بسم الله الرحمن الرحيم
السلام عليكم ورحمة الله وبركاته
كلنا عارفين ان فى انتخابات الايام ديه فى المنتدى لأختيار المشرفين على الاقسام
وانا عندى اقتراح ياريت تقولوا رأيكم فيه بصراحه خاصة استاذ عبقرينو
انا بقترح انشاء قسم باسم (الاوائل) ويكون المشرفين عليه اتنين او تلاته او اربعه من اوائل الدفعه بتاعت 2 او 3 ثانوى ويكون ذو تخصصات مختلفه ادبى او علمى رياضه بحيث يكون هدفه
اولا: تقديم النصح لدفعه الى جايه بدهم والمساعده على التفوق وتقديم النصائح
ثانيا:هو تكريم هؤلاء الاوائل وده هيعتبر تكريم الموقع لهم
وياريت استاذ عبقرينو يتبنى هذه الفكرة
وياريت كل واحد يوقل رأيه بصراحه

جميل جدا يا محمد يا حبي بس للاسف


اكتريت الاوائل هينشغلوا وموش هيجيوا والاشراف ممكن يتعطل لو يمكن اتنين منهم ومعاهم مشرف العام يبأى حلو

طبعا فكره حلوه جدا يا محمود
وبجد محتاجين ليها فى الموقع وبتمنى يبقى فيه تجاوب
وبشكرك لطرح الفكره

شكرا يا محمد على ردك يا جماعه انا قلت الفكرة وياريت تطوروا فيها
انا اسمى محمود يا محمد (ابن محافظتك)

طبعا هى فكرة جديدة ومتميزة

بس يا ترى الاوائل هيقبلوا اشراف؟؟

والله لو قبلوا يبقوا مشكورين

وشكرا للاقتراح

طيب ايه اللي حينكتب في القسم دا
والاوائل دحيحة مش حيكونوا فاضيين

انت بتقول قسم للاوائل

انا اغلب اصحابى اللى اعرفهم
اللى جايبين اكتر من 95%

بيدخلوا على الموقع مرة فى الاسبوع او اقل

فاعتقد انهم ممكن ميقبلوش الاشراف

لما يتطلبه من تواجد يومى فى المنتدى

على العموم هى فكرة ممتازة يا محمود

واقترح عليك تعمل موضوع تعرف من خلاله الاوائل وتتاكدوا من النتيجة من خلال ارقام جلوسهم

وتتناقشوا اذا كان بامكانهم القيام بمهمة الاشراف ام لا

فاذا وجدت العدد المطلوب كان بها

فتوجه لاستاذ عبقرينو

و اعرض عليه الموضوع


والله الموفق


شكرا محمود على الدعوة

وده راى لو مكنش يضيقك

وبشكرك على الفكرة الجميلة والمبتكرة

:wub: :wub: :wub: :wub: محمود سوري يا بن محافظتي :D

فكرة جميله بس التنفيذ متهيالي هيبقي مشكله


الموضوع محتاج يتطور فكرته


وانا شايف انه هياخد وقت


شكرا يابو حنف ع الدعوة

جزاكم الله خيرا على كل ردودكم
وانا اؤيد فكرة الاستاذ محمد مصطفى
وانا اؤكد انى وضعت الفكرة بين ايديكم وحضرتكم تطوروها ولو شفتوا انها مش جيدة ممكن نحذفها خالص

الفكرة حلوة لكن هما هيقبلوا

لكن ممكن فعل ذلك من خلال منتدى مناقشات غير مصنفة
أو منتدى الرجالة
لأن لو عمل منتدى بهذا الأسم سوف يكون نشاطه قليل وموضيعه محدود جدا"

كتير اوى فى الموقع اوائل

جزاك الله كل الخير يا استاذ جمعه على ملاحظتك
انا معك فعلا يمكن ان يكون نشاطه محدود ولكن الاستفاده ممكن تكون اكبر على العموم دى كلها اراء
ومناقشه لعمل فكرة معينه وممكن ان لم تجد القبول العام نحذفها عادى انا قلت رأىوخلاص
وشكراا فعلا لكل المقترحات الى اتقدمت

صعب اوي حاجه زي دي تتحق لك يا محمود
لان زي ما الاعضاء والمشرفين قالوا الاوائل مش هيفضوا للمنتدي
علشان يبقوا مشرفين
وبعدين احنا ممكن نكرم الاعضاء دي ونخليهم مشرفين علي الاقسام التعليميه
علشان منها يفيدوا ويستفادوا
اما حكايه قسم الاوائل دي... مش هيتكتب فيها ازيد من اللي هيكون في القسم التعليمي

وشكرا جدا لفكرتك

رائي الاخير يبده الاعضاء هنا
فالجميع يعلم لا يحق لي اخذ قرار من نفسي إلا بعد الرجوع لكم
فهيا عقبوا على الموضوع وناقشوه ورايئ مع الاغلبية

جزاكم الله كل خير يا جماعه والله
شكراا جداا لمقترحاتكم البناءة وشكراا لأستاذ عبقرينو(الديموقراطى)
وياريت يا جماعه كل واحد يقول رأيه رأى الاغلبيه هيمشى ان شاء الله وياريت الاستاذ عبقرينو يعمل استفتاء عليه ياريت :) :) :) :) :) :) :) :) :) :) :)
واحب اقول ان انا مش من الاوائل على الموقع ولا افكر اكون مشرف لأنها مسؤوليه مقدرش عليها حتى لا يتم اخذ الموضوع على انه مصلحة شخصية ليا ولا حاجه ولكنها مصلحه للمندى وكل الاعضاء حتى يكون منتدى التفوق دائماا

مممم..موضوع جميل جدا...

وقسم زى ده والله هيبقى مهم..

اكيد كلنا مؤيدين الراى ده..ومنتظرين التنفيذ من عبقرينوووو