ايه يا جماعة فين تجارة انجلش القاهرة ؟؟؟؟؟ [الأرشيف]

لومة fces

22-01-2009, 04:20 PM

اهلا بيك(ي) يا لومة انا احمد اولى تجارة انجلش القاهرة واحنا مش مستخبيين ولاحاجة بس عشان الامتحانات مبندخلش كتير وفى ناس كتير هنا فى المنتدى تجارة انجلش القاهرة بس الظاهر مشغولين بردة بالامتحانات اهلا بيك(ى) مرة تانية وادعيلنا نعدى الامتحانات دى على خير

اولا انا بنت طبعا
ثانيا اهلااااااااا بيك نورت وانا عارفة والله انكم مشغولين فى الامتحانات
ومستنياكوا بقى لما تخلصوا ولما نشوف
وربنا يوفقكوا كلكم يارب :)

ahmed610

23-01-2009, 01:51 AM

اولا انا بنت طبعا
ثانيا اهلااااااااا بيك نورت وانا عارفة والله انكم مشغولين فى الامتحانات
ومستنياكوا بقى لما تخلصوا ولما نشوف
وربنا يوفقكوا كلكم يارب :)
اولا معلش مخدتش بالى ... . ربنا يسمع منك ونخلص بقى عشان انا خلاص جبت اخرى واخر مادة عندنا هى اغلس مادة (الايكونوميك) :giljotiiniug3:وانا تقريبا مذكرتهاش من بعد الميد تيرم ربنا يستر ..اخبار امتحانتكو ا اية وهتخلصوا امتى :078111rg3:

لومة fces

23-01-2009, 05:10 AM

احنا فاضل لنا مادة برضه الكمبيوتر وهنخلص يوم27 ونخلصصصصصصص بقى :av4056bb7jp3:
ربنا معاكوا وان شاء الله economic هيكون سهل
والله ده كان حلو حتى اسهل من management

cool sara

25-01-2009, 02:05 PM

هاي يا لومة اية اخبارك يا بنتي نص المنتدي تجارة انجلش بس زهقانين من الامتحانات ادعيلنا نخلص وانتي هتزهقي من رودودنا

cool sara

25-01-2009, 02:07 PM

سوري يا احمد مخدتش بالي والله انك هنا اية اخبارتك يا عم عامل اية في جو الامتحانات دة يااااااااااااااااااااااااااااااااااااااااااااااااا ااااااارب تعدي علي خيييييييييييييييييييييييييييييير

ahmed610

26-01-2009, 05:56 PM

مبروووووووووووووووووووووووووووووووووووك لكل طلبة تجارة انجلش الاجازة امتحان الايكونوميك كان حلو بس مش هو دة المهم المهم انى خدت الاجازة واخيرا هعد على الكمبيوتر برحتى:)

ahmed610

26-01-2009, 05:58 PM

مبروووووووووووووووووووووووووووووووووووك لكل طلبة تجارة انجلش الاجازة امتحان الايكونوميك كان حلو بس مش هو دة المهم المهم انى خدت الاجازة واخيرا هعد على الكمبيوتر برحتى:) وبما اننا خدنا الاجازة فياريت كل طلبة تجارة انجلش فى المنتدى يظهروا ناس كتير مبشوفش ردودهم :stickjo4: .... وكل اجازة وانتم طيبين

لومة fces

28-01-2009, 12:35 PM

هاي يا لومة اية اخبارك يا بنتي نص المنتدي تجارة انجلش بس زهقانين من الامتحانات ادعيلنا نخلص وانتي هتزهقي من رودودنا

اخلا بيكى يا ساره
اخيرا ظهرتوا
ادى الامتحانات خلت اهه الحمد لله وخدنا الاجااااااازة :av4056bb7jp3:
هى اينعم صغيرة بس يلا اهو احسن من مفيش
وهتعملوا ايه بقى فى الاجازة

cool sara

29-01-2009, 07:28 PM

اخلا بيكى يا ساره
اخيرا ظهرتوا
ادى الامتحانات خلت اهه الحمد لله وخدنا الاجااااااازة :av4056bb7jp3:
هى اينعم صغيرة بس يلا اهو احسن من مفيش
وهتعملوا ايه بقى فى الاجازة

