amrlover.com
05-05-2009, 12:27 AM
انا مشكلتي أني بنسي اللي بذاكره فبجد عايز حل ضروري:bosyht9:
|
مشاهدة النسخة كاملة : ياناس شوفولي حل بليز amrlover.com 05-05-2009, 12:27 AM انا مشكلتي أني بنسي اللي بذاكره فبجد عايز حل ضروري:bosyht9: Eng.Rasha 05-05-2009, 01:59 AM لا اطمنى دا احساسنا كلنا بس دا احساس مش اكتر اطمن انا سالت ناس كتير قالولى كدا amrlover.com 05-05-2009, 01:10 PM يارب يكون ده فعلا صح انا ف تالته ثانوي والحكايه مش ناقصه MoHaMeD ELsHeRbEnY 05-05-2009, 01:42 PM لا اطمنى حضرتك دا مش اكتر من احساس لانك اصلا خايفة من الامتحانات فبيترتب على الخوف دة الاحساس انك مش فاكرة حاجة هحكى لحضرتك حاجة يوم امتحان على النفس السنة الى فاتت كنت مزاكر الحمد لله المهم يوم الامتحان صحيت الفجر اراجع وكدة بقرا المذكرة حاسس ان الكلام دة اول مرة اشوفة افتكر اى حاجة اتمسحت دماغى قلت بس هشتال المادة دى قمت صليت ركعتين قضاء حاجة ورحت دخلت الامتحان سميت الله وبدات احاول اهدى نفسى ومسكت الورقة قرات اول سؤال وكتبتة وبردة لسة مش فاكر حاجة وشوية ولقيت ايدى بتكتب لواحدها وافتكرت الامتحان كلة الحمد لله يعنى دا مش اكتر من احساس واطمن ان شاء الله فى رعاية الله أسيل رزق 05-05-2009, 02:34 PM انا مشكلتي أني بنسي اللي بذاكره فبجد عايز حل ضروري:bosyht9: المرحلة دى أو السن ده بيكون عنده نسيان لأمور معينة خصوصاً المذاكرة و بطبيعة الوقت إننا قادمين على إمتحانات فا الخوف أو التوتر بيولد النسيان أو الشعور بالنسيان كل ما عليك إن حضرتك تركز كويس فى المذاكرة ويا ريت لو تكون مذاكرتك فى الفترة دى بالورقة والقلم علشان تقدر تفتكر اللى ذاكرته بسهولة ولما يجيلك شعور بالنسيان فى جزء معين إقراه حتى لو جالك احساس النسيان فى اليوم 10 مرات إقرا الجزء اللى حاسس انك ناسيه ويكون بتركيز هتفتكره بسهولة وربنا يوفق الجميع amrlover.com 05-05-2009, 11:11 PM كمان المشكله إني بحس إن الحاجات بتخش ف بعض Nona 3la ToOol 10-05-2009, 07:14 AM هو فعلا ياعمرو بيكون مجرد احساس علشان الامتحانات وكدة بس لازم تخلى بالك من حاجة لو انت لقيت نفسك ناسى حاجة ومش قادر تفتكرها لازم تراجهعا تانى وتالت ورابع لو طلبت معاك لان فى ناس بتخلط الامور ببعضها يعنى تيجى تذاكر الحاجة وتكون مش مركزة شوية وهى بتذاكر وبعدين تيجى تسمعها تلاقى نفسها مش فاكرها فتفتكر انها مجرد احساس مش اكتر علشان الخوف بس هى بجد مش مذكرها كويس فعلشان كدة انا بقولك ركز اوى وانت بتذاكر وحاول تتعب اوى فى الحاجة علشان ربنا يوفقك ان شاء الله amrlover.com 10-05-2009, 10:15 PM الف شكر ليكي soha fouad 11-05-2009, 11:02 AM لو حاسس انك بتنسي عشان خايف يبقي ده احساس طبيعي ومتقلقشي والعلاج انك تهدي نفسك قدر المستطاع لكن لو حاسس انك بتنسي عشان بتكروت والجزء المعين بيتنسي عشان مش اكد ع مذاكرته حاول تذاكره تاني وحاجه حلوة لو عملتها ممكن تنفع وهي انك تستخدم عينك وفمك وودانك وايدك وانت بتذاكر يعني : عينك ع الكلام وفمك بيردد اللي بتقراه وودنك تحفظ الكلام اللي انت بتقوله وبعدين تسمعها ع الورق لو كتبت الفقرة كلها صح اعرف انك تمام ومرة تانيه تراجع عليها وتسمعها تاني وثالت لو حبيت للتأكيد اعرف ان انت كده تمام التمام واي خوف تاني اعرف انه رهبة الامتحان مش اكتر Rien 15-05-2009, 02:09 AM انا بيجيلى نفس الاحساس ليلة الامتحان وقبل مادخل اللجنة على طول واول ماشوف ورقة الاسئلة وبيطلع مجرد قلق مش اكتر واول مابتدى اكتب ف اجابة السؤال الاول بالاقى نفسى بافتكره وهكذا ف باقى الاسئلة لكن نصيحة بلاش تسهر ليلة الامتحان للصبح حاول تنام على الساعة 12 ده اخر حاجة ما هو اكيد مش الـ 6 ولا الـ 7 ساعات اللى مش هاتنامهم دول هاتعمل فيهم اللى ماعرفتش تعمله ف 9 شهور الوقت قدامك اهو ماتخليش نفسك تضطر تسهر للصبح ليلة الامتحان لانها جت على دماغى ف التاريخ ونسيت كل حاجة فعلا افتكرت اما طلعت من اللجنة وانا باراجع وكانت اسوأ درجة اجيبها ف حياتى :d |