مجلس تأديب [الأرشيف] - بوابة الثانوية العامة المصرية

مشاهدة النسخة كاملة : مجلس تأديب

هانى الشرقاوى

19-05-2009, 01:41 PM

السلام عليكم
ازيكم ؟؟...... يا رب تكونوا كلكم بخير
أنا مش عارف أبتدى منين لأن بجد اللى حصل هزنى جامد
انا ببساطة بقيت من غير ما أقصد سبب فى مجلس تأديب حصل عندنا فى الكلية لجماعة منهم واحد من اعز أصحابى والمجلس ده حصل فى وقت قاتل فى وقت الامتحانات .... يعنى الناس دى ضاعت خلاص

سبونى أحكلكم الحكاية من الاول
فى منتصف الترم التانى كده تقريبا كان عندنا فى المدرج بتاعنا ( مدرج تمهيدى ) عرض مسرحى لمسرحية شكسبير (يوليوس قيصر )
وكان كل واحد فى المدرج بيعمل حاجة .... أحمد كان بيركب الداتا شو ...وناس شغالة مكبرات الصوت ... وانا جماعة تانية بنركب فى الستاير عشان نضلم المدرج وشاشة العرض تبقى واضحة أكتر
وكان الحضور فى اليوم ده كبير جدا كان تقريبا طلبة تمهيدى حاضرة ... كنا حوالى 60 طالب .... ( 60 طالب دى كتيرة أوى بمقياس الكلية عندنا )

المهم واحنا شغالين ... دخل جماعة تقريبا من الاخوان ... وطلبوا مننا نقعد ... قعدنا ... وبدأو يوزعوا نفسهم ناس فى أخر المدرج وناس فى الاول وواحد بيخطب على الديسك وواحد بيكتب كلام كده على السبورة وواحد بيوزع اظرفة عشان نحط فيها فلوس ( بقولوا انها تبرعات لغزة ) ....

فى البداية أحمد اللى بيركب الداتا شو عمل تاتش صغير كده مع واحد منهم بس أنا مهتمتش وقعدت جنب على ( ده طالب من تنزانيا ) وفضلنا نتكلم

المهم الموقف ده خلص وخلاص وده كان يوم الثلاثاء نهاية الاسبوع عندنا

وفى أول يوم فى الاسبوع التانى يوم الاحد دخل عميد الكلية قبل محاضرة الجرامر وقال اللى كان حاضر يوم التلات يعرف ايده .... طبعا المدرج كله رفع ايده ....
الوكيل قال جميييل طيب عايزين جماعة تشهد على موقف معين .... مين ؟
ببص حواليا ملقتش غير اتنين بس اللى رافعين ايديهم
وانا فضلت رافع ايدى ... لأن أحمد قبل المحاضرة قالى أنا عايزك تشهد شهادة حق ... فقلتله أوكى بس لو شهادة حق

الوكيل قلنا خلاص الناس دى تيجلى المكتب فى البريك وأخد أسمائنا

رحنا المكتب الوكيل قرأ قدامنا مذكرة أحمد مقدمها فى بعض الطلبة ... بصراحة احمد كان مضخم الموضوع زيادة عن حقه ... وكان مستخدم لهجة تقيلة أوى ... المهم الدكتور سألنا بقا .. الكلام ده صح ؟ الاتنين اللى معايا ( معتز واحمد ) قالوا أه يا دكتور بس اللى جوه المدرج بس احنا اللى شفناه انما اللى بره المدرج منعرفش عنه حاجة ... أنا فضلت ساكت ... فالدكتور بيقولى انت ساكت ليه ؟ فقلتله يا دكتور الكلام اللى حصل جوه المدرج أوكى حصل بس أنا معترض على كام حاجة كده أحمد بيقول انهم كانوا بيحرضوا على المظاهرات والشغب وده محصلش والنقطة التانية احمد بيقول انهم من الاخوان ... وهما وان كان شكلهم كده مربيين دقنهم وطريقة لبسهم وكده بس احنا منعرفش هما اخوان ولا لا
فالدكتور قالى ... احنا نعرف كل حاجة عنهم وفضل يكلمنا عنهم وعن الكلية وقعدنا فى المكتب كتير
المهم بعد شوية مضينا على اللى حصل جوه المدرج وناس تانية مضت على اللى شفته بره المدرج ده بقا معرفش لحد النهارده حصل فعلا ولا لأ
احمد كاتب انهم تحرشوا بيه وضربوه وفرغلوه عجل عربيته وقالوه ابعد بعيد عننا عشان متندمش وكلام كتير وكان جايب ناس تشهد على ده

