مشاهدة النسخة كاملة : اعمل تظلم و لا ايه ؟؟؟؟؟ 16 درجه ف علم النفس؟؟؟ صدق او لا تصدق ...
زوووم ان 24-07-2009, 01:01 AM يا جماعه انا ناقص 16 درجه ف علم النفس مع اني كويس ف الدراسه و جايب ف تانيه ثانوي 93
السنه دي سمعت درجه علم النفس اتصدمت و الله .... انا طالع م الامتحان و لحد دلوقتي متاكد اني خمسين مش 49
ما بالك درجتي هي 34 و ف ايه ؟؟؟؟ ف علم النفس ؟؟؟؟؟ طب ازاااااي
بفكر اعمل تظلم بس هدفع فلوس ع الفاضي مع العلم ان بسببه جبت المجموع الكلي للسنتين 88
انا كنت ضامن هندسه او تطبيقيه ع الاقل لكن كده طارو الاتنين
فهل اعمل تظلم يمكن اطول كام درجه الحق فنون تطبيقيه ؟؟؟
احمد_ البرنس 24-07-2009, 01:07 AM انا برضك ليا واحد صاحبى المفروض يقفل علم النفس
بس جاب 46
رغم انه جايب فى الفيزياء 48
والرياضيات (2) 47
بس 34 قليله اوى
ولو انت متاكد من اجاباتك اعمل تظلم
زوووم ان 24-07-2009, 01:08 AM انا علمي رياضه و جايب ف الانجليزي ف تانيه 22 و نص و تالته 24 و المستوي انجليزي بردو 8و نص هل هلحق تجارة انجليزي ؟؟
**اية 24-07-2009, 01:10 AM انا من رأي ولا تعمل تظلم ولا حاجة
وعلي فكرة نفس اللي بتقوله حصلي في السنتين والناس كلها نصحوني معملش تصحيح عشان مش هاخد اي درجة
والمهم اللي بيراجع الورق ولا بياخد ولا حق ولا باطل
ربنا ينتقم من دول مدرسين مبيرعوش ضميرهم
JusT l0sT 24-07-2009, 01:15 AM طيب ايه رأيك انى خارجه م الفيزياء بقول لو جبت 49 هيكون ظلم
وتخيل جبت كام
بلاش اقول عشان دى اللى محدش هيصدفها خالص
وعموما انا اعرف ناس والله ممتازين جدا وفى علم انفس نزلوا برضو
وعشان كدا انصحك بلاش اعاده تصحيح لان كله كدا
ولانك مش هتاخد حاجه
لو اخدت كتيرهم درجتين مش هيعملولك حاجه
canary 24-07-2009, 01:25 AM انا شايفه انك تعمل تظلم
عشا الى انتا نقصتوا كتييييييييير
وانتا متاكد من اجاباتك
واحيانا الى بيصححوا بيكونوا نايمين
لما بتعمل تظلم مش بيعيدوا تصحيح الورقه
بيعيدوا رصد الدرجات
اذا كان سؤال متصححش بيتصحح وبتاخد درجته واذا كان في غلط في الجمع بيتصحح
واذا كنت فعلا مظلوم هترجعلك فلوسك
انا بقول تعمل تظلم
دا الى هيضيع عليك هندسه
يعنى اجمد كليه
marwa.m 24-07-2009, 01:26 AM انا واحدة صحبتى كانت جايبة 96 السنة الى فاتت ونزلت 13 درجة راحت عملت تظلم
فى علم النفس
مخدتش حاجة رغم انها حلة صح وكان معاها نموذج الاجابة
وحلها زية
Łosт Mεмoяч 24-07-2009, 01:30 AM انا سنه ال فاتت كونت متاكده كده فى الفرنساوى
وجبت41من50
وعملت اعاده تصحيح والله كونت حعيط وانا بشوف نموذج الاجابه
نفس الاجابه بس حرف غلط لقيتها كلها غلط وكتبت الورقه كلها
وفضلت مستنيه لقيت واحد بيتصل يقولى انتى...........درجتك زى ماهى وقفل السكه فى وشى
ومش انا بس ناس كتير اعرفهم كده
بس فى نفس الوقت فى ناس بتاخد درجات بس مش اكتر من درجتين
اصل بالعقل حتاخد 16 درجه ويبينوا ان المدرس ال علملك ده سورى مش بيفهم
ياسمينايا 24-07-2009, 01:37 AM حسبي الله ونعم الوكيل فيهم..
