو اني اكون فدتك

حمااده

26-09-2009, 08:20 AM

مااااااااااشى يا محمد وسمااااااااااااح على .............
انت اخويا برضو
ان شاء الله هبقى معاكو ومش هتاخر تااااااانى
ايوة كده هو ده العشم برده
ومنورة المنتدى
:slap1qk6:

حمااده

26-09-2009, 08:28 AM

اهلا بيك معانا يا دكتور
وبجد يا دكتور محمد انا فرحانالك كتيييير اوي:av4056bb7jp3:
انا عارفه ان محدش هيعرف يكلمك بعد ما لقيت زميل:d
وكمان هيبقي معاك في السكشن:bosyht9:
يعني مفيش بعد كده :d
انا اقدر برده
انتوا الاساس
والخير والبركة
ومحدش يقدر ر يخرجنى منكوا:stickjo4:

حمااده

26-09-2009, 08:31 AM

لولولولولولولولولولولولولولولولولولولولولولولولولو لولولووللولولولى اااااااااااااااااااااالف مبروك يا محمد
اهو مش حرماك من حاجه
اكمن يعنى عيب ولد يزعرت فزعرت بدالك
بجد الواحد مش عارف يقولك ايه يعنى تلائيك دعيت بنيه صافيه
ههههههههههههه

انا طول عمرى نيتى صافية عشان كده اللى كلامى بيطلع بتلاقائية:romarioxp6:

حمااده

26-09-2009, 08:48 AM

بص بقا يا نادر انت منور طبعا
بس انا كان ليه واحد زميل فى مدرسة الجيزة الاعدادية
اسمه برده نادر جلال
وبعدين منور الكلية
بس بامانة المنتدى منور با صحابه
بس انت زودهم
وبالنسبة للبلايستشين
عشان الجروب كان كله بنات فالواحد بيحترمهم ومبيدخلوش فى النص
بس بما انك جبت سيرته
فانا لعيب كبير اوى
ومن اكبر لاللعيبة بمانشستر وريال مدريد واسبانيا
ومن الاخر محدش قدى
ولا قد اخواتى ماشاء الله عليهم يعنى وكل يوم بتدرب معاهم
فانسى الموضوع ده خالص
مش انا االى تكلمنى فى الكورة انا كبير قوى فيها
وانا ليا فريق مشجعين فى المنتدى يعنى لعب وجمهور
ومنور يا دكتور

حمااده

26-09-2009, 10:43 AM

حمااده

26-09-2009, 10:44 AM

انتوا فين يا جماعا النهاردة مختفين كلكوا

Dr.Nader Galal

26-09-2009, 10:46 AM

SENDRILLA

26-09-2009, 11:39 AM

ايه ده الموضوع قلب بلاي ستيشن كده ليه هههههه
بالنسبه للحلقتين يا محمد انا هدخل دلوقتي هو يمكن انا نسيت اعمل ريفريش ولا حاجه
ومرسي للتنبيه
ولدكتور ميجو
تسلم ايدك بجد يا دكتور علي الكلام اللي كتبته عن مجالات الشغل وكده
عشان برده كنت محتاجه حد يكلمني بمصداقيه اكتر
وبعدين كان المفروض تتكلم عن التعيين ومراكز البحوث
ده بتوع بيطري اللي هنا ناس جامدين وشكلهم ناويين علي ترتيبات ان شاء الله هههههههه
ربنا يوفقهم ان شاء الله
اما انتي بقي يالبني فانصحك متدخليش في حوارات البلاي ستيشن بتاعت الولاد دي عشان هتتعقدي هههههه
رغده وهمسه مش شايفاهم ليه كده
رحتو فين

SENDRILLA

26-09-2009, 12:11 PM

سوري يا دكاتره
محمد لفت نظري ان في حلقتين جداد
بس هو طلع في حلقه واحده بس
وهي دي الحلقه اللي نزلت يا دكاتره
وبالتوفيق ان شاء الله
ولا تنسو كاتب الموضوع من صالح دعائكم :)
السلام عليكم ورحمه الله وبركاتة

قبل الحديث أعتذر عن التأخير..

..

تحدثنا في الحلقات السابقة عن نظام الكلية بصفة عامة ثم تناولنا ثلاث مواد تفصيلا

التشريح

والهستولوجي

رعاية الحيوان

إن شاء الله المرادي هنكمل كلامنا عن مادتين جدد وحبيت اتكلم عنهم مرة واحدة لأنهم مادتين كلية علوم إللي ذكرناهم قبل كدا

وهما

Biology أحياء

Biophysics

زي ماقلنا المادتين دول عندنا في الترم الأول ..لكن أهم شيء لازم نعرفة من البداية وهو إن كلية طب بيطري ملهاش علاقة بأي شيء بالمدتين إطلاقا سوي تعليق النتيجة عندنا أخر الترم!

بمعني إن كل مايتعلق بالمدتين تفصيلا في كلية علوم

يعني جدول كل مادة هناك ..أي حاجه عايز تعرفها عن أي مادة فيها تروح القسم هناك في كلية علوم تسأل عن إللي انت عايزة.

يعني بقول تاني من الأخر كليتك متعرفش حاجه عن المادتين غير إنها بتقولك

يوم السبت والأحد في كلية علوم

وانت روح بئي هناك عييييييش ...ودور لحد ما توصل لكل حاجه!http://www.thanwya.com/vb/images/smilies/Bg-040.gif

عشان كدا يا جماعة مخبيش عليكم في الأول هتتوه كتير في الجامعة هتفضل رايح هنا وهنا لحد ماتوصل لمدرجات علوم والسكاشن وكل القصة دي.

ده في الأول بس ..ولازم يكون عندنا صبر

العبد لله ياما لف وداخ لحد ما حفظنا المكان وعرفناه..لكن إن شاء الله هنحاول هنا نقرب الصور قدر الإمكان للتسهيل شويه إن شاء الله.

اوك

.................

طبعا كله شاف الجدول بتاعه وعرفه..وعموما إللي مشافهوش يدخل الموضوع ده

جدول العام الجديد 2009-2010 (http://www.sciencesway.com/vb/showthread.php?t=8318)

زي ماحنا شايفين الجدول بيقول

السبت والأحد

بيولوجيا ...وبيوفيزيا

طبعا نفس الايام اللي قلتها في اول الموضوع هو هو نفس جدول كله سنه مش بيتغير!

المهم طبعا كلام جدولنا المحترم كلام عام ولايوضح شيء!

يعني ايه سبت وأحد ...بيولوجيا وبيوفيزيا!

ولا محدد موعد محاضرة والا محدد تقسيمة السكاشن وموعد كل سكشن أمتي؟!

وده يؤكد كلامي إن كليتنا المحترمة ليس لها علاقة بالمدتين غير إسمهم بس

ما عليناhttp://www.thanwya.com/vb/images/smilies/Bg-018.gif

...

بالشكل ده في كذا نقطة مهمة

أولها: إن حضرتك كدا أول يومين في الدراسة مش هتروح كلية طب بيطري خالص...إوعي يوذك عقلك وتروحhttp://www.thanwya.com/vb/images/smilies/Bg-040.gif ..إنت مرتبط بالجدول ..والجدول بيقول كلية علوم السبت والأحد

يبئي علي طول من غير تردد تروح السبت والأحد من بيتك علي الجامعة علي طول (جامعة القاهرة)

طيب في مننا ميعرفش فين جامعة القاهرة

اممممممممم!http://www.thanwya.com/vb/images/smilies/Bg-032.gif

جامعة القاهرة نقدر نقول عليها قرب ميدان الجيزة

إللي بيجي بمواصلات ممكن ينزل محطة السيدة زينب وياخد ميكروباص من جمب المترو هيوديك أدام الجامعة

واللي عايز ييجي بالمترو زي حالاتي ...ينزل السادات وياخد اتجاه الجيزة وفي محطة مخصصة للجامعة هيلاقي نفسه علي طول في الجامعة

يعني الطرق كتير والحمد لله متقلقش هتوصل هتوصل

وبالمناسبة كليتنا بعديها بمحطة (محطة فيصل بالمترو) تلاقي نفسك وصلت كلية طب بيطري!

يعني كل واحد ييجي بالطريق اللي عايزة المهم توصل وخلاص حتي لو جيت مشي !http://www.thanwya.com/vb/images/smilies/3rbloadiz_3.png

ما علينا

مهم جدا تجيب معاك بطاقة الترشيح وإلا مش هيدخلوك من بواية الأمن!

بيكونوا مشددين أوي في الأول اسألوني أنا!http://www.thanwya.com/vb/images/smilies/Bg-009.gif

المهم طبعا هتدخل الجامعة كل إللي عليك إنك هتروح تدور علي كلية علوم وسهل جدا توصلها ...لو سالت أي حد لأنها تقريبا واخده حجم كبير جدا من قلب الجامعة

وبعدين هتعمل ايه؟!

المفروض إنك تروح اي قسم تبع المواد إللي عندك دي عشان تعرف جدول حضرتك ايه وياتري محاضراتك أمتي وماشابه ذلك!

انا قلت هتتوه شويه ..عادي يعني شيء متوقعhttp://www.thanwya.com/vb/images/smilies/Bg-010.gif

...............

