مشاهدة النسخة كاملة : عن أفضل الكتب الخارجية
FirstMan08 31-07-2009, 05:45 PM بسم الله الرحمن الرحيم
أنا خلصت سنة اوي ثانوي و رايح تانية و في ناس كتير اوي هنا معايا في المنتدي زيي و كنا عايزين نعرف من اخواننا اللي سبقوناو خلعوا ما هي أفضك الكتب الخارجية اللي كنتوا بتحلوا منها و بتذاكروا منها و كده في كل المواد ف يا ريت اللي يعرف حاجة يدخل و يقول وشكرا
Dr.Mai 02-08-2009, 09:31 AM http://www.p-yemen.com/highstar/bsm/p-yemen1%20(20).gif
الكتب الخارجيه ماهي الا وسائل مساعده
التركيز كله علي كتاب الوزاره ولازم تكون عارف كده من الاول
أنا هأكتب الكتب اللي كنت باشتغل منها وهي كويسه من وجهة نظري
العربي:الأضواء
كنت بأذاكر منه القصه والقراءه لانه نفس نص كتاب الوزاره
النصوص سيبك منه لانه ملخبط شويه
ممكن تذاكرها من مذكرة أستاذك
الادب من الكتاب
في كتاب اسمه الفجر مجربتوش بس بيقولو كويس
في المراجعه
أهم حاجه الامتحانات لانها بتتكرر
حلها من أي كتاب
الانجليش
كتاب the best
senior
top students
أي واحد كويس بس أنا بأحب the best
أهم منهم كتاب work book بيجي منه أسئله كتير
الفرنساوي
كتاب merci
الرياضه
كتاب 100% كويس
أنا كنت بأحل من مذكرة المدرس كان فيها اسئله من كل الكتب بس عموما ده كتاب كويس
أهم حاجه في الرياضه الحل
الاحياء
كتاب الامتحان عشان الحل بس انما المذاكره من كتاب المدرسه
كتاب النفيس كويس بس مجربتوش
الكيمياء
كتاب المدرسه مذاكره
الامتحان حل
الوسام معقد ومزود حاجات مالهاش لازمه
أخيرا:
الامتحان في كل المواد بيجي من الكتاب عشان كده لازم يكون مصدرك الاساسي في أي ماده
الدليل لازم يتحل في فترة المراجعه
ربنا يوفقكم ويوفقنا إلي مايحبه ويرضاه
"أي استفسار أنا موجوده"
http://abeermahmoud2006.jeeran.com/445-do3aa.gif
earth 02-08-2009, 04:41 PM العربى: الوسام
الانجليزى: كتاب surprise و فى اخر السنة المراجعة النهائية بتاعته
الفرنسى:كتيييييير l'excellence /كان فى واحد كمان تبع سلسلة المعلم مش فاكرة اسمه
الرياضيات1: المعاصر
التاريخ: الامتحان
الجيولوجيا : كتييييييير الامتحان/المعلم فى السؤال و الجواب ساعات كنت بستخدمه
علم النفس: كشكول الاول
الاقتصاد: الامتحان مراجعة نهائية
الاحصاء:الماهر و ساعات المعاصر
بالضافة لكتب الوازرة و التقويم اللى لازم تتحل بس ممكن تكون مدمجة فى الكتاب زى الامتحان او فى ملزمة المستر بتاعك بس بالراحة ان شاء الله كله حيتحل
اتمنى اكون ساعدت حضرتك
abdelRhman772007 06-08-2009, 12:57 PM عربى 1 : كتاب الأضواء و كشكول الأول استعين بيه بعد ربنا طبعًا فى النصوص و أى حاجة فى المنهج