Sharp 24-07-2009, 01:42 AM ربنا يعوضك خير ...وخلي في بالك ان الدنيا مسرحية كبيرة ولا نستطيع ان نحكم عليها من فصل واحد:)
بوبوسا 24-07-2009, 02:19 AM قدر الله وما شاء فعل الراي الاول والاخير في التظلم لحضرتك من حقك تزعل وتضايق وانا كمان حصلي كده في علم النفس كنت متوقعه ان اقل درجه علشان كان عندي غلطه في نقطه صغيره جدا بس للاسف نقصت اكتر وهنا قرات موضوع اخترت منه بعض النقط
و ايه اللي يضمنك ياللي كان نفسك في هندسة و مدخلتهاش انك تبني مبني و يتهد علي الناس اللي فيه؟؟؟
سبحان الله العظيم ... يبعد عنك كل الشرور .. فيمكن تكون الحاجات دي مكتوبالك لكن ربنا حفظك منها !!! و دخلك مجال تاني.
يمكن المجال التاني اللي تدخله تبقي ناجح فيه .. بل من انجح الناس!! يمكن تبقي الاول علي كليتك ... يمكن حد يعينك علي فعل خير ربنا يكرمك بيه طول حياتك ... يمكن يتشال عنك بلاء كان جايلك..
الهدف في النهاية ... ان احنا نرضي بحكم ربنا لأنه أعلم بشئون عباده و ان ربنا اي حاجة بيبعتهالك اكيد خير ليك سواء انت شايفها كويسة او لأ ... فدايما نقول الحمد لله
hazem_ayman 24-07-2009, 02:39 AM انا من راى تعمل تظلم
ممكن يكون جمعوا الدرجات غلط او سؤال مش متصحح
بس لو انت متأكد انك حليت كويس والمفروض انك تجيب اعلى من كدا
mood17 24-07-2009, 02:47 AM عشان اقولك من الاخر بجد
انت هتاخد درجات في حالتين :
1- لوفي خطا في جمع الدرجات .
2- لو في سؤال مش متصحح ومفهوش خط احمر .
وانا عملت تظلم السنة الي فاتت ولقيت فقرة عليها درجة مش متصححة خالص واخدت درجتها فعلا.
اما بالنسبة لاخطاء التصحيح يعني لو انت كاتب الاجابة زي النموذج وخدت درجة قليلة اعتقد انك مش هتاخد حاجة لان في ناس كتيرة جربوها
ونصيحة مني : صلي استخارة اولا وبعدين قرر لان انا بجد عملت كده وحسيت اني مظلوم وفعلا اخدت درجة الحمدلله حتى لو كانت الدرجة دي قليلة بس ممكن تفرق معايا في المجموع
Totta_222 24-07-2009, 02:50 AM اعمل طبعا ......
M.E.M.s 24-07-2009, 02:59 AM توكل على الله و اعمل تظلم انت فى حاجة لدرجة
الفتى المصري الأصلي 24-07-2009, 03:09 AM لازم تعمل بجد والله لازم حرام عليك دا مستقبلك علشان تبى عملت اللى عليك
dayman_m3ak 24-07-2009, 03:18 AM لازم تعمل تظلم طبعا ... وانا ايام ماكنت فى الثانوى عملت تظلم فى العربى ورحت راجعت الورقه ولقيت بلاوى فى التصحيح , بس رصد الدرجات صحيح والاسئله كلها متصححه ومع ذلك تكرموا عليا وعطونى نص درجه:022yb4: ورجعولى ال100 جنيه .. رحت اشتريت بيها جزمه وقعدت اضرب نفسى بيها ان انا رحت صححت :excl: والله الجزمه لسه عندى لغاية دلوقتى:p بس انصحك تعمل تظلم برضه احتمال .
feeling_alone 24-07-2009, 03:24 AM ولا هتستفاد حاجة من التظلم
انا كمان كنت مقفلة الفلسفة وجبت فيها 46
وعلم النفس خارجة منه وناقصة حاجات ومش مقفلاه وجبت 50 فيه
دا عبط والله
Ma7moud_442 24-07-2009, 03:59 AM من الاخر يا جماعة اللى انتوا بتعملوه دا هو اللى الوزارة عايزاة الوزارة عايزة تخلى الناس مش تصحح عشان مش تأذى المدرسين بتوعها
لااااااااااااااااااااااااااااااااااازم تعمل اعادة تصحيح هتندم بقيت حياتك وهتحس بالظلم وانك لوحدك اللى كدا أعمل اللى عليك وشوف ورقتك وربنا يقدم اللى فيه الخير ولازم تبقى فاكر الاية دى ( ولا تدرى نفس ماذا تكسب غدا .......)
