مشاهدة النسخة كاملة : يا ترى بتفكر قبل ما تنام؟؟!!
Miss_CaR!zma 03-08-2006, 10:49 AM <div align="center">السلام عليكم ورحمة الله وبركاته ،،،
إحذر . التفكير قبل النوم !!
مرحلة التفكير قبل النوم من أخطر الوسائل السلبية على الإنسان : لذلك .. راقب نوع تفكيرك قبل النوم .. هذا موضوع مهم جدا لحياة الأشخاص النفسية ..وبالذات التفكير قبل النوم وبعد الإفاقة في الصباح ومهم جدا معرفة.. هل يستحوذ على الشخص التفكير الإيجابي أم السلبي ؟؟؟
لسبب قوي جدا وخطييييييير....!!!!
لأن أي الأحساس بالإحباط أو الاكتئاب أو عدم القدرة على مواصلة أي عمل أو دراسة بحماس ... سببه هو البرمجة الذاتية الداخلية في عقل الإنسان اللاوعي نتيجة ما أختزنه من الماضي أما سلبيا أو إيجابيا.. وقوة البرمجة الايجابية والسلبية نسبية من شخص إلى آخر بحسب ظروف الإنسان وشخصيته وبرامجه العقلية فمجرد فهم الأفكار السلبية وأسبابها " موقف مؤلم , تربية خاطئة ، ضغوط نفسية من العمل " وغيرها
من الأسباب التي تؤدي إلى :
1 ـ توتر في بادىء الامر والانزعاج الدائم والضيقة النفسية
2 ـ ومن ثم التفكير الدائم بالموقف المؤلم والاحساس بالندم والتمني طوال الوقت وقد يتطور الى التفكير في الرحيل عن الحياة الى الموت
3 ـ أستحضاره ليلا ومن ثم أشغال العقل اللأواعي إلى الصباح وكره الذات والأهل" بالرغم من أن الإنسان نائم ولكن عقله لاينام بل مشغول بالموقف الماضي " الذي حطم كيانة وأزعجة وعرقل سائر تفكيرة.
4 - ثم الوصول إلى الخوف والرهاب الأجتماعي والبعد عن الناس والاجتماعات ..
5 ـ ثم الوصول إلى عيادة الطبيب النفسي وهذا كله فقط بسب البرمجة الذاتية السلبيةالتي قد تهلك نفسا بريئة ..
6 ـ فيجب فقط القضاء على مجرد التفكير السلبي وراحة بالكم ونسيان اي أزمة نفسية سببت لكم التعب المستمر..
حتى ننعم بصحة افضل و بال صافى و تفكير ايجابى
:) :)
منقولــ</div>
mEzO_89zoom 03-08-2006, 11:03 AM انا أصلا مبفكرش قبل منام خالص
أنا بفضل سهران أودام التلفزيون لحد تانى يوم ومابصدق أشوف السرير برمى نفسى عليه علطول
ههههههههههههههههههههههههههههههههههههه
شكرا على الموضوع يا تويتى
سلام بأة علشان داخل أنام
The_Relativistic200 03-08-2006, 11:03 AM والله مش عارف القسم مناسب ولا لأ
بس اقوللك
انا حاليا بنام من غير حتى ما الحق اتغطى
اما فى الدراسة بالذات فلازم
بتاع نص ساعة هشان انام
وطبعا مش هروح لدكتور عشان المدرسة وقرفها
وشكرا يا هند على الموضوع
Miss_CaR!zma 03-08-2006, 11:10 AM شكرا ميزو لمرورك
شكرا خالد لمرورك وزى ما اتعودت لازم الموضوع يبقى فيه حاجه غلط
وعموما هشوف حكايه القسم دى
وانا شخصيا اقوللك يا بختك
نص ساعه بس؟
مش اقل من ساعتين بالنسبه ليا فى الدراسه اعتقد ده طبيعى لازم تفكر فى المذاكره والدرس والمدرسه ووو بالذات فى ثانويه عامه
فمش مشكله يعنى
براءة 03-08-2006, 11:17 AM طيب انا مبعرفش انام غير لما افكر قبلها
ده لازم واساسي
ومش عاوزة اقولك ان دى اهم فترة فى يومى كله
وقليلا ما انام بدون تفكير ..... لا نادرا مش قليلا
عموما
شكرا على موضوعك الجميـــــــــل يا تويتى
The_Relativistic200 03-08-2006, 11:26 AM <div class='quotetop'>إقتباس</div>شكرا خالد لمرورك وزى ما اتعودت لازم الموضوع يبقى فيه حاجه غلط[/b]
والله مش قصدى حظك انتى كده :D
<div class='quotetop'>إقتباس</div>وعموما هشوف حكايه القسم دى[/b]
خليها للمشرف بقى وخلاص
<div class='quotetop'>إقتباس</div>وانا شخصيا اقوللك يا بختك
نص ساعه بس؟
