السلام عليكم و رحمة الله


انا أمانى فى سنة تالنة طب
مش هطول عليكو بس يا ريت اللى يعرف يساعدنى يساعدنى و ان شاء الله هيبأى ليه ثواب كبير

هى مش مشكلتى لواحدى دى تقريبا مشكلة ناس كتير اوى فى سنى و اكبر منى


من و انا صغيرة و انا مهتمة جدا بدراستى و دايما كنت بطلع من الاوائل و لحد دلوقتى دراستى كل حاجة فى حياتى معرفش غيرها ....عشان قدامى هدف واضح و الحمد لله حققت جزء منه بس حاسة ان فيه حاجات كتير اوى ناقصة

والدى كان هو اللى دايما بيشجعنى بس كان نفسه يعلمنى كتير اوى ..يدينى جزء بسيط من ثقافته الواسعة..بس شاء الله ان يتوفى و انا فى اولى اعدادى ..للاسف قبل ما يلحق يساعدنى او يعملى جزء بسيط من اللى كان ناويه

بعد كدا اتشغلت بالاعدادية و بالثانوية و بطب......بذاكر فى الدراسة و فى الصيف بصيف و احيانا بردو بذاكر .... يعنى بقرأ بتوسع عن الابحاث الجديدة و الحاجات اللى تخص الكلية....خدت icdl & toefl

طب فين المشكلة ؟؟

المشكلة انى كل يوم بفكر انا عايشة ليه ؟؟ جوايا حماس رهيب عايزة اعمل بيه حاجة بس مش عارفة اوجهه خايفة فى يوم ابأى عندى 30 سنة و اعدة بعيط فى عيد ميلادى ندمانة على عمرى اللى ضيعته

و كمان حاسة بالجهل الرهيب

جهل سياسى و دينى و تاريخى......مفيش معلومات خالص

ناس كتير كدا بس دى مش طبيعتى

كتير شهدولى ان ارائى ناضجة و كويسة و طريقة نقاشى ذكية و مقنعة بس للاسف بخاف من النقاش لان مش عندى معلومات كافية اناقش بيها حد

لو مكانتش مناقشة علمية مش بعرف اتكلم

و دى حاجة مسببة ليا ازمة نفسية بجد.....مش بحب ابأى فى مكان الاقى اللى حواليا بيتكلمو فى سياسة او تاريخ و انا مش فاهمة حاجة

انا عايزة اعرف حاجات كتير اوى عن تاريخ مصر و الرؤساء كلهم و السيرة النبوية و الدعوة الاسلامية و الصحابة و تاريخ الادب و الفلاسفة و اقوالهم و تاريخ العلم و السياسة و تاريخ الاخوان و الاحزاب اللى فى مصر و حقوقى فى البلد دى و الجماعات على مستوى العالم او نظم الحكم و الاحداث التاريخية الشهيرة

بس مش عارفة ابدأ منين ولا اعمل ايه ولا اقرأ انهى كتب و لانهى كتاب

اسفة انى صدعتكم بس لاحظت هنا اساتذة افاضل و ناس على قدر كبير ممن الثقافة قلت يمكن حد يقدر يساعدنى او يوجهنى او حتى يبعتنى لحد يساعدنى او اى حاجة