المهم الموضوع نسيته أصلا

وفى أول يوم امتحانات يوم الأدب نزلنا من المدينة الجامعية ورحنا الكلية انا وخالد طول الطريق عمل أهرج معاه وأقوله يا بنى مالك خايف كده ليه هو النهارده في ايه ؟ وعمال أقوله متقلقش هتسقط هتسقط ؟ طول الطريق كله بالشكل ده

امتحنت ورجعت نمت وبعد العشاء رحت أوضة حذيفة فلاقيته قعد مضلم الأوضة وشكل غريب والحزن مالى عينيه فبقوله يا ابنى فى ايه ... فضل ساكت حوالى خمس دقايق وقالى
خالد ... فضلت أقوله ماله يا ابنى محلش ؟
فى الأخر قالى خالد مدخلش الامتحان ؟ وعرفت منه انه حصله مجلس تأديب ... وقالى ان أحمد اللى أبوه شغال فى الشرطة ده هو السبب .... كل ده ومحدش منهم يعرف انى كنت من الشهود
أنا فى البداية فضلت ساكت عامل زى المهيس ومش عارف أقول ايه....
بعد شوية لقيته بقولى المشكلة مش فى خالد احنا لسه تمهيدى والتقدير مبيتحسبش وغير كده عندنا دور تانى وممكن خالد يمتحن فيه ويعدى وبعد كده قدامه أربع سنين يظبط نفسه فيهم ..... كمل وقال خالد مفصول معاه خمسة فى رابعة أخر سنة ومنهم تلاتة الاوائل فى تمهيدى وأولى وتانية وتالتة ... أنا صدمت وبدات أحكى لحذيفة اللى حصل وانى كنت شاهد ... فى البداية مش كان مصدق نفسه .... وكان مستغرب أصلا انى أنا وأحمد ده ممكن نكون أصحاب .... المهم اتصلت بخالد فى نفس اللحظة .. واول حاجة قالها .. عملت ايه يا حليم ... أخبار الاجب معاك ايه ... اخلص طمنى عليك ...
أنا بكيت ... يعنى ده اللى أنا كنت سبب فى فصله اول كلمة يقولها هى ده
فضل يقولى مالك يا ابنى انت محلتش ولا ايه ... فقلتله سيبك منى أنت فين وظروفك ايه وهتعمل ايه فى الموضوع ده ... قالى أنا فى الحى العاشر وأنا تمام يا عم ومفيش اى حاجة
أنا مقدرتش اقوله اى حاجة تانية وقلتله عايز أشوفك يا ريت تيجى المدينة بكره ... فقالى خلاص ...
وفعلا جه تانى يوم .... كنت نازل من السلم فلقيته واقف هو وحذيفة شلة كده من أصحابنا
بقوله أنا أسف يا خالد ... فبقولى انت يا حليم تعمل كده ؟ قلتله انت متعرفش أنا شهدت على ايه ... قال عرفت حذيفة قالى ... فبقوله وانت ايه رأيك ... فقالى انت راجل يا حليم انت شهدت شهادة حق وأنا عمرى ما هلومك بس انت اتخدعت انت متعرفش انك أصلا سواء شهدت او لا ده كان هيحصل ... احمد كان مظبط كل حاجة ... قلتله بس ده انت حتى الوحيد اللى كان غايب يومها ... قالى النصيب بقا ...
قلتله خلاص يا خالد أنا معتش رايح الامتحانات وهنمتحن أنا وأنت سوا فى شهر تسعة ... قرب منى وقالى انت مجنون يلا ... لو عايز تثبت اننا فعلا أصحاب .. لازم تكون الأول ... وقالى أنا سايب ورايا راجل .. مش عيل يهرب من الامتحانات ...
الموقف كان صعب أوى انى أوصفه فى كلمتين بس بجد انا شفت نفسى صغير اوى فى اللحظة دى
وحسيت بمرارة الظلم ... وبمعنى الصداقة ... والايمان ..
أعتقد انى لو فى مكان خالد عمرى ما كنت هكون فى الحالة دئ انسان برئ ومع كده مظلوم ظلم من أبشع ما يكون ومع كده ولا فارقة معاه ... لا وايه يضحك معانا ويحسننا ان كل حاجة سهلة ويقعد يذاكر معايا والبحث اللى كنا بنعمله سوا يفضل كل لحظة والتانية وصلت لفين يا ابنى خلص عشان تلحق يجرى ويجيب ماتريل ويلخص ويعمل المطلوب مننا فى البحث مع ان ده مش هيعود عليه بدرجة واحدة