رياضة 1 : للناس كلها المعاصر ، لمحبى الرياضة 100 % ، و لمحترفيها لامى
كيمياء: يفضل المذاكرة من مذكرة أستاذك و يفضل الحصول على قدر من الكتب أو الاستعارة من أصدقائك لأنه كل كتا مميز فى باب من أبواب الكيمياء
الفرنساوى : فيه ناس بتعامله لغة و ناس بتعامله كمادة عمومًا ذاكره من المذكرة بالإضافة لأى حاجة تعجبك
الانجليزى : كفاية عليه أوى كشكول الأول فيه كل اللى نفسك فيه مجمع كل تمارين الكتب و فيه شرح جميل
صراحة أى حد يحس أنه تاه فى منهج انجليزى 1 يشتريه و يذاكر منه
FirstMan08 06-08-2009, 03:49 PM متشكر اوي اوي علي المعلومات الحلوة
بروف انس 08-08-2009, 10:04 AM بالنسبه ليا اولا العربي :- الامتحان في العربي وسيبك من المعلم او الاضواء لانهم ملهمش لازمه وعليك اولا قراءه القصه كتسيله لان الاساتذه لايقراونها بل يعطون الاسئله فقط واحفظ الادب واسئله السنين اللي فاتت هي اللي بتكرر متقلقش منه
ثانيا:- الكمياء خليك في كتاب الوسام والامتحان مش هتحتاج حاجه تانيه الا الدليل الجديد وخلي بالك من كلمه الجديد
بروف انس 08-08-2009, 10:07 AM بالنسبه ليا اولا العربي :- الامتحان في العربي وسيبك من المعلم او الاضواء لانهم ملهمش لازمه وعليك اولا قراءه القصه كتسيله لان الاساتذه لايقراونها بل يعطون الاسئله فقط واحفظ الادب واسئله السنين اللي فاتت هي اللي بتكرر متقلقش منه
ثانيا:- الكمياء خليك في كتاب الوسام والامتحان مش هتحتاج حاجه تانيه الا الدليل الجديد وخلي بالك من كلمه الجديد
ثالثا :- الانجليزي : خليك في كشكول الاول والدليل الجديد
رابعا :-الرياضيات:- خليك في كتاب لامي اهم كتاب في الرياضيات احسن من المعاصر و100 في الميه وحل الدليل
خامسا الفرنساوي اي كتاب فرنساوي حلو وابعد عن الدليل لان الدليل معقد وتافه في الفرنساوي ممكن تجيب كتاب برافو او oui
د/بسمة الاسلام 09-08-2009, 04:26 PM بسم الله الرحمن الرحيم
لازم تعرف حاجة الكتب الخارجية اثناء السنة تسلية يعني بتمشي ايدك في المادة مش اكتر اول ما النمادج تنزل ترمي اي كتاب وتحلها مرة واتنين .....ولازم تبقى نص اجابتك نفس نص كتاب الوزارة ةوأنا بنصحك تزاكر كل المواد من كتاب الوزارة لأنه نفس نص النمودج وفيه مدرسين بيعلموا بالسم عشان كده خصوصا الاحياء وأدب العربي لازم يتزاكروا من الكتاب المدرسي
خلاص
جيت انت اول يوم طبعا لازم تزاكر أول بأول عشان تنفع مفيش تأجيل
تزاكر الدرس من كتاب المدرسة وبعدين تبص ع مزكرة استادك هتلاقيه كاتب الimportant points
تبص عليهم تانى وتبتهم
وتشتغل بقى
اولا :- بالنسبة للعربي :-
المزاكرة كتاب الأصواء + كتاب الوسام