بس انا هقولك معلومة في السر ...غالبا المحاضرات بتكون في مدرجة أسمه(مشرفة) دي مشهووووور جدا في كلية علوم....وغالبا جداااااااا كل محاضرات المادتين بتكون فيه

فانت ممكن من الاساس تروح علي طول علي مدرج مشرفة وسهل جدا توصله لما تسأل لأن اي حد يعرف مكانه هناك.

لو وصلتله هناك اكيد هتلاقي ناس معاك في الدفعة وكدا وسهل وقتها تدوروا وانتوا جماعة بدل ماتدور لوحدك!

لازم ياجماعة نستحمل بس اول اسوبع كدا لحد ما تعرف الاماكن وكدا

ولازم نستحمل الغباء...لأني كطالب مش واجب عليا إني اروح ادور علي الامكان لكن نقول إيه...لينا ربناhttp://www.thanwya.com/vb/images/smilies/3rbloadiz_2.png

................

هبدأ بئي نتكلم عن المادتين إللي عندنا

أولا : ال Biology

باختصار جدا هو علم الأحياء من نبات وحيوان

الكورس عليه 50 درجة

طيب نظامة إيه؟

البيولوجي يتعبروا اتنين في واحد...يعني مادتين جوا مسمي البيولوجي

فهي جزئين جزء بيدرس نبات Botany

والجزء التاني بيدرس الحيوان Zoology

وكل جزء عليه 25 درجة بالعملي والنظري

اللي عايز اقوله إن كل جزء فيهم مادة لوحدة تماما من حيث المادة علمية يعني دة بيدرس نبات ودة بيدرس حيوان!! لكن النجاح فيهم من ال 50 عل بعض

لكن كل مادة ليها قسمها الخاص وماعملها الخاصة وكدا

اوك

عايز بس اقول حاجه مهمه بالنسبة لعملي المادتين فهما بيقسموا الدفعة ...نص الدفعة بياخد عملي النبات في نصف الترم ...وفي نفس الوقت بقية الدفعة بتاخد جزء الحيوان

ويعد كدا يبدلوا ده مكان ده

المهم في اخر الترم تكون أخدت عملي الحيوان والنبات.

ودي هتعرفها من الجدول اللي هتجيبة من الاقسام هناك

أما المحاضرات عادي دي ليها محاضرات ودي ليها محاضرات وبتاخد الاتنين عادي طول الترم

...........

لو مسكنا ال Botany

هو جزء جميل وسهل جدا علي فكرة وأغلب الناس يتعتمد عليه اكتر في النجاح لأنه يعتبر الذ من الحيوان لكن طبعا ده مينفيش انك تذاكر الاتنين وإلا حضرتك مش هتجح اساسا في المادة ككل!

النبات جواه بيتقسم جزئين

جزء physiology

وده جميل اوي بيتكلم عن الانزيمات والبناء الضوئي والطاقة وحاجات حلوة يعني

كان بتشرحه دكتورة إسمها \ ميري

هي شرحها سريع شوية لكن بجد لو كتبت كل حاجه وراها هتلم الجزء بتاعها وهي عايزاك تكون مركز معاها في المحاضرة لأنها بتجيب الامتحان من كلامه في المحاضرة

فدي تركز معاها أوووووووي

(مش عارف هتتغير والا لا بس برده غالبا هتكون هي...وانتوا وحظكوا)http://www.thanwya.com/vb/images/smilies/qqb013.gif

..........

بعد الدكتورة دي ماتخلص جزء الفسيولوجي

هييجي دكتور تاني (مش فاكر اسمه) ...

يشرح جزء عن البكتريا انواعها وتقسيمها وكدا يعني برده جزء حلو

زي ماقلت النبات كله بصفه عامه سهل جدا لو بتحضر المحاضرة وبتكتب

......

بالنسبة للسكاشن

هو سكشن واحد كل اسبوع (موعده هتعرفه علي حسب انت أني سكشن)

كله تعامل مع ميكروسوكوب وترسم في الكتب

يعني باختصار العملي كله بيتناول جزر اسمه Systematic

يعني إيه؟

يعني تقسيم ممكلة النبات..فالخلاصة إن كل جزء العملي عن تقسم النبات وهتشوف بئي

حاجات جميلة اوي من النبات والطحالب تحت المجهر ...عملي حلو يعني

بس المهم تواظب علي الحضور

ومتقلقوش مش محتاجين تصوروا العينات وتتعبوا نفسيكم زينا كداhttp://www.thanwya.com/vb/images/smilies/3rbloadiz_2.png

بفضل الله عملي النبات والحيوان ع المنتدي هنا وحصريا الحمد للهhttp://www.thanwya.com/vb/images/smilies/Bg-011.gif

..............

كدا تقريبا كل شيء عن النبات

..................

نتكلم بئي عن جزء الحيوان Zoology

الحقيقة مخبيش عليكم هو جزء مش ظريف أوي ورخم شويه ويمكن هو كدا بالنسبالي أناhttp://www.thanwya.com/vb/images/smilies/Bg-010.gif

فيه جزء منه الاول بيتكلم عن بعض تقسيمة الممكلة وبيتناول بعض الديدان ودورات الحياة وكدا..يعني أغلبه بيتكلم عن الديدان!

يعني جزء invertebrate

لا فقاريات

(عموما من الناحية العلمية مش هيفيدك ومعرفش بناخد ليه مع انك هتاخد كورس بحاله في كليتنا للديدان في سنة تانية)!!http://www.thanwya.com/vb/images/smilies/Bg-005.gif

يالا اهو تضييع وقت وخلاص!

المهم

في جزء تاني عن السمك ..محاضرتين والا حاجه

وجزء تاني زيه عن ال vertebrates فقاريات

يعني أنا عن نفسي وأغلب الناس كانت بترمي الجزء الأول خالص!

بس برده انا هتشوف بنفسك ولو عرفت تذاكر كله تبئي شاطر وهتنفع نفسك

المهم يكون عندك صبر

........

بالنسبة للسكاشن ...

برده ليك سكشن واحد

وأغلبه ميكروسكوب

العملي ده بئي هتشوف فيه العجب ....الصرصار والبرغوث وكل الحشرات اللي تتخيلها وتعرف الذكر ازاي من الانثي...وقصص كداhttp://www.thanwya.com/vb/images/smilies/Bg-032.gif

بس حلو

بالإضافة طبعا للديدان كتير هتتعرف عليها

متقلقوش يعني الدنيا حلوة إن شاء الله

..........

للأسف مش متذكر أكتر من كدا في المادة كلها...

والله ماشاء الله عليا والا كأني مخلص سنة أولي امبارح!http://www.thanwya.com/vb/images/smilies/Bg-001.gif

................

نيجي للمادة التانية

Biophysics البيوفيزيا

المادة من 50

25 نظري وزيهم عملي

المادة كلها جزء واحد وكان بيشرحهالنا دكتور واحد (مش فاكر اسمه برده)

عن نفسي مكنتش بحب المادة الصراحة خالص يمكن لاني مكنتش فاهم حاجه من الدكتورة فكرهني فيها ونجحت فيها بمقبول بالعافية http://www.thanwya.com/vb/images/smilies/3rbloadiz_2.png...بس الحمد لله علي كل شيء

يعني باختصار لان مش متذكر عنها تفاصيل

هي بتتكلم عن radiation

أنواع الأشعة

وبتتكلم في اشعة اكس وجاما والاشعة السينية وتطبيقات ليهم بئي في الاجهزة الطبية

وحاجات تاني كدا لكن مش متذكر

........

العملي بتاعها كله تجارب علي اجهزة او بتعملها بإيدك

.....

للاسف انا مش هقدر افيكم فيها زي ما كنت اتمني لأني اساسا مفدتش نفسي ...دا غير إني مش فاكر منا كتير لأني مكنش حابب المادة اصله..وطبيعي اني انساها

...........

المهم شدو حيلكم وإن شاء الله كله هيكون سهل وتطلعوا أحسن مني وتحبوا كل المواد

...........

كدا تقريبا خلصنا 90% من الموضوع أو أكثر

فاضل حاجات بسيطة هنضيفها مرة تانية إن شاء الله

............

ولو فيه شيء مش واضح أنا متواجد بإذن الله محدش يتكسف..أنا زي أخوكم الكبير

والله المستعان

السلام عليكم

Mego_me

26-09-2009, 02:58 PM

بسم الله الرحمن الرحيم
أولاً متشكر جداً يا ميجو عـ الافادة ولو انتا اللي في بالي فلازم أشكرك بجد لان كان في ميجو في منتدي كاتب عن الكليه وحاطط صوره ليها لو أنتا فبجد موضوعك من ضمن اللي حببني فيها(الكلية) معا كلام أصحابي طبعاً ومنورنا والله برحب بيك ولا أكني صاحب المنتدي :022yb4:ويا حمادة أنا جيت نجده ليك ولو لاعيب أهلاً وسهلاً وأنا بتقبل الخسارة ومش مشكله بقي روح معنويه(ماهو اللي بيلعبو بالارجنتين ومانشستر ناس رايقه زيي ););) يعني وممكن نتحد عشان ناخد كاس أوربا السنه دي ونخش بطوله الكليه في البلاي أستيشن وأهلاً بيك صديق :039uw8:وعلي فكره انا بدأت لعب من أول السنه دي بس مستوي في أزدياد ملحوظ :d

العفو يا دكتور علي ايه بس.... ايوا انا اللي علي المنتدي التاني...وكنت عامل الموضوع ده من السنه اللي فاتت واضفت عليه تعديلان عشان الطلبه الجداد....علي فكره هتلاقي ميجو واحد بس في بيطري القاهره :d:d