أسف انى طولت عليكم
بس اعذرونى انا كنت مخنوق وفى حالة صعب انى اوصفها وكنت محتاج اتكلم ... اتكلم لمجرد الكلام ...
الاحساس بالظلم والعجز ده معا احساس من أصعب ما يكون

ymymym

19-05-2009, 01:51 PM

هانى الشرقاوى

19-05-2009, 01:58 PM

انا مش شايفه انك غلطت في حاجه يعني

بس انت باين عليك حساس قوي غير كده انت شهدت شهاده حق خلاص يبقي تسيب باقي الامور لله عادي يا حليم علي راي خالد سيب الامور لله دي اختبارات من ربنا هيشوف انتوا هتعملوا ايه ؟ وبطل متقولش انك هتسيب الامتحانات لأ طبعا ده اختبار من ربنا ليه عادي جدا وان شاء الله يبقي انسان كويس ويبقي ميه ميه

في رعايه الله

انت متخيلة يعنى ايه تبقى سبب فى ضياع مستقبل ناس زى دى
سيبك من خالد أنا متأكد انه هيعوض ... تلاتة أوائل الدفعة و وكان بينتظرهم مستقبل ملوش حل
خلاص هيسقطوا وينضرب تقديرهم وتضيع أحلامهم ... وانك تكونى سبب فى ده ( على فكرة أنا معرفش الناس دى أصلا ولا عمرى كلمتهم )
صعبة أوى
أنا مسبتش الامتحانات وأعتقد انى اضعف من انى أعمل كده طول الليل بقول مش رايح مش رايح وأول ما العيال جم صحونى نزلت معاهم وامتحنت ولسه راجعين دلوقتى
أعتقد انى بعد الموقف ده هبقى سلبى جدا
هعيشها بقا ولا يبقالى فى الطور ولا فى الطحين زى ما بقولوا
والله لو شفت ايه بيحصل قدامى ولا هتحرك

BaNZeR

19-05-2009, 01:58 PM

اشراقة

19-05-2009, 02:01 PM

اجمل معنى للصداقة صاحبك ده

والله انا بكيت من شدة الموقف

نصيحة منى لازم تحافظ على الصداقة النادرة دى

ومتحملش هم كله بيعدى المهم الاخلاص

هانى الشرقاوى

19-05-2009, 02:03 PM

انا فهمت تقريباً موضوع وانت مغلطتش في اللى عملته

ومن سكت عن الحق فهو شيطان أخرس

وانت قلت اللى تعرفه

والصداقة الحقيقية مهما تخللتها عقبات وأخطاء غير مقصودة وفتن
تظل تلك العلاقة قوية بل وتزداد صلابتها مع كل موقف

وخلاص اللى فات مات ولازم تفكر إنك تساعده بعد كده مش تحزن على حاجة انت مغلطش فيها

لا غلطت
أنا المفروض مكنتش أشهد خالص
لأنهم للأسف استغلوا شهادتنا دى وغيروا فى الكلام وضروا بيها ناس ممكن يكونوا مظلومين
بس برده برجع أقول لنفس زى ما خالد بيقول بيك من غيرك ده كان هيحصل

أنا مش متخيل ازاى فيه الكلية عملت ده حتى ولو كان أجرموا حتى عشان عجل العربية الناس دى تضيع والله اعلم ده حصل ولا لا
وغير كده الكلية كنت فى أشد حالات الظلم لأن الموقف ده حصل من زمان وكان ممكن المجلس ده يحصل أثناء الدراسة مش يأخروا يأخرو لحد الامتحانات

بس قولى والنبى
أساعده ازاى ؟ اعمل ايه من وجهة نظرك

هانى الشرقاوى

19-05-2009, 02:08 PM

اجمل معنى للصداقة صاحبك ده

والله انا بكيت من شدة الموقف

نصيحة منى لازم تحافظ على الصداقة النادرة دى

ومتحملش هم كله بيعدى المهم الاخلاص

على فكرة أنا مبعرفش أوصف أوى
خالد ده برئ براءة الأطفال
بيضحك بصوت واطى بيتكسف حتى من نفسه

