السلام عليكم ورحمة الله وبركاته
طبعا مبروك لطلاب الثانوية العامة اللي دخلوا الكليات اللي نفسهم فيها ...
وحظ سعيد المرة القادمة للآخرين:006et4:
بصوا بقي ياجماعة فيه حاجة
هو فيه واحد جايب 93% ....
وكان علمي علوم ... وطبعا مش يلحق صيدلية
زي ما ابوه كان عايز
ابوه مش هو.... عشان ابوه صيدلي كبير وعايز بس اسم ابنه ع الصيدلية ...
وكان بيجيبوا له في 2ث و3ث مدرسين في البيت وخاص وكل حاجة
وغير ان في كل مادة درسين ومش بيخرج من البيت طول النهار مذاكرة ودح
المهم يعني جاب المجموع دا ومش لحق الا صيدلة بالفلوس (صيدلة خاصة يعني )
ولو دخل صيدلة في القاهرة بمجموعة دا يدفغ 25000 جنية
ولو دخل في 6 أكتوبر او حاجة تانية بدفع 35000 جنية
دول بس عشان التقديم ...
ولسه الكتب والمدينة الجامعية والترم الاول والثاني دا لمدة 5 سنين
انا من رأي لو الولد اتجوز بالفلوس دي كان هيبقي احسن :d
او يعملوا مشروع لما يتخرج من اي كليه بس هنعمل ايه في
الشعب الغاوي منظرة :blush:
من الاخر نفسي افهم واحد مش كان قادر في ثانوية عامة يجيب مجموع صيدلية
ازاي يدخل صيدلية وهل هيقدر يمشي فيها ؟؟
وهل التعليم بقي شهادة وخلاص ؟؟؟ نشتري شهادة بالفلوس:bosyht9::bosyht9:
انا عارفة ان التعليم بايظ اصلا ... بس مش للدرجة دي
طيب دا واحد جايب في ال90 امال بقي بيقولوا هندسة(خاصة) 80 % وحاجات كدا تفرح يعني الغلبان اللي مش معاه فلوس ... وعشان 1% ابنه من دخل صيدليه او طب او حتي هندسة يتظلم في البلد دي واللي معاه فلوس هو اللي يملكها ......
بصراحة حاجة تكيد وناس كثير بتظلم .......
العيال مش يذكروا طول السنة عشان عارفين الاهل هيدخلوهم مرتاحين
ولما بقي نسمع عمارة اتهدت .. قطار خرج من مساره بعد كدا مش لازم نستغرب .....
وكمان الطالب اللي طول السنة بيذاكر ويجتهد عشان يدخل كلية قمة وبعد كدا عشان 1% مش يعرف يدخل الكلية اللي هو عايزها ....
دا كله عشان ابوه مش يقدر يدخله كليه بالفلوس....
مش دي حاجة تزعل:mad:
لازم نقول ساعتها عمار يامصر....:p
مفروض كل واحد يأخذ حقه في البلد دي
كلمة اخيرة للناس المظلومة في الثانوية العامة ...اكيد كل انسان تعب ومش لقي تعبه بيزعل بس الانسان لو استخدم عقله هيشوف ان الاصلح اللي ربنا بيختاره
اهم حاجة انت لما تدخل الكلية دي هتعمل ايه لبلدك لدينك ...هتعمل ايه عشان تغير الكوسه اللي في البلد .... كل واحد بيبقي في المكان الاصلح ليه بس اهم حاجة ان يضع هدف ليه عشان يقدر يعيش:blush:
مش عارفة ليه الكليات الثانية مش ينهتم بيها ...
مع انها برده بتفيد الناس والبلد ...

ملحوظة ..:: أنا أدبي الحمدلله :pمليش في الهندسة .... مع ان البلد بايظة بس مش لدرجة ان من ادبي ممكن ادخل هندسة :d
............................................
في رعاية الله;)

موضوعك جميل جدا
بس حاليا بقى التعليم مش لأجل التعليم

حاليا التعليم بقى من أنواع التجاره

تقبلى مرورى:)

تعليم ايه و بتاع ايه
كله بيدور عالألقاب
دكتور .. او مهندس
انما مترجم .. مدرس .. اي عفريت ازرق (يااااي إخي .. ايه ده .. اندر اندر خالص :d )
محدش بقى يدخل غير عشان الألقاب
مع احترامي للكل
شكراً للموضوع

موضوعك جميل جدا
ميرسي ربنا يخليك
مرورك الاجمل:d

بس حاليا بقى التعليم مش لأجل التعليم

حاليا التعليم بقى من أنواع التجاره
فعلا بقي كدا
عايزين يجمعوا فلوس وخلاص


تقبلى مرورى:)

شكرا ع مشاركتك
منور الموضوع:d

تعليم ايه و بتاع ايه
كله بيدور عالألقاب
دكتور .. او مهندس
عندك حق
بس انتي قصدك بيشتروا الألقاب
انما مترجم .. مدرس .. اي عفريت ازرق (يااااي إخي .. ايه ده .. اندر اندر خالص :d )
هههههههههههه
حلو اندر دي
انت بتجربي اللغة عندك قبل ما تدخلي الكلية:p
محدش بقى يدخل غير عشان الألقاب
مع احترامي للكل
شكراً للموضوع
الشكر لله
احترامك وصل:d
نورتي يابوسي :av4056bb7jp3:

لديك تفسير خاطئ للتوكل على الله .قولك فى عبارة (هيشوف ان الاصلح اللي ربنا بيختاره) الانسان مخير مسئول عن افعاله لكن الله يرشد الانسان ثم يحاسبة عن نتاج اعماله اما مايحدث اليوم هو فساد ليس من قدر الله . ليس من قدر الله ان يتفوق الانسان ويجتهد ثم لا يجد مكانه على سبيل المثال فى جامعة يتمناها لان ابن شخص غنى لدية نفوذ حصل على الامتحان كما فى العام الماضى وقس على ذلك مختلف القضايا ليس من قدر الله ان يزداد الفقير فقراء والاغنياء غنى .

حلو اوى موضوعك على فكرة
بس انا عندى رأى تانى ف الحكاية دى
يعنى مش معنى ان واحد جايب 96 وصيدلة بتاخد من 96 ونص انه فاشل ومايستاهلش
ده ممكن يكون احسن من الف واحد جايبين 99
ف وقتها بتلاقى الاب مش فارق معاه اى حاجة بس يحقق حلم ابنه
عشان كدة بيدخله جامعة خاصة بقى وكدة
يعنى المجموع مش بيحدد المستوى بتاع الطالب
دى مسألة توفيق من ربنا وقت الامتحان
يعنى عندك واحد جايب اى حاجة ساى مثلا 96
وواحد تانى كان بيذاكر اكتر منه وبيتعب اكتر وجايب 90
عشان فقد تركيزه ف الامتحان
او شاف سؤال صعب خلاه يتوتر ومايعرفش يسيطر على اعصابه
او اتلغبط ف حاجة
يعنى مش معنى كدة ان الاولانى ده احسن من التانى
بالعكس التانى احسن عالاقل تعب اكتر منه
بس ربنا عايز كدة
ف مش شرط ان اللى داخلين جامعات خاصة دول مجموعة من الفاشلين
على الاقل بعضهم
---
امتحان قدرات الفنون السنة دى
فيه ناس احسن منى الف مرة ورسوماتهم كانت تحفة اصلا ومتحمسين جدا ينجحوا وجابوا غير لائق
وانا جبت لائق مع انى مش باحس انى موهوبة اوى بالمقارنة بيهم وطول السنة مش عايزة ادخل الامتحان اصلا
ما عدا ف الاواخر بعد مامتحنت ماكنتش عايزة تعبى يضيع عالفاضى
يعنى التصحيح كان حظ اصلا ده غير ان فيه مدرسة كاملة مافيهاش بنت جابت لائق
يعنى احتمال كبير يكون ورقهم ماتصححش اصلا
معنى كدة انى استاهل وهما لا ؟!
برضو ربنا عايز كدة
وربنا راسم لكل واحد طريقه على الاساس ده ..
عشان عارف انى هاكون احسن لو اتحطيت ف المكان ده من اى مكان تانى
وان هما هايكونوا احسن لو اتحطوا ف اماكن تانية غير المكان ده
ف خلاص .. الحمد لله على كل شئ
---
حاجة تانية
دلوقتى انا بابا مش موافق يودينى السن ف القاهرة وانا عايزاها
وكنا بنتكلم كتير ف الموضوع ده وعشان كان شايفنى على طول مخنوقة ومتضايقة بسبب الحكاية دى
قالى ادخلى لغات وترجمة ف فاروس بس ماوافقتش
لو كنت وافقت ودخلتها هابقى فاشلة .. :d؟!
النظام هو اللى فاشل يا بنتى ..
ولما واحد مابيفهمش يدخل جامعة خاصة هايفشل ف كليته
وهايفشل ف شغله بعد كدة
عادى يعنى
:bosyht9:

جزاك الله خير

لديك تفسير خاطئ للتوكل على الله .قولك فى عبارة (هيشوف ان الاصلح اللي ربنا بيختاره) الانسان مخير مسئول عن افعاله لكن الله يرشد الانسان ثم يحاسبة عن نتاج اعماله اما مايحدث اليوم هو فساد ليس من قدر الله . ليس من قدر الله ان يتفوق الانسان ويجتهد ثم لا يجد مكانه على سبيل المثال فى جامعة يتمناها لان ابن شخص غنى لدية نفوذ حصل على الامتحان كما فى العام الماضى وقس على ذلك مختلف القضايا ليس من قدر الله ان يزداد الفقير فقراء والاغنياء غنى .