ايه ده الموضوع قلب بلاي ستيشن كده ليه هههههه
بالنسبه للحلقتين يا محمد انا هدخل دلوقتي هو يمكن انا نسيت اعمل ريفريش ولا حاجه
ومرسي للتنبيه
ولدكتور ميجو
تسلم ايدك بجد يا دكتور علي الكلام اللي كتبته عن مجالات الشغل وكده
عشان برده كنت محتاجه حد يكلمني بمصداقيه اكتر
وبعدين كان المفروض تتكلم عن التعيين ومراكز البحوث
ده بتوع بيطري اللي هنا ناس جامدين وشكلهم ناويين علي ترتيبات ان شاء الله هههههههه
ربنا يوفقهم ان شاء الله
اما انتي بقي يالبني فانصحك متدخليش في حوارات البلاي ستيشن بتاعت الولاد دي عشان هتتعقدي هههههه
رغده وهمسه مش شايفاهم ليه كده
رحتو فين

بصي يا دكتور بالنسبه لمركز البحوث انا ابن عم والدي دكتور هناك.....دي طبعا بتبقي زي الجامعه بالظبط خط السير فيها انك بتعملي الماسجتير تبقي مدرسه تحضري الدكتوراه وهكذا حتي تصبحي استاذه....بالنسبه للتعيين لو طلعتي من اول 20 علي الكليه تضمني التعيين في مركز البحوث واول عشره علي الكليه يضمنو التعيين في الكليه بأذن ربنا طبعا....بالنسبه للولاد انت بتاخد مكانك في الكليه وبعدين تروح الجيش وترجع تلاقي مكانك في الكليه.....الخمسه الاوائل غالبا بيتعينو في الاقسام الكلينكال زي الباطنه والجراحه والولاده وهكذا والباقيين بيتوزعو في الاقسام الاكاديميه .....ربنا يوفقكم يارب ونشوفكم اساتذه بس ابقو افتكرونا :d:d

lobna24

26-09-2009, 03:06 PM

شكرااااااااااااااا يا زوزو ع الحلقه
وشكرا يا دوك ميجو ع مجالات الشغل

lobna24

26-09-2009, 03:17 PM

SENDRILLA

26-09-2009, 05:25 PM

العفو يا دكتور علي ايه بس.... ايوا انا اللي علي المنتدي التاني...وكنت عامل الموضوع ده من السنه اللي فاتت واضفت عليه تعديلان عشان الطلبه الجداد....علي فكره هتلاقي ميجو واحد بس في بيطري القاهره :d:d

بصي يا دكتور بالنسبه لمركز البحوث انا ابن عم والدي دكتور هناك.....دي طبعا بتبقي زي الجامعه بالظبط خط السير فيها انك بتعملي الماسجتير تبقي مدرسه تحضري الدكتوراه وهكذا حتي تصبحي استاذه....بالنسبه للتعيين لو طلعتي من اول 20 علي الكليه تضمني التعيين في مركز البحوث واول عشره علي الكليه يضمنو التعيين في الكليه بأذن ربنا طبعا....بالنسبه للولاد انت بتاخد مكانك في الكليه وبعدين تروح الجيش وترجع تلاقي مكانك في الكليه.....الخمسه الاوائل غالبا بيتعينو في الاقسام الكلينكال زي الباطنه والجراحه والولاده وهكذا والباقيين بيتوزعو في الاقسام الاكاديميه .....ربنا يوفقكم يارب ونشوفكم اساتذه بس ابقو افتكرونا :d:d
والله يا دكتور مانكرش ان حلم حياتي اني اتعين في الكليه
بس مش معني اني رتبت سنه يبقي هرتب ال5 سنين دي حاجه بتاعت ربنا وانا عارفه كده
بس الواحد لازم يحط هدف كبير قدامه عشان يقدر يكمل
ومركز البحوث بحس انهم واخدين وضعهم اوي ماشاء الله
وربنا ييسر الحال ونشتغل بس مش مهم فين :d
رغم ان بابا رافض مبدأ الشغل من اساسه اومال انا بتعلم ليه :bosyht9::006et4:
وبجد ربنا يكتبلهم التوفيق في الكليه دي
بس مادام احنا وراهم يبقي مافتكرش :d
بهزر طبعا هما بفضل ربنا ومجهودهم يقدرو يعملو اي حاجه

SENDRILLA

26-09-2009, 05:27 PM

حمااده

26-09-2009, 06:21 PM

لسة يا زوزو حلقتين بس انتى مش متابعة
مينفعش يبقى ناقص
الحقى نزلى الحلقة اللى نزلت انا مستنيها منك هنا:039uw8:
يعنى قولت حلقة اللى نزلت بس اللى
كانفاضل حلقتين واحدة مشكورة نزلتيها والتانية دكتور احمد منزلهاش لسة
صح بقا ولا لا

SENDRILLA

26-09-2009, 06:38 PM

يعنى قولت حلقة اللى نزلت بس اللى
كانفاضل حلقتين واحدة مشكورة نزلتيها والتانية دكتور احمد منزلهاش لسة
صح بقا ولا لا
سوري يامحمد مخدتش بالي

حمااده

26-09-2009, 08:43 PM

اما النهارده اخدت حتت بومبه
ما علينا رحت الكليه بقى ونازله من الساعه 6 الصبح والاخر ااااااااااااايه النهارده اجازه
منه لله اللى كان السبب
انا عااارفه انه مدام اااااااااااااار فيها يبقى خلاص
حسبى الله ونعم الوووووكيل
هههههههههههه
يالله خيرها ف غيرها بقى

ههههههههههههههههههههه
اضحك بقا ولا اقول ايه
لو تسمعى كلام العبد لله
وتاخدى بالنصيحة
انا رايح بكرة على العموم

حمااده

26-09-2009, 08:48 PM

اما النهارده اخدت حتت بومبه
ما علينا رحت الكليه بقى ونازله من الساعه 6 الصبح والاخر ااااااااااااايه النهارده اجازه
منه لله اللى كان السبب
ليه تدعى على الناس
انا عااارفه انه مدام اااااااااااااار فيها يبقى خلاص
حد يقدر ياار عليكى
حسبى الله ونعم الوووووكيل
انا معرفش مين بس حرام تدعى على حد
هههههههههههه
يالله خيرها ف غيرها بقى
انتى ناوية تروحى تانى
طب اسمعى الكلام بقا:bosyht9:
بس صحيح جدول علوووم بيتهئ لى لسه ما نزلش على ما اعتقد
منورة المنتدى
والله يا لبنى
انا قولت هتعمليلنا تغطية جامدة على الجامعةالنهارده

Hamset_Etab

26-09-2009, 08:55 PM

ايه المفاجات والتطورات الهايله دى
ده الواحد قعد شويه حلوين عشان افهم اخر الاوضاع:o
اهلا بدكتور نادر
ياااااااااه يا محمد فرجت
واظن لبنى قامت معاك بالواجب :d
مشرفانا لبنى كده على طول

Hamset_Etab

26-09-2009, 09:08 PM

Hamset_Etab

26-09-2009, 09:13 PM

ههههههههههههههههههههه
اضحك بقا ولا اقول ايه
لو تسمعى كلام العبد لله
وتاخدى بالنصيحة
انا رايح بكرة على العموم
طيب كويس انك رايح بكره
عشان نفهم منك يا دكتور
انا اساسا مش فاهمه احنا نروح ليه؟؟؟؟
هى راغده كانت قالتلى هنروح عشان حاجات يامه كده بس مش فاكره من الحاجات دى ولا حاجه:bosyht9:

حمااده

26-09-2009, 09:20 PM

Mego_me

26-09-2009, 09:23 PM

اما النهارده اخدت حتت بومبه
ما علينا رحت الكليه بقى ونازله من الساعه 6 الصبح والاخر ااااااااااااايه النهارده اجازه
منه لله اللى كان السبب
انا عااارفه انه مدام اااااااااااااار فيها يبقى خلاص
حسبى الله ونعم الوووووكيل
هههههههههههه
يالله خيرها ف غيرها بقى
بس صحيح جدول علوووم بيتهئ لى لسه ما نزلش على ما اعتقد

ياجماعه ابقو اسئلو .....السبت اجازه في الكليه وبالنسبه لجدول كليه علوم بيبقي متعلق في شئون الطلبه هناك ...وزي ما دكتور سندريلا شرحنلكم بتيتقسمو مجموعايت مجموعه 1 ومجموعه 2 ....مجموعه واحد غالبا نص الكشف الاول ومجموعه اتنين نص الكشف التاني....