صعب أوى انى أوصفه فى شوية كلام كده
ربنا معاه يا رب ويصبره على الظلم ده

المجاهد فى سبيل الله

19-05-2009, 02:10 PM

ymymym

19-05-2009, 02:12 PM

شفت انا قلت ايه في الاول انت شهدت شهاده حق وخلاص تسيب الامور لله ربنا بقي بيختبر هيشوف انت اولا هل هتستسلم للي انت بتقوله انك هتمشي من غير ما تعمل اي حاجه ايه يا بني ؟
نيجي للي اتفصلوا اللي انت متعرفهمش ربنا هيشوفهم هيعملوا ايه ؟ عادي مش مهم انا لو منهم عادي اختبار من ربنا وان شاء الله هتفوق في حاجه تانيه وهبقي احسن قضاء وقدر انتي بتتكلم ازاي انا لو مكانك بقي اه هحس بالذنب وكده بس لازم هجتاز كده لاني ربنا بيختبرني انت بتتكلم ازاي شوف بقي الفرق ما بيني وما بينك اني قلت اني لأ مش هبقي زيك انا لازم ابقي انسانه زي ما انا شفت حاجه غلط اصححها حتي لو حاجه انا ماليش دخل فيها بس شفت حاجه غلط لازم اشهد جايز تبرأ ناس جايز تحقق عدل وانت اللي عملته بتحقق عدل جه واحد رزل في الطريق خلاص هتعمل ايه ؟ مافيش بايدك حاجه متحسش بظلم انت مغلطتش تحس بانك السبب او انك غلطان او انك تبقي انسان سلبي لو انت غلطان لكن انت بسم الله ما شاء الله ليك مكانه كويسه عند ربنا هيكافئك روح صلي كده كعتين واهدي وفعلا حاول متسيبش خالد ده باين عليه كويس امسك فيه بايديك واسنانك باين عليه محترم هي الحياه كده اختبارات من ربنا اللي يجتازها يبقي انسان مؤمن بالله واللي ميجتازهاش يبقي انسان سلبي انسان مالوش فايده يقعد في بيته احسن عشان ميبوظش الدنيا ولعلمك انت لو شفت حاجه قدامك غلط صدقني ومصححتش الغلط ده او مشهدتش حق هتحش بذنب اكبر من الذنب اللي انت حاسس بيه دلوقتي في رعايه الله

Eng. A'laa Salah

19-05-2009, 02:18 PM

انا اعتقد انك مش غلطت
انت قلت شهاده حق
متتضغطش علي نفسك وتحملها اكتر من نفسها
بس عارف احلي ما في الموضوع انك اكتشفت صاحب
انا لو مكانك عمري ما اسيبه

هانى الشرقاوى

19-05-2009, 02:18 PM

لا انت مش غلط يا حليم
ودى شهادة حق انت قولتها
و الكلية فيها ظلم كتير
ثانيا ولله ما داخل ابرر حاجه
بس مش الاخوان الى بيدخلوا الدخلات دى
اسال واحد من الاخوان
عمرنا ما عملنا كدا ولا حتى بنربى دقننا ملتحين يعنى
واحنا لما نعوز نلم تبرعات
مش بنعمل كدا بنلمها على الملاء وبنعمل مهرجانات للم التبرعات
ودوقتى احنا ختمنا
يعنى متلقيش حد لسه بيروح الكاية تبع الاخوان
طلاب الاخوان المسلمين دوقتى كلهم على مستوى الجمهورية ختموا اعمالهم
يعنى مفيش وقفات ولا مظاهرات تبعنا
وده كلام من اخ من الاخوان المسلمين
وحتى لو هما انت برضه شهدت شهادت حق متبلتش على حد

رغم اختلافى مع الاخوان وفكرهم
بس أنا برده ضد الظلم
فى الحقيقة يا أحمد الناس دى احتمال كبير يكونوا اخوان الكلية كلها بتقولو كده
والكلية مليانه عصافير ( تعرف يعنى ايع عصافير )
أنا اللى غايظنى أكتر
ان ايزى الاخوان بيعلموا مظاهرات ومهرجانات ضخمة جدا عندنا فى الميدنة الجامعية وأحيانا فى الكلية وبيجمعوا عشرات الالاف من الجنهيات على مرمى ومسمع من الامن ولا حد بيقول كده
بس يمكن ماحدش بيعترضهم عشان وقتها بيبقوا كتير
تقريبا نصف جامعة الازهر أصلا اخوان
والله يا احمد أنا متردد موووت ومتلخبط وحالتى حالة ومش عارف اعمل ايه
زى ما أكون عايز أعمل مليون حاجة ومش عارف أعمل أى حاجة

هانى الشرقاوى

19-05-2009, 02:22 PM

هانى الشرقاوى

19-05-2009, 02:25 PM

انا اعتقد انك مش غلطت
انت قلت شهاده حق
متتضغطش علي نفسك وتحملها اكتر من نفسها
بس عارف احلي ما في الموضوع انك اكتشفت صاحب
انا لو مكانك عمري ما اسيبه

