حاسبات ومعلومات افضل ام هندسة حاسبات ام علوم حاسب [الأرشيف]

مشاهدة النسخة كاملة : حاسبات ومعلومات افضل ام هندسة حاسبات ام علوم حاسب

prof.ahmed4d

19-07-2009, 09:10 AM

السلام عليكم ورحمة الله وبركاته

من زمان خالص وانا في اولى ثانوى كدة :d وانا عاوز اعرف ايه احسن كلية في دول من حيث الدراسة والشغل برده :p

ويا ريت اعرف مواد كل حاجة فيها وكدة يعنى

عاوز لك يعنى من الاخر :d في الموضوع ده

منتظر الرد باذن الله

في رعاية الله جميعا

BaNZeR

19-07-2009, 12:26 PM

مبدأياً لو بتتكلم عن الشغل يبقى تستثني علوم حاسب

لأنك مش حتقارنها ببكالوريوس هندسة

من ناحية حاسبات ومعلومات فهي دراستها صعبة وبتدرس فيها لغات برمجة كتير
وبتركز عموماً عالسوف وير والبرمجة وكده

لكن هندسة قسم حاسبات معرفش حاجة عن موادها ولا شكلها
بس اعرف إنك بتركز فيها عالهاردوير اكتر بس بتاخد برده لغات برمجة وكده

واعتقد في الحالة ده إنك تحتار حاسبات ومعلومات لو انت هاوي البرمجة والحاجات ده

Eng.Sherief

19-07-2009, 01:34 PM

نفس اللى كنت هقوله بالظبط بالظبط بالظبط
بس انا كنت هضيف حته صغيره
ان اللى قالى مدير حاجه تكنولوجيا ومعلومات ف شركتين عربيات كبار اوى
هوا اساسا اللى بيعمل انترفيو للناس اللى جيا
وقالى بالظبط كده

وعلى فكره:: قالى ان ابنه دخل هندسه
:d :d

masternew

21-07-2009, 02:04 PM

مع انى قديت سنة اعدادى فى هندسة المنصورة و ناوى على قسم حاسبات فيها
إلا انى مش عارف ايه علومالحاسب دى ؟؟؟؟؟

و سؤالك الى فى عنوان الموضوع لحد دلوقتى و بعد سنة من البحث المستر ملقتلوش اجااااااابة خااالص

توكل على الله وخش تجارة احسن لك .....هههههههههههه

الاسطورة

21-07-2009, 02:08 PM

انا كمان اعتقد ان الانسب ليك هى حاسبات ومعلومات
وبرضو هندسة حاسبات روعة ما شاء الله
الهندسة والحاسبات دلوقتى هما الكليتين الاوائل ع الساحة من حيث الشغل

wafa2y

21-07-2009, 04:53 PM

أولا السلام عليكم
ثانيا كنت عايز أوضح حاجة كده في الأول
مجال حاسبات عموما ملهوش مستقبل
ولا علوم ولا حاسبات و لا هندسة
أنا لو تجارة و خدت كورس تحكم و أثبت كفائتي و معايا خبرة أي شركة هتاخدني أحسن من أي مهندس
نرجع لكلية حاسبات
أنا معرفش هما إيه أكتر حاجة بيدرسوها هارد ولا سوفت بس اللي أعرفو إن هندسة مبتهتمش بالهارد وير
كله سوفت وير
و كله سوفت وير أنالوج
مافيش و لا كلية بتدرس ديجيتال
يعني بره إنت صفر علي الشمال و جوه كله بينفسك
و علوم ملهاش أي مستقبل
بالنسبة لحاسبات عموما أي واحد ممكن يدخل مجالها
و مش معني إنك حلو في الكمبيوتر و بتحبه إنك هتطلع الأول
أنا ليا زمايلي و منهم أخويا خريج إتصالات و زمايله حاسبات
أعدين في البيت مبيشتغلوش
يعني متفكرش لا في حاسبات ولا علوم ولما تدخل هندسة إن شاء الله
إياك من إتصالات ولا حاسبات
هتستريح في الكلية أه
و هتريح أكتر في بيتكم بعد ما تتخرج
و أنا إن شاء الله مسئول عن كل كلمة قولتها
و بقول لmasternew
و هو دفعتي و معايا في نفس الكلية
صدقني حاسبات مستقبلها مش حلو والدكاترة من أيام الأربعينات و مش عارفين حاجة
شوف قسم تاني أحسنلك و ربنا يوفقك
وفي الأول و في الأخر المستقبل بأيد ربنا
والأرزاق بأيد الله

الاسطورة

21-07-2009, 05:31 PM

ههههههههههه تبقى مش عايش ف الدنيا يا sai
اول واحد ف حياتى اشوفه بيقول ان المستقبل مش للكمبيوتر والتكنولوجيا
ههههههههههههههههه

أحمد بلما

21-07-2009, 06:09 PM

شوف حضرتك
علي حسب اللي انت بتحبه
حاسبات ومعلومات بتركز اكتر علي السوفت وير والبرمجة والذي منه
انما هندسة الحاسبات تركيزها الاكبر علي الهارد وير وتصميم وتنفيذ المكونات المادية للحاسب
والاتنين مطلوبين علي فكره
يعني حاسبات ومعلومات ليها سوق واضح
انما قسم هندسة الحاسبات هو اللي مظلوم تحت ادعاء ان مافيش تصنيح للحواسب في مصر
بس الحقيقية ان مجال مهندس الحاسبات واسع جدا ويقدر يشتغل في الالكترونيات ﻷنه بيدرسها
كما ان عددهم مسخوط جدا
يعني عندنا في القاهرة حوالي تمانين طالب بالكتير قوي
ومعظم دراستهم عملي ومشاريع وريبورتات
دا غير الامكانيات المتاحة ليهم
مش معقول تمانين طالب مش هيﻻقوا شغل

أحمد بلما

21-07-2009, 06:12 PM

بالنسبة لمواد هندسة الحاسبات
فهي معظمها بيركز علي عملية التصميم والتصنيع لمكونات الحاسب
وده هدف الهندسة النهائي
التصنيع
بيدرسوا مثﻻ هياكل البيانات والخوارزمات و تصميم منطقي والكترونيات ورياضة خفيفة كده معظمها في الاحتماﻻت وفيزياء برضه علي خفيف ودوائر
والله اعلم

masternew

21-07-2009, 09:58 PM

أولا السلام عليكم

ثانيا كنت عايز أوضح حاجة كده في الأول
مجال حاسبات عموما ملهوش مستقبل
ولا علوم ولا حاسبات و لا هندسة
أنا لو تجارة و خدت كورس تحكم و أثبت كفائتي و معايا خبرة أي شركة هتاخدني أحسن من أي مهندس

هو فيه ايه يا وفائى انهارده !!!!!!
انا ملاحظ انك مش نايم كويس او فيه حاجه غريبة مخلياك تقول النهارده تخاريف فى تخاريف :p:p

ايه يابنى ده !!!!

ازاى تساوى الابيض بالاسود وازاى تساوى الليل بالنهار وازاى تساوى المهندس بالفنى او ببتاع تجارة .... يعنى انت مثلا لو واحد دخل هندسة و واحد تانى تجارة ...الاول قعد اربع سنين ياخد كورسات فى الكمبيوتر(الى هى المواد الى بيدرسها فى الجامعة) و التانى بتاع تجارة قعد يدرس حاجات تانيه طول الاربع سنين .....بعد التخرج هيكون بتاع تجارة لسه بيدور من الصفر على كورسات عشان يدخلها وينمى معرفته فيها ويثبت نفسه ذى منتا بتقول .