مش اقل من ساعتين بالنسبه ليا فى الدراسه [/b]
ليه بقى كنتى قمتى ذاكرتى فيهم احسن :D
وشكرا على مرورى ثانية
المخلص الي الابد 03-08-2006, 11:28 AM مشكورة يا تويتي علي الموضوع
واكيد كل واحد ليه ظروفه بالنسبة للنوم
يعني عندنا لازم ننام علي صوت الطيارات والقصف
وده بقي شئ طبيعي
ReceptiveGuy 03-08-2006, 11:32 AM زي رحمة تمام
لو ما فكرتش قبل ما أنام
يبقى تعرفي إن أنا ما نمتش أصلاً
التفكير ده أنا عملتلوه حل عشان أخرجه من إطار السرير
يبقى تفكير قبل النوم آه
لكن خليلتوه مكان و معاه مشروب وحدوتة
والحمد لله بطبعي بحاول أقلل التفكير في الأفكار السلبية كتير
شكراً ليكي على الموضوع المهم ده يا تويتي
وده مش متوقف على دراسة أو إجازة
ساعات بفكر في مصر
في الفلوس
في الدروس
في الحروب
في الألعاب
في ألأاصدقاء
في الآيس كريم
في كل حاجة
غير مرتبطة إطلاقاً عندي بدراسة أو إجازة و قلق أو عدم وجوده
أنا بتعب نفسياً من حاجة واحدة بس
أكون تعبان ومش قادر أستحمل و أفضل أفكر برضه ما أعرفش أنام
نفس المشكلة بالنسبة للمواعيد
يكون عندي ميعاد ولا زم أصحى
لكن تقوليث إيه بقى
بفكر برضه في رجل المستحيل وإني ممكن أكون زيه في يوم من الأيام
حاجات ليس لها حصر
شكراً على الموضوع تاني يا تويتي
ربنا معاكو يا إبراهيم
ده إحنا و الله مدلعين أوي
ربنا معاكو يا رب
يا رب
The_Relativistic200 03-08-2006, 11:35 AM اهو الكلام ده كله
بقى بفكر فيه بس
فى الدراسة برضو
سبحان الله
بس غالبا بحاول افتكر حاجة افكر فيها
الاقى نفسى بفكر فى دعاء قبل النوم
اقوله وكل سنة وانتم طيبين
اضف اليها طبعا سبيس تون
لكن فى الاجازة استحالة التفكير ده خالص
Miss_CaR!zma 03-08-2006, 11:42 AM شكرا لمرورك يا رحمه
وانا اعتقد انه كتير جدا جدا من الناس مش بتنام قبل تفكير عميق ولو خمس دقايق حتى
بس الهدف انه التفكير ده نوجهه ناحيه الايجابيه
هتبقى نتايجه نوم عميق (الى حد ما)
هتبقى قايمه تانى يوم فريش مش فى حاجه مدايقاكى
ياه اعذرونى كنت نايمه باين:P
شكرا لمرورك تانى يا خالد بالنيابه عنك طبعا
وانا مش بنام الا لما ابقى عايزه انام التفكير جزء من النوم يعنى بالنسبه لى
ابراهيم شكرا لمرورك
وبجد بجد قلبى معاكم ويارب ينصركم يارب
ودايما بندعى ليكم
صلاح اهلا اهلا
عموما هو التفكير فى ده كله موجود
بس معظمها يقظه ...قبل النوم غالبا العقد بتظهر مش عارفه ليه :D
بس ايه حكايه سبيس تون دى؟؟
اتكررت كتير قوى
اكبر شويه بقى عندك mbc 3 :P
نورتم موضوعى وبشكركم لتفاعلكم
msamido 03-08-2006, 03:02 PM مستحيل انام من غير تفكير
مستحيل لاني مش بعرف انام بسرعه كده مهما اكون تعبان لازم علي الاقل خالص ساعه كده صاحي في السرير بعدها جايز انام
طيب في الساعه دي هعمل ايه غير اني افكر
بس هاخد بالنصيحه وابقي افكر في كل حاجه ايجابية وابعد عن اي حاجه فيها مشاكل
شكرا جزيلااااااااااااااا
Miss_CaR!zma 03-08-2006, 05:18 PM شكرا ميدو لمرورك
واحنا كلنا كده يعنى يا جماعه؟
بس بجد بجد التفكير الايجابى والسلبى شتان
ياريت اللى جرب الاتنين يعمل مقارنه بين نفسه ونفسه فى الحالتين
الدمعة الحزينة 04-08-2006, 02:34 AM من ساعة ما دخلت ثانوى وانا بطلت افكر لما بشوف السرير باخدة بالحضن ومبفوقش غير وما ما بتصحينى
شكرا على موضوعك
Miss_CaR!zma 04-08-2006, 02:51 AM اللهم ارزقنا بعض ما عندكم
بتمنى انام نوم عميق من يوم مادخلت اولى ثانوى
بشكرك حبيبتى لمرورك
JuMpO 04-08-2006, 03:06 AM لابد ولا مفر من التفكير حتى في اي حاجة المهم انك تفكر ان شاء الله في حاجة مش مهمة انا مثلا لما ادخل انام الساعة اتنين مش بنام قبل صلاة الفجر