و لكم جزيل الشكر

http://www.samysoft.net/forumim/basmla/jhkhk.gif
http://www.samysoft.net/forumim/slam/8052.gif
أمانى أنت أنسانه جيده جداً و و بصراحه أنا بحسدك على تفوقك العلمى و الدراسى و ده شئ جميل فى حياه الإنسان و عايز اقلك ان ما فى أنسان كامل فى كل شئ و متفوق فى كل شئ أنا عن نفسى مشفتش كده فلا تضايقى من نفسك لان مفيش أنسان كامل و لو عايزه ثقافه يبقى لازم تبدئى بالإسلام لانه هيفتحلك مجلات كثيره فى الثقافه و هيوسع فكرك أكثر و أكثر و تقدرى تفهمى الحياه و تعيشى أسعد و ده اللى بدأت أنا شخصياً بيه و أبتديت أفهم الحياه بشكل أكبر و أوسع و أسرع
جربى تبدأى بلإنسان فكرى فى وجوده فى الكون هدف الله عز و جل من الخلق سر الحجاب و هدفه جربى تعرفى أنت ممكن تعيشى أزاى حياه سعيده .
بالنسبه للناس و أنا أعتقد و الله أعلم انى فاهم انتى عايزه أيه بس بصراحه مش عايز اشجعك أوى لان الناس عالم أوسع فيه النفاق و الكذب و الخداع و ايضاً فيه الصفات النبيله أحنا بنتكلم فى مواضيع تافه و ملهاش لازمه ولو عايزى تكسبى الناس أبحثى عما يحبون ان يتحثون عنه فتكلمى
بالنسبه للسياسه أنا من رأى الشخصى متبحثيش عن السياسه و ده مجال كبير جداً و مش هتكسبى شئ و ده لان مصادر البحث فى هذا المجال مشكوك فيها السياسه و جهات نظر و أهداف كل و احد بيكتب كتاب أو سيره ذاتيه بينافق و يخفى الحقائق .
الفلسفه متعه و عذاب لانها هتدخلك فى أفكار ممكن تاثر على حياتك بشكل قوى و مستقبلك العلمى
الإخوان و تاريخهم انا أسف و ده رأى الشخصى الكلام ده مش موجود فى القران و السنه و عمر مكانت المسلمين طوائف و جماعات و لم يحمل الإسلام أى تيارات سياسيه القرآن موجود و السنه المسلمين كلهم المفروض يتبعوها
أنصحك أبعدى عن المجال ده تماماً فكرى فى حياتك و أزاى تستمتعى بيها
فى مجال افضل من المجالات اللى أنت أتكلمتى عنها و هو التنميه البشريه و خاصاً أن دراستك هتساعدك كتير و سيبك من المنافقين و الكذابين و مجالات من رأيى بلا فائده
و بالنسبه لحقوقك فى البلد ده فهى معروفه بس دورى و قولى عايزه حقى
بصى يمكن تشوفى أنى بدوعوك للإنانيه أو العزله بس ده افضل حاولى تهتمى بالناس بمشاكلهم
http://www.samysoft.net/forumim/nehaya/657657.gif
و تقبلى مرورى
محمد الهوارى

أ / محمد الهوارى

بشكر حضرتك جدا على مشاركتك الفعالة التى افادتنى

بالنسبة للتنمية البشرية فانا ابتديت فى الموضوع دا مع الجمعية العلمية

بس حضرتك ختمت كلامك ب(اهتمى بالناس و مشاكلهم)