المهم نكمل .....لو بتاع تجارة ده قعد ياخد كورسات بعد ما يتخرج سنتين و برده بتاع هندسة قعد ياخد كورسات سنتين بعد التخرج عما يلاقى شغل ....النتيجه ايه ؟؟؟؟
ان المهندس بقاله ست سنين شغال فى المجال ده و واخد كورسات على مدى الست سنين جزه الجمعه فترة دراسته وبره الجامعة بعد ما اتخرج ....ولاكن زميله فى تجارة الى اخد كورسات هيبقى كل الى اخده سنتين

الى عاوز اوصله ان كده كده هيفضل فى فرق بين المهندس واى واحد تانى واخد كورسات عندما يتقدم لأى شركة والفرق ده هيكون فرق الاربع سنين بتوع الكلية لانهم اربع سنين معتمدين من دراسة على اعلى مستوى فى جامعة مرتبة عالميا ...مش فى مركز كورسات تحت السلم

أنا معرفش هما إيه أكتر حاجة بيدرسوها هارد ولا سوفت بس اللي أعرفو إن هندسة مبتهتمش بالهارد وير
كله سوفت وير
و كله سوفت وير أنالوج
مافيش و لا كلية بتدرس ديجيتال
يعني بره إنت صفر علي الشمال و جوه كله بينفسك

يا محمود بجد كلامك مستفز لانك شكلك متعرف اى حاجه عن النظام الجديد
[/URL]
اولا هندسة القاهرة طول الاربع سنين فى قسم حاسبات مبيدرسوش غير لغة برمجه واحد وهى c++ و الباقى كله هاردوير ....مش بتقولى كله سوفتوير بالعكس دول ميعرفوش اى حاجه فى البرمجه !!!
[URL]http://mudb.mans.edu.eg/sas/visitor/course/ (http://mudb.mans.edu.eg/sas/visitor/course/)
و فى المنصورة طبقا للايحة 2005 ...النظام اتعدل يا استاذ و الانلوج الى كان بيدرسه اخوك اترمى فى الزبالة و كله بقى ديجيتال (فلو سمحت متكلمش الناس الى لسه بتحدد مستقبلها و تقول كلام انت مش واثق منه حرام عليك )..............ثم كمان ده فى مادة عندهم فى حاسبات واتصالات اسمها ديجيتال يالى بتقولى مفيش ولا كلية بتدرس ديجيتال ......معلوماتك قديمة اوى قبل ما يعدلوا النظام فى 2005

ومين ده الى بينافسنى يا باشا ؟؟؟؟؟ على الاقل الفرق بينى وبين اى حد تانى اربع سنين دراسة فى كلية الهندسة ......فايوه فى منافسه بس انا سابق بأربع سنين (ده معناه انك لما تتخرج لازم تنمى نفسك عشان محدش يسبقق و تفضل محافظ على فرق الاربع سنين دول )

أنا ليا زمايلي و منهم أخويا خريج إتصالات و زمايله حاسبات
أعدين في البيت مبيشتغلوش

معلش يا وفائى مهو مش كل من دخل هندسة بقى مهندس و مش كل من ركب حصان بقى فارس

اولا اخوك كان نظام قديم قبل ما يدخلوا الديجيتال .......يعنى هو مطالب ان ينمى نفسه فى المجال ده عشان يواكب التطور ........

ولما تدخل هندسة إن شاء الله
إياك من إتصالات ولا حاسبات
هتستريح في الكلية أه
و هتريح أكتر في بيتكم بعد ما تتخرج
و أنا إن شاء الله مسئول عن كل كلمة قولتها
و بقول لmasternew
و هو دفعتي و معايا في نفس الكلية
صدقني حاسبات مستقبلها مش حلو والدكاترة من أيام الأربعينات و مش عارفين حاجة
شوف قسم تاني أحسنلك و ربنا يوفقك
وفي الأول و في الأخر المستقبل بأيد ربنا
والأرزاق بأيد الله

طبعا فى دكاترة من زمان بس برده فى دكاترة جداد و هم دول الى عدلوا المناهج وحطوا نظام 2005
والى بقول ان المجالين دول ملهمش مستقبل يبقى مش مستعد انه يتعب
لانهم بجد اصعب قسمين فى الكلية لانهم محتاجين شغل كتير بره و جوه الكلية لان المجال ده ديما بيطور و ديما فى جديد .....ده حتى دكتور من اتصالات بيقولنا مرة لنه مبيعديش عليه 3 شهور من غير ما ياخد دورة او كورس فى مجال معين عشان يطور معرفته لان دول اصعب مجالين مش هتعرف كلمتين وخلاص عن الصبه والخرسانة والحديد هم هما هما الى كان بيدرسهم الفراعنة لما عملوا الاهرامات

دول اصعب اقسام بس برده الى بينجح فيهم يبقى عدى خلاص و ابواب السما اتفتحت له ...لانه ممكن يشتغل فى اماكن متتخيللهاش

BaNZeR

22-07-2009, 02:30 AM

أولا السلام عليكم

وعليكم السلام
واحب ارحب بيك وبروجعك تاني لقسم هندسة

ثانيا كنت عايز أوضح حاجة كده في الأول
مجال حاسبات عموما ملهوش مستقبل
نعم يا حبيبي :d
ولا علوم ولا حاسبات و لا هندسة
بقولك ايه خلي الكلام ده لحد بعد مادخل اتصالات

أنا لو تجارة و خدت كورس تحكم و أثبت كفائتي و معايا خبرة أي شركة هتاخدني أحسن من أي مهندس
صحيح حتبقى كفائة بس مش بكفائة المتخصص برده

نرجع لكلية حاسبات
أنا معرفش هما إيه أكتر حاجة بيدرسوها هارد ولا سوفت بس اللي أعرفو إن هندسة مبتهتمش بالهارد وير
انت كل اللى قلتو عكس كل اللى سمعتو من كل الناس

كله سوفت وير
و كله سوفت وير أنالوج
مافيش و لا كلية بتدرس ديجيتال
انت من دفعة كام :d

يعني بره إنت صفر علي الشمال و جوه كله بينفسك
و علوم ملهاش أي مستقبل
بالنسبة لحاسبات عموما أي واحد ممكن يدخل مجالها
و مش معني إنك حلو في الكمبيوتر و بتحبه إنك هتطلع الأول
مظبوط بس اللى بيحب الكمبيوتر حيعرف يتعامل معاه احسن من اللى داخل الكلية غصب ومش بيحب الكمبيوتر
والاول ده حلم كام واحد بس من الدفعة واحنا مش عازينه

أنا ليا زمايلي و منهم أخويا خريج إتصالات و زمايله حاسبات
أعدين في البيت مبيشتغلوش
خلاص وطب ملهاش مستقبل لأنه خريجيها في البيت
وهندسة وحاسبات وعلوم وتجارة وزراعة وحقوق
كل دول فيهم قاعدين في البيت
يبقى نقعد في البيت بشهادة ثانوي اسهلنا

حضرتك متأثر جداً بموقف أخوك
لكن اسمحلي
حاسبات مستقبلها واسع
خصوصاً في الشركات
وكذلك كهربا اتصالات
انت بتتكلم عن سلاح التكنولوجيا والمستقبل
وتقول إنه ملوش مجال ؟؟؟؟؟؟؟؟؟

يعني متفكرش لا في حاسبات ولا علوم ولما تدخل هندسة إن شاء الله
إياك من إتصالات ولا حاسبات
هتستريح في الكلية أه
و هتريح أكتر في بيتكم بعد ما تتخرج
والله كل الوظايف فيها اللى بيريح
والشغل في اتصالات مش قليل

و أنا إن شاء الله مسئول عن كل كلمة قولتها
و بقول لmasternew
و هو دفعتي و معايا في نفس الكلية
صدقني حاسبات مستقبلها مش حلو والدكاترة من أيام الأربعينات و مش عارفين حاجة
ممكن تكون بتتكلم عن كليتك
في كليات تاني نضيفة ...ومدرسينها فاهمين
هو صحيح مفيش اغتت منهم بس بيفهمو

شوف قسم تاني أحسنلك و ربنا يوفقك
وفي الأول و في الأخر المستقبل بأيد ربنا
والأرزاق بأيد الله

بجد انت توهتني اكتر منا تايه

ومتتحملش مسؤولية حاجة شفتها في مكان ومشفتهاش في بقية الاماكن
ومتحمش على حاجة كبير بحاجة صغيرة جواها

والراجل بيسأل عن احسن التلاتة طلعتلو التلاتة انيل من بعض
وجزاكم الله خيراً ووفقكم الله ولا اراكم الله مكروهاً في عزيز لديك ومبروك رجوع المنتدى وعقبال التفوق في الكلية إن شاء الله :d

wafa2y

22-07-2009, 04:06 AM

wafa2y

22-07-2009, 04:58 AM

حضرتك متأثر جداً بموقف أخوك
لكن اسمحلي
حاسبات مستقبلها واسع
خصوصاً في الشركات
وكذلك كهربا اتصالات
انت بتتكلم عن سلاح التكنولوجيا والمستقبل
وتقول إنه ملوش مجال ؟؟؟؟؟؟؟؟؟