انا عن نفسي هتبع سياسة احمد ومش هقوم من علي الكمبيوتر ومش هبطل خروج مع صحابي

لومة fces

18-02-2009, 07:37 PM

ahmed610

18-02-2009, 11:17 PM

ازيكم يا جماعة عاملين ايه يارب تكونوا بخير

ياريت كل بتوع تجارة انجلش القاهرة يدخلوا يقولوا عملوا ايه
فى نتيجة الميد تيرم

ويارب تكونوا كلكوا جايبين درجات حلوة
ومبروك مقدما وعقبال الفينال
ازيك انتى يا لومة عاملة اية ..
ولية الاحرج دة بس:) ...
انا نتيجتى كانت متوسطة فى مواد توقعت فيها درجات قليلة بس الحمد للة جبت فيها درجات حلوة ومواد تانية توقعت فيها درجات عالية والنتيجة طلعت قليلة بس بشكل عام انا راضى عن نتيجتى وفى انتظار الفاينال ان شاء اللة يطلع حلو
انتى بقى عملتى اية :049gc0:

لومة fces

20-02-2009, 02:59 AM

مبروك يا احمد وعقبال الفينال وتكون نتيجة حلوة ان شاء الله :av4056bb7jp3::av4056bb7jp3::av4056bb7jp3::av4056b b7jp3:
اما انا بقى لو عرفت اللى حصلى هتضحك عليا :angry2::(
النتيجة نزلت يوم الثلاثاء بعد انا ما مشيت ويوم الاربعاء انا كنت اجازة
ويوم الخميس النهاردة رحت عشان اشوفها لقيتها اتشالت والحمد لله
ولغاية دلوقتى والله ما اعرفها
وربنا يستر بقى

ahmed610

20-02-2009, 03:17 AM

مبروك يا احمد وعقبال الفينال وتكون نتيجة حلوة ان شاء الله :av4056bb7jp3::av4056bb7jp3::av4056bb7jp3::av4056b b7jp3: اللة يبارك فيكى ويارب الفاينل يطلع حلو عندنا كلنا ان شاء اللة....
اما انا بقى لو عرفت اللى حصلى هتضحك عليا :angry2::(
النتيجة نزلت يوم الثلاثاء بعد انا ما مشيت ويوم الاربعاء انا كنت اجازة
ويوم الخميس النهاردة رحت عشان اشوفها لقيتها اتشالت والحمد لله
ولغاية دلوقتى والله ما اعرفها
وربنا يستر بقى

هههههههههههه معلش اصبرى لحد الفاينال خلاص هانت بيقولوه هينزل اخر الاسبوع الى جى... انا شوفت النتيجة اول ما اتعلقت لقيت فجأة زحمة عندنا ولما دخلت عرفت انهم بيعلقو النتيجة وقعدنا نشوف مادة مادة لحد ما جمعنا الخمس مواد انا كنت بقول ينزلوها على النت احسن واسهل :romarioxp6:

لومة fces

20-02-2009, 03:31 AM

وقعدنا نشوف مادة مادة لحد ما جمعنا الخمس مواد انا كنت بقول ينزلوها على النت احسن واسهل :romarioxp6:[/quote]

والله وانا كمان بقول كده برضه بس تقول ايه بقى دماغ
ودول ناس دماغهم مريحاهم :angry2:

gogo hunt

05-03-2009, 08:45 AM

ahmed610

05-03-2009, 09:09 AM

ahmed610

05-03-2009, 01:34 PM

نتيجة عربى بس هى الى نزلت النهاردة مش عارف اشمعنى نتيجتنا منزلتش

gogo hunt

05-03-2009, 10:38 PM

اهلا بيكى يا جوجو نورتى المنتدى .... الترم دة احسن عشان اتعودنا على الكلية بس دكاترة الترم الاول كانو احسن ...انتى فى سنة اولى زيي ولا اية ... انا بردة سمعت ان النتيجة نازلة النهاردة ادينا مستنيين .....