والله يا دكتور مانكرش ان حلم حياتي اني اتعين في الكليه
بس مش معني اني رتبت سنه يبقي هرتب ال5 سنين دي حاجه بتاعت ربنا وانا عارفه كده
بس الواحد لازم يحط هدف كبير قدامه عشان يقدر يكمل
ومركز البحوث بحس انهم واخدين وضعهم اوي ماشاء الله
وربنا ييسر الحال ونشتغل بس مش مهم فين :d
رغم ان بابا رافض مبدأ الشغل من اساسه اومال انا بتعلم ليه :bosyht9::006et4:
وبجد ربنا يكتبلهم التوفيق في الكليه دي
بس مادام احنا وراهم يبقي مافتكرش :d
بهزر طبعا هما بفضل ربنا ومجهودهم يقدرو يعملو اي حاجه

يا سندريلا اهم حاجه ميخدعكيش الترتيب ....عرفه ان سنه اولي وتانيه وتالته بيمثلو 40% من الترتيب العام للكليه وسنه رابعه وخمسه لوحدهم بيمثلو 60% ....نصيحه حطي هدف الترتيب قصادك ومتفكريش في دلوقت كتير....عشان الاوائل بيظهرو في رابعه وخمسه....ربنا معاكي ان شاء الله بس متنسناش بقي و علي فكره برضه والدك عنده حق :d:d:d

Mego_me

26-09-2009, 09:29 PM

انا بالنسبة ليا
رايح كلية علوم اشوف سكاشن (مشرفة) و(والى)
واعرف مكانهم بالتحديد
واشوف جدول علوم هينزل امتى
ععشان اعرف المحاضرات
وبالنسبة لطب بيطرى هعدى عليها اشوف السكاشن نزلت ولا
لا
واشوف المصاريف امتى
واتاكد من معاد الدراسة
واشوف ايه الجديد
لو حد عاوز حاجة زيادة ممكن اساله طبعا

يا ابوحميد السكاشن بتتاخد في معامل الاقسام ....مدرج مشرفه ووالي دول بتاخدو فيهم المحاضرات ومتخفش المدرجين كباااار اوي وميتوهوش.........جدول علوم هتلاقيه نازل اليومين دول طب بيطري الجدول نزل من زمان فيه دكتوره هنا نزلته وانا شفته من زمان بس واضح ان الدكتوره منزله جدول السنه اللي فاتت:d

معاد الدراسه 3/10 كل الطلبه هنا يحضرو السندوتشات ويشدو الرحال علي كليه علوم تبقي في علوم 8 الا ربع:d

يابني انتو عاملين زينا يابني مش مشكله و مش لازم تدفع المصاريف في اول يوم والدفع بيبقي بعد اسبوعين من الدراسه لانك هتروحلهم هيقلولك مش دلوقتي....ولو عايز اي سؤال انا موجود..

Dr.Nader Galal

26-09-2009, 09:40 PM

بسم الله الرحمن الرحيم..
علي فكرة يا جماعة انا نازل الكلية بكره وأهوو أروح علوم أشوف المكان عشان مروحش ألطش وأعدي عـ الكليه بالمرة جوله للتفقد بس ...وإن شاء الله هفتح قبل ما أمشي اللي عاوز حاجه من هناك يقولي:d
ده أنتو بس تأشرو:av4056bb7jp3:وأنا هاكل للأستفسارات كلمني عـ الخط الساخن 090000001:022yb4:

حمااده

26-09-2009, 09:48 PM

تفتح قبل ماتمشى شكلك رايح متاخر
انا برده رايح بكرة
بس انا بقى خد كذاى جولة فى بيطرى لسة علوم

Hamset_Etab

26-09-2009, 09:50 PM

فيه دكتوره هنا نزلته وانا شفته من زمان بس واضح ان الدكتوره منزله جدول السنه اللي فاتت:d

تؤ تؤ تؤ الجدول بتاع السنادى
تقريبا كده يا دكتور حضرتك مختش بالك من ان السنه الدراسيه مكتوبه عليه2009/2010

lobna24

26-09-2009, 09:58 PM

يا جماعه مفيش حاجه ف علوووووم انا رحت ياريت اللى هينزل ياجل شويه لاخر الاسبوع كده لان يعنى لما الواحد ينزل الكليه ويرجع بخفين حنين هيبقى منظره مش لطيف
احنا عندنا ف البيت مسكنى تريئه والله ههههههههههههههههه
اه هو السبت اجازه بس من اول الاسبوع الجااااااى دراسه عادى هتتلغى الاجازه

Mego_me

26-09-2009, 09:58 PM

تؤ تؤ تؤ الجدول بتاع السنادى

تقريبا كده يا دكتور حضرتك مختش بالك من ان السنه الدراسيه مكتوبه عليه2009/2010

معلش يا دكتور خلاص :078111rg3: جلا من لايسهو ....الغلط ده مش عندي ده غلط من الكليه اصل الجدول بيتغير 18 مره حتي جداول الامتحانات كده :d

حمااده

26-09-2009, 10:07 PM

حمااده

26-09-2009, 10:09 PM

والله انا فرحان ان كلنا متجمعين النهارده

حمااده

26-09-2009, 10:11 PM

محدش عاوز حاجة انا عاوز انام
الحقوا الفرصة
ومش عارف رايح بكرة ولا لا بس 80% رايح

بنوووتة

27-09-2009, 12:49 AM

شكرا ليكى يا دكتورة سندريلا على المعلومات المفيدة ....

SENDRILLA

27-09-2009, 01:41 PM

ايه المفاجات والتطورات الهايله دى

ده الواحد قعد شويه حلوين عشان افهم اخر الاوضاع:o
اهلا بدكتور نادر
ياااااااااه يا محمد فرجت
واظن لبنى قامت معاك بالواجب :d

مشرفانا لبنى كده على طول

شفتي
عشان متبقيش تغيبي علينا تاني يا همسه :d
ويلكم باك ياجميل

SENDRILLA

27-09-2009, 01:46 PM

ياجماعه ابقو اسئلو .....السبت اجازه في الكليه وبالنسبه لجدول كليه علوم بيبقي متعلق في شئون الطلبه هناك ...وزي ما دكتور سندريلا شرحنلكم بتيتقسمو مجموعايت مجموعه 1 ومجموعه 2 ....مجموعه واحد غالبا نص الكشف الاول ومجموعه اتنين نص الكشف التاني....

يا سندريلا اهم حاجه ميخدعكيش الترتيب ....عرفه ان سنه اولي وتانيه وتالته بيمثلو 40% من الترتيب العام للكليه وسنه رابعه وخمسه لوحدهم بيمثلو 60% ....نصيحه حطي هدف الترتيب قصادك ومتفكريش في دلوقت كتير....عشان الاوائل بيظهرو في رابعه وخمسه....ربنا معاكي ان شاء الله بس متنسناش بقي و علي فكره برضه والدك عنده حق :d:d:d
والله انا عارفه كده
ومش عايزه احط اني رتبت ده في دماغي اساسا
عشان بجد انا عارفه اني لو اعتبرت ان ده نهاية المطاف هضيع
لان الترتيب ده ولا بيمثل اي حاجه دلوقتي
غير انه يشجعني اني احافظ عليه
وسمعت كتير عن الاوائل المختفيين اللي بيظهرو في رابعه وخامسه دول
ربنا يستر انا بعمل اللي عليا
والباقي علي ربنا في الاول والاخر
بس ايه بابا عنده حق دي:stickjo4:
شكلك يا دكتور مش عايز البنات يشتغلو عشان نفضيلكو مكاننا بقي :d

SENDRILLA

27-09-2009, 01:49 PM

شكرا ليكى يا دكتورة سندريلا على المعلومات المفيدة ....
العفو يا جميل
اي خدمه بس انتي أأمري واسألي واحنا موجودين

SENDRILLA

27-09-2009, 01:51 PM

فكرتوني بالذي مضي
انا الاسبوع اللي قبل الدراسه ده كنت بنزل علي طول
قال يعني عشان اعرف الكليه ومكان المحاضرات والمصريف والكتب
وبرده رحت اول يوم لطشت ومكناش عارفين حاجه
وكل ما نمشي في حته في الجامعه نلاقي حد تايه ناخده في سكتنا ونمشي زي اللي في مظاهره
علي فكره انتو ممكن تتصلو بشؤون الطلبه وهما هيفيدوكو
والكلام اللي قاله دكتور ميجو صح
بس لو حد قريب من الكليه وعايز ينزل يطمن مفيش مشكله
بس مابقاش بعيد عن الكليه بساعتين وانزل وارجع زي مارحت هههههه
ربنا يوفقكو جميعا

Mego_me

27-09-2009, 03:40 PM

والله انا عارفه كده
ومش عايزه احط اني رتبت ده في دماغي اساسا
عشان بجد انا عارفه اني لو اعتبرت ان ده نهاية المطاف هضيع
لان الترتيب ده ولا بيمثل اي حاجه دلوقتي
غير انه يشجعني اني احافظ عليه
وسمعت كتير عن الاوائل المختفيين اللي بيظهرو في رابعه وخامسه دول
ربنا يستر انا بعمل اللي عليا
والباقي علي ربنا في الاول والاخر
بس ايه بابا عنده حق دي:stickjo4:
شكلك يا دكتور مش عايز البنات يشتغلو عشان نفضيلكو مكاننا بقي :d

ايوه كده يادكتور...وعلي فكره ظاهره الاوائل المختفين موجوده فعلا...ربنا يوفقك ان شاء الله....وعلي فكره موضوع البنات يشتغلوا ده مش عشان تفضولنا مكان لكن عشان انا معارض ليه(انا مش هاشتغل اصلا في المهنه)...ربنا يوفقك

Hamset_Etab

27-09-2009, 04:38 PM

شفتي

عشان متبقيش تغيبي علينا تاني يا همسه :d

ويلكم باك ياجميل

ثانكس يا قمر
وان شاء الله ما فيش غياب تانى يا ميس

Dr.Nader Galal

28-09-2009, 01:47 AM

بسم الله الرحمن الرحيم
سوري يا همسة مخدتش بالي من ترحيبك والله وأهلاً بيكي هنا و في الكليه وسوري عليالتأخير في الرد ومنورانا والله :av4056bb7jp3:

Hamset_Etab

28-09-2009, 01:56 AM

بسم الله الرحمن الرحيم
سوري يا همسة مخدتش بالي من ترحيبك والله وأهلاً بيكي هنا و في الكليه وسوري عليالتأخير في الرد ومنورانا والله :av4056bb7jp3:
ده نورك يا دوك مفيش حاجه ابدا تستاهل الاسف
ده احنا كلنا هنا زمايل

SENDRILLA

29-09-2009, 03:56 PM

يااااااه
التوبيك وحشني اوي كأني بقالي سنه مش دخلته :blush:
قلت ادخل انفض التراب وارش ميه كده عشان ربنا يسهل :d
بس انتظرو جديد الليله ان شاء الله:bosyht9:

Mego_me

29-09-2009, 04:50 PM

يااااااه

التوبيك وحشني اوي كأني بقالي سنه مش دخلته :blush:
قلت ادخل انفض التراب وارش ميه كده عشان ربنا يسهل :d

بس انتظرو جديد الليله ان شاء الله:bosyht9:

كده يا دكتور برضه :angry2::angry2:

كل دي ميه غرقتيلي البنطلون:d

مستنين جديدك ويا حظكم يا بتوع اولي:d

Hamset_Etab

29-09-2009, 05:11 PM

كده يا دكتور برضه :angry2::angry2:

كل دي ميه غرقتيلي البنطلون:d

مستنين جديدك ويا حظكم يا بتوع اولي:d
ايه يا دكتور مالك ببتوع اولى شغال نق نق:angry2:
ما تخلى سندريلا تنتطلق معانا:d
مستنينك يا سندريلا

Dr.Nader Galal

29-09-2009, 05:15 PM

يااااااااااااه يا سندريلا متتصوريش الميه اللي رشتيها دي جابت تراوه أد ايه :stickjo4:خلتني وانا ماشي بره وبعدي عـ التوبيك ده قولت أخش أشوف ايه الجديد ومنتظرين معلوماتك وربنا يعينك علي ترويق التوبيك والرش و الذي منه :av4056bb7jp3:

SENDRILLA

29-09-2009, 06:23 PM

كده يا دكتور برضه :angry2::angry2:

كل دي ميه غرقتيلي البنطلون:d

مستنين جديدك ويا حظكم يا بتوع اولي:d
والله انا خايفه ع العيال دي يا دوك :d
ربنا يسترها عليهم بقي :bosyht9:

SENDRILLA

29-09-2009, 06:26 PM

ايه يا دكتور مالك ببتوع اولى شغال نق نق:angry2:

ما تخلى سندريلا تنتطلق معانا:d

مستنينك يا سندريلا

معلش يا هموستي
اعذرينا بقي
ماحنا الصراحه يعني مكناش بنلاقي حد يقوللنا حاجه :006et4:
انتو بقي ربنا رازقكم ب2 دكاتره يعني ماشاء الله هيودوكو علي ليمان طره عدل :d:d

SENDRILLA

29-09-2009, 06:28 PM

lobna24

29-09-2009, 06:52 PM

هاااااااااااااااااااى يا زوزو ويا كلكوا عشان محدش يزعل ههههههه
فعلن والله التوبيك وحشنى جدا جدا

SENDRILLA

29-09-2009, 07:02 PM

كل سنه وانتو طيبين
الدراسه ع الابواب
الحقو افتحولها بقي قبل ما ترجع في كلامها وتقوللكو هعدي عليكو السنه الجايه :d
النهارده بقي معانا كام نصيحه كده
بس ايه بقي
انا عارفه انكو داخلين علي دنيا جديده
ومهما حد كلمكم عنها لازم تعيشوها وتجربوها بنفسكو
بس اهوه بدل ما نعيشها كده سبهلله نلاقي ع الاقل حد يوعينا نعمل ايه ومنعملش ايه:blush:
طبعا الكلام ده هيبقي من خبره متواضعه في كليتنا العزيزه اللذيذه لا تتعدي السنه
بس اهوه كلمتين ينفعوكو في وقت زنقه
1- الدكاتره ع العموم في كليتنا او غيرها مبيحبوش اللوك لوك لوك لوك عارفينه هاه :d
يعني مش طول مانت قاعد في المحاضره ماسك في ودن اللي جنبك لحد ما تخربهاله :slap1qk6:
2- خليك مؤدب وظريف مع الدكتور عشان الدكتور في ايده كل حاجه
ينجحك يشيلك يخليك تعد سنه اضافي كل ده في ايده حتي لو كان الدكتور ده انت مش بتحبه او بتستتقل الماده بتاعته وساعتها تاخد بالمثل الشهير اللي بيقول ..........:blush:
3- خلي في عمار بينك وبين المعيدين :d
فاهمين ازاي ؟ لأ طبعا مش فاهمين
طيب طيب متزقوش هقول اهوه :stickjo4:
يعني المعيد ده سنه اقربلك من الدكتور وفاهم كتير طبعا عني وعنك
ومعظم المعيدين بيبقو حابين يثبتو للطلبه انهم محل ثقه واي سؤال تسأله هيحاولو يردو عليك
وانت لازم تستغل النقطه دي كويس اوي
يعني روح للمعيدين كتير واسأل عن ده وده وخليه يشرحلك الجزء اللي مش فاهمه اسأله الامتحان بييجي ازاي ازاكر منين كل الحاجات دي هيفيدوك فيها
بس ملحوظه هذا الكلام غالبا لا ينطبق علي المعيدين اللي بيدو دروس
وانتو عارفين ليه :)
4- الدكتور بيحب الطالب الذكي النبيه اللي بيذاكر اول بأول
ومش هييجي يقوللك يا شاطر ذاكرت المحاضره اللي فاتت وللا لا:d
لا طبعا هتلاقيه في وسط المحاضره بيسأل في حاجه خدتها قبل كده وهيتبسط منك اوي لو جاوبتها واحنا مش عايزين اكتر من ان الدكاتره يبقو راضيين علينا :078111rg3:
5- ذاكر اول بأول ترتاح
ماكدبش عليكو الموضوع مش سهل اوي زي مانتو فاكرين
بس لو يوم رجعت متأخر وملحقتش تذاكر حاجه
اضعف الايمان اقرا اللي خدته النهارده شوف صورت ورق ايه الدكتور اتكلم عن ايه
لانك لو ركنتها هتيجي الاسبوع اللي بعده في المحاضره اللي بتستكمل نفس الموضوع
هتبلم وتبقي ولا كأنك سمعت حاجه عن الموضوع ده قبل كده
6- في السكاشن حاول تكون صاحي عشان بتبقي محتاجه تركيز اوي
وكل ما تركز ده يسهل عليك بعدين :av4056bb7jp3:
7- حاول تحضر كل المحاضرات متفوتش منها حاجه
هو انت لو فوتت كام محاضره مش هتسقط يعني :romarioxp6:
بس بجد الدكتور بيقول كلام في المحاضره ممكن يفك زنقتك وانت في امتحان الشفوي :d
والدكتور بيعرف اللي فاهم من اللي مش فاهم واللي بيحضر من اللي مبيحضرش
والشفوي سيد مين يعرف الدكتور الفرق :d
8- حاول تلتزم بمواعيد محاضراتك وسكاشنك
السكاشن عشان ميفوتكش حاجه
والمحاضرات برده عشان ميفوتكش حاجه وعشان الدكتور ساعات بيرخم وبياخد غياب وده بيبقي مش لذيذ لو كتبك غياب وانت حاضر المحاضره اساسا :blush:
9- مش اي حاجه تذاكر منها ومش كل حاجه تذاكرها
بمعني
مش انا عندي في الهستولوجي 20 مصدر اذاكر منه اقوم مذاكر ال20 مصددر وافتكر اني كده واد شاطر عشان ذاكرت كل حاجه:blush:
لأ ده بالعكس بيشتتك اكتر ما بيفيدك
انت لوحدك اللي هتحدد تذاكر كل ماده منين
الموضوع محتاج شوية وقت بس الشاطر اللي يقدر يحدد بدري بدري عشان يلحق نفسه
10- اصحابك
اصحابك دول بعون الله ممكن يخلوك تجيب امتياز وممكن برده يخلوك متطلعش حتي بمقبول
حاول تختار اصحابك صح ومش اي حد يتصاحب
وبرده شطارتك انك تقدر تحدد مين كويس ومين وحش واصاحب مين وماصحابش مين من البدايه كده :slap1qk6:
11- متفتكرش ان الشاطر هو بس اللي يخلص محاضرته ويجري علي سكشنه وبعدين ع البيت
لأ مش شرط
انت بس المهم تعرف ان وقت الجد جد ووقت اللعب لعب
مش بقوللك قضيها واستني التقدير يجيلك ع البريد:d
لأ بس عيش حياتك صح متبقاش حياتك كلها مذاكره وبس
الكليه عامله زي السوبر ماركت بالظبط ان جاز التعبير:blush:
فيها كل حاجه وانت بتختار
في اساسيات ماقدرش استغني عنها لازم اخدها(الدراسه )
وفي حاجات يعني ممكن اخدها عشان هتبسطني او هتريحني (اصحابي و الترفيه عن نفسي وكده)
وحاجات بقي هتضرني لو خدتها(تضييع الوقت وانك تعيش حياتك زياده عن اللازم يعني )
12- سيبك من الكورسات والكلام ده كله
صدقني ملهاش لزمه
وبتضيع وقت وهو مفيش وقت اساسا
حاول تعتمد علي نفسك مش زي ثانوي لو مخدتش درس في الفيزياء هسقط فيها مثلا
مع العلم اني مخدتش ولا درس وانا في ثانوي :bosyht9:
متهيألي كفايه عليكو كده عشان بس متزهقوش
ولو دكتور ميجو حابب يضيف او يعدل حاجه التوبيك تحت امره طبعا :)
ولو حد عنده اعتراض علي حاجه من دول يقول:stickjo4:
بس النصايح دي عن تجربه شخصيه ممكن تختلف من حد للتاني
بس يعني اكيد في حاجه ممكن تفيدك
واسفه علي الاطاله
وطبعا مش محتاجه اقوللكو لو في استفسار احنا موجودين :)