هههههههه
هو حد قالك إن أخويا عاطل
أخويا في الجيش
و هو كان تقديره جيد جدا
وكان في وسطه يشتغل في بترول
بس ركز في الحتة دي وسطه
نرجع لموضوعنا
إنت يا محمد يا حبيب قلبي بتقول
مين ده الى بينافسنى يا باشا ؟؟؟؟؟ على الاقل الفرق بينى وبين اى حد تانى اربع سنين دراسة فى كلية الهندسة ......فايوه فى منافسه بس انا سابق بأربع سنين (ده معناه انك لما تتخرج لازم تنمى نفسك عشان محدش يسبقق و تفضل محافظ على فرق الاربع سنين دول )
إيه رأيك في بتوع حاسبات مش هما اولي؟؟؟
مش هقول أولي
مش هما علي الأقل هينافسوك؟؟؟
ركز معايا مبدأي بتاع الشغل جايبوا منين
إحسب في كام محافظة فيها قسم حاسبات في كلية هندسة
و في كام محافظة فيها قسم إتصالات
و كام محافظة فيها حاسبات
و كام محافظة فيها علوم حاسب
شوف بقي كام طالب هيتخرج
بالله عليك إحسبها مجال الكمبيوتر فيه إتساع لكل ده؟؟؟؟
نيجي للتخصصات التانية
مدني :
هينافسك مهندس مدني و مش هيبقي في منافسة
لأن أي مشروع بيبقي فيه 4 مهندسين مدني و إستشاري
و غير إن الناس مش هتبطل تبني
البناء ده زي الأكل والشرب
حاجة لا غني عنها
ميكانيكا:
مافيش حد ينافسك إلا مهندس ميكانيكا و تقدر تثبت جدارتك وسط حبة قليلين و غير كده جواها أكتر من 6 أقسام
تبريد و تكييف
و
ماكينات وألات
و
بريمات حفر
إلخ....
يعني المنافسة بتقل أكتر وأكتر
عمارة:
مينافسكش غير مهندس معماري
و معروف إن دفعة عمارة ما بتزدش عن 80 واحد وبيتصفصفوا
كهرباء:
مافيش حد هينافسك
ده إيه الكلام ده لو إفترضنا إن
مش هينافسك غلا متخصصين
و المجال مش هياخد كل دول
أنا والله بقولك كلام خارج من دكاترة
وطلبة يتمنوا إنهم ما دخلوش القسم
و علي فكرة انا دماغي كانت أنشف منكم
ممكن تسأل نادر يا محمد
أنا كنت مجننهم بإتصالات
أصحاب أخويا أعدوا معايا أعدوا معايا مرة
قالولي إحنا كنا زيك و كانت الدنيا وردي وبنحلم و بتاع
وكان إصحابهم مش لحقين إتصالات لما كانت أعلي قسم
و عملوا البدع عشان يدخلوا ميعرفوش
و دخلو مدني
و بعد 4 سنين يقابلوا يقولوا بشتغل بستارت 3 ألاف و مش عاجبني
وده يقولوا مش لاقي شغل
ولو حد فيهم إشتغل فاشتغل في مجال كهربا مش إتصالات
عشان خريج إتصالات بيتكتبلوا في الكارنيه كهربا
أنا معاكم علي أي كلام لغاية ما نعرف هنوصل لإيه
:078111rg3::078111rg3::078111rg3:

wafa2y

22-07-2009, 05:00 AM

masternew

22-07-2009, 12:49 PM

و إنت يلا يا أحمد مالك بالموضوع

:stickjo4::stickjo4::stickjo4:
مش لسه سنة تشد فيها حيلك و تبقي تقرر
علي فكرة لو مدخلتش هندسة إنت عارف إيه اللي هيحصلك
:giljotiiniug3:
و غير كده و كده تدخلني في حوار مع البنا
يابني د ما بيسكوتش
:p:p:p:p

والله يا محمود انت حبيب قلبى ومش قصدى اى حاجه إلا الخير للجميع

كلامك ان فيه ناس كتير هتنافسنى ده صح ميه فى الميه

بس ده معناه زى منا قولت ان الاقسام دى صعبة جدا جدا جدا لانها عاوزا واحد فاهم بجد وواحد يثبت نفسه

و اى شركة محترمة لما كذا واحد يتقدم واحد من هندسة وواحد كلية حاسبات و واحد من علوم والتانى من معهد (اكيد هيختاروا المهندس لو تساوى فى كل حاجه)

ولذلك متقوليش ده قسم هيريحك اوى وهييريحك فى البيت بعد ما تتخرج
هو فعلا صعب لان البقاء للاقوى و لان كل يوم فى جديد و لان فى ناس كتير عاوزه تشتغل فيه

بس لو انت واثق من نفسك انك هتعرف تتميز فيه يبقى خلاص ادخله
و انا على فكرة اعرف واحد من حاسبات اول ما اتخرج اشتغل ب 15 الف جنيه فى الشهر

wafa2y

22-07-2009, 03:42 PM

والله يا محمود انت حبيب قلبى ومش قصدى اى حاجه إلا الخير للجميع

كلامك ان فيه ناس كتير هتنافسنى ده صح ميه فى الميه

بس ده معناه زى منا قولت ان الاقسام دى صعبة جدا جدا جدا لانها عاوزا واحد فاهم بجد وواحد يثبت نفسه

و اى شركة محترمة لما كذا واحد يتقدم واحد من هندسة وواحد كلية حاسبات و واحد من علوم والتانى من معهد (اكيد هيختاروا المهندس لو تساوى فى كل حاجه)

ولذلك متقوليش ده قسم هيريحك اوى وهييريحك فى البيت بعد ما تتخرج
هو فعلا صعب لان البقاء للاقوى و لان كل يوم فى جديد و لان فى ناس كتير عاوزه تشتغل فيه

بس لو انت واثق من نفسك انك هتعرف تتميز فيه يبقى خلاص ادخله
و انا على فكرة اعرف واحد من حاسبات اول ما اتخرج اشتغل ب 15 الف جنيه فى الشهر

طب ما تصاحبني عليه يا بنا
:d:d:d
يابني ما أنا قلتلك هي مسألة أرزاق
طب هقولك حاجة عارف كلية علوم اللي ما فيش حد فيها بيشتغل؟؟
مع إنها أصعب من كليتنا
واحد قريب والدي خريج علوم بياخد
20 ألف جنيه شهريا(و أدخل السحب علي عربية)
ده ممكن ميعرفش يصرفهم يابا
:d:d:d
و بجد ربنا يخليك يا بنا وتفضل معانا في الكلية
و سلملي علي نادر كتير
ده مانزلش الإختبارات عشان ميتصلش
:d:d:d:d
وشكله هيحاول القاهرة علي فكرة
:(:(:(
أصلي أنا و ياسين داخلين غزل و نسيج
أنا أسف إني خرجت عن الموضوع بس البنا ده حبيبي
:d:d

الاسطورة

22-07-2009, 04:07 PM

Sai
بصراحة انت مش فاهم اى حاجة
وبتتكلم وخلاص
وانا مش ها ارد تانى الرجالة ما شاء الله كلها فاهمة
انت الوحيد اللى جاى من كوكب تانى

masternew

23-07-2009, 12:34 AM

بوصوا يا شباب
أنا والله داخل الكلية دي حبا في قسم إتصالات
و علي فكرة البنا masternew
طلع من أعز أصدقائي في الكلية
و لو تفتكر يا محمد لما كنا بنفطر مع بعض في السنتر وقولتلي إن أخوك واخد جايزة الدولة مش فاكر لإيه بالظبط بس كانت في الكمبيوتر
و من ساعتها قولتلك أنا كده حاسبات دخلت دماغي
ولما قولتلي عايز تحول القاهرة قولتلك ليه متخليك هنا
ليه برجع أقولك دكاترة من الأربعينات
أخوك ده في هندسة؟؟؟؟
أخوك ده مش ألف شركة تتمناه
أخوك ده مش فرصته في الشغل في المجال ده عن ألف مهندس