وربنا يوفقك
perfect-girl 24-07-2009, 04:39 AM اتكل على الله واعمل
انا اتظلمت فى العربى السنه الى فاتت بس كنت جايبه مجموع عالى
قولت مش ححتاج للدرجه دى
السنه دى انا محتاجه نص درجه بس
حتحس بندم لازم تروح
انت كد كده لازم ترضى بقضاء الله
بس دى ماده الطالب الفاشل بيجيب 40 او 45
يعنى حرااااااااااااااااام بجد
الى بيحصل ده
د. رغد 24-07-2009, 05:00 AM السلام عليكم
انا نصيحتي ليك انك تعمل تظلم
و حتي لو هتدفع فلوس هتكون في سبيل تدخل كلية انت عايزها
مش مهم الفلوس
ربنا يوفقك
koper_9992010 24-07-2009, 05:53 AM لا لا لا لا لا .... الأمر ميتسكتش عليه
متسمعش كلام حد ومتشيبش حقك .. حتى لو وصل الأمر انك ترفع قضية ... (الساكت عن الحق شيطان أخرس)
طير عالتظلم يا مان وميهمكش أي حاجه ... ده مستقبلك مش اي حاجه ..... ولا أيه ؟؟
زوووم ان 24-07-2009, 06:30 AM شكرا ليكو ...... ربنا يقدم ما فيه الخير بس مقلتوليش هلحق تجارة انجليزي و لا لا
انا علمي رياضه و جايب ف الانجليزي ف تانيه 22 و نص و تالته 24 و المستوي انجليزي بردو 8و نص هل هلحق تجارة انجليزي ؟؟
emanhelal 24-07-2009, 06:40 AM لازم تصور ورقك علشان القضية
زوووم ان 24-07-2009, 06:44 AM قضيه ؟؟؟؟؟؟؟؟
النمس 2009 24-07-2009, 06:45 AM اولا ده مش معقوول خالص
لأنك لو ألفت فيها والله ماهتقل عن 40 خالص
ومن رأى تتوكل على الله وتروح تشوف يمكن غلط في الحساب او عدم تصحيح سؤال كامل
وعلى فكرة انا طالع عندي غلطة وجبت 50 والحمد لله ....
وف الأخر قول الحمد لله على كل شىء
رايي انك تعمل تظلم عشان متندمش
ومتعدش تقول ياريتني كنت عملت تظلم
خاصة انك محتاج الدرجات ديه
لكن متحتش امل كبير انك حتاخد درجات
لان قليل جدا جدا اللي بيخدوا حقهم
ولو ربنا كتبلك انك تاخد درجات حتخدها
وبعدين انا اتظلمت في العربي السنة اللي فاتت
وعملت تظلم وما اختش حقي وله نصف درجة حتى
لكن اعرف واحدة زميلتي السنة اللي فاتت كانت جايبة 88%
وعملت تظلم في كل المواد واخدت درجات فيها كلها وبقت جايبة 94%
يعنى اعمل تظلم وانت ونصيبك
طالب ثانوي عام طالع عينه 24-07-2009, 07:26 AM يا ناس في طلاب برضه ممك يستفيدوا من التظلم ومش كله بيطلع منه من غير ولا حاجة
أنا عندي واحد زميلي مجموعه ماكنش يجيب أي طب وبعد ما عمل تظلم خد 9 درجات ولحق طب أقاليم وبعدين حول
-ameer- 24-07-2009, 09:17 AM نصيحة بلاش تعمل تظلم لانك هتلاقي درجات بس مش هتعرف تجيبها وهتبقي حاسس ان حقق قدام عينيك ومش قادر تمسكة
ياريتني ما رحت اتظلمت,,,,,,,,,,,,,
mohamed ashrf 24-07-2009, 09:53 AM يا زوم ان انا مأجل فيزياء من السنة اللى فاتت والحمد لله خلصت يعنى خبرة فى ثانوى هقولك حاجة انا برضه فى مواد حسيت انى اظلمت فيها مثلا الفرنساوى جبت فيه 46.5 وكنت حاسس انى مظلوم كمان الاحياء 47 ورحت ولقيت ليا حاجات فى التصحيح
بص الصراحة مفيش حد مستواه يجيب 50 ويجيب 34 مهما اظلم ممكن يجيب مثلا 46 47 لكن 34 لا
وخد بالك انت ممكن تكون طالع فاكر ان انت مقفل الامتحان وتلاقى عندك غلطات كتير
ممكن مثلا فى علم النفس فى الصح والغلط ودى حصلت قبل كدا تعلل علاطول من غير ما تكتب صح او غلط ودا بينقص ست درجات
mohamed ashrf 24-07-2009, 09:59 AM بس اعمل وخلاص يمكن
omdalia11 24-07-2009, 10:37 AM وح اعمل تظلم عشان ماتجيش وتندم او تلوم نفسك ويبقى اخذت بالاسباب