للاسف مش بعرف لانى بحس بالعجز

نفسى اعمل حاجة عشان اساعد اختى و متبقاش زيى .. بس ايه ؟؟؟

نفسى اساعد الناس ياخدو حقوقهم..ازاى من غير سياسة ؟؟

نفسى اخطاء معينة متحصلش...ازاى من غير تاريخ ؟؟

نفسى اعرف ادافع عن بلدى ع النت .. ازاى من غير معرفة بتاريخى و تاريخهم ؟؟

اما عن الكذب و النفاق فانا مقتنعة ان الحق كفيل ان يطيح بهما

و فعلا قررت ابدأ بقرأءة فى الدين لانه شامل لجميع المواضيع و جوانب الحياة

بشكر حضرتك تانى ع المشاركة و الدفعة المعنوية

أ / محمد الهوارى
بس حضرتك ختمت كلامك ب(اهتمى بالناس و مشاكلهم)
للاسف مش بعرف لانى بحس بالعجز
نفسى اعمل حاجة عشان اساعد اختى و متبقاش زيى .. بس ايه ؟؟؟
نفسى اساعد الناس ياخدو حقوقهم..ازاى من غير سياسة ؟؟
نفسى اخطاء معينة متحصلش...ازاى من غير تاريخ ؟؟
نفسى اعرف ادافع عن بلدى ع النت .. ازاى من غير معرفة بتاريخى و تاريخهم ؟؟
اما عن الكذب و النفاق فانا مقتنعة ان الحق كفيل ان يطيح بهما
و فعلا قررت ابدأ بقرأءة فى الدين لانه شامل لجميع المواضيع و جوانب الحياة
بشكر حضرتك تانى ع المشاركة و الدفعة المعنوية
http://www.samysoft.net/forumim/slam/13493179tm5.gif
أنا اللى بشكرك أنك سمحتيلى بالمشاركه
بالنسبه للتأثير فى الآخرين فده أمره بسيط
ممكن نبدأ بمجموعه نقاط هدفك الأول هو كسب الآخرين ثم تغيرهم و التأثير فيهم
أولاً قابليه بأبتسامه رقيقه جميله و غير متكلفه
شاركيهم فى أهتمامتهم و ده له دور فعال فى كسب الآخرين و أشعريهم أنك مهتمه بما يحبون
أشعريهم بأهميتهم و دورهم فى حياتك حتى لو كان ضعيف
المجامله الرقيقه و ده يعنى أظهار محاسن الآخرين
بالنسبه لأختك و ده الموضوع المهم سهل أوى أنك تكسبيها فكرى أيه اللى ممكن يسعدها و اعمليه أيه الشى اللى يسعدها و لا تتوقعه منك و اعمليه فكرى فى هوياتها و شاركيها فى أهتمامتها و شاركيها
و لو مش عايزه أختك تبقى زيك متتعمليش معاها خالص لو تقدرى
بصى أنتى أنسانه جيده و أنا عارف أن الدراسه بتفرض عزله و العزله لها آثار سلبيه بس ممكن نعالجها بعدين مش الآن و صدقينى الأجتماعين أمثالى بيخسروا كتير
حقوق الناس مش محتاجه سياسه مفهوم السياسه مفهوم واسع و أعم من مجرد حقوق الناس و لا تفكرى فيها صدقينى مش هتكسبى شئ و ممكن تخسرى كل شئ غير الآثار النفسيه و اللى أنا مش عايز ألفت نظرك ليها و علشان كده أبعدى عن السياسه .
اللى عايز يتكلم يتكلم الكلام معلهوش جمارك و لا ضرايب .
الأخطاء المعينه تعرفى أنا عضو فى منتدى آخر و كانت معروض قضيه التعدد و بدات أتكلم و أقنع فى صاحبه الموضوع أن العمليه مش عند و فى الآخر رسى الأمر على أن أختلاف الرأى لا يفسد للود قضيه و الله تعبنت معاها و مليش أى مصلحه فقط المساعده و فى الآخر مقتنعتش و اضح ان الإنسان صعب اقناعه جداً و أنا كنت مؤمن بغير كده أنتى نفسك مصره تبحثى فى مجال (السياسه) أنا واثق انه ممكن يضرك و كتبت و بره لسه مش مقنتعه
بالنسبه للحق فأنا هجاوبك بحديث الرسول (ص):-
سألت عائشه (رضى الله عنها )أنهلك و فينا الصالحون قال نعم فقالت متى
قال إذا كثر الخبث

http://www.samysoft.net/forumim/fwasel/2/ghfg.gif
http://www.samysoft.net/forumim/shokr/3/86868686.gif

جزاك الله خيرا أ / محمد الهوارى

و الحمد لله اقتنعت بجزئية السياسة

ما زلت اطالب من يمكنه مساعدتى بتوجيهى الى كتب معينة الا يبخل

و السلام عليكم و رحمة الله و بركاته

انسة امانى والله اللى بيحصل معاكى ده هو اللى بيحصل معايا بجد
بس انا بحب كده عشان ده هو الصح مش لازم الواحد يبقى ليه فى كل حاجة واى حاجة لازم الواحد يختار حاجة واحدة يكون فيها ..
ناس كتير تتمنى اللى انتى فيه ده والله انا بكلمك بجد ......... وعلى فكرة اوعى تندمى على العمر اللى قضيتيه فى المذاكرة ده ..... دا هو الصح واللى لازم يتعمل منا كلنا مش بس منك ........ وحاجة تانية ( كده انت هتضيعى نفسك ) عشان انت انت مش واثقة فى الحاجة اللى بيتعمليها و بتندمى على الحاجة اللى عملتها ........ اسألى دكتور نفسانى لو عايزة تتأكدى يعنى .............