بص يا وفائى انا شكلى فعلا قاعد فى المنصورة بس بجد قسم حاسبات لا يعوض

وبالنسبة لأخويا هو كان اخد المركز الاول والخامس والسابع على الجمهورية فى المسابقة الكمبيوتر التعليمى فى نفس السنة .......بس طبعا ده ملوش طبعا اى دعوة فى الشغل لانه من حقوق و طبعا مفيش اى شركة تتمناه ولا حاجه .....عارفين ليه يا ناس ؟؟؟......مشكلتكم انكوا بتخلطوا مبين فروع الكمبيوتر ......بتقولوا اهو كله كمبيوتر وخلاص و اهو الكل بقى بيقهم فيه .....لأ غلط ......فى حاجه اسمها استخدام و حاجه اسمها تطوير ....مثلا اخويا كان مستخدم بارع لبرامج الكمبيوتر فعرف يفوز فى المسابقة لانها ملهاش علاقة بالبرمجه او التطوير .....بمعنى تانى اخويا مثلا يعرف يتعامل مع الفوتوشب كويس .....انما لما اتخرج من هندسة الحاسبات هبقى مش مجرد مستخدم للكمبيوتر بل مطور .....يعنى خريج هندسة الحاسب مش بيعرف يستخدم الفوتوشب كويس ...لأ طبعا ....ده بيعرف يطور الفوتوشب او يعمل برنامج زيه لأنه درس ازاى الكمبيوتر بيرسم اصلا ازاى ممكن الكمبيوتر يتعرف على الخط والنفطة والاشكال و ازاى يعرف يطور النقطه دى .....فخريج الهندسة ممكن يطور البرامج دى بالاضافة الى انه فى الهاردوير برده مش مستخدم لأ ده مطور .......يعنى ايه ...اديك مثال لواحد محترف كمبيوتر يقدر يجمعلك الكمبيوتر و يعرف كل حته فيه بتعمل ايه و كده يعرف يفكه كل و يركبه و يعرف الكابلات ....المهم ده يبقى اسمه مستخدم بارع ....خريج هندسة مش مستخدم ...لأ ده مطور يعنى مش يعرف مكوانت المازربورد و الكروت ...لأ ده بيطورها يعنى ممكن يطور كارت الشاشة و البروسيسور و ده الى بيشتغل فى الشركات الاجنبية زى انتل و غيرها من شركات الهاردويير و ده كله بره مجال كلية حاسبات ومعلومات .................فلو رجعنا لموضوع اخويا الى بتقول ان الشركات تتمناه عن اى مهندس .....لأ طبعا لانه مستخدم بارع .......مش مطور

فالنقطة دى يا جماعة مهم لانها من الشبهات الى بتقال عن هندسة الحاسب ...بيقولوا ان مهو الى قاعد فى السيبر برده مهندس كمبيوتر ....لأ طبعا دول مستخدمين مش مطورين

المشكلة الوحيدة فى القسم ده ان اى حد ممكن ياخد كورسات توازى كورسات الجامعة بس يبقى يقابلنى لو عرف يحصل الاربع سنين الى ممكن مهندس الحاسبات انو يخادهم فى الكلية و بيكمل بعد ما يتخرج

و فعلا مشكلة كبيرة اوى فى هندسة المنصورة ان فى دكاتره سنهم كبير اوى زى الكتور على الدسوقى الى فوق ال70 و مع ذلك بيدرس برمجه فى حاسبات واتصالات

مع ذلك برده فى دكاتره سنهم صغير و عندك رائد اسرة جود تايم فى المنصورة ده راجل زى الفل ميجيش 35 سنة و مع ذلك بيقول انه مبيعديش عليه 3 اشهر إلا لما ياخد شهادة او دورة عشان يطور معرفته و هى دى مشكلة الحاسبات والاتصالات انها بتتطور ديما فلازم متسيبش نفسك وتقعد فى البيت وتقول انا بقيت مهندس ...كده بتاع تجارة ممكن يسبأك ويحصل الى انت خدته فى الكلية بس لو انت واخدها جد و مكمل بعد الكلية فى الشهادات والكورسات يبقى انسى انك تتحط فى مقارنة مع اى حد تانى

بن خلتي خريج تجارة
بس دماغه في الكمبيوتر ما شاء الله
بياخد دلوقتي كورس ccna
ده كورس شبكات اللي بياخدوه بتوع إتصالات
واللي بيشتغلوا فيه
أخويا لازم ياخدوه عشان يشتغل بيه
بس هو في الجيش فمش هيعرف ينتظم
بن خلتي بيقولوا هجبلك المذكرات ولو حاجة وقفت معاك هشرحهالك

مهو ده الفرق الى بقولك عليه ....انت تعرف الاول بخصوص ال CCNA انا حاليا باخد دورة فيها هى وال combTIA Network +p كل الدورات دى جايبها فى فديوهات من على النت وممكن بعد ما اخلص اخوش الامتحان واخد الشهادة عادى جداااااا

فشوف الفرق .....ابن خالتك الى خلص تجارة لسه بدور على CCNA انما انا الى لسه فى اعدادى هندسة برده بشوف نفس الدورة يبقى انا لما اخلص هندسة شوف انا هبقى فين وابن خلتك خريج تجارة هيبقى معلوماته فين و شوف الCV بتاعى و ال CV بتاعه .........عمره ما هيعرف يسبق المهندسين طول ما المهندس شايف شغله صح ...و هيفضل فرق الاربع سنين بتوع الكلية موجدين ........ولازم الكل يسلم فعلا ان مجال الكمبيوتر والاتصالات بقى بيعتمد على الكورسات و الشهادات الى لازم تاخدها من بره الكلية ....انما برده لسا ليا الافضلية بأربع سنين زيادة عن اى واحد هاوى عاوز يخش المجال ده

أخويا خريج الدفعة اللي فاتت 2008/2009
الديجيتال لحق يدخل البلد :D

تقصد اخوك خريج دفعت 2007/2008 لان احنا الى 2008/2009

و مع العلم ان النظام الجديد بدأ يطبق حسب معلومات على سنة اولى 2005 فأكيد اخوك مالحقهوش ....انما كان بيطبق بس على الاصغر منه وهو لسه فى الجامعة

أقسم لك بالله أخويا ده اللي خريج إتصالات بيعمل معايا مشاكل كتير عشان مدخلش لا إتصالات و لا حاسبات
يبقي أنا أول واحد تشوفوا عشان إنت مسألت ناس مجربه
أرجع تاني لحبيب قلبي البنا
في الحتة دي

Sai
بصراحة انت مش فاهم اى حاجة
وبتتكلم وخلاص
وانا مش ها ارد تانى الرجالة ما شاء الله كلها فاهمة
انت الوحيد اللى جاى من كوكب تانى

عادى يا اسطورة كلام وفائى كان لازم يطرح وننناقش فيه لان فى شبهات كتير حول مجال الكمبيوتر والاتصالات و الشهات دى هتقابل بتوع ثانوى فى الجامعة فكلامه لابد ان يطرح عشان الناس تشوف الرأى والرأى الاخر

و بجد يا وفائى انت عارف انا بحبك اد أيه و زعلت جدا لما محمود قالى انك غيرت رأيك و ناوى على مدنى ...كان نفسى تبقى معايا فى حاسبات او حتى اتصالات

و المشاكل الى بعملها معاك اخوك انا دلوقتى عايش نفس القصة مع اهلى كلهم و الدى و عمى و كل الناس بيقولوا على اهبل لدرجة ان عمى قالى ادخل مدنى وانا هضمنلك الشغل بره .....فأنا عارف ان انا بختار اختيار صعب و انا مقبل على دراسة صعبة مش عشان الكلية صعبة ....لأ عشان لازم تطور نفسك و تبقى الافضل ......لأان البقاء للاقوى و الشهادات لازم تفضل تاخد فيها طول حياتك

بجد ربنا يخليك يا بنا وتفضل معانا في الكلية
و سلملي علي نادر كتير
ده مانزلش الإختبارات عشان ميتصلش
وشكله هيحاول القاهرة علي فكرة
أصلي أنا و ياسين داخلين غزل و نسيج

شكلها والله هترسى على كده ....موضوع التحويل قارفنى اوى
و محمود على فكرة ده بيهرج شكله هيحول تجارة دمياط مش القاهرة ......دنا بقوله اديك نمرة شؤن الطلبة هناك بيقولى شكرا مش عاوزها ....امال هيحول ازاى بالنية بس ....ده واد بيهرج كل حياتى تهريج فى تهريج