عندك حق
الصاحب الحق مبيظهرش الا فى الشدة والمحن
ربنا معاك يا خالد يا رب

:: [ K A B B O W ] ::

19-05-2009, 05:11 PM

لا يا باشا انت مش غلطان
انت شهدت شهادة حق
بس شهادتك دى استخدمت غلط
على اى حال
عسى ان تكرهوا شيئا وهو خير لكم
انا شايف الموضوع ده خير مش شر
لانك كده عرفت واحد راجل جدا جدا جدا لابعد الحدود
وصدقنى يا باشا اكبر واجمل حاجه ممكن تكسبها فى حياتك
لاحب ولا فلوس ولا اى حاجه من دى احسن حاجه ممكن تكسبها فى حياتك صديق بجد
واعتقد ان ده متوفر فى خالد ده
نصيحه يا مان اوعى تفرط فيه لان بجد راجل لابعد الحدود
عامة ربنا يعينك على حالتك دى انا عارف ان الاحساس ده صعب اوى
بس زى ما قلتلك انك استفدت من المشكله دى اكتر من انك خسرت
سلام عليكم

محمود الخياط

19-05-2009, 08:40 PM

:: [ K A B B O W ] ::

19-05-2009, 08:54 PM

انا بندم أخر ندم انى أزهر
وان الشهاده بتعتى هتتلوث بختم جامعة الأزهر الشريف

هتتلوث بختم الأزهر الشريف؟
طيب ولزمتها ايه الشريف بقه
يا أستاذى الفاضل اذا كنت لا تقدر المكان الذى فيه فلا تحتقره انت فى اكبر واعرق جامعه وصرح تعليمى
وانا افتخر انى ازهرى

ليس المكان من يقلل قيمة اصحابه
ولكن اصحابه هم من يقللون قيمة مكانهم

وكل لبيب بالاشارة يفهم

اسف انى رديت تانى وخرجت عن الموضوع بس انا كنت لازم ارد
اسف مره تانيه
سلام عليكم

هانى الشرقاوى

19-05-2009, 09:20 PM

لا يا باشا انت مش غلطان

انت شهدت شهادة حق
بس شهادتك دى استخدمت غلط
على اى حال
عسى ان تكرهوا شيئا وهو خير لكم
انا شايف الموضوع ده خير مش شر
لانك كده عرفت واحد راجل جدا جدا جدا لابعد الحدود
وصدقنى يا باشا اكبر واجمل حاجه ممكن تكسبها فى حياتك
لاحب ولا فلوس ولا اى حاجه من دى احسن حاجه ممكن تكسبها فى حياتك صديق بجد
واعتقد ان ده متوفر فى خالد ده
نصيحه يا مان اوعى تفرط فيه لان بجد راجل لابعد الحدود
عامة ربنا يعينك على حالتك دى انا عارف ان الاحساس ده صعب اوى
بس زى ما قلتلك انك استفدت من المشكله دى اكتر من انك خسرت
سلام عليكم

تفتكر كده ؟
ان شاء الله عمرى ما هسيبه ولازم أقف جنبه
أنا اللى عرفته دلوقتى انه رافع قضية
وأكيد هيجيبو الشهود اللى شهدوا فى أول مرة
وساعتها بقا هقلب الدنيا رأسا على عقب
وربنا يسترها بقا

هانى الشرقاوى

19-05-2009, 09:24 PM

هههههههههههههههه
برافوا حليم انا مبسوط منك
بشهادتك او من غير شهادتك
كانت ماشيه الطبخه
والله يرحم الأزهر اللى كان قلعه للعلم
انا بندم أخر ندم انى أزهر
وان الشهاده بتعتى هتتلوث بختم جامعة الأزهر الشريف
حليم فكك
أهم حاجه تركز فى اللى انت فيه
الجماعه فى البلد مش ناقصين

اهلا حود
عارف انك اتظلمت جامد يا محمود من الازهر
بس مش انت لوحدك اللى اتلظمت
انت اتظلمت صحيح واتبهدلت أخر حاجة فى الكلية
بس أنا سبقتك فى ثانوى وأكيد انت لسه فاكر
يا ريت تخفف من لهجتك شوية
يعنى على الاقل نحترم المكان اللى احنا بندرس فيها عشان غيرنا يحترمنا
مش معنى ده انى متيم بجامعة الازهر وفرحان أوى ان طالب فيها
بس ده كان قدرنا واحنا مخترناش اننا ندرس فيها