طبعا مينفعش تزاكريلي نصوص من كتاب المدرسة دي مفياش جمال ولا معانى ولا اي حاجة أنت تزاكر النص من الاصواء
ولازم لازم تقرا الوسام بيزود حاجات مفيدة بس ممكن تتقري كويس مترهقش نفسك اهم حاجة تحل اسئلة الوسام لأنها قوية
واخر السنة تجيب مراجعة نهائية الامتحان يبقي كده صربت 3في 1 وقابلك اكبر كم من الاسئلة
بوبوسا 10-08-2009, 04:13 AM العربي المعلم والمراجعه النهائية والامتحان بس التعليق للنص من كتاب الوزارة والادب بيبقى سؤال واجابة كنت بحفظه من كتاب الامتحان المراجعه
الانجليزي و الwork book..... bit by bit
الرياضيات مسائل من كتاب الوزاره والمعاصر واللامي
الكيمياء كتاب الوزارة
الاحياء كتاب الوزارة وكتاب الامتحان شرح ومراجعه نهائية
الجيولوجيا الاول مراجعه نهائية بجانب المذكره
علم النفس كتاب الاول او المعلم
FirstMan08 12-08-2009, 03:13 PM شكرا لكل من شارك و ربنا يوفقنا جميعا إن شاء الله
ehab2011 30-08-2009, 05:58 PM بسم الله الرحمن الرحيم
ان الكتب الخارجيه لا غنى عنها
فى الذاكره
وخصوصا الكتب التى تكون مليئه بالاسئله
:040vk0::040vk0::040vk0::040vk0::040vk0::040vk0::0 40vk0::040vk0::040vk0:
:abdoog8::abdoog8::abdoog8::abdoog8::039uw8::039uw 8::039uw8::039uw8::039uw8::039uw8::039uw8:
totti_pop_2008 30-08-2009, 06:02 PM كتاب لامى فى الرياضة والوسام فى العربى مالهومش حل_(فوق الممتازين)_أه صح وكمان full mark in english
ehab2011 30-08-2009, 06:06 PM انا عايز اسأل عن كتاب الرساله فى اللغه العربيه
الرد فى اسرع وقت ممكن لإن فات شهر من بدايه الدروس
:078111rg3::078111rg3::078111rg3::078111rg3::07811 1rg3::078111rg3::078111rg3::078111rg3::078111rg3:: 078111rg3::078111rg3::078111rg3::078111rg3::078111 rg3::078111rg3::078111rg3:
ماهر محمود محمد 17-09-2009, 09:53 PM السلام عليكم ورحمه الله وبركاته انا كنت عايز اعرف ايه هى افضل الكتب الخارجية للصف الثالث الاعدادى كل المواد وارجوا الرد سريعا وشكرا
ماهر محمود محمد 17-09-2009, 10:02 PM ارجوا الرد على سؤالى وشكرا
ehab2011 17-09-2009, 10:06 PM يا اخ احمد
ehab2011 17-09-2009, 10:07 PM ممكن اعرف انت فىسنه كام بالضبط
ehab2011 17-09-2009, 10:09 PM الرد ياحمد بسرعه
ahmed yay 18-09-2009, 01:10 AM السلام عليكم.
الرياضيات:ملخص الماهر كويس جدا.
عربى:الاضواء كنت بذاكر منه النصوص والقراءه والقصه اما النحو والادب والبلاغه من مذكرات الاستاذ.
كيمياء:كتاب المدرسه ومذاكرات الاستاذ كنت باستخدامها فى تنظيم الكتاب وتوضيح الاجزاء اللى مش واضحه.
الانجليزى: surprise
الفرنساوى:مذكرات الاستاذ.