و على فكرة انت و ياسين ممكن تلحقوا حاسبات انت عارف انها بتاخد من مجموع قليل و ان الاقبال عليها ضعيف فلو عاوز تدخلها هتلحقا ان شاء الله ......بس بسمع ان يوسف الاول على اعدادى هندسة المنصورة هيخشهاا:022yb4::022yb4:

حضرتك متأثر جداً بموقف أخوك
لكن اسمحلي
حاسبات مستقبلها واسع
خصوصاً في الشركات
وكذلك كهربا اتصالات
انت بتتكلم عن سلاح التكنولوجيا والمستقبل
وتقول إنه ملوش مجال ؟؟؟؟؟؟؟؟؟

على فكرة مجال تكنولوجيا المعلومات مازال بيحبو فى مصر ..... و المشكلة الى بتواجه معظم الطلبة انهم اصلا مش عارفين ايه هى تكنولوجيا المعلومات او ايه هى وظائفها ......يعنى لما حد بيسأل اى واحد ناوى على هندسة حاسبات ...و يقوله ممكن تشتغل ايه ؟؟ مبيعرفش يجاوب إلا فى كلمتين .....مع ان فى اسماء وظائف كتيير اوى ممكن يشتغلها المهندس فى مجال تكنوبوجيا المعلومات بس كلها غير معروفه و غير متداولة لأن فى مصر لسه المجال ده جديد نسبيا

وعلى فكرة يا وفائى لو كنت حضرت الندوة الى كانت فى الكلية عن "تكنولوجيا المعلومات و مستقبل التعليم العالى فى مصر " الى كانت منظماها شركات انتل وميكروسوفت وسيسكو وايتيدا .......كنت هتعرف بجد ان البلد لسه بخير ولسه و محتاجا مهندسين فى المجالت دى كتير اوى .......

و على فكرة انا والدى مختلف معايا دلوقتى لانى عاوزنى ادخل اتصالات مش حاسبات و جابلى كلام دكاترة ومهندسين كبار جدا بيقولوا ان احتياجات السوق المصرى دلوقتى لأتصالات اكتر بكتير من حاسبات او اى قسم اخر ....يمكن يكون كلامه صح فى النقطة دى بس محدش عارف بعد اربع سنين ايه الى هيحصل فالواحد يخش الى بيحبه و بعدين ربنا يسهلها فى الشغل ...........المهم الشغل فى المجالين دول للأفضل مش معنى انك جبت جيد جدا فى الكلية يبقى انت الافضل..... لأ......اهم حاجه ال CV الى بتقدمه لما تجى تشتغل فى اى شركة هو ده المهم خدت شهادات ايه تانيه و دورات وكورسات ايه ؟؟........ فلازم الكلام ده يكون فى دماغ كل واحد انه ينمى الCV بتاعه من دلوقتى لان ده الى هيفرق كتيييير اوى بعدين

اسف والله على الاطالة واتمنى انى ابقى متقلتش عليكوا ...بس اصل انا فعلا عايش الازمة دى دلوقتى فى اختيار الاقسام

masternew

23-07-2009, 12:38 AM

eng.mody
faculty of computers and information
mansoura university[/center]

معلش سؤال برده الموضوع بس مهم برده و اكيد له علاقة

يا مودى هو الى بيتخرج من كلية حاسبات و معلومات بيدخل نقابة المهندسين و لا ايه ؟؟؟؟؟؟؟؟

wafa2y

23-07-2009, 05:17 AM

Sai
بصراحة انت مش فاهم اى حاجة
وبتتكلم وخلاص
وانا مش ها ارد تانى الرجالة ما شاء الله كلها فاهمة
انت الوحيد اللى جاى من كوكب تانى

حاضر يا أسطورة
أنا أسف و مش هتكلم عن الموضوع ده تاني
بس مكنش قصدي غير إني بحسب إني كده بنصحكوا
و بجد كل واحد حر في مستقبلو
و كلها 3 سنين بالنسبة لك
و 4 بالنسبة لmastrnew
و نشوف
و إنت ياض يا أحمد خش تجارة إنجليزي و إشتغل حرامي في باركليز
:d:d:d:d:d:d
لان فى شبهات كتيريا نهار أسود عليك يا بنا
غور يلا متكلمنيش تاني
:d:d:d:d
و علي فكرة مش يوسف لواحده
لأ
ده الأول علي المنصورة حي شرق كلها
هيدخلها
ربنا يتولاكم
:d:d:d:d:d:d:d:d:d

masternew

26-07-2009, 06:47 PM

ان لقيت كلام جميل عن كلية حاسبات و معلومات و هندسة ....كاتبه معيد فى قسم الحاسبات فى هندسة القاهرة

ana kont 3ayz a5osh qesm 7asebat bs 2aloli en bto3 7asebat w ma3lomat bysht3'alo a7san mn mohndsen 7asebat w kaman en ay 7ad momkn ya5od course w yob2a mohndes computer w en mohndsen el computer entashro w msh bysht3'alo f ana 3ayz a3rf el kalam da sa7 wla eh ?

معرفش موضوع ان حاسبات و معلومات بيشتغلوا اكتر ده. ما الناس عندنا بتتخرج و بتشتغل في شركات محترمة.

بالنسبة للفرق بينا و بينهم فهو فيه جزء كبير مشترك بس احنا بندخل اكتر في حتة الهاردوير و النظم المدمجة و كده و همة بيدخلوا اكتر في مفاهيم نظرية في علوم الحاسب.
(من باب الدقة ده الفرق اللي المفروض يبقى بينا و بينهم )
سيبك بقى من اسطوانة مهندسين الكمبيوتر اكتر من الهم على القلب و أي حد خريج أي كلية ياخدله كورسين يبقى مهندس كمبيوتر

خريج أي كلية اللي بياخد كورسات و السلام ممكن يلاقي مكان في قسم
it
في شركة بس صعب يلاقي مكان في شركة كمبيوتر محترمة

و ده بسبب:
* انه مش متشرب المفاهيم الأساسية للحاجة اللي هو شغال فيها لأن الكورس بيعلمك أدوات مش مفاهيم
* أن الدراسة الأكاديمية بتكسبك القدرة على التعلم الذاتي و ده مهم جدا في الشغل في حين ان الكورسات لا تكسبك هذه المهارة

أنا بتكلم من واقع تدريبي في شركة بترول اتدربت فيها على ايد مهندسين و ناس واخدة كورسات ... صدقني الفرق شااااااسع

لازم تعرف ان الكورسات ديه مكملة للدراسة في القسم مش بديلة عنه
يعني ايه ؟
فيه ناس فاكرة ان الدراسة في قسم حاسبات عبارة عن تجميعة للكورسات اللي في السوق و ده كلام غلط تماما
انت في القسم بتدرس مفاهيم عامة لا تتغير بتغير الأدوات اللي بتستخدمها و المفاهيم ديه هي اللي بتبني طريقة التفكير اللي مش موجودة عند اللي بياخد كورسات و السلام
علشان بقى تعمل المشاريع (أو تاخد شهادات تنفعك في الشغل) لازم تتعلم الأدوات الموجودة في السوق يا إما مع نفسك أو بكورسات
مثلا طالب قسم عمارة بيحتاج ياخد كورس أوتوكاد . أي حد يعرف أوتوكاد يبقى مهندس معماري ؟

لازم برده تعرف ان شغل مهندس الكمبيوتر مش بس انه يكتب برامج
كتابة البرامج دي بيحصل غيرها كلام كتير محدش بياخد باله منه
يعني تصميم السوفتوير
software design
ده مشكلة في حد ذاته و له أسس علمية بنتكلم عنها في 3 مقررات و مبنلحقش نغطيها كلها

حاجة زي البحث و التطوير
research & development
محتاجة واحد يقرا أوراق بحثية و يعرف المشاكل اللي فيها و يقدم حلول ليها و لازم يكون جامد في الرياضيات و في الأسس النظرية للحاجة اللي بيبحث فيها
الكورسات ملهاش مكان هنا

