مشاهدة النسخة كاملة : ماشاء الله زبالتنا يصنع منها جاكتات ف الصين
karim_elmagraby 09-07-2006, 12:18 AM نجح المواطن المصري سعد عطا الله الذي يعمل في مجال تجميع القمامة في منطقة منشية ناصر بمدينة القاهرة في الدخول إلي السوق العالمية والتعاون مع شركات دولية للغزل في إعادة استخدام القمامة.
وقال عطا الله في تقرير نشرته مجلة ديرشبيجل الألمانية الصادرة هذا الأسبوع إن الصين تستفيد من القمامة المصرية في تصنيع الجاكتات لأن الشركات الصينية تستفيد من المادة البلاستيكية والخيوط البولي استر وبخاصة في استخدامات إنتاج الملابس الرياضية أيضاً.
أشار التقرير إلي وجود 30 شخصاً من الرجال والنساء يقومون بتجميع القمامة وتنظيفها وتوزيعها وبخاصة القمامة البلاستيكية الخاصة بشركة عطا الله وعندما تنتهي هذه الخطوات تأتي شركة الشحن لنقلها إلي الإسكندرية ومنها تنقل أكياس القمامة البلاستيكية إلي شنغهاي بالصين عن طريق النقل البحري.
وذكر التقرير ان عطا الله ينتسب إلي أسرة عملت جميعها في أعمال تجميع القمامة ولكنه كان أكثرها ذكاء ولديه الرغبة في التطور. ولذلك درس اقتصاد الأعمال ونجح في إقناع صديق له بالانضمام للعمل معه في إعادة الاستفادة من القمامة المجمعة ونجح في ضم آخرين وهو ما أدي لإنشاء حوالي 200 شركة خاصة بإعادة الاستفادة من القمامة المجمعة وأوجد ذلك وظائف جديدة.
fethaghors 09-07-2006, 12:27 AM فى ناس بتاكل الزباله عادى يعنى بس الحمد لله قليلين فى مصر
karim_elmagraby 09-07-2006, 12:34 AM اشكرك يا فيثاغورس
fethaghors 09-07-2006, 12:47 AM تشكرنى على ايهده لو كل واحد كتب رد شكرته يبقى مش هتخلص
karim_elmagraby 09-07-2006, 12:54 AM اشكرك بردو يا فيثاغورس
هو انا لما اشكرك على مرورك يبقى مش هنخلص
fethaghors 09-07-2006, 01:01 AM لا انا اقصد ان انت كده كل ما واحد يرد هترد عليه وهتتعب نفسك جامد
بعد ما تلاقى ناس كتير ردت ابقى قول شكرا
r.m.h 09-07-2006, 01:05 AM من حسن الخلق انه يشكرك
ده اللي علموا لينا الاسلام
karim_elmagraby 09-07-2006, 01:09 AM اشكرك يا r.m.h
بس احنا مش عايزين نزعل عم فيثاغورس
اهه يا فيثاغورس مشاكرتش حد
اشكركم جميعا
fethaghors 09-07-2006, 01:10 AM شكرا r m h على المشاركه
fethaghors 09-07-2006, 01:11 AM karim_elmagraby
شكرا على ردك
r.m.h 09-07-2006, 01:12 AM احنا مش هنزعل حد لكن دي نصيحة هياخذ اجرها زى بالضبط
fethaghors 09-07-2006, 01:13 AM ألف شكر يلى بتقرأ ردى فعلا شكرا جزيلا تعبناك معانا يعنى
fethaghors 09-07-2006, 01:17 AM أظن كده أنا راجل شكير وأستاهل ألفين تحيه
و5 مشاركات
karim_elmagraby 09-07-2006, 01:17 AM يا فيثاغورس فى فرق بين انى اشكرك على مرورك و بين المبالغة فى الشكر
محمد البري 09-07-2006, 01:20 AM بقول ايه باى انتم بتخرجوا بره الموضوع بتبالغ بأى ليه انا اعرف يوم ما واحد بيكرمك في الرد مرتين دا لو موش لعبة ثانيا يا اخ كريم
انا ممكن كل ما تفتح المنتدى تلاقي المشاركات الجديدة محمد البري وبس او هشام فيثاغورث وبس فأهدا شويا اوكى خلي اسلوبكم راقي
وعلى ما اظن الاستاذ اشرف قال في قوانين المنتدى عد المبالغة في الشكر وتنقد موش كله شكر شكر
fethaghors 09-07-2006, 01:22 AM Originally posted by محمد البري@Jul 9 2006, 01:20 AM