ماهر محمود محمد 19-09-2009, 12:02 AM انا فى 3 اعدادى يا ايهاب
وشكرا على اهتمامك
ماهر محمود محمد 19-09-2009, 12:04 AM يا ايهاب ارجوا الرد بسرعة
ماهر محمود محمد 20-09-2009, 01:49 AM يا جماعة انا فى 3 اعدادى وعايز اعرف ايه هى الكتب الحلوة لو سمحتم
بس يا ريت يكون الكتب عن تجربة
NoUrHaN_Z 24-09-2009, 11:46 PM يا جماعة انا فى 3 اعدادى وعايز اعرف ايه هى الكتب الحلوة لو سمحتم
بس يا ريت يكون الكتب عن تجربة
أنا كنت ف تالته إعدادى السنه اللى فاتت يا أحمد و هاقولك على الكتب اللى كنت بدح فيها
العربى : الأضواء طبعا أنا و اصحابى كلنا كنا جايبين الأضواء بس بصراحه محدش جرب الإمتحان
الرياضه : المعاصر بجد رووووعه كنت مخلصه كل امتحاناته و جبت كمان كتاب المراجعه النهائيه بس نصيحه منى ماتجبش بتاع المراجعه النهائيه لأن امتحاناته هى هى نفس الإمتحانات اللى ف المعاصر بتاع الشرح و طبعا أهم حاجه فى الرياضه التمارين و الحلول و انا الحمد لله قفلت الرياضه ف الترم التانى:av4056bb7jp3:
الإنجليزى : teacher تبع سلسلة المعلم جايب حاجات مهمه أوى ف الجرامر ممكن المستر بتاع المدرسه ماينبهش عليها و أحلى حاجه فيه أنه بيجيب بعد كل فصل ف القصه المقرره عليك أهم الأسئله و الأجوبه أنت بس تحفظها و هاتقفل القصه بإذن الله
العلوم و الدراسات : الإمتحان طبعا مفيش أحلى منه ف الشرح و المعلم مانصحكش بيه وحش جدا عايز حد يصم من غير تفكير و بيلخبط جامد بس الحاجه الوحيده اللى حلوه فيه ان الخرايط بتاعته أحسن من الخرايط اللى ف كتاب الإمتحان
و كمان ماتنساش ان الرسم و الكمبيوتر بيتضافوا للمجموع و انا اللى وقعنى تالته الترم التانى الزفت الكمبيوتر:( خلى بالك منه كويس لإن منهجه صعب غير بتاع سنه تانيه خالص :abdoog8:
و ماتنساش ان اهم حاجه انك تذاكر أول بأول و كمان لازم تذاكر من كتاب المدرسه لأن نموذج الإجابه اللى المصحح بيصحح منه الإمتحان بيكون من كتاب الوزاره
يعنى لو لقيت كتاب خارجى كاتب حاجه عكس اللى كاتبها كتاب الوزاره أعمل بكتاب الوزاره و نفض للكتاب الخارجى و برضه إسأل المستر بتاعك
بس كده طولت عليك
يلا أى خدمه :d
ماهر محمود محمد 25-09-2009, 01:13 PM شكرا يا نورهان على المعلومة الحلوة ربنا يخليكى بس المستر بيقول ان المعلم فى الانجليزى مش حلو بس انا ماجربتهش وانا معايا جيم وكمان جربت الامتحان فى العلوم والدراسات كان كويس وجربت المعلم فى العلوم كان يعنى مش قوى بس ماجربتهش فى الدراسات انتى ايه رايك فيه
وايه رايك فى كتاب100% فى الرياضيات انا مجربتهش بس بيقولوا حلو
ياترى كتاب الوسام اللى بيقولوا عليه حلو فى ثانوى فيه منه للاعدادى
وشكراااااااااااااااااااااااااااااااااااااااااااااا ااااااااااااااااااااااااا
NoUrHaN_Z 25-09-2009, 02:26 PM بالعكس دا المعلم بالنسبه ليا أحسن كتاب ف الإنجليزى و خصوصا ف الجرامر و القصه انا مجربتش جيم بس بيقولوا عليه حلو لثانوى و كتاب أسمه the best و كمان بابا مدرس إنجليزى إعدادى سألته دلوقتى علشان أنا مجربتش جيم قالى جيم قبل كده كان كويس بس دلوقتى أخر حاجه نازله من المعلم أحسن منه و احنا عندنا ف الجيزه كان امتحان الانجليزى فيه حتت رخمه أوى ف الترمين و نقصت درجتين بس 1.5 ترم أول و 0.5 ترم تانى بس على العموم لو حد من اصحابك جايب المعلم شوفوا و قارن ما بينه و بين جيم و شوف ايه اللى هاتفهم منه أكتر
