ملتقى طلاب اولى ثانوى 2009/2010 [الأرشيف] - بوابة الثانوية العامة المصرية

nada magdy

10-07-2009, 12:18 AM

السلام عليكم

يا جماعة انا حبيبت احط الموضوع ده بداية ان شاء الله الى طريق مشرق لطلاب الصف الاول الثانوى
عشان نستفيد ونفيد بعض..... ونشوف احوالنا وظروفنا فى السنادى ......
وكل واحد يكتب كل اللى بيعمله فى الاجازة دلوقتى على اساس اننا دلوقتى فى اجازة
وامتى هيستعد لاولى ثانوية كسنة جديدة عليه .... وامتى هيذاكر ...... والحاجات دى كلها......
وحاجات كتير تانى ..........

;)

بخصوص ابتداء السنه فهى سنه زى اى سنه
بخصوص المذاكره اطمأن خالص ذاكر بس بنسه صغيره جدا علشان مش محتاجه مجهود والدروس مع الدراسه ونقول الحاجات التانيه دى بعدين مع المدرسه ان شاء الله:d:d:d:):)

MoHammed Youssef

10-07-2009, 12:27 AM

يالهوى ايه اللى بتقوليه ده ازاى الواحد مايذكرش دى اهم سنة فى المذاكرة

BOSY3

10-07-2009, 02:02 PM

احنا ناخد الشهر ده راحة وبعدين نبدا في شهر 8

MoHammed Youssef

10-07-2009, 03:42 PM

يا جماعة مين قدم فصول المتفوقين .... ياريت اللى قدم يقول ولو يعرف حاجة يقول برضوا
انا قدمت فيها بس مش عارف نظام الامتحانات بتاعتها عامل ازاى

nada magdy

10-07-2009, 05:05 PM

والله انا رايحه 2 ثانوى وبدأت الدروس بس انا من وجهت نظرى كانت سنه اولى دى احلى سنه فى السنين الدراسيه علشان كانت راحه لان المنهج سهل ومش محتاج مذاكره كتير والحمد لله ونجحت وطلعت من الاوائل بس ده اولا بفضل ربنا وبعدين الوالدين وشويه مجهود منى يعنى سنه ضحك وفسح حاولوا على قد متقدروا ترفهوا عن نفسيكم وليه تبدا الدروس بدرى كده انا بدات مع الدراسه والمواد شيقه وحتعرفوا معلومات قيمه ومش حتنسوا السنه دى ابدا

.*.سمسمة.*.

18-07-2009, 06:32 PM

انا اللى اعرفوا عن فصول المتفوقين انهم بيمتحنو الامتحانات العادية ومعاهم ورقه مخصصه ليهم زياده على الامتحان
وهى على ما اعتقد بتبقى فى اولى ثانوى بس و الشهاده الثانوية بتبقى عادية
وربنا يوفق حضرتك

وربنا معانا فى اولى ثانوى
وباذن الله هنبدا الدروس على اول 8 باذن الله

أسيل رزق

18-07-2009, 07:56 PM

ربنا يكرمكم يا رب فى السنين الجاية
و أنا من رأيى إنكم تبدأوا دروس ومذاكرة من 8 لإن السنة طويلة و علشان ماتحسوش بالملل فى نص الدراسة
و شدوا حيلكم عايزين أوائل الجمهورية يطلعوا من المنتدى
ربنا يوفقكم

MoHammed Youssef

22-07-2009, 06:02 AM

ربنا يسمع من بوقك اختى اسيل بس انت عليكى انك تدعيلنا .......

MoHammed Youssef

22-07-2009, 06:05 AM

يا جماعة يا ريت نهتم بالموضوع ده شوية . بالله عليكم ........

عايزين نبدأ سنة جميلة مع بعض مليئة بالسعادة بجانب التفوق ...................

وهيكون الموضوع ده شامل كل حاجة

dr.asmaa

22-07-2009, 11:03 AM

انا بدات اذاكر على خفيف بس لسة مخدتش دروس فى 8 انشاء الله

وفاء سامي

23-07-2009, 11:46 AM

بسم الله الرحمن الرحيم
انا والحمد لله داخلة اولى ثانوي السنة دي ....... انا لسة مبدئتش دروس ......... بس انا محتارة اروح دروس والا اروح معهد كويس .......... ياريت حد عنده خبرة يقولي ايه الصح

الباش مهندس

24-07-2009, 05:06 AM

اولي ثانوي دي احلي سنة دخلتها في حياتي

يا راجل دي كانت كلها مراجيح

وفي الاخر بتطلع من الاوائل

علي العموم ربنا يوفقكم كلكم

ولازم تزاكروا بردو

MoHammed Youssef

24-07-2009, 06:11 PM

ربنا يوفقنا ان شاء الله هو القادر على كل شئ يخلى السنة دى من احلى سنين عمرنا ان شاء الله قولوا امين ...........

hosnyhamed

25-07-2009, 01:43 PM

انا دخلة اولى ثانوى بس خايفة من السنة دى والى بعدها والى بعدها ممكن حد ينصحنى

FirstMan08

25-07-2009, 02:37 PM

لمن يسأل عن فصول المتفوقين انا طالب ذاهب للصف الثاني و كنت في فصول المتوقين و هي مفيدة للغاية و بجد هتشعروا باستفادة لما تدخلوها لان مستوي الفصل كله او معظمه هيكون كويس و ده هيساعد علي التنافس بينكم و بين بعض و سيؤدي إلي رفع مستواكم و كمان المدرسين هيتشجعوا علي الشرح و الاسئلة المفيدة التي تحتاج إلي تفكير
و أنا كنت قلق مثلك في الأول قبل ما أمتحن و ادخل لكن فعلا انا عمري ما ندمت بل اتمني هذا الفصل يستمر معي للصف الثاني
اما بالنسبة لنظام الامتحان بيبقي في سؤال زيادة في الامتحان اجباري و لكنك هتختاري سؤال تاني مكانه مش هتحليه و السؤال بيبقي مضمون لانه بيبقي من جزء صغير بيتخصص للمتفوقين زيادة و السؤال ده في سنة أولي بس

sman332

27-07-2009, 10:16 PM

يا جماعة الحمدلله اللى احنا خلصنا تالته اعدادى على خير بس فى فرق كبير بين اولى ثانوى وتالته اعدادى ده بالنسبة لى علشان انا بدات دروس وفى حاجات جديدة كتيير يعنى لا لعب ولا حاجة واللى هيهتم فى اولى ربنا هيوفقوا فى تانيه وتالته...........وربنا معانا..

MoHammed Youssef

29-07-2009, 09:51 AM

ربنا معانا ان شاء الله

SHiNE

30-07-2009, 09:21 AM

السلام عليكم ورحمة الله وبركاته ..
إزيكم يـ جماعة .. أنا شروق رايحة أولى ثانوي زيكم بـ إذن الله .. وإن شاء الله خير وتبقى سنة ممتعة لـ الكل ..
وإن شاء الله مش هـ أبدأ دروس غير ع 9 كدة .. في العربي والانجليش والفرنساوي والرياضة وبس ..

كنت عاوزة أستفسر عن إختبار فصول المتفوقين .. أن خلصت كل الإجراءات وجبت رقم الجلوس ..
والإمتحان السبت بـ إذن الله ..فـ ياريت اللي يعرف حاجة عن الإختبارات دي بـ تكون إزاي أو عن إيه يعني ؟! << خصوصاً إني سمعت إنها هـ تكون في 4 ساعات !

وفاء سامي

30-07-2009, 10:41 AM

kareem_killer

30-07-2009, 01:31 PM

kareem_killer

30-07-2009, 01:32 PM

SHiNE

30-07-2009, 04:08 PM

يا جماعة ليه محدش رد عليا في موضوع المعهد انا زعلانة منكم بجد 00000000 بس المسامح كريم 00000000 انا ليه عندكم طلب انا هديكم اسماء المدرسين اللي في المعهد 00000000 ياريت اللي من المحلة وعنده خبرة يقولي ايه رايه في المدرسين [ علي نسيم 0000 تامر حماد 0000 وليد عرابي0000 احمد الشربيني0000 حسام سليمان0000 احمد الجندي0000 حمادة سيف]0000000 هي دي الاسماء اللي انا فاكراها 0000 بليييييييييييز حد يرد عليا

أهلاً يـ وفاء ..
معاكي شروق .. " من المحلة ع فكرة ":bosyht9:..
بس كل الأسامي دي معرفش منها ولا إسم << يمكن لـ أني لسة جديدة في حكاية الدروس دي :006et4:..
بـ النسبة لـ حكاية المعهد دي فـ ما انصحكيش << هو أنا أينعم ما جربتش الحكاية دي قبل كدة ..
بس كل الأمثلة اللي قدامي خلتني حتى ما أفكرش في المعهد ..
يعني أولاً هـ تضيعي وقت كتير قوووي .. ثانياً هـ تتعبي جااامد .. ثالثاً وده الأهم هـ يبقى تقريباً شبه مدرسة لـ كثرة العدد ..

فـ لو إنتي غاوية موضوع الدروس خودي خصوصي أحسن ..
وعن نفسي إن شاء الله هـ أبدأ الشهر دة فرنساوي ورياضة وع 9 يمكن أخد عربي وإنجليش .. وكاام كتاب خارجي ع النت يبقى تمام قوي .. لأنه المنهج مش مستاهل والله .. ده غير إنك لو فكرتي تاخدي في كله صدقيني مش هـ تخلصي وهـ تتعبي .. وما تقلقيش التقيل جاااي ورا وغصب عنا هـ ناخد في كله في تانية وتالتة:022yb4:..
وإن شاء الله ربنا يوعدنا بـ مدرسين ولاد حلال في المدرسة نقدر نتابع معاهم كويس:wub:..

وربنا يوفقك ويوفقنا :) ..

SHiNE

30-07-2009, 04:24 PM

لـ الناس اللي إن شاء الله هـ تمتحن زيي يوم السبت إمتحانات فصول المتفوقين ..
أخيراً وبعد دعبسة طويلة المدى .. وجدنا بعضاً مما كنا نبحث عنه وهو الأتي ::

# الإمتحان هـ يبدأ الساعة 8.5 صباحاً ع مستوى الجمهورية ..
# اللجنة هـ يكون فيها 3 مراقبين :078111rg3: ..
# هـ ناخد السؤال الأول ومدته 10 دقايق بس ولو الوقت خلص وأنت لسة مش خلصت حل إنسى إنك ممكن تحله تاني .. وبعد الـ 10 دقايق دول هـ ناخد السؤال الثاني وله نفس المدة وهكذا لـ مدة ساعة ونص .. وبعدين هـ ناخد ريست " مش عارفة قد إيه بـ الظبط لـ الأأسف " .. بعد الريست هـ نرجع نمتحن تاني تقريباً بـ نفس النظام لـ مدة ساعة .. وبعدين هـ نروح ع بيوتنا << إن شاء الله نكون مبسوطين وقته ا:wub:..
#الإمتحان كل ع بعضه معلومات عامة وفوازير وأسلة ذكاء وكدة >> يعني الدَش ونظام الدحيحة ده مش هـ يكون موجود .. ومفيش أي حاجة هـ تيجي من منهج الإعدادية ..
# و بـ يقال إنه اللجنة هـ يكون فيها بنات ع أولاد ..

* دي الحاجات اللي قدرت أعرفها حتى الآن >> ويـ ريت اللي يعرف حاجة يقولها ..

وربنا معانا إن شاء الله ..

النبض الهامس

31-07-2009, 01:47 AM

ياجماعة انا الحمد الله زيكم داخلة اولى ثانوى بس انا عايزة استفسر عن حاجة ايه فصول المتفوقين الى ليها امتحانات ديه بجد اول مرة اسمع عنها ممكن تعرفونى ايه هى ؟

وربنا يوفقنا كلنا ان شاء الله

MoHammed Youssef

31-07-2009, 02:44 PM

يا جماعة ادعولى بكره الامتحان .................... حاسس بحاجة غريبة كده

يلا .......... ربنا معانا ....... افهم من كده ان الانسة شروق بس اللى هتدخل معايا فصول المتفوقين دى ......

MoHammed Youssef

31-07-2009, 02:47 PM

يا جماعة يلا الاعضاء اللى هيسجلوا معانا فى الموضوع ده لاخر السنة وهيكون فى تفاعل بينا .... وهيكون بمثابة الرئيس ........

يسجل اسمائهم معانا هنا ...........

محمد يوسف الشاذلى نادونى بتامر اسمى التانى
العمر : 16
الصف : اولى ثانوى طبعا

.................................