بقول ايه باى انتم بتخرجوا بره الموضوع بتبالغ بأى ليه انا اعرف يوم ما واحد بيكرمك في الرد مرتين دا لو موش لعبة ثانيا يا اخ كريم
انا ممكن كل ما تفتح المنتدى تلاقي المشاركات الجديدة محمد البري وبس او هشام فيثاغورث وبس فأهدا شويا اوكى خلي اسلوبكم راقي
وعلى ما اظن الاستاذ اشرف قال في قوانين المنتدى عد المبالغة في الشكر وتنقد موش كله شكر شكر
154211
والله العظيم أحييك تحيه جامده جدا
لأنك كتبت الكلام الى انا عايز أقوله
karim_elmagraby 09-07-2006, 01:23 AM يا جماعة هو الموضوع انقلب شكر ليه
r.m.h 09-07-2006, 01:25 AM جزاكم اللة خيرأ
رحمة
karim_elmagraby 09-07-2006, 01:26 AM يا فيثاغورس و محمد البرى انتوا فهمتوا شكرى غلط
انا شكرتك مرة واحدة
fethaghors 09-07-2006, 01:27 AM أشكرك يا كريم على هذا السؤال
لكن مش عارف والله شوف انت مين الى بدأ
r.m.h 09-07-2006, 01:29 AM ياريت ماكنش زعلت حد
ممكن اعرف اية موقفكم من تأجيل النتيجة ولا انتوا مش ثانوية عامة
فتاة الاسلام 09-07-2006, 01:29 AM شكرا كريم موضوع هايل انا اول مرة اسمع عنة بس دة يدل على ذكاء المصرى ومهارة الصينى
وبعدين يا جماعة من فضلكم متقلبوش الموضوع هو وضع فى المنتدى علشان الاستفادة
karim_elmagraby 09-07-2006, 01:30 AM يا فيثاغورس انا شكرتك مرة واحدة
لكن مبالغتش فى الشكر
r.m.h 09-07-2006, 01:35 AM جزاكم اللة خيرا فتاة الاسلام
فعلا احنا سبنا الاصل
لو كل مصري عمل كدة
كانت مصر رجعت زي زمان
بس احنا شدتنا حاجات تانية كتير
karim_elmagraby 09-07-2006, 01:35 AM اشكرك يا فتاة الاسلام على هذه الرد
و ياريت نخلاينا فى الموضوع
r.m.h 09-07-2006, 01:37 AM يا جماعة انا اسفة
شكلي انا سبب المشكلة
mR . mOstafa Fathi 09-07-2006, 01:38 AM بقول
مش انتا شكرته مرة
ما خلاص لية نقعد نزيد ونعيد
وشكر ومش شكر
ياريت تكون فهمت قصدى
محمد البري 09-07-2006, 01:38 AM يا عمي زبالة انشالت زبالة انحططت هاقولك كلمة من الاخر هدي شويا انا موش عاوز اعقدك لان محبش ازعل حد من الاسرة الجميلة دي بس انتا بالغت
زملكاوي وبالغت كتير مع اني زملكاوي بس انتا بالغت كتير قوي
كل موضوع بتبالغ فيه قوي انا موش بتريأى لا سامح الله بس انا بقولك اهدى شويا
لو عاوزني اعقدك يا حبي هاعقدك والله وكل يوم هتلاقي 100000000000 موضوع باسمي انا 24 ساعه يعني موش هتفرق معايا
بس انا محترم ناس تانيه كتير فياريت حضرتك تحترمني يعني اوكى
سلام
r.m.h 09-07-2006, 01:39 AM هو فعلا عادواتصحيح العربي
fethaghors 09-07-2006, 01:41 AM Originally posted by r.m.h@Jul 9 2006, 01:39 AM
هو فعلا عادواتصحيح العربي
154259
بس فى ناس بتقول ان ترجمة الانجليزى كانت صعبه
r.m.h 09-07-2006, 01:43 AM لا هي ما كانتش صعبة
انت رائيك اية
محمد البري 09-07-2006, 01:43 AM بيقولك بأى امتحان الاحياء كان طويييييييييييييل
يا جماعة احنا في موضوع موش شات والله
karim_elmagraby 09-07-2006, 01:44 AM انا لم ابالغ يا محمد
و ياريت ميكونش حصل سوء فهم
fethaghors 09-07-2006, 01:44 AM وبعدين الأهلى هيلعب الساعه كام ؟
r.m.h 09-07-2006, 01:45 AM سمعت ان تصحيح الاحياء كان كويس
فتاة الاسلام 09-07-2006, 01:46 AM مستر محمد البرى بليز حضرتك اللى تهدى شوى متخلوش وجة المنتدى مش ظريفة بهذا التعليق
وخلاص موضوع الشكر دة انتهى والمسامح كريم