اهلا بيك يا احمد
انا برضه فى سنة اولى زيك
مش عارفة ليه النتيجة بتاعتنا لسه منزلتش:angry2:
بس ربنا يستر اما تنزل

ahmed610

06-03-2009, 04:33 AM

نتيجة اولى تجارة انجلش ظهرت على الينك دة http://results.commerce.cu.edu.eg/ خش واكتب رقم جلوسك
وابقو طمنونى ومبروووك مقدما

gogo hunt

06-03-2009, 06:19 AM

باركولى جبت جيد جدا :022yb4::av4056bb7jp3:
انتوا نظامكوا ايه

لومة fces

06-03-2009, 01:08 PM

انا معاكوا فى تجارة انجلش القاهرة

ومبسوطة انى اخيرا لقيتكوا
مكنتش لاقية ناس تجارة انجلش فى منتديات تانية
بقولوكوا عاملين ايه الترم ده
وايه اخبار الدكاترة معاكوا
سمعت ان نتيجة الفينال نازلة بليل عالنت

هنشوف

اهلا بيكى يا gogo

عملتى ايه فى النتيجة يارب خير

وانت يا احمد عملت ايه

وكل تجارة انجلش ايه الاخبار

بشرونى بشرونى انا لسه نتيجتى ما ظهرتش

لومة fces

06-03-2009, 01:12 PM

لومة fces

06-03-2009, 01:14 PM

باركولى جبت جيد جدا :022yb4::av4056bb7jp3:

انتوا نظامكوا ايه

الف الف مبروووووووووك يا جميل
عقبالى يارب عقبالى

انا لسسسسسسسسسسه

ahmed610

07-03-2009, 03:24 PM

الف الف مبروك يا جوجو وعقبال الامتياز
انا الحمد للة نجحت صافى
شكرا يا لومة على السؤال ورينا معاكى نتيجتك تقريبا بكرة ان شاء اللة تجيبى تقدير عالى ابقى طمنينا

gogo hunt

12-03-2009, 06:30 PM

الف الف مبروك يا جوجو وعقبال الامتياز
انا الحمد للة نجحت صافى
شكرا يا لومة على السؤال ورينا معاكى نتيجتك تقريبا بكرة ان شاء اللة تجيبى تقدير عالى ابقى طمنينا
الف مبروك يا احمد وباذن الله:av4056bb7jp3::av4056bb7jp3:
تجيب امتياز الترم ده

يلا عايزين نشد حيلنا الترم ده اسهل

ya ra7man

25-03-2009, 01:25 AM

ya salaaaaaaaaaaaaaaaam

ed3oly akon m3akm el sana el gaya :(

nefsy a5osha bgd :((

mat2ololna 3amlto eh 3ashan t5oshoha :D

msh 7asd wallahy sorry :$

ahmed610

25-03-2009, 07:53 PM

ya salaaaaaaaaaaaaaaaam

ed3oly akon m3akm el sana el gaya :(

nefsy a5osha bgd :((

mat2ololna 3amlto eh 3ashan t5oshoha :d

msh 7asd wallahy sorry :$
ان شاء اللة تبقى معانا السنة الجاية
ركز انت على الانجليزى وحاول متقلش عن اربعين وكل ما تعلى يكون احسن
وبعدين وقت التقديم هتختار تجارة عربى عادى وبعد ما تتقبل تسحب ملف تجارة انجلش وتصبر لحد مانتيجة التنسيق الداخلى تظهر ... ربنا معاك امتحانتكو قربت

thief

27-03-2009, 05:34 PM

ahmed610

27-03-2009, 08:06 PM

سلام عليكم ياخوانى كنت عايز اسئل حضارتكم لو سمحتولى يعنى
انا كنت عايز اعرف من حضارتكم هيا تجارة انجلش القاهرة او عين شمس نظامها ايه وهيا ياترى بفلوس ولا لا عشان انا مش عارف والفلوس كام لو تعرفو يعنى انا تالته علمى رياضه وكنت عايز كمان اعرف هيا نظام القبول فيها ازاى معلش انا طولت عليكم بس بجد لانى مش عارف ومحتار وقولت مفيش حد غيركم هايفيدنى انا سامو من مصر
اهلا بيك يا سامو... تجارة انجلش يا سيدى سواء القاهرة او عين شمس او حلوان ليها مصاريف ...
عندنا فى القاهرة اربع الاف ونص بتدفع ثلاثة فى الترم الاول والف ونص فى الترم الثانى
نظام القبول بقى بتقدم الاول تجارة عربى فى التنسيق وبعد ما تتقبل بتروح الكلية وتسحب ملف تجارة انجلش ب 150 جنية وبتستنى التنسيق الداخلى الى بيعتمد على المجموع الاعتبارى بتاعك الى هو {مجموع الثانوية العامة +مجموع الانجليزى +لو واخد مستوى رفيع انجليزى بيضاف لو اى مادة تانية بيتجهلوها } لازم تكون جايب اربعين على الاقل فى الانجليزى ..
انا كنت محتار زيك كدة بس نصيحة منى متشغلش نفسك بالكلية دلوقتى وركز فى مذكرتك ......يارب اكون افدتك

