مشاهدة النسخة كاملة : حوار (بس لو انت من مصر متدخلش )
مدرس الغد 05-05-2009, 08:58 PM :dبجد الكلام داه بتاعى ومش عارف لو فيه موضوع زيه ولا لا:d
بس بجد عندى حوار وعاوز افتحه
انا سمعت اغنيه بتقول مشربتش من نيلها طب جربت نغنيلها جربت فى عز ما تحزن تمشى فى شوارعها وتشكلها
الاغنيه ديه مضيقانى اوى
اولا : نيل ايه داه الى كله امراض وبلهارسيا وبيقولك ترجع تانى بس مش علشان تشرب منه لا للعلاج من الى فيه
ثانيا : امشى فى شوارع مين ديه داه انا اقع فى اول بلاعه مجارى مفتوحه هوه انا اهبل ولا ايه
ثالثا : مشكله جامده اوى بيقولك رغيف العسش فيه مسامير لان الشعب عنده نقص لعنصر الحديد علشان كده بيبقى مليان مسامير
انا عندى كتير بس الى عنه حاجه اوى رد يكتبه انا مش ناكر فضل مصر عليا بس والله مخنوق اوى من الى بشوفه ونفسى يتغير
:022yb4::022yb4:اوعى حد يزعل منى :022yb4::022yb4:
Last Fantasy 05-05-2009, 09:06 PM متضايقش أوي كده مهما كان مصر حتفضل فوق لكن مين السبب في إن النيل ملوث ورغيف العيش زي ماهو كده مش الحكومة يبقي مصر ملهاش دعويس لكن مصر هيا أم الدنيا
مدرس الغد 05-05-2009, 09:08 PM عارف كده بس مش المفروض نعمل حاجه حد يقولى اعمل ايه وانا اعمله ؟؟؟؟؟؟
ღ ღDr.MoustafaSofaღ ღ 05-05-2009, 09:09 PM تب الى الله واستغفر ربك وقوم صليلك ركعتين وقول والله مهعمل كده تانى
مدرس الغد 05-05-2009, 09:11 PM ههههههههه ماشى صاصا بس حد رد فى الموضوع لو سمحت يكون رد للمشكله ديه
مدرس الغد 05-05-2009, 09:18 PM انا عاوز كل واحد يحط فكره لاصلاح الكلام داه وتكون فكره بسيطه يستطيع الكل تنفيذها
Eng.Rasha 05-05-2009, 09:19 PM بص يا احمد
ممكن يكون عندك حق لكن برضه مين السبب هاتقول الحكومة هاقولك واحنا كمان السبب اننا سكتنا على الحال دا
وعلى فكرة الحكومة تقدر تسكت واحد وتقدر ت***ه كمان لكن مش تقدر تسكت شعب بحاله لو وقفنا كلنا ضد الحاجات دى
يعنى من النهاية احنا السبب مش مصر
نعيب زماننا والعيب فينا
وما لزماننا عيب سوانا
ღ ღDr.MoustafaSofaღ ღ 05-05-2009, 09:19 PM بص بالنسبة للنيل بيدى للواحد روح انى عمره مهيموت من العطش وبالنسبة للشوارع فارض الله واسعة عايز
تغور من مصر فى ستين داهية ال100 مليون مش هيقفو عليك
وبالنسبة لرغيف العيش لو مش عجبك المسامير ممكن تقدم طلب تغييره
وبراحتك بقى لو عايز نوع طوب فاخر واحسن نوع من الزجاج (مستورد) براحتك
مدرس الغد 05-05-2009, 09:20 PM رد سليم اوى برنسيسه
مدرس الغد 05-05-2009, 09:22 PM ايه يا مصطفى داه هوه داه الحل الى عندك يا ريتنى ما كنت كتبت الموضوع لو اعرف انك هترد
Eng.Rasha 05-05-2009, 09:52 PM تب الى الله واستغفر ربك وقوم صليلك ركعتين وقول والله مهعمل كده تانى
ردك غريب شوية يا مصطفى
واعتقد انه خارج نطاق الموضوع
بص بالنسبة للنيل بيدى للواحد روح انى عمره مهيموت من العطش وبالنسبة للشوارع فارض الله واسعة عايز
تغور من مصر فى ستين داهية ال100 مليون مش هيقفو عليك
وبالنسبة لرغيف العيش لو مش عجبك المسامير ممكن تقدم طلب تغييره
وبراحتك بقى لو عايز نوع طوب فاخر واحسن نوع من الزجاج (مستورد) براحتك
جيت تكحلها عميتها
هو دا الحل انه يسيب مصر
وبعدين لو العيش هايتغير مش هايبقى هو لوحده المستفيد
الكل هايستفاد