حضرتك مش فاهمني .......
أنا قصدي ان اللي اجتهد وتعب وبعدين جاب مجموع هو قدرته كدا او حتي اتظلم .....
محدش عارف كان ممكن لو دخل حاجة تانية كان مممكن يحصل له ايه
او المجال بتاعه دا اصلح
(1)كان فيه واحد قبل امتحان الثانوية العامة بأسبوعين (2ث) حصل ظروف بجد محدش يستعملها ... والكل اقنعه ان يأجل بس هو اللي رفض
وكلنا متوقعين انه هيدخل طب خلاص بقي ....
المهم دخل فعلا وجاب 82% وفي 3ث 96% ربنا عوضه اهو
ودخل كليه بجد جميلة وبختياره وكمان بيحبه وهو خلص خلاص وتقدير كل سنة كويس يعني ربنا بيعوض الانسان

وربنا عارف الاصلح وانا فعلا عارفة انا كاتبه ايه ومتـــــــأكدة منه
احنا اللي كنا بنسكت ع الفساد دا ...
مش كنا بنتكلم يبقي خلاص بقي كل واحد يتحمل نتيجة أفعاله وسكوته
ع العموم متشكرة ع ردك ورأيك
نورت الموضوع:d

بجد بشكرك على الموضوع
وحكاية الكليات الخاصة ده بقت تماااااااااااااااااااااااااااام
بس بجد حرام اللى يدفع 25000 او 35000 عشان فى الاخر يقعد على القهوة
انا بتنطبق عليا القصة ده هههههههههههههههههههههههههه انا جايبة 93% علمى علوم وبرضه بباى كان نفسه ادخل صيدله بس بجد حررررررررررام المبلغ ده وكمان انا ميولى حاجة تانبة ان شاء الله فنون تطبيقية
واهم حاجة قولتيها ان
اهم حاجة انت لما تدخل الكلية دي هتعمل ايه لبلدك لدينك ...هتعمل ايه عشان تغير الكوسه اللي في البلد .... كل واحد بيبقي في المكان الاصلح ليه بس اهم حاجة ان يضع هدف ليه عشان يقدر يعيش:blush:

وان شاء الله كل واحد يقدر يحقق اللى نفسه فيه ويخدم بلده ودينه
بس السؤال اللى محيرنى
ان اوائل الثانوية العامة لما يدخلوا الكليات محدش بيسمعلهم صوت ليه ولا مثلا بيخترعواحاجة ليه بجد حاجة غريبة !!!!!!!!!!

حلو اوى موضوعك على فكرة
تعرفي ........ هو حلو عشان انتي بس اللي رديتي فيه :wub::wub:

بس انا عندى رأى تانى ف الحكاية دى
يعنى مش معنى ان واحد جايب 96 وصيدلة بتاخد من 96 ونص انه فاشل ومايستاهلش
ده ممكن يكون احسن من الف واحد جايبين 99
انا قصدي كدا فعلا .............
لو رجعتي كلامي تاني هتلقيني بعترض ان واحد جايب 90% يدخل صيدلية او طب
عشان معاه فلوس وواحد تاني عشان 1% ومش معاه فلوس مش يدخل
أظن اني معاكي مش ضدك;)
ف وقتها بتلاقى الاب مش فارق معاه اى حاجة بس يحقق حلم ابنه
عشان كدة بيدخله جامعة خاصة بقى وكدة
يعنى المجموع مش بيحدد المستوى بتاع الطالب
دى مسألة توفيق من ربنا وقت الامتحان
يعنى عندك واحد جايب اى حاجة ساى مثلا 96
وواحد تانى كان بيذاكر اكتر منه وبيتعب اكتر وجايب 90
عشان فقد تركيزه ف الامتحان
صح ............. عندك حق
وربنا هو اللي بيوفق وعارف فين الأصلح
او شاف سؤال صعب خلاه يتوتر ومايعرفش يسيطر على اعصابه
او اتلغبط ف حاجة
يعنى مش معنى كدة ان الاولانى ده احسن من التانى
بالعكس التانى احسن عالاقل تعب اكتر منه
بس ربنا عايز كدة
ف مش شرط ان اللى داخلين جامعات خاصة دول مجموعة من الفاشلين
على الاقل بعضهم
عارفة ان عشان نصف درجة مش يحققوا امالهم
بس الناس الثانية اللي مش معاه فلوس تروح في دهيه
انا معترضك ع الجامعات الخاصه لانهم كدا بيشتروا الشهاده
وبعدين ربع اللي بيدخلها بيبقي ناقص حاجات قليله اوي
والباقي بقي بيبقي ـــــــــ:(
---
امتحان قدرات الفنون السنة دى
فيه ناس احسن منى الف مرة ورسوماتهم كانت تحفة اصلا ومتحمسين جدا ينجحوا وجابوا غير لائق
وانا جبت لائق مع انى مش باحس انى موهوبة اوى بالمقارنة بيهم وطول السنة مش عايزة ادخل الامتحان اصلا
ما عدا ف الاواخر بعد مامتحنت ماكنتش عايزة تعبى يضيع عالفاضى
يعنى التصحيح كان حظ اصلا ده غير ان فيه مدرسة كاملة مافيهاش بنت جابت لائق
يعنى احتمال كبير يكون ورقهم ماتصححش اصلا
الله اعلم
وزي ما انتي بتقولي ربنا عارف الاصلح فين

معنى كدة انى استاهل وهما لا ؟!
برضو ربنا عايز كدة
وربنا راسم لكل واحد طريقه على الاساس ده ..
عشان عارف انى هاكون احسن لو اتحطيت ف المكان ده من اى مكان تانى
وان هما هايكونوا احسن لو اتحطوا ف اماكن تانية غير المكان ده
ف خلاص .. الحمد لله على كل شئ
أيوة هي الحمدلله دي هي احسن حاجة بجد
---
حاجة تانية
دلوقتى انا بابا مش موافق يودينى السن ف القاهرة وانا عايزاها
وكنا بنتكلم كتير ف الموضوع ده وعشان كان شايفنى على طول مخنوقة ومتضايقة بسبب الحكاية دى
قالى ادخلى لغات وترجمة ف فاروس بس ماوافقتش
ليه بس
ما هي لغات وترجمة زي ألسن هو انتي عايزة تتعبي اعصابك وخلاص
يالا بقي قدر الله ما شاء فعل
لو كنت وافقت ودخلتها هابقى فاشلة .. :d؟!
ياسلااااااااااااام
قررتي من دلوقتي انك هتبقي فاشلة
لا ان شاء الله هتبقي متفوقة في حياتك كلها
لا يأس مع الحياة ولا حياة لمن تنادي
قصدي الحياة حلو :p
النظام هو اللى فاشل يا بنتى ..
طبعا طبعا ....................
مش تخافي انا هبقي في يوم من الايام وزيرة التربية والتعليم
وهعدله ان شاء الله:p
ولما واحد مابيفهمش يدخل جامعة خاصة هايفشل ف كليته
وهايفشل ف شغله بعد كدة
عادى يعنى

:bosyht9:

كله عادي ولا يهمك
بكره تروق وتحلي
ربنا يوفقك يارب ياموني ويسعدك :wub:
نورتي الموضوع ياروحي

جزاك الله خير
جزاك الله مثله :av4056bb7jp3:

بجد بشكرك على الموضوع
الشكر لله ياروحي:d

وحكاية الكليات الخاصة ده بقت تماااااااااااااااااااااااااااام
بس بجد حرام اللى يدفع 25000 او 35000 عشان فى الاخر يقعد على القهوة
لا مش اي قهوة
هو هيعقد في قهوة في الزمالك والثاني بتاعة الكليات الحكومية قهوة في العتبة
فيه فرق برده:d
انا بتنطبق عليا القصة ده هههههههههههههههههههههههههه انا جايبة 93% علمى علوم
ههههههههههه
وبرضه بباى كان نفسه ادخل صيدله بس بجد حررررررررررام المبلغ ده وكمان انا ميولى حاجة تانبة ان شاء الله فنون تطبيقية
ربنا يوفقك يارب وتقدري تحققي اللي نفسك فيه
لما تدخلي كلية أقل منك وتحققي فيها حاجة احسن لما تدخلي كليه
ومش تعرفي تعملي فيها حاجة:d

واهم حاجة قولتيها ان
اهم حاجة انت لما تدخل الكلية دي هتعمل ايه لبلدك لدينك ...هتعمل ايه عشان تغير الكوسه اللي في البلد .... كل واحد بيبقي في المكان الاصلح ليه بس اهم حاجة ان يضع هدف ليه عشان يقدر يعيش:blush:

وان شاء الله كل واحد يقدر يحقق اللى نفسه فيه ويخدم بلده ودينه
بس السؤال اللى محيرنى
ان اوائل الثانوية العامة لما يدخلوا الكليات محدش بيسمعلهم صوت ليه ولا مثلا بيخترعواحاجة ليه بجد حاجة غريبة !!!!!!!!!!





بصراحة مكنتش منهم قبل كدا :p
ومش عارفة هم بيعملوا ايه
بس ربنا يوفق الجميع
شكرا ع مشاركتك
ونورتي الموضوع;)

ثانوية عامة مش مقياس
ومش معنى ان واحد ملحقش مجموع الكلية انه فاشل
او انه حيفشل في الكلية
انا ليه واحدة قريبتي كانت في ثانوية عامة جايبة 77%
ودخلت معهد عالي وتفوقت فيه وكانت كل سنة بتطلع بامتياز
ودلوقتي بتعمل دراسات عليا
وعلى الجانب التاني بتلاقي ناس بتدخل طب وصيدلةوهندسة حكومية مش خاصة وبيسقطوا
او بيطلوا برده مش عارفين اي حاجة في مجالهم

نا قصدي ان اللي اجتهد وتعب وبعدين جاب مجموع هو قدرته كدا او حتي اتظلم .....
معليش بقى ثانوية عامة ما بتقسش اي قدرات
كان ليا زميلي في الدروس جايبين 98%و99%حتى كمان
وماكنوش بيفهموا همه حفظ بس وكانت الحكاية دي بتبان اوي في الفيزياء
كان في منهم بيسألوا اسئلة متخلفة اوي وبيسألوا في حاجات سهلة وواضحة
فمتقليليش اللي جايب مجموع كبير جايبه بقدراته
انا واحدة من الناس كنت نزلت في مجموع تانية وكنت واخدة كيمياء في تانية
ولما قررت اني اكمل احياء الكل قعد يقولي حولي رياضة
واذا كنت جيبتي المجموع ده في تانية حتجيبي كام في تالته
لما تاخدي الاحياء مع الفيزياء
واني مستوايه مش قد الاحياء
لكني كملت احياء والحمد لله زيت في المجموع وان شاء الله حدخل صيدلة
وكمان الحمد لله جيبت 50في الاحياء برغم ان كل زميلي كانوا محسسني اني فاشلة
واني لا يمكن اجيب درجة كويسة في الاحياء
************
طبعا ربنا بيختار لنا الاصلح
واللي اتظلم ربنا حيعوضه خير
لكن مش معنى ده اننا نسكت على الظلم
ونقول ده قدر ونصيب
يعني السنة اللي فاتت في امتحان الكيمياء
عادوا توزيع اللجان وضموها على بعض
وده ادى انهم اخروا ورق الامتحان
وما اخدناش الورق الا الساعة 10الاربع
يعني بعد ما فات ساعة الا ربع من وقت الامتحان
فكانت النتيجة ان معظم مدرستي درجاتها زي الزفت في الكيمياء
وكان في ناس متفوقة كتير نقصت جامد في الكيمياء
انا الحمد لله ربنا سترها معايا وكنت جايبة48وكان ليه زمايلي كانوا ناقصين بال7 وال10درجات
هو اكيد ده الخير ليهم بس ده لا ينفي اننا اتظلمنا واتظلمنا جامد كمان
مش معنى كده اننا نقول ده نصيبنا ونسكت
اتمنى يكون قدرت اوضح وجهة نظري

السلام عليكم ورحمه الله وبركاته
والله ياجماعه مشروع الجامعات الخاصه مشروع فاشل جدا
يعنى الواحد يكون جايب مجموع قليل في الثانويه ويدخل الكليه الى علي مزاجه بفلوسه ده ياجماعه يبقى كوسه

ثانوية عامة مش مقياس

ومش معنى ان واحد ملحقش مجموع الكلية انه فاشل
او انه حيفشل في الكلية
انا عمري ما قلت ع حد كدا
وفعلا الثانوي مش مقياس
وكل واحد وقدراته ونصيبه زي ما ربنا كتبه
انا ليه واحدة قريبتي كانت في ثانوية عامة جايبة 77%
ودخلت معهد عالي وتفوقت فيه وكانت كل سنة بتطلع بامتياز
ودلوقتي بتعمل دراسات عليا
ربنا يوفقها يارب
مش مهم تدخلي كليه ايه المهم انتي هتعمليه ايه في الكليه دي
وعلى الجانب التاني بتلاقي ناس بتدخل طب وصيدلةوهندسة حكومية مش خاصة وبيسقطوا
او بيطلوا برده مش عارفين اي حاجة في مجالهم
دا عشان هم من الاول مش من حقهم يدخلوا الكلية
دخلنا عشان اهلم عايزين كدا


معليش بقى ثانوية عامة ما بتقسش اي قدرات
الثانوية عايزة اللي بيحفظ وياريت بيفيدنا اللي بندرسه:d
كان ليا زميلي في الدروس جايبين 98%و99%حتى كمان
وماكنوش بيفهموا همه حفظ بس وكانت الحكاية دي بتبان اوي في الفيزياء
كان في منهم بيسألوا اسئلة متخلفة اوي وبيسألوا في حاجات سهلة وواضحة
فمتقليليش اللي جايب مجموع كبير جايبه بقدراته
الله أعلم برده محدش يعرف غير ربنا
يمكن السؤال اللي فاكره سهل بالنسبة لك وهو صعب لهم دي قدرات فردية
انا واحدة من الناس كنت نزلت في مجموع تانية وكنت واخدة كيمياء في تانية
ولما قررت اني اكمل احياء الكل قعد يقولي حولي رياضة
واذا كنت جيبتي المجموع ده في تانية حتجيبي كام في تالته
لما تاخدي الاحياء مع الفيزياء
واني مستوايه مش قد الاحياء
لكني كملت احياء والحمد لله زيت في المجموع وان شاء الله حدخل صيدلة
وكمان الحمد لله جيبت 50في الاحياء برغم ان كل زميلي كانوا محسسني اني فاشلة
واني لا يمكن اجيب درجة كويسة في الاحياء
الحمد لله
ربنا يوفقك يارب
وترفعي رأس البلد يارب:d
************
طبعا ربنا بيختار لنا الاصلح
واللي اتظلم ربنا حيعوضه خير
لكن مش معنى ده اننا نسكت على الظلم
ونقول ده قدر ونصيب
يعني السنة اللي فاتت في امتحان الكيمياء
عادوا توزيع اللجان وضموها على بعض
وده ادى انهم اخروا ورق الامتحان
وما اخدناش الورق الا الساعة 10الاربع
يعني بعد ما فات ساعة الا ربع من وقت الامتحان
فكانت النتيجة ان معظم مدرستي درجاتها زي الزفت في الكيمياء
وكان في ناس متفوقة كتير نقصت جامد في الكيمياء
انا الحمد لله ربنا سترها معايا وكنت جايبة48وكان ليه زمايلي كانوا ناقصين بال7 وال10درجات
هو اكيد ده الخير ليهم بس ده لا ينفي اننا اتظلمنا واتظلمنا جامد كمان
مش معنى كده اننا نقول ده نصيبنا ونسكت
اتمنى يكون قدرت اوضح وجهة نظري

