|
مشاهدة النسخة كاملة : هندسة القاهره عربى ام انجليزى ehabpophoba 24-07-2009, 02:17 PM هى هندسه القاهره عربى ولا انجليزى ولا اعدادى عربى وباقى السنين انجليزى ولا كل السنين باعدادى انجليزى ولا ايه بالظبط ارجو الرد لانى باعمل التنسيق شكراااااا EG123.Com 24-07-2009, 02:47 PM السلام عليكم ... اولا يا بشمهندس مبروك علي تفوفك .. و بالنسبه لهندسه القاهره .. فاعدادي معظمها بالعربي .. ماعدا .,. الرسم الهندسي و الاسقاط .. و اللغه الفنيه .. و الحاسبات .. كتب المواد اللي انا قولتها دي .. بالانجليزي .. بس الشرح بالعربي متقلقش .. اما بقي بقيه السنين .. فبالأنجليزي .. و متخفش .. هتتعود عليه ... يارب اكون افادتك masternew 24-07-2009, 02:55 PM هههههههههههههههه.....بجد يا باشمهندس ؟؟؟؟؟؟؟ اعدادى القاهرة بالعربى ......يعنى الفيزيا والكيمياء بالعربى والرياضة بالعربى ؟؟ و على العكس من المنصورة تماما بقى الرسم اهندسى والاسقاط انجليزى ؟؟ دحنا فى المنصورة قالوا لنا كل المواد انجليزى ما عدا الرسم عشان ده يعتبر او مرة فى حياتكم تاخدوه هو والاسقاط فعلشان كده مترجمينه عشان يبقى اسهل !!!!! EG123.Com 24-07-2009, 02:57 PM نظام كليات بقي نعمل ايه .. بس مش هتفرق كتير .. اللغه مش هتعوق الفهم .. و التميز .. ولا ايه ؟؟ masternew 24-07-2009, 03:16 PM صح بس فعلا درستوا الرياضة بالعربى (يعنى ب جا و جاتا و كده؟؟) EG123.Com 24-07-2009, 03:22 PM لا لا ... الرموز و المعادلات .. بالانجليزي .. الشرح بالعربي .. و ده في كل المواد عندنا .. انا بتكلم علي الشرح مش الرموز ... masternew 24-07-2009, 03:40 PM يعنى فى الرياضة بتحل بالعربى ولا بالانجليزى ؟؟ ehabpophoba 24-07-2009, 07:30 PM طيب بالنسبه الى هندسه عين شمس BaNZeR 24-07-2009, 08:27 PM يعنى فى الرياضة بتحل بالعربى ولا بالانجليزى ؟؟ الرياضة مفهاش عربي هي تعتبر انجليزي ومش حينفع تاخدها غير كده العربي بيبقى مثلآً حل السؤال الآتي اوجد مجموعة حل كذه أ ، ب ، ج ، د (وساعات بتتكتب لاتيني اصلاً) لكن الباقي كله من ارقام ودوال كله انجليزي sin - cosin - tan ومشتقاتهم F(x)=x^2+x وكده يعني عين شمس بيبقى كله دراسة من اولها لآخرها انجليزي عندنا في اسيوط الاسقاط والرسم الهندسي عربي مش انجليزي الانجليزي عندنا هي اللغة (الانجليزي طبعاً) والحاسب ehabpophoba 24-07-2009, 09:13 PM طيب انا كنت فى مدرسه عربى عاديه وقدمت على هندسه عين شمس وخايف من حكايه الدراسه بالانجليزى من اول سنه ديه مع العلم انى حلو فى الانجليزى بس مش اوى يعنى متوسط ولا جيد جدا ولا ضعيف جداا شكرا لاحلى منتدى واحلى اعضاء KeMoZzAzZ 25-07-2009, 08:12 AM لا احنا عندنا فى عين شمس بالانجليزى بس طبعا الشرح بالعربى (مش كله يعنى :d) كتابه على السبوره مثلا بالانجليزى بس بيتكلم ربع كلامه بالعربى يعنى زى مثلا بيقول السلام عليكم لا بجد ناس اصيله :d BaNZeR 25-07-2009, 03:57 PM لا احنا عندنا فى عين شمس بالانجليزى بس طبعا الشرح بالعربى (مش كله يعنى :d) كتابه على السبوره مثلا بالانجليزى بس بيتكلم ربع كلامه بالعربى يعنى زى مثلا بيقول السلام عليكم لا بجد ناس اصيله :d ههههههههههههههههه واكيد حد عنده اسئلة يا جماعة (وكله ساكت لأنه مش فاهم حاجة) طيب كويس كلكو فاهمين سلام عليكم KeMoZzAzZ 25-07-2009, 05:17 PM ههههههههههههههههه واكيد حد عنده اسئلة يا جماعة (وكله ساكت لأنه مش فاهم حاجة) طيب كويس كلكو فاهمين سلام عليكم ايه ده انت معانا فى نفس الكلية ولا ايه !!! :d بس بصراحه عشان ماحدش يفهم غلط بس من الناس اللى ناويه تخش الناس مش بتعمل كده ياجدعان هما اساسا مش بيسألوا فاهمين ولا لأ بيسبوكوا بحسرتكوا :av4056bb7jp3: (يلا بما ان التنسيق خلص خلاص ومفيهاش راجعه :049gc0:) BaNZeR 25-07-2009, 05:46 PM ايه ده انت معانا فى نفس الكلية ولا ايه !!! :d بس بصراحه عشان ماحدش يفهم غلط بس من الناس اللى ناويه تخش الناس مش بتعمل كده ياجدعان هما اساسا مش بيسألوا فاهمين ولا لأ بيسبوكوا بحسرتكوا :av4056bb7jp3: (يلا بما ان التنسيق خلص خلاص ومفيهاش راجعه :049gc0:) مهو اللى عندكو عندهم خبرة بقى كده كده هما مش فاهمين نسألهم مش فاهمين على ايه لازم نحسرهم اكتر :d BaNZeR 25-07-2009, 06:00 PM الرياضة مفهاش عربي هي تعتبر انجليزي ومش حينفع تاخدها غير كده العربي بيبقى مثلآً حل السؤال الآتي اوجد مجموعة حل كذه أ ، ب ، ج ، د (وساعات بتتكتب لاتيني اصلاً) لكن الباقي كله من ارقام ودوال كله انجليزي sin - cosin - tan ومشتقاتهم f(x)=x^2+x وكده يعني عين شمس بيبقى كله دراسة من اولها لآخرها انجليزي عندنا في اسيوط الاسقاط والرسم الهندسي عربي مش انجليزي الانجليزي عندنا هي اللغة (الانجليزي طبعاً) والحاسب نسيت اقولكم والكيمياء كمان انجليزي ماعدا جزء صغير خاص بالبترول ده بس بالعربي didi plus 27-08-2011, 09:29 PM معلش بس لو كنت غى مدرسة لغات ..اعمل اية علشان افهم math بالعربي؟؟ يعنى ازاي اقدر اجمع المصطلحات بالعربي؟؟ adel hasan 27-08-2011, 10:32 PM طب إيه الوضع فى هندسة بورسعيد؟ عربى ولا إنجليزى؟ وهل فى هندسة فى الجامعات المصرية بتدرس بالإنجلش بس؟ issac-newton 27-08-2011, 11:45 PM هندسة بورسعيد عربي , , , , بس القاهرة يا شباب و الرموز و الهري دا انجليزي بس الشرح عربي , , , |