على فكرة انا بدأت دروس دلوقتى بس ده ظلم

بس شكل المناهج لذيذة بس صعبة حبتين

nOoOody

31-07-2009, 04:40 PM

http://google.comالريست هيكون لمدة نصف ساعة اعتقد يعني و انشاء الله يوفقنا كلنا
http://لخخلمثزؤخة

MoHammed Youssef

31-07-2009, 05:15 PM

يعنى على حسب الفترة تتراوح بين 3 ساعات او 4

FirstMan08

31-07-2009, 05:29 PM

يا جماعة الامتحان سهل جدا و الله العظيم انا كنت قلقان زيكم كده و مستغرب بس بجد كلها فوازير و اسئلة ذكاء و حاجات لذيذة و انا كنت التاني علي الادارة بتاعتي و الله

ms_soma

31-07-2009, 07:18 PM

هاى انا اسماء داخلة اولى ثانوى

انا كمان داخلة امتحانات المتفوقين

والامتحان بكرة وانا مرعوبة

وعلى فكرة ياشروق انا سمعت ان اللجان البنات لوحدها والاولاد لوحدهم

والله اعلم

وعلى فكرة انا سألت فى الادارة وقالوا الامتحان الساعة 8:00

وقالوا كمان نروح بدرى عشان المكان هيكون زحمة جدا

اما بالنسبة للدروس فأنا شايفة ان الدروس ملهاش لزمة فى سنة اولى

لكن لو لقيت فى مادة صعبة ومش همشى فيها

وقتها ممكن افكر اخد دروس

ملك المنزلة

31-07-2009, 09:19 PM

السلام عليكم
انا حمادة من المنزلة دقهلية انا لسة جديد فى الملتقى و ياريت اقدر اصاحب كل اعضاء الملتقى
انا لسة رايح اولى ثانوى ياريت بعض النصايح اللى نخلى بالنا منها من ناحية المذاكرة و الكلام دى
و رة تانية بندحرج التماسى و نقدم الصباح اللى زى العسل على اعضاء و عضوات الملتقى ههههههههه

MoHammed Youssef

31-07-2009, 10:56 PM

اهلا بكل الاعضاء يارب تستفيدوا وتفيدوا معانا فى الملتقى

.......

.*.سمسمة.*.

01-08-2009, 01:48 AM

باذن الله نوفق جميعا فى اولى ثانوى
وتبقى سنة سعيدة على الجميع

ربنا يوفقكم كلكم

SHiNE

01-08-2009, 12:57 PM

إزيكم يـ جماعة عملتوا إيه في الأمتحان ؟!

والله الأمتحان كان كويس بـ الذات أول 3 أختبارات << روووعة.. بس أغلس حاجة كانت حكاية الرسم دي .. عشر دقايق نرسم فيها ده كله !

MoHammed Youssef

01-08-2009, 07:47 PM

إزيكم يـ جماعة عملتوا إيه في الأمتحان ؟!

والله الأمتحان كان كويس بـ الذات أول 3 أختبارات << روووعة.. بس أغلس حاجة كانت حكاية الرسم دي .. عشر دقايق نرسم فيها ده كله !

نعمل ايه دا هبل

صحيح المتحان كان ساهل

بس الرسم هو اغبى حاجة 40 رسمة فى 10 دقائق برضوا دا اسمه كلام انا عملت 4 رسمات فقط

SHiNE

01-08-2009, 08:10 PM

نعمل ايه دا هبل

صحيح المتحان كان ساهل

بس الرسم هو اغبى حاجة 40 رسمة فى 10 دقائق برضوا دا اسمه كلام انا عملت 4 رسمات فقط

الفترة الأولى كانت تمام ع الأخر :wub: .. والواحد كان مبسوط جداً ومنشكح في الرست :d..
الفترة التانية دي بقى اللي ليها العجب .. أول الصدمات كانت الرسم ده >> بجد شئ لا يصدقه عقل :blink:>> حاساهم كانوا فاكرين أنهم بـ يتعاملو مع بيكاسو في الورقة :028ja7:.. ولا السؤال بتاع أقسم الشكل نصفين ده عملت التانية وسبت الأولى ولـ حد دلوقتي مش فاهماها خالص .. وأنا بـ أفكر فيها كنت حاسة أني أغبى إنسانة في الكون:bosyht9: ..
عامة قدر الله وما شاء فعل وسواء نجحنا أو لا سمح الله حصل حاجة تانية فـ أحنا في الأول والأخير طلاب بـ الصف الأول الثانوي:cool:..

MoHammed Youssef

01-08-2009, 08:15 PM

الفترة الأولى كانت تمام ع الأخر :wub: .. والواحد كان مبسوط جداً ومنشكح في الرست :d..
الفترة التانية دي بقى اللي ليها العجب .. أول الصدمات كانت الرسم ده >> بجد شئ لا يصدقه عقل :blink:>> حاساهم كانوا فاكرين أنهم بـ يتعاملو مع بيكاسو في الورقة :028ja7:.. ولا السؤال بتاع أقسم الشكل نصفين ده عملت التانية وسبت الأولى ولـ حد دلوقتي مش فاهماها خالص .. وأنا بـ أفكر فيها كنت حاسة أني أغبى إنسانة في الكون:bosyht9: ..
عامة قدر الله وما شاء فعل وسواء نجحنا أو لا سمح الله حصل حاجة تانية فـ أحنا في الأول والأخير طلاب بـ الصف الأول الثانوي:cool:..

والله زى ما قولتى كده كل اى كلام كده وانا اصلا معرفش ارسم بتاتا انا جايب 290 وناقص 8 درجات فى الرسم
............................

والسؤال بتاع قسم ده الغلس اخر حاجة يوووووه عملت اى حاجة بالبركة بقى
..........
يلا بالتوفيق انا مش فارقة ادخل ولا مدخلش يعنى عادى هى هى العملية المهم هى اولى ثانوية زى ما حضرتك قولتى
........

booklife

01-08-2009, 09:54 PM

انا ما رسمتش كتير وفى اسئلة حلتها بالبركة هى الفترة التانية هى اللى كانت غلسة

samsam_2050

02-08-2009, 07:18 PM

للامتياز و التفوق فى الرياضيات
مهندس بعرض خدماتة لجميع طلبة 2 ثانوى و الاعدادية
مجموعات صغيرة و شرح وافى
للاتصال:0105707306

sman332

04-08-2009, 08:40 AM

ههههههههههههههههههه والمهندس ده هيدينا ازاى يعنى مش فاهم........

Dr.Kedaokay

05-08-2009, 11:07 PM

ربنا يجعلها سنة حلوة علينا ان شاء الله كلنا
و يارب نفيد بعض
عمار
اولي ثانوي
منصورة ..

منغير اسماء

06-08-2009, 03:27 AM

اولي ثانوي دي كانت سنه اشطه علي الاخر خروجات و فسح هي سهله في الترم التاني او هي كدا بلنسبالي لان الاحياء و الكمياء كانو في الاول انا طالع تانيه ثانوي ربنا معايا

MoHammed Youssef

07-08-2009, 04:21 PM

ربنا يجعلها سنة حلوة علينا ان شاء الله كلنا
و يارب نفيد بعض
عمار
اولي ثانوي
منصورة ..

اهلا اخى عمار
........
منور الملتقى والله

0102200605

08-08-2009, 03:09 PM

ايه يا عم هيه النتيجة بانت ولا ايه
حد يقولي

MoHammed Youssef

08-08-2009, 07:51 PM

انا بسمع ان النتيجة هتبانبعد ثلاث اسابيع بص
هى على العموم هتبان اول شهر 9
...........
مؤكد

sman332

09-08-2009, 08:57 AM

انا عاوز افهم انا عمال اكتب فى كل حته اللى انا اولى ثانوى ومحدش برده عاوز يغيرها من ملفى هما مش عاوزين يكبرونى ولا ايه ياريت اللى يعرف يعمل حاجة او يكلم مشرف يقوله عليا.....................

(تــــــــــــــــــــــــــــــــــونى العاشق)

MoHammed Youssef

09-08-2009, 03:19 PM

اخى انا واضع اسمى بقاله 3 شهور عشان اغير الوصف الى اولى ثانوى وهما ولا هنا

اعتقد انهم هيغيروا مع بداية السنة الدراسية الجديدة

brave st

09-08-2009, 04:57 PM

النتيجة ايمتة في المنصورة
وهتيجي منين

sman332

10-08-2009, 11:02 PM

الف شكرر انك رديت عليا بس كلمة اخى دى حاسس ان دمها تقيل متقول عمر يا عم...وعموما الف شكر.

ms_soma

15-08-2009, 08:02 PM

النتيجة بتاعت فصول المتفوقين طلعت وانا جبتها والى عرفتوا كمان ان اعلى درجة هى 63%

يعنى مفيش حد من البنات جايب اكتر من 63%

اما الاولاد معرفش

والفترة الاولى كانت زى العسل اما التانية دى انا رسمت فيها خمس رسمات بس

غاده عبد الحميد

16-08-2009, 09:03 PM

انا متشكرة اوي لكريم killer وليكي يا شروق عشان انتم رديتم عليا عليا وعلى فكرة ياشروق انا كنت فاكرة ان المعهد زي ما انت بتقولي كده بس انا بدات في اول 8 لما جربته حبيته جدا لانهم مقسمنا على كذا مدرج والمكان واسع وكمان مفيش مضيعة للوقت ابدا وكل المدرسين انا جربتهم وبصراحة لا يعلى عليهم مدينا حقنا تالت ومتلت 00 انا لما حسبتها لقيت ان المعهد ليا احسن 00 على العموم شكرا ليكي جدا جدا 0000 ياريت تردي عليا انا عايزة اعرف انتى منين من المحلة00000 يا كريم المعهد اسمه 000المجد000 وله فرعين واحد في السبع بنات والتاني في الجمهورية0000

arafah1360

19-08-2009, 01:15 AM

ياجماعة انا مش عارفة اعمل ايه الدروس بدأت من اول 8 وانا مش بروح وخايفة مش ألحق اي حاجة معاهم

MoHammed Youssef

21-08-2009, 02:23 AM

مش مهم ممكن تبدأى دروس من المدارس مع محموعات تانية
.......

MoHammed Youssef

21-08-2009, 02:26 AM

رمضان كريم على جميع الاعضاء
.............ويارب يكون من اسعد رمضانات حياتكم

فوءة سامي

21-08-2009, 03:15 PM

يا جماعة محدش يخاف من الدروس لان المناهج سهلة جدا وهتعرفوا تتابعوا مع المدرسة ان شاء الله 000000رمضان كريم000000 بالمناسبة انا اللي كنت كاتبة التعليق اللي انكتب باسم غادة عبد الحميد لان كان في غلط حصل ومرة تانية باشكر كريم وشروق.

booklife

21-08-2009, 07:00 PM

كل سنة وانتم طيبين

ms_soma

21-08-2009, 07:13 PM

رمضان كريم

وكل سنة وانتم طيبين

SHiNE

21-08-2009, 10:46 PM

شيماء - وفاء - سوما - تامر - وكل الناس اللي في أولى ثانوي خصوصاً وأي حد بـ يمر ع الملتقى عموماً ..
رمضااااااااااااااان كريم .. أعاده الله علينا وعليكم بـ اليمن والخير والبركات إن شاء الله ..
وكل سنة وأنتوا طيبين ..

فوءة سامي

22-08-2009, 07:19 AM

وانتى طيبة يا شروق ورمضان كريم على كل المسلمين

booklife

22-08-2009, 01:23 PM

وانتى طيبة يا شوشو
مشفتكيش من زمان

arafah1360

26-08-2009, 01:24 AM

انا مش بمزاجي مش بحضر الدروس انا اصلي مسافرة ومش هاجي الا قبل الدراسة بيومين ساعدوني بليز

كل عام وانتم بخير

MoHammed Youssef

26-08-2009, 02:57 AM

كل عام وحميع اعضاء المنتدى بخير
............
يا ريت يا جماعة اى حد نجح فى امتحان المتوفين يسجل اسمه ونشوف اللى هيحصل بعدين
..............
( لسه فيه مناقشات كتيرة جايا ان شاء الله )
.............

انا عن نفسى لسه مجبتش النتيجة بتعتى لحد دلوقتى

booklife

26-08-2009, 12:45 PM

انا لسه مجبتش النتيجة

MoHammed Youssef

29-08-2009, 12:05 AM

باركولى يا جماعة طلعت المركز الاول على الاداره عندى ......................
..............

