حتى الواسطة فى غياب الطلبة من المدارس
انا ابنى فى الصف الثالث الثانوى يمدرسة فى الاسكندرية وطبعا بعد كارثة الثانوية العامة العام الماضى وخلو المدرسة من ممارسة العملية التعليمية تماما اصبحت اغيبة من المدرسة كثير علشان نحاول نلحق انقاذ مايمكن انقاذة وطبعا فى مثلنا كثير وزمايلة بيغيبوا زية وفى الى مابيدخلش المدرسة اصلا
فوجئت اليوم بجواب فصل من المدرسة بالرغم انى سبق وذهبت لمسؤلة الغياب وقالت ان الانذارات شىء لازم وهم بيساوى نسبة الغياب زى كل المدارس مابتعمل
ومش عارفة اعمل اية وهل فية اعادة قيد ولا لازم ارفع قضية
باربت الى عندة فكرة من الزملاء يفيدنى ولة جزيل الشكر
زميلة لكم وولية امر حائرة

هوه ابن حضرتك عمل اعاده قيد من قبل

لو معملش السنه دى ولا مره اعاده قيد يبقى ممكن يعمل عادى جدا لكن لو عمل السنه دى واحده او عمل السنه الى فاتت اتنين يبقى مش هينفع

لم يعمل اعادة قيد ولا مرة طوال سنوات التعليم
ولكن علمت من مدرس فى المدرسة ان المدير لايعيد قيد اى طالب
فهل يحق لة ذلك ام لا واذا اصر ماذا افعل

طبعا يحق له اعادة القيد و بعد كدة لو منفعش مش حيكون قدامك الا انه يتحول منازل لكن للاسف طلاب المنازل بيتظلموا جامد في التصحيح فحاولي بقدر الامكان انه يعمل اعادة قيد

ده اكبر كوسة بتبقى ف الحضور الغياب انا واحد صاحبي غاب 45 يوم وخلى مدرس يمسحلو الغياب
وواحد تاني جاب شهادة مرضية مزورة
الكوسة في كل حاجه

:d:dوالله ما روحت المدرسة غير يوم واحد :romarioxp6:

اكيد له الحق فى اعادة القيد

اناذهبت بالفعل للمدرسة والمدير قالى اعادة القيد ممكن لكن لن يدخل الامتحان هذا العام ويبقى للعام القادم طبقا للقانون
والافضل عمل قضية او يمتحن منازل وفى هذة الحالة يحرم من الكليات العسكرية والمدينة الجامعية
ولكن سوف يمتحن بنفس رقم جلوسة وفى نفس لجنتة
ارجو من يعتم اسم وعنوان محامى يقوم بهذة القضايا يبعث لى عنوان المحامى واتعابة كام
وشكرا لكم

اناذهبت بالفعل للمدرسة والمدير قالى اعادة القيد ممكن لكن لن يدخل الامتحان هذا العام ويبقى للعام القادم طبقا للقانون
والافضل عمل قضية او يمتحن منازل وفى هذة الحالة يحرم من الكليات العسكرية والمدينة الجامعية
ولكن سوف يمتحن بنفس رقم جلوسة وفى نفس لجنتة
ارجو من يعتم اسم وعنوان محامى يقوم بهذة القضايا يبعث لى عنوان المحامى واتعابة كام
وشكرا لكم
اولا المدير دا ملوش حق انه يمنع ابن حضرتك انه يعمل اعادة قيد
ثانيا اعادة القيد دي ب10 جنية
مش محتاجة محامي ولا حاجة
وان شاء الله هيدخل الامتحان
بس بدل هو معملش اعادة القيد ولا مرة ازاي حضرتك مش هتعرفي تعملي له اعادة قيد؟؟؟؟
دا ع حد علمي
اهم حاجة مش تقول لي ابن حضرتك انه مش هينفع يتعمل له اعادة قيد لانه كدا ممكن مش يذاكر العملية بتاعة الثانوية العامة مش مستحملة
وربنا يوفقه:)
وان شاء الله هسأل المستر بتاعي وتأكد لحضرتك:):)

انا جالي جواب فصل و عادي ماتحولتش منازل ولا حاجه
لاني روحت اهتم استماره من المدرسه
و بعدين المدرسه بتاعة شئون الطلبه ختمتها عادي ولما سألتها هو انا اتفصلت ولا لأ (اتججت لها باني كنت عيانه و غبت فتره و انا فعلا كنت عيانه و هعمل عمليه) المهم راحت سالت مسئولة الغياب و قالت لها اني مش اتفصلت و عادي
مع ان جواب الفصل كان جالي و ختمتها عادي
فجواب الفصل ده مالوش قيمه من اساسه
ده مجرد تهويش عشان الطالب ييجي

عادى جدا...................... كلنا مثل ابنك

أنا مرحتش المدرسة غير يوم واحد كان في 10 ي الفصل 9 زوغوا وأنا قعت لوحدي
ثانيا أنا السنة اللي فاتت مرحتش غير أسبوعين تقريبا وجينا ي شهر أتنين عمالنا إعادة قيد ب15 جنيه وشوية أظرف وطوابع وبيروح لشؤن الطلبة ويقوله إعادة قيد وأصلا هيلاقي المدرسة كلها بتعمل إعادة قيد وبعدين المدير ميقدرش يفصل المدرسة كلها ولا حتي نصها لان بجد مفيش حد خالص بيروح بس أهم حاجة لو هو مغير مادة يروح يعمل إستمارة جديدة قبل 29 يناير
ولو مغيرش مادةإستمارته موجودة إستحالة يفصل
وربنا يوفقنا كلنا

اصحابى فى المدرسه فى 2و3 ثانوى ما بيحضروش خالص والموضوع ده عادى

على فكرة الموضوع يختلف في المدارس الخاصة او الحكومي

في الخاصة بيتسامحوا طبعاً والطلبة بتعمل اللى هي عاوزاه
لكن في الحكومة كل مدرسة حسب نظام مديرها

بس اعادة القيد ده حق للطالب ومجربتهاش من قبل