بصراحة انا شايفة انهم اتصرفته خاطيء ومش أخذته حقكم
دا احنا عاش 5 دقايق في امتحان العربي كنا هنتجنن
ما باللك ساعة الا ربع في الكيمياء ..... لا ......كان لازم تعملوا كلكم ثورة وتخذوا وقتكم
بصراحة اللي سكت مش يلوم اللي نفسه لان حقه كان ممكن يأخذه في وقته
هم بقي اللي عملوه
ع العموم
ربنا يوفقك يارب
شكرا ع مشاركتك:d
نورت الموضوع;)

السلام عليكم ورحمه الله وبركاته
وعليكم السلام ورحمة الله وبركاته:d
والله ياجماعه مشروع الجامعات الخاصه مشروع فاشل جدا
عندك حق :blush:
يعنى الواحد يكون جايب مجموع قليل في الثانويه ويدخل الكليه الى علي مزاجه بفلوسه ده ياجماعه يبقى كوسه
كوسة هو دا اللفظ الصح والتمام
شكرا ع مشاركتك :av4056bb7jp3:

دا فعلا بيحصل كتير اوي (بقت حاجة عادية في البلد دي)
و طبعا دا مش عدل خالص يعني الي ميفهمش حاجة و جايب 75 %ولا اي حاجة بس معاه فلوس يدخل طب و ينسى المشرط ف بطن المريض (و اللهي سمعتها قبل كده)
يعني من الاخر هو قدراته مش اد الكليه دي و متكل ع الفلوس مبيفكرش ف عقله و يسبب فساد ف كل حاجة
ربنا معانا :d
ميرسي يا قمر

جود
بس على فكرة الثانوية العامة عمرها ما كانت المقياس
أنا شخصيا أعرف ناس كانت من أوائل الجمهورية فى ثانوى ومش ماشيين فى الكليات الا هما فيها
ومنهم واحد كان الرايع مكرر وبيعيد فى كلية الطب

واعرف ناس كانت لاحقة كلياتها بالعافية وفى أخر الدنيا ومتفوقة

وليا واحد صاحبى من كفر الشيخ مكنش طايل طب ولا صيدلية فدخل الجامعة الروسية ودفع مبلغ وقدره فى الترم الاول وتفوق فى أول سنة فى كلية الصيدلية وهو دلوقتى بيكمل دراسة فى منحة من السقارة الروسية بالقاهرة فى روسيا ما شاء الله عليه
والنماذج كتيرة أوى

بس برده مش واحد ينجح بالعافية ويبقى عايز يدخل كلية كويسة


موضوع جمييييييييييل

عارفة ان عشان نصف درجة مش يحققوا امالهم
بس الناس الثانية اللي مش معاه فلوس تروح في دهيه
انا معترضك ع الجامعات الخاصه لانهم كدا بيشتروا الشهاده
وبعدين ربع اللي بيدخلها بيبقي ناقص حاجات قليله اوي
والباقي بقي بيبقي ـــــــــ:(

هى فعلا مش سهلة وحاجة تخنق وتضايق وهايحسوا بظلم
بس اكيد ربنا مش هايضيع تعب حد
وبعد كدة هايلاقوا نتيجة تعبهم
;)

ليه بس
ما هي لغات وترجمة زي ألسن هو انتي عايزة تتعبي اعصابك وخلاص
يالا بقي قدر الله ما شاء فعل

لا مش دى الفكرة خالص ..
:d

لو كنت وافقت ودخلتها هابقى فاشلة .. :d ؟!
ياسلااااااااااااام
قررتي من دلوقتي انك هتبقي فاشلة
لا ان شاء الله هتبقي متفوقة في حياتك كلها
لا يأس مع الحياة ولا حياة لمن تنادي
قصدي الحياة حلو :p

مافهمتينيش
اللى اقصده انى لو دخلتها كنت هابقى فاشلة عشان ف جامعة خاصة ؟
اكيد لا .. بس الناس مش هاتفهم كدة
ومش مهم الناس اصلا
بس مش شايفة ان ليها لازمة طالما قدامى بديل وحاجة برضو باحبها
جايز يكون ربنا عمل كدة عشان ده احسن ليا

بكره تروق وتحلي
ربنا يوفقك يارب ياموني ويسعدك :wub:
نورتي الموضوع ياروحي

آمين يا رب وانتى كمان
ميرسى يا جميل على ذوقك
:)

هو اكيد ده الخير ليهم بس ده لا ينفي اننا اتظلمنا واتظلمنا جامد كمان
مش معنى كده اننا نقول ده نصيبنا ونسكت

ايه البديل ؟
ما اللى بيروحوا يعملوا تظلم بيشوفوا ان ليهم درجات ومش بياخدوها
المفروض ايه تانى يحصل .. ؟!

احم احم
موضوع جميل ياتسابيح
سيبوونى بقى اتكلم ماسكين لساانى من الصبح
نفسى اقوول حاجه
بصى مش معنى حد جايب مجموع قليل فى ثانوى انه مش بيفهم دا توضيح بس
ثانيا والله لاصيدله ولاطب دى نهايه الكون
ادامه مجالات تاانيه ربنا يوفقه فيها
مش شرط باباه صيدلى يبقى هو كمان صيدلى
كمان باباه مش يعوده ان كل حاجه عاوزها يعملها بالفلوووووووس
معلش ملهااش قيمه لما يدخلها بالفلووس
بصى هقوولك حاجه
مثلا مثلا بابا عاوزنى معيده ياترى ياترى انا لو مش عاوزه هبقى معيده لاطبعا طب لو عاوزه ومبقتش دى نهايه الكون
اكييييييد لا
يعنى ادامى مجالات كتير وممكن الله اعلم لو بقيت معيده افشل فى المجاال دا
بجد الدنيا مش بتقف على حاجه ودا قدر ربنا مش عاارفه ايه عيب الكليات التانيه مالها علووم وتجاره وحقوق وزراعه هى الدنيا واقفه على طب وصيدله تفكيييييييير غلط اانا بجد مستغربه والده دا صيدلى ازاى ربنا يعينه يفكر بشكل تاانى افضل

دا فعلا بيحصل كتير اوي (بقت حاجة عادية في البلد دي)
تصدقي مكنتش اعرف:p
و طبعا دا مش عدل خالص يعني الي ميفهمش حاجة و جايب 75 %ولا اي حاجة بس معاه فلوس يدخل طب و ينسى المشرط ف بطن المريض (و اللهي سمعتها قبل كده)
هههههههههههه
مشرط بس دا انتي قديمة اوي دلوقتي بينسوا حاجات اكثر من كدا
يعني لو واحدة مخلفة توأم مممكن ينسي الولد الثاني في بظنها:d
يعني من الاخر هو قدراته مش اد الكليه دي و متكل ع الفلوس مبيفكرش ف عقله و يسبب فساد ف كل حاجة
ربنا معانا :d
يااااااااااااااااااارب
ميرسي يا قمر
شكرا ع مشاركتك ياجميل
نورتي الموضوع:blush:

جود
عنجليزي دا يامرسي ولا ايه:d
بس على فكرة الثانوية العامة عمرها ما كانت المقياس
أكيد طبعا ..............
بس تعرف ليه ........... عشان في مصر
عشان احنا بندخل نفضي المعلومات في الامتحان ونخرج واحنا انظف من الصيني بعد غسيله:006et4:
أنا شخصيا أعرف ناس كانت من أوائل الجمهورية فى ثانوى ومش ماشيين فى الكليات الا هما فيها
ومنهم واحد كان الرايع مكرر وبيعيد فى كلية الطب
ما شاء الله ..........
حاجات تشرف بجد
اكيد مش دخلها عن حب ............
لازم يحب الحاجة عشان تشتغل فيها بجد

واعرف ناس كانت لاحقة كلياتها بالعافية وفى أخر الدنيا ومتفوقة
ربنا بجد بيساعد الانسان وبيعوضه
ربنا يوفق الجميع يارب

وليا واحد صاحبى من كفر الشيخ مكنش طايل طب ولا صيدلية فدخل الجامعة الروسية ودفع مبلغ وقدره فى الترم الاول وتفوق فى أول سنة فى كلية الصيدلية وهو دلوقتى بيكمل دراسة فى منحة من السقارة الروسية بالقاهرة فى روسيا ما شاء الله عليه
والنماذج كتيرة أوى
ربنا يوفقه
ويوفقك ونسمع انك سافرت بريطانيا قريب:p

بس برده مش واحد ينجح بالعافية ويبقى عايز يدخل كلية كويسة
عندك حق:blush:

موضوع جمييييييييييل
شكرا
نورت الموضوع:d

هى فعلا مش سهلة وحاجة تخنق وتضايق وهايحسوا بظلم

بس اكيد ربنا مش هايضيع تعب حد
وبعد كدة هايلاقوا نتيجة تعبهم
;)
عندك حق
بس دا نظام البلد دي هنعمل ايه بس

..