د. رغد 24-07-2009, 11:50 AM انا نصحتك انك تعمل تظلم لأن ده مستقبلك و دي حياتك
اقول حاجة انا رحت اتظلمت السنة اللي فاتت في 2 ث في الاحياء و اخدت نص درجة لأنه خطأ فني
لكن كان في واحد متظلم في الكيمياء و اخد 8 درجات نتيجة عدم تجميع الدرجات له
فلا تتراجع و توكل علي الله
فاروق الباز 24-07-2009, 12:34 PM انا برضوا جايب في علم النفس 48وعايز اعمل تظلم لكن متردد وكل يوم احلم اني براجع ورقة الاجابة وفي اسئلة مش متصححة وقبل ماكنت اخدها كمادة ادبية صليت استخارة حلمت اني بمتحنها لكن في نهاية الحلم شفت اني في القاهرة براجع ورقة الاجابة دا انا كنت في المادة دي بريمو ولحد اللوقتي حافظها زي اسمي لكن الحمد لله على كل حال
asmaa1191 24-07-2009, 12:49 PM يا جماعه انا ناقص 16 درجه ف علم النفس مع اني كويس ف الدراسه و جايب ف تانيه ثانوي 93
السنه دي سمعت درجه علم النفس اتصدمت و الله .... انا طالع م الامتحان و لحد دلوقتي متاكد اني خمسين مش 49
ما بالك درجتي هي 34 و ف ايه ؟؟؟؟ ف علم النفس ؟؟؟؟؟ طب ازاااااي
بفكر اعمل تظلم بس هدفع فلوس ع الفاضي مع العلم ان بسببه جبت المجموع الكلي للسنتين 88
انا كنت ضامن هندسه او تطبيقيه ع الاقل لكن كده طارو الاتنين
فهل اعمل تظلم يمكن اطول كام درجه الحق فنون تطبيقيه ؟؟؟
لازم تعمل تظلم وتعمل اللي عليك علشان متقولشى ياريت ولو جالك درجات يبقي الحمد لله ولو مجاش برضو الحمد لله
the black rose 24-07-2009, 01:00 PM يا جماعه انا ناقص 16 درجه ف علم النفس مع اني كويس ف الدراسه و جايب ف تانيه ثانوي 93
السنه دي سمعت درجه علم النفس اتصدمت و الله .... انا طالع م الامتحان و لحد دلوقتي متاكد اني خمسين مش 49
ما بالك درجتي هي 34 و ف ايه ؟؟؟؟ ف علم النفس ؟؟؟؟؟ طب ازاااااي
بفكر اعمل تظلم بس هدفع فلوس ع الفاضي مع العلم ان بسببه جبت المجموع الكلي للسنتين 88
انا كنت ضامن هندسه او تطبيقيه ع الاقل لكن كده طارو الاتنين
فهل اعمل تظلم يمكن اطول كام درجه الحق فنون تطبيقيه ؟؟؟
اعمل تظلم
هو اكيد مش هتاخد كل اللى ليك
بس احتمال تلحق حاجة
pureheart 24-07-2009, 01:00 PM بص انا شايفة انك لازم تعمل تظلم يمكن يكون في سوال مش مضافة درجاته
و هو تكون عملت اللى عليك بدل متحس بعد كدة انك غلط عشان معملتش التظلم
Shad0wMan 26-07-2009, 01:58 PM تعرف أنا مثلك بالضبط بس أنا جايب 35 ، و الغريبة اني راجعت مع مدرسين علم نفس ، هما يسألوني و أنا أجااوب ،و حسبوهالي لقيتها 49
تقدروا تقولوا لي ازاي ؟؟؟؟؟؟؟؟؟؟!!!!!!!!!!!!
هو ده أساس التعليم في مصر
المهم ما حدش عنده فكره يعمل تظبم ازاي ؟
دي حاجه مهمة جدا ، و أنا ما اعرفهاش لأني سافرت رغماً عني و تأخرت في الرجوع ، و مش عارف ممكن ألحق و لا لأ
يا رب تقولوا لي
Shad0wMan 26-07-2009, 02:01 PM ..........تظلم*
سيدرا 26-07-2009, 03:07 PM صلى صلاة استخارة
وبعدين قرر
انا جايبة 46.5 فى علم النفس رحت عملت تظلم بس شكلى مش هاخد حاجة بلاش تضيع على نفسك 100 جنية مع انى جايبة 50 فى الفيزيا و50فى الكيمياءو48.5فى الاحياء بس اللى ضيعنى العربى وعلم النفس ناقصة 5.5 فلى العربى
dr/amera 26-07-2009, 05:43 PM أنا بقوووووووول اولا صلى استخاره وفكر............
ورأيى اعمل تظلم ولو مخدتش حاجه ارفع قضيه عالوزاره وربنااااااااااااا معاااااااااك
|