thief

28-03-2009, 11:25 AM

طب بقولك معلش اخى انا كنت عايز استفسر عن شىء هو مش ينفع مصاريف تجارة انجلش دى يتعملها شهادة فقر ولا حاجه ولا لازم الفلوس كلها تتدفع ومينقصوش مليم ولا ايه بالظبط

ahmed610

28-03-2009, 05:12 PM

طب بقولك معلش اخى انا كنت عايز استفسر عن شىء هو مش ينفع مصاريف تجارة انجلش دى يتعملها شهادة فقر ولا حاجه ولا لازم الفلوس كلها تتدفع ومينقصوش مليم ولا ايه بالظبط
اة طبعا يا سامو ينفع فى صندوق التكافل الاجتماعى لو عايز معلومات اكتر ممكن تدخل على الموقع دة
http://commerce.cu.edu.eg/
وبعدين تدخل على رعاية الشباب و تختار الخدمات الطلابية ...
لو عايز رأيى احسنلك متفكرش فى الكلية دلوقتى لما تخلص الامتحانات وييجى وقت التنسيق ابقى فكر برحتك بعدين فى كليات كتير حلوة غير تجارة انجليزى زى سياحة وفنادق السن سياسة واقتصاد اعلام وطبعا هندسة ..عموما ربنا يوفقك فى الامتحانات وتدخل الكلية الى انت عايزها

يارا احمد

31-03-2009, 07:04 PM

يا جماعة لو سمحتو انا 3ثانوي و نفسي ادخل تجارة انجلش القاهرة
يا ريت معلومات عنها المجموع الانجليش المصاريف ولكم جزبل الشكر

vampire1188

31-03-2009, 07:30 PM

المجموع

بكل بساطة ووضوح ..

تجارة انجليش عبارة عن مجرد قسم خاص بيتم الدراسة فيه باللغة الانجليزية ..

لكن التقسيم العام للكلية هيا قسمين .. انتظام / انتساب

وتجارة انجليش تندرج تحت انتظام .. وبالتالي عشان تخشيها لازم مجموعك يكون جايب مجموع الانتظام

بمعني اصح اما نتيجة التنسيق تنزل يكون مكتوبلك في استمارة القبول (تجارة القاهرة)

دي اول خطوة ..

تاني خطوة بقي بتسحبي الملف من مدرستك الثانوي وتروحي بيها للكلية وتقدمي في انتظام عادي جدا

بس وانتي بتقدمي تقوليلهم انا عايز اسحب ملف شعبة (شعبة انجليزي يعني)

ودا تمنه 150 جنيه .. فيه شوية ورق بتملي فيه بياناتك

وبتقدميه لشئون الطلبة بتاعة انجليزي اللي في المبني بتاع الشعبة نفسه

تالت خطوة .. بتفضلي مستنية الفرج .. ياتتقبلي يا ماتقبليش ..

ازاي النتيجة بتظهر ؟ .. النتيجة بتظهر على النت من خلال موقع الكلية الرسمي

ازاي بيتم القبول ؟ ..

القبول بيتم كالآتي ..

الكلية بتقول يا جماعة احنا عايزين السنة دي مثلا 1000 واحد .. واحنا السنة دي اتقدملنا حوالي 1500 واحد

اذن الكلية هاتقبل 1000 واحد بس اللي هما اعلي 1000 واحد من الـ 1500 اللي مقدمين ..

يعني فيه 500 واحد مش هايتقبلوا .. ودول مصيرهم انهم يروحوا تجارة عربي انتظام غصب عنهم

عشان كدا تقديمك لإنجليش بيبقي فيه نوع من المخاطرة شوية ..