الحمد لله

love god

29-08-2009, 01:32 AM

السلام عليكم ورحمة الله وبركاتهد
انا ياجماعة لسه عضوة جديدة فى المنتدى والمنتدى ده عجبنى اوى وكل سنة وانتوا طيبين وانا ياجماعة اسكندرانية ياريت اتعرف على بنات ادى داخلين اولى ثانوى من اسكندرية

ms_soma

30-08-2009, 03:22 AM

الف مبروك انا النتيجة بتاعتى مش حلوة اوى وربنا يسهل على العموم نتابع موضوع الفصول بعد بداية الدراسة

ms_soma

30-08-2009, 03:25 AM

صحيح انا قدمت فى مدرسة احمد عرابى للبنات فى حد معايا فى المدرسة ولا لا

MoHammed Youssef

01-09-2009, 02:01 AM

شوفتوا يا جماعة حكاية التلات ايام فى الاسبوع دراسة فقط

الزهراء2

01-09-2009, 04:18 PM

يا جماعة أنا عايزة أعرف إيه أفضل الكتب الخارجية للصف الاول الثانوي وخاصة الفرنساوي

مصطفى الشقي

01-09-2009, 11:36 PM

بسم الله الرحمن الرحيم
انا عضو في المنتدى قديم بس اول مرة اشارك في الموضوع فممكن تشاركوني معاكم
انا اسمي مصطفى فوزي
السن / 15 سنة
طبعا في اولى ثانوي بس عام مش متفوقين
و اود ان اشكر تامر على فكرة الموضوع و ربنا يوفقنا جميعا ان شاء الله
وتقبلوا تحياتي جميعا و كل عام و انتم بخير

yoyeta

03-09-2009, 06:40 PM

اهلاً يا جماعة ازيكم
و انا برده احب اشارك معاكم فى الموضوع
انا رايحة اولى ثانوى و بدأت دروس

mero roro

03-09-2009, 08:20 PM

يا جماعة أنا عايزة أعرف إيه أفضل الكتب الخارجية للصف الاول الثانوي وخاصة الفرنساوي
انا مش معاكوا في اولى ثانوى
بس حابة اقولك ان bravo احسن كتاب فى الفرنساوى

moky4mido

05-09-2009, 12:38 AM

الوووووووووووو
اية الجمال دا كلكوا عاملين تجمع
يا خراشي خايف حد يحسدكوا
مانتعرف كدا على حد ولا اي واحد يسيب الايميل بتاعه :d

MoHammed Youssef

06-09-2009, 12:41 AM

اظن ان كتاب merci
افضل كتاب فى الفرنساوى
........
نسيت صحيح ارحب بالاعضاء الجدد اللى معانا
وبالتوفيق للجميع

فوءة سامي

09-09-2009, 12:27 PM

اهلا يا جماعة ازيك وحشتوني اوى انا بقالي كتير مدخلتش ع الموقع اصلي مشغولة في الدروس والمذاكرة ادعولي يا جماعة ربنا يوفقني000بالنسبة لاحسن كتاب في الفرنساوي هو حسب رايي le maitre والله اعلم 000وبالمناسبة يا جماعة الفرنساوي ده عقدة حياتي يارب تتفك قولوا اميييييييييييييين.ورمضان كريم

booklife

09-09-2009, 01:33 PM

امين
انا بكرهه
المهم
ازيكم يا جماعة
عاملين ايه فى الدروس

moky4mido

09-09-2009, 09:38 PM

والله حرااام عليكو الفرنساوي تاااااااااااااااااافه جدا انا دخلت في 3 امتحانات قفلت واحد و2 الباقين نقصت ف واحد نص عشان نسيت لابستروف وواحد نقصت في 1.5 عشان تصريف فعل وغلطة تافهة جدا جدا الموضوع بس كان عايز شوية تركيز

فوءة سامي

13-09-2009, 07:11 AM

امتحانات ايه ؟!احنا لسة بنقول يا هادي ولا انتي في سنة كام؟على العموم دي اراء انا شايفة ان الفرنساوي صعب يمكن عشان لسة في الاول ومتعودتش عليه ولا حاجة 000 ما علينا00قولولي يا جماعة ايه رايكم في باقي المواد؟ ايه السهل ؟وايه الصعب ؟انا سمعت ان الدراسة 3\10 الكلام ده صح؟

toxedo

13-09-2009, 10:57 PM

أنا بقى محمود الموجى من المنصورة مدرسة أحمد حسن الزيات سنى 16 سنة رايح أولة ثانوى

فوءة سامي

16-09-2009, 04:23 PM

اهلا بيك يا محمود ايه رايك في المواد والمناهج يالا يا جماعة عايزة اعرف اراءكم

مصطفى الشقي

17-09-2009, 04:59 PM

بس الله الرحمن الرحيم
في البداية احب ارحب بكل الاعضاؤ الجدد و احب اطمنكم ان الفرنساوي مادة سهلة جداً يا فوءة و المطلوب فيها بس التركيز و الحفظ اكتر من الفهم و على فكرة كل الآراء بتقول ان معظم المواد سهلة و بالذات اللغات الثلاثة ( عربي و انجليزي و فرنساوي )) و يا ريت مشاركات اكتر و تفاعل
وعندي سؤال لزيادة المشاركات
ايه المشاكل اللي بتواجهكم و في اي المواد .؟؟؟؟؟؟؟؟؟؟؟؟؟؟؟
مصطفى الشقي

ms_soma

18-09-2009, 04:56 AM

كل سنة وانتوا كلكوا بخيررررر

moky4mido

20-09-2009, 02:03 PM

انا محمد من دمياط 15 سنة

أخدت الوقتي 4 امتحانااااات ف الفرانساوي بس كللو ف الدرس المسيو بجد ملوووش حل
كل حصة مراجعة

انا اللي مدايقني الرياضة حساب المثلثات دا خنييييق جدا جدا جدا

MoHammed Youssef

21-09-2009, 03:20 AM

كل سنة وانتم طيبين يا شباب وبنات
عيد سعيد عليكم

الملكة زوزو

21-09-2009, 08:39 PM

انا سما اولى ثانوى لسة مش ابتديت دروس
انا قدمت فى مدرسة الخنساء الثانوية بنات حد معايا
:)انا عوزة اقولكم يابخت الى ابتدو الدروس انا لسة ما ابتدتش كل سنة وانتم طيبين

booklife

23-09-2009, 04:23 PM

ازيكم يا جماعة
عاملين ايه
هى المدرسة هتبدأ امتى

الملكة زوزو

23-09-2009, 07:47 PM

انا قرات فى جريدة الوفد اليوم 23\9 انا المدارس هتبتدى 3\10 ومش هتتاجل تانى

booklife

23-09-2009, 07:56 PM

انا بسمع انها السبت الجاى لا اللى بعده
هى الكليات معاهم

brave st

23-09-2009, 10:13 PM

لا انا معتش بسمع
اصل انا جالي ضعف سمع

sman332

24-09-2009, 11:46 AM

هوا مكتووب فى موقع الوزارة انها يوووم 26سبتمبر

sman332

24-09-2009, 11:48 AM

يا جماعة كل سنة وانتوا طيبين معلش انا قولتها بعد العيد كان نفسى ققولها قبله بس انتوا عارفين مشاكل النت على العيد المهم قولتها وايه يا جماعة عاوز اكوون صداقات جديدة ايه محدش عاوز يصاحبنى ولا ايه (اخوكم omaralksas).

booklife

24-09-2009, 12:38 PM

وحضرتك طيب
انا سمعت فى التليفزيون انها هتكون 3-10
فى برنامج كان جيبين فيه الوزير
وقولوا لو لقوا حالة اقصى مدة يقفلوا فيها المدرسة اسبوعين بس

NoUrHaN_Z

24-09-2009, 11:16 PM

أنا أخر كلام قرأته كان فى جرنال المصرى اليوم
أن الوزير قال ان 3|10 بداية العام الدراسى و مفيش أى تأجيل تانى
سيبكوا انتوا من الحاجات دى
على فكره يا جماعه أنا كنت داخله أسبانى و هاحول ألمانى علشان ناويه ان شاء الله علمى رياضه
أنا ابتديت درس الألمانى خلاص بس خدت فيه حصه واحده و بكره ان شاء الله الحصه التانيه
إيه رأى اللى بياخد المانى زيى فيه
بالنسبه ليك سهل و لا
و ايه اللى عاجبك أو مضايقك فيه ؟

MoHammed Youssef

26-09-2009, 01:31 PM

اهلا بكل حبايبى وكل اصحابى اللى معانا فى الملتقى ويارب تكون اسعد الناس .... وان شاء الله تقضوا سنه من احلى سنين عمركم فى الدراسه ... و ربنا يوفقكم ويكون فى عونكم ....

بالنسبة للدراسه يا جماعة يوم السبت 3/10 ومجلس المحافظين هيعقد يوم الثلاثاء المقبل لاخذ اخر القرارت بالنسبه للدراسه .....
يا رب استر ..........
.........
( محمد يوسف )

aytyimagine

26-09-2009, 04:18 PM

انا اختارونى فى فصل المتفوقين وقلقانة جدا

booklife

26-09-2009, 06:07 PM

فى ناس بتقول انه مش حلو
وانا قلقانة

MoHammed Youssef

27-09-2009, 02:17 PM

انا وقعت فيها وقدر الله ما شاء فعل ...........
..............
ربنا معانا ان شاء الله

NoUrHaN_Z

28-09-2009, 01:14 AM

الحمد لله
مفيش ف مدرستنا فصول متفوقين
يعنى كوسه على الأخر

MoHammed Youssef

28-09-2009, 11:28 AM

يا جماعه محدش عرف نظام المدرسه بتاعته اى قرار نزل من الاداره

هل نظام الثلاث ايام ام الفترتين ؟؟؟

NoUrHaN_Z

28-09-2009, 01:48 PM

انا مدرستى عملت نظام الفترتين
و كمان هاحضر يوم السبت

booklife

28-09-2009, 04:13 PM

وانا كمان نفس الحكايه
المفروض كانوا يخلوا السبت اجازة احسن بدل من نروحوا كل يوم والساعة 7 كمان

MoHammed Youssef

28-09-2009, 06:41 PM

يا جماعة اى حد عنده اخبار عن ى حاجه عن الدراسه يريت يحطها فى الملتقى
...................................

قريبا سيتم وضع جدول الحصص الصوتيه فى الملتقى ...

بنوته بطعم التوته

29-09-2009, 12:25 PM

اهلا يا جماعة انا جديده انا فى فائقات وبيقولوا انها صعبه اوى ايه رايكوا

MoHammed Youssef

29-09-2009, 01:33 PM

اهلا بيكى يا شهيدان لا هى مش صعبه اوى بس هى هتحتاج مذاكره اطول شويه من العادى وانك تخرجى عن المنهج شويه
.........................

بس ان شاء الله ربنا معانا

zoooo

29-09-2009, 01:45 PM

انا جبت مجموع كويس في3اعدادي بس المدرسة مكنش فيها فصول متفوقين بس بعد كده طلع ان فيها والمدرسين مش عارفين

مصطفى الشقي

29-09-2009, 01:51 PM

بسم الله الرحمن الرحيم
احب ارحب بكل الاعضاء الجدد معانا و بصراحة انا لسة ما عرفتش نظام مدرستي ايه بس المتوقع انها تكون نظام ثلاثة ايام و ثلاثة بس مش دي المشكلة المشكلة في اننا كده هانروح 3 ايام بس طحن على الاقل نرجع الساعة 4 ولا 5 و كدة مش ها يبقى في فرصة للمذاكرة ها يبقى 3 ايام مدارس و 3 ايام نوم ولا ايه
وعلى فكرة الفرنساوي مادة جميلة انا دلوقتي في اخر الوحدة الثانية من خمس وحدات بس اخدت 3 امتحانات و الحمد لله قفلتهم كلهم و العربي طويل و فيه جديد كتير بس حلو والانجليزي انا خلصت الوحدة الثالثة وكله لحد دلوقتي قديم بس لسه مش بدأت رياضة
يا ريت لو في اي مشكلة عند اي حد في اي مادة نتشارك فيها كلنا علشان نلاقي لها حل
و تقبلوا تحياتي و كل عام و انتم بخير
مصطفى الشقي
:078111rg3::078111rg3::078111rg3::078111rg3:
:av4056bb7jp3::av4056bb7jp3::av4056bb7jp3:

MoHammed Youssef

29-09-2009, 02:01 PM

ِشكرا يا مصطفى على التقييم الرائع ده صراحه هائل يا ريت يا جماعه كل واحد يعمل تقييم لكل ماده بيذاكرها او بدأها
................

booklife

29-09-2009, 02:57 PM

انا فى مدرسين بيقولوا ان عليها سوال فى الامتحانات لازم يتحل
وحاجات زيادة فى المنهج عشان كده انا قلقانة من الفصول
ومدرستى فترتين للاسف
والدروس شغالين فيها ولسه الامتحانات ماخدتهاش

NoUrHaN_Z

29-09-2009, 07:20 PM

أنا حاسه انى هاضيع السنه دى لو مشيت على نظام السنين اللى فاتت
دا أنا كده اليوم كله اتضرب عليا
أساسا يا دوب هارجع الساعه 6 من المدرسه و طبعا ممكن أخد درس قبل أو بعد المدرسه
و علشان أذاكر كويس لازم أنام ساعتين
و ممكن أخد درس يوم الجمعه
يعنى السنه كلها من أولها تعب و دروس
و لازم أمشى بجدول أطبقه بالدقيقه
زى مانكون دخلنا سنه تانيه علطول و احنا مش واخدين بالنا

booklife

29-09-2009, 07:34 PM

ليه يا بنتى انت نظام مدرستك ايه

MoHammed Youssef

29-09-2009, 08:34 PM

صحيح اليوم هيضيع كله لو اتاخد ضهر
...........
هيفر فى الهوا

booklife

29-09-2009, 08:55 PM

انا مدرستى هتبقى الصبح
بس متهيالى نظام التلت ايام احسن من كده

sman332

29-09-2009, 09:13 PM

انا بتمنى يطبقوا نظام التلت ايام ده عندنا ده هيبقى نظام جامد............