ومتقلقش عليا يا حود
مش هروح المعتقل يعنى ولا حاجة :d
صحيح ابقى سلملى على كل عندك

هانى الشرقاوى

19-05-2009, 09:28 PM

هتتلوث بختم الأزهر الشريف؟

طيب ولزمتها ايه الشريف بقه
يا أستاذى الفاضل اذا كنت لا تقدر المكان الذى فيه فلا تحتقره انت فى اكبر واعرق جامعه وصرح تعليمى
وانا افتخر انى ازهرى

ليس المكان من يقلل قيمة اصحابه
ولكن اصحابه هم من يقللون قيمة مكانهم

وكل لبيب بالاشارة يفهم

اسف انى رديت تانى وخرجت عن الموضوع بس انا كنت لازم ارد
اسف مره تانيه
سلام عليكم

مكنش ليه لازمة الرد ده
قسما بالله انت لو مريت بظرف واحد من اللى حصل مع محمود
كنت كرهت نفسك والجامعة والبلد وكل الدنيا
محمود ما بيحتقرش الازهر ولا حاجة بالعكس
بس انت تعرف لما يكون واحد بيحب حاجة أوى وبعد كده يتصدم فيها جامد
عارف نقد المحب بيكون أصعب وأقسى نقد
هى دى بالظبط حالة محمود دلوقتى
يا ريت بس متزعش منه

Not Allowed

19-05-2009, 09:43 PM

السلام عليكم

اولآ يامان انت غلطت او مغلتطش انا شايف ان الكلام دة ماضى ولا أية ؟؟ يعنى خلاص كبر دماغك من الاخر محدش شايف انك غلطت لو انت شايف انك غلطت دة شىء طبيعى يكون رد فعلك كدة دلوقتى

انا شايف انك لو كنت زعلان على حاجة غلط عملتها مكنتش عملتها من أساسة يعنى هتأنب ضميرك كل شوية وبتاع دة مش هيفيدك بحاجة يعنى من الآخر كبر الدى وروق الجى :d ويا جماعة خليكم فى الموضوع مين جاب الازهر فى الحكاية دى دلوقتى (ناس غاوية وجع دماغ) :angry2:

يلا فى امان الله

السلام عليكم

:: [ K A B B O W ] ::

19-05-2009, 10:15 PM

مكنش ليه لازمة الرد ده
انا قلت كده برده بس اعمل ايه فى نفسى
قسما بالله انت لو مريت بظرف واحد من اللى حصل مع محمود
كنت كرهت نفسك والجامعة والبلد وكل الدنيا
انا لسه طالب فى اولى ثانوى بس برده حصلتلى مشاكل كتيره لمجرد انى ازهرى انا المفروض كنت هسافر فى منحه تبع اكاديمية سيسكو لدراسه اجزاء معينه فى مجال الشبكات (مش عاوز اجيب اسماء علميه علشان معقدش حد) المنحه دى كانت جت لى لانى اصغر طالب فى الدفعة بتاعتى فى قرص الccnaوكنت جايب 100% ودى محدش عملها فى دفعتى علشان كده اخدت المنحه دى بس لمجرد ان المنظم عرف انى ازهرى من اوراقى اترفضت وساافر واحد مكانى لمجرد انى ازهرى بحجة ان الازهريا معندهمش الكفاءة اللى تاهلهم انهم يدرسوا الحاجات دى بس فى الوقت ده انا مزعلتش من الأزهر انا حولت غضبى ده للمجتمع والعالم اللى مش مقدر الازهر كل واحد ممكن يتظلم بس تفرق رد فعل كل واحد تجاه الظلم ده
محمود ما بيحتقرش الازهر ولا حاجة بالعكس

بس انت تعرف لما يكون واحد بيحب حاجة أوى وبعد كده يتصدم فيها جامد

عارف نقد المحب بيكون أصعب وأقسى نقد
هى دى بالظبط حالة محمود دلوقتى
ربنا يعينه ويقدر يعدى مشاكله يا رب انا مكنتش مكلمه هوه انا كنت مكلم الناس اللى بسبب احتقارهم للازهر انا اتظلمت انا مكنتش اقصده هو شخصيا
يا ريت بس متزعش منه
انا مش زعلان منه وهزعل منه ليه انا زى ما قلتلك قبل كده ان ردى ده كنت معبر بيه عن اللى جوايا تجاه الناس اللى اتظلمت منهم لانهم مقدروش الازهر