ياتتقبلي وتخشي يامتتقبليش وتروحي عربي غصب عنك

ازاي بقي هما بيختاروا الـ 1000 بني ادم دول ؟

طبعا بيختاروهم بالأولوية .. يعني اعلي 1000 مجموع متقدمين هايتم قبولهم

كلمة مجموع دي في الكلية عندنا بنسميها مجموع اعتباري ..

يعني ايه مجموع اعتباري ؟

المجموع الاعتباري هوا ..

مجموع الثانوية العامة بتاعك + مجموع مادة الانجليش + المستوى الرفيع لمادة الانجليش (ان وجدت)

معا ملاحظة ان مجموع الانجليش لازم يكون مايقلش عن 40 من 50 .. لو قل عن 40 ملفك هايستبعد على طول

المصاريف

4500 مصاريف + 150 مصاريف الملف اللي بتسحبيه

يارا احمد

02-04-2009, 12:30 PM

شكرا اوي لردك
بس سوال تاني معلش يعني ما ينفعش لو لقدر الله ما تقبلتش في انجليش احول كلية تانية ليه ادخل عربي غصب

يارا احمد

02-04-2009, 12:33 PM

والمجموع الاساسي يبقي كام
وبجد شكرا علي مجهودك

vampire1188

05-04-2009, 09:08 PM

بس سوال تاني معلش يعني ما ينفعش لو لقدر الله ما تقبلتش في انجليش احول كلية تانية ليه ادخل عربي غصب

ينفع اكيد .. بس هاتخشي بقي دايرة التنسيق من تاني والنسبة المخصصة للنقل وحوارات كدا كتيرة رخمة

فايستحسن اما تيجي تقدميلها تشوفي الشروط هل تتطابق معاكي ولا لأ .. وخصوصاً في مجموع الانجليش

والمجموع الاساسي يبقي كام

المجموع الأساسي بتاع الثانوية العامة بتاعك .. بيبقي من 410

يارا احمد

06-04-2009, 12:07 AM

قصدي مجموع تجارة انجليش
معلش زهقتك

vampire1188

06-04-2009, 01:21 AM

قصدي مجموع تجارة انجليش

ماهوا على حسب .. مجموع تجارة انجليش بنسميه المجموع الاعتباري

مافيش حاجة اسمها ان المجموع الاعتباري دا ليه حد ادني او حد اقصي

لا .. انتي بتقدمي وخلاص .. وهما بياخدوا اعلي مجاميع اتقدمت على حسب الاماكن المتاحة والمطلوبة

عشان كدا بقولك فيه نوع من المخاطرة .. لإنك بتقدمي وانتي ونصيبك

حاجة زي التنسيق كدا .. بتكتبي رغبتك وانتي ونصيبك برده ..

بس هارجع تاني واقول ان المجموع الاعتباري كالآتي :

مجموع الثانوي + مجموع مادة الانجليش (بشرط مايقلش عن 40 من 50) + المستوى الرفيع انجليش ان وجد (طبعا بيتحسب الدرجات اللي فوق الخمسة)

بس اعتقد انك لو حسبتيها هاتتلاقي ان مجموع ثانوي 410 ..

ومجموع انجليش 50 .. والمستوى الرفيع انجليش 5

يبقي الحد الأعلى للمجموع الاعتباري هاتتلاقيه 410 + 50 + 5 = 465

شبراوى 2008

17-04-2009, 10:26 PM

ممكن ياجماعه حد يقولى دى تجارة خاص ولا مش خاص وليه المبلغ دة فرضو على الطلاب

vampire1188

18-04-2009, 01:01 AM

ممكن ياجماعه حد يقولى دى تجارة خاص ولا مش خاص وليه المبلغ دة فرضو على الطلاب

لا مش خاص .. دا حكومة ..