مافهمتينيش
معلش بقي ....... لازم تعذوريني عشان المسافة بين اسكندرية والمنوفية
3 ساعات ..............
يعني مش مكنتش هعرفك بسهولة:d
اللى اقصده انى لو دخلتها كنت هابقى فاشلة عشان ف جامعة خاصة ؟
اه مكنتش اعرف انها جامعة خاصة
اكيد لا .. بس الناس مش هاتفهم كدة
ومش مهم الناس اصلا
ناس مين وبتاع مين ...............
بس مش شايفة ان ليها لازمة طالما قدامى بديل وحاجة برضو باحبها
جايز يكون ربنا عمل كدة عشان ده احسن ليا
صح
بصي ان شاء الله ربنا هيوفقك في اللي هيدهولك اهم حاجة اجتهدي وهتلاقي
ربنا يوفقك يارب

آمين يا رب وانتى كمان
ميرسى يا جميل على ذوقك
:)
العفو ياروحي
منورة الموضوع ع طول بردك;)

احم احم
موضوع جميل ياتسابيح
شكرا ربنا يخليكي
سيبوونى بقى اتكلم ماسكين لساانى من الصبح
نفسى اقوول حاجه
بصى مش معنى حد جايب مجموع قليل فى ثانوى انه مش بيفهم دا توضيح بس
متفقة معاكي طبعا
ثانيا والله لاصيدله ولاطب دى نهايه الكون
ادامه مجالات تاانيه ربنا يوفقه فيها
مش شرط باباه صيدلى يبقى هو كمان صيدلى
كمان باباه مش يعوده ان كل حاجه عاوزها يعملها بالفلوووووووس
معلش ملهااش قيمه لما يدخلها بالفلووس
بصى هقوولك حاجه
مثلا مثلا بابا عاوزنى معيده ياترى ياترى انا لو مش عاوزه هبقى معيده لاطبعا طب لو عاوزه ومبقتش دى نهايه الكون
اكييييييد لا
يعنى ادامى مجالات كتير وممكن الله اعلم لو بقيت معيده افشل فى المجاال دا
بجد الدنيا مش بتقف على حاجه ودا قدر ربنا مش عاارفه ايه عيب الكليات التانيه مالها علووم وتجاره وحقوق وزراعه هى الدنيا واقفه على طب وصيدله تفكيييييييير غلط اانا بجد مستغربه والده دا صيدلى ازاى ربنا يعينه يفكر بشكل تاانى افضل
بصي الحكاية اللي أنا حكايتها دي ............. لشخص اعرف بس مش معرفة شخصية
المهم ان والده عايزة كدا عشان عنده صيدليات كثير ومحتاجه يمسك معاه صيدله
وغير ان كان بيعطي له دروس في كل المواد ودرسين دا كله عشان صيدلة وقبل ما النتيجة تظهر
كان حاجز له في صيدله خاصه
يعني هو عايز كدا ومش بمزاج الولد
يعني من الاخر ............. كل واحد ينام بقي ع الجانب اللي يريحه
ربنا يوفق الجميع

موضوع جميل اووووووووووووى
ما شاء الله عليكى موضيعك كلها حلوه
هيه بلادنا كده هنعمل ايه بقا
مهو سعد زغلول زمان قال
مفيش فايده :d
والراجل عنده حق الشعب المصرى ده
متخلف
سورى يعنى بس ديه الحقيقه
يعنى الاوله ادبى نفسها تدخل حقوق
لما قولت لصاحبى بصراحه
شتموها من الاوائل وعايزه حقوق اللى بيدخولوها من 70%
هيه شايفه نفسها هتمشى فى حقوق بس احنا بنحب المنظره
بس هيه عايزه حقوق فرنساوى:bosyht9:
مش اى حقوق يعنى
كل واحد بياخد نصيبه
تقبلى مرورى ياقمر

بجد زي ما قولتي....عمار يا مصر...

متهيالي مفيش فايدة..ده احنا محتاجين ولا معجزة عشان حال التعليم يتعدل....وكمان هو التعليم بس!!

يلا خليني ساكتة احسن عشان لو فتحت مش هقفل...هههههه ميرسي على موضوعك يا قمر...وربنا يوفق الجميع

شكرا على موضوعك يا تسابيح
بس فى الاخر كل واحد بياخد نصيبه وربنا بيقدر الخير لكل واحد

انا جبت في الازهر 93ز6 ودخلت هندسة خاص

بصى طالما هو كان نفسه فى كلية معينة يخشها
الثانوية ملهاش دعوة بالكليات
كل كلية وليها صعوبتها مش عشان واخدة مجموع عالى تبقى صعبة
وطالما هو قادر يدخل اينه بالفلوس يدخله ليه لا
المهم يبقى حاجة محترمة
ويقدرال هما عملوه و الفلوس ال اتصرفت عليه

علي فكرة دي مفهاش أي حاجة
يعني انا أعرف واحد جاب 70%
و دخل معهد خاص زي هندسة
و جاب إمتياز أول سنة زي ما بيدفع زي ما بيظبطوا
و الراجل نفسه يشوف إبنه صيدلي
يبقي منحرموش من حاجة
أنا لسه عارف إمبارح إن الكليات الخاصة بياخدوا نفس المواد اللي بناخدها بالظبط
بنفس الدكاترة
و والله ممكن يكون بتوسع عننا
:d:d:d
و في الأخر الشركات بيقولوا لأ دي العيال دي مصروف عليها
ناخدها علي طول
هي دي بلدك لازم نقر و نعترف
و الجامعات الخاصة مش ظاهرة جديدة
لأ دي من زمان و جايا علي هوي الناس
:d:d

موضوع جميل اووووووووووووى


ما شاء الله عليكى موضيعك كلها حلوه
أكيد عشان انتي بتردي فيها
بتدلها طعم خاص;)
هيه بلادنا كده هنعمل ايه بقا
مهو سعد زغلول زمان قال
مفيش فايده :d
هههههههههه
لا أكيد فيه بأدنا أحنا
هنغير كثير
والراجل عنده حق الشعب المصرى ده
متخلف
سورى يعنى بس ديه الحقيقه
الشعب مش متخلف
اللي حاكم الشعب هم اللي متخلفين :006et4:
يعنى الاوله ادبى نفسها تدخل حقوق
لما قولت لصاحبى بصراحه
شتموها من الاوائل وعايزه حقوق اللى بيدخولوها من 70%
بصراحة مش ليهم حق
لان دي ميول وقدرات كل واحد عارف قدراته كويس:blush:
هيه شايفه نفسها هتمشى فى حقوق بس احنا بنحب المنظره
بس هيه عايزه حقوق فرنساوى:bosyht9:
مش اى حقوق يعنى
كل واحد بياخد نصيبه
تقبلى مرورى ياقمر

شكرا ع مشاركتك
نورت التوبيك ياروحي :blush::av4056bb7jp3:

بجد زي ما قولتي....عمار يا مصر...

متهيالي مفيش فايدة..ده احنا محتاجين ولا معجزة عشان حال التعليم يتعدل....وكمان هو التعليم بس!!

يلا خليني ساكتة احسن عشان لو فتحت مش هقفل...هههههه ميرسي على موضوعك يا قمر...وربنا يوفق الجميع
هههههههههههه
خلاص اوعي تفتحي انا خايفة عليكي الحكومة مراقبة النت :d
ههههههههه
يابنتي لو كل واحد اجتهد في دراسته واشتغل بجد اكيد الحال هيتعدل
يالا ربنا يوفق الجميع
نورتي الموضوع

شكرا على موضوعك يا تسابيح
بس فى الاخر كل واحد بياخد نصيبه وربنا بيقدر الخير لكل واحد
عندك حق
كل واحد بيأخذ نصيبة ................
بس اهم حاجة انه يرضي بنصيبه ......