و المعلم ف الدراسات زى ما قولتلك فوق تحس أنه نسخه من كتاب الوزاره بس على شكل نقط زى ما يكون عامل ملخص للدرس الحاجه الوحيده اللى حلوه فيه الخرايط و انا عن نفسى ان شاء الله هاجيب الإمتحان السنه دى
أما بقى بالنسبه للرياضه بصراحه أنا مجربتهوش أنا جربت بس المعاصر و الفائز
و كتاب الوسام ده بصراحه أول مره أسمع عنه
على العموم إن شاء الله هسألك إصحابى على كتاب 100% و هسأل برضه على كتاب الوسام ده
فاصل و نواصل :d
ماهر محمود محمد 26-09-2009, 02:14 AM شكرا كمان مرة
بس انا صحابى بيجيبوا بيت باى بيت بس انا مش بحب اخد منهم حاجة على العموم ان شاء الله هشوف حد معاه تيتشر فى الانجليزى
وايه المراجعات اللى كنتى بتجبيها ؟
طيب والاول فى الجيزة جاب كام؟
والاول على المدرسة بتعتك؟
طيب تيتشر فيه اسئلة كتيرة ولا لا
انا لما كان معايا المعلم فى العلوم كان فيه غلطات هو تيتشر فيه ولا لا
طيب والفائز حلو ولا لا
وشكراااااااااااااااااااااااااااااااااااااااااااااا اااااااااااااااا
وربنا يوفقك
NoUrHaN_Z 26-09-2009, 03:08 AM شكرا كمان مرة
بس انا صحابى بيجيبوا بيت باى بيت بس انا مش بحب اخد منهم حاجة على العموم ان شاء الله هشوف حد معاه تيتشر فى الانجليزى
بيت باى بيت دا كان أحسن كتاب من سنتين بس من ساعة ما المؤلف إتغير و الكتاب بقى ضعيف مش زى الأول خالص
وايه المراجعات اللى كنتى بتجبيها ؟
العلوم و الدراسات الإمتحان ف المراجعه النهائيه و المفكره اللى بتبقى مع الكتاب مفيده جدااااااا بتلم أهم أجزاء المنهج و بتكون حلوه للمراجعه الصبح و انت رايح الإمتحان
الرياضه كنت جبت المعاصر بس ملهوش لازمه إمتحانات كتاب المراجعه هى هى نفس إمتحانات الكتاب بتاع الشرح ممكن بس زياده محافظتين
الإنجليزى كتاب تيتشر بيجيى معاه كتاب تانى بتاع مراجعه شهريه و ف أخره امتحانات المحافظات بتاعت السنين اللى فاتت دا كنت علطول بحل منه
و قبل يوم الإمتحان افتح الإمتحانات اللى انت حليتها و راجع على اللى انت غلطت فيه و اجابته الصح
اما العربى بقى دا كنت بلخصه بنفسى و نصيحه منى لو فى ماده تقيله عليك لخصها على شكل سؤال و جواب هتلاقيها سهله أوى
طيب والاول فى الجيزة جاب كام؟
بصراحه معرفش و مش عايزه أعرف علشان ماتعقدش :d
والاول على المدرسة بتعتك؟
الأولى على المدرسه بتاعتنا كانت جايبه 289.5 من 300 بس ما شاء الله عليها تمسك الكتاب ممكن تسمعهولك من الجلده للجلده
طيب تيتشر فيه اسئلة كتيرة ولا لا
تيتشر مليان أسئله مابين كل درس هتلاقى تمرين و ف أخر كل وحده هتلاقى امتحان على الوحده كلها
انا لما كان معايا المعلم فى العلوم كان فيه غلطات هو تيتشر فيه ولا لا
لأ مفيهوش على الأقل الطبعه اللى كانت معايا بتاعت 2009 زى الفل
طيب والفائز حلو ولا لا