SENDRILLA

29-09-2009, 07:04 PM

هاااااااااااااااااااى يا زوزو ويا كلكوا عشان محدش يزعل ههههههه
فعلن والله التوبيك وحشنى جدا جدا
هاي يا لبني
وانتو كمان وحشتوه :blush:
متهيألي ده كان اول معرفتي بيكم اصلا
عشان كده عزيز عليا اوي بجد التوبيك ده :)

lobna24

29-09-2009, 10:49 PM

بصى بقى يا زوزو انا فضلت ساعه اعمل كومنت بقى وشكر والذى منه بعد كده الصفحه هنجت وما لقيتش ولا كلمه وانا حلفت انى مش هعمل الكومنت تانى اتعبرينى بقى عملته
هههههههههههه

SENDRILLA

29-09-2009, 10:55 PM

بصى بقى يا زوزو انا فضلت ساعه اعمل كومنت بقى وشكر والذى منه بعد كده الصفحه هنجت وما لقيتش ولا كلمه وانا حلفت انى مش هعمل الكومنت تانى اتعبرينى بقى عملته
هههههههههههه
بتحصل في احسن العائلات علي فكره :d
بس احسن انه اتمسح عشان انا مش عاوزه منكم شكر
انا عاوزه حاجتين
تدعولي ربنا يوفقني للي فيه الخير
وتجيبو تقدير ترفعو بيه راسنا
وبس
شفتي حاجه بسيطه ازاي ;)

lobna24

29-09-2009, 11:59 PM

مممممممممممممممم
طبعن الدعاء مش هنا والتقدير مش دلوقتى

هههههههههههههههههه
ع العموم ربنا يوفقك يا زوزو ياااااااااااااارب وتحققى كل الى انتى بتتمنيه

Dr.Nader Galal

30-09-2009, 12:04 AM

عشان قولتي بلاش شكر يا سندريلا يبقي ثانكس :)علي المجهود ده وتاعبينك معانا والله وعن نفسي استفدت من كلامك وهحاول انفذه إن شاء الله ومش هخلي الكليه سوبر ماركت :stickjo4:ولا مدرسه ماهو خير الامور وسط :039uw8:وربنا يوفقك ويوفقنا للي فيه الخير إن شاء الله

Dr*Nour

30-09-2009, 09:18 AM

شكراااااااااااااااا ليكى يا سندريلا
مش عارفين نودى جمايلك فين والله:078111rg3:
بس تعرفى برغم اللى انتى قولتيه عن الكليه الا انها اهون الف مره من ثانوى وقرفه
فى الدروس مكنش فيه عم جيمى كان فيه عزيزه(عقبال املتك دى العصايه اللى بننضرب بيها عشان تفوقنا لو نمنا اصل النسكافيه كان خطر على صحتنا)
وكان فيه مدرسه لحد 2.30 بعدها اول درس يخلص 4 وبعدها الدرس اللى بيخلص 6 والمواصلات زى الطين برده
واروح تعبانه ولو قلت انام حبه
الاقى فى اجتماع حاله طؤارى فى ا البيت
ازاى تنامى وانتى فى ثانويه عامه ومش عارفه ايه
استنى الست ام همسه عشان تعملى القهوه واعد لحد 3 الفجر
وبعدين الست ام همسه تحن عليا وتقولى قومى نامى السهر مضر :frown:
واروح المدرسه نايمه على روحى واول ما دخل هاتك يا زعيق من الميس
مجبتيش الكراسه ليه يا زفته؟؟
اصلى نسيت يا ميس
نساكى الموت يا ختى اقفى هنا لحد الحصه ما تخلص
تعرفى دى كانت ميس الوطنيه (اصل الفاضى بيعمل قاضى)
انا فاكره ان من ساعه 3 اعدادى معملتش كراسه للمدرسه خالص

ههههههههههههههههههههههههههههههههههههههههه :lol:
هو انتى يادكتورة همسة معلش سؤال بس محيرنى كنتى بتروحى المدرسة أصلا فى الثانوية العامة اصل انا ما أعرفش أنا كنت فى فصل كام حتى:av4056bb7jp3:

Mego_me

30-09-2009, 11:48 AM

ايه يا دكتور مالك ببتوع اولى شغال نق نق:angry2:
ما تخلى سندريلا تنتطلق معانا:d
مستنينك يا سندريلا

أصلك متعرفيش لما دخلنا الكليه كنا ازاي??ربنا يكرمكم ياستي...

Mego_me

30-09-2009, 11:54 AM

طب تصدقوا بالله ياجماعه انا قضتها في الثانويه وعشت حياتي فيها يمكن اكتر من الكليه....اصل اخوكم طول عمره مبيذكرش والثانويه دي كان البيت كله بيحاول يطبطب عليا وكل الطلبات مجابه وعايش مرتاح ومكنش فارق معايا لا نتيجه ولا بتاع...والله كانت من اجمل الايام

SENDRILLA

30-09-2009, 08:39 PM

الحمد لله مقابلة النهارده تمت بنجاح :d:d
بس فعلا والله كان يوم بناتي لذيذ كده وظريف :av4056bb7jp3:
انا عن نفسي اتبسطت اوي بمعرفتكو والله
واتمني اكون مش حد تقيل عليكم
وتكونو اتبسطتو زي مانا اتبسطت
واتمني كمان بقي يعني متتوهوش اول يوم في علوم
بعد كورس الارشاد السياحي المكثف اللي اديتهولكو في الجامعه :d
عشان زي ماقلتلكو اللي هيتوه ملوش عندي الا ........
حاجه ساقعه يشربها عشان اكيد تعب من المشوار :d
كنت ناويه انزل تفاصيل المقابله زي مابنعمل في مقابلاتي انا واصحابي هنا ع المنتدي
بس بلاش بقي خليهم يخمنو بقي عرفنا بعض ازاي وعملنا ايه :d
مش لازم يعني نديهم كل حاجه جاهزه كده لازم نشغل مخنا ده احنا داخلين علي دراسه :stickjo4::d
وبجد كان يوم حلو اوي يا بناويت
طبعا البناويت دول هما
لبني ورغده والاء اختها وهمسه ونبره حزن واكيد انا طبعا كنت معاهم مش عايزه ذكاوه:d
رغم اني راجعه من بدري اوي
بس مكانش ليا نفس اكتب حاجه مش عارفه ليه :confused:
المره الجايه بقي تبقي في الويلكم بارتي ان شاء الله
ونتقابل كتير لحد ما نزهق من بعض :d
c u soon isa

Dr.Nader Galal

01-10-2009, 06:20 AM

Mego_me

01-10-2009, 10:36 AM

SENDRILLA

01-10-2009, 10:54 AM

بسم الله الرحمن الرحيم...
يعني ممكن عرفتو بعض عن طريق المكان ثم الهاتف الخلوي :lol::dبس يا تري كانت جوله إرشاد سياحي بس :stickjo4:ولا عرفتو حاجه... يعني عن السكاشن او المجموعتين..وأتمني تكونو عرفتو عشان انا مقلق بصراحه :slap1qk6:
ايوه كده تمام :d
يعني مش ارشاد بس الصراحه
هو احنا رحنا شؤون الطلبه بتاعت بيطري
وقالو ان السكاشن هتنزل بكره اللي هو النهارده يعني
بس طبعا احنا مصدقناهمش :d
فانتو ريحو دماغكو وابقو روحو يوم الحد
كده كده انتو اول يوم ليكو في بيطري الاتنين ان شاء الله
ورحنا بقي شؤون الطلبه بتاعت علوم
طبعا كالعاده ازبهلال لا متناهي :d
ماعلينا
واحنا بقي عند مدرج مشرفه الاء اخت رغده دخلت سألت حد جوه فقاللها روحي لاستاذ فلان في شؤون الطلبه
راحو هما بقي لاستاذ فلان ده وانا ورغده ولبني قعدنا عند والي كده شويه فراح استاذ فلان ده اداهم رقم التليفون
وقاللهم اتصلو بكره
بس متقلقوش يعني احنا عرفنا السكاشن بتاعتنا اول يوم باين :006et4:
وبسسس

