بسم الله الرحمن الرحيم

انا عندى مشكلة وبجد مش قادرة احلها هو بصراحة مش انا لوحدى ............ لكن كل طلبة وطالبات الفرقة الرابعة بالمعهد العالى للحاسب الالى بالزرقا اللى مش قادرين على النظام الجديد

انا عندى مادة اسمها مشروع التخرج الوقتى المعهد اجبرنا عشان ننجح في المشروع او حتى مش انجح
انى يبقي ليا صلاحية انى اسجل في مشروع معين انى اخد دورات علمية ثمنها يعدى الالف جنية والواحد اصلا مكنش في بالة ولا في حسابة حاجة زى دى وكمان دى كمان اصلا علاوة انى اصلا يعنى مش هعمل مشروع لا دا الدكتور بيدينى اسم واحد برة المعهد اروح لية انا والمجموعة بتاعتى ادفع لية فلوس وهو يدينى مشروع جاهز ومطبع وكامل من مجاميعة
ازاى بقي انى اخد دورات عشان اعمل مشروع علمى متكامل وانى اصلا كدا ولا كدا هشترية
وكمان انا اصلا بدرس كل البرامج اللى هعمل عليها المشروع دا لو فعلا انا اللى ممكن انفذة بنفسي بدرس البرامج دى لمدة اربع سنين علاوة على خبرتى وتعليمى لنفسي بقي عندى خبرة
المهم انى ادفع نجحت او رسبت في اخبار الدورة مش مشكلتهم المهم انى ادفع
الوقتى وخلاص الامتحانات قربت ولسة مسجلتش في اى مشروع
انا بس عايزة حاجة واحد
صوتى يوصل للسادة المسؤولين
يقول ليهم حرام عليكم مش عشان تعليم خاص يبقي جزر للفلوس بالطريقة دى وكمان انا واحدة بعد ماهخلص
مش هشتغل لظروف خاصة اية بقي فايدة انى اخد دورات في حالة ان حد يقول هتستفادي بيهم بعدين
انجدونى ارجوكم
انا خايفة ابعت فاكس باسمى على رقم الوزارة عشان لو اسمى وصل للمعهد يحاولوا يضرونى
وانا واحدة بنجح كل سنة والحمد لله بجيد جدا تقدير عام والترم دا انا ناجحة بتقدير امتياز
وبمجهودى
ارجو حد يحس بمشكلتى ويحاول يحلها او يفكر ليها في حل او حد من الوزارة يجي المعهد ويشوف اللى بيحصل
ايام الامتحانات بتبقي مهازل والغش على ودنة
تصورى لو واحد بيغش منى ورقتى هى اللى ممكن تتاخد لية لان الولد ممكن يقوم يضرب الدكتور
وغيرة وغيرة
حاجات كتير
بس انا بجد ظروفى المادية متسمحش انى اخد الدورات دى لانة مكنش في الحسبان اصلا موضوع الدورات دى
ساعدونى ارجوكم حد يوصل صوتى للسادة المسؤلين

بصراحه مشكلتك دي صعبه جدا ومعرفش ممكن تتحل ازاي بس انت بتقولي انك ممكن تبعتي فكس باسمك على رقم الوزاره بيتهيألي ان ده ميوصلش اسمك للكليه
بس انت بتقولي ان كل الطلبه في نفس المشكله مش معقوله يعني يسقطوا الطلبه كلهم يعني
بس بجد انا مش عرفه ممكن حد يساعدك ازاي
والله انا لو بايدي حاجه ممكن اعملهالك كنت عملتها
بس انا شيفه ان الحل الوحيد ان كل الطلبه يعملوا اضراب ومحدش يعمل حاجه فممكن المسقولين دول يحسوا على دمهم شويه

شكرا اوى على اهتمامك ويارب تتحل

مشكلة صعبة فعلاً وللأسف بالرغم من إن الدكاترة عقليتها واعية وراقية إلا إن بعضهم بيستغل الطلبة من الناحية المالية ربنا أكيد مايرضاش بالظلم ولا هيباركلهم فى فلوسهم اللى بيسرقوها من الطلبة

بس حاولى على قد ما تقدرى تجمعى المبلغ ده و إن شاء الله تقدرى على كده .. لان صعب إن حد من الدكاترة ضميره يصحى مرة واحدة كده ويرجع فى قراره

أو حاولى انتى وزمايلك تتجمعوا وتكتبوا شكوى وترفعوها للعميد

حسبنا الله ونعم الوكيل فى كل ظالم ومفترى

وربنا يوفقك يا رب انتى وزمايلك

اساسا دخلت للعميد انا ومجموعة كبيرة من الزمايل بس طبعا هو معاهم
والحل عنده انى اخد الدورات دى

الحمد لله
مشكلتى اتحلت
انا بعت اكتر من فاكس على ايميل الوزارة وحاسة انة جاب نتيجة لانى لاقيت ادارة المعهد تنازلوا وخلوا التسجيل في في مشروع التخرج من غير دورات اجبارة بحجة انهم قالوا كدا في الاول عشان عايزن الطبة تستفاد اكتر
الحمد لله وسجلت في مشروعى وخلصت كمان
والف شكر للجميع

انا كنت راسلت الموقع وقولت فية انى خلاص مشكلتى اتحلت والحمد لله
بس الظاهر كدا انها اتعقدت مش اتحلت
تقريبا حد من الادارة عرف انى كنت باعته شكوى على موقع الوزارة
وبصراحة انا خايفة جدا حد يتعمد يظلمنى في موادى وخصوصا انى لاقيت الدكتور بيتصل بنفسة ويكلمنى ودى مش بعادة يعنى
ادعولى ارجوكم

ربناااااااااااا معاكى يارب