يالا قفلوا على الموضوع وخليكم فى الموضوع اللى مكتوب
karim_elmagraby 09-07-2006, 01:46 AM يا جماعة يا ريت موضوع الشكر ننتهى منه
r.m.h 09-07-2006, 01:48 AM ياجماعة انا اسفة مرةتانية
ياريت نخلينا في موضوع النتيجة لان تاجيل النتيجة لا يطمئن
فتاة الاسلام 09-07-2006, 01:48 AM اية يا جماعة دة انتو قلبتو الموضوع خالص اية اللى دخل الاهلى هيلعب امتى ولا تصحيح الامتحانات افتكر دى مش طريقة احترام المواضيع استهدوا بالله
fethaghors 09-07-2006, 01:51 AM Originally posted by فتاة الاسلام@Jul 9 2006, 01:46 AM
المسامح كريم
154277
اشمعنى هو مسامح واحنا مش مسامحين
أما موضوع الأهلى والانجليزى والكلام ده فده استعباط محدش ياخد في باله
بس هو مش عبط هو استعباط يعنى ليه مغزى
r.m.h 09-07-2006, 01:51 AM انا با حاول اغير الموضوع
محمد البري 09-07-2006, 01:52 AM فتاة الاسلام والله انا معملتش حاجا ع فكرة انا اصلا موش مقتنع باللي داخل فتحها شات لينا هنا احنا موش بنلعب هنا
fethaghors 09-07-2006, 01:54 AM لو حد معاه نمرة الراجل بتاع الزباله ده يديهانى والنبى
أصل الزبال بقاله فتره مبيجيش
r.m.h 09-07-2006, 01:54 AM انما الاعمال بالنيات
انا اتكلمت في الانجليزي علشان نغير الموضوع وانت اتكلمت في الكرة كذلك اة العبط في كدة
karim_elmagraby 09-07-2006, 01:57 AM يا جماعة الموضوع هو ان حد المصريين قدر ياستفيد من الزبالة بتاعتنا بدل من الشركات الصينية
r.m.h 09-07-2006, 01:57 AM شكرا يا محمد ولكن هو مقلش رأية في الترجمة وبيقول سمعت ان الترجمة صعبة والنتيجة بعد اسبوع
fethaghors 09-07-2006, 02:00 AM Originally posted by karim_elmagraby@Jul 9 2006, 01:57 AM
يا جماعة الموضوع هو ان حد المصريين قدر ياستفيد من الزبالة بتاعتنا بدل من الشركات الصينية(هو ده ملخص الموضوع ولا ايه)
154307
بجد والله
طب دا بقا يستاهل نقله ايه شكرا وجزيلا كمان وممتاز
فتاة الاسلام 09-07-2006, 02:02 AM r.m.h
وتغيرى الموضوع لية مش من حقك انك تغيرة لانة مو موضوعك انتى ولو انتى مسلمة هتعرفى انة مش من العدل انك تدخلى تقلبى الموضوع بالطريقة دى
لان كريم وضع الموضوع للمناقشة والاستفادة وكذلك الكلام لك يا فيثاغورس
اهدوا يا جماعة اهدوا بقى لية بتعملوا كدة انتو بتخلوا المنتدى مش ظريف بالطريقة دى وياريت محدش يخرج عن الموضوع
اعوذب الله من الشيطان الرجيم
fethaghors 09-07-2006, 02:03 AM يبدو وان مفيش حد فهم معنى كلامى والى فهمه فهمه غلط
لكن أنا رايح أنام دلوقتى
karim_elmagraby 09-07-2006, 02:04 AM فعلا هو دا الكلام الى انا عايز اقوله يا فتاة الاسلام
fethaghors 09-07-2006, 02:05 AM بقلوكوا ايه سلام بقى دلوقتى أنا هروح أتفرج على التليفزيون ولا أى حاجه لغاية الصلاه وأتمنى ميكونش فى حد متضايق منى وخلاص
r.m.h 09-07-2006, 02:05 AM يا ريت يا فتاة الاسلام تكون طريقة كلامك احسن وواللة انا كنت بغير موضوع الشكر مش موضوع كريم
karim_elmagraby 09-07-2006, 02:09 AM يا جماعة ياريت مفيش حد يزعل من التانى احنا كلنا اخوات
r.m.h 09-07-2006, 02:10 AM مش معقول انا كان نفسي يكون الحوار بنا احسن لكن فعلا لقد تجلي ربي في السماء ينادي المحتاج ونحن احوج الناس لهذا يريت نقوم نصلي ركعتين قيام احسن وانا اسفة ليكم ومسامحة اختي فتاة الاسلام على سوء ظنها