ولو على النظام دا ال 100 مليون هايسيبوا مصر مش احمد وبس ويمكن تكون انت كمان واحد منهم
ردى كان جامد معلش
تقبل مرورى
مدرس الغد 05-05-2009, 09:57 PM ههههههههههه صح برنسيسه عاوز تمشى انت اتفضل الباب مفتوح
مدرس الغد 05-05-2009, 09:59 PM انا عاوز الصح للبلد مش ليه لوحدى لا للكل لان الكلام داه لو اتحل المشكله هتتحل للكل مش لوحدى
ღ ღDr.MoustafaSofaღ ღ 05-05-2009, 10:14 PM احمدوا ربنا يا جماعة على العيشة اللى انتو عيشنها دى والله فى ناس غيرنا مش عرفة تعيش والله وعايزة شعرة من اللى عندنا
lover rose 05-05-2009, 10:27 PM والله عندك حق انا معاك فى كل كلامك
نيل ايه دا احنا خليناه حاجه غير النيل
ولا الشوارع يااااااااااااه حاجه حلوه اوى
دا الواحد لما بيشوف اى دوله اوروبيه بيبقى عاوز ينتحر
داانا بطلت اشوف مسلسلات اجنبى ولا تركى علشان اتعقدت
وبالنسبه للعيش فالعيش فله خالص زى ماكلنا عارفين
احمد ربنا انت هتلاقى بلد فيها الحاجات المميزه دى غير هنا
نحن لانشبه غيرنا خاااااااااااالص
لو لقيت حل ياريت تقولى عليه
BaNZeR 05-05-2009, 10:36 PM ردك غريب شوية يا مصطفى
واعتقد انه خارج نطاق الموضوع
أبداً رده مش غريب ولا حاجة
مهو لما كل واحد يصلح نفسه المجتمع كله حينصلح
وهو ده اللى هيقدر يعمله دلوقتي
دلوقتي يا مدرس الغد بتسأل ممكن تعمل ايه
هو اللى خلى النيل اعظم انهار العالم بقى من ....... انهار العالم دلوقتي
الحكومة ؟؟ معتقدش
مشفتش قرار حكومي قبل كده بيطالب برمي المخلفات في النيل
هي الحكومة اه تأخرت في معاقبة المخالفين وتجريمهم
لكن احنا السبب في الآخر
اللى انت تقدر عليه دلوقتي إنه لو فايدك كيس تفضل ماسكه لحد اقرب سلة زبالة تقابلك
ولو زميلك رمى علبة في النيل وانتوا ماشييين تنصحه وتقوله ده آخر مرة تعملها
كذلك نضافة الشارع برده
ده اللى انت تقدر تعمله في نطاقك
ورغيف العيش ده بيعتمد على ذمة الخباز اللى بيعمله
صحيح هو بيعمل على قد المكسب بس ده ميبررش إنه ياكل على حساب غيره
fictional.girl 05-05-2009, 10:39 PM :dبجد الكلام داه بتاعى ومش عارف لو فيه موضوع زيه ولا لا:d
بس بجد عندى حوار وعاوز افتحه
اتفضل افتح
انا سمعت اغنيه بتقول مشربتش من نيلها طب جربت نغنيلها جربت فى عز ما تحزن تمشى فى شوارعها وتشكلها
انا برده سمعتها
الاغنيه ديه مضيقانى اوى
مش اكتر مني
اولا : نيل ايه داه الى كله امراض وبلهارسيا وبيقولك ترجع تانى بس مش علشان تشرب منه لا للعلاج من الى فيه
ههههههههه والله معاك حق
ثانيا : امشى فى شوارع مين ديه داه انا اقع فى اول بلاعه مجارى مفتوحه هوه انا اهبل ولا ايه
لا مش اهبل ولا حاجة
ثالثا : مشكله جامده اوى بيقولك رغيف العسش فيه مسامير لان الشعب عنده نقص لعنصر الحديد علشان كده بيبقى مليان مسامير
طب وانت ايه الي مزعلك في كدة
الحكومة بتعالج الشعب
انا عندى كتير بس الى عنه حاجه اوى رد يكتبه انا مش ناكر فضل مصر عليا بس والله مخنوق اوى من الى بشوفه ونفسى يتغير
:022yb4::022yb4:اوعى حد يزعل منى :022yb4::022yb4:
لا متخفش محدش زعل منك
بص بقي انت عايز حل للمشكلة
بالنسبة للنيل فخلاص كلنا بقي عندنا مناعة من الامراض بتاعتة وبعدين ابقي ركب فلتر
بالنسبة للبلوعات فكل متقابل واحدة مفتوحة ابقي غطيها هههههههههه
اما مشكلة العيش دي مش مشكلة ولا حاجة
دي معالجة مجانية من الانميا
|