كنانو
27-07-2009, 11:13 PM
فى 2008 كنت فى ثانية ثانوى دخلت الامتحان فى اربع مواد وتركت الكيمياء لذا كان لزاما على انى اقسم ثالثة علشان كده دخلت الامتحان فى اربع مواد ايضا هى عربى وانجليزى وفيزياء وعلم نفس وتركت الكيمياء والاحياء للسنة الجاية وهى سنة الفراغ الان مجموعى فى 8 مواد بالمستوى289 ولسه باقى مادتين ب100 درجة يعنى لو ربنا سهل وجبت النهائيات تصبح 389 دلوقتى انا محتار احول رياضة ولا ابقى احياء وهل ممكن بالمجموع ده ادخل صيدلة السنة الجايه ولا احول رياضة والعب على المضمون وهى الهندسة انا محتار ومخى وجعنى وتعبت ارجو النصيحة واعتبرونى اخوكم مع العلم انى كويس فى الاحياء وفى الرياضة لانى جبت فى رياضة تانية 48 وفى احياء اولى ثانوى كنت كويس
ياريت الى يدخل يقرا الموضوع يبدى رايه او نصيحته لانى كتبت الموضوع علشان اعرف رايكم
marwa.m
28-07-2009, 03:19 AM
هى سنة الفراغ الفراغ لسة ظروفها
مش وضحت قوى بس انا رأى حول علمى رياضة
لانك هتبقى ضامنة اكتر من علمى علوم
وربنا يوفقك
Bent 3bdo
28-07-2009, 04:01 AM
صلى صلاه الاستخاره اهم حاجه
وربنا يعمل اللى فيه الخير
حنان الزيبق
28-07-2009, 02:54 PM
من رايى حول رياضة وربنا يوفقك
sara1994
06-08-2009, 10:15 PM
اول حاجه صلى صلاة استخارة
بس لو زى ما بتقول لو جبت 389 ممكن يبقى حظك حلولان الكليات هتبقى فايضة وممكن يجيبوا الامتحانات سهلة او ممكن درجات التنسيق تقل عن السنة دى كمان يعنى اكيد هاتدخل صيدلة ان شاء الله
وفى الاخر انت الى هاتقرر مستقبلك
برنسيسة الهدوء
11-09-2009, 02:13 AM
طب وانت ايه رايك ف الموضوع ده؟
انت يعني عايز ايه بتحب ماده ايه؟
The Philosopher
11-09-2009, 02:56 AM
لازم فى الأول تصلى صلاة استخارة وربنا هيهديك للأفضل ان شاء الله
بس فيه حاجة مهمة أنك أكيد مش بتحب الرياضة والأحياء زى بعض فيه أكيد أفضلية لواحد فيهم على التانى حاول تختار حسب رغبتك بعد استخارة ربنا طبعا
انما رأى أعتقد تحول أحسن يعنى هتضمن وبعدين سنة الفراغ مش هتقل فيها المجاميع أوى لأنهم هيخدوا متوسط أخر خمس سنين يعنى هتكون أقل من السنة دى بحاجة بسيطة بس
وأنت مش ضامن النهايات فى المادتين
فالأفضل تحول
دى وجهة نظرى
ربنا يوفقك فى الاختيار وتختار الحاجة الكويسة اللى تحقق ليك الخير يارب
فى رعاية الله