انا جبت في الازهر 93ز6 ودخلت هندسة خاص
كام
مش فاهمة هل هو 69.3 ولا 93.6
أصلها تفرق جامد
بس انا لسه عند رأي اني ضد الخاص
ع العموم ربنا يوفق الجميع



بصى طالما هو كان نفسه فى كلية معينة يخشها


الثانوية ملهاش دعوة بالكليات
كل كلية وليها صعوبتها مش عشان واخدة مجموع عالى تبقى صعبة
وطالما هو قادر يدخل اينه بالفلوس يدخله ليه لا
المهم يبقى حاجة محترمة

ويقدرال هما عملوه و الفلوس ال اتصرفت عليه

بصي أنا مش بتكلم ع واحد ولا اثنين
انا بتكلم ع ناس كثير اووووي
ممكن مش يستاهلوا يدخلوا الكلية دي ومجموعهم قليل اوي
بس عشان معاهم فلوس هيدخلوها ........
وواحد ناقص 1% ومش معاه فلوس يضيع حلمه مع انه
يستاهل انه يدخلها
الموضوع مش سهل زي ما انتي متصورة دا فيه ظلم لينا كلنا
الدكتور او المهندس او الصيدلي دول المتخرجين من خاص
مش هيمثلوا البلد مش هيعلجوا الناس دا كله وهم فشلوا في دراستهم
اكيد هيبقوا حاجة ثقيله ع البلد وهيضرهوا ومش هنستفيد حاجة
ع العموم
نورت الموضوع;)

ما خلاص يا جماعة خلصنا من هم الثانوية العامة

والكل يركز فى الجامعة اللى هيدخلها سواء خاصة او حكومية

وربنا يوفقكم

علي فكرة دي مفهاش أي حاجة

يمكن برده

يعني انا أعرف واحد جاب 70%
و دخل معهد خاص زي هندسة
ما شاء الله بصراحة مجموع يفرح :stickjo4:
و جاب إمتياز أول سنة زي ما بيدفع زي ما بيظبطوا
هههههههههههه
كوسه من الاخر
و الراجل نفسه يشوف إبنه صيدلي
يبقي منحرموش من حاجة
افرض يابشمهندس ابنه مش دي قدراته
احنا اللي في الاخر هيضرنا الحاجات دي
ممكن يفشل في مهنته
واحنا عايزين حد يرتفع بالبلد
البلد في تخلف وجمود
اللي بيحصل هيخليها تزداد تخلف ع تحلفها
مش بتكلم ع الشخص دي صدقني
انا بتكلم ع ناس تانيه مش تستاهل بجد
وفي الاخر بنقول هي البلد بايظة ليه ؟؟؟
لان كل واحد مش في مكانه الصح
احنا اللي بنعمل كدا وبعدين نسأل في الأخر
:(
أنا لسه عارف إمبارح إن الكليات الخاصة بياخدوا نفس المواد اللي بناخدها بالظبط
بنفس الدكاترة
و والله ممكن يكون بتوسع عننا
:d:d:d
يمكن برده
ولكن اللي فيه بيتخرج بمقبول بامتياز
كله بيتخرج كله بيشتغل
أصلهم معاهم فلوس بقي
اعمل اللي انت عايزه
البلد ملك لوحدك
ابني عمارة والعمارة تتهد ع السكان
عشان انت اصلا فااشل من الاول
اساسك كان بايظ دخلت كليه غلط
وبعد كدا نقول الحقوا فيه عمارات كثير بتقع
بعد تاني يوم لما السكان تسكن
دا كله عشان باشمهندس مش في مكانه
مكنش يستاهل اللقب دي
و في الأخر الشركات بيقولوا لأ دي العيال دي مصروف عليها
ناخدها علي طول
هههههههههههه
برده كوسه
طيب ولا في حكومة وتعب في الثانوية
وتبهدل واجتهد في الكلية تساوي بواحد
(أكيد هيبقي أقل منه عشان الثاني معاه فلوس)
كان جايب 80 % ودخل هندسه
واشتغل عشان معاه فلوس
والثاني الغلبان يتحرق اصله ولا معاه
فلوس ولا وسطه
ونقول في الاخر عمار يامصر:078111rg3:

هي دي بلدك لازم نقر و نعترف
و الجامعات الخاصة مش ظاهرة جديدة
لأ دي من زمان و جايا علي هوي الناس

أكيد طبعا
بس احنا مش هنستريح الا لما تتقفل

أولا::: حمدلله ع سلامتك .......... المنتدي أكيد نور تاني :d
ثانيا :كنت فاكرة هنشوفك في الاخره بس الحمدلله لسه فيه امل نشوف في الدنيا:d
ثالثا::: شكرا ع ردك نورت التوبيك

ما خلاص يا جماعة خلصنا من هم الثانوية العامة

والكل يركز فى الجامعة اللى هيدخلها سواء خاصة او حكومية

وربنا يوفقكم
يارب يوفق الجميع
فيه فرق شاسع بين الحكومي والخاص
واكيد احنا يهمنا مصلحة البلد
واللي ممكن يصلح بعد كدا

بصراحة انا شايفة انهم اتصرفته خاطيء ومش أخذته حقكم
دا احنا عاش 5 دقايق في امتحان العربي كنا هنتجنن
ما باللك ساعة الا ربع في الكيمياء ..... لا ......كان لازم تعملوا كلكم ثورة وتخذوا وقتكم
بصراحة اللي سكت مش يلوم اللي نفسه لان حقه كان ممكن يأخذه في وقته
هم بقي اللي عملوه
ع العموم
ربنا يوفقك يارب
شكرا ع مشاركتك:d
نورت الموضوع;)

اصلا وقت الامتحان بدأ وحنا مش في اي لجنة ومش في الفصول اصلا يعني واقفين في الترقة بتاعة المدرسة قدام الفصول ومفيش حد نكلمه والراجل اللي كان بيقسم اللجان كان نظره ضعيف وكل شويه يقرأ أرقام الجلوس غلط وبعد يرجع يقول لا انتم مش في اللجنة دي انتم في لجنة كذاوكمان همه وزعوا الورق بعد ساعة الا ربع بعد ما كنا اتخنقنا مع المرقبين وشدينا معاهم احنا اتكلمنا بهدوء الاول مجبش نتيجة وبعدين زعقنا وعملنا كل اللي ممكن تتخيليه وفي ناس حتى شتموا المراقبين يعنى لولا كده كانوا وزعوا الورق متأخر كمان وفيه لجان من لجان الولاد قاموا ضربوا المراقبين عشان يخلوهم يوزعوا الورق ده يوم امتحان الكيمياء ده كان مهرجان بس ربنا سترها الحمد لله.

معتقدش اني قدرت اوصلك رايي في ردي اللي فات
انا ضد الجامعات الخاصة بالشكل اللي هيه موجوده بيه ده
لكن الي قصدي اقوله ان نظام التعليم اصلا مابيقيمش صح
عشان نقول ان اللي مجبش مجموع كلية معينة يبقى مش حينفع في الكلية دي
لان في ناس بتبقى جايبة مجاميع عالية وداخلة كليات قمة وبتبقى دخلاها بمزجهم عشان همه عايزين يدخلوها مش ضغط من الاهل بس برضه بيفشلوا فيها وبيسقطوا او بيتخرجوا مش عارفين حاجة
ده مش راجع لعيب فيهم همه ده راجع لعيب في نظام التعليم يعني لو كان نظام التعليم بيقيم صح كنت قلتلك فعلا ان اللي ميجبش مجموع كلية معينة يبقى مش حينفع فيها.
يعني انا ليه واحد صاحبتي ما شاء الله جايبه مجموع يدخلها اي كليه وهيه كانت عايزة تدخل طب وقدت في طب صاحبتي دي ماشاء الله مجتهدة و وذكية وكل حاجة بس هيه مؤمنة اوي بالسحر والحسد وحكايات الجن والكلام ده
وكانت احيانا تقعد تقول انها مبتذكرش عشان خايفة اننا نحسدها وكل حاجة تحصل بترجعها لاما للحسد لاما للجن وكمان مؤمنة بالوصفات الشعبية اكتر ما هيه مؤمنة بفايدة الطب( انا عارفة ان الحسد والسحر والجن مذكورين في القرآن بس مذكور في القرآن برضه "وما هم بضارين به من احدا الا بأذن الله"وكمان ربنا امرنا اننا نفكر في الاسباب العلمية عشان نفسر اللي بيحصل حولينا)
فتخيلي لما واحدة زي ديه تدخل طب حتعالج الناس بعد كده ازاي وهيه اصلا بترجع كل حاجة للحسد والسحر والحاجات دي قصدي انها ممكن تتفوق في الكلية وكل حاجة وربما تفكرها يتغير بعد كده الله اعلم بس الحاجة اللي متأكده منها ان لو كان نظام تعلمنا بيقيم صح كان حيهتم ان يصلح المفاهيم اللي عندها دي الاول قبل ما يسمحلها انها تدخل طب بل من البداية مكنتش المفاهيم دي حتبقى موجودة عندها.