فتاة الاسلام 09-07-2006, 02:11 AM والله حضرتك بتغيرى موضوع الشكر بموضوع تانى انا اعرف انك تغيرى موضوع الشكر يعنى تتكلمى فى الموضوع نفسة اوك وبعدين احنا مش هنصلح الغلط بغلط
وانا طريقة كلامى تقريبا كانت تناسب طريقة كلامكم واسلوبكم اللى انتو عملتوه فى الموضوع
وعموما اسفة لكى واتمنى ان محدش يعمل كدة تانى يا جماعة احنا هنا كلنا اخوات وياريت تعرفى دة كويس
karim_elmagraby 09-07-2006, 02:12 AM يا جماعة
كريم المغربى و فيثاغورس ومحمد البرى و فتاة الاسلام و r.m.h
احنا كلنا اخوات و ياريت محدش يزعل
r.m.h 09-07-2006, 02:15 AM فتاة الاسلام الحمد للة انا صعب اني اخذ فكرة وحشة عن حد واحب اقول ليكي اني احبك في اللة
فتاة الاسلام 09-07-2006, 02:15 AM فعلا كريم
وبالنسبة للموضوع هل المشروع دة فى اسكندرية فقط ولا مش هيبقى فى القاهرة
لان القاهرة ممكن يكون الاستفادة منها اكتر ولا انتوا اية رايكم
الاندلس 09-07-2006, 02:18 AM قصه جميله يارب تكون واقعيه
r.m.h 09-07-2006, 02:19 AM فتاة الاسلام وفيثاغورس وكريم جزاكم اللة خيرا
عرفين لية ؟
اول مرة افتح حوار مع حد علي المنتدى
اختكم رحمة
karim_elmagraby 09-07-2006, 02:23 AM بسم الله الرحمن الرحيم
المصدر هو جريدة الجمهورية بس هما مش نشرين التفاصيل كلها
وعلى ما اعتقد ان المشروع هيمتد الى كل المحافظات
ان شاء الله
r.m.h 09-07-2006, 02:25 AM رائع جدا لو كل واحد عمل زي المصري دة كنا اصبحنا غير كدة وانا متأكدة ان مصر تطلع احسن من كدة بمراحل
karim_elmagraby 09-07-2006, 02:28 AM ياريت يا رحمة كل واحد يبدع فى عمله عشان نلاقى نماذج زى دى
r.m.h 09-07-2006, 02:35 AM فعلا وربنا يو فقنا كلنا نكون احسن
هسأل سؤال
هو حد فكر قبل كدة في اختراع؟
karim_elmagraby 09-07-2006, 02:36 AM تقصدى اى باختراع
فتاة الاسلام 09-07-2006, 02:37 AM لا كريم فى ناس كتير بتبدع فى عملها لكن انت عارف الاماكانيات مش متوفرة فى معظم المناطق
فتاة الاسلام 09-07-2006, 02:38 AM اه فى اللى فكرة فى اختراع لكن مش انا اخويا
r.m.h 09-07-2006, 02:39 AM الاختراع يعني حاجة جديدة توفر وقت او جهد او حتي تستغل مورد
r.m.h 09-07-2006, 02:41 AM انا شفت مرة في التلفزيون برنامج جايب شباب مصرين مخترعين ومحدش مهتم بيهم
karim_elmagraby 09-07-2006, 02:42 AM انا مقصدش معنى الاختراع انا بقصد انتى بتتكلمى عن انى اختراعات
karim_elmagraby 09-07-2006, 02:46 AM فهمت انتى قصدك لو حد عنده اختراع
انا اخويا بيعمل الدكتوراة فى الصين
وهو دلوقتى
بيعمل اختراع انه يقدر يخلى الطائرة
تطير من غير طيار بس الاختراع دا امريكا قدرت تعمله
r.m.h 09-07-2006, 02:47 AM لا خالص متهيألي فتاة الاسلام فهمتني استأذنكم انا هسبكم علشان صلاة الفجر
ممكن تستغفروا لانفسكم وللمسلمين والسلام عليكم ورحمة اللة وبركاتة
اشفكم في وقت اخر >فتاة الاسلام .,كريم<
karim_elmagraby 09-07-2006, 02:49 AM انا بردو استاذن عشان صلاة الفجر
اينشتاين 09-07-2006, 09:52 AM وعلى ما اعتقد ان المشروع هيمتد الى كل المحافظات
ان شاء الله
ابقى قابلنى
نغم البحر 09-07-2006, 10:08 AM شكرا يا كريم على موضوعك والله هايل بجد
واهو واحد عمل حاجة من الزبالة يللا فى امل فى الباقى .
د/بسمة الاسلام 19-02-2010, 08:27 AM للدرجة دي اعادة تدوير القمامة
ما شاء الله
|