هو ده ردى انا حبيت اوضح بس انا كنت اقصد ايه
بص انا قلت من الاول انى مكنتش المفروض ارد مرتين وطبعا من حقك طلب حذف المشاركه دى وانا اوافق على الحذف
شكرا جزيلا لك واسف اذا كان ردى قاسى بعض الشىء
سلام عليكم

سبارتكوس

19-05-2009, 10:21 PM

لا قوه إلا بالله ..
مش عارف اقولك ايه يا عندليب
بس دى فعلا حاجه حصلت يا عندليب مش لازم نديها تفكير اكبر من حجمها ..
هوه ده قدر مش بنقدر نتصرف فيه
بس ممكن بقه يكون فيه تفكير سليم للى هيحصل بعد كده
انت فى فترة أمتحانات ..
يبقى الاولى انك تفكر فى أمتحاناتك الاول ..
وتذاكر كويس ..
بعد الامتحانات هيبقى فيه فرصه للتفكير فى اللى هيحصل بعد كده ..
فأنت لازم تقول قدر الله ما شاء فعل ..
وبعدين انت مش ليك ذنب .. ولا صحبك ده ليه ذنب بس هوه قدره كده ..
قدره انه يتظلم بس لازم تعرف أن ربنا مع المظلوم دايما .
وان شاء الله يكون خير ليك وليه ..
يريت تذاكر وتاخد بالك من صحبك ومن نفسك ..
فى رعاية الله

هانى الشرقاوى

19-05-2009, 10:26 PM

هو ده ردى انا حبيت اوضح بس انا كنت اقصد ايه
بص انا قلت من الاول انى مكنتش المفروض ارد مرتين وطبعا من حقك طلب حذف المشاركه دى وانا اوافق على الحذف
شكرا جزيلا لك واسف اذا كان ردى قاسى بعض الشىء
سلام عليكم

بس أولا انت من حقك ترد ان شاء الله حتى 20 مليون رد
ومن حقك كمان أنى مش ألومك ابدا على وجهة نظرا
بس أنا كنت بحاول أصحح حاجة بس ممكن تكون انت مش واخد بالك منها

يعنى انت كمان اتظلمت بسبب الازهر وضاعت منك فرصة كبيرة بسبب الازهر
كل الازهرية بيعانو من الحاجات
امتى بقا يجئ اليوم ونخلص من العقدة دى

وأنا فى ثانوى أقل حاجة لسه فاكرها انهم فى امتحان الشفوى أخدوا منى سبع درجات ( شوفهم بكام دول ) بس مش عشان مش حافظ ... لا عشان كان شعرى طويل أوى وكنت مستخدم جل ودار حوار طويل بينى وبينى الشيخ ده وللأسف حصل اللى حصل ( ربنا يسامحه بقا ) ده أنا معملتهاش فى الفيزياء أقوم أضيع 7 درجات من أصل عشرين فى الشفوى
دى حاجة من ملايين الحاجات
والظاهر اننا هنفضل نعانى طول ما احنا ازهرية

حصل خير
متزعلش انت نفسك

هانى الشرقاوى

19-05-2009, 10:28 PM

أسيل رزق

19-05-2009, 11:02 PM

أنا مش شايفة أى مشكلة
بس إحساسك طبيعى جداً يمكن لانك أول مرة يحصلك الموقف ده وخايف من كلامك اللى قلته يكون غلط
دا نصب ومحدش ليه دخل فى الحكاية دى
مع إن العميد زودها أوى :stickjo4:.. كان ممكن يكتفى بالانذار لكن ده حكم بالموت عليهم من وجهة نظرى
و اللى حصل حصل
ربنا يسترها مع الجميع و يوفقنا جميعاً
فى رعاية الله

Mr.Ahmed Fadel

19-05-2009, 11:36 PM

سبارتكوس

19-05-2009, 11:38 PM

امتحانات ايه بقا يا أحمد
ما خلاص
أنا من ساعة الموضوع ده ما حصل
مليش نفس افتح كتاب وربنا يسترها بقا

لا يا عندليب ..
ده أولا مش حل لأى مشكله .. بالعكس ده هيخلى المشكله تكبر ..
وبدال ما هتحلها هتخليها أكبر ..
يبقى اللى انت بتعمله ده غلط ..
لازم تذاكر على الاقل عشان تفرح صحبك ده ..
هو اكيد انسان زى ده هيبقى مبسوط لما يشوفك فرحان ..
ذاكر و أعمل اللى عليك ان شاء الله ربنا هيكون معاكم ..
بس خد بالك انت من مذاكرتك ..
ربنا معاك