الفائز كشرح مش حلو المعاصر أحلى بس الحلو فيه انه فيه أسئله كتير
وشكراااااااااااااااااااااااااااااااااااااااااااااا اااااااااااااااا
وربنا يوفقك
ربنا معاك شكلك نافع :p
أى سؤال أنا ف الخدمه ;)
ماهر محمود محمد 26-09-2009, 03:33 AM شكرا قوىىىىىىىىىىىىىىىىىىىىىىىىىىىىىىىىىىى
طيب ما تعرفيش كانت بتحل من نفس الملخصات دى ولا لا
اصلى عايز اكون الاول على المحافظة وخايف وعايز اكون عارف كل حاجة عن احسن الملخصات بحيث لما المدارس تبدا اقعد على الكتاب وما قمش من عليه وربنا يسهل
طيب لما الاولى على المدرسة شاطرة زى ما بتقولى نقصت كتير ليه
هو ربنا يوفقها وتجيب احسن من كدة بس عايز اعرف ايه الحاجات اللى ممكن توقعنى فى الامتحان
طيب انا ذاكرت اول درس فى العربى ولما حليت اسئلة المحافظات لقيتها سهلة جدا
ثم انى عايز اعرف هى كانت بتحفظ حلو ازاى
اصلى انا الحمد لله يعنى ممكن افهم بس الحفظ باخر فيه شوية ولازم اعيد عليه اكتر من مرتين على شان يثبت هو بيكون ثابت من اول تانى مرة بس علشان اكون واثق من نفسى
طيب انا فى سنة تانية لما يكون فيه امتحان شهر او اخر السنة ولا لما كنت باجى احل اسئلة الامتحان كنت بكتب حاجات كتير ممكن اخد نصف الصفحة يعنى اللى حفظته وزيادة نتيجة المراجعات المستمرة والمذاكرة بس ممكن اكتب كلمة كلمتين تلاتة من عندى نتيجة التوتر هى كانت كدة ولا بتحفظ وتجاوب ازاى
طيب انا معايا الامتحان والحديث مراجعة نهائية ومذكرة كمان فى الدراسات من وجهة نظرك انا محتاج درس ولا لا علما بان الدراسات عايزة حفظ والاستاذ الصراحة بيشرح
انا مستنى الرد
NoUrHaN_Z 28-09-2009, 01:08 AM شكرا قوىىىىىىىىىىىىىىىىىىىىىىىىىىىىىىىىىىى
طيب ما تعرفيش كانت بتحل من نفس الملخصات دى ولا لا
لا و الله معرفش لإن العيال الدحيحه دول كتير منهم بيكون عامل سور حوالين أسرار مذاكرته ممنوع الإقتراب و أنا و هى كان مستوانا قرب من بعض و كل سنه بنجيب زى بعض بس السنه دى هى عدت علشان كده مكنتش بسألها هى بتذاكر ف ايه لحسن تلف و تدور ف الكلام :abdoog8:
اصلى عايز اكون الاول على المحافظة وخايف وعايز اكون عارف كل حاجة عن احسن الملخصات بحيث لما المدارس تبدا اقعد على الكتاب وما قمش من عليه وربنا يسهل
ما شاء الله
ان شاء الله ربنا يحقق لك اللى نفسك فيه بس أهم حاجه خليك هادى و ماتقلقش نفسك علشان القلق بيغلط
طيب لما الاولى على المدرسة شاطرة زى ما بتقولى نقصت كتير ليه
الإمتحانات بتاعت الجيزه أساسا كان فيها حاجات غتته خصوصا الإنجليزى ف الترمين مفيش أى حد قفل الدرجه و الرياضه ف الترم التانى و النحو الترم التانى برضه دا غير طبعا المصيبه الكبيره الكمبيوتر و طبعا لازم أى حد ينقص درجتين ف الرسم على الأقل
هو ربنا يوفقها وتجيب احسن من كدة بس عايز اعرف ايه الحاجات اللى ممكن توقعنى فى الامتحان
طيب انا ذاكرت اول درس فى العربى ولما حليت اسئلة المحافظات لقيتها سهلة جدا
ثم انى عايز اعرف هى كانت بتحفظ حلو ازاى
و الله لو كنت أعرف كان زمانى عملت زيها
بس الموضوع دا بيختلف من حد للتانى
يعنى أنا بالنسبه ليا بفهم أسرع و أسهل ما بحفظ