NoUrHaN_Z

29-09-2009, 09:15 PM

ليه يا بنتى انت نظام مدرستك ايه

أنا مدرتى عملت نظام الفترتين
يعنى بقيت مسائى
من الساعه 12 الضهر لحد 6 ونص المعاد الرسمى
بس المدرسه هاتخرجنا بدرى على 5 ونص

NoUrHaN_Z

29-09-2009, 09:16 PM

طبعا نظام التلت ايام دا جامد
كفايه نك كده هايبقى عندك 4 ايام فاضيين
قول مثلا هتاخد ف يومين دروس
يبقى كده عندك يومين كاملين ممكن تذاكر فيهم من أولهم لاّخرهم

sman332

29-09-2009, 09:30 PM

بس قوووول يارب يطبقوووه

NoUrHaN_Z

29-09-2009, 09:33 PM

يااااااااااارب عندى و عندك

sman332

29-09-2009, 09:58 PM

انتا منين؟؟؟؟؟؟؟؟؟؟؟؟

NoUrHaN_Z

29-09-2009, 10:01 PM

انا من الجيزه

booklife

29-09-2009, 10:09 PM

وانا كمان نستونى ولا ايه انا معاكم

NoUrHaN_Z

29-09-2009, 10:25 PM

هههههههههههههههههه
منوره يا بوك لايف

booklife

29-09-2009, 10:31 PM

ده نورك انتى

NoUrHaN_Z

29-09-2009, 10:35 PM

ربنا يخليكى دا من ذوقك
انتى خدتى دروس و لا لسه
و عملوا ف مدرستك نظام الفترتين و لا لأ

booklife

29-09-2009, 10:37 PM

انا بدات
والمدرسة فترتين للاسف

NoUrHaN_Z

29-09-2009, 10:40 PM

أنا لسه مش عارفه هاخد مع مين
حاسه انى ضايعااااااااااا
كمان الفتره التانيه دى عاملالى قلق
أنا بقيت عامله زى الناموسه الدايخه

NoUrHaN_Z

29-09-2009, 10:42 PM

انا هاقوم بقى علشان قاعده من الصبح و شكلى هنااااااااااام
تصبحوا على خير

booklife

29-09-2009, 10:44 PM

وانتى من اهله نتكلم بكرة ان شاء الله

فوءة سامي

30-09-2009, 11:13 AM

اخر حاجة نزلت من الوزارة ان الدراسة 3|10 وهتكون 3 ايام في الاسبوع.سنة اولى ثانوي سبت واتنين واربع وسنة تانية وتالتة حد وتلات وخميس . وكمان بيقولوا ان المناهج هيتشال منها اجزاء وكمان ياجماعة الخروج مش هيبقى متاخر اقصى حاجة الساعة 12.30 او 1.00 يعني سهلوا الموضوع اوي

MoHammed Youssef

30-09-2009, 11:28 AM

مين اللى قال الكلام ده يا فوءة
........
انا اعرف انى دى اشاعات مش اكتر او استثناءات مش على الكل

مصطفى الشقي

30-09-2009, 02:00 PM

بسم الله الرحمن الرحيم
يا جماعة احنا عايزين مسئولي الموقع يدلونا على آخر الاخبار الاكيدة على نظام الدراسة و هل كل مدرسة هاتبقى ليها الحرية في اختيار نظامها ولا ايه و لا كل محافظة ولا ايه النظام و تفاصيل الاحداث اللي احنا بنعيشها دي صحيح كأننا دخلنا سنة 2 على طول و احنا مش واخدين بالنا و كل ما تزيد الاشاعات بنقاق اكتر دلوقتي احنا طول الاسبوع و لا 3 ايام و لا فترتين ولا ايه بالضبط و عايزين اخبار اكيدة مش سمعت و قريت
و تقبلوا تحياتي
مصطفى الشقي
كل عــــــــــ وانتم بخير ـــــــــــــام
:av4056bb7jp3::av4056bb7jp3::av4056bb7jp3::av4056b b7jp3:

booklife

30-09-2009, 02:31 PM

انا مدرستى هتبقى يوم السبت طول الاسبوع احنا الفترة الاولى والفترة التانية مدرسة ابتدائى

sman332

01-10-2009, 11:52 AM

هوا انتوا بتعرفوا منين وبعدين انت اسمك ايه يا booklife علشان انتا الوحيد اللى متعاون فى المووضوع ده وبعدين علشان نبقى اصحاب.......(الشهيد عمرررررر)

مصطفى الشقي

01-10-2009, 02:42 PM

علشان انتا الوحيد اللى متعاون فى المووضوع ده )
ممكن نعرف يعني ايه يا sman ولا مش ممكن
تحيااااااااااااااااااااااااااااااااااااااااااتي
مصطفى الشقي
:av4056bb7jp3::av4056bb7jp3::av4056bb7jp3::av4056b b7jp3:

sman332

01-10-2009, 07:18 PM

يعنى يا مصطفى هوا الووحيد اللى انا ملاحظه بيرد على معظم الردود مش اكترر يعنى يا مصطفى ولو الرد زعلك فانا اسف يا باشا....(متزعلش قووى كده دى وسيلة من وسائل الاثارة )..

sman332

01-10-2009, 07:21 PM

واهلا بيك يا جلال يا جماعة جلال ده عضو عشرة على عشرة بجد والله ..........

MoHammed Youssef

01-10-2009, 09:33 PM

على فكره يا سمان هى بنت مش ولد
...............................

اهلا بالتلميذ المتفوق معانا فى الملتقى نورت الملتقى
.............

يا جماعه انتوا ايه احوال المدارس عندك بالنسبه للغياب كل واحد يشرح احوال مدرسته وهل تم الاستعداد ولا لا ؟
............

NoUrHaN_Z

01-10-2009, 10:07 PM

أخر كلام ف مدرستى
هانكون فتره تانيه و السبت أجازه
اليوم هايبتدى من الساعه 12 و نص
و هانخلص الساعه 4 ونص
أنا معرفش إيه هى إستعدادات مدرستى لإنى لما بحب أستفسر على حاجه بسأل بالتليفون
بس كل المدرسين اللى باخد معاهم دروس بيقولوا ان الغياب هايترفع
الغياب هايتاخد بس كإجراء روتينى بس مش هانتحاسب عليه
و بصراحه أنا عندى إحساس إنى هاروح ألاقى المدرسه فاضيه بتنش
علشان الناس خايفه من الإنفلونزا
و صاحبتى كمان مش رايحه أول أسبوع خالص علشا مامتها خايفه عليها
و هتاخد الدروس كلها لوحدها ف البيت
لو كل أولياء الأمور فكروا كده هانلاقى المدرسه مهويه

كيــ(أمير الرومانسية)ــمو

01-10-2009, 10:43 PM

يا جماعة موضوع الـ3 ايام ده أتطبق في 3 محافظات ككل اللي هما تقريبا أسيوط والجيزة ومحافظة تالتة مش فاكرها
أما بقه في باقي المحافظات هايتطبق النظام ده على المدارس اللي كثافة الفصول فيها أكثر من 40 طالب
والله أعلم

فوءة سامي

02-10-2009, 07:40 AM

معلش يا جماعة الاخبار اللي انا كنت قلتها مش غلط ..بس الوزارة الله يكرمها كل شوية بكلمة ..انا والدى في الادارة وقال ان التقسيمة والنظام مش خاص بكل محافظة لوحدها ..انا عرفت ان المدارس اللي كثافة الفصل فيها هتزيد عن 40 طالب هتبقى 3ايام في الاسبوع واللي اقل هتفضل 6ايام ..وعلى فكرة ممكن يبقى فيه شواذ يعني مش كل المدارس زي بعضها في مدارس صباحى وفي مسائي وفي مدارس هتتقسم فترتين عشان الاعداد الكبيرة ..انا عرفت برضه انهم هيوزعوا كمامات ..لكل طالب كمامة ..انا الصراحة مش عارفة هنتكلم ازاي في الكمامات دي..وبعدين انتوا مستعجلين على ايه؟؟!!.. يا خبر النهاردة بفلوس بكرة يبقى ببلاش.. اهي الدراسة بكرة وكل واحد هيعرف ساسه من راسه..

MoHammed Youssef

02-10-2009, 08:52 AM

انا عندى اصحاب كتير ليا مش رايحين المدرسه خالص السنادى هيقضوها فى البيت مذاكره مع دروس واظن ان كده احسن برضوا ..
........

انا مش عايز اروح خالص برضوا واذاكر فى البيت .. بس يعنى اهو ناخد الاسبوع الاول فى المدرسه ونشوف الظروف
......

فوءة سامي

02-10-2009, 09:55 AM

لو انت في اولى ثانوي منصحكش تعمل كده عشان اعمال السنة والوش ده

MoHammed Youssef

02-10-2009, 10:33 AM

اه انا فى اولى بس اهى سنه وخلاص هنعديها ان شاء الله

MoHammed Youssef

02-10-2009, 10:36 AM

بس هما بيقولوا ان الغياب هيترفع وهيتساهلوا فيه بالنسبه للمدرسين

aboyosf-2009

02-10-2009, 01:11 PM

انا فى اولى وعايزة مذكرة فيزياء اسئلة

sman332

02-10-2009, 02:15 PM

الزهراء2

02-10-2009, 03:57 PM

عايزة اعرف يا جماعة احنا هناخد كام مادة وايه المواد اللي تبع المجموع

مصطفى الشقي

02-10-2009, 10:44 PM

:romarioxp6:بسم الله الرحمن الرحيم :romarioxp6:
بص يا عم سمان انا مش زعلان ولا حاجة ده برضه كان يعني جر كلام انا بس عايز افتح كلام معاك و على فكرة انا كمان ما كنتش اعرف انها بنت
و احب ارحب بكل الناس الجدد معانا و عايز اعرف انتوا قلقانين من ايه القلق من انن نكون ما عندناش علم بالموضوع و احنا الحمد لله عندنا علم بكل جوانب الموضوع و احنا ناس عاقلة و تعرف تتصرف في اي حالة ولا ايه :romarioxp6::romarioxp6:
و برضه احب اقول انتوا ليه عايزين تعرفوا نظام المدارس احنا بكرة هانعرف كل حاجة و نظام المدارس و المواد وكل حاجة
و توضيح بسيط :giljotiiniug3:
احنا عندنا السنادي مجموعتين من المواد
عموما في 4 مواد ثابتة و هي ال ( عربي - E - رياضة - F ) وباقي ال8 مواد بيختلفوا كل تيرم
المجموعة الاولى : فيزياء و تاريخ و فلسفة و مادة تطبيقية
المجموعة الثانية : كيمياء و جغرافيا و احياء و برضه مادة تطبيقية :frown::frown:
وكل واحد بياخد مجموعة على حسب نظام مدرسته ممكن الاولى :028ja7:الاول و الثانية في التيرم الثاني او العكس :028ja7:
:028ja7:و الله اعلم :028ja7:
و هذا على حد علمي
وتقبلوا تحياتي
مصطفى الشقي
:039uw8::039uw8:
:022yb4::022yb4:
:romarioxp6::romarioxp6::romarioxp6:

الزهراء2

03-10-2009, 10:23 AM

شكرا جزيلا

EMINEM - the teen version

03-10-2009, 08:02 PM

المدرسه دمار النهارده والمدرسين شدين علينا :abdoog8::040vk0: ومفيش غياب وكلام فاضى من ده بس تمام الثانوى فعلا مرحله جديده وعايزه شغل ولما الواحد يقعد يفكر فى مستقبله كتير يحس انه عنده 1000000 سنه :wacko:بس المهم ان احنا نركز السنه دى فعلا هى سنه مهمه زى تانيه وتالته ثانوى والى يقول متزاكرش ده يبقى dumbass
:078111rg3::078111rg3: peace

.*.سمسمة.*.

03-10-2009, 08:17 PM

http://www.samysoft.net/forumim/slam/65745736.gif

احنا كمان نفس النظام
وانا شايفه ان اولى ثانوى اساس تانية وتالته واللى هيستهتر بيها بيضيع نفسة بجد

الطفله البريئه المغمضه

03-10-2009, 08:31 PM

الف مبرووووووووووووووووك يا جماعه المدرسه بكره اهي ء اهيء
يلا يا جماعه عايزين الدح يبقي علي ودنوووووووووووو امال ايه ديه اولي ثانوي اتقل سنه

EMINEM - the teen version

03-10-2009, 09:53 PM

الف مبرووووووووووووووووك يا جماعه المدرسه بكره اهي ء اهيء
يلا يا جماعه عايزين الدح يبقي علي ودنوووووووووووو امال ايه ديه اولي ثانوي اتقل سنه
يمكن مدرستك مختلفه :confused: بس الدراسه كانت النهارده

repentance

03-10-2009, 11:24 PM

انا جديده معاكم في الملتقي بجد زعلانه اني مش معاكم من اول يوم واني مش خدت بالي
علي فكره الدراسه هتبتدي بكره عندي انا كمان في مطروح وده نظام علي مستوى الاداره كلها وعندي نظام الفترتيين وانا الفتره بتاعة الصبح بس الصراحه احسن من ال3 اياام عشان ال3 ايام ممكن نكسل لو كنا يف البيت لكن كدهوه هنعلم لل حاجه هنذاكر وناخد دروس و نروح المدرسه

repentance

03-10-2009, 11:28 PM

repentance

03-10-2009, 11:29 PM

بجد انا فرحااانه اني هدخل ثانوي اووووووووي
مرحله جديه بقي ولذيذه اكيييد
علي فكره انا من مطروح مدرسة الثانويه بنات ياري كون في حد معايا هنا

repentance

03-10-2009, 11:30 PM

انا بدات مذاكرة رياضيات (جبر) بجد مبسوطه اني عرفت افهم من شرحي لنفسي بدون مساعده والدليل ع الافاده اني حليت كللللل المسائل في كتاب المعاصر
علي فكره احلي كتاب في الرياضيات هو المعاصر و صدقوني

repentance

03-10-2009, 11:33 PM

سلاااااام يا احلي اعضاء عشان الله اعلم انكنت هعرف اواظب علي التواصل معاكم ولا لا عشان غالبا هأحظر من الكمبيوتر نهااائي بس يمكن اول اسبوع اتدلع شويه وابقي اقعد واشوف حواركم
مبسوطه ان في موضوع مجمعنا كلنا من سن واحد وعقليه متقاربه لحد ماا ربنا يعينكم ويكرمكم ياااااااااااااارب ويكرمني معاكم يارب لو عرفت اقعد بكره هبقي احكيلكم الجو ععندي في المدرسه وخصوصا ان مطروح بتختلف عن باقي المحافظات

فوءة سامي

04-10-2009, 07:17 PM

يا جماعه محتاجه مساعده منكم ضروري بالله عليكم
بصوا انا مش بطيييق حاجه اسمها دروس وبجد ديه عقبتي في الدراسه وبيضيع الوقت عندي اوووي ومش ببقي مرتاحه في الدروس ومع ذلك والدتي مصممممممه اخد دروس وولو حتي فرنساوي وانجليزي وانا مش نموافقه بس مش عايزه ازعلها ومش عارفه اقنعها خالص ولو خدت دروس م هذاكر خاااالص ونفسيتي بتبوظ منها قولولي اعمل مع والدتي ايه بس
بصي يا همس الدروس مش وحشة اوي كده عشان تكرهيها للدرجه دي انا بروح معهد من اول 8 وباخد كل المواد انا رحت المعهد لانه هينظملي وقتى ..انا رايى انك تجربي الدروس انتي هتحتاجي دروس رياضة وفرنساوي لان باقي المواد سهلة جدا وانتي لونظمتي مواعيد دروسك وقتك مش هيضيع ولا حاجة ووالدتك مغلطتش هي عايزة مصلحتك انتي واضح ان دماغك ناشفة جدا بس بقى لو انتي حاسة انك جينيس وهتذاكري كل المواد لوحدك وعايزةتقنعي مامتك يبقى لازم تبينيلها تفوقك استني مثلا لغاية امتحانات اول شهر في المدرسة واثبتي انك مش محتاجة لدروس ..بس خلي في علمك ان المذاكرة من غير دروس متعبة جداااااااا...