ولما تبقى في ايام الامتحانات بفكر في المتحان وسهولته او صعوبته وازا ظهرت النتيجة حلوة ولا وحشة وازا كانت حلوة بفكر في الهدية اللي هدبس فيها بابا
فلا مفر من التفكير
يعني مر انا قعدت افكر في ايام الأمتحانات ومنمتش غير ساعة ونص قبل امتحان الانجليزي(3ثانوي) بس الحمد لله ربنا سترها وجبت 25\25
محمد البري 04-08-2006, 03:10 AM هند شكرا ليكي موضوع جميل
انا طريقتي قبل النوم كالاتي كشف حساب
انا صليت
انا ذكرت ربنا ولا لأ
انا زعلت حد صاحبي اخويا والدتي والدي
انا زاكرت بضمير
انا مخلص اللي عليا
يعني بيكون تفكير قبل النوم كساب للنفس وياريت بجد الكل يعمل كدا لانها مفيدة جدا
اما بالنسبة لليلة قبل الامتحان مكنتش بفكر فيه نهائي اكني رايح فسحة او رحلة وعادي قوي
شكرا مرة اخرى للموضوع واعتقد انه المكان الصح لان النوم فلسفة يا خالد :wub:
هند ابراهيم 04-08-2006, 12:11 PM بشكرك يا هند موضوع جميل جدا
وانا عن نفسى لازم افكر قبل مانام ممكن افكر فى اللى عملته فى اليوم او فى هعمله اليوم التانى
وزى ما محمد بيقول محاسبه النفس قبل النوم مهم جدا
انا برده بعمل كده بس مش كتير
ayooosh 04-08-2006, 01:17 PM مستحيل انام من غير تفكير
شكرا على موضوعك الجميـــــــــل يا تويتى...........
Miss_CaR!zma 04-08-2006, 03:47 PM شكرا لمروركم الكريم
ونورتونى بجد والله
ومحاسبه النفس اكيد مش هقول ايجابيه بس
انا هقول المفروض اساسيه
شكرا لتفاعلكم مع الموضوع
zizo2_2 05-08-2006, 12:44 AM أنا لازم أفكر في حياتي كلها قبل ما انام
ويمكن ده بتعبني كتير جدا
بس مش بقدر أمنع التفكير لأنه مش بايدي
شكرا ليكي يا هند
الدجنوشة 05-08-2006, 01:00 AM انا بقى لازم افكر قبل منام
في اي حاجة وغالبا بيكون التفكير في المستقبل
واتخيل مستقبلي هيبقى عامل ازاي سواء في الجامعة او بعد متخرج
ازاي هواجه الحياة كدة يعني
وسعات بقعد افكر في موقف ماضي بس بصورة تانية غير اللي كان عاليها
يعني كل ده بياخد مني مش اقل من ساعة ونص علشان انام
وغالبا بتبقى نفس الحاجات هي هي بفكر فيها كل يوم
saraosama 05-08-2006, 01:56 AM انا عمرى مانمت من غير مفكر في حاجة -----اي حاجة و فى ايام الدراسة مش اقل من ساعة تفكير-----
دانا حتى لو شفت فيلم مؤثر قبل ما انام بعض افكر فى احداثة:huh:
Miss_CaR!zma 06-08-2006, 09:26 PM شكرا لمروركم زيزو وايه وستار
شرفنى مروركم بجد
ويا زيزو بتمنى فعلا انك تحاول تعرف الحاجات اللى بتضايقك تبعد عنها على الاقل
آيه حاجه كويسه التفكير فى المستقبل بس دايما توقعى الاحسن
ستار ايام الدراسه كلنا بنفكر فى المذاكره ساعات بقعد مع نفسى افتكر فى اللى ذاكرته
ونصيحه بلاش افلام الرعب:)
فتاة الاسلام 07-08-2006, 10:01 AM موضوع هايل ومهم يا تويتى
بس انا الصراحة لازم انى افكر قبل ما انام وخاصة افكر انا عملت اية طول اليوم يعنى حساب النفس
بس انا مش شايفاها سلبية لانى بكدة هكون ريحت نفسى لانى لو كنت عملت حاجة طوال اليوم مثلا نسيت فرد وانا لو حاسبت نفسى بكدة هرتاح من عذاب الضمير
وانا دائمة التفكير قبل النوم وخاصة التطلع الى المستقبل
وشكرا ليكى لطرحك للموضوع دة
اينشتاين 07-08-2006, 10:48 AM بافكر فى اللى ناسينى على رأى عبد الوهاب
هههههههههههه
لاء طبعا لازم اى شخص يفكر قبل ما ينام خصوصا ان الحياة كلها مشاكل يعنى مثلا بافكر انا هاعمل ايه فى دراستى ويا ترى هادخل كليه ايه وهكذا
Miss_CaR!zma 07-08-2006, 10:22 PM شكرا لمروركم دى دى ومحمد
وسعيده بتفاعلكم مع الموضوع
|