بالنسبة لموضوع النقاش الجماعى مع الناس انا برضوا وبأقسملك انا زيك بالظبط مرفش اتكلم فى اى حاجة غير الحاجات العلمية التاريخية السياسية والحاجات اللى متسويش حاجة عند الناس اللى الجهلة اللى انت فى يوم من الايام هتقبليهم ...........
وزى ما هتقبليهم هتقابلى نقيضهم ....... ويقدروكى ..............
( انسة امانى انت اثبتيلى بجد انك انسانة المجتمع بيطلبها ويا ريت اطلع زيك ان شاء الله ......... )
.................................................. ....
اقلك نصيحة غالية اوى خديها من اخوكى محمد ................ من اجل تحقيق حلمك يهون كل شئ مهما كان .....
........ طولت عليك بالكلام انا ....... وزهقتك بالنقط الكتيرة دى ....... هههههههههههه

ابدا و الله ...اسعدتنى كثيرا مشاركتك

و هو الندم مش عشان بذاكر او بجتهد
هو عشان حاسة انى اخترت مجال غلط
لان اهتماماتى و قدراتى بعيدة كل البعد عن طب
يعنى كان نفسى فى صحافة او هندسة او اعلام او اخراج
كنت هقدر ادى المجالات دى اكتر
و لكن دا قدرى فاللهم لا اعتراض


من اجل تحقيق حلمك يهون كل شئ مهما كان

هو مش حلم اوى ... هو اصبح هدف
و ان شاء الله اقدر اعمله اى حاجة

رأى حضرتك مظبوط جدا
وفقكم الله
و يارب تحقق كل اللى عايزه :)

بصى يا امانى المعرفة مش كل حاجة انتى ما شاء الله فى كلية الكل بيحلم يكون فيها فى يوم من الايام
حاولى تنتهى من الدراسة والكلية وبعدين بصى للمعرفة وتكون اولا فى مجالك بعد كده فى اى حاجة انتى عايزها
و معظم الناس دلوقتى مبتشوفش المعرفة من ناحية الاحداث التاريخيةو....الخ اولا بمجال شغلك وتعليمك ثانيا اللغات الاجنبية ثالثا الكمبيوتر والموبيلات والتكنولوجيا
واسفة ان انا طولت فى الكلام

دكتورة امانى اولا انا اصغر منك سنا (طالب ثانوى) ولكن ده رايى او ممكن تقولى تعليقى على الموضوع
ان مش لازم الواحد عشان يكون مثقف ان يكون فقيها فى كل شى ولكن المثقف هو من يعرف معلومات عن كل شى وثانيا ان لازم يكون للواحد مجال اوفكرا ما يعنى مش لازم الواحد يكون بيفهم فى السياسة كويس اوى و يكون بنفس القدر مثلا فى الرياضة وانما المفروض ان يكون الشخص ملم باحداث الحياة من المجالات المختلفة ولاتعتقدى ان من يتكلم مثلا فى الدين يفقه ايضا فى الاقتصاد او السياسة اذن لابد ان يكون الشخص لديه معلومات كثيرة عن كل شى ولكن له تخصص ما يتقنه جيدا هذا هو تعليقى وتقبلى تحياتى................

سارة

the other face

اشكركم بجد

و الحمد لله اقتنعت

انا الموضوع دا كان تقريبا جايبلى حالة اكتئاب و ابتديت افوق تانى

ربنا يوفقكم