EMINEM - the teen version

04-10-2009, 08:21 PM

تمام يا فوءة بالظبط ألى انا عاوز اقوله

فوءة سامي

04-10-2009, 10:59 PM

انا يا جماعة عندي استفسار .انا في المعهد خدت مذكرة عربي وذاكرت منها طول مدة الاجازة بس لما استلمت كتب الوزارة اتصدمت المواضيع كبييييييييييييييييييرة جدا والكلام فيه لت وعجن وانا مش عارفة اعمل ايه في الموضوع ده .اذاكر ازاي ؟؟من المذكرة المختصرة ولا كتاب الوزارة اللي يغم ويسد النفس ويجيب كل الامراض ..اه نسيت اطلب منكم طلب.انا كنت عايزة لو حد عنده تمارين فرنساوي كويسة يكتبها بليييييييييييييييييييييييييييز
لان التمارين اللي عندي مش كفاية.سلاااااااااااااااااااااااااااااااااااام

EMINEM - the teen version

05-10-2009, 01:09 AM

بالنسبه لمزكره المعهد انا المعهد بعتمد عليه كشرح لأن المزكره بتبقى ملخصه على مزاج المدرس الى عاملها وبيبقى معظمها فى غلطات سواء مطبعيه او الى عاملها مدرس احول :wacko: فمن رأيى ان الكتاب المدرسى افضل للمزاكره لأنه لامم كل المنهج مش مختصر حاجه او مكروت زى مدرس المعهد ;)

:078111rg3::078111rg3::078111rg3: سلام انا رايح انام

repentance

05-10-2009, 02:07 PM

بصي طبعااااا لازم تسيبك من مذكرة المعهد وان كنتي عايزه حاجه ملخصه احسنلك تعمليها انتي بجد انا مش بعرف اذاكر من ملخصات لاي حددددد غير من الكتب الخارجيه يااما كتاب الوزاره لكن المذكرات ديه مش بتبقي كويسه بجد سيبيكي منها لو تعرفي تجيبي كتب خارجيه كويسه يبقي افضل ولو مش بتحبيها يبقي خليكي في كتب المدرسه ولو عايزه تلخيص يبقي لخصي لنفسك افضل وعلي فكره معني انك تلخصي لنفسك انك ذاكرتي الدرس دهوه خلاص وانتي بتلخصي تشيلياللي انتي عايزاه وتكنسليه وتحطي اللي انتي عايزاه لكن مثلا لما يكون في درس والمستر اللي عامل الملزمه راح شايل منه جمله وافرضي طلعت مهمه انتي هتعرفيها منين هتدخلي دماغ يعني ؟؟ !!!! اسفه للاطاله

بصي يا همس الدروس مش وحشة اوي كده عشان تكرهيها للدرجه دي انا بروح معهد من اول 8 وباخد كل المواد انا رحت المعهد لانه هينظملي وقتى ..انا رايى انك تجربي الدروس انتي هتحتاجي دروس رياضة وفرنساوي لان باقي المواد سهلة جدا وانتي لونظمتي مواعيد دروسك وقتك مش هيضيع ولا حاجة ووالدتك مغلطتش هي عايزة مصلحتك انتي واضح ان دماغك ناشفة جدا بس بقى لو انتي حاسة انك جينيس وهتذاكري كل المواد لوحدك وعايزةتقنعي مامتك يبقى لازم تبينيلها تفوقك استني مثلا لغاية امتحانات اول شهر في المدرسة واثبتي انك مش محتاجة لدروس ..بس خلي في علمك ان المذاكرة من غير دروس متعبة جداااااااا...

ايوووووووووه حضريتيك قولتي حاجه حلوه اوووووي ان انا ابين لوالدتي مدى قدرتي هو دا الحل الوحيد صح ؟؟؟ والدتي بقي مش عايزه تديني الفرصه اللي اوضحلها اني قادره علي المذاكره لوحدي وهكون مش فيحاجه لدروس ابداااااوبتقولي مش هستني ولا اسبوع حتي عشان لو اسبوع ضاااع يبقي مش هلحق ادخل درس ومش هلاقي اماكن وصدقوني الدروس بتضيع الوقت معايا جداا جداااااا انا كنت باخد في البيت السنه اللي فاتت كانوا صحابي بيجوا قبلها بساعه الا ربع وطبعا مش بعرف اذاكر في الوقت دهوه والدرس كانن بياخد ساعه وشويه وبعد الدرس صحابي بيقعدوا ببرضه وبيهزروا وبدل ما الدرس ياخد ساعه بياخد مني يمكن 3 ساعات !! وكمان المنهجانا شايفاه انه سهل جداااااااا جدااااااا بجد مش بالدرجه اللي كل اللي قبلي خوفيني منه المنهج لذييذ حتى المواد الادبيه اللي بكرهه زي التاريخ والجغرفيا داخله حباهم وان شاء الله خير وويفقنا كلنااااا ياااااارب ميرسي لاهتمامكم جدااا

repentance

05-10-2009, 02:13 PM

بجد انا مبسوووووووووووطه جداااااااا عشان دخلت ثانوي وكمان مدرستي لذيذه اووووي والمدرسين كويسييييين جدا بجد الجو العام كله في المدرسه لذيذ وشوفت اصحاب ليا مش شوفتهم من ابتدائي والحمد لله السنادي بالذات عندي حماس حلو اوووي للدراسه و حاسه اني اقدر اعمل حاجه كويسه السنادي واتفوق كمااان

طبعا هتقولولي المنهج كبييير والنظام الجديد واللخبطه بتاعة الاتش وان ان وان والحصص قصرت وفترات ووحاجات من ديه والجهد الاكبر ع الطالب ازاي الدراسه عجباكي وبتفكري اساسا انك تعملي حاجه ودي اولى ثانوي وعبط !!
هقولكم بجد انا حاسه ان السنه لذيذه وسهللللللللللله وبسييييطه عشان انا داخله حباها حتي المواد اللي بكرهه حبيتها عشان اعرف اذاكرها كويس في واحد قريبي قالي كلمه قالي مش تخافي من الماده بالعكس خوفيها انتي

حبوا المدرسه والمنهج والمواد واستسهلوها هتلاقيكم متفوقييين جداااااا ان شاءالله وركزوا كووووويس مع المدرسيين عشان بيقولوا الحاجات المهمه بس اوقتي عشان الحصص قلت فمش في وقت نضيعه في الحصه

repentance

05-10-2009, 02:17 PM

وبلاش تقعدوا كتير ع النت والكمبيوتر والتلفيزيون وتقوليا احنا بنتفرج علي برامج تعليميه وبندور علي نماذج اسئله للمواد والحاجات ديه:d
فاهمييييييين:stickjo4:
ونظموا وقتكم ولما تحطوا جدول مذاكره اتحدوا نفسكم انكم مش تناموا الا لما تخلصوا مذاكره :av4056bb7jp3:
مااااااسي ؟؟ :bosyht9:
اما اسئلة الفرنساوي والله لسه مش جبت كتاب خارجي فرنساوي اجيب بس ان شاءالله وابقي اكتبهاليك يا فوءه بس معليشي هبقي اكتبهالك ان شاالله والللي عنده اي استفسار في المنهج ولا في اي حاجه يبقي يكتبها هنا واحنا كلنا ان شاءا لله نساعد بعض

MoHammed Youssef

05-10-2009, 04:05 PM

اهلا بهمس والله منوره الملتقى
عامله شغل كبير فى الملتقى انت هنا بارك الله فيكى
..............
بى يا همس حكايه انك تذاكرى لوحدك دى مش قد كده فى الثانويه بقولهالك بجد انا زمان فى الاعدادى والابتدائى مكنتش اخد دروس خالص .. وكنت اشرح لنفسى كل حاجه كأنى استاذ بالظبط والله .... وكنت يعنى الحمد لله اطلع من الاوائل على المحافظه ........
بس الطرؤقة دى صعبه اوى فى الثانوى انا كنت هاعملها بس ناس كتير نصحتنى انى معملهاش وصح كلامها صح لانه صعب اوى فى الثانوى مع كتر المواد .......... فانت لو عايزه كده شوفى اللى يريحك طبعا دا اهم حاجه انك تعملى اللى يريحك واللى انت شايفه كويس بالنسبالك .............

ولو كنتى هاتذاكر لوحدك فى البيت اوك بس اعتمدى على الملخصات وشرح الاساتذه فى المدرسه لما تروحى تطبقى اللى اخدتيه فى المدرسه فى كل ماده ............. برضوا لو عايزة تحضرى حصص صوتيه مع اساتذه كويسين خالص على النت وببلاش قوليلي
............

ياريت اكون افدتك
.......
محمد يوسف

الزهراء2

05-10-2009, 08:03 PM

يا جماعة يا ريت اللي معاه كتاب bravo في اللفة الفرنسية يصور لنا الدرس الاول من الكتاب علشان انا مش لقياه في محافظتي

MoHammed Youssef

05-10-2009, 08:09 PM

مش كويس اوى merci
احسن منه اوى

الزهراء2

05-10-2009, 08:19 PM

طيب ياريت تنزلنا الدرس الاول من ميسرسي على الموقع علشان محافظتي مفهاش غير mon professor

امانى شلبى نويصر

05-10-2009, 09:47 PM

انا دخلت اولى ثانوى فائقات والبنات ايه ماشاء الله فى المذاكره عقبالكم كده يارب ادعيولى

مصطفى الشقي

05-10-2009, 11:00 PM

بسم الله الرحمن الرحيم
احب ارحب بكل الاعضاء الجدد معانا و انا اسف مش هالحق اقعد اكتر من كدة يا دوب ارد عليكم بس و احب اشكركم على نصائحكم يا كل من رد على الملتقى يا فوءة ويا همس و يا زهراء ويا محمد و كل الناس اللي مشتركين في الملتقى و انا مدرستي اشتغلت بنظام الجودة و التقويم و التعلم النشط على هيئة مجموعات من اربع تلاميذ في الفصل و المدرس يادوب يشرع رأس الموضوع و احنا نشارك معاه بالآراء و المجهودات :039uw8:في الفصل و على فكرة النظام اكثر من رائع لانه بيتيح :039uw8:لكل :039uw8:الطلبة انها تشارك و تظهر مهاراتها مع:039uw8: المدرس و ده برضه بيخلي للفصل شكل راقي و للتعليم نظام متحضر و احب اشكركم :022yb4::022yb4::022yb4:جميعا و استأذن انا :022yb4::022yb4::022yb4:
و تقبلوا مروري
:022yb4::022yb4:مصطفى الشقي:022yb4::022yb4:
:friendsxs3::friendsxs3::friendsxs3::friendsxs3:

EMINEM - the teen version

06-10-2009, 12:13 AM

فعلا نظام حضارى ياريت يتطبق فى كل المدارس:049gc0: (وده عمره ما هيحصل طبعا)

فوءة سامي

06-10-2009, 09:20 AM

ليه بتقول كده ؟؟؟؟؟ان شاء الله النظام ده يتطبق واحسن من كده كمااان :)بس النظام ده مش هينفع في كل المدارس ومش مع كل المدرسين...حد يسالني ليييييييييييييه:av4056bb7jp3:...؟

Mohamed.009

06-10-2009, 05:42 PM

انا مش شدين عليا قوى بس الحياه حلوه

repentance

06-10-2009, 06:10 PM

لييييييه يا فوءه متهيألي عشان كثافة الطلاب يعني عدد الطلاب بالنسبه لعدد المدارس في مصر ..
...