ناس تانيه ممكن تحفظ أسرع و أسهل ماتفهم
يعنى دا بيتوقف عليك انت
اصلى انا الحمد لله يعنى ممكن افهم بس الحفظ باخر فيه شوية ولازم اعيد عليه اكتر من مرتين على شان يثبت هو بيكون ثابت من اول تانى مرة بس علشان اكون واثق من نفسى
طيب انا فى سنة تانية لما يكون فيه امتحان شهر او اخر السنة ولا لما كنت باجى احل اسئلة الامتحان كنت بكتب حاجات كتير ممكن اخد نصف الصفحة يعنى اللى حفظته وزيادة نتيجة المراجعات المستمرة والمذاكرة بس ممكن اكتب كلمة كلمتين تلاتة من عندى نتيجة التوتر هى كانت كدة ولا بتحفظ وتجاوب ازاى
أنا علطول بعمل كده ف الإمتحانات علشان تكون الإجابه كامله و الطريقه دى حلوه أوى علشان تكون كتبت كل اللى ممكن يكون موجودفى موذج التإجابه اللى مع المصحح و تضمن الدرجه
طيب انا معايا الامتحان والحديث مراجعة نهائية ومذكرة كمان فى الدراسات من وجهة نظرك انا محتاج درس ولا لا علما بان الدراسات عايزة حفظ والاستاذ الصراحة بيشرح
طالما معاك الكتب دى و المدرس بيشرح و انت أساسا بتعرف تحفظ من رأيى ماتاخدش درس غير لو لاقيت نفسك محتاج أو مش عارف تلم المنهج و دا طبعا بيتوقف على نتيجة أول شهر
انا مستنى الرد
و ما تتعبش نفسك أوى من أول السنه يعنى خدها بالتدريج علشان ماتجيش قرب الإمتحانات و تحس إنك مش قادر تشوف الكتاب
better girl 18-12-2009, 05:40 PM اهلاااااااااا كنت باسال بس عن الكتب الخارجية مع العلم ان احنا فى شهر 12 فهل اجيب كتب خارجية ولاراجعة فقط ,وياريت حد يقولى ازاى انظم وقت وابقى طالبة ممتازة ارجوا ان تفيضوا عليا بارائكم وشكررررررررررررررررررررررا
better girl 18-12-2009, 05:46 PM انا فى 2 ثانوى وحاسة انى باغرق ارجوا المساعدة
المعز لدين الله 13-02-2010, 11:14 PM انا طالب فى 3 ع محافظة المنيا ، ادعولى بالتوفيق فى امتحانات الترم الاول لعلمكم انا الاول على مدرستى فى سنة 1ولى وتانية
انا كنت باجيب كتب
1- الأضواء عربى بس بصراحة انا لاحا منه محافظات بس لأنه: فى القصة زى كتاب المدرسة وبرضو فى القراءة ، وفى النصوص هو رخم شوية انا كنت بذاكر نصوص من مذكرة الاستاذ بتاعى ، والنحو من الاستاذ
2- الرياضيات ( من كتاب النعاصر ) بس الرياضة فهم اى كتاب مادام بتفهم الدرس من الاستاذ وتطبق عليه من ا ى كتاااااااااااب
3- العلوم ( باذاكر من كتاب المدرسه ) وبحل اسئلة من كتاب الامتحان
4- الدراسات " " " " " " " ( نفس العلوم ) بس كنت باخد درس
5- الانجليزى english كنت باذاكر من كتاب المعاصر ( بس بصراحة هو رخم ) بس انا كنت جايبه علشان الاستاذ كان طالبه منى
بس الحلو هو كتـاب ( gem )
وشكـــــــراً
ادعولى بالتوفيق أميــــــــــــــــــــــــــــــــــــــن
m a m
amenelhoda 18-02-2010, 05:45 PM جزاكم الله خيرا يا جماعة
dandonah 10-03-2010, 10:58 AM افضل كتب للمذاكره هي كتب الوزاره وللحل مراجعات نهائيه واسئله بس بلاها كتب الشرح لان ممنهاش فايده
zqxwce 08-06-2010, 09:25 PM كتاب bravoفرنساوى طبعا
محمد ممدوح محمد سايم 25-07-2010, 03:03 PM .........................