SENDRILLA

01-10-2009, 10:59 AM

أكيد يعني يادكتور اتفقتو علي معاد تتقابلو فيه اتفقتو تتقابلو في مكان في الجامعه المكتبه المركزيه وكان معاكم ارقام بعض وكان التواصل ان اللي يوصل يتصل لغايه معرفتم بعض.....بس بجد ربنا يكرمك يادكتور علي المجهود ده
يعني تقريبا:bosyht9:
بس احنا اتقابلنا الاول في الكليه الجديده وبعدين رحنا الجامعه بقي
وياعيني العيال رجليهم وجعتهم من المشوار وكنا بنفكر نعمل مشروع توك توك في الجامعه :d
ربنا يكرمك يا دكتور
ده هما زي اخواتي بالظبط والله :)

lobna24

01-10-2009, 12:31 PM

ههههههههههههههههههههههههههههههههههههه
اكيد يا سندريلا فاهمه انا بضحك ع ايه
اكيد يعنى انتى واخده باااااااااااااااااالك انى لسه داخله ع العموم ما علينا
انا عاوزه اوضح حاجه مهمه جدا يعنى يا جماعه لازم تعرفوا ان سندريلا دى مش سهله خااااااااااااااااااالص
امبارح عماله تقولى ده كذا يا لبنى وده كذا وده كذا
واحنا راااااااااااجعين بقى لقيتها بتقولى ده اسمه ايه بقى يا لبنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههههههه هههههههههه
كانت بتختبر معلوماتى هههههههههه
بس انا يعنى ما يحدش يفكر حاجه وحشه يعنى
اه
ما تخفو ش انا ما كسفتكوش اه
انا وبلا فخر قولتلها وانا مالى هعرف منين يعنى:romarioxp6:
ههههههههههههههه
انا اخر واحده حد يعرفنى طريق او يقولى حاجه وتلاقينى اعرف حاجه اصلن
ببس الحق يتقاااااااااال زوزو دى تمام
بس اللى مش لطيف انا بتسأل بعد ما تخلص :stickjo4:

حمااده

01-10-2009, 12:44 PM

Mego_me

01-10-2009, 12:46 PM

احنا كنا ناويين نقدم مشروع طفطف في الجامعه عشان تنقلات الطلبه.....بس كويس ان الناس زارت الموقع علي الواقع...(علي فكره المنتدي اتهكر عليه النهارده الصبح من واحد سعودي عشان كدن مكنش بيفتح)...

د\رغدة

01-10-2009, 01:20 PM

ميرسي ياسندريلا علي التور الجامده دي والله تعبناكي جدا بس اتبسطنا جدا بمعرفتك والله عن نفسي يعني كان يوم لطيف جدا وقضينا وقت جميل خالص ويارب نشوفك كتير ياسندريلا لانك هتوحشينا اوي والله احنا كلنا حبناكي

حمااده

01-10-2009, 01:24 PM

http://www.thanwya.com/vb/showthread.php?p=1650901#post1650901
اللىينك بتاع الموضوع اهه

حمااده

01-10-2009, 01:25 PM

انا برده عرفت انه اتهكر عليه بس بصراحة مكنتش فاضى اتابع و اعرف
لانى كنت نازل

Dr.Nader Galal

01-10-2009, 05:48 PM

ماشى ماشى:stickjo4:
على العموم
انا قمت بزيارة سريعة النهاردة الخميس فى كليه بيطرى الجديده
والسكاشن نزلت بحمد الله
ودفعت المصار يف
وكل حاجة تمام على الاخر
والله يا نادر اليوم كان ناقصك
بس قالى الصبح انا رايح
:romarioxp6:
ولا يهمك يا حُبي المهم انك عرفت وأفدتنا:022yb4: والايام جايه كتير لما نزهق يعني وانتا عارف مشواري يزهق من اول يوم :d

Hamset_Etab

01-10-2009, 08:45 PM

ههههههههههههههههههههههههههههههههههههههههه :lol:
هو انتى يادكتورة همسة معلش سؤال بس محيرنى كنتى بتروحى المدرسة أصلا فى الثانوية العامة اصل انا ما أعرفش أنا كنت فى فصل كام حتى:av4056bb7jp3:
بصى يا نور احنا كانوا مشددين علينا جدا فى المدرسه
وكنا لازم نروح بس كنت بروح متاخر وبروح اذاكر مع صحابى فى المكتبه الا اذا استاذ غلس علينا وقالنا اطلعوا الفصل
فكنا بنطلع غصب عننا بس بنطلع عينه (هو اللى جابه لنفسه)

lobna24

02-10-2009, 01:56 AM

سورى يا جماعه هو التوبيك اللى انا هحطه ده مش تبع بيطرى ولا اى حاجه بس اعتقد انه مهم جداااااااااااااااااااااا
اللهم ما بلغت اللهم فاشهد ارجو الدخوووووووووووول
http://www.thanwya.com/vb/showthread.php?p=1652874#post1652874

SENDRILLA

02-10-2009, 07:38 PM

ازيكو يا دكاتره
خلاص بكره الدراسه ان شاء الله
وطبعا والله كان نفسي اكون معاكم
بس هي الظروف جات كده ومش هقدر انزل بكره
بس انا متأكده انكو لو احتجتو اي حاجه هتلاقو مليون واحد يساعدكو
وربنا يوفقكو ان شاء الله
وهستناكو تيجو تحكولي عن مغامرات اول يوم بقي :lol:
وعلي فكره انا سمعت ان طلبة الاسر وكده هيكونو موجودين ان شاء الله الساعه 8 في علوم
غالبا قدام مدرج مشرفه
وهبقي اكلمكو بقي يا بناويت اشوف ايه الاخبار

حمااده

02-10-2009, 07:47 PM

منورة يا سندريلا
ياعالم بقا هنتقابل ولا لا

حمااده

03-10-2009, 05:23 PM

عاملين ايه يا شباب
ايه انتو روحتوا نمتوا ولاايه

SENDRILLA

03-10-2009, 05:27 PM

عاملين ايه يا شباب
ايه انتو روحتوا نمتوا ولاايه
شكلهم كده
والله انا قاعده مستنياكو عشان اعرف عملتو ايه ومغامرات اول يوم بقي
طب احكيلنا يا دوك لحد ما يصحو :d
شكلهم مش هيصحو غير بكره
مش متعوددددددددده :d

حمااده

03-10-2009, 05:43 PM

هههههههههههههههه
والله اليوم كان طويل
واول محاضرة لدكتورة مارى محضرتهاش لانى اتاخرت
والتقسيمة مكنتش نزلت البح فكل مجموعة راحت حتة
انا كنت هناك
7.20
وخرجت 3.20
يوم ايه

حمااده

03-10-2009, 05:53 PM

معلش يا سندريلا هحصلهم بقا
السرير وحشنى

SENDRILLA

03-10-2009, 06:03 PM

هههههههههههههههه
والله اليوم كان طويل
واول محاضرة لدكتورة مارى محضرتهاش لانى اتاخرت
والتقسيمة مكنتش نزلت البح فكل مجموعة راحت حتة
انا كنت هناك
7.20
وخرجت 3.20
يوم ايه
انت ممكن تحضرها بكره بقي ان شاء الله
لان جدولكو نفس جدولنا بتاع السنه اللي فاتت تقريبا
ربنا يوفقك يا محمد ان شاء الله

معلش يا سندريلا هحصلهم بقا
السرير وحشنى

اتفضل يا محمد
حقك برده :d

Mego_me

03-10-2009, 07:27 PM

مبروووووك لكل طلبه سنه اولي دخولكم عرين الاسد (كليتنا المصونه)B)

ان شاء الله تبقي سنه سعيده عليكم وتبقي من اجمل سنين حياتكم.....:)

معلش يا جماعه هتغيب عن المنتدي الفتره الجايه (اكيد مش عشان الدراسه) لمشاغل الحياه بس اكيد هعدي اطمن عليكم واشوف ايه محتاجينه.....واي حد ليه اي طلب يقول علي طول واي ورق تحتاجوه قولو علطول وسايب معاكم دكتور سندريلا واخده بالها منكم اوووي ربنا يخلهالكم:) ...ومتخفوش كليتنا سهله خالص بس لاعب شويه صغيريين وهتلاقي ناتج تعبك ان شاء الله :)

الوداااااع:d

SENDRILLA

03-10-2009, 08:53 PM

مبروووووك لكل طلبه سنه اولي دخولكم عرين الاسد (كليتنا المصونه)B)
ايوه مبروك صحيح :d

ان شاء الله تبقي سنه سعيده عليكم وتبقي من اجمل سنين حياتكم.....:)
يارب

معلش يا جماعه هتغيب عن المنتدي الفتره الجايه (اكيد مش عشان الدراسه)
ليه اكيد يعني :blush:
لمشاغل الحياه بس اكيد هعدي اطمن عليكم واشوف ايه محتاجينه.....واي حد ليه اي طلب يقول علي طول واي ورق تحتاجوه قولو علطول
تصدق انك بتقرا افكاري:d
كنت لسه هطلب منك الطلب ده يا دوك
بس لما ترجع بالسلامه بقي ان شاء الله
وسايب معاكم دكتور سندريلا واخده بالها منكم اوووي ربنا يخلهالكم:) ...
ربنا يكرمك يا دكتور
ومتخفوش كليتنا سهله خالص بس لاعب شويه صغيريين وهتلاقي ناتج تعبك ان شاء الله :)

الوداااااع:d
تروح وترجعلنا بألف سلامه يا دكتور ان شاء الله
وربنا يوفقك ان شاء الله في الدراسه وتبقي سنه بنت حلال وطيبه كده :d

Mego_me

03-10-2009, 09:13 PM

تصدق انك بتقرا افكاري:d
كنت لسه هطلب منك الطلب ده يا دوك
بس لما ترجع بالسلامه بقي ان شاء الله

ارجع منين يا دكتور هو انا مسافر كندا :d منا معاكم في الكليه بس مش هينفع ادخل المنتدي كتير عشان ايام الدراسه بتبقي ملغبطه اوووي ومببقاش في البيت كتير ومفيش وقت فاضي خالص....