حاجة تانية رضه عايزة اوضحها انا ليه اخويه الكبير في رابعة طب وبيقولي كل اللي اخدوه في الكلية لحد دلوقتي وله حاجة وله اي حاجة ممكن تساعدهم في الشغل وان الي عايز يتعلم بجد يبقى بعد التخرج وسمعت الكلام ده من ناس كتير في كليات مختلفة ان اللهمه درسوه في الكلية غير اللي لقوه على ارض الواقع بعد التخرج لان نظام التعليم في الكلية نفسه غلط .
يعني من الآخر هيه الحكاية خربانة من جميع الجوانب وما عدتش تستحمل تعديل لأ دي محتاجة نهد نظام التعليم كله ونبنيه تاني من الاول .

احنا فى بلد شهادات و خلاص
أهم حاجة يبقى معاك شهادات مش مههم فاهم ولا مش فاهم

يعنى ابو هندسة بتاع 80% أكيد لا فاهم رياضة ولا فيزيا

بس بصراحة انا شايف ميزة فى الجامعات الخاصة ألا و هى
لو تبص لكلية طب اسنان فى اى جامعة تلاقى عدد طلاب السكشن يفوق 500 طالب لو بصيت فى الجامعة الخاصة تلاقى عدد الطلبة فى السكشن الواحد 100 أو اقل مش عارف بس كده يبقى الجانب العملى فى الكليات الخاصة احسن من العامة بس لما يبقى لما يبقى طالب بيفهم
و اسف على الاطالة

السلام عليكم ورحمة الله وبركاته
وعليكم السلام ورحمة الله وبركاته,,

طبعا مبروك لطلاب الثانوية العامة اللي دخلوا الكليات اللي نفسهم فيها ...
مبرووووووووك ليكم كولكم وكل اللى نجح
وحظ سعيد المرة القادمة للآخرين:006et4:
بصوا بقي ياجماعة فيه حاجة
هو فيه واحد جايب 93% ....
وكان علمي علوم ... وطبعا مش يلحق صيدلية
زي ما ابوه كان عايز
فعلا الاب دلوتى هو اللى بيعوز والابن ولا فارقة معاه
ابوه مش هو.... عشان ابوه صيدلي كبير وعايز بس اسم ابنه ع الصيدلية ...
وكان بيجيبوا له في 2ث و3ث مدرسين في البيت وخاص وكل حاجة
وغير ان في كل مادة درسين ومش بيخرج من البيت طول النهار مذاكرة ودح
يعنى الواد كن بيزاكر
المهم يعني جاب المجموع دا ومش لحق الا صيدلة بالفلوس (صيدلة خاصة يعني )
ولو دخل صيدلة في القاهرة بمجموعة دا يدفغ 25000 جنية
ولو دخل في 6 أكتوبر او حاجة تانية بدفع 35000 جنية
دول بس عشان التقديم ...
ولسه الكتب والمدينة الجامعية والترم الاول والثاني دا لمدة 5 سنين
انا من رأي لو الولد اتجوز بالفلوس دي كان هيبقي احسن :d
بصى انا من رايى لو انه فعلا كان بيذاكر وبيعمل اللى عليه وربنا موفقهوش لاى سبب ففى الحالة ديه ممكن اكون مع انه يدخل خاص انما لو هو مش فارقة معاه فلما يدخل كلية خاصة هيطلع فاشل والبلد هتبوظ
او يعملوا مشروع لما يتخرج من اي كليه بس هنعمل ايه في
الشعب الغاوي منظرة :blush:
والله هو فعلا شعب غاوى منظرة
من الاخر نفسي افهم واحد مش كان قادر في ثانوية عامة يجيب مجموع صيدلية
ازاي يدخل صيدلية وهل هيقدر يمشي فيها ؟؟
وهل التعليم بقي شهادة وخلاص ؟؟؟ نشتري شهادة بالفلوس:bosyht9::bosyht9:
هو التعليم مش شهادة وبس لا يعنى ممكن واحد يكون معاه شهادة وهو ميعرفش اى حاجة فى اى حاجة بس اسمه معاه شهادة وبس
انا عارفة ان التعليم بايظ اصلا ... بس مش للدرجة دي
عايزة اقول لك حاجة ان التعليم فى مصر كويس جداااااا جداااااا والله بجد انا خالتى قاعدة فى السعودية بنتها عندها 4 سنين ونص دخلت حضانة بتوقل لنا انها هى اللى بتعلمها فى البيت وفى المدرسة لعب وبس ولا بيتعلموا حاجة خالص احنا الواحد بيبقى داخل اولى ابتدائى بيكون عارف يكتب اسمه على الاصل وحافظ الحروف والارقام بصراحة مبحسش ان التعليم فى مصر بايظ اقول لك ليه احنا بنقول ان التعليم بايظ بسبب اولياء الامور اللى بيدوا عيالهم دروس ده خلى المدرسين مش بيشرحوا فى الفصل الا من رحم ربى
طيب دا واحد جايب في ال90 امال بقي بيقولوا هندسة(خاصة) 80 % وحاجات كدا تفرح يعني الغلبان اللي مش معاه فلوس ... وعشان 1% ابنه من دخل صيدليه او طب او حتي هندسة يتظلم في البلد دي واللي معاه فلوس هو اللي يملكها ......
بصراحة حاجة تكيد وناس كثير بتظلم .......
اه فعلا فيه ناس بتتظلم
العيال مش يذكروا طول السنة عشان عارفين الاهل هيدخلوهم مرتاحين
دول المفروض سورى يعنى ف اللفظ ياخدوا بالجزم وحرام فعلا انهم يدخلوا خاص والله
ولما بقي نسمع عمارة اتهدت .. قطار خرج من مساره بعد كدا مش لازم نستغرب .....
اه فعلا والله البلد بتبوظ من دول
وكمان الطالب اللي طول السنة بيذاكر ويجتهد عشان يدخل كلية قمة وبعد كدا عشان 1% مش يعرف يدخل الكلية اللي هو عايزها ....
دا كله عشان ابوه مش يقدر يدخله كليه بالفلوس....
مش دي حاجة تزعل:mad:
لازم نقول ساعتها عمار يامصر....:p
مفروض كل واحد يأخذ حقه في البلد دي
كلمة اخيرة للناس المظلومة في الثانوية العامة ...اكيد كل انسان تعب ومش لقي تعبه بيزعل بس الانسان لو استخدم عقله هيشوف ان الاصلح اللي ربنا بيختاره
والله عندك حق الخيره فيما اختاره الله
اهم حاجة انت لما تدخل الكلية دي هتعمل ايه لبلدك لدينك ...هتعمل ايه عشان تغير الكوسه اللي في البلد .... كل واحد بيبقي في المكان الاصلح ليه بس اهم حاجة ان يضع هدف ليه عشان يقدر يعيش:blush:
مش عارفة ليه الكليات الثانية مش ينهتم بيها ...
مع انها برده بتفيد الناس والبلد ...

ملحوظة ..:: أنا أدبي الحمدلله :pمليش في الهندسة .... مع ان البلد بايظة بس مش لدرجة ان من ادبي ممكن ادخل هندسة :d
............................................