محمد ممدوح محمد سايم 25-07-2010, 03:05 PM ....................
ياسر بك 02-08-2010, 08:28 PM احسن حاجة عربي الرسالة واللة الكمياء الامتحان رياضة المعاصر وفرنسي برافو وانجليزي the best ,واللة العظيم
احمد الجوهري1 02-09-2010, 03:21 AM fullmarks في الانجليزيه
حماده زكى 06-12-2010, 04:29 PM شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااا
فوكس كينج 16-02-2011, 11:59 PM أفضل الكتب الخارجية عن تجربة في علم النفس والاجتماع والفلسفة والمنطق
هي كتب المثالي
كتب ملهاش حل ولا يخرج عنها الامتحان
أنا ذاكرت منها شرح ومراجعة جبت 50/50
فوكس كينج 17-02-2011, 12:06 AM أفضل اكتب الخارجية في مادة علم النفس والاجتماع و مادة الفلسفة والمنطق
هو كتاب المثالي
كتاب خطير جدا جدا وملهوش حل ومخرجش منه الامتحات
أنا ذاكرت منه وجبت الدرجة النهائية 50/50
zzxxccvv 20-08-2011, 10:11 PM عاجللللللللللللللللللللللللللللللللللللللللللللللل لللللللللللللللللللللللللللللللللللللللللللللللللل لللللللللللللللللللللللللللل
بالله عليكم حد يقولى رأيه عن هذه الكتب لثالثة ثانوى
الرسالة ......... عربى
fullmark................ إنجليزى
الإمتحان ..................أحياء
الوسام .................... فيزياء
ma7moud gamal 26-08-2011, 04:07 AM العربي: الاضواء
الرياضيات: الماهر او المعاصر او لامي
الانجليزي: surprise or top students or full marks
الفرنساوي: برافو
الكيمياء: الامتحان للحل والمذكرات للمذاكرة
ma7moud gamal 26-08-2011, 04:10 AM ايه رأيكم في كتاب gem and the best and senior في الانجليزي
ياسمين الاعصر 28-08-2011, 03:01 AM انا في تالتة ثانوي و عايزة اعرف اية الكتب اللي استعملها انا علمي علوم يا ريت المساعدة
ليلى يونس رفيق 20-08-2013, 02:07 PM الانجليزى انا كنت بستعمل surprise حلو جدا
العربى الاضواء
الرياضة : المعاصر
التاريخ والجغرافيا وعلم النفس : الامتحان
الفلسفة :منزلوش كتاب خارجى فكنت بستخدم اوراق مدري من على النت والحمد لله قفلتها ومكنتش بحضر الحصص اصلا ذاكرتها مع نفسى
الفرنساوى : كتاب حلو جدا اسمو bravo
Mohammed Harmoush 21-08-2013, 11:48 AM :d:d:d:d:d:dكتاب لامى فى الرياضة والوسام فى العربى مالهومش حل_(فوق الممتازين)_أه صح وكمان full mark in english
محمدخالدفتحي 15-11-2014, 02:48 PM افضل كتاب عربي افضل من كتاب الامتحان يطلب من المكتبات النموذجية
!! Dark Man !! 05-12-2014, 04:44 PM الغربي : بلاش كتاب خارجية احسن عشان اسئلتها بتكون معقدة وخليك مركز ف كتاب المدرسة وامتحانات السنين اللي فاتت حل منها
الانجليزي : سيربريز
الفرنساوي : برافو
المواد العلمية كتاب الامتحان
ابراهيم القلينى 14-02-2016, 07:59 PM كتاب النفيس فى الجولوجيا
|