بعدين حنفرض جدلا انك ممكن تاخد كورسات بره و يبقى زيك زي مهندس الكمبيوتر تماما. ايه المشكلة ؟
متفكرش في الموضوع بطريقة
(أي حد ممكن يبقى بتاع كمبيوتر ... ادخل كمبيوتر ليه ؟)
انت عايز تبقى مهندس كمبيوتر (فعلا مش علشان الموضة) و لا لأ ؟
لو عايز فالمكان الطبيعي لتخريج مهندسين الكمبيوتر هو قسم حاسبات

وإلا لو مشينا بالمنطق ده فمحدش يدخل كلية الإعلام لأن ممكن أي حد يبقى إعلامي و محدش يدخل كلية التربية لأن ممكن أي حد يبقى مدرس و محدش يدخل كلية الآداب لأن أي حد ممكن يدرس الأدب و يبقى أديب و محدش يدخل كليات شرعية لأن ممكن أي حد يسمع دروس و يقرأ كتب و محدش يدخل فنون جميلة لأن أي حد ممكن يتعلم مع نفسه و يبقى فنان و هلم جرا
ينفع الكلام ده ؟
انت بتختار المكان اللي بتحبه و لا بتختار المكان اللي بيدرس حاجة ملهاش مصدر تاني ؟ مدخلتش طب أو صيدلة ليه طيب ؟

معلش انا طولت عليك بس انا عارف السؤال ده يعتبر مشكلة أبدية لكل من يفكر في دخول قسم حاسبات و أتمنى اني أكون ساعدت في الإجابة

Eng.Sherief

26-07-2009, 06:59 PM

الحمدلله
والله كنت شايل هم الرد من وانا ف السفر ولسه راجع
بس الحمدلله الناس ردت

والاقتباس اللى ف الرد اللى فات جاب المفيد كله

دمتم بود

masternew

27-07-2009, 03:50 AM

و ده كلامواحد تانى برده من جامعة القاهرة

السلام عليكم
طب خد بقى نصيحه طالب من قسم اتصالات
وحضرت مع قسم حاسبات لمده تلات سنين
و حضرت مع كليه حاسبات و معلومات
و انا فى تانيه اتصالات

يعنى شفت التلاته مع بعض

لو جواك طاقه هائله و قدره على الصبر والتحمل يبقى قسم اتصالات

اما لو انت من عشاق الكومبيوتر و عايز تتعمق فيه سواء هاروير او سوفت وير
هندسه حاسبات القاهره بلا ادنى شك

مستوى حاسبات و معلومات القاهره سىء جدا جدا جدا

لأنك فى هندسه هنا بتاخد اعدادى حتقوللى طب و ديه لزمتها ايه
اقولك لزمتها كبيره جدا
بتقويك فى الرياضه و الفيزياء
وبتمهدلك لهندسه
لما تيجى تاخد سيجنال فى حاسبات و معلومات و انت مش واخد فورير تبقى تهريج ( ده اللى حصل طبعا انت مش عارف ايه هيا السجنالز بس ديه ماده مهمه فى النهايه مفروض انها بتختص بعمل الهاردوير والسوفت وير بتاع الايمج بروسسنج يعنى لو عايز تعمل معالجه للصور بس متقدمه جدا

المهم ان الماده ديه معتمده على الفوير اعتماد اساسى و ديه حاجه فى الرياضه
للأسف مش بيدرسوها فى حسابات و الدكتور بيتعب فى شرح السجنال و الطلبه بتطلع تعبانه فى الماده

ده غير مواد كتير زى الزفت
مستوى الشرح تعبان نتيجه لغياب الخلفيه الهندسيه
بجد و الله حرام شباب زى الفل يضيعوا حياتهم فى كومبيوتر سينس على الفاضى

لكن فى نفس الوقت اللى دخلها ده يحاول و يتشجع
مش نهايه العالم عشان بس ميبقاش أكره طلبه حاسبات و معلومات من دراستهم
لأ انت تقدر تبقى مهندس شاطر فى حاسبات و معلومات بس حتبذل مجهود أكبر بكتير جدا جدا

ده غير ان مستوى مشاريع التخرج عندهم ضعيفه و مش قويه زى هندسه الحاسبات او الاتصالات

لما انت معاك الاتنين
اختار هندسه القاهره
وربنا يوفقك ان شاء الله

BaNZeR

27-07-2009, 06:51 PM

مشكوور عالاقتباس ده

وبما إنه عندي صبر وتحمل شديدين (دنا مش بسيب الكتاب ياجدع)
فحدخل اتصالات إن شاء الله:d

masternew

27-07-2009, 11:39 PM

انا بقى لسه محتااار والله .....اتصالات ام حاسبااات

wafa2y

13-08-2009, 02:00 PM

انا بقى لسه محتااار والله .....اتصالات ام حاسبااات

أكيد إتصالات
بس خليك جدع
أخويا قالي حاسبات أحسن من كهربا
يعني ممكن أدخل حاسبات لو جاتلي
:bosyht9::bosyht9:

بروف انس

14-08-2009, 10:36 AM

انا هقوللك علي حل حلو اوي اولا ممكن تدخل موقع اي جامعه وتعرف الدراسه وكل كليه لها منتدي ابحث في النت وانت تعرف وتجمع معلومات من اهل الكليه ذات نفسها علشان انا شايف المشاركين بيتحدوا بعض في اي كليه احسن اللي بيشتغلوا ياعم هم اللي بيجيبوا تقديرات وده طبعا من حقهم ثانيا ليه متاخدش كورسات تكميليه بعد الكليه تعزز موقفك لسوق العمل وسيبك من موضوع التفاضل بين الكليه ودور علي اللي انت بتحبه ونفسك تدخله من زمان واوعي تندم واعرف انك هتطلع تلاقي شغل سيبك من اللي بيقوللك بقالهم خمس او ست سنين مبشتغلوش ملكش دعوه بغيرك خليك في نفسك واعمل اللي عليك وخلاص

abdallaelkotbi

16-08-2009, 08:37 AM

يا شباب نداء عاجل انا جبت 96,6% و كنت كاتب حاسبات و معلومات عين شمس فى التنسيق و دلوقتى عايز احول و اخش هندسة عين شمس فاانا عايز حد يقولى ايه نظام هندسة كمبيوتر عين شمس

abdallaelkotbi

16-08-2009, 09:54 AM

?????????????????????????????????????????????????? ?????????????????????

ahmed_ahmed2

16-08-2009, 05:57 PM

ههههههههههه تبقى مش عايش ف الدنيا يا sai
اول واحد ف حياتى اشوفه بيقول ان المستقبل مش للكمبيوتر والتكنولوجيا
ههههههههههههههههه
هههههههههههههههههههههههههههههههههه

Eng M-Adel

16-08-2009, 06:31 PM

والله يا شباب الموضوع مشوق وئلب بحماس :049gc0:
بالنسبه لموضوع كلية هندسة ولا حاسبات ومعلومات فأنا مقدرش اقول حاجه غير ان هندسه ليها اسمها ده غير ان انت بيبقي ليك الأولويه في الشغل ( على ما اظن ) بس ده لو في حالة انك معاك كورسات وكده زيك زي غيرك
وبالنسبه بقي للأتصالات ولا حاسبات فانا سمعت خير اللهم اجعلوا خير ان بتوع قسم اتصالات ملهمش شغل كثير في مصر وانهما كثير اوي دلوقتي والي عاوز يخش اتصالات لازم يبقى ليه حد يشغله بره مصر
اما بئي حاسبات فكله الا حاسبات مع احترامي لأي حد .. ده مجال unlimited يعني اوعى وشك مفيش حد بقي يقولك محدش بيشتغل ولا الكلام التعبان ده ... عاوز حاجه يبقى تسعى علشان توصلها يعني مش تاخد شهادة البكالوريوس وتعد في بيتكم مستني شغل .. لا لا لا مش هياكل الموضوع ده لازم تبقى برانس في القسم ده بالذات
وده رأي من وجهة نظري المتواضعه :028ja7:

Eng. Alios

31-08-2009, 12:06 PM

يمكن انا ح يكون ردي متأخر ...

الا اني ح اتكلم ...

انا الحمد لله جات لي حاسبات حلوان ...
و انا شايف ان المعظم بيكرهك في حاسبات و معلومات , مش عارف ليه ؟

أولاً : كلية الحاسبات و المعلومات دي اول ما طلعت كان تنسيقها اعلى من هندسة ... لكن دي اول ما طلعت !
ثانياً : رغم انها قلت في التنسيق السنة دي ... الا انها من اجمد الكليات في مصر !

سيبك من علوم حاسب , لان كله بيركز على الرياضة ...

و تعال اوضح لك الفرق :

هندسة الكمبيوتر اللي في كلية الهندسة : تهتم بالهاردوير اكتر من السوفتوير ... هما بياخدوا سوفتوير بس بيشتغلوا بيها على حاجات معمولة قبل كده , يعني مافيش جديد ... و الجديد هو الهاردوير ...

طب ليه الناس بتقول مالهمش اكل عيش ؟
لان مافيش مصنع في مصر يقدر يصنع بلاستيك ... فتتخيل ان مصر تصنع حتة بروسيسور ؟ او حتة هارد ؟ ... ما أظنش ..
و الكلام ده من خريجي هندسة كمبيوتر بنفسيهم ... انا مكلم كازا واحد يعني ...

فلو معاك فلوس و ريس مال حلو ... افتح مركز صيانة , و ح تكسب من ورا دهب ...
معاكش فلوس ... يبقى مافيش غير انك تتميز في قسم هندسة الحاسبات و تبقى من الاوائل علشان تشتغل في مايكروسوفت ...

--------------------

تعال بقى اوضح لك حاسبات و معلومات , على هيئة اسئلة و اجابات :

- بيقولوا حاسبات و معلومات مابيشتغلوش , هل ده صحيح ؟
لا , مش صحيح بالمرة ...

أولاً , وزير التنمية الادارية قال ان البطالة تكاد تكون معدومة في مهندسي البرمجيات ( اللي هما خريجي حاسبات و معلومات ) , يعني مافيش بطالة ...
ثانياً , مافيش واحد في اي قسم في حاسبات و معلومات قاعد مابيشتغلش , كلهم بيتخطفوا , لان العدد صغير في كل كليات الحاسبات , و بالتالي بيتخطفوا ...
ثالثاً , كل الكليات بتاعت حاسبات بتبقى عاملة في الآخر حاجة اسمها ملتقى التوظيف , دي بتيجي كل شركات الكمبيوتر زي اوراكل و مايكروسوفت , و بتختار الناس بدءاً من اللي جايب امتياز فالأقل فالأقل ...
و طبعاً مافيش حد بيتخرج و بيشتغل الا لما يكون جايب جيد على الاقل ....
رابعاً , خلال دراستك في الكلية , عليك كورسات اجباري علشان تاخد شهادة icdl , و كورسات برمجة زيادة كمان ....

- طب اسمي ايه لما اتخرج من الكلية دي ؟

اسمك على حسب قسمك ....
يعني ..

في كل كليات الحاسبات في تلات اقسام اساسية :
- علوم الحاسب : و ده قسم في كلية الحاسبات و المعلومات , و ده اهم قسم و يعتبر احسن , و كله بيدخله ... و مسماك الوظيفي في مصر حالياً قبل النقابة : اخصائي حاسب ..
الاسم مش ح يبقى عاجبك , علشان انت في مصر ! , لكن في امريكا و دول العالم الاول اسمك : مهندس برمجيات .
- نظم المعلومات : برضه ده قسم في منتهى الجمال , و اسمك برضه : اخصائي نظم معلومات , و في امريكا : مهندس معلومات.
- تكنولوجيا المعلومات : قسم جامد قوي قوي , و اسمك في امريكا : مهندس شبكات .

تعال بقى علشان في اقسام زيادة في بعض الجامعات :

- جامعة عين شمس و فيها :
- قسم الحسابات العلمية : و ده قسم ممتاز , و لما تتخرج ممكن تشتغل في مركز الحساب العلمي اللي في جامعتك , و المركز ده من اهم المراكز اللي في الجامعة ... لان هناك انت بقى اللي بتدير مواقع الجامعة على الانترنت , و انت اللي بتدير كل اجهزة الكمبيوتر هناك .... يعني شغلانة حلوة ,و مرتب حلو , لان انت شغال تابع الجامعة و في اهم مركز فيها ....
- قسم نظم الحاسبات : ده بقى شبيه بقسم هندسة الحاسبات لكن مش بقوته , لانه بيركز على البرمجة اكتر بقليل من الهاردوير ... القسم ده بتتعلم فيه ازاي تربط البرمجة بالهاردوير .... يعني ح تاخد حبة من ده على حبة من ده , القسم ممتاز , لكن مسماك الوظيفي ايه .. الله اعلم
- قسم العلوم الاساسية : و ده بتاخد فيه اساسيات الكمبيوتر , و كله رياضة و فيزيا ...
- قسم نظم المعلومات الحيوية : و ده قسم خاص و جديد جوة الكلية ... طبعاً ده بمصاريف فوق الـ 12 الف جنيه في السنة , و لو انت طالب علمي علوم , ف ح تدخل القسم و تاخد رياضة 2 في اول سنة , و لو انت طالب علمي رياضة ح تاخد احياء في اول سنة ..
طبعاً القسم ده في منتهى التميز , لانك بتتعلم فيه ازاي تدرس الشرايح الالكترونية اللي بتعالج البني آدمين من اشد الامراض , و ازاي تبرمجها و تجربها ... القسم ده يُقال انه شبيه بالهندسة الطبية , الا ان نظم المعلومات الحيوية تركيزه على الكمبيوتر اكتر ..
طبعاً بالاضافة الى : علوم حاسب , و نظم معلومات .

- جامعة القاهرة و فيها :
- قسم بحوث العمليات و دعم اتخاذ القرار : ده بقى شغلك ح يبقى تابع الحكومة , بس ده القسم الوحيد اللي لازم له واسطة , علشان تشتغل في الحكومة , و ممكن تشتغل تابع رياسة الجمهورية ...
او تحاول تتميز و تشتغل بره مصر ...
- قسم نظم المعلومات الجغرافية : و ده قسم يُقال انه خاص , لكن مافيش اي معلومات عنه , لكن واضح من الاسم , انك بتاخد بقى ازاي تدرس الرادار و كده ... شغله حلو على فكرة ..
بالاضافة الى التلات اقسام : علوم حاسب و نظم معلومات و تكنولوجيا معلومات .

- جامعة حلوان و فيها :
- قسم هندسة البرمجيات : ده بقى اجمد قسم ... و ده ح افصله لك علشان تطمن ...
أولاً , جامعة حلوان هى الوحيدة اللي فيها القسم ده , يعني القسم ده مش موجود حتى في الجامعة الامريكية .
ثانياً : هو قسم خاص , بس فلوسه تعتبر رخيصة بالنسبة للقسم بتاع عين شمس ... يعني السنة الواحدة تعمل 6500 ...
ثالثاً : ح تبقى ضامن شغلك , لان اسمك مهندس برمجيات رسمي في مصر , و مهندس البرمجيات ده مش شوية , و في وجهة نظري مهندس البرمجيات ده زيه زي مهندس البترول ... مرتباتك ح تكون خيالية ...
رابعاً : هندسة البرمجيات هنا ما بتركزش على البرمجة العادية , بل ح تاخد برمجة متقدمة , ح تبص للبرمجة من فوق بقى , لان انت ح يبقى ليك تبرمج الحاجات الكبيرة : ويندوزات , برامج اوفيس , برامج ادارة بنوك و شركات , مواقع انترنت ضخمة ...
و طبعاً خلال دراستك , عليك اجباري كورسات في الصيف , ح تاخد كورسات برمجة علشان تزود بيها نفسك و كورسات icdl ...
و مهندس البرمجيات ح يبقى افضل من خريج قسم علوم حاسب , لان مهندس البرمجيات بيشرف على البرامج و بيشوف ايه الغلط فيها يصلحه , و يحاول يعدل في حاجات في البرنامج .. علشان يسلم البرنامج للعميل في اقل وقت ممكن و بجودة عالية ..
و عموماً مهندس البرمجيات مابيستغناش عن علوم حاسب , و نشبه ده بمثال ....

تخيل ان انت مهندس معماري و جه واحد عاوز يبني بيت , انت ح ترسم و تحط اساساتك , و ح تودي رسمك للمقاول و تقول له نفذ ...
اهو المهندس المعماري هو مهندس البرمجيات ...
فتخيل ان واحد جالك عاوز برنامج ... انت مهندس برمجيات ح تخطط للبرنامج و تحط اساساتك , و عليه المبرمج ( خريج علوم حاسب ) ينفذ على اساساتك ...