اهلا بيك محمد عضو جديد معانا ويارب الحياه حلوه تملي معاكم كلكم..

sman332

06-10-2009, 10:55 PM

انا هقوول بصراحة انا المدرسة عندنا جحيم مووووت (بس بالنسبة لى كده احسن الف مرة)....

EMINEM - the teen version

06-10-2009, 10:58 PM

اكيد يا فوءه عمره ما هيتطبق لأن المدارس الكثافه فيها عاليا جدا يعنى اكيد ده مش هيحصل ده نظام الفترتين اتطبق عشان يقل الكثافه لمرض ال n1 h1 فما بالك بأنه يقل كثافه الفصل بالشكل ده....

مصطفى الشقي

07-10-2009, 08:23 PM

بسم الله الرحمن الرحيم
اهلا بكل الاعضاء الجدد معانا وياريت تكون الدراسة كويسة معاكم من كل النواحي و يا ريت فعلا النظام اللي عندنا يتطبق في كل المدارس هيكون للتعليم طعم تاني طبعا .:av4056bb7jp3::av4056bb7jp3::av4056bb7jp3::):)
رجاء :- لو اي حد عنده مشكلة في اي حاجة في المواد في الحياة في المووود او اي حاجة يا ريت نتشارك فيها .:slap1qk6::slap1qk6::slap1qk6::romarioxp6::romari oxp6::romarioxp6:
و احب اشكر طبعا همس اللي عاملة مشاركات جامدة و طبعا فوءة و علشان منساش حد احب اشكر كل اللي في المنتدى على اتاحة الفرصة لينا لهذا الموضوع الرائع
:romarioxp6::romarioxp6::romarioxp6: و تقبلوا مروري :romarioxp6::romarioxp6::romarioxp6:
مصطفى الشقي
:039uw8::039uw8::039uw8:

repentance

07-10-2009, 11:32 PM

انا هقوول بصراحة انا المدرسة عندنا جحيم مووووت (بس بالنسبة لى كده احسن الف مرة)....

ياريت تقوليلنا جحيم ازاي يعني وضحي
وازاي جحيم وازي احسن الف مره هو كنتي في اعدادي اوحش من الحال دهوه ولا ايه

repentance

08-10-2009, 06:33 PM

يا جماعه بالله عليكم ل حد عنده برامج او اسططونات تعليميه في الفرنساوي ينزلهالنا بس تكون بالصوت عشان عندي مشكله في اني محتاجه اسمع فرنساوي عشان اقرأ كويس والحصص قصيره والمسيو مش هيقدر يكررلي الكلام علطول رجااااااءا اللي ععنده اي حاجه فرنساوي بالصوت ينزلهالنا وميرسي ليكم

sman332

08-10-2009, 08:23 PM

ياريت تقوليلنا جحيم ازاي يعني وضحي
وازاي جحيم وازي احسن الف مره هو كنتي في اعدادي اوحش من الحال دهوه ولا ايه

بصى انا هشرحلك اولا انا ولد اسمى عمر يا جماعة ...(بالنسبة للمدرسة بصى بقى عارفه لما تلاقى واحد جاى من ايطاليا للارياف فى مصر انا بقى بيعملونى كانى جاى من ايطاليا اصل المدرسة بتعتى فى الارياف والسبب اللى انا اتاخرت فى التقديم فطبعا المدرسة بتبقى مشدودة جامد قوووى على الناس اللى هناك بس انا حاسس ان فى معاملة خاصة يعنى بخرج براحتى من البوابة عادى جدا لو عاوز محضرش حصص برده عادى فده معنى (جحيم واحسن بالنسبة ليا ).........يارب يكوون شرح موضح......

مصطفى الشقي

08-10-2009, 09:37 PM

MoHammed Youssef

08-10-2009, 10:48 PM

يا جماعه ان شاء الله الحصص الصوتيه هتبدأ من الاسبوع الجاى نظموا مواعيدكم

انا سوف اضع الجدول فى الملتقى ... فور نزوله

فوءة سامي

09-10-2009, 01:14 PM

اهلا اهلا اهلا بالنسبة للي ردوا عليا وسالوني ليه؟
انا هقولكم ليه لان نظام معظم المدارس عندنا متغيرش نظامها من ايام الاحتلال النجليزى ويمكن بقى اوحش كمان ..
لان كل مدرس يدخل الحصة يدش الكلمتين للطلبة ويصحح الكراريس ويخرج لما الجرس يضرب :stickjo4:ويبقى حاسس انه كده بيرضي ربنا وبيرضي ضميره وعامل اللي عليه ...... مستني مدرس زي ده ييجي يقول للطلبة ياجماعة هتتقسمو ا مجموعات :039uw8:ومناقشات والكلام ده؟؟؟ قلييييييييييل جدا ..ولو حصل ان مدرسة طبقت النظام ده اكتر من نص المدرسين مش هيطبقوه وهيمشوا على نظامهم القديم ... الموضوع بقى مرتبط بالعقلية وبالتعود...
تعرفوا يا جماعة ؟حكاية انفلونزا الخنازير مأثرتش في حاجة ...العقل بيقول لما طالب تظهر عليه اعراض برد عادي يفصلوه لغاية ميعرفوا عنده ايه بالظبط ...ايه رايكم بقى اني انا و3 زمايلي جنب بعض في الفصل :friendsxs3:الانفلونزا اعراضها علينا كلنا وشديدة كمان ..تخيلوا المدرسين لما يلاقونا تعبانين كده يقولوا ايه؟؟؟؟؟؟؟فكروا وقولولي قالوا ايه؟؟؟

sman332

09-10-2009, 05:16 PM

يعني يا عمر انت اتأخرت في التقديم و لما جيت تقدم ما لقيتش مكان فرحت الارياف ولا ايه :abdoog8::abdoog8::abdoog8:
وانت تبع محافظة ايه ؟؟؟؟؟؟؟؟؟؟؟:bosyht9::bosyht9::blush::blush:
و اشمعنى بيسيبوك تخرج او متحضرش ؟؟؟؟؟؟؟؟؟؟؟؟؟؟؟؟ :confused::confused::confused::confused:

و تقبل مروري
مصطفى الشقي

ايووه فعلا هوا ده اللى حصل كنت مسافر فتاخرت عن ميعاد التقديم وانا من محافظة البحيرة...بالنسبة بقى لحكاية بيسبونى اخرج دى فانا مش عارف لييه..

EMINEM - the teen version

09-10-2009, 05:27 PM

هو انا اكيد معرفش قالو بس انا ممكن اقول من خبرتى ب الى حصل ان فيه نوعين من المدرسين ممكن يرد عليك نوع مدرس بجد عامل الى عليه و فاهم شغله (وده نادر طبعا) ونوع تانى بالظبط زى الى قالت عليه فوءه الى هو مدرس يدش هو مش فاهم بيقول ايه ويضيع فى الحصه يا يعمل نفسه راجل ويضرب فى العيال وامثله من كده كتير........ وده طبعا لو شاف حد عنده فى الفصل اصلا عنده انفلونزا الخنازير يقول ياض بلاش دلع ده برد عادى لما تروح اشرب ينسون..! بجد والله حصل فى مدرسه اخويا الصغير فى تانيه اعدادى مدرسين داخلين يفهموا الطلبه الوقايه من المرض بيقول لما تحس انك تعبان وسخن خليك فى البيت واشرب ينسون ... لا والله طب مينفعش سحلب ايه ده ايه العقليه العبقريه لدى مدرسين مصر لا حول ولا قوه الا بالله طبعا العيال هتشرب ينسون زى مافال المربى الفاضل امال ال tamiflu ده اتعمل ليه معمول للمغص مثلا او الكمامات المفروض الوزاره بتوزعها للمدارس عشان الوقايه طبعا ده المدرسين ميسكتوش عليه ازاى يعنى كمامات للطلبه واحنا نموت يعنى مينفعش تلاقى المدرسين بتاخد الكمامات كان الوزاره بتوزع شيكولاته و تلاقى المدرس ياخد الكمامات ليه وللعائله تخيلوا ايه الى حصل لما بقى فى نقص فى الكمامات بقوا بيبعوها للطلبه!

كفايه كده عشان ممكن يتقال عليا ارهابى وضد مصلحه الدوله العليا.

sman332

09-10-2009, 07:00 PM

هههههههههههه روح استخبى قبل متتمسك .

repentance

09-10-2009, 07:59 PM

بصى انا هشرحلك اولا انا ولد اسمى عمر يا جماعة ...(بالنسبة للمدرسة بصى بقى عارفه لما تلاقى واحد جاى من ايطاليا للارياف فى مصر انا بقى بيعملونى كانى جاى من ايطاليا اصل المدرسة بتعتى فى الارياف والسبب اللى انا اتاخرت فى التقديم فطبعا المدرسة بتبقى مشدودة جامد قوووى على الناس اللى هناك بس انا حاسس ان فى معاملة خاصة يعنى بخرج براحتى من البوابة عادى جدا لو عاوز محضرش حصص برده عادى فده معنى (جحيم واحسن بالنسبة ليا ).........يارب يكوون شرح موضح......
سوري اني اتكلمت بصيغة بنت ..
واها فهمت ازاي جحيم وازاي احسن بالنسبه إلك
بس علي فكره انت تقدر تخليهم مش يفرقوا بينك وبين زمايلك كان معايا زميلتي اللله يرحمها كن عندها القلب لما الفصل كله يتكلم كالعاده المدرس يدخل يضرب الكل اللي اتكلمواللي مش اتكلم معادا هيا كنا بنقول هيا ممنوعه من الضرب كانت تقف للمدرسه تقوله يا اتضرب زيي زي زمايلي يا خلاص يعني مش عشان هيا مش تعبانه ومرتاحه يبق يكون في فرق بينها وبين زمايلها يبقي انت اساسا مش تخرج من البوباه غير في ميعادك وتحضر حصصك كلهاا وتلتزم ولما مش يعاقبوك علي الافعال ديه مش تفرح بنفسك بالعكس اقلق علي نفسك وافتكر ان السنه الجايه ان شاء الله هيجي واحد زميلك برضه يقدم متأخر وهيعاملوه احسن منك وهتكون انت بقيت قديم في المدرسه وخلاص بقي قاموا معاك بالمواجب وهتضايق جداااااااا من المعامله المفضله له عنك وعن زمايلك .. اسفه للتدخل والاطاله جداااا:excl:

repentance

09-10-2009, 08:01 PM

يا جماعه ان شاء الله الحصص الصوتيه هتبدأ من الاسبوع الجاى نظموا مواعيدكم

انا سوف اضع الجدول فى الملتقى ... فور نزوله

ميرسي لجهدك معانا
وبالتوفيق لكم جميعا
بجد محتاجه الحصص الصوتيه تبدأ بسرعه ..

repentance

09-10-2009, 08:05 PM

اهلا اهلا اهلا بالنسبة للي ردوا عليا وسالوني ليه؟

انا هقولكم ليه لان نظام معظم المدارس عندنا متغيرش نظامها من ايام الاحتلال النجليزى ويمكن بقى اوحش كمان ..
لان كل مدرس يدخل الحصة يدش الكلمتين للطلبة ويصحح الكراريس ويخرج لما الجرس يضرب :stickjo4:ويبقى حاسس انه كده بيرضي ربنا وبيرضي ضميره وعامل اللي عليه ...... مستني مدرس زي ده ييجي يقول للطلبة ياجماعة هتتقسمو ا مجموعات :039uw8:ومناقشات والكلام ده؟؟؟ قلييييييييييل جدا ..ولو حصل ان مدرسة طبقت النظام ده اكتر من نص المدرسين مش هيطبقوه وهيمشوا على نظامهم القديم ... الموضوع بقى مرتبط بالعقلية وبالتعود...

