eng.midosaid
19-08-2009, 01:13 PM
لقيت موضوع حلو اوى فى احد المنتديات حبيت نتشارك فيه مع بعض
وهو عن كتمان الحزن كم هي الحياة مليئة بالافراح والاحزان وكم هو حال الانسان في فرحة وحزنة
نجد بالغالب عند الفرح تعلو الابتسامة محيا الشخص ويكون بغاية السعادة
ويعبر عن فرحة بحركاتة وتصرفاتة ومزاجة عند الحديث فتبوح لنا تعابيرة بما لم يتحدث عنة معة الخ...
لكن عند الحزن يختلف الحل والحال وهذا محال
البعض قد يكتم مايحزنة بداخلة والبعض الاخر قد يتحدث بكل مايجول بخاطرة الى صديق
والبعض يبقى شارد الذهن والتفكير....
أنتم عندما تصابون بالحزن من امر ما كيف تكون طبيعتكم؟
تتحدث بما في داخلك لصديقك.اخوك.قريبك الخ...
أم تفضل الكتمان خوفاً على الغير أن يدخل في هم معك؟؟؟؟؟؟
**(elktra)**
19-08-2009, 01:30 PM
أنتم عندما تصابون بالحزن من امر ما كيف تكون طبيعتكم؟
الاجابة دي بالظبط
والبعض يبقى شارد الذهن والتفكير....
لكن بيبقي في بعض الدموع لكن مش هتكلم مع حد لان دي طبيعتي
موضوعك رائع جزاك الله خيرا
Meeroo92
19-08-2009, 02:52 PM
حسب الموقف لو حاجه خاصه محدش له دخل بيها اكيد الكتمان افضل....ولو حزن من صديق او قريب المواجهه افضل بشرط التأكد من عدم تطور الموقف بعد ذلك مع شخص غالى عليك حتى لو كنت زعلان منه ولو ممكن يزعل احتماك كبير اقفل على الموضوع ....وشرود الذهن لو كانت صدمه على ما اعتقد
الكلام ده نظامى لو حصل حزن
وشكرا على الموضوع
eng.midosaid
19-08-2009, 03:41 PM
الاجابة دي بالظبط
لكن بيبقي في بعض الدموع لكن مش هتكلم مع حد لان دي طبيعتي
موضوعك رائع جزاك الله خيرا
حسب الموقف لو حاجه خاصه محدش له دخل بيها اكيد الكتمان افضل....ولو حزن من صديق او قريب المواجهه افضل بشرط التأكد من عدم تطور الموقف بعد ذلك مع شخص غالى عليك حتى لو كنت زعلان منه ولو ممكن يزعل احتماك كبير اقفل على الموضوع ....وشرود الذهن لو كانت صدمه على ما اعتقد
الكلام ده نظامى لو حصل حزن
وشكرا على الموضوع
شكرا على ردودكم على فكرة انا كمان موش بحب اقول لحد على احزاني
مهما كانت سواء خاصة او ممكن تتحكي بس موش عارف ناس كتير بتقول
ان دا غلط
ولاء حسنى
21-08-2009, 02:48 AM
السلام عليكم اولا جزاك الله خيرا الموضوع لذيذ وعموما لما باحزن محدش بيعرف السبب ومش بحسسهم بيا لان مش اى حد هيفهمنى وبخرج حزنى لما بكون لوحدى وعلى حكاية ان دا غلط فعندهم حق نسبيا بس فى ناس معندهاش حد تثق فيه لتحكيلوه علشان كده مش بتقول وعموما كل واحد بيعبر بالطريقة اللى بيحبها اللى بيحب يقول بيقول واللى مش بيحب بيكتم
ميراج
23-08-2009, 03:54 AM
انا ببقا مدمره خالص وانا حزينه
بفضل اعيط لغايط ما اموت نفسى من العياط والله
وياريت فى حد يستاهل
ولما بتتكتر عليا الحاجات اللى بتخلينى حزينه
ببقا نفسى اعيط بس ببقا فى حاله ذهول
بيبقا جوايا حزن بالرغم من كده بضحك
بس بيبقا موقف صعب اوى
واصعب المواقف لما يكونحد ظلمك
وانت حتى مش عارف تدافع عن نفسك
ولا حتى لاقى حد تشكيله
فعلمتنى الحياه
ان الشكوى لغير الله مذله
ودى حقبقه فعلا
شكرا على التوبيك اللى قلب علينا المواجع
zoooo
23-08-2009, 12:29 PM
انا بفضل اكتم الحزن ده او ابكى لو كان محدش شايفنى وده لانى بحس ان محدش يهمه انا زعلانه ليه فبقعد اشتكي لنفسي
Dr.memo
23-08-2009, 06:20 PM
انا من كتر الاحزان اللي مرت عليا بقى من الصعب جدا ان حد يلاقي دمعه ف عيني
عيوني جفت م الدموع بجد
وحتى لو عيطت ف مره بتكون لوحدي ومحدش بيكون شايفني
لان دموعي عزيزه عليا جدا
ومهما كنت حزينه م بحبش اتكلم لاني هشغل ناس بيا يجوز عندهم احزان اكتر مني
وفنفس الوقت هتهم اكتر م الهم اللي انا فيه
بس سعات بكون هنفجر مش قادره ومش عارفه اعمل ايه
برسم
واما اكون مش طايقه حتى الورقه والقلم
بيكون نفسي فصديقه تفهمني اقدر اشكيلها همي
بس للاسف
مش لاقيه الصديقه اللي اكون متطمنه وانا بحكيلها
لاني اتخميت كتير ف الاصدقاء
فبقى رد فعلي هو
الصمت