هانى الشرقاوى

21-05-2009, 04:43 PM

.. كان ممكن يكتفى بالانذار لكن ده حكم بالموت عليهم من وجهة نظرى

فى رعاية الله

عندك حق يا أسيل
ربنا يكيفينا شر الظلم

هانى الشرقاوى

21-05-2009, 04:45 PM

بجد انت شخصية محترمة جدا

ربنا يبارك فيك

الاحساس بالناس سمه افتقدناها فى هذا الزمان

شكرا لحضرتك

هانى الشرقاوى

21-05-2009, 04:54 PM

لا يا عندليب ..
ده أولا مش حل لأى مشكله .. بالعكس ده هيخلى المشكله تكبر ..
وبدال ما هتحلها هتخليها أكبر ..
يبقى اللى انت بتعمله ده غلط ..
لازم تذاكر على الاقل عشان تفرح صحبك ده ..
هو اكيد انسان زى ده هيبقى مبسوط لما يشوفك فرحان ..
ذاكر و أعمل اللى عليك ان شاء الله ربنا هيكون معاكم ..
بس خد بالك انت من مذاكرتك ..
ربنا معاك

متقلقش يا أحمد
أنا بذاكر مش منفض أوى يعنى
وعلى فكرة النهارده خالد حضر معانا الامتحان وده كان أول يوم ليه
مجلش التأديب كان أخره 20 / 5
ومش عايز أقولك اليوم اللى قبل الامتحان كنا عملين ازاى
كان معيشنا فى جو حماسى كده فظيع ... فعلا الانسان جواه طاقات مبتطلعش اللى ما يكون هو عايز انها تطلع
والله يا أحمد لما معياد الغدا جه بقوله يا خالد أنا نازل أجيب الغدا ... فيقولى اقعد ياه ... انت بتحجج عايز تضيع الوقت وخلاص ونزل برده هو جاب الغدا والعشاء ... احنا قاعدين فى الخامس وكنا طول ما نعوز حاجة ينزل والله هو اللى يجيبها
أقوله طيب يا خالد ارحمنى ... عايز أشوف الشارع بس شكله ايه ... يقولى أبدا لا ما انت صايع من يومها شوف الذل بقا شوية
ومعرفتش أنام امباراح غير تلت ساعات من 1 الى 2 ومن 5 الى 6 ( استبداد بقا )
هو قالى نام على فترات متقطعة عشان متحس بالحاجة للنوم وفعلا رحتن الامتحان فايق ومركز
وهههههه ولما المنبه رن قمت بالراحة كده واتسحبت عشان أقفله من غير ما خالد ياخد باله ... هههههههه فلاقيته ماسكنى من كتفى بقولى عندك ..... ههههههه
بجد أجمل حاجة فى الدنيا انك تحس ان جنبك صاحب بيحبك وبيخاف عليك

احمد فاروق1991

21-05-2009, 08:20 PM

هانى الشرقاوى

21-05-2009, 08:26 PM

احنا عندنا فى علوم بنشوف الحاجات الغريبة دى لكن لما جئة الاخوان وقابلونا
محدش مننا عمل لا مذكرة ولا حاجة
احنا بنفض لهم

اما موضوع الاحساس بالذنب فأنت قلت ما تعلم وما شاهدتة ولكن الظلم اما ان يكون من الطالب نفسة لنفسة
او من ادارة الجامعة المتعجرفة تجاة الطلبة وهذا ما يحدث غالبا
لا تحمل نفسك اكثر من الازم وركز فى الامتحانات عايزينك مترجم excellent

فعلا
الطلبة بيتجنبوا الاخوان على اد ما يقدروا عشان يبعدو عنهم المشاكل بس ده بصراحة أنا شايف انه جبن
انا ليا أصحاب معجبين بالاخوان مع انى من أشد معارضيهم بس صداقتى بيهم متأثرتش خالص بسبب موضوع زى ده

وخالد على فكرة معجب جدا بالاخوان وبيحضر مظاهراتهم واحتفالاتهم كلها بس أنا ميهمنيش كل ده
أنا اللى يهمنى ان فيه انسان اتظلم بصرف النظر بقا عن أى حاجة تانية

هههههههههههه اكسلنت ههههه بس قول يا بر ننجح
شد انت بس حيلك عايزين نسمع عنك كل خير
على فكرة حبابيى كلهم فى علوم
عملت ايه فى امتحان العقيدة يا غالى
طمنا عليك

Observer

21-05-2009, 11:34 PM

هكذا الدنيا