تعرفوا يا جماعة ؟حكاية انفلونزا الخنازير مأثرتش في حاجة ...العقل بيقول لما طالب تظهر عليه اعراض برد عادي يفصلوه لغاية ميعرفوا عنده ايه بالظبط ...ايه رايكم بقى اني انا و3 زمايلي جنب بعض في الفصل :friendsxs3:الانفلونزا اعراضها علينا كلنا وشديدة كمان ..تخيلوا المدرسين لما يلاقونا تعبانين كده يقولوا ايه؟؟؟؟؟؟؟فكروا وقولولي قالوا ايه؟؟؟

قالوا ايييه ؟؟؟:excl:
ايه قالولكم اسما الله عليكم وبكره تخفم وعلي رايEMINEM - the teen version (http://www.thanwya.com/vb/member.php?u=307795) قال اشربوا ينسون !!؟ هههه

EMINEM - the teen version

09-10-2009, 09:18 PM

هههههههههههه روح استخبى قبل متتمسك .
هبقى اروح استخبى تحت السرير :028ja7:

sman332

10-10-2009, 10:05 AM

سوري اني اتكلمت بصيغة بنت ..
واها فهمت ازاي جحيم وازاي احسن بالنسبه إلك
بس علي فكره انت تقدر تخليهم مش يفرقوا بينك وبين زمايلك كان معايا زميلتي اللله يرحمها كن عندها القلب لما الفصل كله يتكلم كالعاده المدرس يدخل يضرب الكل اللي اتكلمواللي مش اتكلم معادا هيا كنا بنقول هيا ممنوعه من الضرب كانت تقف للمدرسه تقوله يا اتضرب زيي زي زمايلي يا خلاص يعني مش عشان هيا مش تعبانه ومرتاحه يبق يكون في فرق بينها وبين زمايلها يبقي انت اساسا مش تخرج من البوباه غير في ميعادك وتحضر حصصك كلهاا وتلتزم ولما مش يعاقبوك علي الافعال ديه مش تفرح بنفسك بالعكس اقلق علي نفسك وافتكر ان السنه الجايه ان شاء الله هيجي واحد زميلك برضه يقدم متأخر وهيعاملوه احسن منك وهتكون انت بقيت قديم في المدرسه وخلاص بقي قاموا معاك بالمواجب وهتضايق جداااااااا من المعامله المفضله له عنك وعن زمايلك .. اسفه للتدخل والاطاله جداااا:excl:

بس زميلتك دى كانت تعبانه علشان كده محدش بيضربها وعلى العموم انا هحوول ان شاء الله من المدرسة دى وميرسى على المداخلة اللطيفة دى...

sman332

10-10-2009, 10:12 AM

هبقى اروح استخبى تحت السرير :028ja7:

والسرير ده امان ولا وعر........(هههههههههه)..

sman332

10-10-2009, 10:49 AM

يا جماعة انا قولت احط القاموس ده لللى عاوزه وطبعا انا نقله ده بس للافادة (فرنسى/عربى.عربى/فرنسى)

http://www.mediafire.com/download.php?te2lzdizokj

فوءة سامي

10-10-2009, 01:40 PM

EMINEM - the teen version

10-10-2009, 04:22 PM

مش لازم يا فوءه الابحاث تبقى بالورقه والقلم ممكن ب ال search من google وتطبعى الصفحات ولو مفيش عندك برنتر ممكن من صاحبتك يعنى الموضع بيمشى

EMINEM - the teen version

10-10-2009, 04:25 PM

يا جماعة انا قولت احط القاموس ده لللى عاوزه وطبعا انا نقله ده بس للافادة (فرنسى/عربى.عربى/فرنسى)

http://www.mediafire.com/download.php?te2lzdizokj
شكرا وربنا يجازيك خير على جهدك :078111rg3:

sman332

10-10-2009, 08:24 PM

الف شكر على الدعوة الجميلة دى..

sman332

10-10-2009, 08:28 PM

فوءة سامي

11-10-2009, 12:06 AM

انا صحيح معنديش برنتر بس مش دي المشكلة:p..... المشكلة انهم عايزيننا نقرا كتب ونعمل ابحاث عشان نستفيد ......انا منكرش ان هو ده الصح بس لازم يراعونا برضه ...وحكاية اني اروح للاخصائية الصحية وتكتبلي ورق والكلام ده:bosyht9: .....مش هينفع معاهم خالص .....وكمان المفروض هم اللي يشوفوا مين تعبان مش احنا اللي نروح نوريهم نفسنا :av4056bb7jp3:ونقول لهم احنا اهو..... انا ممكن بدل الابحاث في مسابقة رسم بدل الابحاث هتبقى اسهل ومش هتاخد وقت ...ايه رايكم رسم ولا ابحاث؟؟؟؟؟؟؟قولولي:friendsxs3:

EMINEM - the teen version

11-10-2009, 07:12 AM

هو على حسب البحث الكتابى بيتكلم عن ايه يعنى مثلا تاريخ الأسلامى او ... يعنى حاجه مهمه يبقى ده افيد لكن لو موضوع بحث على السحلاف والكلاب والثعابين والحجات المعوقه دى يبقى الرسم افضل
وبما ان المدرسين شادين مش راضين بورقه من العياده يبقى لازم تشربى
ينسون زى ما قال المدرس العظيم:slap1qk6:

repentance

11-10-2009, 04:29 PM

يا جماعة انا قولت احط القاموس ده لللى عاوزه وطبعا انا نقله ده بس للافادة (فرنسى/عربى.عربى/فرنسى)

http://www.mediafire.com/download.php?te2lzdizokj

الله يكرمك جبته في وقته انا عايزه اي حاجه تنطقلي فرنساوي عشان وانا بذاكر
ربنا يوفقكنا كلنا ياااااااارب اللهم اميييييييييييييييييييين

repentance

11-10-2009, 04:42 PM

اهلا كمان مرة انا متشكرة جدا للاعضاء اللي بيحالوا يخدموا المنتدى والاعضاء التانيين .وبعدها اشكر اللي بيعبروني وبيردوا عليا انا هقول لكم المدرسين قالوا لنا ايه لما شافونا متنيلين تعبانين مدرس العربي قال لي بهزار روحي يا بت روحي بيتكم:slap1qk6: ...والمدرس اللي ييجي جنب الدسك بتاعنا ويلاقي واحدة بتعطس ولا بتكح :blush:يعمل نفسه خفيف الدم ويبعد عنها ويرح يشم نفسه عند الشباك ويرجع ...يعنى بالعربي كده عملونا مألسة الفصل
...ومافيش اهتمام ولا يحزنون ...وكل يوم الحالة بتسوء اكتر واكتر... انا بتدمر يا جماعة ...المهم ما علينا ...في المدرسة عندنا هاريننا مسابقات بس ايه كلها اجبارية يعني مثلا مدرس الجغرافيا بيقول لنا :مطلوب بحث ميقلش عن15صفحة :abdoog8:لازم يتعمل انا مبهددكوش يا جماعة بس خليكم عارفين ان اللي مش هيعمله مالهوش درجات اعمال سنة عندى :stickjo4:................وقال ايه مبيهددناش يا حلاوة امال لو هددنا بقى هيقول ايه؟!!وكذلك مدرسة الفلسفة والمس بتاعت النشاط ...طيب بالله عليكم واحدة عيانة زيي تقعد تعمل ابحاث وتوجع قلبها ازاي؟؟؟؟؟؟؟؟؟؟عايزة رايكم بليييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييز

انا صحيح معنديش برنتر بس مش دي المشكلة:p..... المشكلة انهم عايزيننا نقرا كتب ونعمل ابحاث عشان نستفيد ......انا منكرش ان هو ده الصح بس لازم يراعونا برضه ...وحكاية اني اروح للاخصائية الصحية وتكتبلي ورق والكلام ده:bosyht9: .....مش هينفع معاهم خالص .....وكمان المفروض هم اللي يشوفوا مين تعبان مش احنا اللي نروح نوريهم نفسنا :av4056bb7jp3:ونقول لهم احنا اهو..... انا ممكن بدل الابحاث في مسابقة رسم بدل الابحاث هتبقى اسهل ومش هتاخد وقت ...ايه رايكم رسم ولا ابحاث؟؟؟؟؟؟؟قولولي:friendsxs3:

اولا مش تزعلي من المدرسيين ومعاملتهم وانتي تعبانه انتي وصحابكاعذريهم عشان العالم كله مشدد ع الموضوع بتاع الانفلزنزا ومحسيسين الكل انه الطاعون مش اتش وان ان وان ...

ثانيا بالنسبه للابحاث ازاي بتقولي الرسم مش هياخد وقت !! :excl: دا الرسم اكتر حاجه بتاخد وقت ومش فيها حاجه لما تدخلي المكتبه تقرأي فيها مش هيتعبك اكتر ولا حاجه ده انتي هتقري مش هتشتغلي وتعملي تمارين وحاجات عمليه يعني حاجه بسيطه ..
وبعدين بصي بلاش تعملي المرض حجه انك تهربي من الابحاث والمذاكره هاااااه احنا طلبه زي بعض :d
طب منا اهوه عندي اتش وان ان ميه خمسه واربعيين دا نوع الفيروس المتطور من انفلونزا الخناير :d وعاااادي خالص تعبانه ومدغدغه بس بذاكر و بعمل بحث عن 6 اكتوبر ومش اجباري ده مسابقه وخلاص يعني تطوع مني والسلام.. اصل بصي انا لو فضلت عامله حجة المرض هيجي يوم واخف وهيبقي ورايا مذاكره قـــــــــــــــــــــــــــــــــــــــــــد كدهوه وهذاكر هذاكر بمذاجي او بغصب عني ومش هنلحق نذاكر حاجه فخديها من قاصرها وذاكري كويس وبلاش حجج :friendsxs3::d
وبعدين يعني هنقعد ع اللسرير وخلاص دا حتي حياه ملل كدهوه .. اقعدي ذاكري اهوه تنسي انك تعبانه ربنا يشفينا

repentance

11-10-2009, 04:44 PM

يا جماعه بصوا من كام يوم كان في في قناة الجزيره عالم امريكي بيقول ان موضوع انفلونزا الخنازير مش خطر بالصوره اللي منتشره في العالم وان امريكا هيا اللي مبالغه في الموضوع وانها سياسة تجاره عشان يتباع اللقاح او المصل بتاع المرض دهوه الله اعلم برضه بس دهوه اللي شوفته

EMINEM - the teen version

11-10-2009, 05:20 PM

هو الكلام ده صحيح من ناحيه ان امريكا واخده الموضوع تجاره بس امريكا مش مبالغه لأنه موضوع خطير بجد طب هو اسمه ليه وباء بس ملخص للموضوع ده هو حمى جامده ممكن تموت لو الجسم ضعيف بمعنى ان المناعه ضعيفه وفى ناس بتخف منه بس ده لو ناس مناعتها جامده زى الشباب (الى هو احنا) والى تحت سن ال60 .

repentance

11-10-2009, 06:49 PM

احنا مين بس .؟؟
دا احنا اكتر ناس ممكن تنضر هو دهوه سننا اللي خطر من 5 سنيين ل 22 سنه خطر جداا ومن فوق ال65

repentance

11-10-2009, 06:50 PM

يا جماعه في خبر اوقتي سمعته صاحبة اخت صاحبتي في سكندريه اتوفت عشان شكوا ان عندها اتش وان ان وانوعزلوها ف اوضة العزل لكن مش عملوا اي اجراءت طبيه مستعجله وكانوا متاخريين لغاية ما اتوفت يعني اتوفى حالتيين في مصر .. ربنا يستر يارب

repentance

11-10-2009, 09:40 PM

يا جماعه هو انتم مش بتفتحوا غير ليه مش شايفه حد فيكم بيدخل الملتقي الا كام واحد بس فين الباقي ؟؟

MoHammed Youssef

11-10-2009, 09:42 PM

الكل مشغول فى الدراسه الوقت صغير خالص خالص

EMINEM - the teen version

11-10-2009, 09:48 PM

يا همس موضوع ال22 سنه ده بس بيبقى الmaximum عشان ميحصلش هلع فى الشعب لأن بيبقى فى ناس فى سننا بس مناعتهم ضعيفه فقدروها بسن ال22 عشان يكون خلص النمو بتاعه لكن احنا ك teenagers عاديين ده بالعكس احنا عندنا طاقه ونشاط ومناعه اكتر من حد عنده 30 سنه
ده حقيقى خلى مثلا حد فى سننا يلعب تمرين ضغط ضد حد عنده 30سنه او يجرى ضده مين عنده نشاط اكتر ولا مين الادرينالين بيجرى فى دمه اكتر

repentance

11-10-2009, 09:57 PM

يعني طب مش تدخلوا نطمن وتطلعواتاني بعدينهنهوه بنفيد بعض برضه وهيا ربع ساعه حتي في اليوم نتفق نتجمع فيها ولا مش فاضيين ربع ساعه برضه ؟؟

repentance

11-10-2009, 09:59 PM

MoHammed Youssef

11-10-2009, 10:00 PM

انا شايف ان الملتقى ده اكتر موضوع فى القسم كله بل فى المنتدى كله نشيط اوى

repentance

11-10-2009, 10:03 PM

اهاا الحمد لله ومتقيم كويس انت هتحسدنا ولا ايه هههه ماشاء الله علينا وربنا يوفقنا ان شاء الله

MoHammed Youssef

11-10-2009, 10:09 PM

ربنا يوفقنا ان شاء الله كده ونجيب اعلى الدرجات ويخلى الملتقى والمنتدى لينا

و ربنا يعدى السنادى على خير

repentance

11-10-2009, 10:25 PM

ان شاءا لله
يا جماعه اللي عايز اي حاجه في اي ماده يكتب اللي هو عايزه هنهوه عشان نساعد بعض ونفيد بعض

sman332

12-10-2009, 01:02 PM

يا جماعة انا مش عاوز غير جدول كويس امشى عليه وان شاء الله ربنا هيوفقنى....وياريت موضوع الربع ساعة ده يكوون بليل حتى يكون الواحد خلص من اللى عليه اوك..

sman332

12-10-2009, 01:18 PM

انا ادبى على فكرة عاوز اى جدول بس ياريت بسرعة...