في رعاية الله;)


عارفين والله لو واحد حاطط لنفسه انه عايز يفيد بلده وامته فبكده مش هتفرق معاه كلية ايه المهم لما يدخل كليه يجتهد بس مش معنى كده انه ميجدهتش فى الثانوية برضه
معلشى طولت فى ردى
وربنا معانا كلنا يا رب

اصلا وقت الامتحان بدأ وحنا مش في اي لجنة ومش في الفصول اصلا يعني واقفين في الترقة بتاعة المدرسة قدام الفصول ومفيش حد نكلمه والراجل اللي كان بيقسم اللجان كان نظره ضعيف وكل شويه يقرأ أرقام الجلوس غلط وبعد يرجع يقول لا انتم مش في اللجنة دي انتم في لجنة كذاوكمان همه وزعوا الورق بعد ساعة الا ربع بعد ما كنا اتخنقنا مع المرقبين وشدينا معاهم احنا اتكلمنا بهدوء الاول مجبش نتيجة وبعدين زعقنا وعملنا كل اللي ممكن تتخيليه وفي ناس حتى شتموا المراقبين يعنى لولا كده كانوا وزعوا الورق متأخر كمان وفيه لجان من لجان الولاد قاموا ضربوا المراقبين عشان يخلوهم يوزعوا الورق ده يوم امتحان الكيمياء ده كان مهرجان بس ربنا سترها الحمد لله.
ولا يهمك اهم حاجة ان تتعلمي بعد كدا تطلبي بحق
وبعدين بدل عديت يبقي الحمدلله ع كل شيء:d

معتقدش اني قدرت اوصلك رايي في ردي اللي فات
انا ضد الجامعات الخاصة بالشكل اللي هيه موجوده بيه ده
لكن الي قصدي اقوله ان نظام التعليم اصلا مابيقيمش صح
عشان نقول ان اللي مجبش مجموع كلية معينة يبقى مش حينفع في الكلية دي
صح ..........
التعليم دا يعتمد ع الحفظ فقط :d
لان في ناس بتبقى جايبة مجاميع عالية وداخلة كليات قمة وبتبقى دخلاها بمزجهم عشان همه عايزين يدخلوها مش ضغط من الاهل بس برضه بيفشلوا فيها وبيسقطوا او بيتخرجوا مش عارفين حاجة
دا قلة لان اللي داخل بمزاجه اكيد هيجتهد
ولكل مجتهد نصيب وكل واحد بيأخذ نصيبه
ده مش راجع لعيب فيهم همه ده راجع لعيب في نظام التعليم يعني لو كان نظام التعليم بيقيم صح كنت قلتلك فعلا ان اللي ميجبش مجموع كلية معينة يبقى مش حينفع فيها.
صح تمام كدا
يعني انا ليه واحد صاحبتي ما شاء الله جايبه مجموع يدخلها اي كليه وهيه كانت عايزة تدخل طب وقدت في طب صاحبتي دي ماشاء الله مجتهدة و وذكية وكل حاجة بس هيه مؤمنة اوي بالسحر والحسد وحكايات الجن والكلام ده
وكانت احيانا تقعد تقول انها مبتذكرش عشان خايفة اننا نحسدها وكل حاجة تحصل بترجعها لاما للحسد لاما للجن وكمان مؤمنة بالوصفات الشعبية اكتر ما هيه مؤمنة بفايدة الطب( انا عارفة ان الحسد والسحر والجن مذكورين في القرآن بس مذكور في القرآن برضه "وما هم بضارين به من احدا الا بأذن الله"وكمان ربنا امرنا اننا نفكر في الاسباب العلمية عشان نفسر اللي بيحصل حولينا)
ايه البنت الغريبة دا ........ربنا هو اللي بيحفظ
وهو اللي هيحميها ....دي عايشة في العصر الجاهلي باين عليها
ربنا يهديها يارب
فتخيلي لما واحدة زي ديه تدخل طب حتعالج الناس بعد كده ازاي وهيه اصلا بترجع كل حاجة للحسد والسحر والحاجات دي قصدي انها ممكن تتفوق في الكلية وكل حاجة وربما تفكرها يتغير بعد كده الله اعلم بس الحاجة اللي متأكده منها ان لو كان نظام تعلمنا بيقيم صح كان حيهتم ان يصلح المفاهيم اللي عندها دي الاول قبل ما يسمحلها انها تدخل طب بل من البداية مكنتش المفاهيم دي حتبقى موجودة عندها.
تصدق فعلا........
بس برده زي ما انتي قلتي محدش عارف يمكن حد يقنعها بالموضوع محدش عارف
ربنا يوفق الجميع يارب

حاجة تانية رضه عايزة اوضحها انا ليه اخويه الكبير في رابعة طب وبيقولي كل اللي اخدوه في الكلية لحد دلوقتي وله حاجة وله اي حاجة ممكن تساعدهم في الشغل وان الي عايز يتعلم بجد يبقى بعد التخرج وسمعت الكلام ده من ناس كتير في كليات مختلفة ان اللهمه درسوه في الكلية غير اللي لقوه على ارض الواقع بعد التخرج لان نظام التعليم في الكلية نفسه غلط .
ياليله ..............
اول مرة اسمع المعلومة الغريبة دي
يعني من الآخر هيه الحكاية خربانة من جميع الجوانب وما عدتش تستحمل تعديل لأ دي محتاجة نهد نظام التعليم كله ونبنيه تاني من الاول .


ممكن في المستبقل يجي حد ويعدي التعليم لازم يكون عندنا امل
ربنا يهدي الناس كلها
شكرا ع مشاركتك ياقمر;)

احنا فى بلد شهادات و خلاص
أهم حاجة يبقى معاك شهادات مش مههم فاهم ولا مش فاهم
ازاي ...... امال هنعدل من البلد دي ازاي..........
البلد دي احنا محتاجنها لاننا عايشين فيها ..........
انا عارف ان الشهادات هو اللي ماشي . بس دا شيء يدعو للعجب والدهشه

يعنى ابو هندسة بتاع 80% أكيد لا فاهم رياضة ولا فيزيا
أكيد طبعا

بس بصراحة انا شايف ميزة فى الجامعات الخاصة ألا و هى
لو تبص لكلية طب اسنان فى اى جامعة تلاقى عدد طلاب السكشن يفوق 500 طالب لو بصيت فى الجامعة الخاصة تلاقى عدد الطلبة فى السكشن الواحد 100 أو اقل مش عارف بس كده يبقى الجانب العملى فى الكليات الخاصة احسن من العامة بس لما يبقى لما يبقى طالب بيفهم
و اسف على الاطالة
بص .................... هي فعلا ميزة
بس ميزة للي بيحب الهندسة وعايز يعمل فيها حاجة
بس هنقول ايه بس ربنا يوفق الجميع

مبرووووووووك ليكم كولكم وكل اللى نجح
الله يبارك فيكي :av4056bb7jp3:
يعنى الواد كن بيزاكر
معرفش مكنتش ببقي معاها وهو بيذاكر:d
هو التعليم مش شهادة وبس لا يعنى ممكن واحد يكون معاه شهادة وهو ميعرفش اى حاجة فى اى حاجة بس اسمه معاه شهادة وبس
ما هو دا اللي احنا بنقوله ان معظم اللي بيدخله خاص بيبقوا كدا
عايزة اقول لك حاجة ان التعليم فى مصر كويس جداااااا جداااااا والله بجد انا خالتى قاعدة فى السعودية بنتها عندها 4 سنين ونص دخلت حضانة بتوقل لنا انها هى اللى بتعلمها فى البيت وفى المدرسة لعب وبس ولا بيتعلموا حاجة خالص احنا الواحد بيبقى داخل اولى ابتدائى بيكون عارف يكتب اسمه على الاصل وحافظ الحروف والارقام بصراحة مبحسش ان التعليم فى مصر بايظ اقول لك ليه احنا بنقول ان التعليم بايظ بسبب اولياء الامور اللى بيدوا عيالهم دروس ده خلى المدرسين مش بيشرحوا فى الفصل الا من رحم ربى
بصي ياروحي اولا مش مفروض تبصي لدولة أقل منك في المستوي التعليم
بتوع السعودبة همهم الاوحد انهم يجمعوا فلوس مش مهم التعليم من اساسه
وكل الدول العربية تعليمهم اقل مننا بكثير نصف تعلمنا بجد دي حقيقة
انا واحدة قربتي مش رديت ترد ابنها مدرسة سعودية لانهم مش بيشرحوا وكمان مستواهم اقل من المصريين بكثير
ودخلته في الاخر مدارس لغات
دول المفروض سورى يعنى ف اللفظ ياخدوا بالجزم وحرام فعلا انهم يدخلوا خاص والله
دول بقي اللي بيدخلوا كل واحد عايز يشوف ابنه مهندس او دكتور
مش مهم كان بيذاكر او لا

عارفين والله لو واحد حاطط لنفسه انه عايز يفيد بلده وامته فبكده مش هتفرق معاه كلية ايه المهم لما يدخل كليه يجتهد بس مش معنى كده انه ميجدهتش فى الثانوية برضه
معلشى طولت فى ردى
وربنا معانا كلنا يا رب
فعلا عندك حق
لازم يكون عندنا هدف لازم نسعي عشان نحققه
عشان نخدم بلدنا
شكرا ع مشاركتك الجميل اللي اسعدتني بجد:d