وبالنسبة لحكاية ليه المبلغ دا اتفرض على الطلاب .. فدا الله اعلم

روح اسأل ادارة الكلية وهيا تقولك .. لكن هيا طول عمرها من اول ماتنشأت وهيا مصاريفها مميزة وعالية

يمكن عشان الكتب انضف .. والعدد اقل

بس انا رأيي انمافيش فرق اصلا مابين عربي وانجليش

كله سواء .. انتا اما بتيجي تشتغل بعد مابتتخرج مابيقوللكش انتا عربي ولا انجليش

لا بيقولولك انتا تقديرك ايه .. وبتعرف تعمل ايه في الشغل

ahmed610

18-04-2009, 04:12 PM

ممكن ياجماعه حد يقولى دى تجارة خاص ولا مش خاص وليه المبلغ دة فرضو على الطلاب
لا اكيد حكومى مش خاص انا بردة اتفجأت لما عرفت ان ليها مصاريف وكتير كمان بس لما دخلت عرفت ان المصاريف دى اقل من التكلفة الحقيقة كفاية انك تعرف ان سعر كتاب واحد من الى انت بتدرسة بتوصل 900 جنية مصرى شوف بقى انت بتستلم حوالى تسع او عشر كتب فى السنة الواحدة دة غير عدد الطلبة القليل وتكاليف المبنى وصيانتة ومرتبات الدكاترة يعنى بصراحة اى تعليم حكومى بيبقى اقل من تكلفتة بكتير

ahmed610

18-04-2009, 04:28 PM

.. انتا اما بتيجي تشتغل بعد مابتتخرج مابيقوللكش انتا عربي ولا انجليش

لا بيقولولك انتا تقديرك ايه .. وبتعرف تعمل ايه في الشغل
مع احترامى ليك يا فامبير انا بختلف معاك........... اكيد التقدير والخبرة مهمين فى الشغل بس كمان الشهادة مهمة يعنى فية فرق بين واحد واخد شهادتة من معهد تجارى وواحد وخدها من كلية خاصة وواحد من كلية حكومية وواحد من الجامعة الامريكية كل واحد من دول ممكن يكون معاة بكالريوس تجارة بس كل شهادة وليها تقلها ..عموما الدكاترة اليومين دول بيبشرونا وبيقولولنا ان دلوقتى مفيش شغل خالص وان الشركات بتستغنى عن الموظفين الى فيها وان الازمة العالمية شكلها هيطول ....و.... كفاية كدة.... ربنا يستر علينا جميعا

vampire1188

18-04-2009, 05:35 PM

مع احترامى ليك يا فامبير انا بختلف معاك........... اكيد التقدير والخبرة مهمين فى الشغل بس كمان الشهادة مهمة يعنى فية فرق بين واحد واخد شهادتة من معهد تجارى وواحد وخدها من كلية خاصة وواحد من كلية حكومية وواحد من الجامعة الامريكية كل واحد من دول ممكن يكون معاة بكالريوس تجارة بس كل شهادة وليها تقلها ..عموما الدكاترة اليومين دول بيبشرونا وبيقولولنا ان دلوقتى مفيش شغل خالص وان الشركات بتستغنى عن الموظفين الى فيها وان الازمة العالمية شكلها هيطول ....و.... كفاية كدة.... ربنا يستر علينا جميعا

كلام سليم وميه ميه

انا اقولك انا قصدي ايه ياسيدي

قصدي ان فيه ناس كتيرة تتلاقيها في تجارة انجليش ومستواها نفسه في الانجليش ضعيف

دا غير ان بتوع انجليش مافهموش المحاسبة بالعربي .. فهاتواجهم مشاكل

اما بتاع تجارة عربي .. درس جميع المواد بالعربي .. زائد كمان ان فيه ناس منهم مستواها ماشاء الله في الانجليش

وفيه ناس كمان في عربي بتنمي نفسها وبتقرا في مراجع في المحاسبة بالانجليش عشان تفهم المحاسبة بالانجليش

عشان تبقي متساوية ببتاع انجليش ..

فايبقي اللي اقدر اقوله خريج تجارة انجليش مش معيار انه حد فاهم ودارس وواعي

مش عشان انتوا بتدفعوا 5000 جنيه في السنة يبقي انتوا ناس عباقرة

لا عادي ..

وعشان تبقي عارف .. الشغل اما بتروح تقدم السي في بتاعك في بنك او شركة كبيرة

بيعملولك اختبار في الانجليش .. والانترفيو بيبقي كله انجليش

ودا بيبقي موحد .. لخريج عربي وانجليش .. عشان كدا كله بيبقي متساوي

كل اللي يهم البنك او الشركة .. انتا بتعرف تشتغل في ايه وهاتدينا ايه من شغلك دا