EMINEM - the teen version

12-10-2009, 01:32 PM

يا جماعه لو حد فيكم عارف الجدول بتاع الغرف الصوتيه يقول الجدول
:blink:

sman332

12-10-2009, 04:22 PM

ممكن يا جماعة اى حد يقول تقسيمة المواد (ادبية/علمية )....

sman332

12-10-2009, 04:34 PM

يا جماعة ردوا عليا بسرعة انا فعلا عاوز اعرف تقسيمة المواد علشان اعرف اشتغل ياريت اى حد من اللى بياخد درس يكتبها بسررعة

repentance

12-10-2009, 04:36 PM

ادبي ايه ؟؟ انت ازهري ولا ايه ؟؟
اما جدول الغرف الصوتيه مش عندي فكره عنه لكن MoHa4eVeR CS_Tamer (http://www.thanwya.com/vb/member.php?u=124271) قال انه هينزله لنا هنهوه اول ما ينزل ان شاءالله
...
يعني نظام تمشي عليه في مذاكرتك ؟؟ ولا ايه

الزهراء2

12-10-2009, 04:39 PM

يا جماعة معلش يا ريت لو حد يقولي مقدمة اذاعة مدرسية كويسة

repentance

12-10-2009, 04:41 PM

يا جماعة معلش يا ريت لو حد يقولي مقدمة اذاعة مدرسية كويسة

انتي عايزاه النهارده وتقديميها بكره ان شاءالله ؟؟

repentance

12-10-2009, 04:55 PM

بصي يا زهراء ع العموم دي مقدمات لو عايزه غيرها قولي ادخلي ع الينك دهوه

http://www.thanwya.com/vb/showthread.php?p=1598706

MoHammed Youssef

12-10-2009, 06:53 PM

يا جماعه ممكن الوقت اللى نتجمع فيه كلنا يكون الساعه 9 الليل معاد مناسب اظن
............
ياريت اللى عنده اعتراض يقول

MoHammed Youssef

12-10-2009, 09:29 PM

محدش جه فينكم

repentance

12-10-2009, 09:36 PM

متهيألي كويس واهو نشوف ردهم
انا موافقه ..

sman332

13-10-2009, 12:33 PM

ادبي ايه ؟؟ انت ازهري ولا ايه ؟؟
اما جدول الغرف الصوتيه مش عندي فكره عنه لكن moha4ever cs_tamer (http://www.thanwya.com/vb/member.php?u=124271) قال انه هينزله لنا هنهوه اول ما ينزل ان شاءالله
...
يعني نظام تمشي عليه في مذاكرتك ؟؟ ولا ايه

ايوووووووووووه(على العموم خلاص فى واحد جبلى جدوله...

sman332

13-10-2009, 12:34 PM

اوك انا كمان موافق بس احتمال فى ايام محضرش فيها..

فوءة سامي

14-10-2009, 12:38 PM

يا جماعة خلوا كلامنا مع بعض حلو ونبعد عن الخبث ده شوية

فوءة سامي

14-10-2009, 12:48 PM

اولا مش تزعلي من المدرسيين ومعاملتهم وانتي تعبانه انتي وصحابكاعذريهم عشان العالم كله مشدد ع الموضوع بتاع الانفلزنزا ومحسيسين الكل انه الطاعون مش اتش وان ان وان ...

ثانيا بالنسبه للابحاث ازاي بتقولي الرسم مش هياخد وقت !! :excl: دا الرسم اكتر حاجه بتاخد وقت ومش فيها حاجه لما تدخلي المكتبه تقرأي فيها مش هيتعبك اكتر ولا حاجه ده انتي هتقري مش هتشتغلي وتعملي تمارين وحاجات عمليه يعني حاجه بسيطه ..
وبعدين بصي بلاش تعملي المرض حجه انك تهربي من الابحاث والمذاكره هاااااه احنا طلبه زي بعض :d
طب منا اهوه عندي اتش وان ان ميه خمسه واربعيين دا نوع الفيروس المتطور من انفلونزا الخناير :d وعاااادي خالص تعبانه ومدغدغه بس بذاكر و بعمل بحث عن 6 اكتوبر ومش اجباري ده مسابقه وخلاص يعني تطوع مني والسلام.. اصل بصي انا لو فضلت عامله حجة المرض هيجي يوم واخف وهيبقي ورايا مذاكره قـــــــــــــــــــــــــــــــــــــــــــد كدهوه وهذاكر هذاكر بمذاجي او بغصب عني ومش هنلحق نذاكر حاجه فخديها من قاصرها وذاكري كويس وبلاش حجج :friendsxs3::d
وبعدين يعني هنقعد ع اللسرير وخلاص دا حتي حياه ملل كدهوه .. اقعدي ذاكري اهوه تنسي انك تعبانه ربنا يشفينا

يا جماعه ممكن الوقت اللى نتجمع فيه كلنا يكون الساعه 9 الليل معاد مناسب اظن
............
ياريت اللى عنده اعتراض يقول

على فكرة انا مكنتش بتحجج ولا حاجة:angry2: وبالنسبة للمذاكرة انا مش مقصرة فيها رغم مرضي وبذاكر اول باول والحمد لله .....وانا مجبتش سيرة المذاكرة لو انتي قراتي كلامي كويس ....عموما شكرا على النصيحة.....وميعاد الساعة تسعة ده مش هينفع ابدا ياMoHa4eVeR CS_Tamer :oبقى المدرسة والدروس طول النهار ونت بالليل امال هنذاكر ونشوف اللي ورانا امتى ؟؟؟:excl::confused:!!!!!وبالنسبة للبحث فهو عن الصحة الانجابية:006et4: والرسم عن انفلونزا الطيور:eek:

MoHammed Youssef

14-10-2009, 01:06 PM

خلاص يا فوءه قولى الوقتا للى يعجبك ونشوف .... دا احنا مش هنكمل غير ربع ساعه او نص ساعه بالكتير على النت

sman332

14-10-2009, 01:12 PM

يا جماعة خلوا كلامنا مع بعض حلو ونبعد عن الخبث ده شوية

لو سمحت ممكن توضحى........

repentance

14-10-2009, 05:38 PM

يا جماعة خلوا كلامنا مع بعض حلو ونبعد عن الخبث ده شوية

طبعا الكلام ليا :bosyht9:

على فكرة انا مكنتش بتحجج ولا حاجة:angry2: وبالنسبة للمذاكرة انا مش مقصرة فيها رغم مرضي وبذاكر اول باول والحمد لله .....وانا مجبتش سيرة المذاكرة لو انتي قراتي كلامي كويس ....عموما شكرا على النصيحة.....وميعاد الساعة تسعة ده مش هينفع ابدا ياMoHa4eVeR CS_Tamer :oبقى المدرسة والدروس طول النهار ونت بالليل امال هنذاكر ونشوف اللي ورانا امتى ؟؟؟:excl::confused:!!!!!وبالنسبة للبحث فهو عن الصحة الانجابية:006et4: والرسم عن انفلونزا الطيور:eek:

أنا متأسفه يا فوءه ليكي عشان اني سبب في انك تزعلي مني بس علي فكره والله مش اقصد ازعلك والله ومش جه في بالي انك هتاخدي الكلام بالشكل دهوه انا مش رضيت ابعتلك رساله ع الخاص اعتذرلك عن سوء التفاهم لانها لا قيمه لها وزي ما انتي فهمتي اني زعلتك قدام الكل فبعتذرلك قدام الكل بعتذرلك علي سوء التفاهم بس والله مش اقصد اي حاااجه ولا خبث ولا غيره
بالله عليكم يا جماعه مش حد يزعل مني بجد مش ناقصه محتاجلكم جدااا وبلاش تزعلوا مني متأسفه ليكم جميعا :(

EMINEM - the teen version

14-10-2009, 07:14 PM

بما ان الساعه 9 مش نافعه عشان اجنا دروسنا ومذاكرتنا باليل ممكن ناخد حل وسط الساعه 6 مثلا او 7 عشان نكون خلصنا المدرسه واتغدينا وعملنا الواجب.....

sman332

15-10-2009, 07:29 PM

لا مينفعش خليه بليل شوية.....

MoHammed Youssef

16-10-2009, 01:48 PM

فينكم يا جماعه ايه مفيش جديد فى المدارس ولا ايه ياريت كل واحد يكتب ايه رد فعل مدرسته بالنسبه للاصابات اللى حاصله جديد دى
؟؟؟

sman332

16-10-2009, 01:57 PM

والله انا كل شوية اشوف واحد نايملى فى غرفة العزل دى وميطلعش عنده حاجة شكل العيال فرحانه بالسارير ولا ايه....

فوءة سامي

16-10-2009, 02:13 PM

طبعا الكلام ليا :bosyht9:

أنا متأسفه يا فوءه ليكي عشان اني سبب في انك تزعلي مني بس علي فكره والله مش اقصد ازعلك والله ومش جه في بالي انك هتاخدي الكلام بالشكل دهوه انا مش رضيت ابعتلك رساله ع الخاص اعتذرلك عن سوء التفاهم لانها لا قيمه لها وزي ما انتي فهمتي اني زعلتك قدام الكل فبعتذرلك قدام الكل بعتذرلك علي سوء التفاهم بس والله مش اقصد اي حاااجه ولا خبث ولا غيره
بالله عليكم يا جماعه مش حد يزعل مني بجد مش ناقصه محتاجلكم جدااا وبلاش تزعلوا مني متأسفه ليكم جميعا :(
خلاص يا ستي المسامح كريم....انا مزعلتش ولا حاجة ...باركولي يا جماعة انا رسمت الرسمة وخلصتها امبارح:av4056bb7jp3: والحمد لله ...عشان المستر ده معدش يوجعلي دماغي تاني:slap1qk6: ....على فكرة انا والدي في ادارة غرب المحلة واكتشفوا اصابة في كفر حجازي وبيقولوا انها مش عدوي وان الفيروس اتنقل لها من الهوا يعني الموضوع بقى خطييييييييييييييييييييييييي:stickjo4:ييييييييييييي يييييييييير جدا جدا جدا جدا ...وانا متاسفة ليكم كلكم :blush:لان مافيش وقت اقعد على الجهاز ممكن يوم الجمعة واحيانا بعد المدرسة نص ساعة غير كده ببقى مشغوووووووووووووووووووووووووولة جدا جدا .....

فوءة سامي

16-10-2009, 02:15 PM

sman332

16-10-2009, 03:21 PM

على فكرة المستر ده موجعش دماغك لوحدك هوا سبب المشاكل اللى انتوا عاملينها دى كلها.....كويس اللى انتى عملتى الرسمة.

repentance

16-10-2009, 05:10 PM

انا مش هوضفلكم الاخبار عندي في المدرسه لان انا نفسي الحاله اللي اعتبروها مشتبه فيها ويجب السيطره عليها

وحطوني في اوضة العزل وبما اني اول واحده يبان عليها الاعراض ديه في مدرسة الثانويه بنات وفي مطروح فالمدرسه كلها اتقلبت والاداره كلها بس الحمد لله الدكتور قالي انتي مش عندك حاجه بس وتروني وعشت يووووووووم بايخ و رخخخخخم جدااا كنت عماله اعييط اعيييط والله مش عشان هموت وخلاص لكن عشان انا من النوع اللي مختلطه مع الناس اوي فقولت اكيد كلللللهم اتعدوا مني وشايله ذنبهم لكن الحمد لله خير مش عندي حاجه

repentance

16-10-2009, 05:17 PM

ريتا فادى

16-10-2009, 06:35 PM

ياجماعه ممكن لو عايزين نتقابل ونتكلم مع بعض
ولو الساعه 9 و 7 و 6 مش نافعه
ممكن نخليها بالليل اكتر
يعنى الساعه 10 او 11
على مااظن ان مفيش حد بيذاكر الساعه 11

EMINEM - the teen version

16-10-2009, 09:35 PM

احنا فى مدرستنا عندنا حالتين بس فى تانيه ثانوى يعنى عادى عشان اولى مسائى وفى الفصل بتاعى كان فى اشتباه حاله
الحاله كانت قاعده جنبى من اول الدراسه بس المشكله مش فى كده المشكله انه صاحبى يعنى ازعل على ايه على نفسى ولا عليه بس الحمد لله انا وهو تمام بس هو كان سخن بس سخونيه برد عادى مش ال n1 h1

MoHammed Youssef

18-10-2009, 03:45 PM

فينكم يا جماعه الظاهر ان احنا خلفنا وعودنا
...
انا سمعت ان الامتحانات اخر شهر ديسمبر والاجازة شهر يناير وفبراير والنصف التانى فى مارس

فوءة سامي

19-10-2009, 02:27 PM

الحمد لله اك خلصتي الرسم يا فوءه ان شا الله تاخدي درجة حلوه عليها ويديكي حقك علي فكره البحث اللي قولتي عليه بتاع الصحه الانجابيه مش اجباري هو علينا احنا كمان لكن مش اجباريهو مجرد مسابقه هتقوم بيها الطالبات باسم المدرسه
ايوة فعلا البحث مسابقة والرسمة كمان ومافيش حاجة فيهم اجباري لكن المدرس ملزوم بانه يبعت عدد للادارة للمسابقة دي فبتبقى اجبار علينا وتهديد باعمال السنة:stickjo4:.

ياجماعه ممكن لو عايزين نتقابل ونتكلم مع بعض
ولو الساعه 9 و 7 و 6 مش نافعه
ممكن نخليها بالليل اكتر
يعنى الساعه 10 او 11
على مااظن ان مفيش حد بيذاكر الساعه 11
عندك حق مفيش حد بيذاكر الساعة 11 لاننا بنكون نايميييييييييييييييييييييييين:p وعندنا مدرسة تاني يوم والسهر مش كويس.

انا مش فاهمة ازاي الاجازة بتاعت نص السنة شهرين ونص؟؟؟؟:excl:!!!ممكن توضح اكتر؟؟؟
احنا النهاردة في المدرسة اتشكشكنا:abdoog8: يعني اخدنا حقن في الساعد ....بس ورمت ومبهدلاني احلى بهدلة:( ورافعة حرارتي والمشكلة ان محدش قال لنا الحقن دي لايييييييييييه؟:excl: