nadoda
04-08-2009, 05:59 AM
بسم الله الرحمن الرحيم
انا اختى ان شاء الله داخلة اول ثانوى وهى نفسها تاخد ايطالى بس انا بقول لها ان الفرنساوى احسن
بس انا بصراحة احترت زيها لما لقيت ان ناس كتير سابوا الفرنساوى وخدوا ايطالى والمانى
انا عارفة ان الموضوع ده مكانه مش هنا بس انا قلت ان كل اللى بيدخل هنا خلص ثانوية عامة وعنده خبرة فى الحكاية ديه ويقدر يفيدنى
وشكرا للاهتمام
بدر الجندى
04-08-2009, 06:52 AM
الالمانى اسهل بكتير من الايطالى والفرنساوى و50 فيه مضمونين
emanhelal
04-08-2009, 06:54 AM
الالمانى سهل جدا والفرنساوى بردوا سهل بس من غير جدا
hopeless sara
04-08-2009, 06:59 AM
بصى يا قمر عن تجربة بجد الايطالى اسهل و احلى و بيتقفل بسهولة جداااااااا...انا كنت داخلاه علشان اجيب مجموع مش اكتر بس بعد كده لما درستو حبيتو اوييييييييييييييييييييييييييييييييييي و ف سنة 2 كنا خارجين مبسوطين و الناس اللى واخدة فرنساوى و المانى مضايقين...و كلة بالمذاكرة هاتجيب مجموع بس نصيحة خليها ايطالى ..و ربنا يوفقها يارب و يحققلها اللى عايزاه :)
hopeless sara
04-08-2009, 07:01 AM
فعلا الالمانى اسهل من الفرنساوى بس الايطالى اسهل بكتييييييييييييييييييييييييييييير انا مكنتش بفتحة و اللة و جبت 49 و الغلطة اللى غلطتها مش سؤال صعب لأ انا ماخدتش بالى مش اكتر
ีundertaker_2000
04-08-2009, 07:03 AM
هو الالمانى سهل جدااااااااااااااااااا اسهل من الفرنساوى
لكن طبعا شوفيها هى عايزه تدرس ايه وعندها استعداد تذاكر ايه يعنى الماده الى بتحبها اكتر هى تاخدها علشان تقدر تذاكرها
وربنا معاها ويوفقها ان شاء الله
احمد رضا
04-08-2009, 07:11 AM
هو أنا شايف بصراحة فرنساوى
لإنه شائع أكتر من حيث الإستخدام
وكمان الفرنساوى سهل جداً ( أكيد للي بيفهم )
ربنا يوفقكم للي فيه الخير
emanhelal
04-08-2009, 07:20 AM
هو أنا شايف بصراحة فرنساوى
لإنه شائع أكتر من حيث الإستخدام
وكمان الفرنساوى سهل جداً ( أكيد للي بيفهم )
ربنا يوفقكم للي فيه الخير
دى بتكون قدرات يعنى مثلا فى حد يقول على الاحياء سهله وناس تانيه تقول لا الكيمياء اسهل
على حسب حب الشخص للحاجه ما لهاش علاقه بيفهم ولا مش بيفهم
ياسمينايا
04-08-2009, 08:10 AM
الايطالي سهل اخرر حاجه ..
وده سمعتو من كتير خدوا ايطالى ..
وهينفعها في تانيه ان شاء الله ..
ربنا معاها ويوفقها ياارب ..
امممم
بصى هو انا كنت واخدة فرينش وشايفاه سهل جداا
لانى باحبه جداا جداا
بس فيه اصحابى خدوه ف اولى وحولوا ايطالى ف تانية
لانهم طلعوا من اولى مش عارفين فيه حاجة عشان مفيش مذاكرة
على كل حال
خليها تدرس اللغة تحبها
واهم حاجة انها تذاكرها كويس ف اولى
لان اللى بيدرس حاجة بيحبها بيبقى كويس فيها
اى كلام تانى عن سهل وصعب والكلام ده مالوش لازمة
عادى جدا ممكن يجيبوا امتحان فرينش سهل والمانى وايطالى صعبين
وممكن العكس ..
ممكن الناس كلها تشوف امتحان صعب وهى تشوفه سهل
كلها حاجات نسبية
ف كل حد يعمل اللى عليه وخلاص ويدرس اللى يحبه
مش الناس بتقول كذا يبقى كذا
وربنا يوفقها
:)
invent_yas2020
04-08-2009, 10:10 AM
من الاخر دى كلها كلمات بندرسها او لغة وبتتنسى بعد كدة ومن راى خليها تاخذ ايطالى لان الكل اجمع انه سهل جداااااااااااااا
Bent 3bdo
04-08-2009, 10:27 AM
اول حاجه ربنا يوفقها ان شاء الله ويعملها اللى فيه الخير
بالنسبه بقى للايطالى
فهو سهل جدا جدا جدا
انا كنت واخده ايطالى وكان عاجبنى جدا جدا جدا
مميزات الايطالى
سهل جدا
منهجه قصير
أسئلته محفوظه(حتى البراجراف مفيش غير 10مواضيع بيجى منها وبيبقى المستر او الميس محافظينهالها)
درجاته مضمونه
اهم حاجه بقى م وجهه نظرى
انه مش محتاج وقت لمذاكرته كتير زى الفرنساوى و الالمانى
يعنى انا كنت بذاكر ساعتين ف الاسبوع ولا حاجه ومش كروته
لا كنت بذاكره حلو
ويعنى حتى لو طول معاها قولى ساعتين تلاته
وكمان منهجه بيخلص بسرعه
فهتقدر تراجعه كذا مرة لغايه لما تحفظه
وكمان بيتحفظ بسرعه مش سهل انك تنسيه
وده هيفضيلها وقت لمذاكرة المواد التانيه الاهم والاصعب سواء كميا او تاريخ
يعنى ساعه امتحان الايطالى بتاعنا كان قبيله يوم ونص
الالمانى والفرنساوى كانوا محتاسين
واحنا كان الوقت ده كتير بالنسبه لينا
العيب الوحيد االى شايفاه ف الايطالى
انه مش مستخدم اوى ف الجامعات
يعنى لو دخلت حقوق مثلا
لازم تعمل معادله فرنساوى
يارب اكون عرفت افيدك
ولو عايزة تسألى عن حاجه تانيه انا موجوده
nadoda
04-08-2009, 12:30 PM
لازم تعمل معادله فرنساوى
يارب اكون عرفت افيدك
ولو عايزة تسألى عن حاجه تانيه انا موجوده
يعنى المعادلة ديه فى كلية الحقوق بس ولا فى كليات تانية محتاجها؟