بالنسبه لطلبك شوفي الورق اللي انتي عايزاه وقولي ....

SENDRILLA

03-10-2009, 10:18 PM

ارجع منين يا دكتور هو انا مسافر كندا :d
لأ لا سمح الله حد قال كده:d
منا معاكم في الكليه بس مش هينفع ادخل المنتدي كتير عشان ايام الدراسه بتبقي ملغبطه اوووي ومببقاش في البيت كتير ومفيش وقت فاضي خالص....
مانا عارفه كده
بس كنت فاكره يعني انك مش هتدخل خلص خالص حتي عشان تعرف انا عايزه ورق ايه

بالنسبه لطلبك شوفي الورق اللي انتي عايزاه وقولي ....
بالنسبه بقي للورق اللي انا عايزاه
فانا مش عارفه اساسا انا عايزه ورق ايه لاني لسه مشفتش الايام مخبيالنا ايه في كليتنا المصون :d
بس يعني اكيد حضرتك عارف الورق الكويس اللي جبته خاصة في البايو :blush:
عشان انا حاسه اني ضايعه فيها من قبل ما اشوفها
فكنت عايزه اظبط نفسي من البدايه عشان ماتوهش فيها كتير
او حتي لو تقوللي بس الورق الكويس في الماده الفلانيه مثلا كنت بتجيبه من مكتبة ايه
انا عارفه انه طلب عقيم شويه :blush:
بس معلش استحملني بقي :d

SENDRILLA

03-10-2009, 10:36 PM

:blink::blink::blink:
:blink::blink:
:blink:

من الواضح والله اعلم كده اني وقعت في شوية بنات اندال طحن :frown:
بقي اول يوم دراسه يعمل فيكو كده
ولا اشوف وشكو :abdoog8:
مشفتش غير وش لبني ع الميل وكلمتين وشقت طريقها :mad:
ولا همسه ولا رغده شفتهم اونلاين دقيقه حتي:slap1qk6:
وانا اللي قاعده طول النهار تقريبا ع الميل عشان اطمن عليكو
اخس عليكو زعلتوني :(
اندال اندال يعني:unsure:
ده علي كده محمد فيه الخير :):078111rg3:
حسابي معاكم بعد بكره
ويمكن بكره
بس هما يقولولي مفيش سكاشن وهتلاقوني عندكو في الجامعه
واستحملو اللي هيجرالكم مني بقي:040vk0::abdoog8:
يا اندال :huh::(

Mego_me

04-10-2009, 12:50 PM

بالنسبه بقي للورق اللي انا عايزاه

فانا مش عارفه اساسا انا عايزه ورق ايه لاني لسه مشفتش الايام مخبيالنا ايه في كليتنا المصون :d
بس يعني اكيد حضرتك عارف الورق الكويس اللي جبته خاصة في البايو :blush:
عشان انا حاسه اني ضايعه فيها من قبل ما اشوفها
فكنت عايزه اظبط نفسي من البدايه عشان ماتوهش فيها كتير
او حتي لو تقوللي بس الورق الكويس في الماده الفلانيه مثلا كنت بتجيبه من مكتبة ايه
انا عارفه انه طلب عقيم شويه :blush:

بس معلش استحملني بقي :d

بصي يا دكتور البايو نصيحه لو عايزه تقدير لازم تذاكري من الكتاب
والفسيولوجي لو عايزه تقدير اوعي تذاكري من الكتاب
البايو الكتاب احسن مصدر بس لو عندك طئطان تذاكري منه ....الفسيولوجي انصحك تكتبي محاضرات وتحضري كل المحاضرات عشان مهمه اوي في الشفوي....وبصراحه ورق الفسيولوجي اللي عندي كان اختصارات عشان ننجح :d وانا برضه هنزله عندكم في الدفعه ....نصيحه برضه خدي فكره عن المنهج من ملازم nvg بس اوعي تعتمدي عليها اعتماد كلي......

بنوووتة

04-10-2009, 01:27 PM

مبروووووك لكل طلبه سنه اولي دخولكم عرين الاسد (كليتنا المصونه)b)

ان شاء الله تبقي سنه سعيده عليكم وتبقي من اجمل سنين حياتكم.....:)

معلش يا جماعه هتغيب عن المنتدي الفتره الجايه (اكيد مش عشان الدراسه) لمشاغل الحياه بس اكيد هعدي اطمن عليكم واشوف ايه محتاجينه.....واي حد ليه اي طلب يقول علي طول واي ورق تحتاجوه قولو علطول وسايب معاكم دكتور سندريلا واخده بالها منكم اوووي ربنا يخلهالكم:) ...ومتخفوش كليتنا سهله خالص بس لاعب شويه صغيريين وهتلاقي ناتج تعبك ان شاء الله :)

الوداااااع:d

بالتوفيق دكتور ميجو واحنا اكيد مش هنتأخر في طلب اي استفسار منك انت ودكتورة سندريلا اكيد

حمااده

04-10-2009, 01:54 PM

اه والله الواحد هيتشغل جامد
بس انا خلصت النهارده بدرى انا ونادر عكسهم يعنى
هههههههههههههههههههههه

Hamset_Etab

04-10-2009, 04:51 PM

حمااده

04-10-2009, 07:34 PM

الله يكون فى عونك يا همسة والله معايا واحد صاحبى كده برده بس مواعيده مظبوطة اصلوبياخد ميكرو باص
بس حرام عليهم المدينة الجامعية اللى عامله ده
هو انتى اساسا منم فين
واللى فاتك النهارده سكشن عملى بايو فزكس بس
عادى يعنى متقلقيش وغير عملى النبات او الحيوان حسب تقسمتك
بس يمكن تكونى حضرتيه امبارح
وربنا معاكى

SENDRILLA

05-10-2009, 10:53 PM

ايه ده يا خبر سندريلا زعلانه منى

والله يا قمر انتى المفروض متزعليش منى انتى تزعلى عليا:bosyht9:
بصى انا فاكره انى كنت كويسه لحد ما انتى كلمتينى بعديها بدات المغامرات
روحنا سكشن كده من نصه وقاعدين متنحين مش فاهمين حاجه
وبعديها روحنا حضرنا محاضرات عجب
خصوصا دكتور الزولوجى :blush:
وبعدين جيت اروح فاتنى القطر عشان روحت 5 دقايق متاخره
استنيت فى المحطه بتاع ساعه ونصف
وركبت قطر والله العجله بتمشى اسرع منه والنور بيقطع فيه كل شويه
رجعت بيتنا 9.30 على لسانى كلمه واحده حسبنا الله ونعم الوكيل
ومرحتش النهارده:bosyht9:
متزعليش بقى خلى قلبك ابيض

وان شاء الله نتقابل بكره

لا خلاص يا قمر سماح المره دي
بس المره الجايه مش هتنزل ابدا
وسامحوني والله انا مشغوله عنكو شويه اليومين دول
فعلا تانيه مش سهله خاااااالص
وكمان واخدينا كده من اول يوم محاضرات وسكاشن مش عاتقيننا
ربنا يستر بقي ويعدي السنه دي علي خير
وكان نفسي اقابلك النهارده والله
بس كان عندي سكشن فسيولوجي فينفس معاد الحفله
وانا طبعا مش هسيب السكشن انتي عارفاني
بس انا قابلت لبني في الكليه النهارده
وقابلت نبرة حزن وانا رايحه الكليه القديمه
مش عارفه اشمعني انتي ورغده
بس ان شاء اله نتقابل في مره تانيه
ونشوف جداولنا ايه بقي

د\رغدة

06-10-2009, 12:00 AM

ربنا معاكي ياسوسو ويوفقك ويقويكي ان شاء الله يمكن معرفناش نتقابل عشان كان عندنا سكشن رعايه حيوان وبعدين قعدنا شويه في الويلكم بارتي وبعدين مشينا عشان القطر بتاع همسة والله وحشتيني موووووووووووووووت ونفسي اشوفك اوي ربنا معاكي السنة دي يارب وتتعودي علي الجو عالطول

dr_safrota

06-10-2009, 08:13 PM

ازيييييييك يا سندريلا عامله ايه؟؟؟؟؟

أنا عضوة جديدة معاكوا عارفاني ولا لأ؟؟؟؟

أنا هسيبك خمني شوية أنا ميييييييين;)

SENDRILLA

08-10-2009, 07:48 PM

ازيييييييك يا سندريلا عامله ايه؟؟؟؟؟

أنا عضوة جديدة معاكوا عارفاني ولا لأ؟؟؟؟

أنا هسيبك خمني شوية أنا ميييييييين;)
عارفه لو مكنتيش قلتيلي في الكليه
مكنتش هعرف;) قصدي يعني كنت هعرفك يا حبي عيب عليكي:d
بس بجد يا سفروتتي المنتدي والقسم نور زي ما الكليه منوره بيكي كده يا جميل (K).
بس انتي طلعتي لماحه عرفتيني علي طول :av4056bb7jp3:
بس انا مش مصدقه السبب اللي انتي قلتيهولي علي فكره ;)