طب في سؤال : - انت مش قلت ان علوم حاسب ح يبقى اسمه مهندس برمجيات بعد كده ؟
- آها ... بس لما تيجي منافسة في شغل , ح تكون الاولوية لمهندس البرمجيات الرسمي اللي هو خريج هندسة برمجيات , مش لعلوم الحاسب , لان مهندس البرمجيات بتاع علوم حاسب مش مهندس رسمياً , لكن انت تخصصك رسمي ...

فقسم هندسة البرمجيات يعتبر افضل ... و لا يمنع ان بقية الاقسام في منتهى الجمال ...

------------------

و على العموم فيه معلومة برضه ...
قسم علوم الحاسب اللي في الحاسبات و المعلومات , من المحتمل يتغير الى هندسة برمجيات ... لكن امتى , محدش يعرف , و لحد دلوقتي ماحدش وصل لاتفاق .... ساعتها لو انت دخلت القسم اللي في حلوان ده , ح تكون اشتغلت و استريحت , و يكون الاسم اتغير على نظام الثانوية العامة الجديد ...

- حكاية النقابة دي هى اللي باعداني عن الكلية , هى ح تتعمل امتى ؟

النقابة دي هى ح تبقى الحاسم بعد كده , و على العموم مشروع النقابة مازال النقاش فيه , لكن اساسياته ح تتطبق , و احتمال تبدأ اساسياته من السنة الجاية او اللي بعدها ...
و لو ما اتعملتش نقابة , ففي حاجة اسمها الجمعية المصرية لمهندسي البرمجيات , فمن المحتمل ان تكون الجمعية دي تتغير اسمها و تبقى نقابة مهندسي البرمجيات ... ( إن لم يوجد أمل )

- يعني الكلية دي ليها مستقبل ؟
الكلية دي الوحيدة اللي مش محتاجة وسايط في اي شغل , ما عدا قسم اتخاذ القرار ده .... لكن بقية الاقسام , مافيش حاجة اسمها وسايط , لانه بكورساتك و دراستك ح تقدر تشتغل , و كمان الشركات بتيجي لحد عندك في الكلية , مش انت اللي بتروح و تطلب ...
و على العموم زي ما قلت , مسمعناش عن واحد خريج حاسبات و معلومات و ما اشتغلش ...

- يعني ادخلها و امري الى الله ؟
لأ , لحظة ...

انا بقى ح اسأل لك سؤال : - ميولك كمبيوتر ؟ ميولك برمجة ؟

لو ميولك برمجة كمبيوتر , يبقى ادخل حاسبات و معلومات ... و اسمك مهندس برمجيات ...
لو ميولك صيانة كمبيوتر , يبقى ادخل هندسة حاسبات ... و اسمك مهندس حاسبات ...

و خلي بالك ... اللقب بتاعك ده آخر حاجة تفكر فيها ... لانك لو فكرت فيها اول حاجة , مش ح توصل لحاجة ..

طب و العمل علشان حكاية الشغل دي ؟

- مافيش ..... حاجة بسيطة قوي ....
عايزينك تطحن نفسك في المذاكرة من اول يوم في السنة ....

- يا عم مش للدرجة دي ... اول يوم ؟

آها , أول يوم ....
لان الاولوية هنا بقى للمتميز ....
انت ناسي ان مايكروسوفت بتاخد العشرة الاوائل من كل كليات الحاسبات و المعلومات و تشغلهم عندها ؟

- يا سلام ... طب كمل كمل ...

زي ما قلت لك , من اول يوم تطحن نفسك في المذاكرة ...
تزود نفسك في الكورسات ...
تتميز و تجيب امتيازات كل سنة , و لو جيد جداً ما يضرش ...
المهم تتميز ...
و تحب دراستك و مجالك اللي انت فيه ...
و صدقني , الشغل ما بيقولش لأ للمتميز ...
كمان ما تنساش صلاتك و قرآنك ...
لأن دول ليهم تأثير فعال في حياتك ... ح يشفيك و يريحك ...
و تحمد ربنا دايماً ...
و سيبك بقى من البنات و الاستهتار , لان دول بيضيعوا ...
و ساعتها تقول ياريت اللي جرى ما كان ...

و اي استفسار , فانا موجود ان شاء الله ...

m_fci

02-09-2009, 09:54 AM

أنا أحب ان أعرفكوا ان المقارنة في الغالب ليست في موضعها لأن كل حاجة من قسم من دول ليس في محلة
وأنا أحب أن أتكلم عن رأيي الشخصي بما أنني خريج كلية الحاسبات والمعلومات جامعة المنوفية وأعمل في هذا المجال من فترة كبيرة وكان على سنتي كلية الحاسبات والمعلومات بتاخد أعلى من هندسة بكتييييييير في التنسيق طبعا وبما أننا في مصر والناس بصه للأسم والمسميات كان قدر هذه الكلية من أول ما أنشأت كان الاستهانة وعدم وضعها في قدرها الحقيقي
أولا أنا شايف ان الكلية دي مش وخده حقه أعلاميا وان وضع الكلية العلمي والهندسي أكبر بكتير مما أي أحد يتخيل
فالكلية من أول يوم وهي في أنطلاقة وتحرر كان المفروض يكون من زماااان ولكن الكلية أصبح بها تخصصات لا يوجد في مصر كلها ما يعوض هذا العجز وهذا الحاجة الكبيرة لهذه التخصصات التي لا غنى عنها في كل المجالات
وأنا من واقع شغلي بقول لأي حد عمال يقول الهندسة أفضل لأن أسمها حلو أقوله أن كلية الحاسبات والمعلومات تخرج بالفعل أفضل مهندسي مصر من الناحية المهنية والأكديمية وذلك من واقع شغلى والأن أصبحت الكلية في أنطلاقة كبيرة وأصبح يوجد هناك تخصصات وعلوم تدرس لم تكن موجودة من قبل في مصر.
وانا من رأيي أن الكلية دي كان لها الفضل والمنة على كثيييييييير من الشركات المصرية والشركات العالمية أيضا فأنا لا أرى أحد تخرج من كلية الحاسبات والمعلومات وكان مصيرهم الكافتيريا أو القهوة زي مكان حال معظم اصحابي الي دخلوا هندسة والناس دول بتوع هندسة حتى لما أشتغلوا أشتغلوا في شغل مهيييين وفي موضع مخالف تماما لما كانوا يحلوا بيه وفي الغالب في الوقع العملي كلية الحاسبات والمعلومات تفوق بكثييييير غيرها لان الكلية كما ذكرت من قبل كلية متحررة تدرس كل ما هو جديد في التكنولوجيا وبها هيئة محترمة من المدرسين الذين تفتخر بهم مصر وأيضا هي كلية إكسترييم كما يعبر عنها الجماعة الأمريكان لا يعرف قدرها إلا الي بيحب المجال وبيحب يكون متميز وعايز يتعلم لكن بالنسبة لكونها أربع سنوات وليست خمسة فلم أرى دولة في العالم من الدول المتقدمة إلا ويدرس بها العلوم الهندسية المختلفة من ثلاث إلى أربع سنوات ولكن الجماعة هنا في مصر فاكرين أنهم بيتعبوا لما خدوا سنة زيادة عننا ونسيوا أنهم بيدرسوا العلوم التى عفى عليها الزمن وبإعتراف من كثير من الأساتذة الجامعيين يرون أن هذه المنهاج لابد أن تتغير بأسرع ما يمكن ولا يظلون في مرحلة المسطرة حرف تي الي طولها مترين دي ويبدقوا يشوفوا الدنيا فيا أيه وانا عارف أن التطور في العلوم الهندسية موجود بالكليات بس بالصورة البطيئة التي تقيد الإبداع والتطوير. ولازم برده كلنا نبقه عرفين أن الكلية ما هي إلى بداية وليست النهاية فلابد أن يكون الأنسان طموحا وأن يقرا كثيييييرا ويتابع كل ما هو جديد فا موضوع ان الكلية أربعة ولا سته مش فرقة لأن الموضوع منتهاش بعد التخرج من الكلية وأستخراج كرنية النقابة . وللحديث بقية والسلام

Ayman Azzam

04-07-2017, 05:33 AM

شباب ممكن اعرف ايه اخبار هندسة معاكم دلوقني بعد التخرج ؟؟ =d